تحميل رواية «الحب الروحانيحتي الفصل)» PDF

رواية الحب الروحاني الفصل الاول

_يبنتى انتى هتجننيني يعنى عوزا تفهمينى انك حبيتي واحد من غير ما تشوفيه ولا تعرفيه مجرد احلام يعنى مش موجود على أرض الواقع..

_امممم

_هوا اي اللي امممم وعماله ترفضي العرسان دي كلها علشان احلام وعلشان واحد مجهول ومش موجود في أرض الواقع اصلا!

_وانتى ايش عرفك أنه مش موجود هوا اكيد موجود واكيد بيدور عليا زي ما بدور عليه مش معقول تكون كل الحاجات دي صدفه وكل الاحلام دي صدفه أنا حاسه ان في رابط بيني وبين الشخص دا وان ظهوره في احلامى إشارة أنه هيكون شريك حياتى..

_يعنى انتى هترفضي العريس صح

_اه طالما مش هوا..

نفخت بضيق وخرجت وسابتنى وانا قعدت واتنهدت وانا بفتكر ملامحه اللي بقت بالنسبه ليا مألوفه من كتر ما بشوفها في احلامى معقول في كدا !

نمت ولما روحت في النوم ظهر وهوا مبتسم قد اي بتسحرنى ابتسامته قد اي هوا جميل!

صحيت بكل نشاط وانا برضو بفكر فيه لبست ونزلت الكليه وقابلت صاحبتي ..

_ها يا نور اي خطتك النهارده..

_بصي يا مريم أنا عوزا أفطر الاول وبعدين نشوف الخطه علشان البيت عندى مقيمين الحد عليا

_لى

_عوزنى اوافق على العريس

_مش يمكن حلو مقفله لي

_انتى عارفه اللي عوزاه كويس

_قصدك على فارس الاحلام

_اممممم اسكتى يا مريم أنا حلمت حتة حلم النهارده تعالى لما احكيهولك واحنا بتفطر

_ربنا يستر من احلامك دي مبقتش متطمنه

_لى بس

وبعدين سرحت وبصت للسما بهيام:أنا متأكده أن ربنا باعتلى الاحلام دي اشاره انتى عارفه قالي اي في الحلم قالي أنه بقى قريب اووي يا مريم أنا حاسه انى هشوفه قريب

_ربنا يشفيكي يا قلب مريم على المهلبيه اللي في دماغك دى

_طب يلا نروح نفطر

_يلا يختى يلا..

مشينا وروحنا قعدنا في الكافتيريا وحددنا هناكل اي وقومت اطلب ..

_عم حسن اتنين فول واتنين طعميه ومتنساش الشطه والبتنجان الحلو بتاعك مع المخلل ها واحنا قاعدين هنا اهو

_تؤمرى يا ست البنات

_تسلم

ولفت علشان تمشي خبطت في واحد ..

حاله من الصدمه والذهول كانت عيونها هتطلع من مكانها وبدأت دقات قلبها تعلى مش عارفه اي حصلها...

معرفتش تعمل اي حاجه ولا تتكلم كل اللي عملته انها جريت من قدامه على مريم ودا اللى خلاه يبصلها باستغراب ...

_مريم مريم مريم الحقيني شوفته شوفته يا مريم

_هوا مين يا مجنونه

_الفارس

_نعم بتهزري دا بجد

_والله شوفته ولسه خابطه فيه دلوقتي

_طب هوا فين

نور بصت على مكانه ملقتهوش وكأنه اختفى

_كان واقف هناك

_لا دانتى شكلك بيتهيألك بس من كتر التفكير فيه

_مش عارفه بس متأكده انى شوفته

_طيب يلا علشان نفطر ونلحق المحاضره..

حسيت انها مش مصدقانى مهو حقيقي كلام ميعقلش بس انا متأكده انى شوفته!

فطرنا وبعدها لقينا حركه غريبه في الكليه وخصوصا البنات كلهم كانو على سنجة عشره وكل واحده فيهم عماله تظبط نفسها وشكلها حسيت ان مش دكتور مجدي لا اللي هيدينا..

_هوا في اي

مريم: استنى اعرف

مريم راحت لبنت من الدفعه وسألتها

نور:في اي

_اصل يا ستى دكتور مجدي في مؤتمر وهيدينا بداله دكتور تاني وبيقولو عليه أنه حديثي التخرج ولسه جديد يعنى شاب وكدا وانتى عارفه البنات لما بتصدق..

_امممم قولتيلي شكلها ليله فل لا احنا نقعد في البنچ الاخير بقى علشان نضحك براحتنا .

_ههههه على رايك

.دخلنا وقعدنا بالفعل في البنچ الاخير وبعد شويه السكوت عم عالمكان ودخل الدكتور

مريم:ينهار ابيض يخربيت حلاوته

أنا كنت في عالم تاني مش معقول حلمى بيتحقق قدامى كدا يا تري بقى هوا كان بيحلم بيا زي منا كنت بحلم بيه!!

بدأ يعرف نفسه:أنا دكتور يحيي هدرسلكوا بدل دكتور مجدي اتمنى تكون فتره لطيفة بينا وميحصلش مشاكل ..

وبدأ يشرح وانا مكنتش معاه كنت في عالم تاني سرحانه فيه وفي اسمه وفي شكله وفي كل تفاصيله..

لقيت مريم بتذغدتى:فوقى يخربيتك الدكتور خد باله

_احم احم في اي

_انتى مش شايفه شكلك اي نسيتى بتاع الحلم

_ما هوا دا يا مريم بتاع الحلم

مريم علت صوتها لدرجة أنه وصل للدكتور:بتهزررري

لقيته وقف شرح وبصلنا وبالأخص ليا انا:اخر تحذير يا انسه انتى وهى

مريم:اسفه يا دكتور..

_تمام..

كملنا المحاضره وانا لسه على ذهولى

المحاضره خلصت والكل خرج ومفضلش غيري انا ومريم ..

نور:أنا متأكده أن هوا يا مريم صدقيني هوا

_مصدقاكي يا بنتى بس أهدى

_انا مكنتش متخيله انى هقابله هنا والسرعه دي اكيد دي اشاره من ربنا صح يا مريم

_اكيد

_بس باين عليه ميعرفنيش معقول مكنش بيحلم بيا زي مانا كنت بحلم بيه

_يبنتى ما هوا هيعرفك منين انتى نفسك اول مره تشوفيه دلوقتي

_صح

طب هفضل كدا مياخدش باله منى ولا يعرف أنى مستنياه

_لا طبعا لازم هيعرف وانا عندي ليكي الخطه

_اي هى

_بصي يا ستى..

رواية الحب الروحاني الفصل الثاني

يحيي روح البيت

_انت جيت يا يحيي

اتنهد بتعب :ايوا يا امى خير

_كنت عوزاك في حاجه

_لو هتتكلمى في موضوع احلام فانا بقولك اقفلى على الموضوع علشان مبقاش في كلام في الموضوع دا

_يا ابنى البنت بتحبك وشارياك وانت مش هتلاقى زيها

يحيي اتنهد بخنقه:لا يا امى في وفي أحسن منها كمان أنا مش بقلل منها بس هى مش استايلى ولا نوعى المفضل ولا لبسها ولا اسلوبها يخلونى اموت فيها يعنى يمكن هى تكون الواو عند حد تانى لكن مش عندي أنا وارجوكي يا امى متتكلميش معايا في الموضوع دا تاني أنا لما هحب اتجوز هقولك ومش هتكون احلام نهائي تمام وباس راسها ودخل اوضته...

_ربنا يهديك يا ابنى وينورلك طريقك ..

يحيي دخل اوضته وتاه بين زكرياته وحياته اللي اتشقلبت من يوم وفاتها ..

طلع صورة من الدرج بتاع الكومدينو وافتكر اللي حصل من اربع سنين..

لما كان في رابعه كليه وهى كانت في أولى كان رئيس اتحاد الطلبه مينكرش أنه من اول يوم شافها فيه اعجب بيها وبطريقة لبسها وشكلها لما شافها تايهه استغل الوضع وراح ناحيتها علشان يكلمها أو عالاقل يتعرف عليها..

عرفها أنه رئيس اتحاد الطلبه وبدأ يساعدها والغريب أنه كان أول مره ينجذب لبنت كدا اتعرف عليها وبدأوا يبقوا أصحاب ممكن من ناحيتها هى لكن من ناحيته الموضوع قلب معاه بحب ايوا حبها حب رقتها طريقتها لبسها هوا مش محتاج يعدل فيها اي حاجه هى بالنسبة ليه كانت كامله متكامله وفي يوم كان مقرر يعترفلها بمشاعره اللي خلاص بقى شبه متأكد منها ..بس في اليوم دا صحى من النوم على صدمة لجمته وخلته سجين الالامه صحى على خبر وفاتها لقى اصحابها منزلين بوست أنا اتقتلت ومش عارفين مين اللى قتلها ولا اي السبب وهو كان زيهم بالظبط ميعرفش حاجه ولحد دلوقتي ميعرفش السبب والغريب أنه مكنش عارف بيتها ولا يعرف عنها حاجه ولما جاب عنونها وقرر يروح يعزي اهلها لما راح اكتشف أنهم عزلوا ومحدش عارف مكانهم ولما سأل الجيران محدش فادوا باي حاجه غير انهم كانو ناس كويسين وسارة كانت محترمه وميعرفوش برضو مين اللي قتلها..

ولحد دلوقتي برضو بيبكي عليها وعلى فراقها

_وحشتيتي اوي يا سارة ...

عند نور كانت بتتكلم مع مريم في التليفون

_عرفتى هتعملى اي

_اه عرفت هطلعله في كل حته

_لا مش كدا احسن يتخض منك خليها كل مره بحجه يا دكتور أنا مش فاهمه دي يا دكتور مش عارف اي انتى فاهمه

_اه فهمت خلاص بقالك تلات ساعات بتفهميني يخربيتك كلتى ودانى أنا هروح انام

_روحى يختى ربنا يستر اصلى عرفاكى هبله

_تشكري سلام

قفلت معاها وبعدين نامت وهى على وشها ابتسامه جميله وهى بتفتكره وبتفتكر شكله وملامحه

_يا ترى كنت بتحلم بيا زي ما بحلم بيك هيييح بس طلعت في الحقيقه احلى حلو احنا الاتنين كابلز يحيي ونور نجنن..

فضلت تتخيل نفسها وهى معاه وبترسم احلام ورديه كتير لحد ما راحت في النوم ..

تانى يوم روحت الكليه وانا في دماغى انفذ الخطه الجهنميه اللى مريم قالتلي عليها ربنا يستر بقى..

اول ما وصلت شوفته وهوا لسه داخل من الكليه قد اي هوا هادي قد اي هوا جاد قد اي هوا لذيذ افتكرت وقتها مريم وهى بتقولى

_لازم تطلعيله في كل حته فاهمه..

_فاهمه فاهمه ..

لقيت رجلى وخدانى ناحيته عملت نفسي مش واخده بالي وخبطت فيه ووقعت الكتب..

اي دا اي دا اي اللي حصل دلوقتي دا دا سابنى ومشي معقول !!اي البنى ادم دا بقى أنا كنت متخيله لحظه رومانسيه يقوم يسيبنى ويمشي كدا!!!

طيب يا مريم والله لاوريكى...

افتكرتها تاني:يبنتى لو تجاهلك عادي ودا المتوقع ادخلى بقى من حته مش فاهمه الحته دي يا دكتور..

_صح عندك حق..

اتنهدت وقومت روحت على المكتب بتاعه..

خبطت واذنلى بالدخول..

دخلت :احم حضرتك فاضي

بصلي:عوزا اي يا انسه .

لقيت نفسي بفتح اي صفحه في الكتاب وبقوله:حضرتك أنا كنت بذاكر وكدا واكتشفت انى مش فاهمه الصفحه دي ممكن حضرتك تفهمهالى

بصلي بجديه:تمام في المحاضره ابقى فكرينى واشرحهالك انتى وزمايلك حاجه تاني؟

بلعت ريقي بتوتر وانا حاسه باحراج هزيت راسي بلا لقيته بيشاورلى على الباب خرجت وانا قفايا يقمر عيش منك لله يا مريم...

افتكرت مريم وهى بتقول:لو مجتش معاكى بالشرح وكدا ابداي انك تجمعى عنه معلومات

_ازاي

_راقبيه اعرفي بيحب اي بيكره اي ساكن فين

_حلوة دي علشان اعرف شقتى وكدا وأشوف حماتى

_صح

وبالفعل خلصت اليوم وطبعا مريم مجتش علشان باباها كان جاي من السفر واستنيته لحد ما خرج من الكليه وركب العربيه بتاعته وخدت تاكس ومشيت وراه وبدأت اكتب في النوته الحاجات اللي عرفتها عنه..

