تحميل رواية «الشقه المسكونه» PDF

انا وفاء شغاله مهندسه ديكور متجوزه عندي ٣٠سنه وعندي بنتين ريناد ١٠سنين وردوي ٧ وجوزي مصطفي عندوا ٣٨سنه كان دايما بيني وبين حماتي مشاكل كتير انا كنت عايشه معاها في نفس البيت وجت في يوم زملتي اسماء اتصلت بيا وقالت ليا علي احلي مفاجاه في الدنيا

اسماء :الو ازيك يا وفاء عامله ايه

وفاء :طلعان عيني لسه طالعه من تحت وخناقه مع حماتي زي كل مره

اسماء :اسكتي عبير جارتنا مسافره وعايزه تبيع شقتها

وفاء :بيع اي يا اسماء انا كل اللي معايا ٦٠الف جنيه

اسماء:الشقه ب٥٥الف

وفاء :اسماء انتي عبيطه صح

اسماء :اه والله وايجار حاجه تافهه ٢٥جنيه بس

وفاء 'بقولك اي مش ناقصه اشتغلات

اسماء:طيب تعالي دلوقتي وطبعا من الفرحه نزلت جري وراحت علي هناك وقابلت اسماء وعبير

عبير :اهلا بيكي يا قمر

وفاء. اهلا بيكي معقول الشقه جميله اوي

عبير :مبروكه عليكي ياروحي

وفاء :انا لحد دلوقتي مش مصدقه نفسي الشقه مس محتاجه اي تشطيب

عبير :انا لسه عروسه من شهر ونص

وفاء :حرام عليكي دول ٥٥الف جنيه ميجبوش حتي حق التوضيب

عبير :اصل لازم اسافر الاسبوع الجاي

وفاء :تمام انا خالص اشتريت روحت البيت وكان مصطفي روح من الشغل

مصطفي :كنتي فين

وفاء :اسكت لقيت حته شقه

مصطفي :تاني يا وفاء مش معايا فلوس

وفاء : حكت ليه علي كل حاجه وكان فرحان جدا وطبعا مش مصدق برضه وتاني يوم سابو رودي وريناد عند مامت وفاء وارحوا يودوا العفش

وفاء :مش مصدقه الشقه حلوه اوي

مصطفي :مش عارف حاسس ان قلبي مقبوض اوي

وفاء :والله بقولك اي رجوع بيت مامتك مش راجعه انا تعبت

مصطفي :بس بس اي مصدقتي انا بس جوايا احساس غريب مش عارفه فيه اي

وفاء :هروح اجيب البنات واجي وراحت وفاء ومصطفي دخل ياخد دش شويه والباب اتفتح

مصطفي :انتي جيتي يا وفاء والنبي هاتي البرنس نسيت اخدوا حطت البرنس علي الفواطه ومشيت

مصطفي :طيب قولي اتفضل انتي لسه مقموصه

ولبس وخرج وفاء وفاء انتي فين الباب اتفتح ادخلي يا رودي

مصطفي :مش لما تنزلي تاني تعرفني

وفاء :مانا قولت ليك رايحه اجيب البنات ردوي جت وريناد كانت نايمه الصبح هجبها

مصطفي :انتي بتقولي اي انتي لسه كنتي هنا حتي جبتي ليا البرنس

وفاء :بطل هزار بقي

مصطفي :والله ما بهزر انتي اللي بتهزري صح

وفاء :اه فهمت انت بتخوفني من الشقه علشان امشي مش همشي يا مصطفي

وفجاه سمعه صوت حاجه بتتكسر من المطبخ

المسكونه

الثانيه

دوداا حوده

وفاء :فيه اي

مصطفي :خليكي هنا ودخل ولع النور لقاه الصنيه اللي كان حاطط عليها الكوبيات رودي شدتها ووقعتها

مصطفي :تعالي دي بنتك

وفاء :كده يا رودي

رودي :اسفه يا ماما كنت عطشانه

وفاء :تمام يا حبيبتي ولا يهمك اوعي بس كده وشيلي عروستك دي من هنا علشان الازاز

رودي :حاضر يا ماما وخدت العروسه وخرجت وهي فضلت ولم الازاز وتعمل الاكل وكلوا ودخلوا نامو

