تحميل رواية «المتمردة» PDF

رواية المتمردة الفصل الاول

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير

نبداء قصتنا بسم الله والصلاه والسلام علي رسول الله سيدنا محمد اللهم صلي وسلم وبارك عليه

ابطال قصتنا فرح فتاه رقيقه جميله ملتزمه جاده في دراستها واليوم هي في السنه الاخيره من كلية التربيه وكل سنه بتنجح بامتياز وفرح بنت العمده عبد الحميد عمدة قرية المناره محافظة قنا ربها ابوها علي القيم والاخلاق امها ماتت وهي صغيره و ابوها رفض الجواز عشان يربي بنته الوحيده فرح وفرح مش بتخبي اي حاجه عن ابوها إلا حاجه وحده ودي هنعرفها من خلال الاحداث

فارس من الجيزه اتخرج السنه اللي فاتت من كلية تربيه بتقدير امتياز وتم تعينه معيد في كلية التربيه بمحافظة قنا فارس ابوه رجل اعمال كبير لكن فارس كان حابب التدريس وحابب يكون ليه حياته المنفصله عن ابوه ومع بداية الدراسه بينزل فارس قنا وياخد شقه هو وصاحبه تامر اللي بيكون متعين معاه معيد في نفس الجامعه وبيكون فارس معاه عربيته الخاصه وينزل من الشقه هو وتامر وبيركبه العربيه وبيتحركه علي الجامعه

فرح .. صباح الخير يا بوي

عبد الحميد .. صباح الورد علي نور عيني

فرح .. ثواني والفطار يكون جاهز يا عمده

عبد الحميد .. بيمسكها من ايدها تعالي صباح جهزة الفطار ما تتعبيش نفسك

فرح.. بتبص لصباح الي بتكون واقفه علي جنب بقا كده يا صباح انا مش قولت العمده مش هياكل غير من ايدي

صباح .. اعمل ايه يا فرح العمده هو اللي امر بكده

عبد الحميد .. خلاص يا بت انتي وهي يلا نفطر الاكل هيبرد

صباح.. لا افطره انتو يا عمده وانا هبقا افطر في المطبخ

فرح .. بتمسك صباح من ايدها يلا يا صباح وبطلي الاسطوانه بتاعة كل يوم دي

عبد الحميد .. اسمعي الكلام يا صباح انا بعد ابوكي شيخ الغفر ما مات وانا ربيتك وكنت وقتها لسا ما خلفتش فرح وبعد ٣ سنين جات فرح وربتكم انته الاتنين وما فرقتش بينكم بس انتي اللي مخك تخين وما نفعتيش في التعليم

صباح .. تعليم ايه يا ابو العمده انا كفايه عليا اخدمك لحد ما اموت عشان اردلك جميلك عليا

عبد الحميد .. انتي زي فرح عندي يعني بنتي وان شاء الله اول ما يتقدملك حد مناسب انا الي هجهزك احسن جهاز عشان اخلص منك

صباح .. بقا كده يا عم الحاج

فرح .. هنفضل نتكلم انا اتاخرت

وبيقعده كلهم وبيفطره سوا وفرح بتكون مستعجله

فرح .. يلا السلام عليكم

عبد الحميد .. وعليكم السلام ورحمة الله وبركاته يا مهران

مهران .. ايوه يا جناب العمده

عبد الحميد .. خلي السواق يطلع العربيه عشان يوصل فرح الجامعه وتروح انت معاها بسلاحك وتفتح عينك

فرح .. ليه يا بابا انت اول مره تعمل كده هو حصل حاجه انا معرفهاش

عبد الحميد .. دلوقت انتي اتاخرتي بعد ما ترجعي هحكيلك كل حاجه

فرح .. ماشي يا ابوي

مهران .. اتفضلي يا فرح

فرح .. حاضر يا عم مهران وبتركب العربيه كنت عايزه اسالك علي حاجه يا عم مهران

مهران .. خير يا بنتي

فرح .. هو فيه ايه ابويا اول مره يطلع معايا حد بسلاح انا قلقانه علي ابويا

مهران .. ما انتي عارفه يا بنتي العمده بيحب يقولك كل حاجه بنفسه بس ما تقلقيش ما فيش حاجه

فرح .. انت كده لا باخد معاك حق ولا باطل

مهران .. ضحك ادينا وصلنا

وعلي بوابة الجامعه عربية فارس بتوقف في وش عربية فرح والاتنين داخلين من البوابه السواق بيفرمل مره وحده

فرح .. في ايه

مهران .. واحد حمار داخل ولا شايف حد وبيبص من شباك العربيه ارجع وره يا خينا خلينا ندخل

فارس .. بينزل قزاز العربيه ما ترجع انت انا مستعجل يا بلدينا

مهران .. شكلك ما بتفهمش وبينزل من العربيه و السلاح في ايده

فرح .. عم مهران وبتنزل وراه

مهران .. انا بقولك ارجع

تامر .. ايه ده سلاح ارجع يا فارس وخلينا نخلص

فارس .. بينزل في ايه يا بلدينا الطريق طريقي انا

فرح .. عم مهران شكله غريب خلاص ارجعو انتو وانا هدخل مشي

مهران .. انت من فين يا ولدي

فارس .. من الجيزه

مهران .. ماشي حقك عليا ونورت الصعيد كله وبص للسواق ارجع يا ولدي الغريب ليه احترامه

فارس .. الف شكر ليك يا حاج واسف انا هرجع وانتو اتفضلوا

فرح .. لا خلاص روح يا عم مهران

ساره .. فرح هو في ايه

فرح .. ولا حاجه يا ساره يلا يا عم مهران وانا هدخل الجامعه مع ساره

مهران .. حاضر يا بنتي ويركب العربيه ويمشي

فارس .. اتفضلوا معانا كده كده انا داخل جوه

ساره .. بتبصله باعجاب ماشي

فرح .. بتمسكها من ايدها لا شكر و الحكايه خلصت لحد كده وتمشي

تامر .. ايه مسلسل ذئاب الجبل ده مين دي عشان يوصلوها بسلاح كده

فارس .. خليك في حالك ومش عايز وجع دماغ من وراك

تامر .. هي البت بصراحه قويه كده وكارزما وكمان جميله اووي

فارس .. انت هنا في قنا فوق لنفسك وانا مش بحب الغلط

تامر .. خلاص يا فارس هو انا قولت حاجه

ساره .. فيه ايه يا فرح الواد مز

فرح .. لو ما بطلتش كلامك ده الي مالوش تلاتين لازمه اقسم بالله ما هعرفك تاني

ساره .. خلاص يا فرح قلبك ابيض انتي اصلآ معقده

فرح .. انا مش معقده بس صنف الرجاله ده كله كدب وخداع وانا اتلدعت مره ومستحيل اوقع تاني

ساره .. معقول انتي حبيتي قبل كده زي البنات مستحيل ده الكل بيقول انك راجل

فرح .. في الثانويه واحد فضل يشاغلني وانا من جوايا حبيته اووي بس ما كنش ينفع اكلمه انا ما تربتش علي كده وبعد ما خلاص بقي كل حياتي وكنت خلاص هقوله اني بحبه اكتشفت انه مع كل بنت شويه وانا الي عمري ما خبيت حاجه عن ابويا ما مقدرتش احكي له حاجه كان نفسي اترمي في حضنه وفضفض له عشان ارتاح بس ما قدرتش من وقتها وكل الرجاله زي بعض كلهم خاينين بيجرو ورا اي وحده وبس وانا مش سلعه ولا هكون

ساره .. ياااااا يا فرح وانا اللي كنت فكراكي حجر يطلع في الاخر السبب انك انجرحتي

فرح .. خلاص انسي ويلا عشان نلحق المحاضره

ساره .. يلا

فرح .. بتوصل قاعة المحاضرات بتلاقي فارس قصادها وبيمد ايده عشان يفتح الباب

فارس .. بيفتح الباب اتفضلوا

فرح .. بتدخل وكانها مش شايفاه

ساره .. بتهمس لفرح ده طلع زميلنا كمان

فرح .. بتقعد

فارس .. يا شباب ويا بنات ياريت الكل يقعد مكانه وبعد ما الكل قعد السلام عليكم

الكل .. وعليكم السلام ورحمة الله وبركاته

فارس .. كل سنه وانت طيبين وان شاء الله هكون معاكم السنه دي وبدأ يعرف نفسه وبعد كده طلب من الطلبه كل واحد فيهم يعرف نفسه لحد ما وصل لفرح

فرح .. وقفت فرح عبد الحميد وبتقعد

وبعد الكل ما بيعرف نفسه بيبدأ فارس المحاضره وبعد المحاضره الكل بيخرج

فارس .. بيخرج وبينده علي فرح

فرح .. بتوقف هي وساره وبتبص عليه

رواية المتمردة الفصل الثاني

بسم الله ولا حول ولا قوه إلا بالله العلي العظيم

فرح .. بتوقف هي وساره و بتبص لفارس خير يا دكتور فيه حاجه

فارس .. بعتذر لك علي الي حصل الصبح

فرح .. تقاطعه اللي حصل الصبح خلص الصبح و مفيش داعي لي اي كلام بعد اذنك وبتمشي

ساره .. معلش يا دكتور هي فرح كده قليلة ذؤؤؤق

فارس .. بصلها من فوق لتحت وسابها ومشي

تامر .. شافهم وبينده علي فارس لكن فارس ماخدش باله وبيقرب تامر من ساره مساء الخير

ساره .. مساء النور يا دكتور

تامر .. انا تامر صاحب فارس الروح بالروح

ساره .. وانا ساره

تامر .. اتشرفت بيكي يا انسه ساره هو فارس ماشي كده ومش شايف قدامه ليه

ساره .. اصلي فرح نفضتله

تامر .. صحبتك دي ما حدش يعرف يكلمها اصلآ هي مالها كده

ساره .. دي معقده

تامر .. اوعي تكوني زيها

ساره .. لا طبعا

تامر .. هي مين بقا وايه الراجل الي بسلاح وراها ده

ساره .. ده شيخ الغفر اصلي فرح بنت العمده

تامر .. وعشان بنت عمده لازم حد يوصلها بسلاح

ساره .. لا دي اول مره تحصل ومش عارفه السبب

تامر .. ممكن رقم تليفوتك

ساره .. اكيد طبعا ........

تامر .. شكلنا هنبقا اصدقاء

ساره .. اكيد طبعا

تامر .. بس انتي لهجتك زينا مش زي فرح

ساره .. عشان انا مش من الصعيد

تامر .. انا قولت كده برده هروح انا دلوقت عشان الحق فارس

ساره .. وانا هروح الحق فرح وبتتحرك

مهران .. بيوصل بالعربيه وبينزل يستنا فرح

فرح .. بتطلع من باب الجامعه السلام عليكم

مهران .. وعليكم السلام ورحمة الله وبركاته اتفضلي يا بنتي

فرح .. تركب العربيه

مهران .. صاحبتك هتيجي ولا نتحرك

فرح .. لا اتوكل علي الله يا عم مهران

برعي .. بيرن علي حاتم بيه

حاتم .. ايوه يا برعي عملت ايه

برعي .. تمام يا حاتم بيه البنت لسا طالعه من الجامعه بس ابوها مخلي واحد بسلاح بيروح ويجي معاه

حاتم .. رتب دنيتك المهم لازم خلال يومين البنت دي تكون عندي ولو ما قدرتش تجيبها اقتلها المهم احرق قلب ابوها عليها زي ما حرق قلبي علي بضاعه بي ١٠ مليون جنيه

برعي .. ما تقلقش يا حاتم بيه اللي انت عايزه هيحصل وخلال اليومين هتكون عندك البت او خبر موتها

حاتم .. تمام وانا هبسطك انت و رجالتلك

برعي .. انا لحم كتافي من خيرك انا كل اللى عايزه رضاك عليا يا جناب البيه

حاتم .. ماشي يا برعي خلص الحكايه دي عشان ورانا شغل كتير يلا سلام

برعي .. سلام

ساره .. طلعت من بوابة الجامعه مالقتش فرح طلعت التليفون وبترن عليها

فرح .. الو

ساره .. انتي مشيتي وسبتيني

فرح .. قولت اسيبك برحتك مع دكتور فارس

ساره .. بقا كده

فرح .. اه هتمشي معايا يبقا متكلميش حد لكن طبعك ده مش مناسب ليا يا ساره وانا ما تربتش علي كده

