تحميل رواية «المنجمة» PDF

#المنجمة

الكاتبة _كفايه

لاتنسون متابعة الحساب

تصويت وتعليق بين الفقرات لطفاً 🧡

يا علي مدد ♕

⭕بارتين طبك ⭕

كالو تجيك اعزاز من ترف عينك

رفت عليك الروح جا انتـه ويـنك

_______________________

_نجمة: الرسالة الخطفت انفاسي مكتوب بيها

_لا عبالج اعوفج اني اشتريتج بفلوسي مشترة

عمج باعج الي بفلسين بس شوية وقت راجعلج

لو مو بتركيا

راجع داز غير مسج

_الطلاك صار غصب عني

نرجع نجددة تمام حبيبي

اموووح

عيوني غوشت واحس الدنيا دارت بيه بمجرد قريت كلامة انطيتة حظر وشمرت التليفون

وكعت بالكاع لازمة راسي احسة يريد ينفجر

سالم اخذ فلوس منه يلة وافق على الخطوبة !

ليش ما اجة وكال؟ ثنينهم انذال وثنينهم تسببو باذيتي كمت كوة امشي توضيت وفرشت سجادتي صليت وكعدت ابجي وادعي عليهم بكلب

محروك شنو ذنبي جاي اعيش عذاب نفسي

بسبب حقد وجشع المايخافون من الله

اخذني خاطر ينتقم من فقار اني شلي غرض

بيه !

دمروني الليل ماكدر انام اذا مو راسي يصدع من البجي ابقى ارجف واني اتذكر الوحشية العشتها وكمية الالم حتى استحي اطلع ويباوعون بشكلي

لان يعرفون الصار والتعرضتلة صعب على بنية

بساعة يصفعني بحقيقة بشعة حقيقة مريضة

ينتقم من وحدة بلا حول ولاقوة بس حتى ياذي رجال ويحرك كلبة !

تدهورت حالتي وحتى للشركة مارحت اتصل بيه ابو ميس بلغتة ماريد اداوم وكل المسجات والمراسلات من البنات ماداخلة عليهن

اول شخص صار كبالي استاذ فقار

دخلت ايدي ترجف كاتب هواي من البارحة لليوم

_وينج نجمة

ليش ماتردين

اطلعي احجي وياج

اني هنا بتركيا ما ارجع

ابقة بلكت تطلعين ونحجي

اتمنى نحجي نجوم ردي عليه مو شيبتي كلبي

ومن غير الاتصالات وباقي المسجات رديت

_ارجع استاذ لاتطول ما تكدر تشوف نجوم

بعد اسفة بس راح احظرك واحظر الكل وياك

وفعلاً حظرتة وحظرت حتى ميس بدون سبب

احس ماريد احد .

________

_كواكب: باوعت للشيخ وباوعت اله كلبي ضرب بقوة مو اني الردت ننفصل ليش هيج جاي يصير بيه حجة وي الشيخ ونار شبت بداخلي .

_ضيغم: استعجل شيخ تعبان اريد انام

وجيب ولدك شهود

بلعت ريكي ودنكت راسي الزم بيدي ترجف دخلنا جوة والشيخ يقرا مافتهمت منه شي كد ما بالي مو وياة رفعت راسي لضيغم عيوني دمعت باوعلي ورجع باوع للشيخ غمضت عيوني من كال

_طالق

بقة يحجي ويكمل واني كلبي يعصر بيه من بقة يتشكر من الشيخ طلعت اركض كدامة دموعي نزلت مو اني الرحتلة وكتلة نروح للشيخ نطلك ليش جاي ابجي ياربي مسحت عيوني بقوة قبل لا يجي صعدت بالسيارة حتى لاتبين ملامحي مادام الضوة طافي صعد وبقة وجهة ليكدام واني اعصر بيدي وادعي ماتنزل دموعي ويشوفهن من شفتة ماعندة شي يكولة حجيت بس صوتي فضحني .

_كواكب:شكراً الك وشكراً لليوم الشفتك بيه

صح تطلكنا وبعد ماكو شي يربطنا

بس اكلك انت احسن رجال شفتة بحياتي

تدري اول مرة اتعامل وي رجال ابن امة

نزلت دموعي مسحتهن قبل لايشوفهن كملت

_اتمنة الك حياة كلها سعادة وخير انت ابن خير

معدل ماكو منك ثنين صح ماراح نلتقي

بس راح ادعيلك كل يوم واتمنة الله يستجاب دعائي الك

درت وجهي على الجامة من التفتت يحاجيني

_ضيغم:عيونج الحلوة ماتشوف التعب والحزن يوم

اتمنى انتي احسن بنية شفتها وتعاملت وياها

شكد سامع مرة برجال بس شفتها بيج

المثلج نادرين بهذا الزمن تمنيت اعرف قصتج

والحمد الله من عرفتها وعرفت هيج بنية

مختلفة عن سائر النساء

_بعد كافي لاتحجي

_ليش

_احسن

_صار ما راح احجي

شغل السيارة يمشي بهدوء لا اني حجيت ولاهو وصلني يم البيت تمنيت ما انزل ابقة اشم عطرة

عقلي وافكاري وكلشي صار ضدي بهاي الساعة

نزلت دموعي وشهكت .

_ليش تبجين مو ردتي تنفصلين عني

_ابجي لان بعد ما اشوفك

خسرتك ابقة وياي تعودت عليك

_وياج والله ماعوفج يوم

يريد يلزمني تذكرت احنا انفصلنا ماصار ساعة

نزلت من السيارة بسرعة مشيت واني احس بعيوني

وصلت للباب ادك بيه والتفتت بعدة واكف انطيتة ضهري واول ما فتحت نيزك الباب عفتها ودخلت

_نيزك: وين جنتي؟

_هنا

_ماتبطلين سوالفج انتي

تغطين محد يعرف عنج ااخ منج

رحت للحمام ماعرفت وين امشي اريد ابجي احس واليكتلني ليش ابجي يمكن صدك لان تعودت علية

بفترة مو هينة هو وياي وهنا تذكرت غضنفر وزاد بجيي نزعت ملابسي ودخلت جوة المي البارد دموعي وياة تنزل وبقيت مستغربة من روحي

اندك الباب .

_نيزك: كواكب خوماكو شي

_جيبيلي ملابس

راحت ورجعت جابتهن من شفتهن تذكرتة وتذكرت االحظة الجابهن بيها واني منتهية بس اتذكر كلشي لبستهن طلعت عيوني تحركني دخلت للغرفة امير نايم فارشة وكاعدة صافنة كعدت بصفها حضنتني رفعت ايدي باستها سحبتها منها .

_نيزك: هاي الايد تنباس.....

احمد الله لان

ابوي قبل يعوفج يمنا ما اخذج للميتم

تمددت بحضنها ضميت راسي وهي تنشف بشعري

_ لو رحت للميتم هم طلعت اني وبنات اتكفلهن

واخذهن احير بيهن امن الهن على مكان واشتغل

حتى محد يلمسهن

دنكت باست راسي

_نيزك: الله شايل الغيرة ومخليها بيج

كواكب من باجر نبدي بداية جديدة

بعد ماتطلعين للشغل ترحين تستلمين فلوس

المحلات وانتي شوفي عد منو يبقن

ومنو يشتغل بيهن تبقين بالبيت قليل تطلعين

اروح للسوك اجيبلج فساتين ملابس

حلوات كلشي حلو اجيبلج افرح اني من اشوفج هيج اتمنة ترجعين مثل قبل وتطولين شعرج

_مايلوكلي والله هيج احلى تعودت علية

_حتى لو تطولينة بس شوية كون يغطي ركبتج

_الله كريم

رفعت راسي على مشية شهب التطلع صوت من شافتنة صاحت:: ها الخاينات عايفاتني وحد

بت البطة السودة اني

_نيزك: نايمة بحضن رجلها وماخلصانين منها

_شهب: فحطتة ونام وين نايم بحضني

غير كلة عرك مخلصينها

سوتلها مجال نيزك كعدت كوة

_نيزك: شعندج ادورين عرك وياة

_من يوم الحادث كلة عرك

علاقتنا مو نفس قبل هادئة

_كواكب: احسن هي العركات

احلى شي بالدنيا وبالعلاقة اكشن

بس لو تكتلينة حتى تكمل

_شهب: لا لا ما اكتلة بس احجي علية

واحرك كلبة ابو السفرات الدايح

_كواكب: هم بعد سافر؟

_لا ابد

_كواكب: اكلج اطردة الج واطلع حيف ذيج الايام

صفنت بوجهي وهزت راسها

_شهب: يلة خيولي

_نيزك: يا ولجن شبيجن تسودنتن بالليل

_كواكب: خل نسوي اكشن اني ضايجة اتونس بيه

_شهب: بس اكلج هو خطية جابلي كتب

يريد يرجعني ادرس

_كواكب: حتى لو

كمت ونيزك تجر بية تحجي علية

لحكني دخلت مدد يلعب بتليفونة رفع راسة شافني عدل كعدتة سويتلة بيدي جيب:: سلم تليفونك

اشوف بيش تبوحش

رفع حاجبة مستغرب باوع لشهب ضمت راسها ورة نيزك .

_كواكب: وياي عيوني

سحبت الموبايل من ايدة كاعدة على الطوبة

رجعتلة التليفون:: انت يافريق تشجع

ريال ها هااااااا ريال ومرتك تشجع برشة

اذن هاي خيانة والخاين يطلع من حياتنا وبيتنا

بلا مطرود بس روح لاهلك عدكم بيت شكو نايم بالكاع عدنا شكاتلك

_شبيج بابا

_من الاخير اريد اعاركك واطردك واحرك

گلبك مثل ماحركت كلب اختي واني ماموجودة

_هاي يمتها

_شهب: نسيت ابو السفرات

خزرها

_شهب: لاتخزر هاي اختي هنا وبيتنا انت ماتعرف كواكب شنو سوت

_قبس: اريد انام شنو تردن تطلعن الماضي

_كواكب: اي عيني ابو الشباب ايييي

_قبس: دروحي نامي مبين عليج تعبانة

وجهج اصفر امشي اجيبلج حلويات

_كواكب: اه صدك

_والله يلة

كام واخذ سويجة باوعت لشهب كالت

_لا كواكب احنا نسويلج اكل

_قبس: شنو تسوين طماطة كلي امشي

اجيبلج حلويات

_كواكب: يلة النسيب الذيب

وياك اجي وانتي اكعدي ام المسلسلات بس تدور مشاكل كعدتني من نومي اطردية لان كتلني واني اكلها شوفي وجهج راح يطك من الكتل هذا يالجذابة

_قبس: شفتي كل يوم اتسوك اشكال الحلويات

_كواكب: واضح ماطاحت فلوسك بالكاع

اليشوفها يحوفها

_قبس: نسوان ماتغدر شي على اقل زلة توكف

_كواكب: امشي امشي ناكل هاي النسوان

مايفيد وياهن شي بس التراب يعمي عيونهن

خطية ضلن ساكتات بس قبس هم خطية شمسوي الرجال اخذني يشكي من لسانها والله حباب الولد نزل كدام المحل كال:: شتردين جيبي

ماخليت قطيتة قط ولا حجة انوب يكلي بعد تردين بيدي كيكة اكل منها واسولف علية .

