رواية الكبير وزوجاته وما ملكت أيمانه — الفصل 1 — بقلم هويدا زغلول
حكيم واقف قدام مراتاته والخدم بتوعه وكانت زهره وبنت بسيطه قالت ليه
زهره
انت شكلك عبيط ولا بتستعبط هو انت فاكر ان هاجي تحت رجلك واقولك اللي تؤمر بيه يا شهريار يحصل ولا اي فوق لنفسك انا عمري ما هعمل اللي انت عايزة ده
الكل كان مصدوم من رد فعلها وبعدها قرب منها
وبص في عينيها وقال
حكيم
هو انت عارفه انت ايه اللي ممكن يحصل لك بعد ما قلت الكلام اللي انت قلتيه ده
زهره بصت في عيونه بنفس الجرأه وبعدها قالت ليه
زهره
مش زهره لا تتحدد وانا عمري ما خفت من اي حد واعمل اللي انت عايز تعمله
قالت كلامها ومشيت وبعدها قربت منه نرجس مراته الأولي وقالت
نرجس
معلش يا حكيم البنت دي عبيطه والله ما تقصدش الكلام الغريب اللي هي قالته ليك بالله عليك ما تحطها في دماغك
حكيم
كل واحده فيكوا تطلع على اوضتها انا مش عايز اشوف حد فيكم هنا
وراحت نانسي مراته التانيه وقالت ليه
نانسي
بقول لك ايه يا حكيم هاجي لك اوضتك بالليل النهارده ليلتي انا وانا اللي هكون معاك
حكيم بص ليها وقال
اطلعي اوضتك يا نانسي ولو عوزتك هكلمك انك تيجي
انا مش بحب الكلام الكتير
وبعدها طلعوا وكل واحد فيهم دخل اوضه وبعدين وقف حكيم. هو مضايق ومش عارف يعمل اي
وبعدها بدأ يفتكر اللي حصل
فلاش باك
حكيم داخل الفيلا وكان عمال يتكلم في التليفون وسمع صوت اغاني جاي من المطبخ وقال
حكيم
خلاص ماشي شوفي انت عايز ايه وانا تحت امرك هستناك النهارده في الفيلا ونقعد نتكلم في الحوار اللي انت بتقوله ده
صوت الاغاني كان عالي جدا وحكيم كان مخنوق ومش عارف يكمل باقيه المكالمه بتاعته وبعدها قال له
حكيم
خلاص بقى يا حمدان مش هنقعد نتكلم في التليفون كثير ابقى تعالى الفيلا وهنقعد نتكلم احسن
وبعدها دخل وشاف زهره اللي كانت جايه تشتغل عندهم في الفيلا من فتره قريبه واسمها وهي عماله تغني وبعدها طفاه تسجيل وقال ليها
حكيم
شكلك كده جننتي مش كده انت مين وبتعملي ايه هنا في الفيلا انا اول مره اشوفك
زهره
بسم الله الرحمن الرحيم هو في ايه انت مالك بتتكلم معايا بالطريقه اللي انت بتتكلم بيها دي كده ليه وبعدين انا زهره لسه جديده هنا في الفيلا
حكيم
وانتي مالك عماله تتكلمي بالطريقه اللي انت بتتكلمي بيها دي كده ليه ما تتعدلي امال وبعدين هو انت مش عارفه ان الاغاني ما تنفعش في الفيلا هنا
زهره
والله ما حدش قال لي الكلام اللي انت بتقول عليه ده وبعدين هو ممنوع ليه الفرح ممنوع يخش الفيلا بتاعتك دي ولا ايه
حكيم
انت شكلك كده اتجننتي يا بنت انت ولازم تتربي النهارده على الكلام اللي انتي بتقوليه ده
زهره
اتجننت ويا بنت انت في جمله واحده لا شكلك انت اللي ما تعرفنيش ما تعرفش طوله لساني ممكن تعمل فيك ايه دلوقتي
