تحميل رواية «انا وحماتي» PDF

خرجت إسراء من المطبخ و هي بتقول:إسلام.

اسلام = نعم

اسراء بعصبية. : أمك

نفخ بضيق و قال: مالها.

ردت بحزن: كانت هنا النهاردة.

رد بهدوء=خير في حاجة

إسراء بعصبية: كالعاده جاية وأنت في الشغل علشان تذلني براحتها.

قال بصوت عالي: نفس الكلام التافه ده كل مرة.

قعدت قدمه و قالت بحزن : مش تافه يا إسلام أمك مش بتحبني و ديما بتحب تطلعني غلطانة ومش بعرف أعمل حاجة.

أسلام= الكلام ده فى دماغك أنتِ بس يا إسراء ،بطلي تسمعي كلام شيطانك.

قالت بصوت عالى: لا يا إسلام دي حقيقة وأنت متاكد منها بس تنكر علشان خاطر هي أمك.

و كملت بدموع: أمك لما جت من يومين ، علقت على كل حاجة في البيت، طريقة ترتيب البيت طريقة طبخي ،حتي طريقة لبسي وكمان دخلت اوضه نومي و تفتش في حاجتي ، ده ينفع بذمتك.

اسلام بهدوء = عادي هي أمي وزي أمك والبيت بيتها و تعمل اللي هي عايزها.

اسراء بهدوء: أنا مقولتش حاجه تنور الدنيا كله مش البيت بس و اشيلها على راسي من فوق بس طريقتها تزعلني.

إسلام ببرود: تشيلها على راسك ، أمي بتجي كل فين وفين ،وكل مره تشتكي منها أنتِ نفسك أنها تبطل تزور بيت أبنها خالص علشان الهانم ترتاح.

إسراء بحزن : بلاش تفهمني غلط و أنت عارف أن أمك كانت مش عايزه الجوزة دي، كان نفسها تتجوز بنت خالتك علشان كده هي بتكرهني وأنت عارف كده كويس.

إسلام بعصبية: أنا مش فاضي لشغل الحريم ده مراتك عملت أمك عملت.

إسراء بصدمة: يعني هي كمان تشتكي مني.

إسلام بصوت عالى: أنتِ كمان تشتكي منها.

إسراء بعصبية: بس أنا بقول الحقيقة

صرخ بغضب شديد: قصدك أن أمي تكذب ، يا بنت الاصول يا متربية، أمي مش كاذبة،أنتِ اللي كاذبة و بتكرهي أمي.

إسراء : مش قصدي كده يا إسلام.

سأل بصوت عالى: اومال قصدك ايه يا إسراء أنتِ اليوم اللي أمي تجي فيا يكون تقيل على قلبك ،كل مرة نكد و شكاوي،مرة واحدة اضحكي عليا أنك مبسوطة بزيارة أمي، إنما كل مرة تعملي حوار علشان تخليها تبطل تجي بيت ابنها تاني.

إسراء بحزن : أنا بحب أمك زي أمي، بس هي مش بتحبني وطول الوقت تنقض تصرفاتي

اسلام بغضب شديد= اكيد في سبب يعني مش بتعمل كده وخلاص،،،،يعني لو أمك كنتي عملتي كده ،أكيد لا، أصلها أمك .

إسراء بدموع: حرام عليك يا إسلام، أنت ظالم ، و عمري ما اسامحك.

اتعصب اوي و خبط على ترابيزة السفرة بقوة، انتفضت من الخوف

و قال بصوت عالي: ظالم أنا ظالم ولا أنتِ اللي ظالمة أمي ،،،اومال لو عايشين معها ، زي ما كانت عايزه كنتي عملتي ايه،،،بس أنا سمعت كلامك لما قولتي نعيش لوحدنا و حريتي الشخصية، و سببت أمي تعيش لوحدها.

إسراء بهدوء: أظن من حقي يكون عندي خصوصية فى حياتي واعيش أنا وأنت براحتنا.

إسلام بعصبية: وأنا قولت ماشي، بس مش اليوم اللي تجي تزورنا فيا تكوني مش طايقة وجودها كده يا بنت الاصول .

إسراء بدموع: والله العظيم ، أنا بحب أمك زي أمي ،بس هي مش بتحبني، و تعمل كل حاجة علشان تبيان ليك أنها كويسة معي و اني انا مرات الابن المفتري.

إسلام بغضب شديد: أنا ظالم وأمي ظالمة، حقك علينا يا اسراء، علشان ترتاحي اقول لامي بلاش تجي بيت ابنك تاني، علشان مراتي بتكرهك.

قالت بدموع: لا أنا اللي ظالمة و أنا اسفه ليك و ل أمك عايز حاجه تاني يا إسلام

ودخلت الاوضة و قفلت على نفسها و انفجرت من العياط..

وهو خرج من الشقة رغم أن الوقت كان متاخر جدا وبعد نص الليل.

بعد وقت ،قلقت لما مرجعش البيت.

تبص على الساعة بخوف بقلق و بتقول: الساعة تلاته الفجر رح فين ده

دخل إسلام في الوقت ده، رغم زعلها منها ،جريت عليه و حضنته, و قالت بدموع: كنت فين كل ده قلقت عليك اوي

رد بحزن: أنا فارق معاكي في حاجه

بعدت عنه و قالت بدموع: كفايه بقا يا إسلام حرام عليك أنا بحبك.

اسلام = بتحبني طيب و أمي

إسراء : بحبها بس هي.

قاطع الكلام و قال بغضب: هي شريرة و أنتِ ملاك.

و دخل الاوضة بعصبية.

//////

اليوم التالي

في بيت أم إسلام بتكلم أختها في التلفيون

أم اسلام: و المحروسة إسراء تشتكي ل اسلام مني.

ردت اختها بغيظ: تستاهلي يا عايدة، مش انتي سبتي بناتي و جوزتي أبنك من برة.

عايدة : كان نفسي يا هناء بس إسلام قال هما زي أخواتي.