_هم تتحاجون انت وضيم اقصد ضيغم؟

_ليش منو كال احنا مانتحاجة

_امك كالت متزاعلين تصالحتو لا

_ضيغم مايكدر يزعل علينا حاجيتة نسى

_لاتزعلونة اذا هيج هو خوش ولد

_ها

_ترى كلكم خوش ولد بس ضرغام البعيجي

_ضرغام مريض فرق جبير بين قبل وهسة

بعدة تعبان وامورة مخربطة بس يرتب وضعة يرجع اختج

_لايرجعها ولايتعب روحة هي بعد ماتريدة

واني ما انطيها اله

_تمام براحتكم

_وانت صير خوش رجال لاتغير نظرتي بيك

_تدللين

خزرتة وكملت اكل نزلت بيدي العلاليك خليتهن كدامهن شهب ماتباوع بوجهي مطنكرة رجع لمكانة

_كواكب: والله بيج كتلة دمشي روحي يمة

ماشايفة وجهي

_شهب: ماروح شعليج انتي

_غسل اي والله شعلية بيج تعاي نيزك اكلي

بخير النسيب

_شهب: تبيعينا علمود بطنج

_كواكب: ماكو اهم من الاكل

الجوعان مايفكر

ثاني يوم اجت ذهب وسهلة والهدايا تخم قنفات للبيت كامل نزلوة الولد بسيارة حمل خجلتنا

ونيزك تعاتبها ليش جايبات .

_ذهب: ماكو شي من واجبكم بعد ااذيبة

شوكت ماتريد هديتها يمي تاخذها

ما نسيتها

بقن للغدا نيزك تغدن وراحن ماجابن طاري ضرغام بس عرفن بنيزك حامل وصنها تنتبة لنفسها بقت نيزك تاكل بروحها ليش ماجابن طاري للموضوع

_كواكب:مو ماتردينة

_حتى لو جان على الاقل كالن ارجعي

كالت راح اسوي كليجة اجة قبس يريد ياخذ شهبة وهي ماتقبل طنكرت الا تبقى اخذتها نيزك تحجي وياها بهدوء اني ماحجيت بس اباوعلهن .

_نيزك: شهبة يروحي مو الرجال زين وياج

اني شفت بعيني محد كلي وين تلكين مثلة

يخاف عليج ومهتم بيج يسوي الاكل بيدة

ويصعدة يخلي النسوان تحجي اشكال

مايهتم ارجعي لبيتكم وهم تعالي علينا بالليل

شوية وروحي

_شهب: ماتعرفن شعوري تجاهة احبة بس احقد علية وابقة افكر مايحبني يحب غيري اضوج منه

واريد بس اطلع

_نيزك:عوفي الافكار على صفحة لحد الان

هو ما راح لبنات ولا يراسل ويمشي بغير دروب

انسي الصار شوكت تنسين

مسحت عيونها وبهضمة كالت

_شهب: صعب انسى الحسيت بيه

راحت تجهز نفسها رحت اوصية عليها سكتت

احس مايحتاج عيونة تحجي كلشي اول ماطلعت سندها يمشيها يرفع صايتها من الكاع خاف تعثر

منا لمن صعدها وسد الباب عليها شغلو دخلت

جوة نيزك تعجن امير كاعد على التليفون مشيت

سويت البلازما شغلتها صارت مابيها قنوات لكيت

قناة اخبار خليتة عليها وعليتة حتى يصير صوت بالبيت ماحب الهدوء بدلت على السريع

طلعت رفعت راسها نيزك .

_وين رايحة؟

_اشوف الشغل مال المحلات وارجع ما اطول

ماكالت شي طلعت بدراجتي واحس نفسي خفيفة بخفة الريشة سالم واخذت حقنا منه والحلال ورجع لاصحابة اخواتي امنت عليهن وعلى مستقبلهن ماعندي شي بعد احس الدنيا نصفتنا

طبكت كدام المحلات يوسف جان يشتغل بمخزن رجع وياهم اخذت السجلات رجال جبير كاعد عليهن كعدت يحجيلي عن الشغل وراس المال والربح وشغل العمال .

_يوسف

اجة يمشي باتجاهي

_الفلوس يمك كلشي محسوب

عليكم والمايصون الامانة ماله مكان يمنا

سامر يخزر بيه صحت بيه:: هااااا

ماحجة طلعت للسوك اخذت شغلات للبيت

بقيت بالشارع اباوع على اليشتغلون ادور بعيوني على محمود من شافني خلص البيدة ورجع يركض

فحطان .

_ها ولج اجيتي غطيتي وينج

_لكيتلك شغل دمشي امشي

_لابربج وين الشغل

_تشتغل بمحل تراقب على الشغل وشوف شغل خفيف منا ومنا يوميتك 25

_جذاااابة

_امشي يلا اوصلك وروح

_عليج الله منين لكيتي الشغل راح تشتغلين وياي

صعد وراي مشيت اسولفلة

_لابعد ما اشتغل هاي المحلات صارت النة

نزلتة كدام المحل حجيت وي الرجال يشغلة

وهو شغلة يفتر عليهم كلهم ويسجل كلشي الي

صحتلة وهو يضحك مامصدك لكة شغل ثابت

_كواكب: باوع ازودك بس اشوف الشغل

شلون ماشي بس تجي بالوقت كون عيونك

ماتغفل عن شي

_اكلج يعني ما افتر بالشوارع بعد؟

_لا ولك اكعد واسكت حتى تصير ابيض

دك تبريد وداعاً ايها الشمس السامطة

رجعت للبيت فرحانة لفرحة محمود

الشغل بالسوك ماينطون اكثر من عشرة

رغم التعب لهذا السبب مانشتغل يمهم

اخذت نيزك مني الغراض رتبتهن

رادت تمسح البيت ماخليتها خطية حامل

اخذت منها الماسحة وخليتها تكعد على القنفة

مسحت وهي تعيب على مسحي تالي اخذت الماسحة وكملت شغلت القران واني اخذت المعطر ارشرس بية البيت صار يخبل ومامصدكة بيت ملك صار النة مانهم بالايجار ولا نهم شلون نجمع فلوس

شكلت الصوندة ارش بالشارع وامير برا يلعب

طلع واحد من الجيران رجال جبير باوعلي وكال

_انتو الجيران الجدد

_لا حجي اهنا مو جدد هذا بيتنا ورجعنالة هسة

صفن كال

_منو هذا بيت جبار شتعودلة

_ابونا جبار

طلعت مرتة وراة وهو يترحملة ويحمد بجورتة كالت مرتة:: اتذكرج انتي من لون عيونج اعرفج

انتي الكاج بالشارع

_اي

_يا وبعد كل هالوكت وياهم عبالي يطردونج

لو يزوجونج بس تكبرين حتى يتخلصون منج

_اكول اسكتي احسلج ماريد اسوي مشاكل واحنا

جديد رجعنا

_هسة شكلت تجاوزت عليج

_لاتحجين شي يلة ادخلي جوة

طلعت نيزك صاحت بيه ادخل سحبت امير ونكعت الطارمة وامير يمسح بالماسحة اخذتها منه كملت

تعشينا وغسلت المواعين لان بس اني وياها لانجمة ولاشهب يساعدنها واخاف عليها لايصير بيها شي

رغم هي ماتقبل الا تشتغل راحت بدلت لبست تراك وشعرها تضفر بية بطنها بارزة شوية كعدت على القنفة ترتب بالقنوات اخذت بطل عصير وطلعت بالطارما اشرب واتذكر كلشي صار وياي من الصغر لحد هسة بقة سؤال معلك براسي

ياترى الكة اهلي اعرف اصلي لو ابقة مجهولة الهوية ؟

دخلت جوة انتبهتلي نيزك كعدت يمها وسالت

_اكلج يعني من اجيت يمكم محد سال علية

اني اسمي كواكب الحقيقي لو غير اسم

_مانعرف اسمج وامي سمتج كواكب

محد سال عليج للاسف

صفنت مسحت على كتفي

_ها كواكب رجعنا مو هسة استقرت حياتنا

_لا والله ماعندي شي

بس اكول هيج بس سؤال لا ادور عليهم

ولا اهتم جبت عمري ادور عليهم واسال

كلت بلكت واحد يرجع للسوك ويدورني

ماكو اني هم مايهموني بعد المهم عندي انتن

_عفية بكواكب

امير نام قفلت البيبان وفرشت تمددت كعدت هي على مسلسل صافنة عيوني بالسكف تذكرت كلامي وي غضنفر اي وين رحت وشمرت روحك كل مايشتد الظلام يطلع النور بعد كل الصار وفقدت الامل بكلشي رجعت للحياة دموعي نزلت حسيت بايد نيزك تمسح بيهن .

_نيزك: اجة الوقت التحجين كلشي بيه

لاختج

_احس راح انفجر اذا ما احجي

هواي سوالف بكلبي مخزنتهن اوعديني

ماتنفعلين بس احجي

عدلت كعدتي ورجعت كذلتي ورة اذني بديت احجي كلشي بالتفصيل افحط واكطع كلامي وارجع اكمل كلبي تكطع ودموعي امسح بيهن ويرجعن وحالها مو احسن مني شهكتها كطعت كلبها خلصنا الليل سوالف وعتب .

يوم ثاني جديد بحياة جديدة ماكدر اكعد

بس اضطر ابقة لان نيزك وحدها والمنطقة ماعرف شنو بيها تنظيف وتعزيل وياها طار نص اليووم

العصر بدلت وعفتها تمشط بشعرها فاتحتة

_اني رايحة لدراهم اشوفها شوية وارجع

_روحي

ومن كالت هيج عرفتها تقبلت وضعي واني لازم اطلع ماكدر ابقة يوم كامل بالبيت طلعت وصيتها ماتفتح الباب لاحد .

_نيزك: سبحت امير وبدلتلة كعد على القنفة يلعب بالتليفون دورت المكص اكص كذلة واطراف شعري

خلصت صبيت كلاصين عصير وماعون كليجة خليتهن بصينية ورحت يم امير اكل واكلب بالتلفزيون اندك الباب طفر امير يركض يفتحة ويصيح:: اني افتها اتي زلي (ضلي)

استغربت شبسرعة كواكب رجعت معقولة بطلت ماتروح تعاجزت اكوم والباب بيه سيم بس يسحبة امير ينفتح جاي اشرب بالعصير وغصيت من شفت ضرغام دخل شايل امير يبوس بيه كحيت وطفرت للثلاجة اشرب مي وجهي صار احمر راح كعد على القنفة بيدة علاكة العاب طشرهن لامير يحجي وياه .

_ضرغام: العب بيهن اعرف بيك تحبهن جبتهن الك

_سكرن عمر

_اااه عمو

ضحك امير يغطي حلكة بيدة وهو يكرص بخدة يكلة:: بابا شنو نسيت

_اهبك

_اموت عليك وعلى الجابتك

رفع راسة الي خزرتة عاكدة حواجبي

_شعندك جاي؟

نهض من مكانة يكلي

_الولد كاعد عيب تحجين هيج كدامة

_ماحاجية شي اطلع برا

رجعت ليورة من شفتة اجة باتجاهي طلعت للمطبخ التفتت ادور شي حاد هيج اجة على بالي عبالك حرامي دخل لزمت كلاص شهكت من لزم ايدي وصار كدامي وجهي اشتعل نار وادية رجفت

_ابتعد وروح مناااا

دفعتة من صدرة لزم ادية سحبتهن منه بقوة ماعافهن رفعهن يبوس بيهن واني اسحب صارن حمر يلا عافهن انتفضت بعصبية وخر شعري من وجهي وحجة بهدوء تام .

_شبيج اعصابج هسة اني حاجي شي؟

_جيتك كافي ليش اجيت

ها؟ اطلع من البيت عيب عليك تجي وتعرف وحدي هنا

ضحك بصوت واني اخزر بية

_ضرغام: حبيبج اني شنو العيب غير رجلج

_هاي قبل

_وابو ابنج

ردت احجي انلصمت من ايدة تحركت على بطني لزمتها .