١.بيحب القهوة الساده

٢.بيحب الالوان الغامقه بقاله يومين بيلبس اسود والصراحة بيبقى شكله حلو فيه ..

٣.بيكره التعامل مع الجنس الآخر وانا بقى اللي هخليه يحبنى أنا بس من الجنس الآخر .

٤.غامض وجد جدا ودي احلى حاجه فيه بص أنا هتجوزك يعنى هتجوزك...

لقيته وقف تحت عماره قمت وقفت التاكسي نزل وطلع العماره ..

_هوا اكيد ساكن هنا بس يا تري في الدور الكام ..

نزلت بصيت على العماره:يا تري بقى هوا ساكن في الدور الكام ولو اتجوزته هنقعد مع أمه ولا لوحدنا ولا هوا عايش لوحده ولا عنده اخوات ولو قعدنا لوحدنا هيجيبلى شقه هنا ولا في التجمع الخامس..

_انتى بتعملى اي هنا

فقت من شرودى على صوته لقيته واقف وباصصلي باستغراب

_انتي واقفه بتعملى اي

_ها ها ولا حاجه يا دكتور انت اي نزلك اقصد اي جابك هنا أنا جايه لوحده صحبتى

بصلى بغموض وقالي:تمام وقرب من عربيته وركبها ومشي..

_معقول العماره دي مش ساكن فيها طيب طالما مش ساكن فيها كان بيعمل اي هنا لا لا أنا لازم اعرف عااااا مصيبه ليكون متجوز منك لله يا مرالروحان

رواية الحب الروحاني الفصل الثالث

نور روحت البيت بعد ما حست أن كل اللي بتعمله دا ممنوش فايده وان الشخص دا سبب ظهوره قدامها إشارة على حاجه معينه وسبب أنه بيظهر في أحلامها حاولت تربط اي حاجه ببعضها لكنها حست نفسها انها تايهه..

دخلت البيت ولقتهم كلهم متجمعين على غير العاده مامتها وباباها واخواتها وكأنهم منتظرينها..

نور :اكيد في حاجه ورا التجمع العائلي اللي مبيحصلش الا كل سنه مرة دا..

وبصت لاختها الحامل :وانتى يا ميار اي مخليكي سايبه بيتك وجايه هنا اكيد في مصيبه اصلك مبتجيش الا في المصائب..

الام:نور!بطلي هزار واتكلمى جد شويه

الاب:سماح ممكن تسكتى انتى وانا هتكلم معاها .

نور بصتله باستغراب:تتكلم معايا في اي يا حاج انت ناوي تتجوز على الوليه دي ولا اي لو ناوي فأنا موافقه..

الاب ضحك وقرب منها:نور انتى دلوقتي كبرتى وبقيتى ناضجه وفاهمه وانتى اصغر بناتى ومليش غيركم يا نور انتو واختكوا الله يرحمها ..

_انت لسه مصمم أن اختى ماتت لسه معتقد الكلام دا لسه حاسس انها ماتت

_لا يبنتى ماتت وانتى لازم تفوقى من الوهم دا دا حتى النهارده الزكري السنويه لوفاتها وانتى لازم تيجي معانا يا نور انتى بقالك اربع سنين مش مصدقه..

نور بصتله وقالت بعصبية :أنا قولتلك كتير يا بابا أن اختى مامتتش انت لى مصمم تفكرنى يا بابا اختى مامتتش أنا عارفه انها مسافره وجايه تاني وقريب اووي أنا واثقه في كدا وهفضل مش مصدقاك لحد ما اشوفها بعيني واثبتلكوا أن سارة مامتتش يا بابا سارة مامتتش وبدأت تعيط وتنهار ابوها قرب منها وحضنها..

_اهدي يا نور اهدي يا بنتى للاسف دا أمر واقع ولازم نستسلم ليه والام قربت منهم وحضنتها هى كمان واخواتها البنات كانو واقفين بيعيطوا على اللي بيحصلهم واللي حصلهم بالفعل فراق أختهم وتعب اختهم التانيه اللي كانت بتعتبرها اكتر من امها كانت ساره ليها كل حاجه علشان كدا مش مصدقه أن كل دا حصل وأنها سابتهم ومش راجعه تاني...

الاب:أنا آسف أنا آسف انى مقدرتش احميها منهم ولا قدرت اكون الاب القوى اللي بتتمنوه أنا كنت أضعف من كدا بكتير هربت بيكو علشان تعيشوا أنا آسف انى مقدرتش احميكوا واكون ليكو الامان والضهر أنا آسف يا نور أنا السبب في كل دا آسف يا بنتى ...

البيت كله قلب عياط ووجع على حاجات عدى عليها سنين بس كانت كفيله انها تقطم ضهرهم مدي الحياة ...

فراق اختهم اللي كانت بالنسبه ليهم وبالأخص نور اكتر من آلام مع انها كانت اصغر منهم لكن. كانت متحمله اي حاجه وكانت أهدى واحده فيهم واحن واحده فيهم وعمرها مزعلت حد ولا ضايقت حد فيهم ويشاء القدر انها تتقتل وقدام عين ابوها وكسره اكتر أنه مقدرش يعملها اي حاجه ...

نور:بس بس ساره ساره لسه عايشه يا بابا صح ساره لسه عايشه انت خدتها من البيت علشان تحميها صح هى فين قولى على مكانها وانا مش هقول لحد اوعدك ..

الاب غمض عينيه بكسره وهوا بيفتكر اسوأ يوم في حياته اليوم اللي حول حياتهم كلها لجحيم يوم وفاة بنته اللي كسره وكسرهم كلهم وغير كدا مكنش عارف يجيبلها حقها من اللى عمل كدا وارتكب الجريمه البشعه دي لانه خاف على بناته وخاف عليهم ومقدرش يعمل حاجه غير أنه يعزل من المكان اللي كانو ساكنين فيه وراحوا حته تانيه ...

نور:رد عليا يا بابا ساره عايشه صح قولى ارجوك طمني

الاب بعصبية:سارة ماتت يا نور ماتت وقدام عينى ماتت ومعرفتش اعملها حاجه كنت واقف متكتف ماتت يا نور ماتت ..

نور:انت كداب انت عمرك ما تعمل كدا انت اكتر واحد بتخاف علينا انت عندك استعداد تضحى بنفسك علشانا انت بتهزر..

_يا بنتى فوقى أنا المجرم من هم أنا اللي قتلتها مش هم فوقى بقى .

نور سكتت شويه ودموعها بدأت تنزل في صمت والكل على هذا الحال وفجأه قالت:أنا بكرهك وجريت على الباب ونزلت جري ومشيت..

الاب حاول يوقفها الام مسكته وقالتله:سيبها يا ممدوح هتلاقيها رايحه لمريم لما تهدى هتيجي كل سنه بيحصل نفس الموقف دا..

_انا مش عارف هى لى بتعمل فيا وفى نفسها كدا أنا خايف عليها تضيع منى هى كمان..

_متخافش هتبقى كويسه يلا بقى علشان نروح نزور سارة

_يلا يلا يا بنات..

الكل مشي وراحوا المقابر علشان يزورو سارة ...

عند نور..

_طيب ممكن تهدي ممكن

_كل سنه بيفكرونى يا مريم كل سنه اليوم دا بيبقى اسوأ يوم في حياتى لى حصل كدا لى يكون بابا هوا المجرم في عين نفسه في عيني لى اللى عمل كدا ميتحاسبش لى

_يا نور أهدى باباكى ملهوش اي ذنب واللى عمل كدا اكيد باباكى مكنش قادر يحميها من ايديه

وانتى مش لازم تحطى الحق عليه ولازم تتقبلي الموضوع أن سارة ماتت وتحاولى تفوقى وتقريلها الفاتحه وقرأن حسسيها انك بتحبيها فعلا وانك موجوده..

نور دموعها نزلت:كانت بالنسبة ليا كل حاجه يا مريم كل حاجه ياريتنى كنت كبيره كفايه انى اقدر احميها ياريتنى كنت مكانها ياريت ..

_بعد الشر امال مين اللي كان هيحلم بالدكتور الحليوه دا ومين اللي هيتجوزه ها

_شكل دا كمان هيطلع وهم في الاخر وهفوق من الحلم قريب..

_لا متقوليش كدا أكيد في حاجه او رابط بينكم ولو مبانش النهارده هيبان بكرا وبصي بقولك اي أنا جعانه وماما عامله سبانخ وانا مبحبهاش فتعالى نطلب بيتزا أكلتك المفضله ها اي رايك

_مليش نفس

_بصي بقولك اي انتى طالما قررتى تقعدي عندي النهارده فلازم تشاركينى كل حاجه ها اطلبلك اي

_فراخ

_اشطا..

_مريم

مريم بصتلها ونور قالت:شكرا انك في حياتى بجد مش عارفه من غيرك كانت هتكون حالتى عامله ازاي شكرا يا مريم

مريم ابتسمت وقربت منها وحضنتها:متقوليش كدا احنا اخوات يا بت..

_اجمل اخت في الدنيا وضحكوا مع بعض وهزروا واكتشفت في اليوم دا أن مريم اجمل حاجه حصلتلى في حياتى بعد ساره اختى

مريم طلبت البيتزا وكلنا وكانت مريم بتعمل كل حاجه علشان ترسم الضحكه على وشي بجد مش عارفه اشكرها ولا اقولها اي بس هى اكتر حد جدع في حياتى..

_عارفه يا مريم مع أن كل قراراتى غلط بس انتى احسن قرار خدته في حياتى

_اللي هوا

_انك تكونى صحبتي..

قضينا بقيت اليوم مع بعض واخواتها الصغيرين جهم من الدروس وقعدنا معاهم شويه وبعدين نمنا ...

عند يحيي..

_انت صاحى يا يحيي

_ايوا يا امى تعالى..

قعدت جنبه:مش ناوي تقولى اللي غيرك كدا

_تانى يا امى تاني مفيش حاجه غيرتنى هوا علشان رافض الجواز ابقى متغير!

_لا اصلك مش طبيعي انت عندك ٢٧سنه يعنى قافز على التلاتين مش معقول مفيش بنت دخلت حياتك ولا في بنت اعجبت بيها أنا مش فاهمه مالك

_يووووه أنا حابب اكون لوحدي انتى لى مصممه تضايقينى..

_علشان انا حاسه أن فيك حاجه وكل يوم حابس نفسك ولا بتخرج ولا بتكلم حد حتى اخوك زعلان منك انك مش بتكلمه مع انك الكبير والمفروض تسأل عليه علشان هوا في غربه ومبقاش عندك صحاب حتى ابن خالتك اللي كنت مفكراه اقرب حد ليك انت مبقتش تكلمه ممكن افهم اي اللي غيرك كدا..

_حاضر يا ماما هبقى اكلم يوسف تمام مش دا اللى مزعلك ممكن بقى تقفلي الموضوع دا انا بس مخنوق شويه وهبقى اجي أنا أتكلم معاكى ممكن

_انا زعلانه عليك يا ابنى نفسي اتطمن عليك بقى

مسك ايديها وباسها:اتطمنى يا ست الكل أنا كويس بس هوا أنا بس تعبان شويه وحابب اكون لوحدي النهارده ممكن..

‏_ماشي يا ابنى لما اشوف اخرتها..

خرجت وطلع الصورة بتاعت سارة وبدأت دموعه تنزل عليها وعلى فراقها:وحشتيني اووي يا سارة وحشتيني اووي يا حبيبتي..

تاني يوم صحى ومشي قبل ما أمه تتكلم معاه ووصل الجامعه وبرضو شاف نفس البنت اللي شافها امبارح..

*أنا مش عارف اي البنت دي غريبه اووي

مريم:فرصتك النهارده يا ستى لازم تعرفى هوا متجوز ولا لا انتى فاهمه..

نور:حاضر بس انتى هتيجي معايا

_ماشي عالاقل علشان متعكيش الدنيا زي امبارح..

اليوم خلص وهوا ركب عربيته ونور ومريم وراه ..

وصل نفس العماره وطلع.

مريم:يلا اطلعى وراه شوفيه بيطلع أنهى دور..

_متأكده

_ايوا يلا اخلصى.

وبالفعل نور طلعت وراه بس على السلم وبدأت تستخبى لما شافت الاسانسير بيقف وهوا بيقف قدام شقه وبيتنهد وبيفتها وبيدخل وبيقفل الباب نص قافله وراه ..

نور انسحبت ووقفت قدام الباب وبعدين سمعت صوته وهوا بيكلم حد..

_وحشتيني اووي نفسي اشوفك تاني ارجعيلي بقى يا حبيبتي أنا منستش امبارح كان زكرى اليوم اللي انحرمت منك فيه وحشتيني اووي يا حبيبتي وحشتيني اووي يا ساره ..