كتمت هناء غيظها و قالت: اللي حصل حصل و الحمد لله بناتي الاتنين اتجوزوا بعد شهر من جواز ابنك في ليلة واحدة ،و ما شاء الله كل واحدة فيهم حامل ،مش مرات أبنك.

عايدة: كل ما أتكلم يا اختي و قوله طلقها ،يقولي يا ماما احنا بقالنا سنة بس متجوزين.

هناء: المهم يا عايدة امشي وراء كلامي تكسبي، الواحدة من دول تجوز الواحد و عايزة تاخده من أهله و يبقي ليها بس، تعالي شوفي أنا عاملة ايه في مرات هشام، ماشية على العجين ما تغلبطش.

عايدة : مش اوي كده يا هناء، خفي شوية على البت، نورا غلبانة.

هناء: اللي زي تستاهل كل اللي يحصل فيها.

كانت واقفة نوار تسمع كلام حماتها و دموعها نازلة بحزن، قفلت هناء و تكلمت بصوت عالي:

_ أنتي بتصنتي عليا يا بت.

نورا: لا يا ماما أنا جاية اسالك أعمل أكل ايه النهاردة.

هناء: خلصتي شغل البيت كله.

نورا : أيوة

هناء: اطلعي فوق السطح امسكي بطة كبيرة و كمان فرختين و انزلي اعملهم علشان بناتي و رجالتهم يتغدوا عندنا النهاردة.

نورا: هما يجوا يساعدوني في الاكل .

قامت وقفت و قالت بعصبية : ليه يا أختي مشلولة، بناتي يجوا هنا يرتاحوا، هما مش شغالين عندك ،خلصي الاكل بسرعة.

مشيت نورا بحزن و كلمت نفسها:

أنا اللي مشلولة و لا أنتي و بناتك، اللي الاكل و الشرب يجوا لحد عندكم ،و انتوا قاعدين مكانكم و أنا اخدم عليكم، منكم لله انتوا و اللي أسمه جوزي، عملت ايه علشان يحصل فيا كده.

//////////

خلصت نورا كل حاجة ،و اتجمع الكل على الاكل

حماها و حماتها و هشام جوزها و اخواته البنات و رجالتهم، و هي ممنوع تقعد الا بعد ما يخلصوا أكل

/////////////////

في بيت إسلام

عدي أسبوع و إسلام مش بيكلم إسراء خالص

و جاه يوم زياره أم إسلام

إسلام في الشغل

أم إسلام تتفرج على التلفزيون، زعقت بصوت عالي:

_ اسراء

خرجت إسراء من المطبخ:نعم يا ماما.

: هي ريحة البيت وحشة كده ليه؟

اتكلمت بهدوء: مفيش حاجه يا ماما.

زعقت بصوت عالي: يعني أنا بكدب يا بنت الاصول.

تنفست بضيق وقالت : لا طبعا أنا اللي معنديش حاسة الشم.

و دخلت جوة جابت معطر و رشت في الشقة، في نفس وقت رجوع أسلام.

عايدة تكح جامد و قالت : خالص يا إسراء حقك عليا مش ازور ابني تاني، بس كفاية الريحة دي تموتني.

وقفت إسراء بذهول و قبل ما تسال، لقت إسلام بيقول بهدوء:

_ إسراء غيري هدومك علشان نروح زيارة لبيت أهلك و نشوف اللي بيحصل ده صح و لا غلط.

إسراء بدموع: تطردني من بيت بالذوق، شكرا اوي، أنا هامشي و ياريت نتطلق علشان ترتاح مني أنت و امك.

عايدة بدموع مزيفة: ياريتني ما جيت ، ليه كده يا ابني تطردك مراتك من بيتها، مش هي اللي هتمشي أنا اللي ما امشي من هنا.

أسلام: ايه الكلام دي يا أمي.

عايدة: بنتي و تتدلع عليا، مالك بينا يا أسلام، أسمع يا أبني مراتك لو مشيت ،بيتك ده يحرم عليا.

بص على إسراء بعتاب و بيقول لنفسه:

_ دي أمي اللي تكرهك يا أسراء، اللي حرمت بيتي لو أنتي مشيتي ، اخس عليكي .

إسراء بحزن: لا معلش يا ماما خليني أمشي و تعيشي أنتي و إبنك مبسوطين.

قربت بخبث حضتنها وعيطت و هي تقول: مستغنش عنك يا بنتي ، أنتي نور عيني.

و بعدت عنها و قالت: اعتذر لمراتك يا اسلام

اسلام: أنا آسف يا أسراء.

و بأس أيد امه و قال: ربنا يبارك في عمرك يا ماما.

////////////////////////

في بيت هناء(خالت أسلام)

هشام : أخرجي برة

نورا = أخرج فين دلوقتي الساعة ١٢ بليل الناس تقول ايه.

زعق بصوت عالى: اومال عايزة تقعدي معنا و تسمعي كلامنا و تقولي لامك على الي يحصل هنا.

ردت نورا بحزن : ليه كده يا هشام ،أنا عمري ما خرجت كلمة من البيت لاي حد .

هناء بصوت عالي : يارب نخلص يا هشام.

نورا بحزن = خالص اطلع شقتي و اتكلموا براحتكم.

ردت أخت هشام الكبيرة عزة: اه عايزة تطلعي شقتك و تقفي على السلم تسمعي كلامنا

بصت نورا لهشام بحزن و قالت: يعني أنا بقيت أخرج اسرار البيت و كمان بصنت عليكم.

نفخت حماتها و اخواته الاتنين بضيق ،و علشان يرضيهم قام وقف و رفع ايدي و ضربها بالقلم.

حطيت ايدها على وشها و قالت بدموع: ليه كده حرام عليك ،كفاية بقا ضرب فيا أنا تعبت و محتملة علشان العيال.

هشام بعصبية: أخرجي برة من غير كلام كتير

خرجت بقلة حيلة

وقفت بعيد عن البيت،جه راجل كبير من الجيران و قال: وافقة كده ليه يا نوار.

حاولت تمنع دموعها و قالت::مفيش بشم هواء أصلا الجو حر.