وفاء :مالك باصص للسقف ليه كده

مصطفي :والله انا متاكد انك كنتي في الشقه

وفاء :يوووو تاني يا مصطفي اعمل اللي انت عايزو وقول اللي تقولوا اسيب الشقه ده هيبقي مستحيل ونامت ومصطفي فضل صاحي شويه وبعدين نام وهو مدي ظهرو ل وفاء شويه وسمع

مصطفي با مصطفي قوم اصحي عايزك

مصطفي :عايزه اي يا وفاء انا تعبت من اني اطلع العفش سبيني انام

..... قوم يا مصطفي انا مصدقك لانك انت بتقول الحقيقه اللي كانت معاك في الشقه مكنتش وفاء دي انا

مصطفي فتح عينه شويه ومش عايز يبص ورا بس سامع زي صوت نبح كلب وفيه سخونيه جايه من ظهرو مش قادر يتحملها وبص وراها وشاف وحده منكوشه جدا وشها محروق وعنيها بيضه كلها ومسكته هات حقي يا مصطفي اول ما شاف شكلها صرخ جامد اعوذوا بالله من الشيطان الرجيم لا الله الا الله

وفاء دخلت الاوضه :مالك يا حبيبي فيك اي

مصطفي :لا اله الا الله لا مش معقول

وفاء :فيه اي بس شوفت كابوس

مصطفي :لا والله انا كنت صاحي شوفت وحده محروقه كانت نايمه جنبي عالسرير

وفاء :لاااااا بقي طيب يا اخي خليك زكي شويه متعملش كده في أول يوم علشان اصدق والله ده كلام مامتك وانا عارفه وعايز تمشي قوم يلا روح ليها انما انا مش هسيبك الشقه

مصطفي :انا مش بكدب يا وفاء والله الشقه دي في حاجه انتي كنتي فين

وفاء :كنت في الحمام وسمعت رودي بتكلم حد دخلت لقيتها بتكلم العروسه فهمتها أن كده غلط وبعدها سمعتك وانت بتصوت

مصطفي : انا مستعد اشوف شقه احسن من دي وهستلف فلوس بس نمشي من هنا

وفاء :موافقه يا حبيبي لحد ما تعمل كده أنا هفضل في الشقه دي ويلا نام ورايا شغل الصبح وراحت الشغل وودت رودي عند مامتها

اسماء :ها عامله اي في الشقه الجديده

وفاء :مبسوطه اوي والله الشقه جميله جدا ربنا يخليكي ليا

اسماء :تتهني بيها يارب

وفاء بس شكل حماتي مش هتسبني اتنهي بيها

اسماء :ليه كده وهي مالها

وفاء :متفقه مع مصطفي أنهم يكرهوني في الشقه انا شيفاه الشقه طبيعه بس هو عامل يقولي أنه بيشوف فيها ناس

اسماء :بسم الله الحفيظ ربنا يجعل كلامنا خفيف عليهم

وفاء :انتي كمان عبيطه وتلفون وفاء رن

وفاء :يووووووو بتيجي عالسيره الو ازيك يا ماما

حماتها : اهلا ياختي عامله اي

وفاء :مخنوقه من غيرك والله 😏😏

حماتها :اه منا عارفه الحب مقطع بعضه اوي

وفاء :المهم انتي اخبارك اي

حماتها :كويسه انا جايه اشوف الشقه انهارده

وفاء :تنوري يا ماما 😡😡

حماتها :بليل هكون عندك يلا سلام

وفاء :ما تحرمني من غيرك يومين بقي

اسماء :اوعي تقولي انها جايه

وفاء :ايوه انهارده

اسماء :الله يكون في عونك وخلصت شغب وروحت البيت والجرس رن فتحت الباب وكانت بنت جميله اوي

