تحميل رواية «املي الوحيد» PDF

رواية املي الوحيد الفصل الاول

حور : هو انا السمعته دا بجد انت هتجوز عليا ؟

احمد الكان قاعد بيكلم مع والدته : وايه المشكله يعني ، وهو انتي بتصنتي عليا

حور بدموع : كل دا عشان مبخلفش

احمد : اة يا حور عاوزة الصراحه استحملت كتير بقالي سنتين ، تعبت نفسي ف عيل ياشيخه

حور : والحب و هفضل معاكي و جمبك و مش هسيبك راح فين ؟

احمد : هو حد قالك اني هطلقك ، انتي هتفضلي علي ذمتي

حور مسحت دموعها : تبقي مجنون لو فكرت اني هفضل ثانيه واحدة ف بيتك بعد ما فكرت انك تتجوز

احمد بعصبيه : انتي بتغلطي و قرب منها مسك ايديها بقوة ، طلاق مش هطلق و العاوزة تعمليه اعمليه

حور : اوعي كدا ، انت مفكر نفسك ايه ، دا انت راجل ناقص ، استحملتك بقله فلوسك و معاملتك الزباله كل يوم و التاني ، و انك كل يوم تعايرني بعدم خلفتي و عاوزني اسكت و أفضل معاك و اكمل بعد كمان ما هتتجوز عليا ، لا فوق مش حور اليحصل فيها كدا و تسكت

احمد كان فقد سيطرته و مد ايدو عليها و مسبش حته ف جسمها سليم"ه

وعد طلعت تجري من الغرفه "اخت احمد" : عملت ايه ، عملت ايه يخربيتك ، الحقونااا ،و انتي واقفه ياما تتفرجي ، واقفه تتفرجي حسبي الله

****************

حور فتحت عينها : انا فين

الدكتور : انتي هنا ف المستشفي ، و اخيرا فقتي

حور : ليه ، ايه الحصل ، هو ف ايه

الدكتور : ف حد اعتدي عليكي بالضرب و انسه وعد جبتك ،هنعرف كل حاجه بس تفوقي

و جاي يمشي

حور : دكتور ، هو هو البيبي كويس ؟

دكتور : ايوة يا مدام حور ، لحقناة الحمدلله ، مع أن الحصلك لو اي حد مكانك لقدر الله البيبي مش هيستحمل ، بس ربنا ستر

حور : الحمدلله ، فيه حد عرف بالموضوع دا

الدكتور : الحقيقه مجبناش سيرة لانسه وعد

حور : ولا عاوزة حد يعرف ، وعد اخت جوزي ، و جوزي العمل فيا كدا و لو عرفت ممكن تقولو ويأذيني اكتر

الدكتور : اطمني محدش هيعرف

.....................

دخلت تصرخ بالمستشفي : بنتي ، بنتي

وعد : ايوا يا طنط متقلقيش حور فاقت الدكتور بس بيطمن عليها

ميرفت : اخرسي مش عاوزة اسمع صوتك ، كله من الزفت اخوكي والله لأودي ف ستين داهيه

وعد : انا مليش ذنب يا طنط صدقيني

الدكتور طلع و ميرفت جريت عليه

ميرفت بعياط : طمني علي بنتي يا دكتور

الدكتور : الحمدلله مدام حور فاقت و بقيت احسن ، محتاجين بس تاخدي رءيها و لو كدا هنعمل تقرير طبي وتعمل محضر ف العمل كدا

ميرفت : اكيد يا دكتور اكيد

***************

كان هو واقف وسط الشارع و بيزعق : اي حد هيفكر يقرب من المحل تاني دا تاني حقطعله رجله

سليم : بس يا هشام

هشام : مبسش دا محل ابويا و هيفضل طول عمرو محل ابويا الشقي فيه وتعب و عهد الله الهيقربلو ما هيبات يوم ف بيته سليم