_ارجع لابنك هذا تنساة ذولاك مرتك وابنك

اربية مثل ماربيت امير

_ماردتج تحبلين لان كلبج تعبان

وصارلي فترة افتر على الدكاترة وبيدي تقاريرج

لاتعبين روحج ولاتحركين اعصابج

قاطعتة

_مادامك بعيد عني مرتاحة واعصابي باردة

صفن بوجهي ايدة منا ومنا مطاوقات المكان وخرتها اريد اعبر بيدة وخر شعري صفح

سحبتة من ايدة:: وخر ضرغام امير كاعد وكواكب راح تجي اطلع وبعد..

كطعت كلامي وغمضت عيوني من باس ركبتي

وبصوت ناصي همس:: ميت على اسمي بلسانج

ميت على صوتج وتفاصيلج

_هههههههه واضح كلش اسيل منسيتك كلشي

هي وابنك ارجعلها اني ما اتقبلك ابتعد عني بارادتك

رفع راسة عيونة حمر وياخذ كذلتي منا ومنا

_ابني اي احبة نيزك والله كلش حبيتة

وتعلقت بيه بس امة ما اطيق اسمع اسمعها

مستحيل اتقبلها حتى بوجهها ما اباوع والله

بس هالايام اخذ ابني حتى اطلكها طلاك صحيح

_ميخصني روح لاهلك

_بيتي التمنيت نكعد بيه سوية جاي اجهزة الج

_ماريد

_نعيش وي جهالنا بدون لغوة

اعوضج عن كلشي

لزم ايدي بقوة من ردت امشي كد ماحارة احس انجويت جنت دايرة وجهي بداخلي زعل كلش جبير دار وجهي علية باوعتلة مهضومة الشخص التحبة تزعل من نبرة صوتة اذا عالية شلون هو .

شهكت ونزلت دموعي دك انفة بانفي انفاسة بوجهي .

_بس وخر عوفني نفسيتي تعبانة

غمضت عيوني بقوة وهو اخذ شفايفي يتفتن بيهن

ابتعد بارادتة دايخ عفتة وركضت جوة جسمي يرجف ودموعي تنزل امسح بعيوني والم بشعري فتحت الجرار ادور على قراصة دخل اشرت باصبعي .

_اطلع كافي

_تدرين الليل كلة كاعد بالسيارة يم بابكم

رفعت حاجبي ودنكت اخذ القراصة

سحبها من ايدي عيونة حمر ونظراتة متوسلة

_تعبان بس العبي بشعري وخليني انام

ماشايف النوم شنو ومرتاح مثل العالم

احلامي كلها مو زينة وتطلع الروح اموت بالحلم

واكعد الفترة الفاتت كلها ومن اخذوني يغسلولي بالمغيسل ما اسولفلج شعوري عايش ويغسلونك وي الموتة بس صارت الاحلام ماتجيني

صرت ما انام ليلي افكر بغيابج وروحي تعصرني عصر عليج ادور على عطرج بالملابس

هم نعمة وعايفة كم قطعة

_اسيل م..

قاطعني وعفس ملامحة

_لو ما لازميني عنها جان موتتها بمكانها تعرفين

من تروح للسحار شيطلبون منها حتى تسوي سحورتها .

غمض عيونة شريان طك بكصتة وجهة انطعن

حجة من بين سنونة:: والله بس تخلص

الايام اطلع الصار من عيونها

شفتة يرجف اعصاب

_اجيبلك مي واجي

طلعت امير يلعب مندمج جبتلة مي اخذة شرب وسحب مخدة تمدد بالكاع حتى مافارشة شي اشرلي بيدة كعدت يم راسة شالة وخلاة بحضني فركتة اله وابتسمت .

_طول شعرك شوية حتى اصابعي من ادخلها يغطيها الشعر

_صار عيوني

احبج ام عيون الطاكة

ههههه صدك قوافيل من النسوان ماتنسيني عيونج

_مو بلة

خلصنا وقت خاص نتداهر ونضحك الى ان تعب وغفى طلعت اسوي عشا خايفة من كواكب شدكول اذا رجعت اندك الباب بلعت العافية فتحلها امير طبكت الدراجة وهو يبشرها .

_بابا هنا نايم زابلي العاب تومة

سحبها من ايدها يراويها الالعاب وهي تخزر بيه غلست اكمل خليت البيتزا بالفرن وصار بيتنا بيه كل الغراض الصار قبل نهاية شهر الفلوس بعدها مامصروفات فاخذو العمال حصتهم والباقي صار للبيت فوك العندي جبنا الغراض .

اباوعلها كعدت ماحجت شي وياي رحتلها

_اذن الاذان من زمان

_ادري راح اصلي

راحت كدامي

_وين لكيتيها هاي صلاة بدون حجاب مامقبولة

_عادي

هزيت ايدي راحت تصلي بالاستقبال بقيت بالمطبخ كملت تكلاة ومقبلات سويت صينية لبن وببسي وفواكة خليتها بالصالة رحت كعدت ضرغام كام غسل وكعد رحتلها اصيحها من شافت ضرغام وكفت تخزر بيه بحقد واني لازمة كلبي لاتصير عركة بينهم .

_ضرغام: ها ام دجة تعالي اكعدي كابليني

مشتاق اشوفج

_مصالح خلتك تشتاق لوجهي والله زمن

_من زمان اني اشتاق لوجهج تعرفين بية شكد جنت احبج بس انتي شادة وياي

_طلع لسانك الحمدلله راح تاثير السحر

جنت مخلوس وسعلوة نايمة على كلبك حتى لسانك مقيدتة مخليتك بس تخوزر

_ضرغام: بفضلج طبعاً رجعت شفتي شكد اني مديون الج دتعالي ناكل الاكل وياج يشهي يكولون

_ها منو هذا الگلك؟

باوعلها وابتسم ذبت نفس تردد استغفرالله كعدت يمها سويت روحي ما اسمعلهم وي امير بالي

ومتطلباتة وهما ياكلون ويتخازرون ضرغام مبتسم بس هي مطنكرة .

_ضرغام: عاشت ايدج الحلوة عمري

الاكل شي والترتيب شي ثاني ايدج تنباس

_كواكب: ابو النسوان تبناس يكول

_ضرغام: اختج هي النسوان كلها بعيني

مو مرة وحدة

_هه واذا لكفت وحدة يمك بالمعرض حتى تنزللها من السعر

_اسلم المعرض واطلع لعلمج راح ابيعة

وابقة اشتري لاهل المعارض

_كواكب: امممم عود نشوف

_ضرغام: حبيبتي الفواكة يا فواكة

_كواكب: الصخام يامصخممم

تسكت لا اشوفك شكلي الثاني سجينتي بعدها بجيبي لاتعصبني

_شلون وي نسيبتي ام دجة اللطيفة

_كواكب: وجهك يسد النفس مادري شلون اكلت كايمة

_ضرغام: خليتي شي وراج هاي عود وجهي يسد النفس

_كواكب: من جيبككك قابل بكيفي اكل باليعجبني

طلعت وهو يضحك لان استغزها حجيت بصوت ناصي...

_شبيك وياها مادكلي يعني الا تحجي هيج

_حبيبتي الحلوة ما بايسج كدامها

سكتت اعض بشفتي اله منا امير راح غسل واني كلشي ما اكلت من وراهم امير خلص راحلة يغسلة

لميت الاكل وكمت لكيتة مخدر جاي غسلت المواعين على السريع صب جاي واكف وراي يشرب غسلت ادية انداريتلة .

_يلة عيني روح خوش نمت

_ها تطرديني ؟

_مو اطردك بس كواكب ماتقبل

_والله وعلى كيفها عايفج وحدج هنا

_مو وحدي

_اشدلي كرون نسوان بيت وحدهن

عايفهن

دخلت كواكب سندت ضهرها على الطباخ كدامة صارت:: ومنو كلك بس نسوان؟ امي هذا بس المارايد روحة يوصل عتبة بابنا اني ودراهم كاعدين بمنطقة ناسها مامعروفة وحتى باب ماكو ولا جلب دخل

_انتي ودراهم منو اليوصلجن

بس هنا مرتي الحلوة الصاكة اخاف عليها

انطتة ضهرها تدور بالجرار سديتة وحجيت بتوتر

_شسمة ضرغام خابروك روح

_عمري روحي بدلي انتي وامير نفرفركم شوية غيرو جو وانتي ام دجة هم روحي ويانة

هزت ايدها وطلعت رحت وراها صاحت بيه

_ماترحين تلبسين شكو جاية

_لا ماطلع وياه منو كال

_دمشي يلا بدلي وروحي

_اذا انتي ماترحين ماروح

_شلون راح اعوف البيت الكم واهج

مو طلعتوووو روحي ولي وي البعيجي يلاااا

رحت سريع لكيت ضرغام يلبس بامير حذاتة

بدلت على السريع وطلعنا افترينا واكلنا مثلجات

جبنا حلويات ورجعنا امير تعب ونام دخل ضرغام شايلة نزعت عباتي دخلت فرشتلة كواكب راحت نامت وضرغام غسل وراح للغرفة ضليت الطم على خدودي توسلت بيه يروح ولايسمع سحبني وسد الباب يستحي يخجل .

______

_شهب: فاتحة كتاب الرياضيات ودفتر انقل الامثلة واحلهن بعدين اشوفهن نفس الحل لو يختلف قريت الموضوع على اليوتيوب سهل ماعرف هاي البداية سهلة .

كملت ونزلت جوة دخل عمي جان برا

_شلونج بابا

_الحمدلله عمو

_بما ان ماعندي شغل امشي اخذج لدكتورج

نشوف رجلج قبس مشغول

_ها هسة؟

_اي بابا هسة جهزي نفسج

رجعت لغرفتي بدلت واخذت تليفوني لكيتة داز رسايل اروح للدكتور وي ابوة خليتة بالجنطة لبستها ونزلت ما لكيتة بالصالة باب غرفتهم مفتوح

مشيت خطوات باتجاهة وكفت بمكاني من شفتة يمشط بشعر خالة هاجر يسولف ويضحك رجعت لا يشوفني واتفشل كعدت بالمطبخ العاملة تشتغل

وترتب بالثلاجة كمت من طلع كال .

_ها بابا كملتي

_اي عمو

طلع كدامي يمشي برزانة عمو اسامة كلش يشبة فقار يكول اخوة الجبير مو ابوة الفرق بينهم شعرة بية شيب ولحيتة زايدة وسامة اكثر

فتحلي الباب واخذ العكازة صعدت خلة العكازة يمي وسد الباب تليفونة رن فتح الاتصال وشغل السيارة اخذ الطريق يسولف بالشغل وعقارات استثمار امور ما افهم بيها .

_هم حابة تسافرين لدولة؟

_ممفكرة

_فكري حتى اخذج اذا حبيتي

هالفترة اخذ هاجر اسفرها لان نفسيتها تعبانة

اذا تحبين تجين ويانة

_شكراً عمو ابلغ قبس

_بلغية واذا ماقبل وبنفسج ترحين

اني ماعرف شلون الناس تعيش بدون ماتسافر

تعرفين الانسان لازم تلث مرات بالسنة يسافى على الاقل طبعاً .

نفسيتة تتغير يكتسب ثقافات السفر كلش مهم

كلت بكلبي خل اروح للزيارة اول بعدين اسافر خارج العراق هيج وياخذني وصلنا للدكتور بسرعة دخلنا بعد الفحوصات كال الدكتور ذبي العكازة وامشي عليها طلعنا اخذ العكازة من ايدي واني تعودت عليها ماكدر امشي هيج اخاف اوكع مشيت لازمة الحايط الا ان طلعت حسيت راح اوكع اجة سندني وصلني للسيارة صعدت فحطانة

انطاني مي وصعد شغل .