ساره .. ماشي يا فرح مش هعمل كده تاني يلا انا هاخد تاكسي وروح وبكره نتقابل

فرح .. لا خليكي انا هرجع اخدك

ساره .. خلاص مستنياكي

فرح .. معلش يا عم مهران ارجع ناخد ساره بدل ما تاخد تاكسي

مهران .. انتي تؤمري يا ست البنات يلا يا ابني لف وارجع

ساره .. اول ما العربيه بتوقف بتفتح الباب وبتركب انا عارفه اني مش ههون عليكي

فرح .. بس لو ما بطلتيش اللي بتعمليه هتهوني

ساره .. توبه يا بنت العمده

فرح .. نروح نتغدا سوا ونزاكر شويه وبعد كده هخلي السواق يروحك

ساره .. ماشي

بيوصله الدوار وبتنزل فرح وساره وبيدخله الدوار

ساره .. السلام عليكم يا عمي

عبد الحميد .. وعليكم السلام ورحمة الله وبركاته اخبارك ايه يا ساره

ساره .. الحمد لله يا عمي بخير

صباح .. حمدالله بالسلامه يا فرح اجهز الغدا

عبد الحميد .. انتو اتغده وانا رايح المركز ولما ارجع ابقا اكل يلا السلام عليكم

الكل .. وعليكم السلام ورحمة الله وبركاته

فرح .. انا هاجي معاكي يا صباح نجهز الغدا سوا ساره اطلعي خدي دش لو حابه لحد ما نجهز الاكل

ساره .. انا فعلآ محتاجه اخد دش عشان افوق وبتطلع علي اوضة فرح وبتدخل الحمام وبتاخد دش وبتقول في نفسها امتي يبقا عندي الي عند فرح وما بقاش محتاجاها في اي حاجه انا زهقت منها ونفسي اعيش حياتي وما بقاش محتاجها في حاجه وما قدميش غير فارس واضح انه غني وكمان دكتور يعني هيعيشني ملكه بس هلفت نظره ازاي هي دي المشكله وخصوصا اني حاسه انه معجب بفرح مش عارفه هي حظها حلو في كل حاجه اما انا حظي زفت وبتاخد دش وبتطلع

فرح .. حمام الهنا

ساره .. تسلمي يا قلبي عايزه طقم حلو من عندك

فرح .. الدولاب قدامك البسي الي تحبيه

ساره .. بتفتح الدولاب وبتشوف طقم وبيعجبها وبتلبسه ايه رايك في الطقم ده عليا

فرح .. جميل يجنن عليكي انتي حلوه عشان كده اللبس بيكون حلو عليكي

ساره .. تسلميلي مفيش حد بيرفع معنوياتي غيرك يا جميل

فرح .. طاب كفايه رغي ويلا الاكل هيبرد

و بيقعده هما التلاته و بيتغده وبعد كده صباح بتعمل لهم العصير وفرح وساره يذاكره ولما بيخلصوا فرح بتطلب من مهران يخلي السواق يوصل ساره سكن الطلبات

فرح .. بتقعد تستنا ابوها

عبد الحميد .. السلام عليكم انتي لسا صاحيه يا حبيبتي

فرح .. وعليكم السلام ورحمة الله وبركاته ايوه يا بابا عايزه افهم في ايه

عبد الحميد .. حاضر يا بنتي عايزه تعرفي ايه

فرح .. ليه خليت عمي مهران يوديني ويجيبني هو في ايه يا بابا

عبد الحميد .. امبارح كان في بضاعه بي ١٠ مليون جنيه هتعدي من النيل والحمد لله قدرت انا و الغفر نمسك البضاعه ورجالة صاحب البضاعه كمان وطبعا زمانه هيتجنن دلوقت وانا كنت خايف عليكي عشان كده بعت مهران معاكي فهمتي يا فرح

فرح .. فهمت يا بابا و مفيش داعي تقلق عليا بنتك بمية راجل

عبد الحميد .. بيحضنها عارف يا بنتي ربنا يحفظك ليا وما يحرمني منك ابدآ

فرح .. ولا منك يا احسن اب في الدنيا من بعد ماما الله يرحمها وانت كنت ابويا وامي وكل حاجه بحياتي

عبد الحميد .. انتي هدية ربنا عز وجل ليا يا فرح اسمك فرح ومن يوم ولادتك مليتي حياتي كلها فرح يلا الوقت اتاخر وعندك جامعه الصبح

فرح .. لا هحضرلك العشاء الاول انت ما تغدتش

عبد الحميد .. لا يا حبيبتي انا اكلت مع المأمور وهنام دلوقت

فرح .. ماشي يا بابا تصبح علي خير

عبد الحميد .. وانتي من اهله

وبتطلع فرح تنام وبتصحى تفطر وتروح الجامعه

فارس .. بيدخل المدرج السلام عليكم

الكل .. وعليكم السلام ورحمة الله وبركاته

فارس .. بيبدأ المحاضره والكل مركز معاه

ساره .. بتبص لفرح شايفه اسلوبه في الشرح جميل وسهل اوي

فرح .. وبعدين معاكي خليني اركز

فارس .. بياخد باله منهم انسه فرح

فرح .. بتوقف نعم يا دكتور

فارس .. لو مش عجباكي المحاضره تقدري تمشي بدل ما بتتكلمي مع صاحبتك

فرح .. اسفه يا دكتور

فارس .. اتفضلي اقعدي ولو شفتك بتتكلمي تاني هتطلعى بره المدرج فاهمه

فرح .. بتقعد وهي بتحاول تسيطر علي عصبيتها

فارس .. والكلام ليكي انتي كمان ياساره

ساره .. بتوقف اسفه يا دكتور

فارس .. اقعدي نرجع لموضوع المحاضره

وبعد ما المحاضره بتخلص الكل بيطلع وفارس بيركب عربيته ومعاه تامر وبيتحرك وفرح طالعه من بوابة الجامعه

برعي .. جاهزين يا رجاله

الرجاله .. جاهزين يا زعامه

برعي .. اول ما تطلع اضربوا الغفير بالنار والعربيه تتحرك وتوقف قدامها و تشلوها و ترموها في العربيه مفهوم

الرجاله .. مفهوم يا زعامه

فرح .. بتطلع وتتحرك ناحيت مهران

مهران .. بينزل من العربيه

برعي .. دلوقتى

بتتحرك العربيه وواحد من رجالة برعي بيضرب رصاص علي مهران

مهران .. اتصاب ووقع علي الارض

السواق .. بينزل ويجري ناحيت مهران

برعي .. بيطلع المسدس وبيضربه بالنار

السواق بيوقع علي الارض جنب مهران

برعي .. بيتحرك في لمح البصر بالعربيه ويوقفها قدام فرح

فرح .. بتصرخ وبتحاول تهرب لكن ما بتعرفش

رواية المتمردة الفصل الثالث

بسم الله ما شاء الله ولا إله إلا الله وحده لا شريك له له الحمد وله الملك يحيي ويميت وهو علي كل شي قدير

((حسبي الله ونعم الوكيل في اي شخص يسرق تعبي وينشره بدون اذني ))

مهران .. بينزل اتفضلى يا بنتي

فرح .. اركبي يا ساره نروح ونخلص مذاكره وهخلي عمي مهران يوصلك زي العاده

ساره .. ماشي انا هروح معاكي بس عشان عارفه انك من غيري مش بتعرفي تذاكري

فرح .. ماشي يا هانم اركبي

برعي .. بيتحرك بالعربيه ناحيت فرح

تامر .. ما تطلع يا فارس مالك واقف ليه وبتبص علي فرح دي بنت شايفه نفسها ومش معبره حد سيبك منها

فارس .. اسكت يا تامر العربيه اللي اتحركت دي امبارح كانت واقفه ومركزه مع فرح والنهارده كمان

تامر .. انت شكلك بتسمع افلام هندي الايام دي يلا يا عم اتاخرنا

برعي .. بيوقف قدام فرح وساره و واحد من رجالته ضرب مهران بالنار وضرب السواق

مهران .. بيوقع علي الارض

برعي .. بيمسك فرح وبيشدها في العربيه

فارس .. بيتحرك بالعربيه بسرعه وبيقفل عليهم الطريق

تامر .. انت مجنون هتموتنا وبينزل يجري بعيد

ساره .. بتصرح وبتجري تدخل الجامعه

فرح .. بتقاوم وبتضرب في برعي

فارس .. نزل جري وضرب برعي

فرح .. جريت علي مهران عم مهران رد عليا

مهران اهربي يا فرح مش لازم الكلاب دول ياخدوكي اهربي يا بنتي

..الي ضرب مهران و السواق بالنار وجه المسدس ناحيت فارس وضربه بالنار ..

فرح .. بتلف وبتشوف فارس بيوقع علي الارض

فارس .. بيوقع علي الارض وبيمسك في رجل برعي وبيصرخ اهربي يا فرح اتحركي

فرح .. بتقوم وبتمسك بندقيه مهران وبتشد الاجزاء وبتضرب الراجل الي ضرب فارس وبتضرب برعي

برعي .. بيوقع في العربيه وبيزق نفسه لجوه والسواق بيرجع لورا عشان يطلع من عربية فارس

فرح .. بتضرب نار عليهم وهما في العربيه واصابة السواق الي اترما علي الكرسي وصرخت انته بتتفرجه بسرعه امسكوهم

..امن الجامعه جري علي العربيه وفرح ماسكه البندقيه وبيمسكوهم وبينزلوهم من العربيه وبيبلغو الشرطه..

فرح .. دكتور فارس انت بخير

فارس .. بيحاول يخبي الالم الي حاسس بيه بخير ايه انتي ازاي كده وحده غيرك كان اغمي عليها مش ماسكه بندقيه وبتقتل في الناس

فرح .. جسمها كله بيترعش وتبكي طاب قوم معايا و بتسنده وتطلب من الناس الي اتلمت يساعدوها ويركب مهران عربية فارس عشان عربيتها القزاز اتكسر لما ضربه نار على السواق وهي بتركب فارس وبترجع علي عربيتها وبتطمن ان السواق لسه عايش استحمل يا عم احمد ١٠ دقايق وهنكون في المستشفي وبتساعده ينزل وبتركبه جنب مهران وفارس بيكون جنبها من قدام وبتركب هي عشان تسواق المفتاح فين

فارس .. قدامك اهو في الكنتك

فرح .. اه اسفه انا متلخبطه

فارس .. لاحظ ان فرح جسمها كله بيترعش هتعرفي تسوقي

فرح .. بتحاول تتحكم في اعصابها اه ان شاء الله هعرف وبتتحرك

عبد الحميد. .. بيرن علي مهران

مهران .. بيكون نزف دم كتير وبيطلع التليفون بالعافيه من جيبه العمده

عبد الحميد .. اتاخرت ليه يا مهران

مهران .. الي كنت خايف منه حصل يا عمده

عبد الحميد .. كان قاعد وقف مره وحده بتقول ايه فين فرح

مهران .. اغمي عليه

عبد الحميد .. الو مهران الو رد عليا ولما ما لقيش رد قفل السكه ورن علي تليفون فرح الي كان في الشنطه ووقع منها عند العربيه بتاعتها

ساره .. بعد ما الدنيا هدية طلعت وسمعت صوت تليفون فرح بيرن قربت و طلعته من الشنطه وردت الو

عبد الحميد .. ساره فرح فين

ساره .. بتبكي مش عارفه يا عمي في ناس جم عشان يخطفوها وضربوا عمو مهران و عمو احمد بالنار ومش عارفه هي فين و بتبص بتلاقي المجرمين مربطين قدام البوابه و بتقرب من الامن هي فرح فين

الامن .. الانسه فرح اخدت المصابين وطلعت علي المستشفي

ساره .. اطمن يا عمي فرح بخير و اخدت عم مهران و عم احمد علي المستشفي وانا هروح لهم هناك وكمان الامن مسك المجرمين والشرطه جايه تأخذهم