وفاء :ايوه اي خدمه

البنت :انا جارتك سميحه ولما عرفت انك سكانه جديد قولت انزل اسلم عليكي

وفاء :طيب اتفضلي ادخلي

سميحه :خليها بعدين اتفضلي طبق مكرونه بالبشاميل يارب يعجبك

وفاء :ليه بس تاعبه نفسك كتر خيرك

سميحه :اكيد هنشوف بعض تاني صح

وفاء :اه طبعا انا حماتي انهارده عندي بكره هبقي اطلع ليكي

سميحه :هستناكي يلا بقي لاحسن الباميه هتتحرق

وفاء :لا انا لسه هو انتي عرفتي منين اني عامله باميه

سميحه :دي اكلتي المفضله وبحبها بايته كمان وريحتها طالعه

وفاء :اه طيب اتفضلي اتغدي معانا

سميحه :لا شكرا بعد اذنك وطلعت وقفات الباب

وفاء :ريحه الباميه لسه مش طالعه ازاي شمتها يلا

ودخلت حطت الطبق علي السفره وحماتها كانت في الحمام

حماتها :ها الاكل لسه قدامه كتير

وفاء :هعمل الارز يكون مصطفي جه في طبق في مكرونه علي السفره كلي حضرتك منه عقبال ما اخلص الاكل ودخلت اوضه النوم وخرجت

حماتها :برضه مش ناويه تبطلي حركاتك دي فين المكرونه دي الطبق فاضي

وفاء :فاضي ازاي انا لسه حكاه

حماتها :شوفي يمكن اكون انا عاميه وشافت الطبق لقيته فاضي ونظيف كمان 😦😦😦😦

الشقه المسكونه

الثالثه

دوداا حوده

وفاء :اه فاضي تمام يا ماما ثانيه والأكل يبقي جاهز ودخلت المطبخ انتي ست مفتريه بتفكروا تجنوني انتي وابنك بس والله ما هيحصل انا عارفه الشغل ده كويس ومصطفي جه

مصطفي :مساء الخير

الام :مساء الخير يابني

مصطفي :انتي هنا منوره يا ماما

الام :مهو باين كان مالو بيتك ابوك بس يابني

مصطفي :مش وقته يا ماما بالله عليكي وبعدين هو انا هسيبك انا هفضل عندك برضه كل خميس وجمعه هجيلك

وفاء :معقول هتسبنا في الشقه الجديده لوحدنا

مصطفي :لاطبعا كلنا هنروح

وفاء :لا عالاقل في الاول بس انا عايزه البنات تتعود علي الشقه

مصطفي :اي الكلام ده

الام : اه منا عارفه يا ابني مراتك مش بتحبني ومش عايزه تيجي عندي

وفاء :انا مقصدتش يا ماما امي اللي اسمها امي مش ببات عندها بروح وبرجع ابات في شقتي

الام : ماشي براحتك حطوا الغدا واتغدوا

مصطفي :انا هروح اوصل ماما

وفاء :ماشي مش مامتك حبت تكمل اللي انت بتعمله

مصطفي :مش فاهم بتقولي اي

وفاء :وحده جارتنا نزلت طبق مكرونه ومامتك كانت جعانه قولتها الطبق اهو ودخلت الأوضاع وخرجت بتقولي الطبق فاضي

مصطفي :انتي مش عايزه تصدقي أن فيه حاجه غريبه في البيت برحتك سلا ومشي وسبها وسمعت ردوي بتتكلم في الاوضه

وفاء :رودي مش قولت كام مره متتكلميش معاه العروسه

رودي :هي اللي بتكلمني يا ماما

وفاء :في عروسه بتتكلم برضه اهي اختك جايه بكره واتكلمي معاها برحتك

رودي :لما تيجي ريناد هتنام فين

وفاء :معاكي يا حبيبتي في نفس الاوضه

رودي :سوسن مش موافقه أن ريناد تنام معانا وبتقول لو جت هتقتلها

وفاء : هههههههههههه سوسن مين العروسه

رودي :لا سوسن اللي قاعده جمبك دي وبتلعب في شعرك

وفاء حست أن جسمها كله منمل ومش قادره تتحرك وخايفه تبص جمبها بس بصت مش لقت حد طيب نامي يا حبيبتي دلوقتي وسمعت صوت صويت جاي من الدور اللي فوق قفلت الباب وطلعت تشوف في اي

