السلام عليكم ورحمه الله وبركاته يلا بينا نكمل روايتنا البارتى التامن والعشرين من روايه المنتقبه والمجنون
بقلم الكاتبه/همس الحنين
وصلنا البارتى اللى فات وسيف فى المستشفى يلا بينا نشوف ايه اللى هيحصل
فى المستشفى
محمد كان قاعد بيقرأ قرأن ويدعى ربنا ينجى صاحب عمره
زينب: ولدى جراله ايه يامحمد ايه اللى حصل ومين عمل فيه اكديه
محمد : اطمنى ياأمى سيف بخير هو دلوقتي فى العنايه المركزه وبكره الصبح أن شاء الله هيتنقل اوضه عاديه
زينب بعياط: يارب نجيه يارب وفضلت تعيط
زينات: أهدى اومال يازينب عاد أن شاء الله يبقى كويس ويرجع زى الحصان
زينب: يارب
زينات: اومال فين عمى عاد زمانه معرفش باللى حصل
محمد : اكيد ظابط المباحث بلغه الخبر وهيكون فى الطريق دلوقتي
بعد شويه جه احمد وعمر
احمد: سيف أخباره ايه
محمد: الحمدلله بخير فى العنايه المركزه وبكره الصبح هنشوفه ونطمن عليه
زينات: عمى جه معاك
احمد: للأسف سلطان بيه فى العنايه المركزه جاتله صدمه عصبيه بعد اللى حصل لسيف
ومرديش يقول أن اشرف مات
زينب: واه عمى كيف ده حصل سيف وعمى الشجره اللى مضلله علينا اعمل ايه دلوك
زينات: لزم نروح نشوفه ونطمن عليه
احمد : متتعبيش نفسك هو فى العنايه ادعو ربنا يعدى ٢٤ساعه دول على خير
زينات : يارب
عند امانى
امانى كانت نايمه فى حضن مامتها وشافت كابوس أن سيف انضرب وراح منها فضلت تصرخ لحد مافاقت
ايمان: بسم الله الرحمن الرحيم مالك ياقلب امك
امانى: سيف ياماما راح منى
ايمان: استهدى بالله ياقلبى سيف بخير الحمدلله وان شاء الله يقوم بالسلامه
امانى: أنا عايزه اروحله ياماما مش هيجينى قلب اقعد هنا وهو فى المستشفى
ايمان: يابنتى حاولى تنامى دلوقتي بكره الصبح نروح
امانى: لا ياماما لزم اروح دلوقتي سيف محتاجنى جمبه
ايمان : طيب استنى لما يجى محمد يودينه المستشفى
أمانى: مش هستنا ياماما يلا تعالى معايا انا عارفه الطريق
ايمان: يلا يابنتى مقدرش اقولك متروحيش يلا بينا
وراحت امانى وإيمان المستشفى
عمر اول ماشاف امانى جرى عليها وخدها فى حضنه
عمر: حبيبتى انتى كويسه حد عمل فيكى حاجه
امانى:أنا كويسه ياعمر اطمن ياحبيبى
محمد: ايه اللى جابك تانى ياامانى مش قولتلك ترتاحى وبكره اجيبك
امانى: مقدرش اقعد فى البيت وسيف هنا يامحمد
محمد: ينفع كده ياماما
ايمان: مقدرتش امنعها ياابنى جوزها مهما كان
احمد حضن امانى وحمد ربنا أن بنته بخير
الممرضه خرجت من عند سيف وراحت تنده الدكتور
بعد وقت رجعت هى والدكتور.
