تحميل رواية «الحارس» PDF
بقلم رشا منصور
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
يابنتي حرام عليكي اصحي بقي هو كل يوم سهر بالليل وتغلبيني في الصحيان الصبح وياريتك بتعملي حاجة تنفعك. واحدة غيرك كان زمانها تفكر في نفسها وتتجوز. آة ياما نفسي أشوفك عروسة. أحم احم، دي ماما ميرفت وكل يوم بصحي ع نفس الكلام لحد ما حفظته خلاص. أمي مش مقتنعة بأي حاجة بعملها، عاوزاني اتجوز وبس. وكل شوية جايبالي عريس ومافيش حد تعرفه إلا وتقول له شوف ليا عريس لبنتي، لكن أنا رافضة الطريقة دي تماما، وبصراحة مش بفكر في الجواز أصلا، أنا عندي حاجات أهم بكتير وشاغلة تفكيري. ماما ميرفت: قومي اصحي الفطار جاهز وي...
رواية الحارس الفصل الأول 1 - بقلم رشا منصور
يابنتي حرام عليكي اصحي بقي هو كل يوم سهر بالليل وتغلبيني في الصحيان الصبح وياريتك بتعملي حاجة تنفعك. واحدة غيرك كان زمانها تفكر في نفسها وتتجوز. آة ياما نفسي أشوفك عروسة.
أحم احم، دي ماما ميرفت وكل يوم بصحي ع نفس الكلام لحد ما حفظته خلاص.
أمي مش مقتنعة بأي حاجة بعملها، عاوزاني اتجوز وبس. وكل شوية جايبالي عريس ومافيش حد تعرفه إلا وتقول له شوف ليا عريس لبنتي، لكن أنا رافضة الطريقة دي تماما، وبصراحة مش بفكر في الجواز أصلا، أنا عندي حاجات أهم بكتير وشاغلة تفكيري.
ماما ميرفت:
قومي اصحي الفطار جاهز ويلا ياختي علشان تنزلي مكتبة عمك عبد الرحيم. بس مش الأولي كنت اشتغلتي مدرسة ولا في شركة سياحة. مش حرام الشهادة اللي معلقاها ع الحيطة دي؟ وفي الآخر وقفة في مكتبة.
رشا منصور:
يا ماما افهميني، أنا صحيح بحب اللغات واخدت ليسانس سياحة وفنادق قسم إرشاد سياحي. لكن أنا مش طموحي أقعد ع مكتب في شركة طيران ولا اشتغل مدرسة لغات.
أنا عاوزة أعمل ماجستير ودكتوراه واكون دكتورة في الجامعة، وبنزل مكتبة عمو عبد الرحيم علشان أقرأ الكتب اللي هتفيد دراستي ببلاش، أهو منها بساعده ومنها بشوف الكتب اللي هتفيد دراستي.
يعني من الآخر بوفر لك فلوس. ياريت بالمرة شوفيلي معاكي 200 جنيه.
ماما ميرفت:
أفهم من كده إنك مش هتاخدي فلوس منه؟ ياااا اختي أصوت. ولا أشد في شعري. صبرني يا رب.
قومي قدامي افطري بدل ما أرجع في كلامي وأخدك وأسيبك قدام أي جامع ولا دار أيتام يصرفوا عليكي. أنا زهقت.
خالتوا فاتن:
روحت ع شقة الست ميرفت جارتي، وأول ما قربت من الباب ولسه أرن الجرس سمعت صوتها العالي قلقت عليها. وأول ما فتحت ليا فهمت أن كالعادة بنتها رشا هي السبب.
وعرفت أن ميرفت نفسها تفرح ببنتها إلا تتجوز أو تشتغل وتشوف مستقبلها، لكن قعدتها كدا وتضيع وقتها في المكتبة مش عاجباها.
قولت لها طول عمرنا جيران، وانتي زي أختي بالظبط وأنا معتبرة رشا دي بنتي. وجيالك وعندي لك حل.