عبد الحميد .. هقابلك هناك سلام

تامر .. بيقرب من ساره انتي رايحه فين

ساره .. هروح المستشفي

تامر .. انا مش مصدق الي انا شوفته احنا فين هنا

ساره .. امال انا اعمل ايه علي شويه كنت هموت

تامر .. اهدي الحمد لله انك بخير

ساره .. الحمد لله يلا نروح المستشفي نطمن عليهم

تامر .. يلا و بيوقفو تاكسي وبيتحركوا علي المستشفي

فرح .. بتوصل المستشفي الحمد لله وصلنا دكتور فارس عم مهران عم احمد انتو ما بتردوش ليه وبتنزل جري علي الاستقبال ولبسها كله دم

الممرضه .. اول ما بتشوفها بتوقف

فرح .. الحقيني بسرعه معايا تلاته مضروبين بنار

الممرضه .. تجري بسرعه و بتنده علي طقم الاستقبال وثواني ويجره علي العربيه و بياخدوهم و الدكاتره بيجو و ياخدوهم علي اوضة العمليات

فرح .. بتوقف قدام غرفة العمليات و تسند ظهرها علي الحيط وتنزل بالراحه لحد ما بتقعد علي الارض

الممرضه .. بتقعد جنبها وبتطبطب عليها اهدي يا بنتي ان شاء الله هيبقو بخير

عبد الحميد .. بيوصل المستشقي وبيدخل جري علي الاستقبال في حد جه مضروب بنار يا بنتي

الممرضه .. ايوه في العمليات دلوقتى

عبد الحميد .. وفيه بنت كانت معاهم

الممرضه .. ايوه هتلاقيها قدام غرفة العمليات الدور التاني يا حاج الاسانسير من هنا

عبد الحميد .. بيطلع جري علي السلم واول ما بيوصل الدور التاني بيلاقي فرح منهاره والممرضه جنبها فرح

فرح .. بتسمع صوت ابوها بتقوم وبتجري عليه وهي بتبكي وبتحضنه هما مش بيرده عليا يا بابا فارس وعم مهران وعم احمد انا خايفه اووي يا بابا

عبد الحميد .. اهدي يا بنتي وان شاء الله كلهم هيبقو بخير

فرح .. ان شاء الله يا بابا انا السبب في كل الي حصل يارتني موت و مفيش حد اتاذا بسببي

عبد الحميد .. ما تقوليش كده ووحدي الله

فرح .. لا إله إلا الله

عبد الحميد .. يأخذها وبيقعدها علي الكرسي

الممرضه .. جابت مياه اتفضلي اشربي

فرح .. بتمسك قزازة الميه وبتشرب وجسمها بيترعش

عبدالله .. وصل المستشفي السلام عليكم

عبد الحميد .. وعليكم السلام ورحمة الله وبركاته يا حضرت الضابط عرفتو مين صاحب البضاعه الي بسببها تلاته في العمليات وبنتي كانت هتروح مني

عبدالله .. الرجاله الي قبضنا عليهم مش راضين يتكلموا والي حاولوا يخطفو بنتك في المستشفي حاليا بين الحياه والموت و اوعدك اني اوصل لصاحب البضاعه حمدالله بسلامتك يا انسه فرح

فرح .. الله يسلمك

ساره .. بتجري علي فرح الحمد لله انك بخير يا حبيبتي وبتحضنها

تامر .. هو فارس فين مش كان معاكي

فرح .. فارس في العمليات

تامر .. هو فارس اتصاب

فرح .. للاسف ايوه

تامر .. لازم اعرف عمي صلاح وبيطلع التليفون وبيرن علي ابو فارس

صلاح .. السلام عليكم

تامر .. وعليكم السلام يا عمي ممكن تيجي قنا بسرعه

صلاح .. اجي قنا ليه خير فيه حاجه

تامر .. فارس وسكت

صلاح .. بيكون قاعد وبيقوم يوقف فارس ايه يا تامر اتكلم فارس ابني حصل له حاجة

تامر .. فارس الضرب بالنار ودلوقتى في اوضة العمليات

صلاح .. انت بتقول ايه فارس ابني انا في العمليات والتليفون بيوقع منه وبيوقع علي الكرسي

رواية المتمردة الفصل الرابع

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير

صلاح .. بيوقع علي الكرسي

حاتم .. في ايه يا صلاح وبيقوم من مكانه وبيقرب من صلاح انت بخير

صلاح .. فارس في المستشفي يا حاتم

حاتم .. ليه خير ماله

صلاح .. مضروب بالنار

حاتم .. هو فين اصلآ

صلاح .. في قنا

حاتم .. اتوتر قنا انا عرفت انه اتعين معيد

صلاح .. ايوه والتعين جاله علي قنا

حاتم .. بيقول في نفسه ايه اللي انت عملته يا برعي الكلب طاب يلا يا صلاح نروح نطمن علي فارس وان شاء الله هيكون بخير

صلاح .. انت فعلآ ونعم الصديق يا حاتم

حاتم .. احنا عشره يا صلاح يلا انا هكلم السكرتيره علي ما نوصل تكون جاهزة كل حاجه والطياره الخاصه بتاعتي في المطار

صلاح .. بياخد التليفون من الارض وبيتحرك علي المطار وبيرن علي تامر

تامر .. ايوه يا عمي انت بخير

صلاح .. انا جاي علي طول يا تامر عايزك تبلغني بكل حاجه اول باول فاهم

تامر .. حاضر يا عمي

الدكتور .. طلع من اوضة العمليات

عبد الحميد .. خير يا دكتور

الدكتور .. مهران واحمد الحمد لله عملنا الازم واصابتهم مش خطيره

عبد الحميد .. الحمد لله ربنا يطمنك يا دكتور

الدكتور .. بس فارس الرصاصه جنب القلب ونزف دم كتير ومحتاجين فصيلته عشان مش موجوده في المستشفي

فرح .. بتوقف

تامر .. فصيلته ايه يا دكتور

الدكتور .. A سالب

فرح .. دي نفس فصيلتي يا دكتور

الدكتور .. اتفضلي معايا

فرح .. بتدخل اوضة العمليات مع الدكتور

الدكتور .. بيبداء نقل الدم من فرح لفارس

فرح .. يارب اشفيه يارب يا رب يقوم بالسلامه بترجاك وبتوسل إليك يا شافي اشفيه وعافيه

عبد الحميد .. رايح جاي قدام غرفة العمليات

ساره .. ارتاح يا عمي وان شاء الله الدكتور فارس هيكون بخير

عبد الحميد .. انا هتجنن ازي يتجرأو ويعمله كده بس اعرف مين اللي ورا ده كله اقسم بالله هخليه يندم علي اليوم الي انولد فيه وبيضرب ايده في الحيط

ساره .. عشان خاطري اهدا يا عمي

عبدالله .. السلام عليكم

عبد الحميد .. وعليكم السلام طمني حد اتكلم

عبدالله .. لا شكله بيعرف ينقي رجالته

عبد الحميد .. والعمل ايه يا عبدلله بيه

عبدالله .. ما تقلقش انا وراه لحد ما اوصله

عبد الحميد .. طاب الرقم الي كلمني منه

عبد الله .. مش متسجل وبعد المكالمه اتقفل حتي الصوت ما كنش صوته كان بيتكلم من تليفون بيغير الصوت

عبد الحميد .. يعني بندور علي ابره في كوم قش

عبدالله .. الموضوع كبير يا عمده انا مساعد الوزير لسا قافل معايا بخصوص فارس بيه ابوه كلم الوزير والوزاره مقلوبه هو عامل ايه

عبد الحميد .. الاصابه خطيره والدكتور هيعمل كل الي ربنا يقدره عليه

عبدالله .. ان شاء الله خير وبخصوص فرح انا هعين حراسه معاها

عبد الحميد .. لا يا عبدالله بيه انا هتصرف والي حصل ده مستحيل يتكرر

عبد الله .. زي ما تحب بس خالي بالك البضاعه بمبلغ كبير اووي واكيد صاحبها هيحاول ينتقم باي طريقه

عبد الحميد .. انا شوفت هو يقدر يعمل ايه ومن دلوقت هعمل حسابي علي كل حاجه ومسيره يوقع في ايدي

عبد الله .. استاذن انا السلام عليكم

الكل .. وعليكم السلام ورحمة الله وبركاته

ساره .. دول اتاخره اوي يا عمي

عبد الحميد .. دول ليهم فوق الثلاث ساعات

تامر .. انا قلقان اووي علي فارس

عبد الحميد .. اجمد كده يا والدي وان شاء الله خير

صلاح .. يدخل المستشفي ويجري ناحيت اوضة العمليات بعد الممرضه ما قالت له علي مكانها تامر طمني

تامر .. حمدالله باسلامه يا عمي ارتاح

صلاح .. انا مش هرتاح غير لما اطمن علي فارس ده هو الي طلعت بيه من الدنيا انا هسفره بره مصر المهم يقوم بالسلامه

عبد الحميد .. اهده يا صلاح بيه ان شاء الله هيكون بخير اقعد بس وان شاء الله الدكتور يطلع ويطمنا والدكاتره هنا شاطرين ما تقلقش

صلاح .. انا عايز اعرف الي حصل ده حصل ازاي

عبد الحميد .. بس نطمن عليه وانا هقولك كل حاجه

حاتم .. ده العادي في الصعيد يا صلاح دول مش بيتكلمه غير بالرصاص والقتل

عبد الحميد .. وانت عرفت الكلام ده من فين وشكلك عمرك ما نزلت الصعيد

صلاح .. مش وقت الكلام ده يا حاتم

حاتم .. حاضر يا صلاح وبيقعد علي الكرسي

عبد الحميد .. بيقول في نفسه استغفر الله العظيم

ساره .. اهدا يا عمي وارتاح من بدرى وانت رايح جاي

عبد الحميد .. مش هرتاح غير لما اطمن علي فارس وابن الكلب الي عمل كده مش هرحمه

الدكتور .. بعد ما خلص نقل دم تقدري تتفضلي يا انسه فرح

فرح .. لا يا دكتور انا عايزه اقعد لحد ما اطمن عليه

الدكتور .. ماشي يا بنتي زي ما تحبي وبيكمل العمليه

فرح .. بتبص علي وش فارس وبتقول في نفسها انت جيتني من فين يارتني انا الي مكانك يعني كان لازم تكون موجود لا حول ولا قوه إلا بالله استغفر الله العظيم سامحني يارب استغفر الله العظيم

الدكتور .. الحمد لله اخيرا طلعنا الرصاصه

فرح .. الحمد لله يعني خلاص عدا مرحلة الخطر

الدكتور .. الحمد لله بس هيفضل في العنايه المركزه لحد ما نطمن عليه

فرح .. الحمد لله الف حمد وشكر ليك يارب

الدكتور .. يلا خدوه علي غرفة العنايه المركزه

فرح .. ممكن اقعد معاه يا دكتور

الدكتور .. ما ينفعش يا بنتي

فرح .. بالله عليك يا دكتور كل الي حصله ده كان بسببي

الدكتور .. ماشي اتفضلي

بياخده فارس علي غرفة العنايه المركزه من باب تاني وفرح بتقعد جنبه والدكتور بيطلع

عبد الحميد .. بيتحرك ناحيته خير يا دكتور طمني

صلاح .. بيقوم وبيقرب من الدكتور

الدكتور .. الحمد لله طلعنا الرصاصه وهو دلوقتى في غرفة العنايه المركزه هيفضل هناك لحد ما يفوق و نطمن عليه وبعد كده هننقله في غرفه عاديه و تقدره تشوفوه