وقبل ما تكمل كلامها كانت نرجس داخله ووقفت قدام منها وقالت
نرجس
حقك عليا انا يا حكيم والله العظيم انت بنت عبيطه ما تزعلش منها الله يخليك انت ايه اللي دخلك المطبخ بس اطلع وانا جايه وراك
حكيم
من امتى واحده بتيجي الفيلا هنا من غير ما تعدي عليك واكيد طبعا واحده زي دي ما عدتش عليك عشان خاطر لسانها طويل تشتغل في الفيلا هنا
زهره
اللهم طولك يا روح هو في ايه يا جدعان انت ما تتكلم عدل امال هي مين دي اللي لسانها طويل
وبعدها نرجس قرصتها في ذراعها وقالت ليها
نرجس
انت شكلك كده اتجننتي اخلصي خالص انا مش عايزه اسمع صوتك حقك عليا يا حكيم انا اسفه والله
انا هتصرف معاها ولا اقول لك انا همشيها من الفيلا هنا خالص
حكيم
حلوه قوي الكلام اللي انت بتقوليه ده ده انا شايف حد غيري بقى يقول رايه في الفيلا دي
نرجس
والله العظيم ما اقصد خالص طب انت شوف عايز ايه وانا هعمله ليك بس ملكش دعوه بالبنت دي
حكيم
انا طالع اوضتك يا نرجس وتعاليلي على هناك
وبعدها خرج وطلع الاوضه ونرجس بصت لي زهره وقالت ليها
نرجس
هو انا مش قلت لك يا بنت انت انا مش عايزه مشاكل انت مالك وماله وبعدين هو داخل المطبخ هنا ليه
زهره
انا عارفه يا اختي ده شكله كده بتاع مشاكل هو ده جوزك انت متجوزه ازاي ده لسانه طويل
نرجس
انت تخرسي خالص مش عايزه اسمع صوتك ربنا يعدي ليلتك النهارده على خير
وبعدها طلعت وكان حكيم بيغير هدومه وراحت شالت العبايه من على كتفه وعلقتها وقالت ليه
نرجس
البنت زهره دي بنت النبويه اللي كانت بتشتغل عندنا هنا في الفيلا ما انت عارف ان امها ماتت
وهي ملهاش اي حد وانا قلت بدل ما نديها مساعده اجيبها تشتغل هنا مكان امهم
حكيم بس النرجس بحبه وقال لها
نرجس
وحشتيني قوي يا نرجس
ونرجس كانت فرحانه من كلامه وقالت لي
نرجس
وانت والله يا كبير ما تعرفش انت واحشني قد ايه ياه الكلمه الحلوه اللي بتطلع من بقك بتدخل على قلبي على طول
حكيم
هو انت ما بتزعليش يا نرجس لما بتجوز عليكي كذا مره
نرجس
ايه الكلام الغريب اللي انت بتقول عليه ده لا طبعا من حقك تعمل اللي انت عايزه ده انت حتى لو عايز تطلقني انا ما عنديش مشكله
حكيم
ايه الكلام الغريب اللي انتي بتقولي عليه ده لا طبعا انا ما اقدرش استغنى عنك يا نرجس انتي بنت عمي وحبيبتي وصاحبتي وكل حاجه في الدنيا دي ليا
نرجس
ربنا يخليك لي يا حكيم وما يحرمني منك ابدا يا رب بس شكلك كده عايز تقول لي حاجه طالما دخلت اوضتي ما خلتنيش انا اللي اجيلك اوضتك يبقى عايزني في موضوع مهم
حكيم
١ بفكر اطلق ايمان بصراحه كده مش مبسوط معاها
وانت عارفه ان هي الرابعه يعني وانا لازم اخلي مكان فاضي
نرجس بصت ليه وقالت
نرجس
طبعا يا كبير من حقك تعمل اللي انت عايزه شكلك كده عينك على واحده قولي هي مين وانا اروح اخطبها لك على طول انت عارف ان اهل البلد كلهم بيتمنوا ان انت تخش بيتهم
