تحميل رواية «امرأة لا تقهر عزيزي» PDF

الجزء الاول

كنت مروحة البيت وانا معايا تورتة كبيرة مطبوع عليها صورتي انا وجوزي قرة عيني بمناسبة عيد ميلاده بعد ماقلتله اني هبات عند ماما انهاردة

فتحت الباب بهدوء خالص علشان المفاجأة متبو*ظش

لقيت النور مضلم ومفيش غير شموع في الارض وورد وجو رومانسية

‏اترددت الي حد ما وعقلي وقف لثواني بس مهتمتش وقعدت ادور عليه في الشقة

‏دخلت اوضة الصالون لقيتها مقفولة وفيه صوت من جوا

‏_ماتيجي بقي

‏_لا مش هينفع هنا انت عارف ان مراتك ممكن تيجي في اي وقت

‏_مراتي ايه مراتي دي عقر*بة اصلا حتي نسيت عيد ميلادي ومش عارفة تجبلي حتة عيل

انتي الي في الحتة الشمال يابت

‏لقيت فاجأة ضحكة عقا*رب طالعة منها

‏_تعالي بقي

‏نزلت دمعة من عيني بس مسحتها بسرعة وقررت اني مش هستسلم

‏خدت التورتة وطلعت من الشقة زي مادخلت

‏شاروت ل تاكسي يقف وركبت فيه

‏قولتله عن عنوان بيت صحبتي الي مكنش بعيد عن بيتي بكتير لأني مش هعرف اواجه ماما خالص دلوقتي

‏اول ماوصلت حسبت السواق وادتله التورتة

‏_ايه دي

هويدا ‏_خدها

‏احر*قها

‏ولا اقولك

‏كان جاي مع التورتة سكيـ*نة صغيرة بلاستيك شو*هت وشه وخدتها تاني

‏هويدا_انا اسفة

‏الراجل دماغه عملت eror وانا طلعت لصحبتي الي كان شقتها في الدور الاول

‏صحبتي حامل في الشهر السابع او التامن تقريبا

‏خبطت وهي رحبت بيا جدا وقولتلها علي الوضع الي انا فيه دلوقتي

‏ليلي_ابن ال****

‏ولا تزعلي نفسك ياعمري في الف داهية

‏المهم دلوقتي هتباتي فين

‏هويدا_مش عارفة مش هعرف اروح لماما

ليلي ‏_خلاص خليكي هنا باتي هنا وايمن مش هيقول حاجة لانه عارفك

‏قومي معايا

‏ودتني اوضة البيبي الي في بطنها الي كان فيها سرير صغير وكنبة والعابه

‏قالتلي اني انام علي الكنبة لغاية مااشوف هعمل ايه بكرة

‏شكرتها وقعدت علي الارض بحزن وهنا سمحت لدموعي بالنزول

‏

يتبع🤌✨

الجزء التاني

محستش ب نفسي غير تاني يوم

صحيت الصبح عضمي متك*سر حرفيا لاني نمت وانا قاعدة من غير مااحس!

عدلت نفسي وانا بفكر اعمل ايه

اتنهدت بضيق وقومت علشان اخرج بعد ماعدلت طرحتي بس قبل ماافتح الباب سمعت كلام ايمن جوز صاحبتي وليلي الي كنت فكراها صاحبتي بجد

ايمن بغضب طفيف: انتي جايباها هنا ليه

احنا ناقصين مصاريف وقر*ف

ليلي: اهدي ياايمن هفهمك بس وطي صوتك علشان متسمعش

ايمن: ماتسمع ولا تو*لع انا ميهمنيش اي حاجة غير انها تغو*ر من هنا

ليلي: ايمن ممكن تهدي وتسمعني

احنا نمشي دادة ام يوسف ونخليها هنا تخدمني ياحبيبي وانت برا ومنها بعيدة عن جوزها وامها ومنها بتاكل بلقمتها