صلاح .. الحمد لله الف حمد وشكر ليك يارب شكرآ يا دكتور

الدكتور .. الشكر لله انا عملت واجبي مش اكتر بعد اذنكم

عبد الحميد .. فرح فين يا دكتور هي بخير

الدكتور .. اه بخير وهي صممة انها هتفضل جنب فارس بعد اذنكم

عبد الحميد .. اتفضل

حاتم .. الحمد لله يا صلاح

صلاح .. الحمد لله يا حاتم انا كنت هتجنن بس يقوم بالسلامه ومش هيقعد دقيقه هنا

حاتم .. فعلا كلامك صحيح بس نطمن عليه الاول وبعد كده نأخذه ونرجع علي طول

فرح .. يلا فتح عينيك لو تعرف انا بتعذب بسبب الي حصلك يا فارس بسببي

فارس .. بداء يفوق و يفتح عينيه ويلاقي فرح جنبه

فرح .. بفرحه انت فوقت يا دكتور

فارس .. انا فين

فرح .. في المستشفي

فارس .. هو حصل ايه

فرح .. مش مهم الي حصل المهم انك بخير وما تتكلمش كتير

فارس .. لسا تحت تاثير البنج

فرح .. طلعت جري لبره عشان تطمنهم

عبد الحميد .. اول ما شافها وقف خير يا فرح

فرح .. الحمد لله يا بابا فاق

صلاح .. الحمد لله يعني اقدر اشوفه يا بنتي

فرح .. هيننقلوه في اوضه عاديه وتقدر تشوفه هو حضرتك والده

صلاح .. ايوه

فرح .. انا اسفه يا عمي كل الي حصل ده بسببي انا

صلاح .. وشه اتغير بسببك انتي ازي

حاتم .. تليفونه رن وطلع بعيد عنهم الو

رواية المتمردة الفصل الخامس

بسم الملك القدوس ولا حول ولا قوه إلا بالله العلي العظيم

صلاح .. انتي السبب ازاي مش فاهم

عبد الحميد .. تعالى نطمن علي فارس الاول وانا هحكيلك كل حاجه

صلاح .. بيبص لحاتم يلا يا حاتم

حاتم .. معايا مكالمه اخلصها وهجيلك

صلاح .. ماشي يا حاتم ويروح مع عبد الحميد وفرح وساره وتامر عشان يطمنه علي فارس

حاتم .. الو طمني يا حماده

حماده .. للاسف يا حاتم بيه برعي ورجالته اتمسكو

حاتم .. رجاله فاشله حتة بنت مش عارفين يخطفوها

حماده .. الي حضرتك عايزه هيتم يا حاتم بيه

حاتم .. لا اهدا شويه لحد ما نشوف هنعمل ايه

حماده .. وبالنسبه لبرعي هنعمل معاه ايه

حاتم .. ولا حاجه كده كده هو ما يعرفش غير اسم حاتم وفيه ٦٠ مليون واحد اسمه حاتم

حماده .. يعني ما ندخلش

حاتم .. انت مجنون اوعى تعمل كده انت لو عملت كده بتكشفنا وهتودينا في داهيه

حماده .. هنعمل ايه في البضاعه اللي جايه المفروض نحول الفلوس علي بكره

حاتم .. وقف كل حاجه لحد ما اتصرف في الفلوس

حماده .. حاضر في اي اوامر

حاتم .. لا سلام

صلاح .. فارس حبيبي عامل ايه

فارس .. انا بخير يا بابا ما تقلقش

صلاح .. ادي اخرت مشيك ورا دماغك دي ما قولتلك تعالى امسك شركاتي نشفت دماغك وادي النتيجه

فارس .. بابا مش وقت الكلام ده والحمد لله انا بخير يا بابا

صلاح .. حاضر سكت

عبد الحميد .. حمدالله علي سلامتك يا ابني

فارس .. بصله الله يسلم حضرتك

فرح .. ده بابايا يا دكتور فارس

فارس .. اتشرفت بمعرفتك يا عمي

عبد الحميد .. الشرف ليا يا ابني والي انت عملته ده هيفضل دين في رقبتي العمر كله

فارس .. ما تقولش كده يا عمي انا ما عملتش غير الواجب ولو اي حد كان مكاني كان عمل كده واكتر

فرح .. بتبص علي تامر مش اووي كده يا دكتور في اللي بيجري زي الخروف

تامر .. بص علي فارس وعشان يغيره الموضوع المهم انك بخير يا صاحبي انا اول ما لقيتك دخلت عليهم كلمة النجده علي طول

فارس .. عارفك اسد يا صاحبي

فرحه .. بصت لفارس وضحكت

فارس .. ابتسم بافظبط كده يا انسه فرح

عبد الحميد .. بعد اذنك يا صلاح بيه اتفضل معايا

صلاح .. ماشي اتفضل يا حاج وهما طالعين من غرفه بيجي حاتم

حاتم .. خير رايح فين يا صلاح

صلاح .. ٥ دقايق وراجع

حاتم .. عايز يعرف فيه ايه بص لصلاح انا هاجي معاك

صلاح .. مفيش داعي استناني هنا

فرحه .. اتفضل يا حاتم بيه

حاتم .. دخل الف سلامه يا بطل

فارس .. الله يسلمك يا عمي ليه تعبت نفسك

حاتم .. انت غالي اووي عندي يا فارس

فارس .. تسلم يارب

عبد الحميد .. اتفضل ارتاح يا صلاح بيه

صلاح .. خير يا عمده انا عايز اعرف كل حاجه

عبد الحميد .. بدأ يتكلم ويحكي كل حاجه لصلاح

صلاح .. معقول في ناس بالاجرام ده

عبد الحميد .. انا ما كنتش اتوقع انه يتجنن ويحاول يخطف بنتي وفي عز النهار

صلاح .. المبلغ الي انت قولته كبير مش صغير والي زي دول القرش هو ابوهم وانت ناوي علي ايه

عبد الحميد .. عايز اقعد فرح من الجامعه الايام دي

صلاح .. بس ده مش حل انتو ما تعرفوش اي حاجه عنه

عبد الحميد .. اسمه بس وكل رجالته الي اتمسكه بيقولوا انهم ما يعرفوش غير ان اسمه حاتم وكل تعاملهم معاه بالتليفون و مفيش حد شافه قبل كده اكيد بيكدبوا

صلاح .. الي زي ده عامل زي الشبح بس مسيره يوقع يا عمده والحمد لله ان فرح بخير

عبد الحميد .. انا اسف بخصوص فارس

صلاح .. ما تقولش كده فارس لو ما عملش كده ما يبقاش ابني انا الي اسف ان كنت قولت كلمه من غير قصد بس ده كان من قلقي علي فارس وانت اب وعارف واسف كمان علي كلام حاتم هو اكتر من اخ ليا وكان خايف علي فارس

عبد الحميد .. لا مفيش حاجه المهم اننا اطمنا علي فارس

صلاح .. يلا نروح الغرفه

عبد الحميد .. اتفضل انت انا عندي اتنين من رجالتي متصابين هروح اطمن عليهم

صلاح .. ماشي يا عمده هستناك في الغرفه

عبد الحميد .. هطمن عليهم واجي وراك وبيدخل علي مهران واحمد الاوضه اخباركم يا رجاله

مهران .. بيحاول يتعدل هو واحمد

عبد الحميد ..زي ما انتو ما تتحركوش عاملين ايه

مهران .. الحمد لله لسا في العمر بقيه يا عمده المهم فرح بخير

عبد الحميد .. الحمد لله بخير

مهران .. انا اسف يا عمده بس هما خدونا علي خوانه

عبد الحميد .. المهم انكم بخير ارتاحوا دلوقت وهبقا اجي تاني اطمن عليكم

مهران .. هو الشاب الي اتصاب معانا عامل ايه

عبد الحميد .. فارس الحمد لله ربنا نجاه

مهران .. الحمد لله والله يا عمده فارس ده بمية راجل لولا هو مش عارف كان هيحصل ايه

عبد الحميد .. ربنا بيسبب الاسباب وانا طول عمري ماشي بما يرضي الله عز وجل عشان كده ربنا بيسترها معايا انتو مش محتاجين اي حاجه

مهران .. تشكر يا عمده

عبد الحميد .. هبعت غفير يقعد معاكم ويشوف طلباتكم

مهران .. مفيش داعي يا عمده

عبد الحميد .. لا فيه داعي واي حاجه تحتاجوها اطلبوها منه

مهران .. حاضر

صلاح .. بيدخل يلا يا بطل شد حيلك كده عشان ترجع لجامعتك

حاتم .. انت بتقول ايه يا صلاح انت مستغني عن ابنك فارس مالوش قعاد هنا يا صلاح

صلاح .. مش وقت الكلام ده يا حاتم

فارس .. الف شكر يا بابا

صلاح .. ما تشكرنيش انت رفعت راسي يا ابني ربنا يحميك

تامر .. هذا الشبل من ذاك الاسد

الدكتور .. بيدخل السلام عليكم ياريت الكل يتفضل عشان المريض يرتاح

صلاح .. ماشي يا دكتور لو احتاجت حاجه يا فارس احنا بره

فارس .. تسلم يا بابا

الكل بيطلع ما عداه فرح ..

فرح .. شد حيلك يا دكتور عشان عايزه اقفل في مادتك

فارس .. ممكن تفضلي شويه

فرح .. بتبص للدكتور ممكن يا دكتور

الدكتور .. ماشي يا فرح بس بلاش تخليه يتكلم كتير

فرح .. حاضر يا دكتور من عينيه وبتقعد علي الكرسي الي قصاد فارس

الدكتور .. لو فيه حاجه انا في المكتب يا بنتي

فرح .. ماشي يا دكتور

فارس .. بيبصلها انا هتجنن وعرف عملتيها ازاي

فرح .. عملت ايه مش فاهمه

فارس .. ازاي بنت في رقتك وجمالك تقدر تمسك البندقيه وتضرب بيها بالطريقه الي كنتي بتضربى بيها

فرح .. انا مش فاكره حاجه اصلا انا كل الي فاكره اني شوفتك بتوقع علي الارض بعد ما الكلب ده ضربك بالنار وبعد كده مش فاكره حصل ايه وزاي وصلنا لحد هنا

فارس .. انا مش قادر انسي صورتك وانتي ماسكه البندقيه و بتضربي بكل ثقه وثبات

فرح .. بالنسبه لمسك السلاح ده حاجه عاديه العمده معلمني من صغري عشان لو حصل اي حاجه اعرف ادافع عن نفسي

فارس .. وفعلآ تفكيره طلع صح لولا انتي كان زماني ميت

فرح .. ما تقولش كده بعد الشر عليك انا كنت هتجنن لو حصلك حاجه

فارس .. للدرجه دي مهم عندك

فرح .. وشها احمر لا انا قصدي عشان هكون انا السبب

فارس ..اه فهمت

ساره .. انا هروح والف حمدالله بسلامة دكتور فارس يا عمي

صلاح .. اتفضلي يا بنتي

تامر .. انا هروح اوصلها يا عمي

صلاح .. ماشي يا ابني وانت ارتاح شويا انا هقعد هنا لحد الصبح

تامر .. ماشي يا عمي اتفضلي يا ساره وبيطلعوا من المستشفي سوا مالك يا ساره وشك مقلوب

ساره .. بصراحه انا عايزه فارس

تامر .. وانا عايز فرح

ساره .. يبقا متفقين

تامر .. تمام هنعمل ايه

ساره .. انا هقولك نعمل ايه

رواية المتمردة الفصل السادس

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير

ساره .. انا هقولك هنعمل ايه يا تامر فرح عندها تجربه قبل كده كل الي هنعمله اننا هنصحي التجربه دي جواها وبكده تكره فارس وكل الرجاله

تامر .. وانا كده هستفيد ايه ما انا كمان مش هعرف اوصلها

ساره .. المهم دلوقت انها تبعد عن فارس يا تامر وبعد كده انت من ناحيه وانا من ناحيه نخليها تشوفك ملاك غير كل الرجاله

تامر .. معاكي حق يا ساره ده انتي دماغك دي دماغ شياطين كل ده عشان بتحبي فارس ده ابن محظوظه

ساره .. انت بتضحك علي نفسك لا انا بحب فارس ولا انت بتحب فرح انا عايزه عشان اطلع من الفقر الي انا اتولدة فيه وعيش في المستوي اللي انا استاهله مش هفضل طول عمري مع فرح مستنيا تديني فستان او فلوس وانت كمان محتاج فرح لنفس السبب