وناديت ع رشا وأول ما جت قولت لها أنا ناويت أعمل مشروع وأنتي اللي هتكوني مسؤولة عنه، واهو حاجة تنفع ابني. أنتي عارفة أن وليد في آخر سنة في كلية تجارة وعاوزة أشوف له حاجة يشتغلها يكون بها نفسه بدل ما يقعد ليا في البيت ويستنى وظيفة بشهادته.
رشا منصور:
مش فاهمة يا خالتوا أنتي هتعملي مشروع لوليد ابنك مالي أنا بالموضوع.
خالتوا فاتن:
أنتي بتفهمي في السياحة وأنا عاوزة أفتح شركة سياحية للسفريات سواء حج وعمرة أو رحلات مصايف.
وحجز التذاكر والطيران والفنادق. الحاجات دي وليد ابني ما يفهمش فيها زيك. ده غير إن هو لسه في الدراسة واهو يدرب معاكي ويمسك الحسابات، ولكن أنتي المسؤولة عن كل حاجة حتى الموظفين أنتي اللي هتختاريهم.
أنا معتمدة عليكي في كل حاجة، أنتي عارفة أنا مفهمش في المشاريع.
رشا منصور:
مشروع حلو ومربح كمان، بس لازم مكان كبير وأهم حاجة الموقع المتميز وكمان هيحتاج توضيب وديكورات ومصاريف كتير للدعاية.
خالتوا فاتن:
المكان موجود، أنا وارثة بيت كان بتاع جدي كبير أوي ومقفول من حوالي خمسين سنة من بعد ما جدي مات تقريباً.
حتى جدي ما كانش عايش فيه، هو اشترى الأرض وبنى البيت وبقى يروح كل فترة وأنا وأبويا عمرنا ما عيشنا فيه لأنه كان في حتة مقطوعة.
لكن دلوقتي المنطقة هناك بقت كلها أبراج ومطاعم ونادي ومستشفى.
اطمني المكان موقعه حلو أوي بس البيت محتاج تجديد وهو تلات أدوار وبفكر ناخد كل العفش اللي فيه وننزله الدور الأول والشركة تبقى في الدور الثاني والثالث.
ع العموم روحي شوفي البيت واعرفي هيحتاج إيه وأنا أجيب العمال يوضبه ع ذوقك. إيه رأيك بقي؟ موافقة؟
ماما ميرفت:
والله يا فاتن فكرة حلوة واهو ع الأقل وليد يبني مستقبله وأنا عن نفسي موافقة. ع الأقل أكون مطمنة عليها معاكوا.
وفكرة نطلع أنا وأنتي نعمل عمرة مع أول فوج للشركة.
رشا منصور:
وأنا موافقة، بس لحد ما البيت يتوضب أنا هروح مكتبة عمو عبد الرحيم كام ساعة علشان ما يزعلش وهتابع برضو العمال.
وخلصنا فطار وروحت مع خالتوا فاتن ع البيت واتفاجئت أنه كبير جداً. ورغم أن المنطقة زحمة إلا أن الأرض اللي بجوار البيت فاضية وبعدها في مستشفى والباب العمومي في الاتجاه المعاكس. لكن الباب المقرب للبيت هو باب المغسلة.
ودخلنا البيت وكان الدور الأول ما فيهوش غير كام كنبة لكن فيه غرفة مكتب كبيرة أوي. قولت ل خالتوا فاتن أنا هنضف المكتبة دي وهبقى أقع فيها. أنتي عارفة أنا غاوية قراءة الروايات والقصص.
والدور الثاني كان مفروش بالكامل لكن الثالث كان فاضي تماماً.
ولقيت صورة معلقة ع الحيطة فيها راجل متصور قدام مقابر وفيه ونش وناس واقفة بجواره.
ضحكت وبقول ل خالتوا فاتن أول مرة أشوف حد يتصور بجوار ونش ومقابر. بجد جديدة دي هههههههه.
خالتوا فاتن:
ده جدي حمدي ومتصور قدام المقابر قبل ما تتهد، ما البيت مبني ع أرض المقابر.