ايمن: يعني هترضي تشتغل خدا*مة؟

ليلي: ما امها كانت خدا*مة عادي يعني

ايمن: طيب ياحبيبتي انا هروح الشغل وانتي شوفي صاحبتك دي وياريت تلاقي حل

اول ماسمعت الباب اتقفل مقدرتش اقاوم وطلعتلها

هويدا ببكاء: انا عملتلك ايه

بتعايريني قدام جوزك ان امي كانت خدا*مة في البيوت؟

انا عمري مااتخيلت انك تعملي كدة فيا لدرجة اني جتلك اول واحدة لما كنت في ازمة

يابت دة انا الي مخلية ايمن يشوفك علي اخر الزمن عايزاني اشتغل عندك خدا*مة علشان مش لاقية مكان اقعد فيه

كانت بصالي ولا كأني بعاتبها

وشها متغيرش كتير

نفس النظرة الحادة

انا شوفت واحدة اول مرة اعرفها

مش دي ليلي الي كانت اكتر من صاحبتي

فتحت شنطتي وطلعت ٢٠٠جنية وحطتهم في ايديها

هويدا: حق ايجار الاوضة امبارح

وخدت شنطتي وحاجتي ومشيت

كنت ماشية مش شايفة قدامي ومش عارفة اروح فين

مش هقدر اثق في اي حد تاني ومش هقدر اواجه امي خصوصا انها مريضة قلب ومش هتتحمل خبر زي دة

قعدت علي الرصيف وانا بفكر اعمل ايه

بعد نص ساعة كنت قاعدة في الكافيه قاعدة وحاطة رجل علي رجل ومستنية البيه يجي ياخدني علي بيتي

اصلي نسيت اقولكم ان البنت ملهاش غير بيت جوزها علشان كدة راجعة

ل بيتي انا وانتقامي انا!

يتبع✨🤌

‏الجزء التالت

لقيته جايلي من بعيد باين عليه الارهاق

اه ماتلاقيه كان معاها طول الليل

ابن ال***

هديت نفسي خالص

مازن: ايه ياحبيبتي عاملة ايه

هويدا: كويسة

مازن: مالك بتقوليها من غير نفس كدة

هويدا: مش مهم دلوقتي الكلام دة

المهم اني انا عايزة اجيب شوية حاجات ليا وللبيت لاني حاسة ان بشرتي مرهقة اوي والبيت محتاج يتجدد

مازن: بس احنا في اخر الشهر وانا مش معايا فلوس للكلام دة دلوقتي

هويدا: براحتك يامازن براحتك

رضي طبعا لانه عارف اني لو قلبت الوش تاني هنكد عليه وهخليه يكره اليوم الي اتولد فيه

ودة الي انا بنفذه🥺

مازن: يلا بينا طيب

هويدا: استني حاسب الاول علي الحاجات الي طلبتها من الكافيه وانا قاعدة مستنياك

اتنهد بضيق وراح علشان يحاسب لقي الشيك اوت ب ٩٠٠جنية

كنت باصة في السما علشان لو بصيت علي الرياكشن بتاعه هفطس ضحك

دفع الشيك وركبت العربية وكان وشه احمر من الغضب بس متكلمش

يلا يستاهل

قولتله علي المحل الي انا عايزة اروحه وكان محل كبير اوي للعفش وكدة بتاع البيوت

خليته يجبلي اوضة نوم كاملة مانا مش هقعد في اوضة دخلتها ست وانا مش موجودة😒

وطبعا مسكتش لغاية كدة انا خليته كمان يشتريلي ميكاب مركات عالمية

كنت راجعة البيت وانا مبسوطة

مازن: فلوسي كلها خلصت

للحظة صعب عليا بس ورحمة امه الي ماربته نص دقيقة ماهسكت برضو

هويدا: معلش ياحبيبي

هو انا مستاهلش يعني؟

مازن: لا ياحبيبتي تتهني بيهم

خليته يرمي عفش الاوضة القديمة ويحط العفش الجديد

كنت مبسوطة اوي بالتغيير الي حصل

استووب نسيت اعرفكم

انا ومازن متجوزين عن حب من ٣سنين

كان الزوج الصالح الي عوضني عن ابويا الي مات من وانا طفلة!