خبطت فتحت سميحه

سميحه :تعالي اتفضلي ادخلي

ودخلت وفاء كانت الشقه ظالمه اوي وفيها نور بسيط جدا

وفاء :انا سمعت صويت قولت اطلع اطمن عليكي

سميحه :سوسن بنتي مجناني

وفاء :سوسن تصدقي انا بنتي سمت العروسه سوسن

سميحه:عارفه وفرحت اوي

وفاء :وانتي عرفتي منين

سميحه :كنت وافقه في البلكونه وسمعتها وهي بتكلمها

وفاء :نفسي اخليها تبطل الحركه دي والله مش عارفه

سميحه :خليها تلعب معاها هي فرحنا اوي

وفاء :مين اللي فرحنا

سميحه :بنتك اكيد فرحنا بيها المهم المكرونه عجبتك

وفاء :بصراحه مكلتش منها اصل حماتي كانت عندي وكانت جعانه اوي وكلتها

سميحه :بس كان لازم انتي اللي تكليها

وفاء :نعم مش فاهمه كلامك

سميحه :اقصد علشان تقولي رايك فيها اي

وفاء :تتعوض ياحبيبتي بعد اذنك

سميحه : رايحه فين لازم تشربي حاجه

وفاء : تتعوض اصل البت لوحدها

سمحيه:معاها سوسن

وفاء :سوسن بنتك ؟

سميحه :لا العروسه مش بتقولي العروسه اسمها سوسن

وفاء :اه اه لا معلش بعد اذنك ونزلت وكانت حاسه بخوف اول مره تحس بيه من ناحيه العماره شكل سميحه مريض مش نفس الشكل اللي شفتها بيه اول مره عينها عالطول مفتوحه مش بتبربش خالص ضحكتها غريبه اوي بس محبتش تقول لمصطفي حاجه اسماء كانت معديه بالعربيه شافت عبير

اسماء :عبير ازيك لي مش سافرتي ليه

عبير :اه السفر اتاجل هي صحبتك عامله اي في الشقه

اسماء :مبسوطه بيها اوي ربنا يخليكي يا حبيبتي

عبير :مش معقول اشمعنا هي

اسماء :مش فاهمه قصدك اي يعني اي

عبير :بوصي بصراحه انا مش مسافره الشقه دي مسكونه روح وحده وبنتها هي والشقه اللي فوقيها ولما سألنا عرفنا أن كان ساكن وحده اسمها سميحه وبنتها سوسن وحماتها كانت في الدور اللي فوق وكانت دجاله كبيره اوي وفي يوم كانت حماتها بتحضر جن وكانت مولعه بتوجاز قريب منها بتولع منه الورق البوتاجاز ده مسك في العفش بس اللي مات سميحه وبنتها سوسن ولحد دلوقتي مش لاقين جثه حماتها

# الشقه المسكونه

الرابعه

دوداا حوده

اسماء :انتي بتقولي اي ده كده وفاء حياتها في خطر

عبير :بقولك اي انسي اني ارجع فلوسها انا خسرت دم قلبي في الشقه دي

اسماء :كل اللي همك الفلوس وحيات وفاء عادي

عبير :عالعموم انا مش هنا انا سافرت

اسماء :لا طبعا مش هيحصل انتي هتيجي معايا وهنروح لنقولها

عبير :لا طبعا عايزه تروحي تقولي ليها براحتك ومشيت عبير وفي بيت ام وفاء

ام وفاء :مالك شكلك مضايقه ليه

وفاء :اول مره يا ماما مصطفي يبقي ماشي ورا كلام امه

الام :ليه بس اي اللي حصل

وفاء :تصدقي يا ماما عايزين يخوفني من الشقه

الام : مصطفي ميعملش كده لا انا عارفه كويس

وفاء :لا متعرفهوش بعد ما سبنا بيت امه اتغير اوي يا ماما

الام :حبيبتي اقعدي واتكلمي معاه براحه وانا متاكده أن فيه حاجه انتي فاهمه غلط

وفاء :ربنا ييسر يا ماما ياريناد يالله يا ماما علشان نمشي

ريناد :لا مش هروح معاكي

وفاء :ليه يا حبيبتي مش تيجي تشوفي الشقه الجديده

ريناد :لا سوسن هتموتني ⁦😭😭

وفاء :كده يا رودي الكلام الفراغ ده مش قولتك متقوليش الكلام ده تاني

رودي :والله يا ماما مش أما اللي قولت دي سوسن 😦😦

وفاء :وكمان كدابه حسابك معايا كبير اوي

ريناد :لا يا ماما انا سوسن جت وانا في الحلم وقالت ليا كده

وفاء :بقولكم اي بقي انا مش ناقصه مش كفايه ابوكم يلا بينا

الام وفاء جوزك مش بيخوفك في حاجه غلط في البيت ده

وفاء :حتي انتي يا ماما يوووو فيه اي يا جماعه مينفعش كده بقي حرام

الام :العيال دي بتتكلم بجد هما شايفين حاجه انا مش شيفاها

وفاء :ماشي الشقه مسكونه انا موافقه يا ماما اهو العفاريت احسن من حماتي برضه

الام :وفاء مش غريبه أن شقه بالمساحه دي وبالتمن ده والتوضيب ده وكلام جوزك وعيالك مش مشكك فيه حاجه