زمان منطقة المعادي دي كانت صحراء والجزء ده كله كان مقابر لحد ما الطريق الدائري بقى قريب من هنا ساعتها اتحولت الأرض لمباني وصدر قرار بهدم المقابر ونقلها لمكان تاني.
وجدي حمدي اشترى الأرض وبنى عليها البيت ده وكان بيجي له زيارات لأن ما كانش فيه محلات ولا حد ساكن هنا.
وبابا ورث البيت وأنا ورثته من بعده ولحد النهاردة عمري ما قعدت فيه يوم واحد.
لأني اتولدت في شقة جدي اللي في الجيزة وبابا اتجوز فيها وأنا كبرت واتربيت فيها. ولما اتجوزت جيت مع جوزي وعشت هنا في حلوان.
رشا منصور:
مش عارفة ليه نفسي شالت من البيت يمكن عشان أرض المقابر ولا عشان باب المغسلة.
وقررت أفكر بشكل عملي وأشيل من دماغي التخاريف دي. وقولت ل خالتوا محتاجين في البداية شركة نضافة. البيت مليان تراب وبعد كدا نبقى ننقل العفش كله في الدور الأول.
ووافقت خالتوا وقالت لي اعتبري ده حصل وهكلم الشركة ومن بكرة يكونوا هنا. بس معلش عاوزاكي تقفي معاهم وهخلي وليد يكون معاكي علشان ما تبقيش لوحدك.
ماما ميرفت:
انبسطت من كلام فاتن. دي جارتي من زمان وزي أختي وهكون مطمنة ع رشا. وكمان وليد ابن فاتن ده اتربى ع ايدي وطول عمري بعتبره ابني الصغير.
ورجعت رشا البيت وقالت لي ع كل اللي قلقانة منه. بس أنا طمنتها وقولت لها هكون معاكي بكرة واهو بالمرة أعرف المكان.
رشا منصور:
تاني يوم اخدت ماما وروحنا بيت خالتوا فاتن. ووصلت سيارة شركة التنضيف وبدأ العمال في الشغل. ووصل وليد وخالتوا فاتن. وبعد ما خلصوا دخلت غرفة المكتب وابتديت أقلب في الكتب ولقيت رف فيه كتب عن الأساطير والجان. وفجأة وقع تمثال صغير ع شكل تنين.
ومجرد ما مسكت التمثال اتفتحت الحيطة ولقيت سلم نازل لتحت. ده شكله سرداب.
بس سمعت صوت ماما بتنادي عليا. رجعت بسرعة الكتاب وشوفت زرار في الحائط ضغطت عليه اتقفلت الحيطة. وأخدت التمثال في شنطة الخروج بتاعتي وخرجت ل ماما وخالتوا وروحنا ع البيت.
وأنا مش عارفة أقول اللي شوفته ولا استنى لما أعرف إيه اللي في السرداب.
ورغم خوفي واحساسي بالرعب إلا أن الفضول هيقتلني. وقررت أروح البيت تاني يوم لوحدي علشان أعرف سر السرداب.
ومجرد ما دخلت غرفتي وخرجت تمثال التنين من شنطتي لقيت.
رواية الحارس الفصل الثاني 2 - بقلم رشا منصور
رشامنصور….
كنت بفكر في البيت والسرداب، ومجرد ما فتحت شنطتي وخرجت التنين حسيت أن لون عينه على شكل نار وكأنه صاحي.
ده غير أن حجمه اتغير، كان صغير دلوقتي بقى حجمه أكبر وتقيل.
لأ لأ لأ، أنا شكل موضوع السرداب ده خلاني اتوهم، أكيد بيتهيقلي.
وكمان أنا كنت أسمع أنهم كانوا بيعملوا سراديب أو خنادق علشان يستخبوا فيها أيام الحرب.
آه أنا نسيت عمو عبدالرحيم، وأخدت شنطتي ونزلت بسرعة على المكتبة واعتذرت له على التأخير وحكيت له على اللي حصل.
وقعدت أرتب الكتب، ولقيت كتاب ظهر فجأة قدامي مرسوم عليه تنين أحمر.