امي هي الي ربتني وشالت همي واشتغلت في البيوت علشان تدخلني مدرسة كويسة ومبقاش اقل من حد ابدا

علشان كدة انا مبسبش حقي

بليل كنت قاعدة قدام التلفزيون باكل فشار وبتفرج علي فيلم ر*عب

انا بعشق الافلام الر*عب بس بطلت اتفرج عليها علشان مازن مش بيحبها

مازن: ماتغيريه ياحبيبتي وهاتيلنا فيلم نتفرج عليه سوا

هويدا: ادخل نام يامازن

في اوضة الاطفال

مازن: فيه ايه ياهويدا

من الصبح وانتي مشغلاني عندك رايح جاي رايح جاي وهاتلي يامازن ودة يامازن ولو مجبتش ابقي وحش ودلوقتي مش عجبك لما قولتلك غيري الفيلم ولا بتقوليلي كمان روح نام في اوضة الاطفال

نزلت دمعة مني بس مسحتها بسرعة

لو يعرف الوجع الي فيا كان ما*ت!

قلبي كان بيتحر*ق من القهر*ة كل مااعيد نفس المشهد

هويدا: انا الي هنام في اوضة الاطفال يامازن

قفلت التلفزيون ودخلت الاوضة وقفلت الباب

قعدت اعيط بصوت مكتوم

كنت نفسي حد يفهمني ويطبطب عليا ويواسيني

في مكان تاني خالص في بيت متواضع كانت قاعدة ست كبيرة وهي ام هويدا وقدامها ليلي وجوزها

هويدا: نورتوني والله

بس مكنتيش تعبتي نفسك يابنتي وانتي حامل كدة علشان تزوريني

ليلي: ولا يهمك ياخالتي انا كنت بس عايزة اقولك حاجة انا وايمن

سماح: قولي يابنتي

ليلي: هويدا جاتلي امبارح وقالتلي انها عايزة تبات معايا

مفهمتش طبعا بس وافقت بعد ماشيرت ايمن وخلتها تنام في اوضة الاطفال

سماح: وبعدين يابنتي ايه الي حصل

ليلي بتوتر: وبعدين ياخالتي صحيت في نص الليل لقيت ايمن وهويدا بيتكلموا في البلكونة قولت اسمعهم لقيتها بتقوله انها بتحبه وانها جاية هنا علشانه مش علشاني وهو زعقلها جامد وانا اتدخلت وطردتها

انا اسفة ياخالتي اني قولتلك حاجة زي دي بس لازم توقفيها عند حدها!

يتبع....

روايه ملاكي النائم الفصل الرابع

جاد الله ينور عليك بس دي بقى على رايها ملاك حور عين وهي اسمها حور

ذياد طب اوصفها بالله عليك

جاد وهو ينظر لها بص هي بيضا اوي وعنيها واسعة كده وزرقا زرقا اوي وقصيرة و.وشفايفها حمرة اوي وبشرتها ناعمة يعني من الاخر مصاصة دماء

ذياد وانا عليا اول ماترجع زي ماكانت اتجوزها

جاد بسرعة لي وانا فين من الموضوع هي مش هتتجوز

حور بس انا موافقة اتجوزه ياجاد موافقة موافقة

جاد اخرسي قلت مفيش جواز واقعدي بقى روح انت كمان نام يلا

ذياد بخبث لي مفيش جواز

جاد عشان بحب

جاد عشان بحب احم عشان بحب اقعد معاها

حور بس كده انا هفضل قاعدة على طول معاك يعني انا هيبقى ليا حياتي والمفروض اتجوز

جاد بغضب خلاص خليكي عفريتة على طول

ذياد في أي ياجاد لي بتزعق

جاد أخرج انا عايز انام يلا ياذياد وانتي خليكي هنا

في المساء

نجلاء ها جول لي طلجتها

جاد مش متفقين وانا معجب بوحدة تانية

نجلاء معجب اه طيب يابن بطني قال معجب قال انا مدارياش اعمل اي تاني زهجت أن كان منك ولا من اخوك ولا من اختك

جاد انا اسف ياامي بس هي اللي طلبت الطلاق مش انا

فاطمة سيبك وقولي مين اللي عجبتك

جاد وهو ينظر لمن تنظر له بحماس وحدة معايا على طول بس عندها شوية مشاكل هنحلها بعدين هحبسها