هيبه : جرا ايه هو خدوهم بالصوت ليغلبوكم ، دا حقنا ، حتت عيل هيقف ف وش أعمامه

هشام : انت بذات تسكت و عارف العيل دا هيعمل ايه فيك كويس اوي

هيبه : بلاش تلعب معايا انا عامل حساب انك لسه ابن اخويا

هشام : انا مليش اعمام ولا ليا قرايب من بعد ابويا

و مشي و سابه

هيبه : وحياة امي لأوريك

**************

ميرفت : حتعملي محضر و هتاخدي حقك تالت و متلت

وعد : ابوس ايدك يا حور اخويا كويس اكيد ميقصدش

حور : الحصل دا لو كان حصل معاكي عمرك ما كنتي هتسكتي يا وعد، انتي حقنيه و عارفه أنه جه عليا اكتر من مرة و لو سكت هيأذيني لسه ، انتي غلاوتك عندي كبيرة بس المرادي انا مش هقدر

وعد بزعل : عندك حق يا حور انا مش عارفه ادافع عنه ، بس فكري تاني ابوس ايدك

****************

"بعد شهرين "

حور : ازاي دا حصل ، ازاي خرج يعني ايه يدفع فلوس و يخرج

وعد بخوف : اهو الحصل خافي علي نفسك يا حور ، انا قلقانه منه

حور بتوتر : انا خلعته ميقدرش يقربلي

وعد : عشان كدا بقولك خافي منه

حور قفلت معاها وهي متوترة و خايفه و بعد تفكير طويل

حور : يلا يماما

ميرفت : راحه فين يابنتي

حور : هنمشي

ميرفت : ازاي

حور : هنشوف محافظه تانيه ياماما نروح فيها

ميرفت : ازاي الكلام دا

حور : مش وقته كلام ، يلا بسرعه

***************

احمد : مشو من امتي ؟

ام فادي : يعني من يجي اسبوع كدا

احمد : متعرفيش راحوا فين

ام فادي : والله ابدا قالو انهم فترة و راجعين و أنها طالعه شغل

احمد : طيب شكرا لحضرتك

ام فادي : هو فيه حاجه يبني

احمد : فيه حاجات كتير و حساب كبير اوي .

رواية املي الوحيد الفصل الثاني

حور : يعني انا عاوزة اعرف دلوقتي الحمل دا من جوزي ، ازاي ؟

الدكتور : انا مش فاهم انتي عاوزة توصلي لأيه

حور : قولتلك اتأكد من التحاليل أنه من جوزي

الدكتور : يا مدام عيب كدا انا مش فاهم

حور : انا حامل و دي رابع شهر ليا و جوزي مبيخلفش بق

النا سنتين

الدكتور : التحاليل و كل حاجه قدامي بتثبت أن هو سليم تمام

حور : انا مش فاهمه حاجه

الدكتور : يا مدام حور انا مش فاهم انتي عاوزة توصلي لأيه بس جوزك بيخلف معندهوش اي مشكله و دا بناءن عن كل التحاليل الجبتيها

حور بصدمه و هي ماشيه : عن اذنك يا دكتور

دكتور : مدام حور استني

حور : نعم

دكتور : واضح انك انتي كان عندك مشاكل بسيطه ، وانا شاكك انك كنت بتاخدي حبوب منع الحمل و مأثرة عليكي لحد الان ، بصي انا مش عاوز اضايقك بس جايز كان فيه حد بيدهالك

حور بصدمه اكبر و كلامها بيقطع : ع...عن اذنك يا دكتور

..................

"أعدت تفتكر كم الإهانات و كم الذل الواجههتهه بسببه ، و اد ايه استحملت كلمه انتي مبتخلفيش و كان دايما تخرج منه ، و اد ايه كتمت جواها و مرضتش تجرحه "

حور بدموع : انا مش فاهمه حاجه ، انا مش فاهمه

عربيه جايه بتجري بسرعه و وقفت، نزل جري منها

هو : انتي كويسه ، ياا مدام ، يا مدام

حور كان أغمي عليها ثواني من الخضه و فاقت بدموعها : اةةةة ، انا كويسه و راحت ماسكه بطنها ، جرالي حاجه

ابراهيم : لا انتي زي الفل متقلقيش

حور : قومني ، قومني بسرعه و هاتلي كرسي

ابراهيم : حاضر ، حاضر

.................