نور اول ما سمعت الاسم غمضت عينيها وهى بتستوعب ومخدتش في بالها وقالت يمكن تشابه اسماء وبرضو علشان تتأكد حاولت انها تفتح الباب شويه بهدوء علشان تشوف الصور اللي كانت متعلقه بوضوح ..

بس فجأه لقت اللي بيفتح الباب وواقف قدامها وبلعت ريقها بتوتر وانصدمت من اللى شافته..

نور بانهيار:......

رواية الحب الروحاني الفصل الرابع

_وحشتيني اووي نفسي اشوفك تاني ارجعيلي بقى يا حبيبتي أنا منستش امبارح كان زكرى اليوم اللي انحرمت منك فيه وحشتيني اووي يا حبيبتي وحشتيني اووي يا ساره ..

نور اول ما سمعت الاسم غمضت عينيها وهى بتستوعب ومخدتش في بالها وقالت يمكن تشابه اسماء وبرضو علشان تتأكد حاولت انها تفتح الباب شويه بهدوء علشان تشوف الصور اللي كانت متعلقه بوضوح ..

بس فجأه لقت اللي بيفتح الباب وواقف قدامها وبلعت ريقها بتوتر وانصدمت من اللى شافته..

نور بانهيار:دى دى دى صور سارة دي سارة صح هى معاك هنا انت تعرفها منين ها ..

يحيي باستغراب وعصبيه:انتى اي جابك هنا وانتى تعرفي سارة منين وكمان جايه ورايا انتى بتراقبيني..

نور زقته ودخلت تدور على سارة على أمل انها تشوفها :سارة سارة سارة ردى عليا أنا نور اختك ..

يحيي انصدم لما سمع انها اختها ونور بدأت تعيط بصوت.عالى يحيي قرب منها :ممكن تهدى أنا بس عاوز افهم انتى اخت سارة فعلا واي السبب انك بتيجي ورايا في كل حته كدا ..

نور:سارة عايشه صح

يحيي:ياريت

_امال جبت الصور دي منين انت اللي قتلتها صح انطق انت عملت فيها اي فين سارة لى تحرمنى منها لى..

يحيي بعصبية:ازاي اقتل حبيبتي انتى مجنونه ازاي اقتل اكتر انسانه اتمنتها..

نور بصدمه:انت انت انت كنت بتحب سارة

يحيي:للاسف مكنتش بحبها بس انا كنت بعشقها ولحد النهارده مش قادر افوق ولا قادر انسى زكرياتها ولا انساها محدش قدر يملا قلبي غيرها ..

نور كانت مصدومه :طب طب انت انت لى كنت بتظهرلي لى كنت بتيجي فى احلامى لى ..

_مش فاهمك

_مش ضروري أنا لازم امشي..

ولسه هتمشي وقفها صوته:استنى أنا لما صدقت عرفت حد من عيلتها

نور:عاوز اي

_عاوز اقابل والدك عاوز اعرف اي اللي حصل ومين اللي عمل كدا ..

نور ابتسمت بسخريه:على اساس أننا نعرف على اساس ان بابا هيفيدك بحاجه انت متعرفش حاجه

يحيي:ازاي يعنى أنا اه معرفش حاجه بس اللي اعرفه انكوا عزلتوا بعد اللي حصل ومكنتش عارف اوصلكوا ودورت عليكوا كتير أنا عاوز اعرف مين بالظبط اللي حرمنى منها مين اللى وجع قلبي السنين دي كلها ..

نور:أنا اسفه مش هقدر اساعدك وانا اسفه على انى كنت باجى وراك واسفه انى ضايقتك ..

يحيي:ارجوكي ساعدينى اوعدك انى مش هنسالك الجميل دا ساعدينى اجيب حقها

نور:هتعرف

_اوعدك

_طب تعالى معايا ..

نزلوا وكانت مريم واقفه وانصدمت لما شافتهم وهم نازلين مع بعض..

_انا قولت البت دي هبله وهتودينا في داهية طيب اهرب فين ولا اروح فين ياربى..

منك لله يا نور الكلب..

يحىى ونور قربوا منها

مريم قربت منها وهمست:يخربيتك يا بت انتى بتهببي اي انتو لحقتوا..

نور:هبقى احكيلك بعدين واهدى علشان مياخدش باله من حاجه

يحيي قرب من عربيته وركب واستناهم..

نور:تعالى معانا

مريم:نور أنا مش متطمنه انتى عملتى نصيبه صح

_يبنتى هى نور دائما كدا مش بتعمل الا مصائب ممكن تيجي معانا وهبقى احكيلك بعدين ولا اسيبك وامشي..

_طيب لما نشوف اخرتها..

ركبوا ونور وصفتله البيت ووصلوا..

مريم بهمس:انتى جايباه يطلب ايدك ولا اي في اي..

_يبت أتهدى بقى احسن والله ارميكي من هنا...

يحيي :في حاجه..

نور:لا لا مفيش حاجه احنا وصلنا اهو استنى بقى اشوف بابا فوق ولا لا وتقولك

هز رأسه بصمت وبعدين مريم نزلت وطلعت ورا نور

_انتى هتحكيلي في اي ولا ارقع بالصوت..

نور بدموع:يحيي طلع يعرف ساره وطلع بيحبها وهى كمان كانت بتحبه يا مريم..

مريم قلبها وجعها على صحبتها وقربت منها وحضنتها:يا روحى أنا اسفه أنا اسفه على كل اللي بيحصلك دا

_دلوقتى يا نور عرفت السبب ورا أنه بيجي في احلامى دا اللى جاي عاوز ياخد حق سارة يا مريم وعاوز يعرف مين السبب في كل اللي حصل وبابا الوحيد اللي عارف كل حاجه..

_ارجوكي متزعليش يا نور اكيد ربنا شايلك الاحسن

_يبنتى أنا مش زعلانه بالعكس أنا فرحت أن سارة كانت بتحب وحبيبها دا مخلص ليها لحد دلوقتي وعاوز يجيب حقها أنا مبسوطه أن ساره كانت قلبها متعلق بحد والحد دا عرفته اهو وهو مصمم أنه يقابل بابا وعاوز يجيب حقها ..

_يارب يا نور يارب ...

طلعوا ونور قالت لباباها أن في حد عاوز يقابله ونور نزلت ليحيي وقالتله يطلع..

يحيي لما دخل البيت حس بحاجه غريبه شاف صورها متعلقه مع اخواتها على الحيطه وقد اي كانت جميله وسطهم كانت ورده مفتحه سرح شويه في زكرياته معاها..

Back

_تعرفي انك زي الوردة..

_ازاي

_امممم رقتك وجمالك وخدودك اللى زي حبتين الكريز واللي بيبقوا زي الفراوله لما بتخجلى منى بحس انى امتلكت العالم يا سارة لما تضحكيلي نفسي بقى يجي اليوم اللي اقف قدام الناس كلها واقول خلاص سارة بقت بتاعتي ساره بقت بتاعتي أنا وبس

سارة طلعت من ايديها سلسله:امسك دي

_اي دي

_دي سلسلة علشان تفتكرنى دائما حتى في احلامك أنا بقولك اهو

_انا مش محتاج سلسلة تفكرنى بيكي انتى ساكنه قلبي من غير اي حاجه ومش محتاج سلسله علشان تفكرنى بيكي

_طيب ألبسها بس يا يحيي واوعدنى انك مش هتقلعها ابدا..

لبسها:خلاص لزقت هنا مش هقلعها عمري

_بحبك

_وانا كمان بحبك..

End back.

فاق من شروده على صوت ابو نور ..

_ازيك يا ابنى ..

يحيي:احم ازيك يا عمى أنا يحيي كنت زميل سارة في الجامعه ودورت عليكوا كتير بس انتو عزلتوا من البيت القديم..

الاب:اهلا يا ابنى تعالى اتفضل..

قعدوا

_بس ساره مكنتش قايلالى انها كانت ليها أصحاب وكدا

_احم مهو احنا مكناش أصحاب بالمعنى الحرفي احنا احنا

_كنت بتحبها..

يحيي هز رأسه:ايوا أنا مكنتش بحبها بس ساره كانت كل حاجه في حياتي

_فى حياتنا كلنا يا ابنى

يحيي قرب منه:علشان كدا يا عمى كنت محتاج مساعدتك علشان اجيب حقها

الاب وقف:وانا مش هقعدر اساعدك يا ابنى الموضوع اتقفل من زمان

يحيي:طب انت لى مش عاوز تجيب حقها انت كدا بتساعد اللي عمل كدا ..

الاب:انت ملكش الحق انك تقول كدا هي بنتى أنا وانا غلطان انى دخلتك بيتي يلا اتفضل برا..

نور كانت واقفه جوا وسامعه كل حاجه..

خرجت ..

قالت بصوت عالى:انت لى بتعمل كدا انت لى انانى كدا أنا بكرهك بكرهك يا بابا انت مجرم ..

الاب قرب منها وضربها بالقلم و...

رواية الحب الروحاني الفصل الخامس

قالت بصوت عالى:انت لى بتعمل كدا انت لى انانى كدا أنا بكرهك بكرهك يا بابا انت مجرم ..

الاب قرب منها وضربها بالقلم

نور بصتله بعدم تصديق وصدمة دا غير يحيي اللي كان واقف مصدوم من اللى حصل وامها اللي جت على الصوت من جوا ..

نور بدموع:انت بتضربني يا بابا ..

الاب بعصبية:واكسرلك دماغك لو سمعت منك الكلام دا تاني وانا اللي عندي قولته ومش عاوز اسمع اي سيرة عن الموضوع دا نهائي سارة بنتى زي ما هى اختك وانا بعمل كل دا لمصلحتكوا انتى فاهمه .

وبص ليحىى:أنا آسف يا استاذ أنا مش هقدر اساعدك طلبك مش عندى ..

ودخل وسابه ويحيي بص لنور بشفقه على دموعها اللي نازله على خدودها بصمت ..

قرب منها:أنا آسف يا نور

نور:أنا اللي اسفه لانى ضعيفه ومش عارفه اساعدك ولا عرفت اساعدها زمان …

يحيي:انتى ملكيش ذنب يا نور اللي عمل كدا صدقيني هيعاقب وعلى يدي أنا واثق أن والدك مش راضي يتكلم علشان في حاجه منعاه أنه يتكلم أو خوف عليكوا ودا اللي خلاه يهرب من زمان ف ارجوكى يا نور بلاش تضغطى عليه هوا باين أنه شايل حمل تقيل اووي فمتكونيش انتى وهوا عليه ..

_وعليه من دا بايه..

يحيي بص على الصورة اللي بتجمعهم كلهم وشاور عليها.

_علشان معندهوش استعداد يخسر باقي عيلته مش عاوز يتحرم منكوا كفايه انحرم من واحده ..

واتنهد بتعب وقال..

_نور هاتى رقمك علشان ابقى اتطمن عليكوا واتواصل معاكى لو احتاجت مساعده وانا لسه على وعدي ليكي انى هجيب حق سارة ..

نور عطته رقمها ويحيي مشي …

الام:مين دا وفي اي..

نور ببرود:مفيش ودخلت جوا ..

قعدت شويه وفكرت في كلام يحيي وفعلا استنتجت أن باباها بيعمل كل دا علشان يحميهم..

قامت ودخلتله الاوضه..

فضلت واقفه شويه وهوا كان بيصلي..

خلص وبعدين قربت منه وقعدت قدامه بصلها ومن غير كلام شدها لحضنه..

نور:أنا اسفه يا بابا..

_متتأسفيش يا قلب بابا أنا اللي آسف انى معرفتش احميها واسف انى مديت ايدي عليكي يا حبيبتي …

نور:خلاص عفوت عنك وضحكت اي رايك اعملك صنيه بسبوسه من ايدي الحلوة دي …

ابتسم :والله مافى حد مهون عليا الايام غيرك انتى وأخواتك لولاكو مكنش كل دا حصل يبنتى أنا مقهور عليها اكتر منكو بس خوفي عليكو مانعني من حاجات كتير اووي كانت لازم تحصل..

_انا عارفه يا بابا علشان كدا أنا مش عوزاك تزعل منى وعارفه انك مستحمل فوق طاقتك أنا اسفه انى جيت عليك

_خلاص بقى بطلى نكد ولا انتى بتحبي النكد زي امك فين البسبوسه..

ابتسمت له:هوا يا عسل انت وباسته من خده وقامت ..

في بيت يحىى..

وصل وكانت أمه بتكلم في التليفون ..

_اه اهو جه اهو..

تعالى يا يحىى كلم اخوك..

يحيي قرب ومسك التليفون:هتيجي امتى يا عجل..

يوسف:لما اخلص المهمه الفقر دي يا اخويا الاول انا مش عارف كنت انتصيت في عيني قبل ما ادخل شرطه..