تامر .. فعلآ ان كيدكن عظيم ايه الصراحه الزايده دي ساره .. انا بحب نكون واضحين من الاول وما ليش في المحن والحب ده

تامر .. وانا زيك انسان عملي وفعلآ فرح هتغير حياتي خصوصآ بعد ما عرفت انها وحيدة ابوها و هتورث كل الخير اللي عنده وهقدر بسهوله اتحكم فيها واخد منها كل حاجه

ساره .. وهو ده بالظبط الي انا عايزه عايزها تبقا علي الحديده

تامر .. اتفقنا وبيمد ايده وبيسلموا علي بعض هنبدأ امتي

ساره .. سيبها كام يوم كده عشان الصدمه تكون جامده وبعد كده هقولك هنعمل ايه بالظبط عشان الموضوع يجي كانه صدفه

تامر .. خلاص اتفقنا يلا هسيبك انا وروح ارتاح اليوم كان طويل والواحد اعصابه سابت

ساره .. ومين سمعك انا كنت هموت من الخوف الحمد لله اني بخير سلام

تامر .. سلام وبعد ما بيمشي بيقول في نفسه ده انتي وقعتيلي من السماء يا ساره امتي بقا الي في دماغي يحصل والعب بالفلوس لعب

وبيعدي اسبوع وفارس صحته تتحسن والدكتور بيكتب له علي خروج وطول الاسبوع فرح علي طول كانت بتطمن وعبد الحميد ما سبش صلاح لحظه واحد اما حاتم كان كل تفكيره ازاي ينتقم من عبد الحميد وازاي ياخد الفلوس الي هو محتاجها من صلاح وكان مضايق اووي ان صلاح وعبد الحميد بقيو صاحب وكان مستني الدكتور يكتب خروج لفارس عشان يرجعه الجيزه وبعرف يفتح موضوع الفلوس مع صلاح عشان المبلغ كبير لكن حصل الي ما كنش عامل حسابه

صلاح .. مش عارف اشكرك ازاي يا عمده انت ما سبتناش ولا لحظه انت وفرح

عبد الحميد .. ما تقولش كده يا صلاح معرفة الرجال كنوز وانا اتشرفت بيك وبعدين ليه الكلام ده احنا لسا قاعدين مع بعض

صلاح .. لا كده ميه ميه انا ليا اسبوع ممشي شغلي بالتليفون هاخد فارس ونرجع علي الجيزه

عبد الحميد .. والله ما هيحصل انت وفارس هتشرفوني في الدوار عشان مفيش غير اكل الصعيد هو الي هيخليه يقوم زي الحصان

صلاح .. بس

عبد الحميد .. بيقاطعه مفيش بس يا غفير خد الشنط علي العربيه

صلاح .. مش عارف اقولك ايه

عبد الحميد .. لا إله إلا الله

صلاح .. محمد رسول الله

حاتم .. وشه اتقلب طاب يا صلاح انا هرجع الجيزه عشان انا شغلي واقف ولازم اكون هناك بكره

عبد الحميد .. خليك معانا يا حاتم بيه كام يوم

حاتم .. لا شكرا يا عمده

صلاح .. مش عارف اشكرك ازاي يا حاتم علي وقفتك جنبي

حاتم .. ما تقلش كده ده احنا عشرة سنين يلا انا هستناك ما تتاخرش عليا

صلاح .. ماشي يا صاحبي في رعاية الله

حاتم .. السلام عليكم

الكل .. وعليكم السلام ورحمة الله وبركاته

فرح .. احنا جاهزين يا بابا

عبد الحميد .. يلا يا بنتي تعالى يا فارس اسند عليا

فارس .. لا يا عمي الحمد لله انا بقيت كويس وكله بسبب اكل الانسه فرح

فرح .. وهو المسلوق ده اكل استنا عليا وانا هوريك الاكل الصعيدي علي اصله

صلاح .. يا بختك يا فارس فرح هتزغطك زي البط

الكل ضحك وركبه العربيه و تحركوا علي الدوار وطبعا مهران واحمد طلعو هما كمان قبل فارس والكل كان سعيد ومبسوط واول ما وصلوا الدوار كانوا مبهورين من التصميم والمساحه تصميم قديم زي القصور وفيه مضيفه خارجيه للضيوف ووراه مساحه كبيره مزروعه بجميع انواع الفواكه والزهور حولين السور في كل مكان وريحتها تشمها تحسها بتجلي الصدر

صلاح .. مش معقول ده قصر يا عبد الحميد

عبد الحميد .. ده تصميم قديم يا صلاح والي مصممه معماري قديم ايام المرحوم جدي

صلاح .. فعلآ مفيش اجمل من الصعيد

عبد الحميد .. انت لسا ما شوفتش حاجه فرح جهزي الاكل واحنا هنقعد هنا شويه في الهواء عشان فارس اكيد زهق من جو المستشفي

فارس .. عندك حق يا عمي

وقعده في مكان مجهز للجلوس والورد حواليهم و المنظر والهواء يرد الروح كان عبد الحميد و صلاح بيتكلمه وفارس ساكت وسرحان في فرح الي خطفت قلبه برقتها واخلاقها ومش عارف هي بتبادله نفس الشعور ولا لا اما فرح كانت بتجهز الاكل هي وصباح سوا وهي كمان بتفكر في فارس لكن بتقول لنفسها لا مستحيل توقعي تاني يا فرح كفايه الي حصلك الرجاله كلهم زي بعض انتي اعملي معاه الواجب وخلاص كده لكن كان في جواها شعور جميل بيتولد لكن كانت بتحاول تقاومه لحد ما بتفوق علي صوت صباح

صباح .. فرح يا فرح

فرح .. اه

صباح .. اه ايه انتي كنتي فين حمدالله بسلامتك

فرح .. هكون فين يا صباح ماهو معاكي في المطبخ

صباح .. جسمك اه في المطبخ بس عقلك في حته تانيه ولا اقول قلبك

فرح .. صباح اتلمي انت اكتر وحده عارف اني مستحيل اسلم قلبي اراجل بعد الي عشته

صباح .. ماشي يا هند رستم بتتكلمي وكان الرجاله كلهم خاينين

فرح .. كلهم زي بعض يا صباح وخلاص اقفلي الموضوع ده انا هرن علي ساره تيجي تتغدا معانا

صباح .. والله يا فرح ساره دي مش بتنزلي من زور

فرح .. انتي بس بتحبيني زياده عشان كده مش بتحبيها

صباح .. والله ده احساسي وانتي حره

فرح .. هروح اجيب التليفون من الشنطه ورن عليها

صباح .. ماشي يا رخمه هانم بس خليها تيجي بسرعه عشان خلاص الاكل جاهز

فرح .. ماشي يا صبوحه وبتطلع من المطبخ وبطلع التليفون من شنطتها وبترن علي ساره

ساره .. مساء الخير اخيرآ افتكرتيني من لقي احبابه

فرح .. اتلمي يا بت هو انا هلاقيها من صباح ولا منك

ساره .. صباح يعني مش لوحدي اهو

فرح .. المهم يلا مستنياكي نتغدا سوا

ساره .. ينفع ارن علي تامر يجي يتغدا معانا

فرح .. مفيش مشكله الخير كتير

ساره .. مسافة السكه ونكون عندك

فرح .. اكون انا حطيت الاكل علي السفره

ساره .. ماشي وبتقفل السكه وبترن علي تامر

تامر ..الو

ساره .. ايه شكلك نايم

تامر .. ايوه هعمل ايه يعني

ساره .. يلا عزماك علي اكل صعيدي هتاكل صوابعك وراه

تامر .. غريبه من امتي الكرم ده

ساره .. ما العزومه عند فرح يا تامر

تامر .. قولي كده ثواني وكون عندك ونروح سوا

ساره .. مستنياك

و تامر وساره اتقابلوا وراحوا علي الدوار واول تامر ما شافه كان مزهول من الي شافه وهو بيقول لنفسه معقول كل ده هيبقا ملكي انا

ساره .. تامر يا ابني فوق مالك

تامر .. ايه ده كله يا ساره

ساره .. اسكت بقا العمده جاي

عبد الحميد .. اتفضلوا يا ولاد

تامر .. السلام عليكم

الكل .. عليكم السلام ورحمة الله وبركاته

فرح .. يلا يا بابا الاكل جاهز

عبد الحميد .. اتفضلوا

فارس .. بعد ما بيدوق الاكل تسلم ايدك يا انسه فرح

فرح .. تسلم يارب

تامر .. فعلآ الاكل يجنن انا اول مره ادوق اكل بالطعامه دي تسلم ايدك يا انسه فرح

فرح .. مش انا الي عامله الاكل دي صباح

تامر .. اتحرج تسلم ايدك يا انسه صباح

صباح .. شكرآ

حماده .. هنعمل ايه الناس الي ليها بضاعه مش هتصبر علينا

حاتم .. اعمل ايه انا كنت ناوي اطلب من صلاح الفلوس لما نوصل هنا جه عبد الحميد ده وبوظ كل ترتيبي

حماده .. والعمل ايه

حاتم .. يجي من الصعيد وكلمه

حماده .. بس المبلغ كبير يا حاتم بيه

حاتم .. عارف بس مفيش قدامي غير صلاح

حماده .. لازم نتصرف بسرعه الناس دي ما بترحمش

حاتم .. خلاص يا حماده واسكت خليني اعرف افكر

حماده .. حاضر يا حاتم بيه

حاتم .. بس لقيتها

حماده .. خير

حاتم .. لما كنت في قنا قبلت ناس حبيبي معرفه من زمان وكلموني علي مكان هما متاكدين انه فيه مقبره اثاريه لو الكلام طلع صح يبقا كل مشاكلنا اتحلت

حماده .. ياريت وايه المطلوب

حاتم .. عايزين شيخ من الي بيطلعو الحاجات دي

حماده .. سهله اعرف ناس اشتغلت في الحكايه دي هكلمهم وشوف

حاتم .. وانا هعمل اتصلاتي بس فيه مشكله

حماده .. مشكلة ايه

حاتم .. عبد الحميد

حماده .. عبد الحميد تاني

حاتم .. اه للاسف هو مسيطر علي المنطقه كلها هناك

حماده .. يبقا لازم يموت عشان نرتاح منه

رواية المتمردة الفصل السابع

بسم الله ولا حول ولا قوه إلا بالله العلي العظيم

حماده .. هو فعلآ لازم يموت بس قتل واحد زي ده وسط رجالته حاجه مستحيله

حاتم .. معاك حق بس لازم يكون فيه حل لو ما تصرفناش في فلوس هنموت يا حماده احنا وقعين مع ناس ما بترحمش

حماد .. نحاول نشتغل في المقبره دي في صمت من غير ما حد يحس

حاتم .. خلاص جهز الشيخ وهنروح هناك ونبدأ بس خليك جاهز لكل حاجه

حماده .. ما تقلقش يا حاتم بيه انا حاسس ان الموضوع ده هيتم وكل حاجه هترجع احسن من الاول

حاتم .. ياريت يا حماده انا مش بنام وبحاول اصبر صحاب البضاعه لكن مش هيصبره كتير

حماده .. لازم يصبره هما عارفين ان البضاعه اتمسكت

حاتم .. دي مش مشكلتهم وانا متفق معاهم علي كده اني انا اسلمهم البضاعه مهما حصل والناس دي مش بتتعامل غير بالدم

حماده .. يعني مش قدامنا غير طريقين صلاح بيه والمقبره

حاتم .. ايوه وانا همشي في الاتنين ما قدميش حل تاني

حماده .. تمام يا حاتم بيه انا هجهز كل حاجه وشوف الشيخ ونتحرك علي طول علي قنا

عبد الحميد .. بعد اذنكم يا ولاد انا و عمكم صلاح هنتمشي شويه

الكل .. اتفضلوا

صلاح .. عرفت توصل لحاجه في موضوع تاجر المخدرات ده

عبد الحميد .. لا لسا زي ما كون بدور علي ابره في كوم قش

صلاح .. انا ليا علاقات كتير وانا هستخدم كل علاقاتي و نفوذي عشان اوصل له عشان طول ما احنا مش عارفين نوصل له يبقا لسا حياة فرح في خطر

عبد الحميد .. فعلآ كلامك صح وياريت تعرف توصله بسرعه خلينا نخلص من الحكايه دي

صلاح .. ما تقلقش يا عبد الحميد انا هعمل كل الي ربنا يقدرني عليه عشان اوصل له وربنا معانا

عبد الحميد .. ونعم بالله

تامر .. حمدالله علي سلامتك يا انسه فرح انا اتخضيت عليكي

فرح .. ابتسمت ما انا عارفه وشوفتك وانت بتجري من الخضه

تامر .. اتحرج انا كنت ببعد عشان ابلغ الشرطه مش اكتر وقولتلك الكلام ده قبل كده

فرح .. ما انا عارفه انك كنت بتبلغ الشرطه

فارس .. بيبص الناحيه التانيه وبيضحك وهو بيكتم صوت ضحكته.