حور : متشركين اوي ليك

ابراهيم بابتسامه : ولا يهمك ، انتي ماشيه كدا فين و بتعيطي ليه كنتي

حور : انا لسه جايه هنا جديد فالقاهرة انا و ماما ، فكنت بفكر هنعمل ايه ، و كنت بدور علي شغل كمان

ابراهيم : تشتغلي ازاي و فين جوز حضرتك

حور شرقت اول ما سمعت السيرة

ابراهيم : اشربي مايه ، انتي كويسه ؟

حور : اة اة

ابراهيم : طيب بصي يا ، اسمك ايه صحيح

حور : اسمي حور

ابراهيم بابتسامه : بصي يا مدام حور مينفعش شغل وانتي حامل ، حضرتك قوليلي مكانك فين وانا هعمل الأقدر عليه

حور : انا مبشحتش و مش عاوزة مساعدة من حد

ابراهيم : والله العظيم عارف انتي فهمتي غلط ، انا هخليكي تساعديني وانتي ف بيتك ، انتي و الحجه و بالمقابل كل اكلك و كل مصاريفك كل اول شهر هتجيلك

حور : بجد طب ازاي

ابراهيم ساكنه فين الاول

حور : ف العبور

ابراهيم بضحك : دا بجد ، دا انتي جارتي بقي .

******************

" و عدي شهر و اتنين و تلاته و اصبحت حور ف الشهر السابع و كل يوم حور تعمل الخضار و تنضفه هي و والدتها لابراهيم ، الكميته تكاد تكون معدومه و مستغربه واحد زي دا أداها المبلغ و كل حاجه مقابل الحاجات البسيطه دي ؟ "

ابراهيم : انتي كويسه انهاردة

حور بتألم : يعني شوية

ابراهيم : ماشاءالله هو الحمل بيحلي كدا

حور بابتسامه : بطل بقي

ابراهيم : فكرتي ف كلامي يا حور ؟

حور : انا مش مستعدة اجرب للمرة التانيه يا ابراهيم

ابراهيم : فكري تاني ياحور ، انا صدقيني هراعي ربنا فيكي و يعلم ربنا حبيتك ازاي

حور بضحكه : حب !!! ، الحب البتكلم عليه ذلني و هاني و قل مني و كنت عايبه كمان لأجل الحب ، الحب الحلاني احس دائما اني ناقصه وأنه له افضال عليا رغم اني سليمه ، حب ايه بس يا ابراهيم ، اةة اةةةةة

ابراهيم بقلق : مالك ، حور حور

و وقعت حور من الوجع

....................

ابراهيم : عامله ايه دلوقتي يا دكتور

الدكتور : احسن الحمدلله ، الطفل بس دخل الحضانه لأنه اتولد بدري عن معادو ، نفسيه الام كانت وحشه جدا

ابراهيم بزعل علي حالتها : هتفوق من البنج امتي

الدكتور : تقدر تدخل تشوفها .

*******************

" ف التلفون"

احمد : عرفت مكانها

هو : بس ايدك علي الحلاوة الاول

احمد : قولي و هبعتلك العاوزو

هو : ..........

احمد :ليه ف المستشفي ؟

هو : ...........

احمد بصدمه : انت بتقول ايه ؟؟؟

رواية املي الوحيد الفصل الثالث والاخير

حور كانت ساندة نفسها بالعافيه و واقفه بتبص عليه من الحضانه و تبكي : حبيب ماما يحصل فيك كل دا ، مش كنت تستني شوية ف بطني ولا كنت مستعجل اوي كدا

ميرفت : قولي الحمدلله بكرة يبقي زي الفل

حور بدموع : يااارب يااماما يارب

ابراهيم : حور دلوقتي الطفل دا هيتسجل بأسم مين

حور بزعل بصتله

ابراهيم : انا مقصدش ، انا اقصد ايه العيتم

حور : سجله باسمك يا ابراهيم

ميرفت : يخرابي بتقولي ايه ، اتجننتي

حور : سجلو بأسمك يا ابراهيم ، سمعتني ، انا ابني يبقي كويس دي اهم حاجه عندي ف الدنيا