_اسامة: العكازة بعد ما تستخدمينها

امشي لاتبقين كاعدة بغرفتج حتى ترجع حركتج طبيعية

_ان شاءلله

رجعنا للبيت ريحة الاكل طالعة وعمتي تسوي زلاطة تلكتني وفرحت من شافتني اتنكل على رجلي بدون العكازة .

_هاجر: صلوات على محمد وآل محمد

اي امشي

_اسامة: خلوها تمشي لابقينها كاعدة

_هاجر: هههه اشتغل عليها راح

تعالي اغسلي واكلي لاتصعدين هسة

غسل عمي وكعد كعدت يمهم ود جابتها العاملة عطرها يفوح ولابسة بدلة فتح ايدة اسامة وهي راحتلة باسها وشمها بقة حاضنها يسالها .

_شلونج جدو حبيبتي

_ود:؛زينة

_يابعد روحي تعالي ناكل

كعدها وخلة ماعونها كدامها كعدت يمهم وهاجر تحجيلي عن بناتة وشنو ناقصهن رد عليها .

_اخذي فلوس وانطي المحتاجة

بلغيهن اذا وحدة منهن تريد تسافر

حتى تصير سفرة عائلية كلنا نطلع

_اشوفهن بس خاف ازوجهن مايقبلون

_لايقبلون اني احجي وياهم

كملنا غدا سوت جاي وراحت العاملة بقت تغسل بالمواعين حضرت الكوابة مالتهم وصبيت جاي اخذتة خطوة خطوة امشي وصلت كوة اخذوة مني وتشكروني باوعت للدرج طويل ماكدر اصعد وحدي خاف اوكع رجعت كعدت بالمطبخ اباوع للمرة شلون تشتغل يكول خرسة ماتحجي دوم قبل اتذكرها تحجي التفتت من دخلت ود اجت يمي مسحت على شعرها وكتلها .

_ها عمري رايدة شي

عبست وجها وكعدت مخلية ادينها على خدودها

ومن شفتها حسيتها كلش متغيرة عن قبل

حجت بزعل .

_بابا مو هنا وماما ماشفتها بس اني باقية هنا وحدي

_ليش احنة مو كلنا هنا موجودين

_اريد بابا

_هسة يجي يروحي

_اريد شوكلاة

_ها ماعندي والله

_اني عندي بس بابا رافعهن فوك امشي نزليهن

حتى ناكل اني وياج

_يلة امشينا

كمت من وصلت الدرج لزمت بالمحجر حيل كوة وصلت اول مافتحت الباب كفخني عطرة

الغرفة مرتبة وباردة ديكورها جديد ابيض وقهوائي

هادئ ولطيف منظرها مشت كدامي اشرت على الكنتور :: هنا خلاة بابا

فتحت الكنتور مرتب بشكل مو طبيعي كلشي بنفس المستوى مرتب علبة طويلة فوك رافعها مكان فارغ رفعت ايدي نزلتها بيها نص اخذتها وصارت تكمز بمكانها وتصيح .

_شكولاة هييي هييي هييي

كعدت بالكاع تفتح وتخلي بحلكها كاملة

ووتفتح الثانية طلعت وحدة انطتني

ورجعت اخذت ثانية هم انطتني وكالت

_هاي لنجوم عوفيها هي هم تحب الچوكلت

_اي والله صدك تحبهن

غابت ابتسامتي من تذكرتها حتى ماتحجي ويانة من نراسلها ننتصل بمرت خالي وهي تنطيها تليفونها تحجي شوية وتتحجج بشغلة تمشي

_ود: اكلج نجوم صارت مو مريضة لو بعدها مريضة؟

_شوية مريضة

_خطية بابا يضوج عليها

_هو كلج؟

_اي يكول احبها لنجوم

صفنت بوجهها هي عادي عدها تحجيها وتاكل

شفتها اكلت هواي اخذت العلبة بقت تنطنط انطيها بعد:: ترة اخابر ابوج اكلة عليج

_لا

_ميصير هواي اكلتي اسنانج تسوس

_هسة اغسلهن بس لاتكولين لبابا عوفيهن بمكانهن وكل يوم ناكل منهن

_صار

رجعتهن لمكانهن تليفونها دك ركضت اخذتة وجاوبت:: هلو بابا حبيبي اني زينة..

اكلت وي جدو وبدلت صرت حلوة..

يلا بابا روح كمل شغلك باي

سدتة واني مشيت كتلها راح اطلع طلعت وياي راحت لغرفتها بصف غرفة ابوها مشيت وياها

اشوفها شنو تسوي:: عادي اجي وياج

_عادي نصير صديقات اني صديقتي نجوم

هم وروان

فتحت الغرفة غرفة باربي اللالعاب تارسة الكاع والعابات الكبار كعدت تلعب واني كعدت على سريرها اباوعلها الغرفة باردة وهدوء واني كاعدة من الصبح كمت اغفي ونمت بسريرها غطيت راسي والنومة نومة فزيت افرك بعيوني قبس كدامي وجهة احمررر وعركان ذب نفس ومسح وجهة

عدلت كعدتي طلع صاح هاي نايمة هنا

رجع بملابس الدوام فتح زرارات القميص يفرك بصدرة وخازرني:: شبيك

_البيت كلبتة عليج مالكيتج عبالي انخطفتي وين رحتي طلعتي نايمة بغرفة ود

_منو يخطفني غير بالبيت كاعدة

_مو اني زمال وطار كلبي عليج

طلع صاير عصبي لحكتة لكيتة بالحمام واني بملابس الصبح بعدني اخذت ملابس الي وكعدت انتظرة يطلع طول اخذت ملابسي ورحت للحمام البرا خلصت وطلعت لاكاني حتى ما لابس قميص

_شلون بيج انتي اليوم حالفة ما تدخلين الغرفة

_مو اريد اسبح وانت طولت

_جان دكيتي الباب

_لاتبقة تصيح تمام

_تمام يابة

ركزت بمشيتي رفعت راسي لكيتة صافن بمشيتي ومبتسم وصلت يمة اخذ ايدي وصلني للجرباية

_ابوي كال خل تتحرك بس مو هواي ها

_اي

راح يلبس واني مشطت شعري لكيتة وراي يباوعلي دالم بية اخذة مني لزمة كال .

_ماتكصينة لنص ركبتج؟

_ليش اكصة

_يطلع يجنن عليج ترفعينة عادي خل اكصة

الج وشرط مثل الكوافير مو كصة عادية

_احبة هيج

_والله يطلع يموت عليج هو اشقر يجي توب

هسة هو لاطويل كلش ولاقصير ها شكلتي اكصة

سكتت اباوع لشعري مامفكرة اكصة دنك راسة وكال بلطف:: بقت بنفسي اشوفج بيه

من مارديت ابتعد التفتت وكتلة

_واذا ماطلع حلو علية اروح يم اخواتي بعد

مارجعلك لو تنكلب

_موافق

جاب الشسوار جففة ورجع مشطة لزمت كلبي بيدي خفت مايعجبني صار يكص بيه من جوة شوية شوية غمضت عيوني ايدة صارت على ركبتي كال

_لهنا اكصة

هزيت راسي اي ماشفتة من خلص كلي فتحي وهو ينتثر بية باوعت لنفسي مابينت رد فعل

باوعتلة بالمراية سحبة باصابعة ليورة هو كلش ناعم ضحك بفرح عبالك شعرة مو شعري .

_قبس: ااااالله يموووت عليج

_اي غير انت كصيتة دكلي مو حلو طبعاً دكلي حلو

_لايعجبج المهم عاجبني وميت بيه

هاي وي التراكات والمشلتحات شيطلع

صوفر بحلكة لميتة ليورة بقراصة مشيت وسحبها من شعري .

_هيج عوفية يميل من تمشين

ردت اكل بس تذكرت مسوية رجيم والثلاجة مابيها حلويات بس زلاطة وفواكة مابيها سكريات هواي

طلعت كتبي خليتهن على الجرباية وكعدت اقرا منين ماوصلت اجة تمدد بمكانة صرت على صفحة

وكفت طلعت اليوتيوب يشرح ورجعت اكمل هو يصفح بتليفونة خليت التليفون وكمت مامفتهمة عفت المادة رفع نفسة شافني .

_ها شنو ماتقرين

_اي

_تعالي يمي وين رايحة نوم وشبعتي

_ناملك شوية

_دتعالي وين رايحة

رحت كعدت على طرف الجرباية عدل كعدتة وقبض ادية ثنينهن قدم وحدة واخر وحدة خفت عبالي يضربني بكل حماس كال .

_نتلاكم

_اي اكتلني بحجة الملاكمة وجاي نلعب شوف

ادري بيك ماتحبني بس تريد تكتلني

_ها وانتي اقل شي وصحتي ماحبج

طابة بكلبي شايفتة وطالعة؟؟

طنكرت وكتفت ادية

_قبس: بطلتتت ما العب وياج

اروح اتمرن شوية

_مو تعبان

_لا مو تعبان

راح لكيس الملاكمة نزع تشيرتة و طلع كفوفة لبسهن وبدة يضرب بالكيس يطيرة لبعيد ما مل ولا تعب رحت يمة وكف يصب عرك وشكلة معصب

حتى خفت احجي لايضربني بوكس .

_احمم ليش ماتفرغ غرفة للملاكمة

_اذا ما اشوفهن كدام عيني ما العب بيهن

نزع الكفوف مدهن الي وكال

_تجربين؟

_مو خاف اوكع حركتي مامتوازنة

عادي العب

_لا انتي فاهية ماعندج قوة اذا ضربتيها ماتتحرك شوية

اخذ المنشفة يضحك بس هو مو فاهي علساس رجع سبح على السريع بدل وطلع من رجع لكاني اقرا بنفس الموضوع وروحي بخشمي احل ويطلع غلط كعد يمي ومد ايدة خلة شعري ورة اذني .

_شبيج

_هذا الموضوع بيه جني مايخليني افهمة

_حلو اني افهمة واشرحة الج

سحب الكتاب مني عكد حواجبة واني صافنة بوجهة وشكارة دنكت عيوني متوترة من باوعلي

_بيه شوية صعوبة بس راح اشرحة الج

سهل عليج انتي شطورة

بدا يشرحلي ويحلي امثلة كتبلي مثال اخذتة احله

اخذة مني يصحح عيني وي القلم اشر دائرة ونقر بالقلم :: هاي الخطوة غلط وتخرب الحل كلة

حلها من جديد فهمتها حليت مثال طلع نفس الحل ابتسمت بفرح واخيراً خلصت من الموضوع حمض على كلبي كرص خدي بقوة .

_شطورة سنجوبة

_بس اصبر كم يوم تختفي الخدود هاي

كام يضحك

_كلش يختفن انسي حبيبتي

عيبت علية بسيطة الا اخليهن يفشن من صدك

لميت كتبي ورحت ابدل ملابسي اجة يدور بملابسي ابتعدت خازرتة ولايباوعلي .

_ها

_وين الاسود الجبتة الج

_ها

_شنو ها وينة

_شنو تسوي بيه

_دجيبية

_تاخذة لحبيبتك تلبسة مو عرفتك ماتحبني و..

سد حلكي واخذني للجرباية

_يابوووووية راسي راح يتكورع

نعلة على ساعة السودة الماكتلج رايح

يلة كولي الفستان وينة

وخر ايدة صحت:: شمرررتة بالزبالة

فتح عيونة على وسعهن

_صدك لو تشاقين؟

هزيت راسي اي هو جذب شمرتة بس مو بالزبالة وبعدين نسيتة فوك الكنتور مشمور وماعرف وين صفة تقدم علية .