ساره .. خلاص يا فرح الي حصل حصل

فرح .. وانا قولت حاجه

ساره .. ده تامر من اول الحادثه دي وهو مش مبطل كلام عنك وانك جدعه و بمية راجل

فارس .. طاب كويس وانا ماجبش سيرتي

ساره .. لا انا ٠٠٠٠ وسكتت

فارس . انتي ايه يا انسه ساره

ساره .. قصدي انا هقوم اتمشي شويه

تامر .. وهو مكشر خديني معاكي وبيقومه يتمشو

فرح .. بتضحك

فارس .. انتي مشكله خلتيه مش عارف يتكلم ووشه قلب الوان

فرح .. اصل هيقعد يتنحنح وكده وانا مش بحب الحاجات دي

فارس .. امال بتحبي ايه

فرح .. ابتسمت بحب بابا

فارس .. بابا بس

فرح .. لا وصباح وساره

فارس .. يا بختهم واضح اني ما ليش حظ

فرح .. ان شاء الله ربنا يكرمك بي الي تحبك

فارس .. بس انا لقيتها خلاص وعايز اقولها

فرح .. بلاش احسن تقولها يمكن هي مش بتحبك وكده ممكن تخسرها خالص

فارس .. فهم من كلامها انها مش بتبادله نفس المشاعر بصلها معاكي حق اكيد انا اتسرعت

فرح .. وهي بتتمرد على احساسها رغم ان قلبها بيوجعها وهي بتقول الكلام ده لكن كانت مصممه من جواها انها هتفضل عايشه وحيده ومش هتكرر التجربه مره تانيه بعد اذنك هروح اساعد صباح في المطبخ

فارس .. اتفضلي واسف ان كنت ازعجتك بكلامي

فرح .. مفيش ازعاج يا دكتور بعد اذنك وبتقوم تدخل جوه وبتطلع علي اوضتها وبتاخد نفس جامد وبطلعه والوجع مش بيهدا جواها

صباح .. بتشوفها وبتطلع وراها مالك يا فرح فيه ايه

فرح .. حاسه بوجع في قلبي

صباح .. ما انا قولتلك انتي وقعتي يا فرح

فرح .. لا مستحيل يحصل

صباح .. يا حبيبتي انا قولتلك مش كل الرجاله زي بعض ومش عشان كلب كان بيتسلى ببنات الناس هتتخلي عن حبك

فرح .. حب ايه مفيش الكلام ده

صباح .. بيقوله اللي اكبر منك بيوم يعرف عنك بسنه والحب باين في عنيكي

فرح .. بتقرب من الشباك وبتبص علي فارس لا يا صباح مستحيل اسمح لقلبي انه يحب تاني

صباح .. احنا مالناش سلطان علي القلوب يا فرح وبكره هتقولي صباح قالتلي

فرح .. كفايه بقا يا صباح انا مش مستحمله كلام

صباح .. بطبطب علي كتفها ماشي يا فرح ربنا يكتبلك الي فيه الخير ليكي انا هنزل اخلص المواعين الي في المطبخ

فرح .. وانا هنزل معاكي عشان دماغي تفصل شويه

صباح .. عمرها ما هتفصل

فرح .. هنرجع تاني للكلام ده

صباح .. خلاص اهو هحط جزمه في بقي كده كويس

فرح .. ايوه بتبقي حلوه اووي وانتي ساكته

صباح .. طاب يلا يا لمضه

تامر .. مش عارف اعمل ايه عشان تنسي الموقف

ساره .. هي فرح دماغها ناشفه وخصوصآ بعد الموقف الي حصل مش عارفه هخليها تقبلك ازاي

تامر .. ساره احنا متفقين زي ما انا هقنع فارس بيكي انتي كمان لازم تقنعي فرح بيا وبكده نبقا خالصين

ساره .. ما تقلقش انا عند كلمتي وزي ما قولتلك الزن علي الودان امار من السحر وبتبص لقيت فارس قاعد لوحده دي فرصتي يا تامر اتمشي انت شويه وانا هروح اقعد مع فارس

تامر .. ماشي يا ساره هقعد هنا شويه وانتي حاولي توقعيه

ساره .. ما تقلقش عليا ده انا اوقع الجن

تامر .. هنشوف

ساره .. بتقرب من فارس وبتقعد هي فرح فين

فارس .. راحت تساعد صباح في المطبخ

ساره .. انت عامل ايه والجرح لم ولا لسا

فارس .. الحمد لله بعد اذنك هدخل ارتاح

ساره .. انا جيت اقعد معاك شويه وطمن عليك خليك شويه

فارس .. روحي ساعدي فرح وصباح في المطبخ احسن وبيقوم وبيدخل المضيفه

تامر .. بيقرب من ساره وهو بيضحك هو نفضلك يا ساره

ساره .. لازم كده في الاول بس في النهاية هيكون ليا او مش هيكون لحد

تامر .. قصدك ايه

ساره .. كل حاجه في وقتها حلوه هروح اساعد البنات في المطبخ وبالمره ابخ شوية سم في ودن فرح

تامر .. وانا هدخل علي فارس يمكن اعرف ابخ شوية سم انا كمان يا حيه

ساره .. ماشي يا تعبان وبتقوم وبتدخل الدوار وبتدخل المطبخ مش تقولي يا فرح كنت جيت معاكي بدل فارس اكل وداني بره

فرح .. قصدك تامر

ساره .. لا فارس بعد ما انتي دخلتي شورلي قولت يمكن يكون محتاج حاجه رحتله وما بطلش رغي بس دمه خفيف الي يشوفه في المحاضره ما يشوفهوش هنا بصراحه طلع ابن نكته

فرح .. طاب كويس ربنا يهني سعيد بسعيده

ساره .. لا طبعا يا حبيبتي ده انا عرفت عنه بلاوي ما انتي عارفه صاحبتك لازم تجيب قرار الي قدامها

فرح .. تمام خلينا نخلص تنظيف المطبخ

ساره .. ده طلع بتاع بنات ومقضيها

فرح .. بعصبيه خلاص مش عايزه اسمع حاجه انتي ما بتفهميش

ساره .. مالك يا فرح انا كنت بحكيلك الي عرفته

فرح .. وانا مش عايزه اعرف حاجه وهطلع انام وبتطلع علي اوضتها

ساره .. بتبص لصباح هو فيه ايه مالها فرح متعصبه ليه

صباح .. وانا هروح اوضتي احسن ما انفجر وبتسيبها وبتمشي

ساره .. بتبتسم ابتسامه صفرا وبتقول بصوت واطي كده فل مستحيل فرح تبص في وش فارس تاني

فرح بتطلع اوضتها وبتبكي وبتقول فعلآ الرجاله كلهم كده وبيعدي يوم ورا يوم وفرح مش بتنزل زي الاول لحد ما فارس طلب من ابوه انهم يمشو ابوه يرجع علي الجيزه وفارس يرجع شقته ويكمل شغله في الجامعه وفي اليوم الي ماشيين فيه ساره بترن علي فرح عشان عايزها تروح معاها تشتري شوية حاجات وبيكون صلاح وعبد الحميد في الجنينه وفارس قاعد مستني ابوه عشان يوصله الشقه وتنزل فرح واول ما تشوفه بتعمل نفسها مش شايفاه وبتتحرك ناحيت عربيتها لكن فارس بينده عليها بتوقف وبتلف وعينها بتيجي في عينيه

رواية المتمردة الفصل الثامن

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير

فرح .. خير يا دكتور فارس

فارس .. يوقف و يقرب منها ايه الي حصل يا فرح اتغيرتي ١٨٠ درجه هو في حاجه صدرت مني

فرح .. مفيش حاجه حصلت منك وانا بشكرك علي الموقف الي عملته معايا وبعد اذنك عشان اتاخرت علي ساره

فارس .. اسف لو كنت ازعجتك

فرح .. بتمشي وبتركب عربيتها وبتتحرك

صلاح .. خلاص علي تليفون يا عبد الحميد

عبد الحميد .. ماشي يا صلاح توصل بالسلامه

صلاح .. الله يسلمك

عبد الحميد .. كده كده انت قاعد في قنا البيت بيتك يا ابني ياريت ما تقطعش

فارس .. ده انا هزهقك يا عمي

عبد الحميد .. لا بس انت زهقني يا فارس انا راضي

فارس .. تسلم يا عمي يلا السلام عليكم

عبد الحميد .. وعليكم السلام ورحمة الله وبركاته

فارس .. بيوصل ابوه المطار وبيودعه وبيرجع علي شقته

تامر .. ما قولتش ليه كنت جيت اخدك

فارس .. مفيش داعي انا بخير

تامر .. وحشتني قعدتك

فارس .. تسلم يا صاحبي بس انا عايز انام لما اصحى نبقا نقعد سوا

تامر .. تمام يا ابو الصحاب انا هنزل اتمشي شويه وساعه كده وارجع

فارس .. يدخل اوضته وبيمدد علي السرير وهو مفيش في عقله غير فرح وايه سبب التغير ده

حماده .. تمام يا حاتم بيه الشيخ جاهز

حاتم .. شوفلنا خمس رجاله وزي كل مره مش عايزهم يعرفه حاجه عني

حماده .. ما تقلقش يا حاتم بيه انا تلميذك والرجاله جاهزين

حاتم .. اهم حاجه طلبات الشيخ كلها تكون مجابه خلينا نخلص

حماده .. ما تقلقش يا حاتم بيه

حاتم .. يلا خد الرجاله وروح

حماد .. هتحرك علي طول وبينزل وبيركب العربيه وبيتحرك علي قنا واول ما بيوصل بيلاقي الشيخ والرجاله مستنينه بياخدهم معاه في العربيه وبيتحرك علي البيت وبيكون صاحب البيت مستنيهم بيرحب بيهم وبيدخلهم

((ملحوظه هما بيقولوله يا شيخ لكن هو مش شيخ ده ساحر والعياذه بالله ))

الشيخ .. بدأ يلف في البيت كله ويولع بخور وبعد حوالي ساعه راح ناحيت حماده البيت ده فيه مقبره كبيره ومليانه خيرات

حماده .. وانا هنفذ لك كل طلباتك بس افتحهالنا

الشيخ .. الخدم من ماردة الجن وطلباتهم صعبه ولازم تتنفذ

حماده .. هنفذها المهم المقبره تتفتح

الشيخ .. لازم دم

حماده .. ندبح عجل ولا جمل أو الاتنين زي ما تحب ثواني والحاجه تكون هنا

الشيخ .. دم انسان

حماده .. بص للشيخ ازاي مش فاهم

الشيخ .. عشان المقبره تتفتح لازم ندبح طفل صغير

حماده .. اتصدم وسكت للحظات طفل حقيقي يعني قصدي انا متلخبط ازاي يعني

الشيح .. ده طلبهم عشان المقبره تتفتح

حماد .. طاب اديني خمس دقائق اعمل تليفون

الشيخ .. اتفضل

حماد .. بيرن علي حاتم

حاتم .. طمني يا وش الخير

حماده .. الشيخ طلب حاجه غريبه

حاتم .. طلب ايه

حماده عايز طفل صغير تحت العشر سنين يدبحه عشان المقبره تتفتح بيقول دي طلبات الخدام حراس المقبره