حور وهي تنظر له بتدقيق انت قلت هنمشي يلا

بعد قليل كانا بمنطقة مخيفة وكانت تتمسك به بخوف ليدخلا ذلك المنزل الصغير

اهلا اهلا يا.ياحور

حور بصدمة هي شافتني ازاي

اكيد م هتبقى صعبة على اللي عاملالك العمل ولا اي

جاد طيب رجعيها زي ماكانت يلا

بس ده م هينفع الا في حالة وحدة

جاد واي هي

أن هي اللي تعرف اللي خلاني اعمل العمل ده

حور وانا هعرف ازاي انا م فاكرة اي حاجة

لا فاكرة بس في حاجز انتي هتشيليه من عقلك وتفتكري مين ممكن يطلب ده

بعد ساعة

حور بدموع م قادرة ياجاد دماغي بتنفجر

جاد معلش ياحبيبتي حاولي تفتكري حاولي ياحور

حور بتعب ماما

عرفتيها اهو يعني امك هي اللي عملتلك العمل بس دي مش امك دي مرات أبوكي اللي اتجوزها لما امك ماتت وهي بتولدك

حور بدموع هي اللي عملت كده لي انا كنت بحبها اوي

جاد وهو يمسك يدها ح.حور انتي انا بلمسك

حور جاد انا حاسة بيك انا رجعت تاني انا رجعت

بعد يومين

حور انا خايفة بابا هيتقبل اني كنت غايبة سنة كاملة

جاد انتي هتحكيله كل حاجة

حور بحزن لا انا مش عايزاه يطلقها لاني بحبها ياجاد

جاد بتحبي مين بعد اللي عملته ده

حور يمكن انا اللي غلطت في حقها لكن هي ربتني

نظر للجهة الأخرى باستنكار ثم نزلت هي من السيارة ودخلت للمنزل لتصرخ ماان دخلت بعدما رأت .....

يتبع ❤️

الجزء الخامس

كنت بجري زي المجنونة وطلبت العربية ووصلت المستشفي بسرعة

سألت عن اسمها والسكرتيرة ادتني رقم الاوضة

لقيت عم محمد هناك قاعد قلقان

جريت عليه

هويدا: ايه ياعمو هي مالها

عم محمد بغُلب: مش عارف مش عارف

الدكاترة دخلوها العناية المركزة من نص ساعة تقريبا

عيطت

كنت مرعو*بة ليحصلها حاجة

مليش في الدنيا غيرها

طبطب عليا عم محمد وقعدنا مستنين اي حد يجي يطمنا

في مكان تاني

رجع مازن من برا وخبط الباب

محدش فتح ولا فيه رد

قعد ينادي لغاية مانزل للبواب

مازن: فين هويدا يامدحت

مدحت البواب: الست هويدا جريت علي برا علي طول من شوية ملهمش كتار

مازن: طيب يامدحت طيب

رن عليها بس كان موبايلها غير متاح

اتنهد بضيق ودخل

بعد فترة طلع دكتور من الاوضة وجريت عليه انا وعم محمد

هويدا بقلق: طمني يادكتور

هي كويسة قولي والنبي

عم محمد: قولنا يادكتور ريح قلبنا

الدكتورة بابتسامة: متخافوش ياجماعة حالتها مستقرة وهننقلها اوضة عادية دلوقتي

اطمنت شوية وابتسمت بامتنان

اصل الدكتور كان مزز مزز

ششش احنا في ايه ولا في ايه

بعد شوية نقلوها لاوضة عادية واستأذنت الدكتور اني ادخلها وهو وافق

كنت داخلة مبتسمة بس لقيتها ودت وشها الناحية التانية

هويدا: ايه ياشيخة قلقتيني عليكي

لحظات ثواني

هويدا: فيه ايه ياماما؟

ردت عليا بوجع: انا مليش بنت من دلوقتي!

هويدا: يعني ايه؟

فيه ايه ياسمسم

سماح: هويدا انتي عارفة كويس

انا بنتي عمرها ماتبقي بالاخلاق دي ابدا!