امانى: فى ايه حد يطمنى
دخل الدكتور عند سيف وخرج
الدكتور: مين امانى
امانى: أنا يادكتور فى ايه طمنى
الدكتور: المريض حالته صعبه وبيندها على اسمك ممكن تيجى جمبه عشان يهدا
امانى: حاضر يادكتور معاك
زينب: أنا امه يادكتور عايزه اشوفه واطمن عليه
الدكتور : مينفعش ياجماعه بكره الصبح أن شاء الله بس لزم المريض يهدأ بعد ازنكم
دخلت أمانى وشافت سيف على الأجهزة وبيندها عليها
سيف: امانى امانى امانى
امانى: أنا هنا جمبك ياسيف اهدا ياحبيبى عشان تقوم وترجع تخبطنى تانى فاكر ياسيف اول مااتقابلنه اهدا ياروحى عشان ترجعلى واعند فيك اوعدنى متسبنيش ياسيف اوعا تسيبنى ياسيف ودموعها نزلت
الدكتور: أنا هسيبك جمبه أن شاء الله بكره الصبح هيكون احسن
امانى: أن شاء الله شكرا يادكتور
الدكتور: العفو وخرج
عند البنات
مها: أنا قلقانه جدا برن على جدى مش بيرد وماما نفس الكلام
اميره: طيب ماترنى على امانى
ليلى: اميره هبل اسر مش وقته يطلع دلوقتي هى امانى فين دلوقتي مش مخطوفه نكلمها نقولها ايه العصابه عاملين ايه معاكى
اميره : صحيح عندك حق سورى
مها: أنا قلقانه حسه أن فى حاجه كبيره حصلت
ليلى : طيب استنى ارن على ماما يمكن ترد وانتى رنى على بابا لزم نبلغه اللى حصل مش عارفه مختفى فين
اميره : أنا هرن عليه يمكن يجى يشوف حل المصيبه دى
مها : ماما ردت الوو ماما ايه اللى حصل محدش بيطمنه ليه
زينات بعياط : جدك وسيف فى المستشفى بين الحياه والموت
مها: ازاى ياماما طيب انتو فين واحنا نيجى وبابا معاكى ولا لا
زينات: لا متجوش لوحدكم ابوكم معرفش هو فين بكلمه تليفونه مقفول
مها: احنا جاين ياماما متخافيش معانا السواق اطمنى وقفلت
اميره: فى ايه
مها بدموع: سيف وجدى فى المستشفى بين الحياه والموت لزم نروح حالا
اميره: يلا نلبس بسرعه
ليلى : ايه النصايب دى كلها يارب سلم وطلعو
بعد وقت جهزو وراحو على المستشفى
مها : فى ايه وماله جدى وسيف ايه اللي حصل
زينات: مخبراش يابتى محدش قال حاجه حتى ابوكى مظهرش
بعد وقت وصل ظابط المباحث
الظابط : مساء الخير اخبار سيف باشا ايه
محمد: سيف فى العنايه المركزه
الظابط: اه يعنى مش هنقدر ناخد أقواله
محمد: بكره أن شاء الله يكون اتحسن ويقدر يتكلم
الظابط : تمام الف سلامه والبقاء لله
زينب: البقاء لله فى مين عاد
الظابط: اشرف الجارحى تعيشو انتو
البنات بصدمه : بابا مات
زينات: كيف الحديت الماسخ ده اشرف مات كيف
الظابط: اشرف الجارحى تاجر مخدرات ومتهم بخطف امانى السيوفى وشروع فى قتل سيف ابن اخوه
اميره : مستحيل بابا يعمل كده
مها من الصدمه أغمى عليها لكن عمر لحقها قبل ماتقع
زينات كانت مصدومه ومش حسه حتى ببناتها المنهرين من الخبر
ليلى: يعنى ابويا قاتل وتاجر مخدرات ليه يابابا تعمل كده ليه وانهارت
ايمان: أهدى يابنتى اللى حصل حصل
زينب : عشان اكديها عمى مااستحملش الخبر وقع من طوله ليه اكديه ياولد عمى
عمر كان خد مها ودخل بيها اوضه الكشف
الدكتور: دى صدمه عصبيه هديها ابره مهدأه اتفضل بره
عمر:حاضر وبص على اميره وخرج
احمد: البنت عامله ايه