قال: طيب عايزة حاجة

نورا: شكرا.

كانت واقفة تسمح دموعها و حاسة أن الكل يبص عليها .

عدي ساعة و اتنين لحد ما جوز عزة جه.

: ازيك يا أم محمد

=الله يسلمك يا أبو زياد.

:وافقة ليه كده

= مفيش بشم هواء

دخل لجوة و شوية و خرجت عزة مع جوزها.

مشيت من غير كلام

و هي لسه وافقة لحد ما جه جوز مها، و نفس الأسئلة و دخل و شوية و خرج مع مراته.

طالما كده يبقي يرن عليها و تتدخل ،علشان الاجتماع بينه و بين أمه و اخواته خلص.

دخلت و طلعت شقتها ، نامت في اوضة الاطفال مع أولادها محمد و أحمد.

و هو مش مهتم يسأل عليها.

//////////

بتعدي الأيام و ده نفس الحال ،لما يجوا اخواته زيارة تخرج برة البيت علشان متسمعش كلامهم.

هو الابن الوحيد كل هدف أمه و اخواته متكنش هي المسيطرة عليه فهما يسيطروا عليه.

عزة: بقولك يا أمي أنا مش طايقة مرات هشام خالص.

مها: و مين سمعك أنا كمان كده.

عايدة: احنا لازم نتطلقها و نجوزه أحسن منها

الاتنين بفرحة: ياريت

الام بشر: بس تخرج بالجلابية اللي عليها، احنا لا عايزين ندفع نفقة أو موخر.

قالت مها بغل و حقد: مش بس كده لازم تخرج بفضيحة ، عاملة فيها ست الشيخة و كل شوية حرام و عيب.

فكروا ما بعض لحد ما وصلوا لفكرة شيطانية

طلعت الأم وبناتها وخبطوا على شقة نوار.

قالت بخوف: أستر يارب ، مين

ردت حماتها:أنا.

كانت بقميص النوم حطيت اسدال عليها و فتحت.

نورا بخوف =خير يا ماما.

من غير كلام مسكتها عزة من شعرها و شدتها على السلم و هي تصرخ: بقا أنتِ بتكلمي راجل غريب من وراء اخويا، اه يا واطية،احنا رضينا بيكي انتي و اهلك العدومين و تجي تعملي كده.

صرخت و هي بتقول: ايه الكلام ده حرام عليكي، سيبي شعري.

خرجوا الولاد على الصوت، زهقت مها: ادخلوا جوة محدش ينزل تحت.

دخلوا العيال و قفلت الباب عليهم ، و نزلت وراء عزة و امها اللي خرجوا نوار في الشارع و نزلوا عليها ضرب بالشبشب، و هما يقولوا انها تكلم شباب على الواتس من وراء جوزها .

جه هشام و أبوه من برة شافوا كده

ابو هشام: في ايه

أم هشام: المحروسة بتكلم رجالة على الزفت الواتس، من وراء المسكين الشقيان جوزها

من غير ما يفكر هشام بقا يضرب مع اخواته فيها بكل على وحقد و فجأة

اتلم هشام و اخواته و أمه على نوار مراته و ضربوها في الشارع قدم الناس.

ابو هشام: في ايه

أم هشام: المحروسة بتكلم رجالة على الزفت الواتس، من وراء المسكين الشقيان جوزها

الجيران اتلموا و بصعوبة بعدهم عنها، خدتها واحدة من الجيران و هي بتقول:

_حسبي الله ونعم الوكيل فيكي يا هناء ، عندك بدل البنت اتنين يارب يترد فيهم، ينتقم منكم ربنا.

كل الجيران بصوا ليهم بقرف لأنهم ناس مفترية و الفلوس مجمدة قلبهم.

دخلوا البيت

ابو هشام: ايه اللي حصل

مها : زي ما قولنا يا بابا المحروسة تكلم رجالة على الواتس

عزة: كان لازم نفضحها

هشام بغضب: أنا لازم اقتلها و ارتاح.

أم هشام: و تضيع نفسك أنت الحيلة.

ابو هشام: طلقها و نخلص.

كلمت نوار أخوها من تليفون الجيران، و خدها و مشيوا

///////////

في شقة أم اسلام

عايدة: ليه كده بس يا هناء

هناء: أنا عيني على عروسة حلوة لهشام.

عايدة بحزن: بس اللي عملتي انتي و البنات ،افتراء و ظلم و قذف محصنات.

قالت جبروت : و احنا عملنا حاجة دي الحقيقة.

عايدة : لا مش مصدقة كده في نورا.

هناء: أنتي معي و لا معها.

عايدة : مع الحق و انتي وسعت منك انتي و بناتك اوي.

هناء : اصل أنا مش هبلة زيك، هشام الحيلة لازم مراته تكون تحت طوعي، لتشدوا بعيد عني و أنا معنديش اللي هو.

كانت هناء قصادة تضغط على عايدة أن ملهاش غير اسلام بعد ما جوزها مات و معندهش ولاد غيره.

عايدة بحزن: انتي بتقولي كده و ما شاء الله ربنا كرمك بنتين أيديهم بيدك، اومال أنا أعمل ايه

هناء : روحي اقعدي في بيتك ابنك، تقعدي لوحدك ليه و إبنك موجود

عايدة: عندك حق أنا زهقت من الوحدة.

قفلت عايدة و رنت على إسلام

اسلام : السلام عليكم عاملة ايه يا ماما.

ردت بحزن: الحمد لله بخير يا حبيبي.

اسلام بخوف : مالك صوتك يا امي

عيطت دموع مزيفة و قالت : مفيش حاجة يا ابني.

اسلام : لو سمحتي يا ماما اعصابي باظت مالك يا حبيبتي.

عيطت و هي تقول: زهقت يا اسلام، زهقت من العيشية لوحدي، أنا معنديش غيرك، و فضلت سعادتك على سعادتي لما قولت أعيش لوحدي، و قولت ربنا يسعدك أنت و مراتك، بس خايفة يا أبني اموت و أنا لوحدي.