انتي رخصـ*تي نفسك اوي

وخليتي راسي في الطيـ*ن انا وابوكي الي ما*ت لما تخلي واحدة تيجي تتكلم عنك كدة

انا مش هقدر اسمع كلمة ماما منك تاني ابدا!

امشي ياهويدا

امشي انا هعرف اعيش لوحدي

كانت دموعي بتنزل وانا مش فاهمة هي بتعمل معايا كدة ليه

انا عملتلها ايه

المفروض تتبطب عليا علي الي شوفته

المفروض تواسيني وتقولي انا معاكي متخافيش مش الكلام دة!

انا قلبي اتكسـ*ر اوي

قومت وانا مش قادرة امشي وفتحت الباب وبصتلها بصة اخيرة وطلعت

عم محمد: فيه ايه يابنتي هي كويسة؟

بتعيطي ليه

هويدا: والنبي ياعم محمد تخلي بالك منها وانا هديك كل الي انت عايزه

طلعت ٢٠٠جنية وحطتها في ايده بس قفل علي ايدي وبعدها عنه

عم محمد: متخافيش يابنتي روحي بيتك وانا هاخد بالي منها

انا عارفة ان عم محمد هياخد باله منها لانه كان بيعشق التراب الي بتمشي عليه وهي كالاتي

بس عمره مااعترفلها لغاية مااتجوزت ابويا وبعدت عنه ونسته علشان متكونش خا*ينة

حتي بعد ماابويا مات رفضت تتجوزه بعد مااتشجع وقالها لانها كانت عايشة علشاني بس

خرجت من المستشفي بعد مامسحت دموعي وانا عارفة وجهتي التانية هتبقي فين!

يتبع✨🤌

الجزء السادس

خبطت علي الباب وانا قلقانة بس كان الغـ*ل والكر*ه متملكيني

فتحلي الباب ايمن

مانا نسيت اقولكم اني رايحة ل ليلي

هويدا: فين ليلي؟

ايمن: مش هنا ويلا اتوكلي علي الله ياست

زقيته ب غل ودخلت الشقة ودخلت اوضة الصالون لقيتها معاها ضيوف

بصتلي بصدمة واضطرت تستأذن علشان ميحصلش فضيـ*حة

ليلي بهمس: ايه الي جابك يابت انتي هنا وانت ياايمن ازاي تدخل الاشكال دي هنا

عليت صوتي قاصدة الناس الي جوا تسمعنا: الاشكال الي مش عجباكي دي انضف منك انتي وجوزك

روحتي قولتي عليا ايه لامي

ماهي الحركات القذ*رة دي تيجوا منكم عادي

ليلي: عايزة تعرفي قولنا ايه؟

قولنا انك واحدة شما*ل وحاطة راس امك في الطين

حلو كدة؟

يلا امشي من هنا

هويدا: مش همشي

ايمن: يلا ياست لمي الليلة خليها تعدي علي خير

هويدا: مش هتعدي علي خير غير لما اعرف عملتوا فيا انا كدة ليه

ليلي: عايزة تعرفي ليه؟؟؟

هويدا: اههه

ليلي: علشان دايما انتي احسن مني في كل حاجة

امك الي انا قولتلك عليها خدا*مة وبتشتغل في البيوت المرة الي فاتت احسن من امي الي كانت دايما رميا*ني عندكم دايما

حتي في الدراسة

كنتي بتقفلي في كل المواد وانا دايما بنقص كتير وكل المدرسين يقولوا ليلي فاشلة عكس خالص صحبتها الي دايما معاها

انا بكر*هك ياهويدا

طول عمري

انا عمري مااعتبرتك اي حاجة غير عدو*تي

وهعمل اي حاجة علشان أذيكي

اي حاجة

مسكت بطنها جامد وهي بتتألم ف جري عليها ايمن

ايمن: امشي بقي غوري من وشنا!

مشيت وانا مش عارفة اعمل ايه

انا بقيت دايما مش عارفه اعمل حاجة

انا بقيت عاجز*ة عن التفكير حتي!