_ليش شمرتية

_احسن

_احسن !؟ حلو واني جبتة لان حبيتة تالي شمرتية عفية بالشاطرة يلة مو مشكلة نشوف غيرة

رفعت حاجبي طلع واحد هزيت راسي

_ما البسة؟

_عادي

شالني يداعبني وبدا وقتة الخاص جابلي حلويات يريد يخرب رجيمي ماقاومت واكلت لمن شبعت

ثاني يوم هاجر كلتلي نروح للزيارة كربلاء حضرت نفسي واخذت ملابس لان نبقناةهناك كم يوم اتصلت بيه وكتلة:: شنو اخلليلك من ملابس؟

_اليعجبج تعرفين شنو احتاج

_صار

كل ما اخلي شغلة اكلة عليها هو مايحجي شي

كملت جنطتة واخواتة اجن "سمر وسحر وسماهر"

هاجر حظرت جنطة فقار وبنتة يم عماتها فرحانات بيها ويكولن.

_سماهر: نذرت بس تصير ود زينة اوزع جكليت

بالامام وانطي للفقرة

_سمر: والله فرحتني صايرة ماتشرد وداعاً للرهاب الاجتماعي

اجة ابوهن راحن يباوسنة وهو يسالهن عن احوالهن وضعهن اجو الولد وانتظرنا بين مايسبح قبس من يطلع يسبح ويرجع بوجهة للحمام

هاي لازم طلعنا سماهر وامها وابوها بسيارة سحر وي فقار هي وجهالها و سمر اجت ويانة جهالها عايفتهم عد عمتها...

_سمر: هوسة اني شاردة من الهوسة

شغلنا وهي تسولف وي قبس

_اكلج سماهر الجبيرة بيجن؟

_لا مو الجبيرة فقار وبعدة سيماء ذولة الكبار

_االمتوفية هاي

_اي حبي هي واختي الصغيرة سارة

توفن

ردت اسال شلون توفن بس من شفت ملامحها حزنت سكتت وهما هم سكتو تندمت لان حجيت وذكرتهم .

طريق طويل نزلنا مرتين نمت وكعدوني من وصلنا هوسة وزيارة جبيرة اول مرة احظر .

لزم بايدي قبس انثولت لو عايف ايدي جان ضعت

اخذونا لموكب كعدنا بية شوية وصاحولي البنات بقن ذهب هناك موجوده بس اني طلعت لكيت قبس

_يلا عيني نمشي

_مو كلها هنا

_نروح فندق قريب من الامام

_اريد ابقى هنا

_حتى الزوار ترفس بيج وانتي نايمة دمشي ياعيني هي خلصت راح يشيلونها .

اخذ ايدي طلعت وياة الجنط ماعرف وين راحن بين الزوار لازم ايدي وعيني على المواكب والناس

_عصير طرشانة اليوم اريد

جابلي واحد وكل ماشوف عصير اكلة يوكف يجيبلي وهو يشرب من كلاصي وينطيني

تعبت كلش ماكدر امشي هيج كعدنا بصف موكب صرت بضهرة مشبك اكدر اشوف اهل الموكب وشلون يشتغلون رفعت عيوني اله كتلة .

_جوعانة اريد اكل

_صار هسة اجيبلج لاتتحركين

هزيت راسي وهو راح بقيت اباوع للزوار وعيوني عليهم كدامي كعدو زوار كبار بالعمر ياكلون واحد منهم وهو ياكل كلي:: بلا زحمه ماي شرب يرحم اهلج

كمت من مكاني جبت مي من الموكب انطيتهم كلهم رادو بعد رجعت اخذت بعد ابو الموكب يباوعلي ابتسمت وكتلة:: عمو مو الي هذولي الناس طلبو مني

_بالعافية

انطيتهم وكعدت بمكاني وكلت لو يطلبون بعد اعوفهم وامشي التفتت على صوت ابو الموكب ولد شاب لابس دشداشة ولاف جراوية سودة على راسة كال:: تردين لبن

رفعت اكتافي وكتلة:: بكيفك

درت وجهي شوية ورجع بيدة كلاص بيه ثلج وبطل لبن وحدة اخذتهن منه ابتسمت وشكرتة وهو راح بعدني افتح بالبطل وجفلت من شفت قبس واكف يباوعلي وجهة قطعة حمرة صاير وايدة قابضها بقوة خفت من شفتة هيج

تقدم بخطوات سريعة سحب الكلاص واللبن انطاهن للزوار وكومني من ايدي .

_والله لو مو زيارة جان كسرررت راسة

_منو

_المننننن تاخذين منننننه سمم بكلبة كوون

_والله هو جابلي ماطلبت منه

_خليني لازم روحي احترام للمكان

انلصمت ماحجيت شي لايلزكني بالكاع ايدة تجوي لازمني بقوة ويحجي وي نفسة هسة واذا انطاني لبن بيها شي؟ هو الولد مبين كلش حباب فوك ماينطيني هسة .

حتى ماوكفنا بوجهنا للفندق كتلني الحر اول مادخلت نزعت الصاية والشال ودخلت للحمام غسلت وجهي دخل بيدة الجنط شمرهن سحبت جنطتي اخذت ملابس ودخلت اسبح طلعت اشوف وجهي احمر صاير عود هاي غسلتة دخل هو يسبح تمددت على الجرباية تعبت طلع من الحمام غمضت عيوني صار يمي ايدة بشعري صارت رفع راسي وهمس بخفوت .

_انتبهي بابا انتبهي حبيبتي انتبهي

فتحت عيوني نعسانة همست

_شكو صاير

_لاتحجين وي اي احد حتى اليكلج السلام عليكم

سوي روحج ماتسمعين

_ليش هيج تسوي ترة عادي مصار شي

_لزم وجهي بيدة يحجي بعصبية مكتومة وحركة كلب:: بيه مررض اي اعترفلج بيه مرض

اسمة الغيررة ماتحمل اشوف واحد يحجي

وياج لو يباوعلج صوتج وفهاوتج بالكلام

بس اني اسمعها وادوخ بيها تتفتهمين علية؟

_ليش بس وياي مو جانت حبيبتك تلبس

اشكال وشعرها طالع وكلكم اصدقاء سوية

تحجون وتطلعون ضحك وشقة وخطبتها هيج

شنو بس علية !!؟

_اي بس عليج لان انتي غيرررر

بس عليج تثيررر غيرتي افهمي

_لعد انت هم ماتحجي وي البنات ولاتشاقة

وياهن

_ما احجي بس على كد الشغل

_جذاب تحجي

_وداعت عيونج ما حاجي هو بس اخلص شغلي اجي للبيت اركض حتى اشوفج وبالليل يمج

اخلص وقتي مخلي سمار هناك مبسط بيه

وقافل تليفوني

غمضت عيوني وهمهمت لزم خدي يمسح علية

باسة وحضني يرفع بشعري ويحجي .

_شالعة كلبي بفهاوتج ومتحمل

تنكدين ومتحمل بس تبتسمين لغيري

ماتحمل ولا اشوف دربي بعد

انتبهي سنجوبة ترة ما اضمن نفسي بس اتعصب

حجيت بصوت نعسان

_اعوفك لعد

_واني مخبل اعوفج !!؟

نامي حبيبتي استري على روحج لا اشلع خدودج

كعدت شبعانة نوم هو كاعد ومبدل لابس تشيرت نص ردن اسود وبنطرون اسود كمت بدلت وطلعنا تعشينا ورحنا زرنا مادخلنا جوة واحنا واكفين قرا هو الزيارة بتليفونة واني اردد وراة لازمتة من كتفة خلص واني اباوع للمكان ومبتسمة بداخلي وادعي ضرب على خدي خفيف باوعتلة فاتح الكاميرا عدل شالي ابتسمت وملت علية ركز بالكاميرا واخذ سلفي اكثر من صورة بقة يكلب بيهن واني مادة راسي اباوع وياة .

_شهب: حلوات

_يخبلن

_ااه

_يجننن والحسين

اخذ النة اكل على صفحه اكلنا وافترينا من تعبنا رحعنا لمكانة بقينا يومين ورجعنا .

جنت اقرا رن تليفوني قبس فتحتة كال

_سجلتلج بمعهد كل المواد بدلي

حتى ابوي ياخذج تداومين جان اجيت

بس عندي شغل واذا تريدين على باجر اخذج

_لا اليوم اروح اكو مواد صعبة مافهمها

بدلت وعمي اخذني داومت بيدي دفتر ومحفظتي شعور ماكدر اوصفة لو ماحركتي ثكيلة جان طفرت من الفرحة البنات بس يباوعلي ما التقيت بوحدة اخاف يسولي مشكلة واني ماصدكت ادرس .

رجعت وي عمي من الفرحة سويت العشا ورتبت الميز اجة متاخر باسني وراح يسبح صحتلهم

اجة فقار ود تسولف علية كعدو وقبس اجة بعدهم تعشينا وغسلت المواعين قبس بقة رتب المطبخ

صعدت قبلة بقة يدخن بالطارمة .

بدلت وجهزت نفسي شعري حتى مايتعبني ولايحتاج اسوي تسريحة بس امشطة اباوع لنفسي مبتسمة التفتت فتح الباب ودخل رجعت ادية ورة ضهري كاتمة ضحكتي وحماسي .

_قبس: اليوم السعادة واضحة

ابتسم فتحت ادية اجة حضني يبعد بشعري

ويبوس بيه:: اليوم كلش فرحت ماعرف شلون اشرح

_المهم فرحتي مايحتاج تشرحين

_بس عندي طلب صغيرون

_تامر امر حبيبي

_ههههههه بس عادي تجيبلي ملابس مدرسة اكو بنات لابسات هواي هم مو شوية

_صار اني اجيبلج لادكليلي اريد اروح

ماعندي وقت من اخلص اجيبلج

_اوكي

ثاني يوم قبل الدوام رجع بيدة علاكة جبيرة

طرت من الفرحة قبل لا اشوفهن ردت اخذهن

ما انطاهن الي .

_جيبهن حتأخر

_مانطي بدون مقابل

ابتسم وغمزلي

_شبيييك حباب انطيني

_اني مو حباب

_وهسة ؟؟

_بوسيني هذا عربون الباقي يكمل من ترجعين

خزرتة اسحب بالعلاكة ماينطيها قرب وجهة سحبتة ابوس بيه كوة اخذتهن منه مامصدكة بس اريد اشوفهن علية لبستهن وطلعت اضحك بصوت صدرية نيلية وقميص ابيض يجنن وعلى قياسي بالضبط لاطويلة ولا ضيكة وعريضة كلش لبست شالي وبوت ابيض اخذت جنطتي لان عندي مواد

هواي خليت عطر وصورت لنجمة واني احجيلها الصار لكيتة يباوعلي ومبتسم مخلي ايدة بجيبة

رحتلة بستة بخدة ونطقت:: احبك

فتح عيونة واني نزلت اركض للسيارة كعدت طلعت كتاب اكلب بيه توتر على فرح صعد باوعلي وابتسم

_قبس: واخيرإ اعترفت السنجوبة ام خدود

دنكت راسي مارديت

_اني اعرف بيج تحبيني من البداية

بفترة قصيرة غلبتج بالحب

خدودي صارن نار ساق بسرعة يكلي

_بعد ما احجي شي خارج لغرفة لان هالمنظر مو مال برا يعدي على خير

نزلت وهو نزل وياي دخلني معهد وراح بدت المحاظرة اسجل كلشي وي الاستاذ .

هاجر واسامة سافرو للسعودية سماهر راحت وياهم .

________

_ميس:: كعدت وي صوت المنبة بهدوء كمت غسلت وسويت كوب قهوة شربتة واني اصعد لغرفتي

سحبت الابتوب كلبت على السريع بالجدول

توضح اليوم عندي اجتماع سحبت الملفات مكملتهن بس نتفق واسلمهن .