إسلام بصوت عالي: بعد الشر عليكي يا أمي ، حضري نفسك أنا جاي حالا أخدك تعيشي معي.

قفلت معه و بلغت هناء اللي بتفرح بخراب البيوت.

/////////////////

في شقة أسلام

أسلام : اسراء، يا اسراء

خرجت من المطبخ و قالت : نعم يا حبيبي

اسلام بأمر : حضري اوضة الاطفال

إسراء باستغراب : ليه

إسلام: أنا قررت أن أمي تعيش معانا على طول.

إسراء بصدمة: نعم ،ليه

إسلام بغضب: هو ايه اللي ليه؟ أنا ابنها الوحيد ملهاش حد غيري مين ياخد باله منها غيري ، هو المفروض ده كان حصل من زمان مش النهاردة، بس أنا كنت غبي.

زعقت و قالت: أنت ليه طريقتك بقت عاملة كده, زي ما أكون أنا الشريرة في القصة، أنت من أمت قاسي كده يا اسلام.

اسلام : من وقت ما بقيتي قاسية على أمي.

اسراء بدموع: أنا يا اسلام.

خرج من البيت و هو يقول: جهزي كل حاجة و اعملي غداء كويس.

قعدت بحزن وقالت: أنا مش بكرهك أمك هي اللي تكرهني ، ليه بتعمل فيا كده يا اسلام

و زيها زي بنات كتير تكتم في قلبها و متعرفش أهلها حاجة، رنت على صاحبتها اللي تففض معها

أسراء بدموع: شوفتي يا رانيا إسلام ناوي يعمل ايه

رانيا : هيعمل ايه أبن امه.

إسراء : بلاش تقولي عليه كده

رانيا: هو كده فعلا ،بس أنتي هبلة و عبيطة.

إسراء بعصبية: أنا غلطانة انتي كلمتك

وقفلت السكة بحزن قبل ما تحكي لها حاجه...

///////////////

في شقة أسلام

: يا ابني مراتك ممكن تزعل

= يا ماما إسراء طيبة و بتحبك

: أنا عارفة بس ليها حق تبقي عايزة تعيش براحتها

أسلام بهدوء:بلاش توجعي قلبي و يلا على بيتك و أنا اسراء ضيوف عندك يا ست الكل.

و مشيت عايدة مع إسلام و هي مخططة تنكد على إسراء حسب تعليمات هناء اختها..

///////////////////

بعد أسبوع إسراء عايشة في عذب بسبب حماتها

و نوار عايشة عذب اكبر بسبب الفضيحة و كمان بعيدة عن ولادها

///////////////

في بيت ابو نورا

قعدت أسبوع في السرير مش قادرة تتحرك و تعيط على ولادها و نفسها.

دخل أبوها بحزن ،قعد قدمها و قال بضعف وانكسار:

حقك عليا يا بنتي، حقك عليا.

نورا =ليه يا بابا.

أبو نوار: قابلت أبو هشام و طلبت منه الطلاق، و قال العيال يبقوا معنا، لما قولت لا، قالي يبقي ليهم عندنا ٢٠٠٠جينة في الشهر .

نورا = ٢٠٠٠ ج يقضوا أكل و شرب و هدوم و مدارس و دروس

ابو نوار: لما قولت كده،قالي براحتك نمشي في مول القضايا و أنا معي فلوس ملهاش عدد،و سد قصادي ،

و أنتي عارفة الحالة يا نورا منقدرش على فلوس المحاكم و مقدرش أصرف على العيال ، مفيش غير مرتبي و مصاريف أخواتك كتير.

نورا بحزن = لا حول ولا قوه الا بالله ، خالص يا بابا خلي العيال معهم، و ربنا يصبر قلبي على بعدهم عني.

عيط الاب بضعف و قال : حقك عليا،علشان أنا فقير و ضعيف

نورا =بلاش كلامك ده، مش كل حاجة بالفلوس ، ربنا يبارك في عمرك و يحفظك.

تم الطلاق و تتحدد يوم كل شهر تشوف ولادها و علشان مفيش فلوس يرفعوا قضية رؤية وافقوا غصب عنهم.

////////////

في شقة إسلام

عايدة بصوت عالي: مش هطفر النهاردة و لا ايه يا محروسة.

خرجت إسراء بحزن و حطت الصينية و قالت:.

_ لو مش خايفة على صحتي ،خافي على فلوس أبنك اللي يطلع عينه علشان يجيب القرش

عوجت بوقها و قالت: و أنا كنت عملت ايه.

حطت الصينية و قالت: أبدا للمرة الثالثة أعمل فطار و بعدين تقولي مش عايزة ده اعملي غيره، أنتي عايزة مني،، لو ضرتك مش هتعملي كده.

عايدة بعصبية: بطل رغي و غوري اعملي كوبية شاي و تكون مظبوطة.

اسراء: استغفر الله العظيم يارب

دخلت المطبخ و تكلم نفسها:أنا ليه ليه قاعدة هنا المفروض كنت اروح بيت بابا و يقعد بقي هو أمه، قلبي السبب أنه يحبك يا إسلام.

عايدة بصوت عالي من برة: الشاي يا سوسو.

اسراء بغضب : أعمل فيها ايه الست دي؟

////////////////

بعد شهر

نورا وافقة قدم المدرسة مستني ولادها يخرجوا و تشوفهم بقالها شهر مشفتش حد فيهم غير مرة واحدة قابلتهم بالصدفة.

محمد في سنة خمسة ابتدائى

و أحمد رابعة ابتدائى

خرجوا العيال ،شاورت ليهم ،بس محدش قرب منها

قربت عليهم وقالت: تعالوا يا حبايب قلبي

بعدوا العيال و قال محمد الكبير: معلش يا ماما بس بلاش تقربي.

وقفت بصدمة و سألت: ليه يا حبيبي.

محمد بدموع: المرة اللي فاتت لما اتقابلنا و سلمنا عليكي بابا ضربنا اوي ، و مانع عننا المصروف و الاكل.