يحيي:كان لازم يكون واحد في العيلة كدا عشان يبقى لينا ضهر..

وجه في باله موضوع سارة..

_في موضوع كنت عاوزك فيه كدا ومفيش غيرك هيساعدنى..

يوسف:أنا عارف المصالح دي اي مزه ولا اي

_بس يلا تعرف حد في التحريات وكدا

_يا مصيبتى البت اتمسكت في اداب ولا اي

_يوسف!

_خلاص خلاص يا عم اه اعرف لى..

_هبعتلك اسم وعاوزك تعرف عنه كل حاجه هتعرف ولا هعطلك؟

_الصراحه هتعطلنى

_طيب ماشي هبعتلك الاسم وعلى بكرا تجيبلي كل حاجه عنه ولو موصلش اللي قولتلك عليه ابقى افتكر هيحصل فيك اي ..

وقفل في وشه…

يوسف :هوا قفل في وشى ولا بيتهيألى..

بعتله رساله:اه قفلت في وشك والاسم اهو .

يوسف :سلام قول من رب الرحيم اي يا عم ..

يحيي:ابقى سلملى على قفاك يا يوسف ..

_خلاص والله خلال ٢٤ساعه كل حاجه هتكون عندك

_ايوا كدا..

يحيي قعد واتنهد بتعب وهوا بيفتكر احداث اليوم كله اللي كانت كفيلة تخليه متعب مدى الحياة..

_يا تري الايام مخبيه اي تاني وانتى يا سارة اي السر ورا قتلك يا حبيبتي …

عدى اليوم وتانى يوم نزل الجامعه ولمح نور وهى قاعده مع مريم بياكلوا وبيضحكوا مع بعض ساعات بيستغربها انها رغم الحزن اللي جواها لكن مش بتبينه ومتعايشه معاه وبتقدر تستمتع بكل لحظه بتعدي عليها زي ما بيقولوا كدا بتعرف تنظم الوقت بين الفرح والحزن وغيره .

قرب منهم:صباح الخير..

نور بصتله :صباح النور تفطر خد ساندوتش طعميه إنما اي اخر حلاوة..

بصلها باستغراب وهى قامت وقفت ومدت ايديها بيه..

_خد ومتكسفش ايدي

للحظه افتكر ساره طريقتها كانت نفس طريقة نور في الكلام واحيانا الأفعال فيها شبه كبير منها ابتسم وخد منها الساندوتش وشكرها ومشي..

وهى فرحت اووي وبصت لمريم اللي غمزتلها

_شكلها السنارة غمزت..

نور بصتلها بقرف:اسكتى يا مريم اسكتى واطفحى وانتى ساكته

_مش عارفه أنا فيها اي انه يحبك وانتى تحبيه..

_وانا مرضاش انى اخد مكان اختى يا مريم هيفضل طول عمره يقارن بيني وبينها مش عوزا اتحط في مقارنه معاها بمعنى اصح مش عوزا اغير منها ..

_عندك حق بس لو دا حصل غصب عنك مش بايديكي..

_هيبقى نصيبي يا مريم وكل اللي أنا عوزاه دلوقتي انى اجيب حق ساره يا مريم..

_ان شاء الله هيحصل متقلقيش يا قلب مريم

_يارب يا مريم يارب..

عند يحيي كان قاعد في مكتبه وبص على الساندوتش اللي قدامه وابتسم غصب عنه ومسكه وبدأ ياكل فيه..

سرح في زكرياته.

Back

_امسك يا سيدي الساندوتش بتاعك اهو زي مابتحبه

_اممم الله تسلم ايدك يا حبيبتي

_يا اي

_حبيبتي

_كح كح كح بطل بقى يا يحيي هوا الساندوتش دا فيه حاجه ولا اي..

_لا مفيهوش حاجه وانا فعلا بحبك بحبك بجد يا ساره ومستنى اليوم اللي هخلص فيه علشان اجى اخطبك

ابتسمت بخجل:اممم وانا مش هوافق..

_لى

_علشان انت دائما بتتعمد تكسفنى كدا..

_اسف يا يا ذات حبتا الكريز

ابتسمت :خلاص موافقه

_يعنى بتحبيني..

هزت راسها باه

_وانا كمان بحبك يا وردتى..

End..

قاطع شروده رساله على تليفونه من اخوه يوسف..

فتح الرساله واتصدم من اللى شافه..

_تاجر مخدرات!!!

رواية الحب الروحاني الفصل السادس

_كان بيشتغل مع اكبر تاجر مخدرات

اتصدم من اللى شافه واتصل بيوسف علشان يتأكد من الكلام دا..

_انت يا زفت واثق من الكلام دا..

_ايوا أنا اصلا مش فاهم اي علاقتك بالراجل دا ،كان بيشتغل مع جمال الزرزاري ودا من اكبر تجار المخدرات في العالم وعنده شركات بيستثمرها في تهريب المخدرات ولحد دلوقتي احنا مش عارفين نقبض عليه ..

_طب واي علاقة ممدوح بيه..

_كان شغال معاه في الشركه يا يحيي هوا الراجل نفسه معلهوش حاجه بس كونه أنه كان في الشركه دي دا نفسه اللي غلط وكان من اقرب الناس ليه لانه كان السواق الخاص بتاعه ،اه وكمان موجود عندك أنه كان عنده بنت واتقتلت لسبب مجهول..

يحيي بلهفه:سارة

_معرفش بس هي اتقتلت بطريقه بشعه للاسف

_ايى!!ازاي!!

_اتقتلت وهى مغت،صبه بس جمال طبعا قدر يخفى كل دا والمحضر كله اتحول لخطف وسرقه واغتصاب وحاجات كتير كدا والكلام دا عرفته من الظابط اللي كان متابع القضيه ، وللاسف ابوها اللي قفل المحضر ومرضيش يتكلم ممكن لأن جمال كان بيهدده أو يمكن ممدوح كان ماسك عليه حاجه كل الي اعرفه ان ممدوح دا مفادناش باي حاجه ودا اللى خلاها اتأيدت “ضد مجهول ”

وبعدها خد عيلته وعزل وساب الشركه يبقى اكيد جمال ليه يد في الموضوع ومش بعيد يكون هوا اللي قتل البنت دي احنا بقالنا سنين بتحاول نوقعه وهوا مش بيقع لانه ذكى جدا وبيحسب حساب كل خطوه بيخطوها وكمان مسنود من بلاد برا ومن ناس عندنا كمان بس صدقنى مسيرهم هيقعوا وعلى ايدي..

مكنش سامع منه حاجه كان مصدوم قلبه بينزف بيتخيل كم المعاناة اللى كانت عايشاها ساره وهوا معرفش ينقذها معقول كل دا حصل!!معقول تموت بالطريقه دي !!!

_ربنا معاك شكرا يا يوسف

_بس انت طلبت معلومات عن الراجل دا لى

_هبقى احكيلك بعدين سلام

قفل معاه وغمض عينيه وهوا مش مستوعب الدوامه اللى هوا فيها حاسس ان الدنيا كلها بتلف بيه..

قال بتصميم:لازم ممدوح يتكلم لازم يقولى اي علاقته بالراجل دا واي دخل سارة في الموضوع..

خرج من المكتب وجري على برا وركب العربيه ومشي تحت نظرات الاستغراب من نور ومريم..

نور:مريم أنا لازم امشي دلوقتي بليل هبقى اكلمك..

مشيت من غير ما تنتظر رد منها ركبت تاكسي

_ورا العربيه السمرا دي يا اسطى..

وصل قدام بيتها واستغربت من وجوده هنا نزلت من التاكسي وطلعت وراه..

خبط الباب وفتحله ممدوح..

_انت تاني..اتفضل من غير مطرود..

لسه هيقفل الباب في وشه:مش همشي الا لما اعرف اي علاقتك بجمال الزرزاري واي دخل سارة بينكوا..

ممدوح اتوتر :انت أنت تعرفه منين واى الكلام اللى بتقوله دا..

_بقول اي علاقتك يا عمى بتاجر المخدرات يا عمى واي السبب ورا قتل سارة …

_قولتلك معرفش حاجه واتفضل بقى..

_مش همشي من هنا الا لما اعرف انت المفروض تساعدنى علشان نقبض على المجرم دا انت لى خايف .

_لما يكون عندك بنات وعيله خايف تخسرها وقتها بس هتحس احساسي .

_انت مش خايف عليهم انت كدا بتأذيهم اكتر وهم على عماهم ومش عارفين مين اللي ورا قتل اختهم

_واي الجديد اللي هيحصل يعنى مهو بقالو سنين

_الحق عمره ما بيضيع انت لى بتأذيها كدا انت لو فضلت ساكت كدا هتبقى انت المجرم الحقيقي..

_اسكت انت متعرفش حاجه .

_لا أنا عارف كل حاجه وعارف الطريقه البشعه اللي ساره اتقتلت بيها..

ممدوح عينيه دمعت :انت قصدك اي

_قصدي أن ساره ماتت مغ،تصبه..

نور كانت واقفه وسمعت كل حاجه دخلت وهوا بيقوله كدا

نور:مغتصبه.يا بابا ..

ممدوح فضل يهز في رأسه بلا

_لا يا نور يا حبيبتي انتى فاهمه غلط

نور بانهيار:انت انت كداب يا بابا وانا عمري ما هصدقك تانى انت كداب كداب..

وفجأه أغمى عليها..

الاب قرب منها وشالها وجري بيها على المستشفى ويحيي معاه وصلهم بالعربيه بتاعته..

ممدوح:انت السبب في كل دا انا مش عارف انت طلعتلى منين.

_للاسف كل حاجه بتحصل دلوقتي انت السبب فيها ولو فضلت ساكت اكتر من كدا هتخسر بنتك بسبب عندك دا..

وصلو المستشفى..

يحيي نزل بسرعه:دكتور بسرعه..

خدو نور اللى مغمى عليها وباين على ملامحها الحزن ..

يحيي قرب من ممدوح:هتكون كويسه متقلقش..

ممدوح:أنا مليش غيرهم أنا عملت كتير اووي علشانهم ..

_هه ضحيت باختهم..

الاب زعق:ومين قالك انى ضحيت بيها أنا عملت كل اللى تتخيله علشان احميها منه بس ماعرفتش..

_ازاي..

_جمال كان كل لما يشوف واحده وتعجبه كان لازم تكون ليه أو بمعنى أصح يمتلكها دا غير علاقاته الكتير مع الستات ومن سوء حظى في يوم كانت ساره معديه عليا في الشغل علشان يومها كنت هبات في الشغل ومن سوء حظى أنه شافها معايا وسألنى عليها وعرف انها بنتى أنا وقتها خفت بجد كنت عاوز اخبيها وكان نفسي ينساها بس للاسف منساهاش وفي يوم جه طلب منى أنه عاوز بنتى أنا وقتها اتعصبت ورفضت لأنها اصغر منه بكتير وطبعا أنا عارف علاقاته بالستات عامله ازاي وطالما حطها في دماغه لازم يحصل عليها ..

بدأت دموعه تنزل ..

وللاسف بعد ضغط كبير منه ورفض كبير منى ووصلت بيا انى سبت الشغل لكن بعدها برضو فضل ورايا ويهددنى لانه كان بيمضي اي حد بيتوظف عنده على وصل امانه بمليون جنيه وانا طبعا مش معايا المبلغ دا ومكنش قدامى غير انى اتحبس أو اوافق أنى أضحى ببنتى وعلشان سارة كانت أقرب واحده ليا كانت حاسه بيا وبوجعى وأصرت انها تعرف اللى مضايقنى ولما عرفت قررت انها تضحى بنفسها ووتروحله ولما أنا عرفت روحت وراها بس للاسف كان اتجوزها..

_اتجوزها!!!

_اه وبعدها وصلنى خبر انها ماتت مقتوله ومرميه في الشارع ..

ولحد دلوقتي محدش يعرف انها كانت متجوزاه ولا حد من ولادى يعرف هى ماتت ازاي غيري انا وامها وبعدها هددنى انى لو اتكلمت هيخلص على بناتى كلهم وانا مكنتش مستعد اخسر حد فيهم تاني عرفت بقى أنا كنت رافض اتكلم لى هل انت بقى هتعرف تجيبلها حقها هتعرف تبرد ناري للاسف محدش بيقدر عليه لأنه جبروت تعبان سمه بينتشر في اي مكان بيروحه..

يحيي بدموع:سارة عاشت كل دا لوحدها!!أنا لو هضحى باخر ذرة دم جوايا وهاخدلها حقها مش هستنى ومتقلقش موته هيكون على أيدي…

الدكتورة خرجت وممدوح جري عليها..

_بنتى فيها اي

_للاسف عندها هبوط حاد في الدورة الدموية نتيجه الضغط العصبي..