حاتم .. دي فرصتنا الوحيده يا حماده اعمل اي حاجه المهم المقبره تتفتح

حماده .. حاضر يا حاتم بيه وبيرجع للشيخ وبيبص للرجاله هتاخده العربيه وتشوفه اي عيل يكون بيلعب لوحده وتجبوه من غير ما حد يحس

الرجاله بتتحرك وبتمشي في القريه وبيكون الجو حراره والكل جوه البيوت

حاتم .. بيرن علي صلاح

صلاح .. السلام عليكم

حاتم .. وعليكم السلام ورحمة الله وبركاته حمدالله بالسلامه

صلاح .. الله يسلمك ياحاتم

حاتم .. كنت عايزك في موضوع

صلاح .. انا في المكتب مستنيك

حاتم .. مسافة السكه وهكون عندك وبينزل من مكتبه وبيركب عربيته وبيطلع علي شركة صلاح

السكرتيره .. بتخبط علي الباب

صلاح .. ادخلي

السكرتيره .. حاتم بيه بره

صلاح .. خليه يتفضل

السكرتيره .. اتفضل يا حاتم بيه

حاتم .. الدنيا نورت يا صلاح

صلاح .. بيبتسم تسلم يا حاتم اتفضل ارتاح

حاتم .. مش هاخد من وقتك كتير انا كنت داخل مشروع كبير وانت عارف اني فلوسي كلها في السوق كنت محتاج منك مبلغ عشان اكمل المشروع ده

صلاح .. محتاج قد ايه

حاتم .. هو مبلغ كبير شويه

صلاح .. قد ايه يعني

حاتم .. عشره مليون

صلاح .. ده مبلغ كبير اوي يا حاتم مشروع ايه الي محتاج ١٠ مليون

حاتم .. يعني مش هتقدر تصرفلي فيهم

صلاح .. بيرن الجرس

السكرتيره .. بتخبط وبتدخل اومر يا صلاح بيه

صلاح .. عندنا قد ايه فلوس سيوله

السكرتيره .. حاليا مفيش كل فلوسنا في السوق حتي الفلوس الي جايا محتاجينها عشان الصفقه الي رسيت علي شركتنا

صلاح .. اتفضلي انتي

السكرتيره بتطلع وحاتم بيقول في نفسه يعني الباب ده اتقفل مفيش قدامي غير المقبره

صلاح .. حاتم يا حاتم انت سرحت في ايه

حاتم .. لا ولا حاحه بس بفكر هجيبهم من فين

صلاح .. هتدبر يا صاحبي المهم طمني عليك عامل ايه

حاتم .. الحمد لله تمام وايه اخبار فارس

صلاح .. الحمد لله بخير ونزل الجامعه من يومين

حاتم .. طاب تمام ربنا يحفظه

صلاح .. تسلم يا حاتم كنت عايز مساعدتك عشان نوصل لتاجر المخدرات الي اسمه حاتم ده

حاتم .. وانت ايه علاقتك بالموضوع ده

صلاح .. انا وعدت عبد الحميد انى استخدم كل معارفي عشان نوصل له

حاتم .. هعمل اتصالاتي ولو وصلت لحاجه هقولك اسيبك انا ونبقا نتقابل بالليل

صلاح .. ماشي

وبيطلع حاتم وهو مش شايف قدامه وبيرن علي حماده

حماده .. الو

حاتم .. عملت ايه

حماده .. بعت الرجاله عشان يجيبه الطفل

حاتم .. تمام اعمل اي حاجه المهم المقبره تتفتح ما بقاش قدامنا غير المقبره دي فاهم

حماده .. يعني موضوع صلاح بيه ما جاش منه

حاتم .. ايوه ومش بس كده ده كمان بيدور ورانا

حماده .. والعمل ايه

حاتم .. ركز في المقبره كده كده مفيش حد هيعرف يوصلنا

حاتم .. تمام يا حاتم بيه

فرح .. بتطلع من الجامعه وقبل ما تركب عربيتها بتبص لقيت عجلة العربيه نايمه لا إله إلا الله هو ده وقته وبتفتح شنطة العربيه عشان تطلع الاستبن لكن ما بتلقاش الاستبن وبتفتكر انها نسيته في الورشه لما غيرت عجله قبل كده

فارس .. بيلاقيها واقفه وبياخد باله ان العجله نايمه بيقرب منها اتفضلي اوصلك كده كده انا كنت رايح للعمده

فرح .. مفيش قدامها حل تاني بتقفل العربيه وبتركب معاه

فارس .. تحبي اشغلك حاجه

فرح .. لا شكرا

فارس .. بيركز في السواقه عشان ما يزعجهاش

الرجاله لقيو والد ماشي لوحده وقفو العربيه قصاده وبسرعه واحد نزل شاله وحطه في العربيه

فرح .. شافتهم اوقف بسرعه

فارس .. وقف في ايه مالك

فرح .. لف واطلع وراء العربيه اللي هناك دي بسرعه

فارس .. حاضر بس في ايه قوليلي

فرح .. شوفتهم بيخطفو عيل صغيره

فارس .. بيلف بسرعه وبيطلع وراهم

رواية المتمردة الفصل التاسع

بسم الله ولا حول ولا قوه إلا بالله العلي العظيم

فارس .. بيسوق بسرعه جنونيه

رجالة حماده بياخده بالهم ان في حد شافهم و بيحاول يلحقهم باقصى سرعه

عتريس .. العربيه اللي ورانا دي شكلهم شافونا يا حامد

حامد .. بعد ما حط المنديل علي وش الولد والولد فقد الوعي اه دى جايه ورانا باقصي سرعه

عتريس .. والعمل ايه

حامد .. هي دي فيها عمل اهرب منه يا عتريس

عتريس .. حاضر وبيسرع اكتر

حامد .. بيطلع المسدس وبيشد الاجزاء وبيطلع من شباك العربيه وبيضرب نار علي فارس

فارس .. انزلي في الدواسه يا فرح

فرح .. انت بس خالي بالك من نفسك وما لكش دعوه بيا

فارس .. مش عارف دماغك طالعه ناشفه لمين

فرح .. ركز في السواقه اوعي يهربوا منك حياة الولد متعلقه بينا ويمكن ربنا يجعلنا سبب انه يرجع لاهله

فارس .. لو هيكون اخر يوم في عمري مش هسيبهم ياخدوه و بيروح يمين وشمال عشان يتفادى الرصاص

عتريس .. ده شكله مجنون

حامد .. ده مش شكله ده فعلآ مجنون ويا روح ما بعدك روح

عتريس .. هتعمل ايه

حامد .. خليك ماشي زي ما انت

ساره .. بتطلع وبتوقف جنب عربية فرح

تامر .. بيطلع يلاقي ساره واقفه مساء الخير يا ساره

ساره .. مساء النور يا تامر ايه ما ظهرتش النهارده

تامر .. ده انا اطحنت النهارده و بيبص حواليه هو فارس مشي

ساره .. انا لسا طالعه ما لقتش فرح ولا فارس بس عربية فرح هنا

تامر .. بس العجله نايمه يا ساره

ساره .. يعني ايه

تامر .. يعني اكيد فارس بيوصلها وانا وانتي هنركب مواصلات

ساره .. انا مش بكره في حياتي قد الموصلات دي

تامر .. عندك حل تاني

ساره .. ولا تالت يلا بينا وانا هرن علي فرح

تامر .. وانا هرن علي فارس

فرح .. تليفونها بيرن

فارس .. مش هتشوفي مين

فرح .. مش وقته انت كمان تليفونك بيرن

فارس .. يبقا اكيد تامر وساره

فرح .. فعلآ اكيد هما بس ده مش وقتهم

عتريس .. الولد لسا نايم

حامد .. ايوه ما تقلقش مش هيصحى دلوقتى انا زودت المخدر و بيطلع التليفون

عتريس .. هتعمل ايه

حامد .. هكلم حماده بيه وبيرن عليه

حماده .. بيرد علي طول اتاخرت ليه يا حامد

حامد .. في حد شافنا واحنا بناخد الولد و ورانا بالعربيه

حماده .. اوعى تيجو هنا حاولوا تهربه منه باي طريق

حامد .. طاب والولد

حماده .. الولد نجيب غيره لكن مش لازم تتمسكه فاهمين اقولك اطلع علي حته مقطوعه وقتله اللي بيطاردكم

حامد .. حاضر يا حماده بيه

حماده .. بيقفل السكه الله يخرب بيوتكم هتودونا في داهيه

عتريس .. قالك ايه

حامد .. اطلع علي اي حته مقطوعه

عتريس .. هو فاكر اننا في الصحره هنا

حامد .. في طريق اهو ادخل وسط الاراضي الزراعيه

عتريس .. حاضر ده كان يوم اسود يوم ما جيت معاكم هنا

حامد .. اسكت عايز اركز عشان اشوف هنطلع من الحكايه دي ازاي

عبد الحميد .. السلام عليكم

صباح .. وعليكم السلام ورحمة الله وبركاته

عبد الحميد .. عربية فرح مش موجوده هي لسا ما جتش

صباح .. لا لسا وانا مش عارفه انت ازاي تخليها تروح لوحدها بعد الي حصل ده

عبد الحميد .. ما انتي عارفه دماغ فرح ناشفه ازاي وانا اديتها المسدس بتاعي وهي استاذه في ضرب النار

صباح .. بس برده ما كنش لازم تروح لوحدها

عبد الحميد .. انتي هتقلقيني ليه وبيطلع التليفون وبيرن عليها

فرح .. اول ما سمعت صوت التليفون ده بابا

فارس .. عرفتي ازاي

فرح .. عمله له نغمه مخصوص وبتمسك الشنطه وبتفتحها وتطلع التليفون الو

عبد الحميد .. اتاخرتي ليه يا فرح

فرح .. انا بخير ما تقلقش بس

عبد الحميد ..بيقاطعها بس طول ما قولتي بس يبقا فيه مصيبه خير

فرح .. في عربيه خاطفه طفل صغير واحنا وراها

عبد الحميد .. هو انا مخلف جمس بوند ومين احنا دول

فرح .. انا وفارس

عبد الحميد .. انتو بقيته ما بتجمعوش غير في المصائب انتو فين بالظبط

فرح .. احنا بعدنا عن البلد

عبد الحميد .. انا هكلم الضابط عبدالله يجيلكم وانا هتحرك عليكم علي طول

فرح .. احنا ماشين وراهم يعني مش في مكان ثابت ما تقلقش

عبد الحميد .. ابعتيلي موقعك وخالي الخط مفتوح

فارس .. اخد مطب بالعربيه

فرح .. التليفون وقع منها

عبد الحميد .. فرح يا فرح الخط فصل

صباح .. انا قولتلك ما تسبهاش وحدها

عبد الحميد .. ده مش وقتك انتي كمان

فارس .. انتي كويسه

فرح .. اه بس التليفون وقع في الدواسه وبتفتح الشنطه ده انا كنت ناسياك

فارس .. ايه الي نسياه

فرح .. بتمسك المسدس وبطلعه من الشنطه

فارس .. ايه ده هو انا ماشي مع مين مسدس مين ده

فرح .. مسدس ابويا

فارس .. بتعرفي تستخدميه

فرح .. اه

فارس .. طاب ورينا بس خالي بالك لحسن تعوري الولد

فرح .. ما تقلقش وبتطلع من شباك العربيه و مفيش غيرهم علي الطريق ده وبتنشن علي عجلة العربيه وبتصيبها

عتريس .. العربيه بتروح منه يمين وشمال ويوقف

حامد .. انزل يا عتريس وينزل ويجري في الدره

فارس .. بيفرمل طاب كنتى طلعيه من بدري

فرح .. وهي بتفتح الباب والله نسيته خالص ما فتكرتوش غير لما شوفته في الشنطه وتجري ناحيت العربيه وبايدها المسدس وبتلاقي الولد نايم من تاثير المخدر بتاخده من العربيه وبتشيله فارس امسك المسدس ده وخلي بالك عشان واخد طلقه

فارس .. ما تقلقيش انتي فاكره انتي بس الي بتعرفي تضربي نار و بيبص حواليه عشان يتاكد انهم هربوا