عطيت بصدمة و قالت: مش متخيلة أن في أب يعمل كده في أولاده،الناس دي الرحمة اتشالت من قلوبهم

مشيوا العيال و هي تعيط بحرقة عليهم

//////////////

رجعت البيت ،جري اخوها عليها و قال: في ايه يا نورا.

مسحت دموعها و قالت: مفيش العادي بتاع هشام و عائلته منعوا ولادي يكلموني.

و دخلت الاوضة.

و خرج اخوها و بيتوعد لهشام، هو مش عارف ينسي الفضيحة اللي عمله لأخته.

جمع أصحابه و استنه قصاد القهوة اللي يقعد عليها على طول.

و أول ما ظهر اتلم عليه هو أصحابه و هشام طلع مطواة من جيبه و ضرب أخو نوار و هي يضحك..

و للحديث بقية

اتلم يوسف اخو نورا و أصحابه على هشام يضربوه ، و اهل البلد يتفرجوا بصمت و هما فرحانين في هشام، طلع هشام مطواه علشان يضرب يوسف ،بس خدها يوسف و رمها في الأرض.

///////////

بعد شوية في القسم

الظابط : ايه اللي حصل؟

محدش رد، كل اللي شافوا اللي حصل ساكتين علشان خايفين على يوسف، اتقفل المحضر.

///////////////

في بيت نورا

أول ما رجع يوسف, قالت نورا بعصبية :

_ ليه كده يا يوسف.

يوسف بابتسامة: باخد حق أختي

نورا بخوف: كان ممكن مستقبلك يضيع و تحبس.

يوسف بابتسامة: حتي لو دخلت السجن مش فارق معي المهم جبت حقك، تصبحي على خير النهاردة بس أقدر أنام مرتاح..

و دخل اوضته و حاسس بالانتصار و الفرحة..

///////(/////

في بيت هشام

هشام بعصبية: أنا لازم اخلص على يوسف

أبو هشام: أسكت جتك خيبة ، جاي تتكلم بعد ماضربك.

هناء: كان لوحده و يوسف معه أصحابه.

عزة: بس لو هشام سكت على اللي عمله يوسف،شكلنا يبقي ايه قدم الناس.

هشام بصوت عالي: مش هسكت و انتقم منه و من عائلته.

عزة: سيبك من العيلة الزبالة دي وركز معي، عندي ليك عروسة ،مال و جمال و هادئة ، و صغيرة نشكلها على ايدينا.

مها: مين دي

عزة: أمل بنت المعلم صابر صاحب مصانع الفاكهة.

مها: اه عرفتها بس دي ١٥ سنة بس.

هناء: و ماله نعرف نشكلها على ايدينا

هشام: أهم حاجة حلوة

عزة: قمر

//////////////

مرت شهور، هشام اتجوز أمل و طبعا جوز عرفي علشان أمل تحت السن القانوني و لسه صغيرة.

و علشان صغيرة بتسمع الكلام في كل حاجة ، و مع ذلك ضرب و إهانة من هشام و أمه و اخواته، و هي ساكتة و مفيش ردة فعل...

//(((((((

و عايدة ماشية على خطط اختها علشان تخرب بيت ابنه.

////////////

في شقة أسلام

اسراء تتكلم في التلفيون

رانيا: ليه محتملة كل ده

اسراء: علشان بحبه

رانيا: حب ايه و هو أمه بيعملوا كده فيكي

اسراء: صدقني اسلام لو عرف أفعال أمه مش هيسكت، هو مصدق أنها تقول الحقيقة.

رانيا : أنا تعبت من الكلام معاكي.

إسراء: اسلام مش وحش، هو مش أبن امه، هو بس بيثق فيها، علشان كده مصدقها في كل حاجة.

رانيا: مش عارفة أقول ايه يا إسراء،ربنا يهدي الحال بينكم..

و قفلت رانيا و دخلت إسراء على المطبخ و حماتها وراءها.

في نفس الوقت اللي إسلام راجع البيت علشان نسي تليفونه، و دخل بهدوء من غير صوت بنية يشوف الدنيا بين أمه و مراته و يعرف مين الصادق و مين الكاذب، هو تعب من شكاوي الاتنين.

في المطبخ

أم إسلام ببرود: تعملي ايه يا مرات ابني

إسراء بهدوء: أحضر الغداء يا ماما

أم إسلام بقرف: غداء ايه ، أنتِ فاكرة أني اكل من إيدك

تنهدت إسراء بحزن و قالت: ليه

أم إسلام بقرف: أنتِ مش شايفه نفسك عامله ازاى، و ريحة البيت المعفنه، و المطبخ اللي مش نظيف ، أكل ازاى من أيدك ، أنا لو كلت اروح المستشفى على طول.

إسراء بدموع: ليه يا ماما البيت ريحته جميلة والمطبخ نظيف وأنا مالي، أنا الحمد لله الكل يشهد بنظافة بيتي و نظافه نفسي.

أم إسلام بقرف: اومال أنا مش شايفه ده ليه، على العموم أنا أقول ل ابني يجيب أكل من بره وهو جاي.

اسراء بهدوء :احسن برضو

أم إسلام بعصبية: طيب تعملي أكل لمين دلوقتي أبني ياكل معي من بره.

إسراء بحزن : بعمل لنفسي

أم إسلام بصوت عالى جدا: يا حظك يا أبني قولت لك تتجوز بنت من العيله، قولت بحبها يا ماما ،كانت جوزه سوده على دماغك يا إسراء، و حتي حتة العيل مش عارفة تجبيه.

اسراء بحزن: الحمد لله ده نصيب.

أم اسلام: أنا مش عارفة ليه بكرهك اوي كده و بكره برودك ،واحدة زيك كانت سابت البيت و مشيت، أما انتي لازقة. و معندكيش كرامة، خائفة تروحي بيت ابوكي متلقيش العيش حاف تأكلي ، اومال هنا عايشة في عز أبني.

مردتش إسراء و قررت تسكت خالص، و تكمل اللي بتعمله و هي تعيط بصمت .