روحت شقتي لقيت مازن قاعد مستنيني

مازن: كنتي فين ياهانم

رديت عليه بتعب: عايز ايه يامازن

مازن: لما اسألك سؤال تردي بايجابة مش بسؤال تاني

هويدا: امي تعبت شوية

مازن: الف سلامة عليها

طب انا عايز افاتحك في موضوع

هويدا: مش قادرة دلوقتي

مازن: دة موضوع مهم جدا ميستناش اي حاجة

قعدت علي الكنبة وانا عارفة هو هيقول ايه

مازن: بصراحة كدة انا هتجوز

هويدا: اه بعدين؟

مازن: بعدين ايه

انا هتجوز

هويدا: اقوم ازغرط يعني

عايز ايه

مازن: يعني انتي موافقة؟

هويدا: موافقة بس؟

دة انا هاجي معاك كمان

سيبني انام بقي

دخلت نمت وتاني يوم قالي علي الميعاد الي هو في نفس اليوم بصراحة مكنتش مضايقة لاني كدة كدة مظبطة اموري

دخلت انا وهو وقعدت جمبه

اتكلم بابا العروسة: دي اختك يابني؟

مازن: مراتي ياعمي الي حكتلك عنها

حسيت نظراته اتغيرت بس مهتمتش

دخلت علينا المحروسة بكوبايات الشربات وقعدت جمب باباها وهي مكسوفة

كتها نيلة في شكلها الصفرا دي

اتكلم مازن: طبعا زي مانت عارف ياعمي انا طالب ايد بنتك

هويدا: وانا مش هقبل ب ضرة كانت مع جوزي الخا*ين واتنين كمان من ورا ابوها وامها!

يتبع✨🤌

الجزء السابع

الكل بصلي بصدمة بس ابتسمت وانا شايفة الر*عب في عيون مازن وعيونها

اتكلم باباها: انتي بتقولي ايه يابت انتي

انتي داخلة بيتي وبتعيبي في بنتي

فتحت موبايلي ووريتوا صور ليها مع مازن وهو حا*ضنها وماسك ايدها ونفس الكلام مع شابين تانيين

هويدا: والله ياعمي انا عملت الي عليا استأذنكم بقي

قبل ماامشي لقيت قلم منه علي وشي

عدلت طرحتي وخدت الموبايل وشنطتي ومشيت

مستنتش مازن حتي

روحت البيت وقعدت علي الكنبة وانا مبسوطة

نسيت اقولكم

صديقي القديم الهك*ر الي قولتلكم عليه هك*ر موبايلها وخد ارقام الشباب الي ماشية معاهم وقالهم علي كل حاجة وهما ساعدوه علشان يصوروها ويكشفوها قدام ابوها

اما بالنسبة ل مازن ف انا خليته يكتب الشقة باسمي وسط الحاجات الي كنت بشتريها وكأنها ورقة وسط الورق الكتير الي كله حاجات ملهاش لازمة علشان يخلص من زني

اتصلت بالمحامي علشان ارفع قضية خلـ*ع علي مازن وهو قالي علي الخطوات الي هعملها في القسـ*م

انا كدة كدة مبقتش احبه ولا بقيت محتاجاه في اي حاجة

دخلت خدت دش ونمت

تاني يوم صحيت لقيته قاعد قدامي علي الكرسي مستنيني

مازن: ايه الي انتي عملتيه دة!!