ساعتها افتكرت تمثال التنين الأبيض وقررت أقرأ الكتاب، وأول ما فتحته وقلبت في صفحاته اتفاجئت بجملة بتقول:
"يعتبر التنين رمز للعالم السفلي".
إيه!!!؟ عالم سفلي. يعني التنين ده يعتبر جني صح، ده بيخرج منه نار والجن مخلوق من النار.
التمثال، أنا متأكدة أن عينه كانت نفس لونه أبيض، لكن لما خرجته من شنطتي كانت لون النار.
آه يا دماغي، صداع رهيب. لأ لأ، أنا مش قادرة أقعد كده وأنا مش عارفة اللي في غرفتي ده تمثال ولا جن.
واستأذنت من عمو عبدالرحيم، وأخدت الكتاب معايا وروحت البيت، وأول ما دخلت غرفتي لقيت التمثال حجمه زاد وبقى أكبر، لكن عينه رجعت بيضاء زي ما كانت. أنا خلاص هتجنن.
أكيد ده إرهاق وقلة نوم. أنا هنام شوية ولما أصحى أبقى أتغدى.
ونمت على السرير وعيني على التمثال.
وفجأة شوفت الراجل اللي في الصورة، جدو حمدي صاحب البيت، وواقف يكلم حد صورته مش واضحة، وسمعته بيقول: "البيت ده استحالة حد يقرب منه أو حتى يفكر يبيعه، لازم نعمل حاجة نحمي بيها البيت وممنوع حد يقرب منه إلا اللي من دمي.
وأي حد تاني يقرب يكون مصيره زي نزار".
صحيت مخضو'ضة، وبنهج كأني كنت بجري في سباق، وكل اللي شاغل بالي مين نزار وإيه اللي حصل له ويعني إيه محدش يقرب من البيت، هو الراجل ده يقصد إيه؟
أكيد جد خالتوا فاتن بيشتغل ساحر، وله في الجن والعفاريت. أومال إيه اللي خلاه يبني بيته على أرض الموتى.
وكمان التنين ده جن بردو، لأ لأ أنا مش هقرب من البيت ده تاني، ده مش بعيد يلبسني عفريت. أيوه، واللي شوفته في الحلم ده رسالة تحذيرية.
أنا هروح لخالتوا فاتن أفهم منها الحكاية. معقول تكون عايزة تأذيني؟ لكن لأ، ده هي وابنها كانوا معايا في البيت، معقولة هتأذي ابنها؟
هي أكيد متعرفش حاجة عن موضوع الجن، أنا هحاول أفهم منها أصل الحكاية.
ماما ميرفت….
جهزت الغداء ولسه هدخل لرشا، لقيتها خارجة من غرفتها وبتقولي أنها رايحة لفاتن، عايزها في حاجات مهمة تخص البيت.
أكيد عايزة تقولها على حاجات في الديكورات، أصل أنا عارفة بنتي غاوية الألوان الفاتحة والدندشة.
خالتوا فاتن….
كنت قاعدة منتظرة وليد، لأنه وصلني البيت ومكملش نص ساعة وراح على الكلية، وسمعت جرس الباب واتفاجئت أنها رشا وبتقولي: "إيه حكاية جدك بالظبط؟ هو كان بيشتغل إيه؟"
قولت لها: "حكاية إيه؟ مش فاهمة، هو ماله جدي مضايقك في حاجة؟" على العموم هو مات من قبل ما اتولد، وضحكت.
ردت رشا وقالت: "قصدي يعني كان بيشتغل إيه؟ أصلي أسمع أن زمان كان الشغل مرتباته قليلة، إزاي عرف يحوش ويشتري أرض ويبني كمان بيت كبير كده؟ ولا هو كان غني وعنده ورث؟"
قولت لها: "كل اللي أعرفه أنه كان عنده محل عطارة كبير وكان بيعالج الناس بالأعشاب وكان طيب أوي، ولحد النهاردة لو رحتي الجيزة هتلاقي الناس الكبيرة عرفاه.