_ودلوقتى كويسه..

_للاسف رافضه تتكلم مع اي حد شكلها سمعت خبر مش كويس..

_انا أنا هدخلها. .

يحيي:ممكن تخلينى أنا اتكلم معاها..

_هتعرف..

هز رأسه ممدوح بعد وخلاه هوا يدخل..

يحيي قبل ما يدخل اتصل بيوسف..

_انت مواركش غيري!!

_معلش يا يوسف بس في معلومات مهمه عرفتها .

_انت اشتغلت معانا ولا اى يبنى

_هتسمع ولا..

_اشجيني..

حكاله كل حاجه ويوسف ابتسم بانتصار:احنا كدا قربنا يا يحيي..

_ازاي

_اسمع يا سيدي .

يحيي دخل وكانت قاعده على السرير وضامه رجليها لصدرها ودموعها نازله في صمت..

_اول مره اعرف انك بتلمعى اوكر لا أنا كدا اخاف منك قعد قدامها..

_نور هانم اللي خضتنا عليها طيب لو رديتي عليا هديكي اعمال السنه كامله وانا مش بهزر على فكره

نور بصتله بدموع ولسه ساكته..

يحيي حس انه شايف سارة قدامه نفس عيونها ونفس شكلها وهى زعلانه!!

_على فكره سارة مكنتش ضعيفه كدا

انتى ضعيفه يا نور مع انى كنت محتاجك تكونى معايا في الخطه اللي هنقبض بيها على المجرم..

نور بصتله باهتمام فهو ابتسم وفهمها كل حاجه بس بطريقه مبسطه وهوا فعلا محتاجها معاه في الخطه!!

نور اخيرا اتكلمت :يعنى انت عرفت المجرم وهتقبض عليه خلاص

_اه بس لازم تنفذي اللي هقولك عليه

_طبعا موافقه..

_لو سمحتى كنت عوزا اقابل جمال بيه..

_نقوله مين يا فندم

_كنت جايه اقدم على وظيفه السكرتيره

_اها اسمك والc.vبتاعك

_نور اسمى نور..

رواية الحب الروحاني الفصل السابع

_لو سمحتى كنت عوزا اقابل جمال بيه..

_نقوله مين يا فندم

_كنت جايه اقدم على وظيفه السكرتيره

_اها اسمك والc.vبتاعك

_نور اسمى نور..

_تمام اتفضلي وانا هبلغه..

دخلت ونور وقفت بتوتر لأنها دلوقتي هتشوف الشخص اللي قتل اختها ،حاولت تتمالك أعصابها واتحولت ملامحها للجديه بعد ما السكرتيره خرجت..

_اتفضلي جمال بيه في انتظارك..

طبعا نور كانت عامله حسابها انها تكون في اجمل طله دخلت بكل ثقه..

كان راجل أربعيني باين على ملامحه الخبث ومارتحتش لنظراته ليا ..

جمال:تعالى تعالى يا حلوة اقعدي..

_احم أنا أنا كنت جايه علشان وظيفة السكرتيره و ..

_مقبوله من غير ما تكملى اصل احنا بنقدر الجمال اووي ..

نور ابتسمت بمجامله:اه شكرا اققدر استلم شغلى امتى

جمال:من بكرا لو تحبي وطلع كارت:ودا كارت في عنوان شقتى هبقى استناكى هناك..

نور بصتله :نعم!!شقة اي انت مفكرنى مين أنا مش واحده من الشارع..

_ومين قالك كدا انتى ست البنات أنا بس كنت عاوزك في شغل مش اكتر..

_اي شغل برا نطاق الشركه ميبقاش اسمه شغل يا جمال بيه عن اذنك..

قامت وخرجت وهى حاسه نفسها هيغمى عليها ..

جمال بخبث:يعجبنى البنات اللي شخصيتها قويه عجبتيني وانا الحاجه اللي بتعجبني بتبقى ليا ..

نور خرجت من الشركه وحاست أن دموعها هتنزل ركبت عربيه كانت واقفه مستنياها وكان فيها يحيي..

_ها عملتى اي..

اتنهدت بدموع:قبلت في الشركه وهبدا من بكرا أنا انا خايفه اووي شكله غريب اووي انا حاسه بخوف ناحيته البنى ادم دا مش طبيعي ..

يحيي اتنهد بتعب وطبطب عليها:خلاص يا نور لو مش قادره تكملى ننهى القصه ومتكونيش خايفه..

_لا يا يحيي أنا طالما بدأت بحاجه لازم اكملها للآخر بس انا بس من التوتر لقيت نفسي كدا علشان اول مره اتحط في الموقف دا ..

_نور متخافيش طول منا معاكى وفي ضهرك وافتكري دائما انك بتعملى كدا علشان تجيبي حق اختك وكمان عاوزك تثقي فيا انى هكون معاكى لحد ما نوقع الكلب دا في شر أعماله …

ابتسم:خلاص بقى امسحي دموعك وليكي عليا يا ستى هعزمك على ايس كريم اي رايك..

نور:لا أنا جعانه..

يحيي ضحك :حاضر تحبي تاكلى فين..

_اي حته بص اطلع بينا على وسط البلد نضربلنا اتنين كشري ونحبس بعصير قصب اي رايك..

ضحك عليها لأنها عامله زي الاطفال بتعيط بسرعه وبتفرح برضه بسرعه ،فيها كتير من سارة بس مختلفة برضو عنها في حاجات كتير ودا اللي بيميزها عنها لأن نور بتقدر انها تخلق جو ليها لوحدها …

_اتنين كشري يا عمو وزود الدقه..

_عنيا يا بنتى..

دخلت وهوا وراها مبتسم على طفولتها ..

قعدت :تعرف أنا على طول باجي هنا انا ومريم وبنعمل مسابقه..

_ازاي!

_اللي تخلص طبقها الاول التاني عليه يدفع ..

_اممم حلو دا تعالى نعملها..

_متلعبش قدامى علشان انا على طول بكسب..

_وانا مش بخسر..

قالت بتحدي:اتفقنا

الطلب نزل ولسه هيبدأ..

نور:استنى في شروط

_اي هى..

ابتسمت بخبث وحطت شطه كتير في طبقه :دي الشروط

يحيي يصلها بصدمه ومسك الشطه وحطلها منها هى كمان ..

_بس..

نور:عادي..يلا ابدا..

بداو ويحيي بقى ياكل وعيونه بتدمع ونور بتضحك على شكله وهوا بيبصلها بغيظ..

نور كانت بتاكل باستمتاع لأنها مش اول مره تاكل الكشري كدا..

مرت عشر دقائق وكانت عذاب بالنسبة ليحيي في حين أن نور خلصت طبقها.

_هههه معلش يا دكتور تعيش وتاكل غيرها هههه

يحيي بقى ليشرب ميه كتير من الشطه..

_هتتعب اكتر..

_امال اعمل اي

_اطلبلنا اتنين قصب..

بما انك كدا كدا عليك الحساب..

يحيي طلب قصب وبدأوا يشربوا..

_بس اي رايك في الخروجه الجامده دي على ذوقى..

_ابقى قابليني لو طاوعتك في حاجه تاني ..

_الله مش كنت بتراضيني

_انا آسف هبقى اسيبك تنفلقي بعد كدا..

ضحكت وقامت وهوا حاسب وخرج وراها..

يحيي كان رايح ناحية العربيه ونور وقفته:استنى..

يصلها باستغراب:اي تاني

كان في فرقة شباب قاعدين بيغنوا والناس حواليهم..

_تعالى نقعد هناك ..

بص على المكان وسمع الاغنيه نفس الاغنيه اللي كان بيسمعها مع سارة..

“في عشق البنات لمحمد منير”

ابتسم ولقى نور بتشده وبيروحو سوا يقعدوا وتبدأ نور تغني معاهم وتسقف وهوا كمان كان بيفتكر سارة وبيبتسم وبدأ بسقف معاهم ..

نور كانت فرحانه اووي أنه مبسوط معاها وبقت بتبصله وتبتسم وهى يتغنى وهوا بيبادلها الابتسامه، قلبها دق بفرحه وابتسامتها بدأت انها تتحول لابتسامة عشق..

قعدوا شويه وبعدين همسلها:يلا نمشي بقى اتأخرنا..

هزت راسها وقامت وقام وراها ..

نور:أنا مبسوطه اووي

بصتله:وانت كمان انبسطت..

_اه جدا تعرفي أن أنا وساره كنا بنسمع الاغنيه دي يعنى هى اه مش رومانسيه بس كنا بنسمها لما بتيجي الاماكن دي كانت زيك بتحبها برضو..

_انت لسه فاكر!!

_انا عمري ما نسيت ساره ولا عمري نسيت حاجه تخصها ولا اي زكري جمعتني بيها سارة كانت أول واخر حب في حياتى وأعتقد أن مفيش واحده في الكون تقدر تنسيهالى علشان ساره كانت متتنسيش…

_كان زمانكوا مع بعض دلوقتي قصة حب لا تنتهى انتو كنتو جمال اووي أنا بتمنى أن ربنا يرزقنى بواحد يحبنى زي حبك ليها..

اتنهدت بحزن بعد كلامه دا وعرفت انها لو حبته تبقى بتضيع نفسها وقلبها مع واحد عمره ما هيحس بيها ..

نور ابتسمت:يلا بقى علشان اروح ..

يحيي:يلا..

روحها وبعدين اتفقوا على باقى الخطه بكرا ونزلت …

نور دخلت اوضتها ودموعها بدأت تنزل:لا لا أنا لا يمكن هحبه لا يمكن مستحيل …

يحيي روح البيت

دخل واتفاجئ بوجود اخوه..

يحيي:يوسف !اي المفاجأه دي متصلتش بيا لي وعرفتنى انك جاي ..

يوسف قام وسلم عليه:مفيش يا سيدي المهمه اللي كنت فيها خلصت امبارح ورحلنا المتهمين كنت هستنى اعمل اي يعنى …

يحيي قرب منه:طول عمرك بطل يا يوسف ..

_حبيب اخوك ..

الام:طب هسيبكوا تتكلموا مع بعض عقبال ما اعملكوا الغدا وبصت ليوسف:عقل اخوك بقى علشان انا زهقت منه..

_شكرا يا ست الحبايب..

يوسف ضحك

_انت عاملها اي يبنى

_مفيش عوزا تجوزني بالعافيه وقال اي عوزا افرح بيك وملقتش الا احلام..

يوسف:دي البت فرسه دي تترفض دي

_روح اتجوزها انت معلش أنا وش فقر

_من يومك..المهم عملت اي في الموضوع بتاعك والخطه ماشيه ازاي..

_كويس انك جيت كنت عاوز اعرفك على نور دي تبقى اخت سارة والطرف المهم في الخطه..

_اممم حلوة طيب..

_انت مش هتبطل بقى

_اسف بس اعذرنى انا بقالي شهر وشي في وش رجاله مفيش ولا واحده ناويه تدخل حياتى مع انى زي مانت شايف طول بعرض وحليوه بس هتعمل اي المتعوس متعوس..

_قاعد أنا جنب الوليه الللى بختها مايل كدا وسع كدا من وشي..

تانى يوم نزل يحيي ويوسف مع بعض علشان يقابل نور ويوصلها..

وصلو عند الجامعه ..

_يوسف استنانى هنا عقبال ما اشوفها جوا واجيلك ماشي..

يوسف وهوا بيبص على البنات:ماشي متتأخرش…

كانت ماشيه وهى بتتكلم في التليفون مع مريم..

_خلاص يا مريم اقفلي علشان يحيي بيتصل وهبقى اكلمك بليل..

ردت عليه:انت فين

_انا جوا بخلص شويه اوراق انتى فين

_برا الجامعه

_خليكي عندك وانا جايلك..

فضلت واقفه وسمعت صوت بصبصه..

_بس بس .

نور تجاهلته..

_اكيد ماما كانت نحله علشان تجيب العسل دا كله نور بصت ليوسف بقرف وبعدت..

ايون كان يوسف اللي بيعاكسها..

يوسف نزل من العربيه وقرب منها..

_ممكن رقم بابا..

نور باستغراب:لي

_علشان اطلب منه القمر هوا في قمر بيطلع الصبح يا جدعان اي دا انا عمري ما شوفت جمال كدا..

نور اتعصبت:ممكن تبعد لو سمحت علشان ما فرجش عليك الجامعه عيب على شكلك وسنك يا شحط انت..

يوسف كان لسه هيتكلم

يحيي كان جه:في حاجه يا نور..

نور قربت منه:البنى ادم الغريب دا بيعاكسني

يحيي تتنهد بقلة حيلة من اخوه اللي مش بيبطل هزار دا:أنا آسف يا نور يوسف يبقى اخويا وهوا بيحب يهزر معلش..