رديت عليه ببرود: اسمها صباح الخير صباح النور كدة

مازن: صباح الز*فت علي دماغك

لو مروحتيش قولتي لابوها ان الصور دي متفبر*كة

هويدا: هتعمل ايه؟

مازن: هطلقك

هويدا: طلقني

انا اصلا عايزاك تطلقني بلا نيلة

ضر*بني بالقلم جامد لدرجة ان بوقي نز*ف

مازن: ورحمة ابويا وامي لو ما عملتي الي قولتلك عليه هخلي ليلتك سودا

هويدا: دة الي انت فالح فيه

كدة بقيت راجل يعني لما تستقو*ي عليا

دة انت معندكش د*م

مسك الكرسي وحدفه عليا بس جريت دخلت الحمام وقفلت بالمفتاح

غسلت وشي وكنت قاعدة خايفة

فاجأة لقيت الباب خبط ف راح فتح

طلعت راسي براحة علشان اشوف لقيت راجل بيكلموا

فاجأة ملامحه اتغيرت وكأنه هيطلع شر*ار من عينه

بعد ماالراجل مشي لقيته خبط علي الباب جامد

مازن: بترفعي عليا قضية خل*ع ياهويدا

هويدا: وهرفع قضية تعر*ض كمان لو ممشتش دلوقتي

مسكت عصاية كانت موجودة وفتحت الباب

هويدا: لو قربت مني هضر*بك

ولو ضر*بتني انت هرفع عليك قض*ية وهتبقي مخل*وع وكمان مجر*م

مازن: انتي طالق ياهويدا

طالق بالتلاتة

هويدا: شاطر ياحبيبي يلا خد شنطة هدومك واطلع برا

يتبع✨🤌

الجزء التامن

طلعت العقد الي كنت مصوراه كذا صورة

بصلي وكان هيتجنن: دة دة اكيد متزو*ر

هويدا: تحب نروح القسم نشوف الموضوع دة ولا تمشي علي طول؟!

بصلي بنظرات مش مفهومة وخد هدومه ومشي

كنت مبسوطة

انا بقيت حرة

ععععع انا بقيت حرةةةةةة

كان ناقصلي امي

كنت نفسي اقولها ان مجهودك مرحش علي الفاضي

انا حققت حلمي ونزلت اشتغل ب شهادتي

مازن كان رافض فكرة اني اشتغل نهائي لما كنا متجوزين

قولت لماما كتير علي الموضوع دة بس ماما معملتيش حاجة لانها مش عايزة بيتي يتخر*ب

نزلت اشتغل في شركة كبيرة اوي واتقبلت وسط بنات كتيير اوي

المدير قالي ان شهادتي كويسة جدا وعندي خبرة كويسة لاني اشتغلت قبل كدة قبل مااتجوز مازن وانا متمرسة في ٦لغات غير العربي والانجليزي فاشتغلت علي طول

عدي الوقت

وكنت بعرف اخبار امي من عم محمد الي مكنش بيسبها وانا في الوقت المناسب هعرف اصالحها واراضيها كويس

اما بالنسبة لايمن وليلي فانا سبت حقي ل ربنا

وانا في الشركة

كنت قاعدة في مكتبي بترجم بعض الاوراق الي عليا

فاجأة اتصل بيا رقم غريب

رديت عليه لقيته صوت مألوف بالنسبالي

_سامحيني

سامحيني والنبي ياهويدا

دي دي ليلي!

قالتلي علي عنوان المستشفي وروحتلها

لقيت ماما هناك قاعدة

فتحتلي ايديها فحضنتها

كنت متمسكة بيها اوي وبعيط

كأني مشوفتهاش من ميت سنة

سماح: اانا اسفة يابنتي

ليلي قالتلي كل حاجة

هويدا: هي فين؟

سماح: كانوا راكبين العربية وعملوا حاد*ثة كبيرة اوي

ايمن بقي في ذمة الله وليلي بين الحية والموت

هويدا: ممكن ادخلها

قولت للدكتور وخلاني ادخلها

كانت بين الاجهزة

اول مرة اشوف ضعفها كدة

انا عمري مااتمنيت ان يحصلها كدة

مهما كان هي كانت زي اختي

شالت جهاز التنفس واتكلمت بصعوبة

ليلي: لو بنتي عايشة ربيها انتي

وسامحيني..

مكملتش كلامها وجهاز القلب وقف!

بعد سنة

كنت قاعدة في بيتي مع بنتي الي مخلفتهاش

رقية

وجوزي

المدير الي قبلني ب كل عيوبي

وقولتله اني مش بخلف وان رقية هي بنتي

وافق واعتبر رقية فعلا بنته

وبتقوله بابا وبتقولي ماما

انا سامحت كل الي ظلموني علشان اعرف اعيش

اعيش حياة كنت بتمني اعيشها دايما♡