و إسلام سمع كل ده و مصدوم فى أمه عمره ما صدق إسراء لما كانت تقول حاجه مش حلوه علي أمه.

خرج من البيت بهدوء من غير ما حد يحس أنه كان هنا، و هو محتار و مش عارف يعمل ايه؟

قاعد فى عربيته و كلم نفسه:

_ليه كده يا ماما، أنا عمري ما صدقت إسراء و ديما أقول إنها كاذبة، و بقول عمرك ما تعملي كده و تكوني ظالمة،أعمل ايه يارب ، مش عايزة أحرج أمي و لا أقبل أطلع شكلها وحش قدم مراتي..

فكر شوية و بعدين طلع تلفيونه و رن على امه

كانت عايدة لسه تحرق دم اسراء بالكلام، ردت بابتسامة : الو يا حبيب قلبي

إسلام بحب: حبيبتي بقولك تجي ناكل بره

أم إسلام: بجد ياريت يا حبيبي وأقول ل اسراء

إسلام : لا يا أمي لوحدك

فتحت عايدة الميك علشان تسمع اسراء ، و سألت:

- بتقول ايه يا أسلام

اسلام: بقولك عزمك على الغداء برة أنا و انتي بس و بلاش تقولي ل أسراء.

عايدة بسعادة: أحسن برضو .

قفلت و قالت بسعاده: شوفتي أبني يأكل معي بره وأنتِ خليكي كده زي البومه

إسراء بهدوء: با الهنا والشفا،

عايدة: ربنا رحمني من أكلك

اسراء بنفس الهدوء: عندك حق

وصل إسلام تحت البيت ونزلت أم إسلام

و تبص إسراء من الشباك عليهما بحزن شديد

و حاسة أن ده مش مكانها، و كلمت نفسها:

_ تستني ايه تاني يا اسراء، رانيا و حماتك عندهم حق أنتي معندكيش ذرة كرامة علشان تفضلي قاعدة هنا و تستحملي كل ده ، مكانك مش هنا، هو مصدق أمه في كل حرف و شايفك كاذبة و تكرهي أمه..

دخلت جهزت شنتطها و قررت تسافر الصبح عند اهلها..

///////////////

في مطعم شيك

إسلام بحب: اطلبك حاجه تاني يا حبيبتي

عايدة بسعادة: شكرا يا حبيبي، أنا الحمد لله شبعت اوي

=با الهنا والشفا

عايدة : على قلبك

إسلام بهدوء: كنت عايزك فى موضوع يا أمي

أم اسلام: اتفضل

إسلام بهدوء: أنا قررت أطلق إسراء

أم إسلام بسعادة: بجد يا إسلام

//////

في شقة مها أخت هشام

كانت مها تاخد حمام ،و فجأة السخان انفجر و ماتت محر_وقة و عر_يانة.

و للحديث بقية

في المطعم

إسلام بهدوء: كنت عايزك فى موضوع يا أمي

أم اسلام: اتفضل

إسلام بهدوء: أنا قررت أطلق إسراء

أم إسلام بسعاده مخفيه:ليه بس.

إسلام بهدوء: تخيلي يا أمي بتقول أنك تزعليها بالكلام وأنك على طول تعلقي على تصرفاتها، وشكلها والبيت والأكل،،،أنا طبعا مصدقتش وقعدت ازعق وأقول أمي بتخاف من ربنا وعمرها ما تعمل كده فى بنات الناس، وقولت لها أنتِ كاذبة علشان كده قولت أطلقها وارتاح علشان تحرم تفتري علي حد و مش اي حد أنتِ أمي ، اللي متأكد انها بتخاف من ربنا، و كل شوية أمك كانت مش موافقة على جوازنا و عايزة تجوزك بنت من العيلة،انا تعبت منها.

حست بالندم و الخوف من ذكر ربنا و أنها تتحاسب على أفعالها مع إسراء.

كمل اسلام: اصل أنا متأكد أنك مش زي خالتي هناء، اللي خربت حياة ابنه، أنا و انتي و الكل عارف أن نورا بنت ناس و عارفة ربنا و عمرها ما تعمل كده، بس خالتي و بناتها خافوا أنها تسيطر على هشام، فقالوا نخلص منها و جابوا عيلة صغيرة.

عايدة بحزن: صدقني يا اسلام قولت لخالتك إنها غلطت باللي عملتها مع نورا و كمان العيلة الصغيرة اللي تتعذب وسطهم.

: يا ماما الأم اللي تغير من مراته ابنها دي مريضة و عايزة علاج، مفيش مقارنة بين الزوجة و الأم ،كل واحدة لها مكانة في القلب،ربنا يسامح خالتي على اللي عملته في نورا.

عايدة: يارب

أسلام: رايك ايه في موضوع طلاقي

عايدة بندم: لا يا أبني اوعي تطلقها دي بنت أصول

حرم تخسرها.

إسلام بهدوء: هي اللي المفروض كانت تفكر قبل ما تفتري عليكي وتقول كلام كذب، و أنا واثق أنك عمرك ما تعملي كده او تقولي كده

حست بالخجل والندم من تصرفاتها

عايدة بحزن : إسلام لو بتحبني اوعي تزعل إسراء و عاملها بما يرضي الله يا حبيبي، أنا مش عايزة أكون السبب في دمار حياتك، سامحني يا ابني.

باس ايد أمه و من غير ما يسأل ليه تطلب السماح ،قال بحب: ربنا يبارك في عمرك يا ست الكل

عايدة: لي طلب عنك ،عايزة ارجع بيتي وحشني اوي .

اسلام : حاضر ترجعي يومين بس هتعيشي معي على طول..

////////////////

في بيت أسلام

رجع إسلام و جاب معه نفس الاكل اللي طلبه لامه

دخل غرفه النوم، و بص على الشنطة الموجودة،و عرف أن اسراء ناوية تسافر اسكندرية بكرة.