نور:تمام علشان خاطرك انت بس ،بس انت جايبه معاك لي؟

_يوسف يبقى ظابط يا نور

_التافهه دا يبقى ظابط…يخلق ما لا تعلمون فعلا..

يوسف:لا دانا ظابط اووي يعنى انتى متعرفينيش..

_كفايه اللي عرفته عنك من شويه اكيد انت تبع الاداب..

يوسف:لا أنا ظابط في المخابرات يا حلوة..

_كمان!!!غلطوا لما حطوك في المكان دا والله بس يلا اكيد واسطه

يحيي:خلاص بقى انت وهى هوا وانا مش واقف ،اعتذرلها يا يوسف..

يوسف:علشان خاطرك بس ,آسف..

نور:اسفك مرفوض ..

ويلا علشان هتأخر..

ودخلت ركبت في العربيه ..

يوسف:أنا عاملك اعتبار بس لولا كدا كنت طبقتها في بعضها بحلاوتها دي

يحيي ضحك على اخوه..

يوسف:أنا مش عارف دي ازاي اللي هتوقع جمال ربنا يستر .

_ماشي يلا يا اخويا علشان عماله تبصلنا

_بقولك اي يا يحىى متجوزهالى..

يحيي بضحك:يبنى هوا انت لحقت

_خير البر عاجله..

_يبنى البت مش طايقاك انت نسيت اللي انت عملته من شويه !

لما نخلص المهمه دي بس وبعدين نشوف..

_ماشي هستنى ..

وصلوا الشركه ونور ودعت يحيي وتجاهلت يوسف تماما..

يوسف:عاجبك كدا والله لما اتجوزها هعرفها ازاي تعامل زوجها المستقبلي كدا..

نور دخلت للسكرتيره اللي عرفتها شغلها ..

نور:هوا جمال بيه مجاش النهارده ولا اي..

_لا جه بس اليوم اللي زوجته بتبقى معاه فيه ممنوع اي حد يدخل المكتب ..

_زوجته !!هوا متجوز..

_اه متجوز بس بنت زي القمر بس لابسه نقاب اصله بيغير عليها وعنده ولد زي القمر اسمه زين لسه صغير دا بقى هيبقى وريث المملكه دي كلها اصل بيني وبينك مفيش ولا واحده حلوة بتقدر تعدى من تحت أيده بس دي الوحيده اللي اتجوزها مش عارفه لى …

_اول مره اعرف انه متجوز وكمان مخلف غريبه يمكن علشان بيحبها

_حب!!لا مفيش الكلام دا للاسف هوا لحد دلوقتي فيه الطبع دا بس زي ما بتقولى يعنى عاوز يكون ليه وريث من بعده …

_اه يعنى جواز مصلحه..

_اها بالظبط كدا..

نور قامت ودخلت الحمام واتصلت بيحيي..

_في اي

نور:طلع متجوز ومخلف كمان

يحيي:بتهزري طب شوفتيها

_لا ممنوع اي حد يدخل وهي موجوده وكمان هى منتقبه..

_غريبه مرات واحد زي دا منتقبه!!

_مش عارفه أنا قولت اقولك هنعمل اي احنا لازم نتكلم معاها أو نشوفها..

_حاولى تشوفيها أو تتكلمى معاها وانا هشوف يوسف لو يعرف حاجه عن الموضوع دا ونجيب قراره..

_ماشي سلام..

رجعت تاني

_اسمها اي

_هى مين

_مرات المدير

_تقريبا اسمها اه ملك مدام ملك ..

_اه

يلا قومي وصلي الورق دا للحسابات وتعالى

_حاضر..

*أنا لازم اشوفها لازم ..

مشيت وكان في مكتب جنبهم بس مقفول قربت منه وفتحته ودخلت فتحت البلكونه وعدت منها براحه بس كان في حيطه بينها وبين اوضة المدير بصت على الارتفاع كان كبير جدا …

_انا لازم اعدي ..

طلعت على السور وحاولت تعدي ومع أن الخوف كان مسيطر عليها إلا أنها عرفت تعدى ..

اتسحبت ووقفت ورا الازاز بحرص أن حد يشوفها..

كانت قاعده معاه وبيتكلمو في الشغل ورافعه النقاب ..

نور حاولت تشوف وشها بس كان صعب ..

حاولت تقرب اكتر لحد ما انصدمت من اللي شافته..

_سارة!!!!

رواية الحب الروحاني الفصل الثامن

كانت قاعده معاه وبيتكلمو في الشغل ورافعه النقاب ..

نور حاولت تشوف وشها بس كان صعب ..

حاولت تقرب اكتر لحد ما انصدمت من اللي شافته..

_سارة!!!!

الصدمة لجمتها والدموع اتكونت في عينيها

*معقول ساره معقول لسه عايشه ومتجوزاه!!أنا مش فاهمه اي الي بيحصل دا وسارة لي تعمل كدا!!

فتحت تليفونها على الكاميرا وصورتها..

*أنا أنا مش مصدقة مش مصدقه أن سارة لسه عايشه !!

بقت ترجع لورا بدون تصديق عدت الناحية التانيه وبقت تمشي في الطرقة بانهيار …

خرجت من الشركه واتصلت بيحيي ..

_الو يحيي الحقنى..

_نور !!مالك في اي ومال صوتك ..

كانت بتعيط :تعالالي قدام الشركه بسرعه مستنياك مش هعرف اقولك في التليفون..

_حاضر حاضر جايلك حالا بس أهدى ارجوكي..

قفل معاها ويوسف اتكلم

_مالها يا يحيي

_مش عارف مش عارف انا لازم اروح لها

_طيب أنا جاي معاك..

ركبوا العربيه وبعد شويه وصلو قدام نور اللي كانت واقفه على جنب ومنهاره ..

نزل جري وراح ناحيتها ويوسف اول ما شافها قلبه وجعه عليها وحس بحاجه غريبه!!

يحيي:نور في اي مالك

نور :مشيني من هنا الاول وانا هقولك

_طب طب تعالى

خدها وركبوا العربيه ويحيي كان بيحاول يهديها ويوسف كان بيبصلها بحزن وشفقه على شكلها من المرايا..

وصلو مكان هادى ويحيي بدأ يتكلم

_ها قوليلي مالك بقى واي اللي مخليكي منهاره كدا ..

نور بشحتفه:ساره

يحيي بخوف:مالها ساره!! في اي يا نور انطقيي..

_سارة ساره سارة عايشه يا يحيي سارة عايشه أنا شوفتها بعيني سارة عايشه وكمان تكون هى مرات جمال ومخلفه منه …

بدأت دموعها تنزل تاني ويحيي مصدوم وبص قدامه بسرحان وتوهان :سارة!!عايشه طب ازاي ومين اللي اتدفنت ومين اللي اتقتلت ومين البنت اللي اغتصبها دي أنا مبقتش فاهم حاجه وسارة ازاي تعمل كدا ..

لا لا لا مستحيل تكون هى انتى انتى اكيد كان بيتهيألك …

رفعت التليفون بتاعها على الصورة اللي صورتها:أنا صورتها علشان اتأكد انها فعلا هى أنا مش بيتهيألى يا يحيي وسارة فعلا عايشه ..

مسك منها التليفون وهوا مش مصدق اتأكد انها فعلا سارة المفروض انها حبيبته والمفروض انها أهم شخص في حياته ..

هز رأسه بلا :أنا أنا مش مصدق طب لي تعمل كدا لى تعمل فيا كدا أنا عملتلها اي ولا ولا انتى اللي كنتى بتموتى على فراقها لي حصل كل دا ولى نتخدع..

كانت نور بتعيط في صمت مش مصدقه اللي بيحصل ويوسف بيبصلها بشفقه

_اهدى يا يحيي اكيد في حاجه هتلاقي الكلب دا مهددها بحاجه أو ماسك عليها حاجه اكيد ساره مظلومه وانت اكتر واحد عارفها ..

_لا يا يوسف الصورة واضحة قدامك والجواب باين من عنوانه هوا مخبيها أو بمعنى أصح هى مختفيه بس لى كل دا لى..

خبط بعصبية على دركسون العربيه ..

نور:أنا مش عارفه افرح ولا ازعل ولا اتعصب ولا الومها أنا مش لاقيالاها اي مبرر لكل اللي بيحصل دا تخيل بابا لو عرف اي هيكون موقفه ولا ماما واخواتى اقولهم أننا اتخدعنا السنين دي كلها اقولهم اننا كنا كل سنه بنروح نقرأ الفاتحه على واحده تانيه المفروض انها سارة؟؟

والمفروض انى بنهار وبزعل وبتخانق وانا مش مصدقه انها ماتت اصلا !!

يحيي بدموع لاول مره:تخيلي انتى بقى انى حياتى وقفت عند اليوم اللي خسرتها فيه ومكنتش عاوز اي حاجه في الدنيا غيرها لحد دلوقتي ما دخلتش اي واحده حياتى لحد دلوقتي قلبي بيحبها هى مع أنه كان رافض فكرة انها ماتت من أصله …

يوسف:طب طب احنا دلوقتي هنعمل اي..المفروض نور ترجع علشان محدش يشك فيها علشان سواء سارة عايشه أو لا فاحنا لازم نقبض على جمال لو مش بتهمة القتل يبقى بتجارة المخدرات ومنها تكون بتساعدنا ومنها تعرف سبب كدب سارة وبعدها مع انى حاسس انها مجبره انها تكون معاه …

يحيي بص لنور:يوسف عنده حق يا نور انتى لازم ترجعى ولا كأن حاجه حصلت ولازم تجيبي حق الكسرة والوجع اللي انتى حستيهم السنين دي كلها وانا كمان معاكى..

نور هزت راسها بتوتر وخوف من اللى جاي :حاضر حاضر هرجع..

_بس اسمعى مش لازم سارة تشوفك ولا تعرف انك موجوده في الشركه اصلا لحد ما نعرف علاقتهم ببعض عامله ازاي وهى اي موقفها منه لأننا لحد دلوقتي منعرفش اي السبب ورا وجودها معاه فاهمه..

هزت راسها بماشي ويحيي لف ورجع بيها على الشركه..

نزلت ..

يحيي وقفها:نور خلى بالك …

يوسف يصلها:خلي بالك من نفسك يا نور ..

هزت راسها وابتسمت شبه ابتسامه ودخلت الشركه …

يوسف:صعبانه عليا اووي..

يحيي:لو كانت ظروف احسن من.كدا وعرفت انها لسه عايشه كنت هفرح اووي يا يوسف أنا مكنتش متخيل انها تكسرنى كدا..

يوسف:الله اعلم بيها يا يحيي أنا متأكد أن في لغز كبير وسر ورا كل اللي بيحصل دا…

_يارب يا يوسف يارب تكون مظلومه يارب تفضل بريئه في نظري زي منا كنت شايفها..

_صدقنى يا يحىى في حاجه واكيد هتظهر قريب..

_يارب يا يوسف..

روحوا البيت ويوسف نزل لكن يحيي كمل طريقه لشقته اللي فيها صور سارة كلها..

دخل وبص على صورها والدموع في عينيه:لي خدعتيني لي كدبتى عليا لي عيشتيني في وهم سنين لى اكون مغفل كدا لى …

بتمنى انك تكونى مظلومه بتمنى ترجعى وتفضلي بريئه في نظري كدا ..بتمنى..

عدت الايام ونور بتحاول انها تمسك اي حاجه تدين جمال او تعرف اي حاجه تخصه لكنه كان ذكى وحاسب كل خطوه بيخطوها…

في يوم كان جمال واخد إجازة من الشركه وكان فى ورق ضروري محتاج يمضيه فانتهزت الفرصه وراحت البيت …

لسه هتخبط على الباب سمعت صوت زعيق..

قربت من الازاز اللي موجود في الجنينه كانت ساره واقفه قدام جمال بقوه وعصبيه في نفس الوقت..

_طلقنى يا جمال كفايه بقى أنا مبقتش طايقة العيشه معاك..

كان واقف بكل برود:بس انا طايق يا حبيبتي وانتى مجبره على العيشه معايا مش بمزاجك متنسيش أنا متجوزك ازاي

_انا بكرهك وبكره اليوم اللي طاوعتك فيه أنى اخدع أهلى والناس اللي بيحبهم كنت مفكراك انسان سوى لكن طلعت مريض وخاين وجبان …

ولسه هتكمل كلامها .

ضربها بالقلم:الست اللي تشتم جوزها واجب يضربها علشان مترفعش صوتها عليه تاني ومسمعش منك الكلام دا تاني علشان مرمكيش في الشارع واحرمك من ابنك يا حلوة ف خليكي كدا كويسه وعدى اليوم على خير ماشي وقرب منها وباسها من خدها..

_انتى عارفه انى بحبك ومقدرش استغنى عنك فمتختبريش صبري يا ملك..