حكيم بعيد عنها شويه وبص في المرايه وقال ليها
حكيم
لا العروسه المره دي مش هتروح لها بيت اهلها هي موجوده عندنا هنا في الفيلا
وطبعا كانت نرجس فاهمه هو بيتكلم عن مين ويقصد اي وبعدها قالت ليه
نرجس
زهره يا كبير
مش كده شكلك كده عايز تتجوز زهره
حكيم
طول عمرك بتفهميني من غير ما اتكلم علشان كده انا بحبك وما اقدرش استغنى عنك ماشي روقيها كده وخليها تطلع الاوضه
وفي الوقت ده نرجس بعصبيه
نرجس
مش لما تطلق الاول يا كبير تبقى تكتب عليها ولا انت ناوي تخليها زي اللي موجودين تحت ما ملكت ايمانك
حكيم قرب منها وقال
هو انت صوتك عالي ولا انا بيتهيا لي يا نرجس انا حاسس ان نبره صوتك كده اتغيرت
نرجس
ولا اقدر يا كبير صوتي يعلى عليك ولا اقول كلمه تزعلك ابدا اللي انت عايزه يحصل حضرتك هتطلق ولا هتعمل ايه
حكيم
الماذون اللي هيخليني اطلق ايمان هيكتب على زهره في نفس الوقت جهزي اوضتي
وبعدها حسابها وخرج بره وهي نزلت تحت عند زهره
وفي المطبخ كانت واقفه زهره ونانسي وإيمان ونرجس ومروه
زهره
ايه الكلام اللي انت بتقوليه ده لا طبعا انا مش موافقه وبعدين هو انت ازاي موافقه اتجوزي جوزك كده اي واحده والسلام حرام عليك اللي انت بتعمليه في نفسك ده
نرجس
انت تخرسي خالص ومش عايزه اسمع صوتك
مش انتي اللي خلتي يدخل لحد المطبخ هنا
زهره
حتى لو انا كنت غلطت وخليته يدخل لحد المطبخ هنا زي دي الحق يعني ان هو يتجوزني انا مش موافقه طبعا هتجوزه دي
نانسي
هو في ايه يا بنت انت مالك شايفه نفسك علينا ليه كده ما تتعدلي امال هو انت تطولي اصلا تتجوزي كبير البلد
زهره بصت ليها وقالت
سبتلك انت يا حبيبتي كبير البلد انا عمري ما هفكر اني اتجوزه بصي يا ابله نرجس لو انت مش عارفه يا حبيبتي تخرجي تقولي له هو الكلام ده انا هخرج اقوله ليه انا ما بخافش منه
وبعدها خرجت. وقفت قدام حكيم وقالت ليه الكلام ده
باك
حكيم كان قاعد في اوضته وهو سرحان في اللي بيحصل حواليه والباب خبط راح فتح وقال
حكيم
ايه اللي جابك هنا يا ايمان مش انا ايه ما حدش بيجي غير ما انا ببعتله انا مش عايز اشوف حد ولا اسمع صوت حد
ايمان وقفت قدامه وعينيها مليانه دموع وقالت له
ايمان
انا جايه اسألك بس هو انا عملت لك ايه ضايقك علشان تبقى عايز تطلقني بالشكل ده انا بجد مش هعرف اعيش من غيرك ومشكلتي اني حبيتك بجد وعمري ما فكرت في غيرك
حكيم بصلها بهدوء بارد وقال
حكيم
انا مش كرهك يا ايمان بس انا مش عايز اكمل معاكي وكل الفلوس اللي كانت بتروح لاهلك هتفضل زي ما هي كل شهر ومش عايزك تقلقي من الناحيه دي خالص
ايمان قربت منه وقالت
ايمان
انا مش محتاجه فلوس ولا عايزه حاجه غيرك انت انا عايزاك تكون في حياتي وتفضل معايا انا مليش غيرك في الدنيا دي