كانت اسراء تمثل النوم، قاعد جنبها و قال بهدوء:

_ إسراء, إسراء

اسراء بحزن :نعم

اسلام =قومي علشان ناكل

معرفتش تخبئ دموعها و قالت بدموع: مش جعانه عايزة أنام

إسلام بحزن: وليه الدموع دي

إسراء بدموع: مفيش حاجه

= طيب علشان خاطري قومي نأكل مع بعض

: ليه مش أنت أكلت مع أمك بره

= كلت نص بطن علشان أكمل معاكي يا حبيتي

قامت إسراء قعدت على السرير

و قالت بدموع: حبيتك والله

إسلام بحب: بحبك يا أسراء ، و آسف لو زعلتك

ابتسمت بحزن و قالت: و ده من أمت يا اسلام، أنت عارف بقالك قد ايه مخاصمني و تتكلم معي بالعافية، افتكرت دلوقتي أنك بتحبني.

أسلام بحزن: أنا آسف عندك حق في كل كلمة ، ممكن بلاش نتكلم في الماضي و نبدا من جديد.

بصت باستغراب و قالت: نبدا من جديد.

اسلام بحب: أيوة ،و دي البداية بحبك يا إسراء و سامحني.

زيها زي معظم الستات نسيت كل اللي حصل و فرحت بكلامه و قالت بحب:

_وأنا بحبك ،وبحب كل حد من طرفك وبحب أمك اوي بس هي.

إسلام بحب: هوش بلاش نتكلم فى القديم يلا ناكل وأن شاء الله اللي جاي أحلي و احلي يا قلبي, و على فكرة امي قالت ترجع بيتها ، بس أنا طلبت منها تعيش معانا على طول.

اسراء: عندك حق طبعا ،تعال نروح بكرة نرجعها حرام تعيش لوحدها..

///////////////

مرت الشهور حياة أسلام سعيدة بعد ما علاقة أمه و اسراء بقت احسن، و ربنا كرم اسراء و حامل، و عرفت عايدة غلطتها و مبقتش تسمع كلام اختها..

أما هناء اللي تعمل مع أمل زي ما عملت مع نورا، بس أهل أمل طلقوها من هشام و خدوا كل حقوقها ،و مفيش عيلة موافقة تناسبهم تاني...

//////

في بيت نورا

ام نورا: يا بنتي كفاية تتعبي نفسك في الشغل

نورا: لازم اعمل كده علشان اجمع فلوس و ارفع قضية و أخذ ولادي

أم نورا: ربنا معاكي يا بنتي و يبرد قلبك على فراق ولادك

///((((//(

في بيت العمدة

العمدة : احنا لازم نقف جنب نورا، الكل عارف أنها مظلومة ،و علشان كده قررت نرفع قضية و تأخذ ولادها في حضنه علشان ظروفها على القد..

و افق الكل، اترفعت القضايا و كسبتها نوار و خدت الحضانة و كانت بتشغل علشان تصرف على اولادها و رغم شباب كتير طلبوا الجواز منها لكن رفضت علشان تعيش ل اولادها.

و هشام لسه بيدور على واحدة يتجوزها..

//////

في شقة مها أخت هشام

كانت مها في الحمام و من غير هدوم ،و فجأة السخان انفجر و ماتت محر_وقة و عر_يانة.

أول ما هناء سمعت الخبر وقعت من طولها و انتشلت

/////////

في شقة إسلام

اسلام : خلي بالك من نفسك يا حبيبتي

اسراء: حاضر

خرجت عايدة و هي تعيط

إسراء: البقاء لله يا ماما، ربنا يرحمها، أنا آسفة اني مش اقدر اجي معكم.

عايدة بدموع: ربنا يرحمها ،ده عقاب ربنا و يا عالم ايه اللي جاي، ده حق نورا ، خلي بالك من نفسك و من اللي في بطنك و سامحني لو زعلتك في يوم.

اسراء: انتي زي أمي و أنا مش زعلانة منك

/////////

سافر اسلام و أمه البلد علشان يحضروا عزاء مها.

أما عزة اللي بعد اللي حصل لامها و اختها خافت من عقاب ربنا، رحت بيت نورا و قالت بدموع:

_ أنا عارفة أنك مظلومة ،أنتي طول عمرك قلبك طيب سامحي مها و ماما و سامحني أنا كمان ربنا يفرحك باولادك يا نورا .

أبتسمت نوار و قالت بكل هدوء :

_طيب، وأحضر الدفنه كمان

مشيت عزة و هي حاسة بالراحة

//////////

في المقابر

مفيش حد حضر الدفن غير هشام و أمه و أبوه و اسلام و أمه و عزة بس.

بعد الدفن ، و المفروض يدعو لها بالرحمة والمغفرة .

جت جارة هناء اللي خدت نورا من تحت أيديهم ،و قالت لها،عندك بدل البنت اتنين و يتردد فيهم،

و قالت بضحكة: ربنا عادل يا هناء، فضحتي المسكينة نوار بالكدب ،بس خطتك فشلت علشان محدش من البلد صدق فيها كده، و شوفي العدل، بنتك ماتت و بدل ما تصعب على الناس ، الكل يتكلم عليها بالباطل.

بص الكل في الارض بخجل.

و كملت: صحيح يا هناء هو جوز مها فين؟

و بصت على غزة و قالت : و جوزك فين يا عزة؟ طلقك صح، زي ما جوز مها طلقها بدل ما يترحم عليها

قالت جارة تانية: بلاش تزعلي يا هناء جوز مها عنده حق برضو، مفيش راجل يتحمل يعرف أن مراته بتصور نفسها و هي في الحمام لراجل غريب.

كملت التانية: و طبيعي جوز عزة يشك فيها،االمفروض كانوا عاملوا كده من زمان لما افتروا على نورا المسكينة.