وكمان الأرض كانت تعتبر في الصحراء، يعني سعرها أرخص من الأراضي العادية.
بس أهو مات ومفرحش بالبيت، يمكن ربنا عمل كدا علشان ألاقي حاجة أساعد بها ابني".
وردت رشا وقالتلي: "على العموم أنا جيت آخد مفاتيح البيت علشان أروح بكرة أشوف إيه اللي هحتاج له هناك وأكتبه في أجندة." وأديتها نسخة من مفاتيح البيت ومشيت.
رشامنصور….
ممممم جدها كان عطار وبيعالج الناس، أكيد كان دجال وشغال في السحر، واخد شغلة العطارة دي تمويه علشان البوليس.
طب وبعدين بقي أنا مفهمتش بردو مين نزار وإيه اللي حصل له؟
وبتلفت فجأة شوفت عين التنين بتطلع نور أبيض.
حسيت إني بترعش من الخوف، قربت براحة منه ومجرد ما مسكت التمثال لقيت…..!!!!
أنا إيه اللي جابني هنا؟ يا ماما أنتي فين؟ المكان ريحته غريبة أوي. حاولت أخرج من المكان، شوفت إني موجودة في محل عطارة كبير ومليان زباين.
حاولت أكلم حد فيهم بس ما فيش حد سامعني ولا حتى شايفني، وفجأة شوفت جدو حمدي وواقف معاه شاب تقريباً من السودان، قربت منهم ولقيته بيقول:
جدو حمدي….
أنا إيه اللي يخليني أشتري أرض بتاعة أموات؟ وكمان أنا أي فلوس بجمعها بجيب بها بضاعة وناوي أفتح محل جديد وأخلي أحمد ابني يمسكه، أنت عارف الوظيفة مرتبها قليل وهو دلوقتي خاطب وبكره مصاريفه تزيد لما يتجوز.
الشاب….
يا حج حمدي الأرض دي عليها مقابر، وعايزين ينقلوها ومهما خدوا بالهم، غصب عنهم ممكن يتركوا بعض عظام الموتى، والحاجات دي بيستخدموها السحرة.
وبصراحة كدا أنا سمعت أن في ساحر عاوز ياخد الأرض.
لو أنت اشتريت الأرض هتحافظ على عظام الموتى وتحميها، ده اللي بيستر بني آدم ربنا بيسترها معاه دنيا وآخرة، مابالك أنت هتستر أموات ليس لهم حول ولا قوة، فكر في الثواب اللي هتكسبه.
جدو حمدي….
والله يا نزار عندك حق، على العموم أنا هحاول أجمع كل فلوسي وأشتري الأرض وأبني سور حواليها علشان محدش يقرب منها ولما يجيلي فلوس تاني أبقى أبني البيت.
رشامنصور….
فجأة رجعت غرفتي تاني ولقيت نفسي نايمة على السرير. يعني إيه؟ أنا كنت بحلم؟
طب لو ده حقيقة يبقى جدو حمدي طلع راجل طيب ومش ساحر وكمان نزار من طريقة كلامه تقول إنه إنسان بيحب الخير.
ياربي ع الحيرة دي.
مبدهاش بقى أنا هصحى بدري وأروح البيت وأشوف يمكن ألاقي أي حاجة في غرفة المكتب أفهم منها الحكاية بالظبط.
وبصيت للتمثال وقولت: "أنا هرجعك البيت تاني، أنا مش عارفة أخوتك ليه. أنا أول مرة آخد حاجة مش بتاعتي.
بس يمكن توترت لما سمعت صوت ماما وخوفت أنها تشوف السرداب."
وتاني يوم صحيت بدري وقررت أروح على البيت ومعايا التمثال.
وأول ما وصلت لقيت سيارة جميلة أوي نازل منها شاب وبدأ ينادي عليا ولقيته بيقولي:
"أنا الدكتور سلامة صاحب مستشفى الأمل، وامبارح كنت معدي بالصدفة وشوفتكم فاتحين البيت. أخيراً ناوين تقعدوا فيه ولا بتفكروا تبيعوا؟"
رديت وقولت له: "أهلاً وسهلاً بحضرتك يا دكتور.