حكيم سكت لحظه وبعدين قال
حكيم
خلاص موضوع الطلاق هيتأجل شويه دلوقتي اتفضلي روحي على اوضتك وبعدين نبقى نتكلم في الموضوع ده بعدين
ايمان بصت له بحنيه وقالت
ايمان
انا عايزه ابات عندك هنا في الاوضه النهارده يمكن ده يخليني احس اني لسه مراتك ولسه لي مكان في حياتك
حكيم اتعصب وبص لها بحده وقال
حكيم
انا اللي بحدد مين يبات عندي ومين لا ومش انتي اللي تقرري الكلام ده اتفضلي اطلعي بره وروحي شوفي هتعملي ايه
ايمان وقفت مكانها لحظه وهي مكسوره وقالت
ايمان
انا فاهمه خلاص اني بقيت تقيله عليك بس صدقني عمري ما هقدر اكرهك حتى لو كسرتني بالطريقه دي
حكيم لف وشه بعيد عنها وقال
حكيم
انا قولت كلمتي يا ايمان ومش بحب اعيد الكلام مرتين اتفضلي اطلعي بره دلوقتي
ايمان مسحت دموعها وخرجت وهي قلبها بيتكسر وكل خطوه بتبعدها عنه كانت بتحس انها بتخسر جزء من روحها
وفي اوضه نانسي ومروه كانوا قاعدين مع بعض ونانسي قالت ليها
نانسي
انا مش عارفه هو شايف نفسه على ايه امال لو كان بيخلف ومخلي كل واحده فينا تبقى ام كان عمل فينا ايه
مروه
ما تخرسي خالص ايه الكلام اللي انتي بتقوليه ده انتي عايزه حد يسمعنا وتبقى ليلتنا سوده ومحدش يرحمنا بعدها
نانسي قامت وقفت قدام المرايه وبصت لنفسها
نانسي
وقالت يا لو حكيم مات دلوقتي كل الثروه دي هتتقسم علينا انا نفسي اعرف ممكن يطلع نصيبي قد ايه
مروه جريت عليها وحطت ايدها على بقها وقالت لها
مروه
اخرسي خالص يا بنتي انتي كده بتودي نفسك في داهيه لو حد سمعنا بالكلام ده مش هيعدي على خير ابدا
مروه بصت لها وقالت
مروه
انا مش فاهمه ازاي بتكرهي حكيم بالشكل ده مع انه مع كل واحده فينا بيكون حنين جدا وعمرنا ما شفنا منه اي حاجه وحشه
نانسي لفت وبصت لها وقالت
نانسي
حنين على ايه يا حبيبتي احنا شفنا منه كتير كفايه جوازاته اللي مش بتخلص مش كفايه انه عايش مع اربع ستات لا وكمان جايب ستات تانيه في القصر وبيقول عليهم ملكه ايمانه انا مش فاهمه احنا ازاي راضيين على نفسنا بالوضع ده
مروه قعدت وقالت بصوت واطي
مروه
انتي لازم تعقلي كده وتفكري بعقلك مش بعصبيتك احنا هنا في قصر كبير وكل حاجه حوالينا ليها حساب والكلمه اللي تطلع مننا ممكن تضيعنا في لحظه
نانسي قربت منها وقالت
نانسي
انا مش خايفه من حد ولا حتى من حكيم انا تعبت من الوضع ده ومش هفضل ساكته كتير على اللي بيحصل حوالينا
مروه بصت لها بقلق وقالت
مروه
انتي مش عارفه ان اللي بيقف قدام حكيم بيختفي ومحدش بيسمع عنه حاجه بعد كده فبلاش تلعبي بالنار علشان النار دي هتاكلك قبل ما تأذيه
نانسي ضحكت بسخريه وقالت
نانسي
انا اصلا عايشه في نار من يوم ما دخلت القصر ده وكل يوم بيعدي عليا بحس اني بخسر نفسي اكتر ومش هفضل كده طول عمري لازم في يوم كل حاجه دي تتغير