ركنت كوب القهوة على جنب ومشيت احظر ملابسي واهم شي هي اطلالتي احب اكون بارقى واحلة اطلالة وبما ان عندي اجتماع اختاريت قاط رسمي

باللون الاسود الفاحم وقميص ابيض كسرتة بجنطة ماروني وكعب نفس الون لبست وكفت اتمكيج ختمتها بروج ماروني اخذت جنطتي وملفات شغلي بيدي كوب الكهوة رحت اغسلة رجعتة لمكانة طلع بابا ابتسم .

_صباح الخير جميلتي

_صباح الخير عمري

باسني ومشيت اتناقش وياة على الشغل ختمها

_سبعي الجميل كدها انت

ضحكت وطلعت كلني فخر وثقة احب من اشوفة معتمد علية بالشغل اول مارجعت من تركيا استلمت شغلة ومن شاف سيطرت على كلشي سلم الشغل بيدي وطلع .

مريت بالشركة اخذت موظفين ثنين وياي للاجتماع وطلعنا جان الاجتماع اكثر من شركة موجود دخلنا للقاعة سلمت وكعدت نتناقش بصوت ناصي وي موظفيني قطعت كلامي وانتبهت لمستثمر يحجي وياي .

_المستثمر: انسة ميس حاب اتعامل وياج شخصياً

_يشرفني شركتنا ترحب بيك

راد يحجي وكطع كلامة وي دخول زملاء النه بالعمل من ضمنهم قبس وفقار وعلي

وبعد عشر دقايق من جيتهم بدا الاجتماع طلعنا منه بعقود ومشاريع مربحة النه فقار عندي تواصل وياة هم على الشغل وهم على نجوم يسالني علاقتي بيه طيبة اما قبس انكطعت نهائياً من سافرت

وبعد ماجنت اشوفة حبيب صار غريب ملك انسانة

مايعنيلي شي ابتسم وسلم علية حجينا شوية برسمية بعدها طلعو بسرعة مر علي يدور بجيبة على شي استوقفتة بصوتي .

_علييي

وكف واندار علية رحتلة ملفي بيدي

_هلو علي

ابتسم يهز راسة كملت

_عازمتك ضروري ضروري تجي وهسة ها

ماكو مهرب وسبب العزيمة شغل عندي موضوع بمجال تخصصك اناقشك بيه اذا تقبل طبعاً

افتهمت من حركاتة موافق مشينا سوى نحجي

واشرحلة المشكلة عبرنا الشارع للكافتريا رن تليفوني ما استغربت من وصلني اشعار من رقم مجهول يبتزني بصوري بعد انفصالنا حاول طارق يرجع علاقتنا بس سديتها بوجهة ورفضت رفض قطعي اتواصل وياة لذلك صار يبتزني بصوري المصورهن بجهازة ما اخذت مني وقت وكلت محامية تتكفل الموضوع سكرنتلها المحادثة والتهديد دزيتة الها فوك الادلة القديمة .

دخلت للكافتريا كانما ماكو شي ولا اكو هم على كلبي طلبت كريب وبراونيز وكوكي چيز وعصير كوكتيل

هو اكتفى بعصير قدمتلة الملف بدا يكلب بية طلع قلم من جيبة وبدا ياشر على النقص والاخطاء

سحب ورقة بيضة وبدا يشرح بيها انكطع شوية وكتب:: تفهمين علية؟

_كمل اكيد افتهم

_عبالي

_لاعلي ترة والله نفهم عليك مانواجة صعوبة بالفهم

مارد دنك راسة يكمل يشرح بالكتابة واني مركزة وياة الى ان كمل قدملي الملف كلبتة وباتسامتي على وجهي..

_خطك كلش حلو وشكراً جزيلاً تعبتك وياي

جاب النادل الطلب جنت كلش جوعانة اكل مستلذة ورجع تليفوني رن المحامية جاوبتها .

_هلو ست بشري شنو صار

ردت علية

_قدمت شكوى ضدة

_عاشت الاسامي عمري

_اي شي جديد يصير بلغيني

_تمام

سديتة منها وكملت اكل بس ماكملت سوالف

مايصير هو ساكت واني اسكت على الاقل واحد يحجي وهو مايكدر فاني اكمل سوالف واكثرها عن الشغل داكوم اغسل وجفلت بمكاني من شفت طارق دخل اول شغلة اجت بالي هو مراقبني !

شلون عرف مكاني صاير عصبي واعتقد شارب لان شكلة يكول هيج بلعت ريك المكان هادئ كلش وبية ناس مرتبين ردت احجي سحبني من ايدي بكل همجية نترت ايدي منه اخذني سحل كدام العالم تمنيت اختفي على هذا الموقف صيحت بصوت من طلعت في سبيل يعوفني ولا اهتم

_طارق: اني تسوين بيه هيج وتشتكين علية

_تستااااهل لانك حيووووان

غمضت عيوني من ضربني راجدي وجهي صار نارر

رجعتلة الضرب اخذ شعري بقوة يسحب بيه ويهدد والناس تتفرج محد يدخل يصيح ويغلط بصوت عالي ماحس الا علي ضاربة بوكس على وجهة طيرة صفح ابتعدت عنهم لازمة شعري تكطع

وهو علي صارو مكافش واحد يضرب الثاني

نام علية علي يضربة بقوة كلبة صار يضرب بيه انتهيت خفت لايصير شي علية احشم بالناس محد يتدخل نهض علي ودفر طارق وكع بالكاع يمسح الدم من وجهة اجاني علي يسالني شبيج وصرخت بصوت عالي من ضربة طارق بطابوكة على راسة

لزم راسة ايدة انملت دم واني روح ماضلت بيه

طارق راح يركض اختفى ضليت الطم على راسي اخذت علي من ايده اسحل بيه الضربة كلش قوية والنزيف اقوي يامن يوصلني لسيارتي صعد اخذت الكلنس كلة خليتة على راسة .

_الزمة بس الزمة حيخلص دمك

سقت السيارة بسرعة جنونية وكل شوية اباوعلة

وجهة يصفر وصلت للمستشفى روحي طالعة من الخوف علية يمشي واني من التوتر لازمة ايدة اسحل بيه عبالك طفل امشي واصيح يضمدون راسة راح هو واني انتهيت كعدت فحطانة

ومنظر الدم والضربة مايروح من عيوني مشيت

ورجعت جاي يخيطون بيه اكلت اضافري اكل

اتصلت بابوي مغلق اكيد طالع.

انتظرتة على اعصابي طلع راسة ملفوف ركضت علية بلا ما انتبة لزمت ايدة كلش قريبة منه

_ها علي يممممة خيطو راسك كلة من وراي

نزلت دموعي ياشرلي اني زين وانتي مالج ذنب

بقيت لازمة بيدة حتى نطلع من المستشفى دفعت الحساب ماقبل وحتى بهاي حالتة تعاركنا وهو دفع طلع صعد بالسيارة عليت التبريد وشغلت بتوتر ومستحة اعتذر منه.

_اسفة واعتذر كلش والله مستحية منك

ماراح اخليها تمر هيج والله الا اخيسة بالسجون

واخليك تلزمة تنعنع ضلوعة

بس اصبرلي يبووو هسة شنو يكولون بسببي

وين اوصلك هسة ها ؟؟

التفتتلة وجهة اصفر وعيونة ذبلت خفت شكلة راح يغمى علية:: علي ارجعك للمستشفى؟ ها كول؟

رفع ايدة ياشر لا

وعيونة تغمض وتنسد

المستشفى بعدت منه وحتى لو ارجعة مايسوولة شي اكيد داخ لان خسر دم وضربة قوية .

فريت السيارة لبيتنة ضربت على وجهة .

_علي تسمعني خوفتني علي

فتح عيونة باوعلي

_شلون هسة اخذك للمستشفى لو ترتاح

شوية وافكر زين وين اخذك

للبيت اخذك؟ اي اي صار

بكل سرعتي سقت نزلت اركض فتحت الباب اله ولزمت ايدة نزل واني لازمتة اخاف يوكع دكيت الباب فتحتلي ماما من شافتة انفزعت ماجاوبتها شي واخذتة للاستقبال وخرت الكوشات وخليتة يتمدد .

_ماما عصيررر فدوة بسرعة

راحت امي وهو بقة يفتح بدكم قميصة ساعدتة ينزع سترتة رجع راسة على الكوشة وغمض عيونة بقيت واكفة فوك راسة .

_علي تسمعني نرجع للمستشفى ها

سوى براسة لا جابت ماما عصير ومي عدل كعدتة اخذتة منها انطيتة اله شرب شوية منه رجعتة اله

_كلة اشربة يوازن ضغطك

شربة انطيتة المي

_تفضل عيوني اشربلك شوية

ماما نشربة لبن مالح

_ليش هو هابط ضغطة لو مضروب

شبيج ماما

_ها صح نسيت مضروب

نام راح اتصل بدكتور اكلة على حالتك

طلعت امي واني طلعت اتصلت بدكتور العائلة بلغتة كال ضروري يسوي مفراس بعد اسبوع

بس هسة ماعلية خلية يرتاح شوية اذا ماصار زين رجعية للمستشفى تشكرت منه ورجعت نزعت الكعب اباوعلة نام بقيت برعب اخاف فقد الوعي كعدت جوة القنفة وتربعت لزمت تليفوني وراسلت المحامية كالت احتاج التسجيل من الكافتريا

_ست اني حالياً ماكدر اطلع ياريت تكدرين

تجيبينها بنفسج واضاعف اجورج

_تمام امر بطريقي عليهم

انطيتها العنوان وهي تكفلت بالموضوع بقة علي النايم كمت اباوع بوجهة واحجي بصوت ناصي

_علي علي تسمعني؟ زين لو لا؟ اه يمه

احجي كلبي وكفتة دحجي يا عيني

حتى نسيت الولد مايحجي خليت ايدي على كصتة مسخن تخبلت طلعت اركض لامي واصيح متخبلة

_ماااما حرارتة مررررتفعة الحكيلي بس لايصير بيه شي

اجت امي كالت

_امشي سويلة كمادات واذا كعد اخذية للمستشفى

بلغي ولد عمة

انخبصت حتى نسيت ابلغهم اخذت خاولي صغير وطاسة مي بارد رحت اركض والمي يوكع مني جانت متروسة صار بيها نص اخذت نفس وخليتهن على الميز بللت الخاولي وخليتة على كصتة فتح عيونة .

_هاي كمادات نام اذا تحب

رجع غمض واني بقيت اخلي على جبينة خليت ايدي على خدة حار بللتة وخليت على خدة وشوية من ركبتة عفتة وطرت جبت شكو خاولي صغير بللتهن من الثلاجة الكاع تنكعت رجعت غطيت نص وجهة الثاني باوعت لرجلية بعدة بحذائة طفرت

نزعتة الحذاء والجواريب لفيتهن بخاولي منكع بمي بارد وحتى ادية رفعت ردن قميصة وغسلتهن

دخلت امي بقت صافنة التفتت عليها جسمي كلة يرجف والله من الخوف ماعرف افكر بشي .

_هاي شمسوية بالولد؟

_ماما مرتفعة حرارتة شسويلة يعني غير حتى تخف

_هي هيج كالوها؟

_اي اي اعوفة نايم لو اكعدة

_بلغتي ولد عمة

_ماما خلية يكعد ماكدر احجي شي هسة

_بكيفج بعد هاي انتي وابوج

ماعرف شلون رهمتو هالزواج بسرعة

_لاتلوميني ماما فدوه هسة احنا بيا حال

_براحتج بس مو تموتين الولد

بقيت افتر علية خلة ادية بين رجلية رحت جبتلة غطا وغطيتة كعدت بالكاع منتظرة شوكت يكعد خليت راسي على القنفة ماحسيت على روحي من نمت فزيت لكيتة يلبس بجواريبة .