لأ مش هنبيع البيت، لكن هنفتح مشروع هنا، شركة سياحية للرحلات، يعني وقت ما تحب تطلع تسافر وتغير جو تعالي وهعملك خصم، ما إحنا جيران بقى."
الدكتور سلامة…..
هايل، على العموم لو محتاجة أي حاجة أنا في الخدمة، أصل أنا في المنطقة هنا من زمان وأعرف ناس كتير. اتفضلي الكارت بتاعي، وأكيد دي مش آخر مرة هنتكلم فيها. ع أذنك.
رشامنصور….
شكله واثق من نفسه أوي، بس بصراحة السيارة تحفة. ارزقني يارب. وأول ما دخلت البيت قولت: "السلام عليكم يا أهل المكان."
ودخلت غرفة المكتب وطلعت التمثال ووضعته على الرف.
وببص لقيت كشكول مكتوب عليه:
"إلى ورثة هذا البيت." وأول ما فتحته عرفت أن جدو حمدي هو اللي كاتبه وبيقول: "أي حاجة محتاجين تعرفوها عليكم باتباع التنين، وحسب نيتك هيكون لون التنين، واحذر أن تكون وجبة له."
ولقيت التنين. عاااااااا.
رواية الحارس الفصل الثالث 3 - بقلم رشا منصور
الدكتور سلامه…
تركت رشا واخدت سيارتي ودخلت من باب المغسلة وأول ما نزلت اتجهت للمشرحة وقابلت أختي الدكتورة سوزان قولت لها..
أخيراً يا سوزان هنقدر نحقق حلم أبوكي.. البيت اتفتح واقابلت البنت اللي هتكون مسؤولة عنه وكلها فترة بسيطة وهنقدر ونوصل للأمانة ونحقق المجد…
الدكتوره سوزان…
معقوله يا سلامة أبونا مات بسبب البيت ده وكل يوم بحلم انتقم من أهله ولولا الحارس كان زماني هدمت البيت…
أنا لازم أتصل بأمي وافرحها بس أنت واثق أنك هتقدر ع البنت دي.. مش يمكن تعمل زي ما حمدي عمل في أبونا نزار 😭
الدكتور سلامه…
اطمني دي عاوزة البيت تعمل فيه مشروع.. لو كانت تعرف حقيقته مكنتش فكرت تتعب نفسها وتشتغل..
ع العموم الكلام ده يفضل سر. ما بينا وأي كلام مع أمي يكون بعيد عن التليفون لازم محدش يمسك علينا كلمة.. أنتي فاهمه.
الحذر لازم وأنا بعد ما اطمن إني ملكت البنت دي هكلم شريف وبرك علشان هحتاجهم معانا في العملية…
ولحد ما ده يحصل أوعي تنطقي بحرف واحد أنتي فاهمه..
رشامنصور…
أول ما قرأت عبارة إني أتبع التنين ولكل تنين لون وع حسب نيتك هيكون لون التنين واحذر أن تكون وجبة له 😲
اترعبت. الكلام على الرغم أنه كله ألغاز إلا أنه يخوف.. وببص ع التمثال 🐉 لقيت حجمه زاد بقي حوالي متر ونص 😲😲 عاااااااا
إزاي ده حصل ولسه هطلع أجري باب المكتب اتقفل!!!
بصيت للتنين وقولت له لأ لأ أرجوك بلاش تأكلني أنا معملتش حاجة والله بص أنا مش هشتغل خالص وهكلم خالتوا فاتن تلغي المشروع نهائي.. أنا أصلا فقرية مش وش مشاريع..
إيه ده أنتي مين!!!!
عيشوش (التنين الأبيض)
أطمني يا رشا لولا إنك جاية للخير مكنتش أنا اللي ظهرت لكي وعمرك ما كنتي هتعرفي تدخلي البيت…
البيت ده ملك لورثة الحج حمدي وبس وأي حد نيته خبيثة، جزائه بيكون عسير…
رشامنصور…
طب مش فاهمه انتي مين وظهرتي ليا ليه وإيه اللي يفرق البيت ده عن أي بيت تاني.. وليه كل الألغاز دي. والأهم من ده كله أنتي إنسية ولا جنية…
عيشوش (التنين الأبيض)..