ابراهيم : اعتبريه حصل

****************

"كان واقف زي عادته من اربع شهور يراقبها من بعيد ، يشوفها ازاي بتضحك ، ازاي وخداة ف حضنها ازاي فرحانه بيه ، و يبص عليه بحقد و كراهيه ، مختلط بحب و زعل و ندم ، كل حاجه فيه كانت بتندمه و بتندم نفسه أنه كدب و أنه عمل كدا ف حياته ، شايفو دائما جنبها وهو فين ، هو لوحدو واقف يتفرج من بعيد "

هو : انت يابني ، واقف هنا بتعمل ايه

احمد : ها حضرتك مين

الحج سامح : ميخصكش عاد انا مين ، بقولك واقف بتعمل ايه

احمد : مفيش و جاي يمشي

سامح : اصبر هنا بقولك ، مانتش ماشي غير لما تقولي بتعمل ايه هنا كل يوم ، انا مش مرتحلك

احمد زقه : ابعد عني يا راجل انت مجنون

سامح بزعيق و مد ايدو عليه : انت بتزوقني يابن الكل...

...............

ابراهيم : هو ف ايه ، خدي الولد كدا

حور بتوتر : ملكش انت دعوة يا ابراهيم ليحصل مشكله

ابراهيم : هروح اشوف ف ايه

حور مديت وراة تلحقه : ابراهيم استني استني

ابراهيم دخل وسط الخناقه بيشد احمد ،وسط صدمه حور الشافت احمد و طلعت تمد و تجري

حور بتوتر و قلق : احمد هنا ، بابا هنا ياحبيبي جاي ، جاي يق*تلني و يقت*لك ، انا هحميك ،هحميك متخفش

************************

حور فاقت بعياط : مش قادرة اكمل كفايه كفايه

الدكتور : حور اهدي لازم تكملي لازم اسمع الحصل كله ، استرخي

حور و مسكت دماغها : مش قادرة افتكر ، بموت ياا دكتور بموت

الدكتور : حور تمالكي اعصابك ، خليكي فاكرة أن دا هيجيب حقك ، اهدي عشان خاطري ، يلا ريحي علي السرير

حور بصتله بدموع وهو ييرجعها علي السرير بهدوء

الدكتور : انا سامعك كملي

**************

ابراهيم : مشيتي فجأه كدا مش كنا بنجيب تجهيزات الفرح ؟ انا وانتي و ادم

حور بتوتر: اصل اصل الولد تعب من الشمس و طلعت

ابراهيم : خوفك الزيادة دا غلط ياحور لازم تقوي قلبك

حور : لا متخفش انا مش قلقانه لا ، انا بس بحميه

ابراهيم قرب منها و مسك ايديها : حور القلق لي حدود ياحبيبت قلبي ، اني اقلق علي شخص زيادة علي آل لزوم و مخلهوش يعيش وقته ، يبقي دا ظلم ، ياحبيبتي انتي بتخاف ترضعي دقيقه زيادة يجرالو حاجه ، مش كدا يا حور ، انا جمبك اطمني

حور بقلق : حاضر حاضر ، خليني ابص عليه ليكون صحي

******************

ابراهيم : مبسوطه ؟

حور : بصراحه ايوا بقالي كتير مفرحتش ، ونبي ياماما خلبالك لأدم يتزحلق منك

ابراهيم بضحك : ياخرابي ، ياختي متخفيش ادم ف حضن ماما اهو مش هيجرالو حاجه

حور بتفرك ف ايديها : ماشي ماشي انا مش قلقانه متخفش

ابراهيم : مسك ايديها حبيبتي احنا ف الكوشه ف وسط القاعه فيه ناس حوالينا لازم تهدي و تكوني فرحانه ، و ف وسط كل الزحمه دي انا بحبك ، بحبك يا حور

حور اطمنت : وانا كمان

..........