_ها عيني صرت زين بلة باوعلي

اشوفك بلة

اخذت نفس قوي وكمت لابس سترتة

هسة يلة استوعبت اني شنو مسوية

حكيت راسي وكتلة:: مو حرارتك ارتفعت

هسة خفت بلة

تقربت ورجعت لمكاني رفع راسة يباوعلي خليت ايدي على كصتي:: هيج سوي شوف حار وجهك

سوى وهز راسة لا

كتلة وطلعت:: متت من الخوف وهسة من الجوع

اكل واطلع لاتتخربط بعدك بدون اكل

دخلت لكيت امي طابخة صبيت شوية ورجعت اركض بيدي الجفجير عبالي طلع لكيتة كاعد يكلب بتليفونة رفع راسة باوعلي ودنك .

_عبالي رحت وعفتني لاتروح داصب بالاكل

رجعت كملت صب وامي تباوعلي ماتحجي

اخذت صينية خليتها بالكاع ورحت جبت مي

كعدت متربعة .

_يلة تعال اكل

اجة كعد مستحي هو طبعة خجول شوية وحتى مايباوع بالوجهة اكل وهو مدنك راسة مارفعة ابد

_علي انت زين

رفع عيونة اشر اي وكمل ياكل

_راسك يوجعك اشرب مسكن هما بس مسكن انطوك زين هسة شلون تروح لاهلك هيج

ديلا شلون قهر نزل على كلبي

عفت الاكل انسدت نفسي سحب تليفونة

كتب ودارلي:: ماصار شي ليش لحد الان تاكلين بنفسج كتلج مصار شي ضربة خفيفة

_نروح للمستشفى اكل يلا ابدل واخذك

بقيت منتظرتة يكتب حتى اقرا

_ليش انتي امي؟

رفعت عيوني استوعبت الجملة واشرت على نفسي بعصبية:: يعني الا امك صدك تحجي انت

غير ردت اموت هسة انت بيها عليها هيج يصير بيك شنو الا امك تروح وياها لا والله

تروح يعني تروح اني ما اعوفك الا اطمئن

عليك وگلبي يبرد

كمت صايرة عصبية

_رايحة ابدل وانت اكل مو الكاك ما ماكل شي

تمام يلة تمام

طفرت اركض بدلت بسوت مريح احسن من القاط خنكني لبست حذاتي رجعت لكيتة يغسل كلبت شعري بقيت منتظرتة مسح ادية وسحب تليفونة سحبتة منه وكلبت عيوني .

_اي عرفت تريد تكتب اني مابيه شي

وماكو داعي نروح للمستشفى دمشي عيني امشي

طلعت وتليفونة بيدي صعدت بسيارتي صعد وسحب تليفونة مني حجة بالاشارة بس اني افهم علية بسرعة .

_علي: زين اني راح ارجع للبيت

شغلت السيارة

_ياعيني بس اطمن كلشي يصير الراس اخطر مكان وكلة اعصاب اسم الله عليك

اتصل بيه بابا رفضتة وصلت للمستشفى راح يسوولة مفراس واشعة بقيت منتظرتة برا ومشيت دفعت الحساب قبل لايطلع رجعت لمكاني طلع

كعد منتظر الدكتور التفتلي واشر على مكان الحلقة

افسرها الكم .

_علي: زوجج مو خوش ولد ليش قبلتي بيه؟

_اني زمالة ماعندي عقل لاتشوفني طاكة القاط والكعب اطكطك بيه والحمرة حمرة اكبر زمالة اعترف وهاي اول مرة اعترف بروحي زمالة

اكو وحدة تقبل بهيج شكول امداني اي والله

ابتسم واني ابتسمت على روحي وعلى غبائي

_ميس: محد خسر غيري خسرت ايام حرامات

مامن البداية عفتة كلب وحيوان تمام

طماع وتفكيرة مغسول بس اذا ما اسجنة ما ارتاح

اشر يكلي

_علي: الله يعوضج

ابتسمت

:: اني بعد ماريد اتعوض برجال الله يعوضك انت بمرة

ابتسم وراح للدكتور شوية وطلعنا الحمدلله اشعتة نظيفة مابيه شي بقة بس الخياط من عرف دافعة الحساب ماقبل عفتة محترك وطلعت قبلة .

_تاخذ سيارتي وتروح لاهلك لو اوصلك

مابدر منه حركة حجيت

_حرجع لاهلي وانت اخذ السيارة رجعها بغير وقت

وصلت لبيتنا نزلت وكتلة

_جيبها باي وقت اذا ماتكدر تسوق كلي لاتسوي حادث لا سامح الله

حول بمكاني وراح دخلت اتصلت بالمحامية ماكو جديد بعدة يجول ويصول لكيت ابوي جاي واخذت ساعة اسولفلة الصار صعدت لغرفتي ميتة تعب من الهبطة راسلت علي مارد شفت نجوم مراسلتني فرحت يا الله واخيراً طلعت من القوقعة هاي البنية

بس شفت رسالتها رجف جسمي

اتصلت بيها فوراً جاوبتني تبجي منهارة وتصيح

_اجاني اجاني ..

________

_كواكب: ضرغام مطلع روحي عبالك بيتة يطب ويطلع حتى البيت كرهتة من وراة ولاتكلولي تكرهينة لا ما اكرهة بس ما اطيقة وحتى نيزك ماتصدك من اكلها ما اكرهة اسكت عنه لخاطرها

اشوفها تستحي كلش وتخاف لانتعارك هو صاير يتلوكلي .

عفتهم نايمين رحت جبت صمون حار وريوك ليكتهم كاعدين بالمطبخ نيزك مخدرة الجاي

_ضرغام: شعندج طالعة من الصبح انوب ماتطلع الا بالدراجة مصدكة روحج ولد انتي

_شوف اني كوة متحملتك ولازمة روحي عليك

شعليك بيه ام اب

_نسيبج بحساب اخوج وغصباً ماعليج تسمعين كلامي

_كوة لازمة روحي ما اجرك زيج ارجعك لبيتك

نيزك تخزر بيه وجهها صار احمر

_ضرغام: استلمي هاي خرجت من الطريق

الحمزة من ننخاة ما يرجعها كما هي

_دولي يلا اسكت من الصبح بيك حيل

كعدت اتريك خليت علاكة الصمون بحضني رفعت راسي يباوعولي سحبت صمونة انطيتها لنيزك

_هاي الج اكو خبز خلي لززززوجج

عضتلي شفتها صحت بيها

_ما انطي من فلوسي هذني ذاك ابو الصمون

خلية يروح يجيب وياكل

باوعتلهم وطلعت العلاكة خليتها بحركة

_هاكم اكلو بخيررري يلة

سويت لفة وطلعت بالطرمة اكلتها لحكتني نيزك تحجي علية عيب رحتلة لكيتة يتغزل بيها ناقصة شوية وياكلها كد مامركز بيها باوعتلة بقرف راحت تغسل بالمواعين كتفت ادية احجي وياة..

_هسة انت ماتروح لاهلك تاخذ جهالك وتعيشون بيت واحد شو احس الاوضاع كلها مخربطة وحتى اختي مدري شبيها بعدك ماطلكت اسيل وهي ساكتتلك

_نيزك: هسة راح يطلكها منو كال ساكتة انطاني موعد يطلك ونرجع بيت واحد هالكم يوم

_يلة انتظر ماعندي شي

راح للشغل طلعت وراة بدراجتي تسوكت ورحت لدراهم ترست ثلاجتها وشكد حجيت عليها تجي تعيش وياي ما قبلت ولا شوية وبعد عندي امل اخذها وياي للبيت حجيت وياها على اصرارها

ماتقبل تطلع من هذا البيت والمنطقة .

_دراهم تعذريني بس اكلج انتي هم مثل الخنسفانة ماترتاح الا بالخرابة

_امداج يالخايسة

_هذا ضيم كلي مرة بس شنو تعاركت وياة والله حرك كلبي بوكتها

_وانتي هذا ليش خليتية هيج يروح منج بساع بساع يلعوبة لو وحدة غيرج جان راحت وكالت لاهلة متزوجين حتى يتزوجج من صدك

_لاااااااا لاااااااا لااااااا هاي دراهم لو مغيرينج

راح ابدلج بنكة على هاي سوالفج ليش ماتخافين من الله هيج تحجين

_يمة الزواج ماكو احلى منه شريك

يسمعج ويشاركج بلكشي

_ايبااااخ والله صدك جان يساعدني ويسمعلي

دراهم انتي مثل النجار وبابة مكسور

_كومي مني يلا ولي اليوم تجيب امثال وتشمر علية

_رايحة اتصدق لام حربي من فلوسي الخاصة

راحت النسوان الخيرة ضلت بس

خزرتني سكتت صاحت وراي

_امداج العوبة ضلي افتري انتي مو مال زواج مال فرفرة لو مقنعة الزلمة ومتدلعة علية شوية جان اخذاج

_دكي علية دكي لان تطلكنا

انتي هم مدري شلون تفكرين هذا رادلة وحدة مايعة على. كولتج تدلع خو ما راجعلي

_عبنج غبرة ضلي دايحة

مشيت احجي عليها رحت اشتريت مي وزعتة على روح ام حربي رجعت للمحلات كعدت ومحمود سحب كرسي نسولف اني وياة .

_ولك صاير ثلللج تلمع لمع اسم الله

شفت شفت هاي من التبريد كول كواكب ماتفيد

_لا وين اكو منج حتى امي تدعيلج

_اي عفية خليها تدعيلي وتدعي لغوغو

تذكرتة وجريت حسرة هسة بيا سجن يا غضنفر اشتاقيت لسوالفك هم تذكرني لو بعدك تحبني صدك لو تجذب علية، هي العشرة ماتهون الا على ابن الحرام طلعت بعد وكت ماريد ارجع للبيت وهالفترة ماعرف شنو البية بس ضايجة ساعة اريد اروح للمثقف كطع عني فرد كطعة وساعة اسبه واكول خيولي مايسال علية بعد خلص شغلة شعندة جايني .

باوعت لايدي محروكة وبيهن اثر وكل ما اشوفهن تنقبض روحي مشيت وطبكت كدام مركز امنت دراجتي ودخلت كلت للبنية تسويلي وشم تغطي مكان الحرك .

_شنو تحبين ارسملج

سحبت الدفتر رسمت دائرة صغيرة وبيها منا ومنا ورقاتها وردة مثل الرسمها ضيغم على ايدي

_باعي مثل هاي وحدة وسط بهاي ايدي وذاك الحرك الجبير دكي بيه سنبلة .

شفتها بيد وحدة وعجبتني غمضت عيوني والبنية تشتغل كملت ايدي موتتني دفعت الفلوس وطلعت عيوني دمعت وقبل لا اصعد دراجتي نزلن وضحكت بصوت عالي جني مخبلة تذكرت من دكيت وشوم شكد وبطلت مسحت عيوني وشكو غلطة غلطتها علية ليش ماعرف بس كلبي محترك علية .

غطيت ادية ورجعت للبيت ماحاجتني نيزك لكيتها تاكل بكرز زوجها العزيز تارس الثلاجة انواع الفواكة والحلويات لان حامل وتتنسى على الواهس طلعت واكلت .

لكيت امير يلعب بالتليفون سحبتة منه كام يبجي خبثت وياة وما نطيتة الها تالي ضربتة راجدي ونيزك مصدومة:: مايصير بيه شي بس خلية يطلع زلمة هي الزلم بالضرب تجي

اذا ماتضربينة باجر بس واحد يضربة بالشارع يتخربط

اخذت التليفون وهي شغلتلة البلازما كعدو على افلام الكارتون طلعت رقم ضيغم نقلتة بكارتونة وبجيبي وين ما اروح وياي مثل السجينة

دكيتة اتصلت بيه مايريد ضليت افتر واتصل بيه

خبصتة خبص تالي فتح بعدة ما كايل الو استلمتة غلط صرت نار .