عمر بحزن: عندها صدمه عصبيه
احمد: ربنا يكون فى وعونهم
عمر: بابا ايه العيله دى همه مأجرين المستشفى لحسابهم
احمد: عمر ده وقت هزار
عمر: وربنا أنا تعبت من ساعه ماجيت وانا عايش فيلم اكشن نهار احوس
احمد: خليك هنا لما اروح اطمن على جد سيف واعقل
عمر: حاضر
عند أسر وياسين
ياسين : يارب فى ايه محدش بيرد ليه اعمل ايه دلوقتي
اسر: ياسين متوترنيش أنا خايف لوحدى
ياسين : خايف ليه أن شاء الله
اسر: من العصابه ينهارك الملحوس ياامانى اول ماكتب كتابك اتخطفتى اومال فى الفرح هيحصل ايه هيشوكى
ياسين: حضرتك فايق اوى تهزر
اسر: ياسين سيبنى اعيط على البت الغلبانه دى يالهوى ليكونو تجار أعضاء ويقطعو البت ياحوستى ياأنا ياامه مكنش يومك يامرات اخويا يالهوى مرات اخويا فين دى زمانها بقت قطع يخسارت شبابك يااختى
ياسين: الصبر يارب ردى ياليلى بقا
اسر : يااااااالهوى
ياسين: وحيات رب الكعبه لو ماسكت يااسر لنفخك
اسر: سكت يااخويا اهوه اهئ اهئ
عسل يااسر 🤣🤣🤣
فى المستشفى
مها فاقت ولقت عمر جمبها
عمر: عامله ايه دلوقتى
مها بعياط: قلبى وجعنى اوى معققول ابويا يعمل كده
عمر: طيب ممكن تهدى وبعدين ده نصيب ومكتوب
مها : عندك حق نصيب ممكن لو سمحت اروح عند امى واخواتى
عمر : انتى لسه تعبانه
مها: أنا بقيت كويسه وصلنى عند امى واخواتى
عمر : اتفضلى
ليلى ببكاء: ازاى بابا يعمل فينا كده وعشان ايه
اميره: عشان يسبنا فى الدنيا ببصمه عار طول العمر
ايمان: يابنتى متقوليش كده كل الناس عارفه انتو مين والبنى ادم خطاء وباباكم غلط وخد جزأه المهم انكم متخلوش اللى حصل يأثر على حياتكم ومستقبلكم عشان خاطر مامتكم
زينب: عند حق يااخيتى بس عمى يقوم منيها على خير
محمد صاحب سيف: خلاص ياأمى اللى حصل حصل وبلاش نفتح الموضوع قدام سيف ولا جدى وانتو يابنات اهدوا شويه أنا عارف انها صدمه كبيره عليكم ومهم اقول مفيش حاجه هداوى جرحكم بس فى ايدينا ايه نعمله ادعوله ربنا يسامحه
ليلى: لو ربنا سامحه احنا مش هنسامحه ابدا ابدا
زينات من الصدمه فقدت النطق وكانت بتبكى على حالها وحال بناتها بعد اللى عمله اشرف بس لسه ميعرفش أنو قتل اخوه كمان
عند امانى
امانى كانت قاعده جمب سيف وحست باأيده بتتحرك
امانى: سيف حبيبى أنته كويس
سيف بوجع : كويس ياحبيبتى طمنينى عليكى حد عملك حاجه
امانى: أنا كويسه ياروحى المهم انته قوم عشان نجهز لفرحمنا
سيف: مش قولتلك قبل كده هتتكونى ارمله قبل مانتحوز
امانى: بعد الشر عليك ياعيونى أنته بخير وهتقوم وتبقى احسن من الاول بكتير
سيف: يارب ياقلبى مش عايز بنات عمى يعرفو حاجه
امانى : حاضر ياسيف بس اهدا وان شاء الله كل حاجه هتكون تمام
سيف: بحبك ياكل حياتى
امانى: وانا بحبك
عند سلطان
جهاز القلب سفر ومات جد سيف
ياترى سيف هيعمل ايه بعد موت جدو وياترى مصير البنات هيكون ايه هنعرف البارتى القادم انتظرونى
خلص البارت ياجماعه اتمنى يعجبكم وياريت نتفاعل اكتر عشان انزل بالبارتى الجديد دمتم في حفظ الله وإلى إلقاء فى البارتى القادم
بقلم الكاتبه/ همس الحنين