سارة بعصبية:بس انا مش ملك

_كفايه انك بالنسبالى ملك مش عاوز حاجه تاني ويلا ادخلى حضريلنا الاكل من ايديكي الحلوين دول يلا..

وسابها ومشي..

وساره بصت في أثره بدموع :أنا السبب أنا اللى استاهل كل اللي بيحصلي أنا اسفه يا يحيي..

في اليوم دا نور جريت على برا واتصلت بيحيي لكن رقمه كان مقفول ف اتصلت بيوسف ..

_يوسف يحيي تليفونه مقفول وفي حاجه ضروري لازم اقولهاله..

يوسف:اي هى..

وبدأت تحكيله كل اللي شافته وسمعته..

_مش معقول الكلام دا

نور بدموع:انا خايفه عليها اووي يا يوسف كان نفسي ادخل اقطعله أيده اللي اتمدت عليها دي..

_طب ممكن تهدى يا قلب يوسف واوعدك انى هجيبلها حقها بس أهدى انتى بس

نور:انت قولت اي!؟

_احم مفيش بصي انتى فين وانا جايلك

_احم في****

_تمام خليكي عندك أنا جايلك..

_ماشي مستنياك..

قفلت معاه وحاولت ترن على يحيي

برضو مقفول .

_يا تري انت فين يا يحيي أنا محتجالك اووي أنا عارفه أن حبي ليك غلط وانك في يوم من الأيام ممكن ترجعلها بس اسفه مش قادره محبكش..

اتصلت بمريم وحكتلها كل حاجه برغم انها مش بتتقابل معاها كتير إلا أنها بتحكيلها كل خطوه بتخطيها..

_على فكره يا نور يوسف بيحبك

_نعم!!ومين قالك

_هوا انتى مبتشوفيش نظراته ليكي ولا اي دانا شوفته مره واحده وخدت بالي اي يا شيخه.

_لا طبعا مفيش الكلام دا وانتى عارفه كويس أنا بفكر في مين..

_صدقيني يا نور هتندمى وهتضيعي واحد بيحبك من ايدك وكمان انتى عارفه أن ممكن سارة ترجع في اي وقت ووقتها هوا هيرجعلها لانه مظهرش ليكي حاجه زي دي وانتى عارفه هوا بيحب مين وبرضو مصممه

_اعمل اي في قلبي

_قلبك مختار الشخص الغلط

_طب اقفلي علشان يوسف جه

_ماشي بس هتندمى..

يوسف جالها وابتسم اول ما شافها ايوا هى دي البنت اللي دونا عن البنات كلها اللي خطفت قلبه

_انتى كويسه

_اها كويسه

هى ويوسف بقو صحاب في الفتره الاخيره…

نور:هنعمل اي يا يوسف

قلبه دق مع نطقها لاسمه:كل خير يا قلب يوسف

_يوسف!هنعمل اي في حوار ساره

_اها بصي يا ستى…

خبطت على الباب وسمحلها بالدخول..

_احم صباح الخير

كان بيبصلها نفس نظرة الخبث الي في عينيه كانت بتستغربه واستغرب طريقته…

_تعالى يا حلوة

_احم كنت عوزا حضرتك تمضيلي على الأوراق دا..

_طبعا طبعا..

وهي بتديله الورق حاول يمسك ايديها..

_لو سمحت أنا مسمحلكش تلمسنى وبعدين انت راجل متجوز لى بتعمل كل دا انت مش بتحب مراتك!؟

_لا طبعا بحبها بس انا بقدر الجمال مش بفرط فيه بسهوله

_مش فاهمه قصدك

_قصدي انتى فاهماه كويس بس انتى اللي عامله نفسك مش واخده بالك..

_انت عاوز اي بالظبط..

_امممم أنا متعود أن اي واحده تدخل دماغى احصل عليها مهما كان التمن اي متعودش أن واحده تقولى لا…

نور بخبث:مش كل حاجه بتمنها وانا انت مفكرني سهله

قام وقرب منها:ايوا كدا عاوزك تكونى معايا عالخط وصدقيني هتنبسطي عوزا كام..

_امممم الصراحه عرض مغري هفكر واقولك

_بس أنا مش بحب استنى كتير

_متقلقش يا يا جمال بيه

قرب منها ولسه هيبوسها بعدت عنه

_لا يا جمال بيه احنا لسه متفقناش..

_ماشي تعجبنى البنت التقيله ميضرش

ابتسمت وغمزتله وخرجت..

كان يوسف بيسمع كل حاجه وبدأت عروقة تظهر وبدأ يتعصب يا بن الل..

والله لاوريك يا جمال الكلب ..

رواية الحب الروحاني الفصل التاسع

كنت طالعه البيت لقيت يوسف بيتصل بيا استغربت من مكالمته ليا مع أن مفيش حاجه مهمه بس رديت..

سمعت صوته وكان متعصب اووي

_نور الخطه دي مش هتكمل وانتى مش هتروحى الشركة دي تاني

اتعصبت من طريقته هوا لى بيتكلم بالطريقه دي اصلا ولى يقولى كدا :مش بمزاجك على فكره ودا اتفاق بينا وفين يحيي في الكلام دا ..

_انتى مالك ومال يحيي!!أنا الظابط المسئول وبقولك مش هنكمل في الخطه دي ..

أنا مردتش عليه كان كل همى اعرف يحيي فين ومختفى ليه ولى مبقاش يكلمنى !!

_قولتلك لما يحيي اللي يقولى وانت ملكش اي دخل باي حاجه..

_اه يعنى انتى عاجبك طريقته معاكى وأنه يبوسك صح؟؟

_ومين قالك أنه عاجبنى

_طريقة كلامك دلوقتي وانك مش راضيه تسيبي الشغل ولا تبعدي عنه

_انت شايف كدا!!

_مش شايف غير كدا..

_طب أنا ليا كلام مع يحيي ولو سمحت متكلمنيش تانى وانسى الصحوبيه اللي بينا تمام..

قفلت في وشه وانا مش فاهمه اي طريقه دي معايا ولى بيتكلم معايا كدا اصلا معقول زي ما مريم قالت معقول يكون بيحبني!!!

بس بس انا بحب يحيي !!

اتنهدت وطلعت وانا بحاول اتصل بيحيي لكنه برضو مش بيرد

*يا تري انت فين يا يحيي ولى مختفى كدا ..

دخلت سلمت على بابا..

_عامل اي يا بابا

_الحمد لله يا بنتى بصلي بس انتى اللي مش عجبانى وحاسس أن فيكي حاجه..

قربت منه وقعدت جنبه:كل اللي بتمناه من الدنيا انى اشوف الضحكه منورة وشك يا بابا بابا أنا بحبك اووي

عيونى دمعت وانا بفتكر سارة ..

احضنى يا بابا..

خدني في حضنه بلهفه :مالك يا بنتى فيكي اي مالك يا عيونى مين زعلك بس

_مفيش يا بابا هوا بس هوا بس حضنك وحشني..

_وانا حضني مفتوحلك في اي وقت يا حبيبتي

_انا بحبك بحبك اووي يا بابا

_وانا كمان يا روح بابا..

كان بيرن عليا ..

رن مرة والتانيه وانا مردتش الصراحه كرامتى كانت ناقحه عليا لانى مش بحب حد يدوسلي على طرف ويفهمنى ويفهم تصرفاتي غلط..

مع الرنه التالته اتنهدت بغضب ورديت ببرود

_نعم عاوز اي تاني..

_انا آسف يا نور

سكتت وهوا اتكلم:آسف أنا بس مش متخيل انك هتكونى معاه في مكان واحد أو أنه يلمسك حقك عليا متزعليش أنا عارف اني مليش الحق انى اتحكم فيكي بس معلش والله غصب عنى واوعدك مش هضايقك بكلامى تاني ..

_علشان بس الصحوبيه اللي بينا فأنا هقبل اسفك

_صحوبيه!! ماشي يا نور شكرا اتمنى متزعليش

_خلاص مش زعلانه بس ممكن تصالحنى برضو عادي

_تؤمري طبعا..

_امممم بما أن بكرا إجازة ف تخرجنى وتغديني برا وتجيبلي شوكلاتات وايس كريم بس

_بس!!يشيخه

_اممممم ها مش عاوز تصالحنى

_لا طبعا موافق بكرا هعدي عليكي

_اشطا سلاموز

_سلام..

قفلت معاه ..

واتصلت بيحيي بس المرة دي رد..

_يحيي!!

كان صوته تعبان

_اي يا نور ازيك

_مالك يا يحيي في اي صوتك ماله ومالك مختفى بقالك كام يوم كدا..

_مفيش يا نور دور برد وعازل نفسي وكدا المهم انتى عامله اي

_مش مهم أنا دلوقتي يا يحيي اهم حاجه انت تكون كويس وخد علاجك في وقته..

ابتسم:اممم ماشي يستى متقلقيش المهم في اخبار جديده..

نور بدأت تحكيلة كل اللي حصل الايام اللي فاتت

_اه منا عارف كل دا يوسف بيحكيلي

_اها ومكنش راضي يقولى انك تعبان ومخبي عليا

_هتلاقي مجتش فرصه بس المهم أنا حاسس ان سارة مظلومه يا نور

نور حست من صوته أنه لسه بيحب سارة قلبها وجعها..

_انت لسه بتحبها يا يحيي؟

_انتى عارفه انى منستهاش بس دلوقتي مش عارف احدد اي حاجه ومش عارف اي موقفي ناحيتها لما نتواجه حاسس أنه هيكون احساس صعب اووى

قالت بحزن:سارة أن شاء الله هتكون مظلومه وهترجعوا..

_يارب يا نور ويرزقك كدا بابن الحلال الطيب شبهك

_ان شاء الله

أنا هقفل بقى علشان عوزا انام سلام

_تصبحي على خير

_وانت من أهله

قفلت معاه ودفنت راسها في المخده وبدأت تعيط فضلت تعيط لحد ما نامت..

في بيت جمال..

كان داخل وهوا سكران زي عادته وبيغنى..

دخل أوضة النوم كانت سارة قاعده علي السرير قدام اللاب ونايم جنبها سليم..

ساره بصتله بعصبية:هوا انت مش هتعقل ابدا مش هتنضف من اللى بتعمله دا

قرب منها وحاوطها بايده:تؤ يا لوكه بدأ يحرك أيده على وشها :حلوة اووي النهارده يا لوكة ولسه هيقرب منها زقته بعيد عنها

ورفعت صوباعها قدامه بتحذير:اياك تقربلي أنا يحذرك..

ابتسم:أنا بحبك علشان انتى الوحيده اللي بتعرفي تقوليلي لا وبتعرفي تخليني اتعلق بيكي اكتر ..مهما قابلت وروحت وجيت هتفضلي انتى اللي في قلبي مع انك دائما بتبعدى عنى بس متعرفيش أن دا بيقربك لقلبي اكتر..

_قد اي انت انسان مريض بجد انت مش انسان سوى مريض محتاج تتعالج

قرب منها:اعتقد انى محتاج اتعالج على ايدك

غمضت عينيها ودموعها نزلت:انت لي بتعمل فيا كدا لى حاططنى في خانه مش بتاعتى افهم بقى أنا مش ملك أنا أسمى ساره فوق بقى فوق انت كرهتنى في نفسي انت اي مش بنى ادم..

جمال همس :ششششش متعيطيش يا حبيبتي أنا مقدرش اشوف دموعك قلبي بيتقطع

مسحلها دموعها:انتى جوهرة متعيطيش

سارة سكتت واتنهدت بتعب :طب ممكن تبعد عنى ومتلمسنيش واتفضل روح نام

ابتسم بخبث:تؤ وفضل يقرب منها اكتر أنا عاوزك النهاردة يا ملكتى..

لسه هتبعده عنها همسلها وقال:الفلوس اتحولت على حسابك متقلقيش..

ساره سكتت واتنهدت بتعب ووجع قلب ايوا علاقتها معاه مبنيه على الفلوس ايوا هى باعت نفسها علشان الفلوس ايوا هى خدت اسم مش بتاعها علشان الفلوس بقت في مكان مش ليها علشان الفلوس بمعنى أصح بقت جارية!!

_ايوا جارية اشتراها جمال بيه بفلوسه ونفوذه..

بعد شويه قامت من جنبه بهدوء وخرجت برا دخلت اوضه تانيه..

قعدت على السرير وبدأت تعيط هوا دا حالها كل يوم العياط على الماضى واللى ضاع منها ..