أنا عيشوش أنثى التنين إحدى حراس البيت ومن العالم السفلي وظهرت ليكي علشان نيتك خير وعاوزة احميكي من أي حد ممكن يستغلك علشان يدخل البيت… من سنين طويلة وأحنا بنحافظ ع البيت وهنفضل نمنع أي حد من دخوله…
رشامنصور…
لحظة بس المفروض إننا هنفتح شركة يعني في موظفين وعملاء وطبيعي إن في ناس هتدخل وتخرج من البيت..
استني… أنتي قولتي إنك عاوزة تحميني هو أنا في خطورة عليا..
يعني أنتي جنيه وظهرتي علشان تحميني،..
أنا.. أناااااا………
فجأة دخلت في غيبوبة وشوفت جدو حمدي واقف مع شيخ في المسجد وبيقول له..
الشيخ…
يا حج حمدي لولا إني عارف إنك راجل طيب وعارف ربنا مكنتش اتكلمت معاك…. ابعد عن نزار بلاش تصاحبه ده صديق السوء.
الحج حمدي…
ليه يا عم الشيخ. نزار شاب طيب وع الرغم إن عمره يفرق عن ابني أحمد كام سنة بس إلا إني بحس إنه راجل ناضج ومتزن وأهم شيء إنه بيحب الخير للناس…
الشيخ…
أنت متعرفش حاجة عن نزار يا حج حمدي… أنت عارف هو كان شغال إيه في السودان،. وليه هرب منها…
الحج حمدي…
كل اللي اعرفه إن أهل زوجته كانوا رافضين الجوازة وهو خدها وهرب بيها ع مصر،. واهو عايش معانا من كام شهر ومحدش شاف حاجة وحشة منه… بالعكس
الشيخ…
احذر، يا حج حمدي أنت متعرفش حاجة نزار ده يبقى….
نزار…
يا حج حمدي دورت عليك وعرفت إنك هنا.. تعالي الله يكرمك في راجل تعبان ومحتاج للمساعدة… معلش يا شيخ أجل كلامك المريض مش قادر ينتظر…
رشامنصور…
فوقت ولقيت نفسي قاعدة ع الكنبة وعيشوش رجعت تمثال تاني 🙃 أنا إيه اللي بيحصل ليا ده..
أكيد أنا اتجننت أيوة بقي بيتهيأ لي حاجات قال إيه التمثال بقي بنت جميلة و… هي إيه حكاية نزار ده
ليه الشيخ كان بيحذر جدو حمدي منه…
ما هو بردو بالعقل ده شاب يصاحب راجل كبير ليه ؟؟؟ ما الأولى كان صاحب أحمد ابنه… الموضوع ده فيه سر ولازم اعرفه..
إيه ده الظهر بيأذن. اتاخرت ع عمو عبدالرحيم…
أول ما وصلت لقيت عمو عبدالرحيم واقف بيتخانق مع طفل عاوز قصة أكشن. وهو بيقنعه ياخد كتاب تلوين.
وقفت أضحك وقولت له الجيل ده غيركم يا عمو واخدت كام قصة وقولت للولد ادخل أقعد اقرأهم هنا..
عمو عبدالرحيم…
ماله جيلنا كان أحسن منكم اللي الأقل مواعيدنا كانت مظبوطة..