جت نورا و قالت: مبقتش نورا المسكينة يا خالتي، بقت نورا القوية اللي تعافر في الصخر علشان تربي رجالة مش عيل ماشي وراء أمه و اخواته في الغلط

وقفت نورا قدم القبر و قالت بصوت عالي مع الدموع:

_يارب احرمها من رحمتك و مغفرتك ،أنا اتظلمت و حقي مجاش في الدنيا كنت بدعي حقي يجي في الدنيا قبل الآخرة ،في كل صلاة و سجدة بقول يارب حقي عندك و كان عندي ثقة كبيرة أنك تجيب حقي و فعلا مها ماتت محروقة و عر_يانة و انكشف سترها أنها هي اللي خائنة لجوزها و البلد كلها تنهش في عرضها , ، يارب أنا مش مسامحها و عايزة حقي منها و الله العظيم مش مسامح مها و عزة و أمهم و ابوهم و الراجل العرة اللي كان جوزي ،حسبي الله و نعم الوكيل فيهم، يارب تو_لعي في نار جهنم و القبر يكون زي جمرة من نار يا مها..

بصت على القبر بقوة و صرخت اكتر: يارب، يارب قبرها يكون جمرة مولعة من نار ،زي النار اللي ولعت قلبي،احرمهم من رحمتك زي ما حرموني من ولادي .

و بصت على هشام و قالت : ينتقم منك أنت و اخواتك و امك و أبوك يا عيلة ظالمة.

و مشيت نوار و هي فرحانة اوي .

جريت عزة وراءها ،و قالت: نورا استني.

وقفت نورا ،نزلت عزة عند رجليها و قالت: حقك عليا و غلاوت ولادك سامحني

هزت راسها بالرفض و قالت: و غلاوت ولادي مش هسامح.

نزلت عند رجله و باستها و قالت: سامحني ،سامحني خايفة يكون مصيري محروقة زي مها أو مشلولة زي أمي.

و كان مصيرها يجري عليها ،لما ماتت بسكتة قلبية من كتر الخوف و الهلع ،بعد ما هي كمان اتوصمت بنفس وصمة اختها أنها تكلم رجالة ،بصت ليها و قالت:

_يا كريم يارب، يا عدل يا حق ،كنت بقول ليه هما عايشين مبسوطين بعد ظلمهم ليا، و كرام ربنا كبير حقي جه في يوم واحد علشان تبقي الفرحة تلاتة، الله واكبر الله واكبر..

الكل بقي مذهول، و أم إسلام اللي تحمد ربنا لو كانت فضلت وراء كلام اختها كان مصيرها يكون ايه لو ظلمت إسراء اكتر.

بصت على إسلام و وقالت بدموع:: عايزة أمشي من هنا، عايزة اروح عند إسراء.

سأل. بخوف: في أي يا ماما.

مشيت و هي بتقول: يلا يا اسلام

كانت عايزة تطلب السماح من إسراء مرة كمان و هي بتشوف عقاب ربنا للظالم.

///////////

بعد ساعات وصلوا البيت و كانت إسراء نائمة ،قالت بانهيار: معلش يا إسلام صحي إسراء.

من غير مجادلة دخل و هو فاهم أن حالتها دي خوف ،خرجت إسراء بسرعة اول ما اسلام قالها، لكن إسلام فصل جوة علشان أمه متعرفش أنه عرف أفعالها مع إسراء،و قالت بهدوء: في ايه يا ماما.

جريت عليها و قالت بضعف : سامحني يا إسراء، حقك عليا أنا ظلمتك كتير.

إسراء: يا ماما ده كان زمان احنا الحمد لله دلوقتي كويسين بلاش نتكلم في الماضي علشان إسلام مش عارف حاجه عن اللي بينا.

عايدة: ربنا يكرمك يا حبيبتي.

//////////

بعد شهور

في بيت اسلام

أسلام: خالتي ضيعت نفسها و اولادها

عايدة بحزن: صعبانة عليا ،بس برجع و و أقول هي اللي عملت كده في نفسها.

اسلام: هشام كمان غلط يا ماما، فين عقله لما يمشي وراء أمه و اخواته ، كان لازم يفكر على الأقل في أولاده.

عايدة:و زي العادة هرب من كل حاجة و ساب البلد كلها، و خالتك بقت عايشة لوحدها هي وجوزها محدش يعبرهم، و نورا عايشة مبسوطه مع اولادها ربنا يفرح قلبها بيهم..

خرجت إسراء و هي تحط الطفل على ايد عايدة و قالت: اتفضلي يا ماما سكتي الاستاذ ده مش مبطل عياط.

اسلام بضحكة: مش بيسكت غير معاكي يا ماما

عايدة بحب: ده حبيبي ، مش كفاية على أسم أبوك اللي يرحمه.

اسلام: دي نشكر إسراء عليها هي اللي اخترت الاسم.

إسراء : هو في ايه أحسن من اسم عبدالرحمن ، ربنا يفرحنا بيه

عايدة: اللهم امين ،و تخوي يارب و يفرحك قلبك يا بنت الاصول.

و كلمت عايدة نفسها: الحمد لله يارب أن ابني راجل و عرف يحتوي المواقف لو كان زي هشام و مشي وراء كلامي كانت حياته مدمرة زيه، أنا متأكدة أن إسلام عارف اللي كنت بعمله في إسراء بس علشان محترم مش عايز يكسفني .

و كملت بصوت عالي : الحمد لله أن ربنا رزقني بيكم يأولاد و سامحوني لو زعلتكم في يوم، كنت ماشية وراء الشيطان....

اسراء: بلاش تقولي كده يا ماما ربنا يحفظك و يبارك في عمرك

قام اسلام باس راسها و قال: بحبك يا أجمل أم في الدنيا

و عاشت عايدة مع اسلام و اسراء و ابنهم في سعادة و حب.

////////////////////////////

و نورا مبسوطة مع ولادها و خدت قرار أنها مش هتجوز و افضل عائشة ليهم

////////////

هشام هرب و ساب البلد و محدش عارف عنه حاجة

////////////

و عايدة حياتنا انتهت لما ولادها راحوا منها، و كملت أن جوزها اتجوز عليها شابة صغيرة و كل فلوسه بقت للعروسة الجديدة و اللي عايدة عملته في نورا و أمل تعملوا ضرتها و تسقيها العذاب الوان ، ،ما هي معروفة كما تدين تدان..

///////

و تمت