وفاء :ماما بقولك اي والنبي عايزه امشي سلام ومشيت وفاء وروحت البيت لقت سمحيه قدام الباب

وفاء :اي ده معلش انتي كنتي بتخبطي عليا

سميحه :,اه كنت فكراكي جوا

وفاء :تعالي ادخلي انا كنت عايزكي

سميحه:تحت امرك ودخلت سميحه ووفاء

وفاء :انتي ساكنه هنا بقالك قد اي

سميحه :يجي ٢٠سنه

وفاء :ليه انتي عندك كام سنه شكلك صغير

سميحه:اصل ده كانت شقه عمي وانا اتجوزت فيها خير فيه حاجه

وفاء :اصل البنات بتقولي كلام ومصطفي كمان انا مش بشوف حاجه بس هما بيقولوا الشقه مسكونه

سميحه :مسكونه هههههههههههه وانتي بتخافي من الجن والعفاريت

وفاء :لا بس بقيت مستغربه بكلامهم

سميحه :مش انتي مرتاحه للشقه

وفاء. :ايوه

سميحه خلاص كبري دماغك يلا يا سوسن

وفاء :رايحه فين مانتي قاعده

سميحه :لا علشان لو جوزك قرب يجي ولا حاجه

وفاء :لا بايت عند مامته انهارده

رودي :ماما هطلع اشوف عروسه سوسن

وفاء :لا يا حبيبتي خليها بعدين

سميحه :خليها تطلع مع سوسن دي بتحبها اوي ونفسها تكون معاها 😦😦

وفاء :علشان متعملش ازعاج ليكي

سميحه :لا خليها تجيي وتطلعت معاهم والباب خبط

وفاء : اسماء ازيك تعالي

اسماء :ازيك يا وفاء عامله اي في الشقه

وفاء 'كويسه مرتاحه لولا كلام مصطفي

اسماء :جوزك عندوا حق

وفاء :مش فاهمه يعني اي

اسماء :الشقه دي اتحرق فيها وحده اسمها سميحه وبنتها سوسن والشقه مسكونه

وفاء :بتقولي اي بنتي ⁦😭😭😭😭

المسكونه

الاخيره

دوداا حوده

وفاء :بنتي وطلعت جريت هي واسماء ووقفوا قدام شقه سميحه الشقه اللي كانت كلها تراب وعنكبوت الشقه اللي كان عليها قفل كبير

اسماء :بنتك فين دي شقه مقفوله من زمن

وفاء : ردوي تعالي والنبي انتي يا حبيبتي حقك عليا انا اسفه

اسماء :انتي بتقولي اي انا مش فاهمه حاجه

وفاء :بنتي جوا انا كنت بشوف سميحه زي ما بشوفك كده والله وبنتها سوسن

اسماء :انتي بتقولي اي امال هما كانو بيقولوا انها ماتت ازاي

وفاء :الشقه كانت مسكونه وانا ضيعت بنتي انا عايزه بنتي

اسماء :نزلت للبيت المجاور لبيت وفاء واتكلمت معاهم عن سميحه وكانت في جاره اسمها صفاء حضرت ايام سمحيه

صفاء :الله يرحمها كانت غلبانه وطيبه منها لله حماتها بقي لو كانت ماتت أو عايشه

اسماء :اي الموضوع

صفاء :كانت حمات سميحه بتعمل اعمال سفليه والبيت ولع بيهم الغريبه أن لما المطافئ والاسعاف جم مش لقواالا جثتين جثه سميحه وجثه بنتها

اسماء :طيب صحيح البت كان مسكون ب بسميحه وبنتها

صفاء :الله اعلم بس احنا دايما بتشوف وحده سودا خارجه من البيت كل يوم بليل وتيجي ناحيه البيت الظالمه اللي في اخر الشارع وبتختفي