عتريس .. وقفت ليه يا حامد

حامد .. لازم يدفع تمن الي عمله

عتريس .. بلاش يا حامد وخلينا نهرب

حامد .. مالك كده قلبك خفيف جمد قلبك وبينشن ناحيت فارس

فرح .. بتاخد الولد و تحطه في الكرسي الخلفي وبتفتح الباب عشان تركب لكن بتشوف واحد من الي كانه خاطفين الولد ماسك مسدس وهيضرب فارس

فارس .. بيفتح باب العربيه عشان يركب

فرح .. بتجي بسرعه ناحيت فارس وهي بتصرخ حاسب يا فارس

حامد .. لازم تموت انا ما حدش يتحداني ويفضل عايش وبيدوس علي الزناد

فرح .. بترمي نفسها قدام فارس والرصاصه بتيجي فيها وبتوقع

فارس .. فرح وبيحضنها وهو بيضرب نار ناحيت حامد

حامد .. وهو بيهرب جاتله رصاصه

عتريس .. انا قولتلك بلاش انت الي جبته لنفسك وبيهرب عتريس

رواية المتمردة الفصل العاشر

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدرير

فارس .. بيوقع منه المسدس فرح ردي عليا افتحي عنيكي يا فرح لا مش هتسبيني فاهمه انا مش هسيبك يا فرح و بيبص حواليه المكان فاضي خالص بيشيلها و يركبها العربيه وهي فاقده الوعي و يركب بسرعه العربيه ويتحرك علي المستشفي وهو ماسك ايديها فرح بالله عليكي افتحي عينيكي انا مش هقدر اعيش من غيرك

فرح .. بتفتح عينيها وبتصرخ من الالم

فارس .. ما تقلقيش شويه وهنوصل المستشفي بس اتحملي الحمد والشكر ليك يارب

فرح .. الولد وبتبص لي وراء

فارس .. ما تقلقيش الولد بخير بس هو نايم من تاثير المخدر هنوصل المستشفي وهخلي الدكتور يفوقه بس عشان خاطري ما تستسلميش انا مش هقدر اعيش من غيرك يا فرح

فرح .. بتتكلم بالم انتو الرجاله كدابين اوي انتي ايه مش هتفوق من دور البراءه ده

فارس .. بيتكلم معاها عشان تفضل فايقه ليه يا لمضه انا عملت ايه

فرح .. بتضحك والالم واضح عليها انت بتلعب بمشاعر البنات كلكم كده زي بعض

فارس .. مين قالك كده انا عمري ما كان ليا علاقه مع اي بنت

فرح .. كلكم بتقولوا كده يا فارس بيه معقول واحد جنتل مان زيك وما لوش علاقات

فارس .. انتي ليه كل حاجه بتقولي كلكم انا بتكلم عن نفسي اقسم بالله عمري ما كان في علاقه بيني وبين اي بنت مين الي قالك اني بتاع بنات

فرح .. المفروض اني اصدقك

فارس .. انا بحلف بالله وطول الشخص الي قدامك ما حلف يبقا خلاص لازم تصدقيه ولو كداب يبقا منه لربنا عز وجل

فرح .. انا اسفه يمكن اكون ظلمتك ما انت فعلآ واضح انك محترم بس ليه تامر يقول كده عليك

فارس .. تامر قالك بنفسه

فرح .. لا قال لساره وساره قالتلي

فارس .. مستحيل تامر يقول كده اكيد ساره كدابه

فرح .. مستحيل ساره تكدب عليا صاحبك هو الي كداب

فارس .. انا واثق في صاحبي

فرح .. وانا كمان واثقه في صاحبتي

فارس .. خلاص يبقا احنا الاتنين كدابين

فرح .. ضحكت وهي بتحاول تكتم وجعها اذا كان كده ماشي

فارس .. يعني هو ده السبب انك كنتي متغيره معايا

فرح .. وتغير معاك ليه انت ولا تفرق معايا كان ليك عندي دين والحمد لله كده خالصين

فارس .. قومي بالسلامه ونبقا خالصين

فرح .. ما تقلقش انا زي القطط بسبع اروح

فارس .. كده اطمنت انا مش هعرف اعيش من غير رخامتك

فرح .. يعني انا رخمه

فارس .. اه ده انا من اول ما وصلت قنا وعايز اسيبها بسببك

فرح .. بتاخد بالها انه ماسك ايدها وبتشد ايدها

فارس .. في ايه مالك

فرح .. بتبص علي ايدها

فارس .. مالها ايدك بتوجعك اه فهمت اسف ما خدتش بالي

فرح .. ده انت مكلبش فيها وتقولي ما خدتش بالي

فارس .. انتي ما بتفصليش ده انتي مضروبه بالنار يعني المفروض تبقي كيوت كده وهاديه

فرح .. انا اتعلمت من الدنيا ان وجعي اكتمه جوايا عشان محدش هيحس بيا غير نفسي

فارس .. والله انا مش عارف اخد معاكي حق ولا باطل

فرح .. انا ... وبيغمي عليها

فارس .. فرح ردي عليا يا فرح يارب وبيسرع اكتر وبيوصل المستشفي وبيشيلها وبيدخل جري الحقوني بسرعه

الدكتور .. حطها هنا

فارس .. مضروبه بطلق ناري يا دكتور

الدكتور .. دكتوره رانيا علي اوضة العمليات فورآ

رانيا .. حاضر يا دكتور

فارس .. بص للممرضه في طفل صغير في العربيه تحت تاثير المخدر ياريت تجبيه

الممرضه .. بتطلع وبتشيل الولد وبدخله عند الدكتور الي بيشوفه وبيفوقه

الممرضه .. ممكن اخد منك بعض البيانات

فارس .. ماشي وبيقلها كل البيانات

الممرضه .. بتبلغ المركز

عبدالله .. بيرن علي عبد الحميد

عبد الحميد .. الو طمني وصلت لحاجه يا عبدالله بيه

عبدالله .. استلمت بلاغ دلوقتى وسكت

عبد الحميد .. اتكلم يا عبدالله يا ابني خير

عبدالله .. فرح بنتك في المستشفي دلوقت

عبد الحميد .. فرح بنتي انا

عبد الله .. للاسف اه

عبد الحميد .. انا هروح علي المستشفي سلام وبيقفل

صباح .. فيه ايه يا عمي

عبد الحميد .. فرح في المستشفي

صباح .. مالها حصل ايه

عبد الحميد .. مش عارف انا برن علي فارس تليفونه مقفول هروح المستشفي

صباح .. انا هاجي معاك وبيتحركوا علي المستشفي

فارس .. بيدور علي التليفون مش بيلاقيه وبيطلع يشوفه في العربيه وبيلاقيه واقع في العربيه وبيلاقي تليفون فرح مرمي في الدواسه وبيلاقي التليفونين فاصلين بيشغل تليفونه وبيدخل المستشفي

الممرضه .. يا استاذ الولد فاق وخارب الدنيا جوه

فارس .. ممكن تطمنيني علي فرح

الممرضه .. لسا يا استاذ ما تقلقش الدكتوره رانيا من اكبر الدكاتره في المحافظه كلها وان شاء الله هتقوم بالسلامه

فارس .. الله يسلمك يارب هروح الشوف الولد

الدكتور .. اهدا يا حبيبي انت هنا في امان

فارس .. بيخبط وبيدخل

الدكتور .. ايه حكايته بيقول ناس اخدوه

فارس .. ايوه اتنين خطفوه والحمد لله قدرنا ننقذه

الدكتور .. الحمد لله سمعت يا حبيبي اهدا

الطفل .. انا عايز ماما مش عايزكم

فارس .. قرب منه اهدا يا حبيبي الحمد لله احنا اخدناك منهم وشويه وهتروح لبابا وماما

الطفل .. بابا عند ربنا

فارس .. الدموع بتنزل من عينه وبيحضنه ماشي انا هاخدك اوديك عند ماما بس نطمن علي فرح

الطفل .. مين فرح

فارس .. فرح هي الي شافتهم وهما بيخطفوك وهي بتنقذك ضربوها نطمن عليها ونمشي علي طول اتفقنا

الطفل .. ماشي يا عمو

فارس .. انت اسمك ايه

الطفل .. عامر

فارس .. تقدر تقوم يا عامر

عامر .. ايوه يا عمو ويقوم

فارس .. يلا نطمن علي طنط فرح وبعد كده اخدك و اوصلك لبيتك

عامر .. ماشي يا عمو

فارس .. يأخذه ويجب له اكل وعصير وبيقعده قدام اوضة العمليات وتليفونه بيرن ويطلعه وبيلاقي العمده بيرد الو

عبد الحميد .. تليفونك مقفول ليه يا فارس طمني علي فرح

فارس .. فرح في العمليات يا عمي واديني مستني قدام اوضة العمليات

عبد الحميد ..يارب سترك ورضاك احنا داخلين علي المستشفي

فارس .. مستنيك يا عمي

عبد الحميد .. يوصل وينزل ويدخل جري

صباح .. تجري وراه و الرجاله كلهم بيدخله وراه

عامر .. اول ما يشوف عبد الحميد يجري عليه يا عمده انا عايز اروح

عبد الحميد .. بينزل علي ركبه وبيحضنه عامر انت بخير يا حبيبي

فارس .. انت تعرفه يا عمده

عبد الحميد .. ايوه طبعا انا اعرف ولاد البلد كلها كلهم ولادي وعامر ده بالخصوص

فارس .. بس فرح ما تعرفهوش

عبد الحميد .. فرح مركزه في دراستها وبس ومالهاش علاقات مع اهل البلد

عامر .. هي فرح بنتك يا عمده

عبد الحميد .. ايوه يا حبيبي

عامر .. ربنا يشفيها

عبد الحميد .. ادعيلها يا حبيبي

عبدالله .. السلام عليكم

الكل .. وعليكم السلام ورحمة الله وبركاته

عبدالله .. في اخبار يا عمده

عبد الحميد .. ادينا مستنين يا عبدالله بيه

عبدالله .. هو ده الولد

عبد الحميد .. ايوه يا عبدالله بيه

عبد الله .. تقدر تعرف الاشرار الي خطفوك يا حبيبي

عامر .. لا يا عمو انا مش عايز اشوفهم انا خايف

عبد الحميد .. اهد يا عامر هو فيه راجل بيخاف

عبدالله .. خلاص انا هاخد عامر ابعته مع واحد من العساكر يروحه

عامر .. لا مش هروح مع حد وبيحضن العمده

عبد الحميد .. خلاص يا عبدالله بيه انا هبعت حد معاه من الغفر

عبدالله .. خلاص زي ما تحب يا عمده يا استاذ فارس قدرت تتعرف علي حد منهم

فارس .. تقريبآ فيهم واحد ضربته بالنار واكيد مرمي في الدره هناك لو كان زميله ما اخدهوش

عبدالله .. ممكن تيجي معانا تورينا فين المكان ده

فارس .. الاول اطمن علي فرح وبعد كده انا تحت امرك

عبدالله .. تعرف تقولي المكان فين بالظبط.

فارس .. قعد يوصف له المكان

عبدالله .. تمام انا عرفت المكان وبيتحرك مع العساكر بتوعه

صباح .. بتاخد عامر تعالي يا حبيبي اقعد معايا

عبد الحميد .. لا حول ولا قوه إلا بالله ربنا معاكي يا بنتي

فارس .. اطمن يا عمي ان شاء الله هتقوم وتبقا زي الفل

عبد الحميد .. ان شاء الله يا ابني ربنا معاها

فارس .. انا هغسل وشي وارجع

عبد الحميد .. اتفضل يا ابني

فارس .. بيدخل وبيفتح الميه وبيغسل وشه وبيبكي فرح قومي يا فرح انا مش هقدر اعيش من غيرك انتي بقيتي كل حياتي اه قلبي وجعني اووي ومش قادر استحمل وبيحط راسه تحت الحنفيه وبياخد نفسه بالعافيه اه يا فرح ياريتني كنت انا وفضلتي انتي بخير

عبد الحميد .. بيدخل على فارس

فارس .. يغسل وشه بالمياه عشان يخبي دموعه