"فجأه دخل احمد القاعه و كان زي المجنون و ف ايدو مسدس و اول واحدة شافته حور "

حور جايه لسه تجري علي ابنها تمسكوا ، كان احمد اسرع منها و ف لحظه ضربه بالمسدس و قت"له ادام عينيها بكل وحشيه

حور بصريخ : ابنيييي ، عملت ايه ، عملت ايه حرام عليك ، قتل'ت ابنك ، قت'لت ضناك ، قت"لته قتلت'ه ، اةةة ابني اةةةةةة

احمد بجنون : انتي كدابه ، ابني ازاي يعني ، دا ابنك انتي و الكلب الخونتيني معاه و دا تمن خيانتك ، كنتي عارفاة من وقت ما كنتي مجوزاني و حملتي منه و هربتي معاه بكل بجاحه ، انتي ايه يا شيخه

حور قربت منه و ضربت بالقلم : اخرسسس ، اخرس انت قت"لت ابنك فاهم يعني ايه

احمد بصدمه : كدب انا كنت بديكي حبوب منع الحمل ، انا عارفه أن أمي قلتلك أن العيب مني و أن المفروض انتي تقولي منك عشان محدش يكلم عليا وانتي وافقتي و ف المقابل انا كنت معنديش اي مشاكل ، انا كنت سليم و كنت بحطلك حبوب منع الحمل ، عارفه ليه ياحور ، عارفه ليه ، عشان كنت عارف ان كل الستات خاينه زي ما خونتيني ف الآخر كدا صح ،و روحتي مع حد تاني ف الوقت المحطتش فيه حبوب ف العصير صح ، هههههه مانتي مكنتيش عامله حسابك

حور ببكاء : انت مش طبيعي ، حسبي الله عملت فيا كل دا ،و الصغير ادم حبيبي ذنبه ايه ، انت تستاهل الموت تستاهل الموت فاهم يعني ايييه ، اخر مرة انا مشربتش العصير ياغبي مشربتهوش

احمد بصدمه نزل المسدس و بدأ يفكر للحظه أنه يكون ابنه و الدموع نزلت منه ، كانت حور وقتها اخدت المسدس

حور بانهيار : هقت"لك زي ما قتل"ته قدام عيني ، هقت"لك و هاخد حقي انا و ابني منك ، هاخدووو فاهمم

************

حور : و قتل"ته و لو كان يرجع بيا الزمن تاني هق"تله لالف مرة ولا هيهمني ، قتل ابني ادام عيني ، متخيل اب يق"تل ابنه ، يقت"ل طفل صغير

الدكتور : هسيبك دلوقتي ترتاحي .

حور ببكاء : انا عاوزة ارتاح ودوني عند ابني ، ودوني

الدكتور للمرضه : اديها المهدئ ، خليها ترتاح

***************

الدكتور : يلا ياحور جايلك زيارة ، تنزلي ف الجنينه تشمي هوا ايه رءيك

حور بجمود : وديني زي ما توديني

..................

ابراهيم : وحشتيني اوي ياحور ، الدكتور طمني و قالي فترة و هتخرجي انا مستنيكي علي فكرة

حور : شوفت ادم ، كويس طمني عليه

ابراهيم بحزن : هو كويس

حور بضحك : انت بتضحك عليا ، حتي انت مفكرني مجنونه ، انا فعلا مجنونه ، عارف مجنونه ليه ، عشان اخترت غلط ، عشان سكت علي الاهانه ، عشان عديت ، انا مجنونه خسرت ابنها و حياتها ، خسرت اجمل حاجه ف الدنيا اي ست بانتظارها

و بصيت علي التربازة الجمبها الكانت للأسف عليها سكينه

و بصيت لابراهيم : خلبالك من امي ، انا راحه لأدم ، راحه اخدو ف حضني

و راحت حور و راحت زي غيرها ناس بتموت يوميآ مقهورة و بتموت من جواها ف كل مرة بتسكت فيها عن حد بيهنيها و تعدي لمجرد انها بتحب الشخص دا ، لمجرد أن حياتها مش هينفع تكمل الا بيه .