*خدعت اهلى وبعدت عنهم وخدعت كل اللي بحبهم علشان الفلوس بمعنى أصح بعت نفسي كل لما اقول انتحر زي اللي قبلي افتكر ابنى اللي ملهوش اي ذنب أنه يجي على الدنيا من شخص زي دا بفتكر انى كدا كدا في نظر أهلى والكل ميته فمش فارقه اعيش مع جمال ولا لا كدا او كدا ميته بقيت جسد بلا روح بعد ما كنت عايشه وسط اهلى اللي بيحبونى ومع البنى ادم اللي بيحبني بس للاسف أنا كنت انانيه ورميت كل دا في الزباله وضحيت في نفسي علشان شوية فلوس ..

ايوا أنا وحشه أيوا أنا انانيه مبصتش الا لنفسي وبابا كتير حظرنى منه بس فضولى خلانى اروحله وكمان كنت عوزا انقذ بابا من السجن ..

Back..

_موافقه اتجوزك

_عين العقل يا حلوة بس عندي شرط

_اي هوا

_انك في نظر اهلك والناس كلها تموتى وتبقى ملكي أنا وبتاعتي أنا بس وكل حاجه في حياتك هشكلها على مزاجى..

_واي المقابل..

_ابوكي مش هيتسجن دا غير الفلوس اللي هتاخديها مني بمجرد ما المسك بس

اتنهدت بتعب وقالت:موافقه

_جهزي نفسك بقى النهارده بليل كتب كتابنا يا عروستي..

End..

اسوا يوم في حياتى اتمنى انى اكون بحلم وكل دا يتمحى من دماغى

افتكرت يحيي من بين دموعها:يا تري لسه فاكرنى يا يحيي!!

صحيت الصبح على رنة تليفونها..

نور بنعاس:الو

يوسف:صباح الخير الاول

_صباح النور

_اسف انى صحيتك بس انتى شكلك ناسيه أننا هنقضي اليوم سوا

_اه اه لا منستش هلبس واستناك اهو يلا باي

قفلت في وشه..

يوسف:والله قولت البت دي مجنونه محدش صدقني بس انا لازم النهارده اعترفلها بمشاعري بقى علشان انا تعبت ومهما كان ردة فعلها فأنا هتقبلها بس لازم تعرف انى انى بحبها..

بعد شويه اتقابلو..

_ها هنعمل اي

_تعالى الاول نفطر وبعدين نبدا يومنا..

ابتسمت ليه وراحوا سوا فطروا وهوا كان فرحان جدا انها معاه وبيتشاركوا كل حاجه..

_ها هتوديني فين تاني..

_تعالى مفاجأه

_اممم ماشي يلا

خدها وراحوا مكان جميل جدا كان فيه تلوج ولازم تلبس لبس مخصص قبل ما تدخل..

لبسوا ودخلوا وبداوا يلعبوا والضحكه مكنتش مفارقه وشوشهم..

_تعرف انى نفسي اجى هنا من زمان

_وانا حققتلك رغبتك واي حاجه تطلبيها يا نور أنا تحت امرك..

كان باصصلها بكل حب باين في عينيه ..

_مبسوطه يا نور

_اووي شكرا يا يوسف أنا هنا نسيت كل حاجه مضايقانى أنا فرحانه اووي..

_وانا فرحان علشان انتى فرحانه..

عدى اليوم وراحوا اتغدوا وقعدوا على الكورنيش وجابلها ايس كريم..

_اممم طلعتى بتحبي الفانيليا زيي

_اها صدفه.

_ولى متقوليش توافق

بصتله باستغراب:مش فاهمه…

_نور أنا عاوز اقولك حاجه ومش هقدر اسكت اكتر من كدا..

ضحكت على شكله ..

_طب أهدى قول يا سيدي اي هى الحاجه كل لى اذان صاغية بس انا كمان عوزا اقولك حاجه..

_حاجه اي

_لا قول انت الاول

_لا قولى انتى الاول..

وفضلوا على الحال دا لحد ما..

_نور أنا بحبك

_انا بحب يحىى

رواية الحب الروحاني الفصل العاشر

_نور أنا بحبك

_انا بحب يحىى

يوسف كان مصدوم من اللى قالته وهى كمان كانت لا تقل صدمة عنه …

_انت انت قولت اي

يوسف غمض عينيه واتنهد:لى يا نور

نور باستغراب:لي اي

_لى محبتنيش لى حبتيه هوا مع انك عارفه كويس أنه مش بيحبك وفي اي ظروف ممكن يرجعوا لبعض لى عملتى كدا لى كسرتى قلبي..

_يوسف أنا أنا

_انتى اي يا نور أنا حبيتك يا نور من اول يوم شوفتك فيه خطفتى قلبي حاولت اقرب منك كتير بس مكنتش عارف لى كنتي بتبعدى لكن دلوقتي عرفت السبب للاسف قولت اصارحك بمشاعري ناحيتك يمكن يمكن تكونى انتى كمان بتبادليني نفس الشعور أو يمكن تحسي بيا وتبداي تحبيني اتاريكي اتاريكي بتحبي واحد تاني ويبقى للاسف اخويا…

_مش بايدي صدقني والله مش بايدي مش عارفه ازاي ولا امتى بس بس لقيت نفسي بحبه وعلشان بعتبرك صديق ليا قولت اقولك يمكن تساعدنى لكن.مكنتش اعرف انك …

_انى بحبك يا نور للاسف عارفه يا نور لو كان الشخص دا حد غير اخويا كنت قتلته علشان تكونى ملكى لكن أنا عمري ما اعمل كدا وانا وانا هفضل معاكى وهنفضل صحاب وهحاول أتجاوز الموضوع دا يمكن اقدر..

_يوسف..

_خلاص يا نور كفايه كلام في الموضوع دا متوجعيش قلبي اكتر من كدا يلا علشان اروحك

_ماشي..

روحها البيت وهى طلعت من غير ما تكلمه حست نفسها قاسيه اووي هي عارفه أن يحيي مش بيحبها ولا هيحبها بس هى بتحبه تعمل اي في قلبها!!

اتصلت بمريم..

_مريم الحقيني..

_مالك يا نور في اي يا حبيبتي ..

بدأت تحكيلها كل حاجه ومريم بتهدي فيها مع انها عارفه أن نور اللي عملته دا غلط

_لي كدا يا نور لى تكسريه لى تحطي نفسك في خانه مش بتاعتك وانتى عارفه أن يحيي مش بيحبك لي يا حبيبتي تعملى فيه وفي نفسك كدا

_مش عارفه يا مريم أنا لقيت نفسي بقوله انى بحب يحيي وفي نفس الوقت اتصدمت من كلامه هوا أنا لى بيحصل فيا كدا لى بحب واحد مش بيحبنى ولى محبش اللي يحبني !!

_علشان غبيه ويوسف الف واحده تتمناه وانتى للاسف ضيعتيه من ايدك بغباءك وقولتلك قبل كدا هتندمى يا نور لما تشوفي يحيي مع واحده تانيه ويوسف يحب غيرك هتفوقي بجد..

_هوا أنا بكلمك علشان تشيليني الهم

_لا أنا صحبتك وواجبي انى افوقك عن كل اللى بتعمليه دا وعوزاكى تفوقي قبل فوات الاوان قبل ما يوسف يضيع منك

_ماشي يا مريم أن شاء الله

_للاسف مفيش فايده سلام يا نور

_سلام

قفلت معاها ودفنت راسها في المخده وبدأت تعيط بحرقه زي كل يوم لحد ما نامت..

دخل البيت وهوا زعلان ومش شايف قدامه من الغضب اللي جواه..

دخل على الأوضه بتاعته من غير ما يتكلم مع حد …

الام:اخوك ماله يوسف اول مره اشوفه كدا..

يحيي قام يدخل وراه:متقلقيش يا ماما أنا هشوفه…

_ماشي يا حبيبي طمني..

دخل وراه وكان يوسف قاعد وحاطط رأسه بين ايديه..

_ها سبع ولا ضبع عملت اي مع نور..

يوسف بتعب:ارجوك يا يحيي مش عاوز اتكلم في الموضوع دا

_لا انت تفهمني يا اما اتصل بنور واعرف الموضوع ..

_قولتلك ابعد عنى دلوقتي يا يحيي وبعدين هقولك

_لا أنا مش هسيبك قولتلها؟؟؟

_اه

_طب واي رد فعلها

_مفيش رد فعل مفيش

_ازاي يعنى طلعت بتحب حد تاني..

بصله وضحك بسخريه:للاسف عارف لو كان حد معرفهوش وغريب عنى كنت كنت خدتها غصب عنها وعنه لكن ..

_لكن اي اي مانعك انك تخطفها وتبقى بتاعتك فعلا لى متحاربش..

الدموع اتجمعت في عينيه لاول مره:علشان نور بتحبك يا يحيي..

_اي!!

_اه بتحبك انت..

وبدأ يحكيله كل حاجه..

_شوفت انها بتحبك ..

_انا أنا آسف يا يوسف مش عارف اقولك اي بس عاوز اقولك انها غبيه اووي علشان مخدتش بالها من حبك ليها وضيعت من ايديها اكتر واحد بيحبها..

_عادي بقى يا يحيي أنا بس كان نفسي انها تكون عالاقل مديه مساحه لنفسها انها تحبني

_صدقني هى متعرفش انها بتحب الشخص الغلط لأن قلبي عمره ما حب حد غيرها وبتمنى انها تكون مظلومه ولو مش مظلومه مقرر انى هسافر وابعد بعيد نهائي عن هنا علشان مش ناوي ادي قلبي لاي حد تاني علشان كدا بقولك حارب حارب علشان حبك يا يوسف حارب ومتخافش وانا متأكد انها هتحبك علشان انت تتحب .

يوسف حضنه:أنا بحبك اووي ومش عاوز اي حاجه تفرقنا

_صدقني مش هسمح بكدا..

يلا قوم اقعد معانا برا علشان امك قلقانه عليك..

_مش قادر يا يحيي قولها تعبانه

_قوم ياض بقى متعصبنيش

_خلاص متزقش..

قام وفضلوا يضحكوا وخرجوا وقعدوا سوا مع والدتهم في جو عائلي هادى..

نور تاني يوم راحت الشركه..

السكرتيره مكنتش موجوده فخبطت الباب على جمال فسمحلها بالدخول..

_اهلا بالحلوة تعالى اقعدي..

قربت منه وقعدت قدامه

_امممم فكرتى..

_اه وموافقه بس بشرط

_مبحبش حد يتشرط عليا بس ماشي..قولى

_نتجوز

_اي انتى بتقولى اي لا طبعا

_خلاص اسفه مش هقدر انفذ طلباتك واعتبرنى مستقيله سلام..

_عشره مليون جنيه

وقفت مكانها وبصتله:مش فاهمه..

ابتسم بخبث:ليلة بعشره مليون جنيه اي رايك..

_مش موافقه من غير جواز..

_عرفي

_اسفه أنا مش زي الزباله اللي تعرفهم يا جمال بيه

_طب متندميش على اللي هعمله يا نور وانتى لسه متعرفنيش أنا لما بحط حاجه في دماغى باخدها غصب عن اي حد..

بصتله بغضب:اعلى ما في خيلك اركبه يا باشا..

وسابته ومشيت..

هى عارفه انها بتلعب في عداد عمرها بس لازم تقف قدامه حست بالخوف خرجت برا الشركه …

مسكت تليفونها ولاول مره لقت نفسها بتتصل على يوسف وهى ماشيه في الطريق بتدور على تاكسي..

يوسف رد

_اي يا نور في حاجه.

نور بدموع:يوسف أنا خايفه حاسه ان جمال مش ناوي على خير..

_نور أنا سمعت كل حاجه وانتى دلوقتي لازم تختفى من قدام الشركه

نور بدموع:حاضر حاضر

بدأت تجري بعيد عن الشركه.. وفجأه لقت عربيه سودا وخرج منها ناس وشدوها وهي بتصوت :يوسف الحقنىىىى

والخط قطع…

مريم كانت قاعده في الجامعه لوحدها وهى مفتقده نور ..

يحيي اتصل بيها

_الو

_مريم أنا يحيي كنت عاوز اقابلك علشان نتكلم في موضوع يوسف ونور

_انت عارف

_اه للاسف..

_طيب هنتقابل فين؟

_انا مع ماما في النادي بتعمل علاج طبيعي ممكن نتقابل هناك

_تمام ممكن العنوان

_اه ******

كانت قاعده في النادي مع ابنها اللي كان بيتدرب سباحه قدامها كان اول حصه ليه بعد ما اقنعت جمال بالعافيه انها تشترك في النادى…

كانت بصاله وبتبتسم بحزن على حالها واللى وصلتله…

قامت علشان تدخل الحمام وهى لابسه النقاب طبعا..

وهى ماشيه خبطت في حد ..

يحيي لف وبصلها وهى اتصدمت وبدأت تتوتر ..

كان باصص في عينيها بعمق حاسس أنه يعرفها وشاف العيون دي قبل كدا لا لا دى عيون مكنتش بتفارقه حتى في خياله…

_سارة!!