_كواكب: هسة كول هاي الحشرة الكائن فضائي شعدها تتصل اجاوب مايصير شي اذا جاوبتني اعتقد ولا تخسر نضارة وجهك من تسمع صوتي بس انت فد واحد تروح فدوه للجلب توصل الوفائة

_هسة غير تحجي مثل البشر مو يمي الموبايل

_اي بس انت بشر كائن فضائي انييييييي

بس انت وبسسس ياخايس يابو العطوررر

تخلي عطوور بشدات علمود البنات بس انت خايس خوش وتبقة خايس

طلعت نيزك على صوتي واني ارجف الموبايل يريد يوكع من ايدي كثر ما ارجف كل الكلام الكلتة وهو ساكت اخذت نفس احس كلبي يريد يوكف

_زينة انتي؟

_لا اريد غضنفر

تحرك من مكانة واني دموعي نزلت

_شتردين منه؟

_اريد اروحلة للسجن شوف وين مكانة

_على هاي حاركة روحج واعصابج؟

ها جاوبي علمود غضنفر

شهكت وكملت

_احسن منك هو وفي ما نساني ولا عافني

_منو كال نسيتج لو عفتج؟

_حقير اسكت كلي غضنفر وين مسجون

_ماعرف

_لاتعرف كلي وين

_اجيج ونتفاهم

_ماريد تجيني بس كلي وين هو اروحلة

_اجيج ونتفاهم

سديت التليفون درت وجهي امسح بعيوني مريت من نيزك خليتة على الميز واخذت ملابسي سبحت ودخلت للغرفة تلفلفت بالغطا ودموعي تنزل عشرة عشرة حاولت نيزك تكشف وجهي جلبت بالغطا قوي

حجت بصوت ناصي .

_كواكب تبجين علية!

_لاا لاا

_لا تبجين لان عافج وما سال عنج

اشوفج تصفنين دوم تضحكين لو تدمع عيونج وحدج بالج هو تفكرين بية

بجيت بحركة مخلية ايدي على حلكي اي اتذكر كلشي ماكدر انسى شي مختلف صار بحياتي ولا انسى هو اول شخص عاملني بحنية .

_كواكب: ماكدر انسى شي

ماعرف والله مدري شبية هاي اعراض المخدرات

طلعت هسة علية

_لا مو اعراض المخدرات هاي اعراض الحب

تحبينة انتي

_انجبي ما احب اني

_لا تحبينة اول تالي تبجين على شي

نزلت دموعج لان مايسال عليج كواكب انتي متخيلة السبب متخيلة روحج عايشة بخيالج وي ذكريات قديمة تعيدين بيها وتسدين وقت تتونسين بالماضي

_اسكتييي واطلعييييي يللااا اطلعيييي

منااااا ما احبة انيييي ولا هو يحبني

_لا تحبينة بس كل هذا قهرج لان تفكرين مايحبج

ورافضة مشاعرج تظهر لان من طرف واحد تتخيلين بس خليها بالج اليسوي كل هذا يتزوج بالسر واهلة مايعرفون ويعوف شغلة ويخسر وقت وفلوس ويدور ويهتم على شخص مايحبة؟؟

_مايحبني رررروحي منيييي

انعل ابوة لابو الجابنيييي وشمرررني

انعلهم كلهممممممم

_اسئلية يحبج اسئلية على انتي شنو

_كائن فضاااااائي يلا اطلعي روحي للبعيجي

روحو لبيتكم لو اني اروح لدراهم اعوفلكم البيت

طلعت ماجاوبتني تخبلت ماعرف شنو احجي لو شنو جاي اتصرف نمت ودموعي على خدي كعدت العصر طلعت اكل وكعدت اكل حتى امير ما وصلني ولا اكدر اصيحلة لان ضربتة اندك الباب راح يركض يفتحة طلعت بحلكي الاكل جفلت من شفتة هو رفع شعرة من دنك على امير نزل اختفت ابتسامتة وباوعلي ملامحي عابسة الى درجة اليشوفني يكول مالها خلك لروحهة وصدك هيج

_ضيغم: ادخل لا

_فوت

دخلت للاستقبال غسلت ولحكتة طلعت نيزك تباوعلي ماخليت عيني بعينها ومن صديت على وجهي بالجامة عيوني دم صايرات .

دخلت كعدت بعيد منه حجيت بدون مقدمات

_وين انسجن غضنفر

_تردين تروحيلة؟

_اي

رفع حاجبة قبل لايكمل كتلة

_تعرف وين لو اشوف غيرك

_اشوفلج وين

_خوش اني رايحة ماعندي بعد شي

كمت من مكاني انداريت اطلع وكفت من كال

_كواكب

التفتت

_ها

_شبيج صاير وياج شي؟

_لا

طلعت قبل لايحجي واسمع كلامة ليش ابقة يمه وازيد ناري نار لاكتني نيزك بيدها صينية جاي وصحن كليجة عبرتها وكتلها .

_انتي قدميلة مو غريب عليج

بس غريب علية

رحت كعدت على البلازما استلمتها اخبار لليل ماشفتة من طلع ولا نيزك حاجتني .

______

_ورد: امي وسهلة يطبخن ومسويات اشكال الاكل

انطتني امي صينية اوديها لاسيل اخذتها خليتها بالغرفة وردت اطلع صاحتني .

_وين ضرغام هالفترة

_ماعرف

_شنو ماتعرفين شو مايكعد بالبيت

حتى باليل ماكو بس يجي شوية يلعب على سيف

_يمكن مشغول

_رجع نيزك لبيتة رجع

رفعت اكتافي بماعرف وطلعت رضا بالشمس يلعب ويخبث علينه هالفترة صاحتلي امي اجيبه رحت اركض وهو يركض يريد بلعب مايدخل شلت النعال

_تجي لا اكتلك

_ما

غماني وراح يركض للشارع ههفيت النعال ماصار بيه عضيت اصبعي بقوة يضحك فرحان ويركض بالشارع يكول جان بسجن ردت اطلع صاح .

_الا ادل لضيعم وردة بالسارع تحسي وي الولد الهلوين

_اذا ما اطلع لسانك واعضة اكطمة كطم الخايس الجذاب يجي ابوي لو مايجي واخلية يشيلك ويركعك بالكاع

_بابا يهبني

تفلت علية ودخلت فور دمي بعدة بكد النعال وهيج صعدت يم جوري لكيتها فاتحة كام وتخابر بالبنات صفيت وياها سلمت عليهن رفل وجهة احمر

_شبيها رفيلة منو الكاتلج هذا

_رفل: محد بس راح اتزوج معزومات بنات

انصدمت اخذت التليفون كتلها

_على الخير بس شبسرعة المهم منو هذا

_ابن خالتي

_ها وانتي رايدتة لا

_اي يلة عيوني اروح امي تصيحني

سدت التليفون وراحت

_جوري: كسرت كلبي والله وحسن خطية شراح يصير بيه اوووف

_هي تحبة

_اي وهو يموت عليها

_مايتزوجون غير ابن عمها بعد

_ابوة مايقبل يزوجة وابوها ماينطيها لحسن

وامها وابوها يضغطون عليها تتزوج

_اكلج خاف كاتلينها

_هذا ابوها كلشي تتوقعين منه حقيررر

_واخوها احقر منه خطية مايستاهلون

نزلت على صوت امي تصيح عضت ايدها

_هايمة شبيج

_ولج تعاي صبي وياي عاد

_اليوم شعدجن اليوم بس تطبخن وخابصات رواحتجن

_صحبان اخوج راح يجون للغدا

_كولي هيج

ساعدتهن بالصب شوية واجو ماعرفت منو بس مبين هواي من كمية الاكل وسمعت المحامي اجة هستوة طفرت لازمة الباب اباوعلة شلون محامي يخببببببل يملخ يمرررعد سحلت روحي علية سحل بالكاع .

_فدوة لله هسة هذا متزوج خاطب مخطوب

فدوات سبع فدوات

سحلتني امي وكتلتني تغديت واني واكفة مابقة شي كلة صابتةالهم رجعت المواعين اكلت وشبعت بعدهن ماكايمات يغسلنهن غسلت ادية وشردت للحديقة حتى ما اغسل بس شلون اعبر الباب بيه شوية فتحة شفت رضا يلعب بالتراب الخبل

واني متحلفة بيه طفرت ولزمتة حتى حلكة سديتة خاف يصيح جوري تاشرلي اعوفة

_لزمتك ليش تجذب علية وتكول ام الولد

بعدني اريد اضربة الخايس واجت جوري تسحبة مني صرنا امالخ رضا شرد ولزمتها كتلتها بدالة جفلنا ثنينة من طلعو سمار وصافي بقو صافنين علينة جوري صارت وراي خليت ادية سد احميها نسيت نفسي صافي طلع وسمار كال.

_عيب بابا لاتتعاركن ولو انتي كتلتي اختج

خطية الله يذبج بالنار لاتعنفينها بعد

_لا روح وين اعنف اني اصلا معنفة

شهكت من سمعت صوت قبس يريد يطلع ركضت جوري واني وراها عثرت وكعت على وجهي ضليت ارافس برجلبة من الالم وجوري متشمتة بيه .

_حيل حتى تبطلبن تخلين عقلج وي الجهال يا جاهلة

_لاتخليني اكتلج بعد ولي يلا

_اني اعلمج الخايسة ارتاحيتي من شافونا

هسة لو طالع ضيغم وياهم مو يتفشل من ورانا

_واني شعلية كايلتلج تطلعين

طفرنا وحدة ورة الثانية وامي استلمتنا رزايل والمواعين بقت علينا غسلتهن مثل الحبابة

طحت صفح من التعب مامتعودة اشتغل

سبحت ورحت نمت كعدت على صوت ضرغام العالي طفرت كفشتي شكبرها والنعاس بعيوني مديت راسي من المحجر يحجي وي اسيل بالصالة وصوتهم عالي .

_ضرغام: اول مادخلتي للبيت كتلج بس تجيبين

تنطيني الطفل وترحين الج بيت اشتري ميخالف

بس ابني ما انطية

_اسيل: حرام عليك تاخذة مني وتنطية لوحدة

تدمغ علية باجر لان. مو ابنها

_وانتي شووووكت حنيتي علية

ليش انتييييي ام اخذتية وسيلة حتى تستقرين

اني مو شرطت عليج ماتحبلين وحبلتي بتخطيط منج مو غبييي اني تالي خربتي الدنيا علية

وبالسحارين تفترين ذرة بكلبج من الرحمة ماكو

لاتحجين بالمحنة هاي امي تخلية بعيونها

ذهب موجوده مو اله هاي

يلة لمي روحج اجة الشيخ يطلك

رفع اصبعة وبعصبية صاح

_اسيل انتي طالق طالق طالق

تحرمين علية مرة دنيا واخرة وبشهود الكل

يلة لمي غراضج واطلعي خليني ساكت عن كلشي لخاطر ابني

صرخت بصوت عالي وملخت روحهة تملخ معقولة هيج تحبة دخلت جوة وهو طلع راحت شوية وطلعت لامة غراضها سيف عد سهلة مدت ايدها الها .

_اسيل: بس ابوسة وانطية الكم

دخل ضرغام شافتة وابتسمت بخبث بقت عينة

على ابنة وهي اخذتة وركضت بيه للغرفة

يتبع....

____________________

اللهم صلِّ على محمد وآل محمد

توقعاتكم🙂

ليش ماكو تفاعل

هاي بارتين 🗿