اسماء :فين البيت ده

صفاء :بلاش يابنتي البيت ده صعب الدخول او الوصول ليه خافي علي نفسك

اسماء :عرفت مكان البيت وعارفه أن مافيش حل فيه بس قالت يمكن يظهر حاجه فيه

مصطفي :قولتك البيت مسكون وانتي مصممه اننا نكمل فيه

وفاء :موتني اعمل اي شي بس رجع بنتي تاني

مصطفي :ازاي هعمل كده ازاي انتي سامعه الناس كلها بتقول اي

اسماء :مصطفي :ساعدني اننا نكسر القفل

مصطفي :نعم انتي بتقولي اي عايزني أضحي بيكم انتوا كمان

اسماء :لا بس اسمع كلامي وفعلا عملت كده وكسرت القفل اه البيت كام قديم بالعفش بس كان فيه اوضه مقفوله فتحتها لقت مرتبه ورغفين عيش بقالهم يومين مثلا

اسماء :في حاجه غريبه واحنا لازم نوصل ليها

وفاء :مش فاهمه فيه اي

اسماء :احنا لازم نروح البيت المهجور.

مصطفي :بقولك اي انا مش رايح بيوت وبالنسبه لبنتي انا هعرف أرجعها ازاي

اسماء :اسمع كلامي بس في حوار ورا الموضوع ده مش هينفع ندخل البيت بليل لازم ندخل الصبح علشان نامن نفسنا برضه

مصطفي :انا مش هعمل كده

وفاء :انا معاكي شوفي عايزه اي وانا هعمله

مصطفي :ومين هيطوعك في كده

وفاء :روح بنتي وحياتها اغلي مني انا

مصطفي :مش هيحصل يا وفاء وتاني يوم راحت وفاء لقت البيت مقفول بقفل كتير وسمعت صوت طفله بتبكي

وفاء :بنتي ده صوت بنتي

اسماء :مش هينفع ندخل احنا لازم نبلغ البوليس

وفعلا بلغوا البوليس وجه وكسر القفل ولقاه سميحه وحماتها وطفتلين

وفاء :ازاي انتو عايشين انا مش فاهمه حاجه وكانت في اوضه جوا بنت متحنطه وكانت محروقه وأعمال كتير وجماجم كتير وحكت سميحه الحكايه

سميحه :انا كنت بساعد حماتي في الأعمال بتعتها وفيه يوم طلبت مني طلبات اروح اجبها ولما رجعت لقيت حماتي مقباني عالشارع

سميحه :انتي وافقه كده ليه

الحما:تعالي عايزكي

سميحه :خير فيه اي

الحما خدتها علي البيت المهجور وحكت ليها أن البيت ولع وكان معاها وحده جايه تعمل عمل لطلقيها ولما النار مسكت في البيت حماتها اغم عليها ونزلت البت جري وسمعت صوت سوسن دخلت علشان تلحقها النار مسكت فيهم هما الاتنين

سميحه : فضلت تصوت بنتي راحت لااااااا

حماتها :انا هرجعها ليكي تاني بس عايزين جثتها وانتي لو خرجتي من هنا هيتقبض عليكي وفضلت وهما سميحه أن لو جابو عيله صغيره من عمر سوسن لما ماتت ودبحوها الجن والعياذ بالله هيقدر يساعدهم أنهم يرجعوا سوسن تاني

الظابط :ومين البت الصغيره اللي كانت معاكوا التانيه دي

سميحه :بنت كانت بتشحت الاول بس حماتي قالت انها اكبر من بنتي واهو نخليها تسعدنا وكانا اي حد يسكن الشقه كنت بعرف ادخل الشقه ازاي وارعب علشان مش عايزه حد يسكن مكانا عالشان الجن عايز البيت

 الظابط :وكنتوا خطفتوا الطفله دي علشان تدبحوها

سميحه :عايزه بنتي ترجع تاني (وطبعا ده جهل ومافيش اي حاجه من دي )واتحبست سميحه وحماتها وتم دفن الجثه سوسن ووفاء رجعت شقتها تاني بعد ماكان هيجي ليها انهيار عصبي خوفا علي بنتها وفكرت انها تعامل حماتها زي امها وبعد الموقف ده حماتها خافت أنهم يمشوا من البيت تاني وبقت تعامل وفاء كويس وطبعا وفاء شكرت اسماء لان هي السبب في الموضوع ده والبيت اتقفل واتمنع حد يسكن فيه

تمت