ع العموم أنا مقدرش أقف في طريقك لو عاوزة مجيش تاني المكتبة قوليلي وأنا أروح اتخانق مع الست فاتن أنا بتلكك أصلا 🙃
رشامنصور…
بقولك إيه يا عمو لو عاوز تتلكك علشان تبوظ جوازة بنتك رزان ع وليد ابن خالتوا فاتن أنت حر براحتك…
كلها كام شهر واجيب بنات زي القمر الشركة ووليد ألف بنت تتمناه ده كفاية إنه في سن صغير وهيكون صاحب شركة.. ده غير إنه لما هيتجوز هيقعد في المعادي وأنا هوضب البيت هخليه فيلا…
تبقي خلي رزان قاعدة جنبك.. بس بلاش تاخدني أنا سكة ماشي يا عمو…
عمو عبدالرحيم…
آه صح ده الشركة هتبقي باسمه وهو وريث أمه الوحيد 🤔
أنتي فهمتي غلط أنا أفشل ما بينهم ده أنا حتى مرضتش أعمل الخطوبة إلا لما يخلص دراسته علشان يعرف يركز..
وخليكي محضر خير.. ده حتى رزان بنتي بتحبك..
بس سيبك من البنت والواد أنتي شكلك متغير إيه اللي شاغل بالك كدا قوليلي…. محتاجة فلوس قولي متتكسفيش. وأنا ادفعلك من جنيه ل خمسين..
رشامنصور…
لأ لأ مش كدا خالص طول عمرك كريم يا عمو 🫣🙃
كل الحكاية إني خايفة مبقاش قد المسؤولية… أنا المفروض أوضب الشركة واخلص الأوراق والسجل التجاري وكلها حاجات أنا مبفهمش فيها 😔😔
عمو عبدالرحيم…
بسيطة أنا ليا واحد صاحبي شغال في السجل، هعرف منه إيه الأوراق المطلوبة وأنا معاكي متخافيش يا لمضة أنتي تنجحي في كل حاجة المهم لما الشركة تفتح تطلعيني عمره..
رشامنصور…
عمره مرة واحدة 😲😲 ولسه هنطق!!!
شوفت الحج حمدي وهو في محل العطارة وواقف بيكلم راجل بيقول له روح المخزن وهات الحاجات دي واوعي تنسي الحلبه والمغات الزباين واقفة منتظرة يلا بسرعة…
ومرة واحدة دخل عليه راجل بيجري وبيقول له الحق يا حج حمدي دخلت المسجد لقيت الشيخ مقتول.. وسايح في دمه…
وجريت مع الحج حمدي وكل الناس اللي كانت موجودة في المحل وشوفت الشيخ وشوفت كمان نزار واقف بعيد وبيبتسم وبعدها قرب منهم وهو بيقول لأ إله إلا الله إيه اللي حصل..
بلغوا البوليس بسرعة ولا هاتوا الإسعاف تنقذه…
ولسه بقرب من نزار واقول أنت اللي قتلته. لقيت نفسي في المكتبة والولد الصغير بيقولي أنا خلصت قصة والتانية عاوز اخدها معايا البيت..
أنا مش عارفة إيه اللي بيحصل معايا ده… بس اللي شوفته ده معناه إن نزار هو اللي قتل الشيخ علشان ميقولش للحج حمدي ع حقيقته ….
ياتري إيه حقيقة نزار وايه اللي بيحصلي أصلا وليه كل اللي بيظهروا ليا اموات😔😭
طلبت من عمو عبدالرحيم إني أروح البيت آكل لأني مفطرتش لحد دلوقتي وجعانة أوي لكن الحقيقة أنا رحت بيت خالتوا فاتن..
ودخلت المكتب وبصيت ل التنين الأبيض وقولت له لو سمحتي اظهري محتاجة أفهم منك حاجات كتير…
عيشوش التنين الأبيض…
رجعت ل شكل بشري علشان أكلم الإنسية ولقيتها بتقولي..
أنا مش فاهمه إيه علاقة الشيخ ونزار بالبيت هنا وليه الحج حمدي طلب منكم حماية البيت…
وإذا كانت دي كلها أرض موتى، يبقي الأولى تحموا الأرض مش البيت ؟!!! ممكن توضحي ليا من غير ما أروح ل زمانهم…
رديت على الإنسية وقولت لها لازم تشوفي بنفسك من البداية لحد ما تعرفي الحقيقة الكاملة وتختاري بنفسك تكوني في صف حمدي ولا نزار…
رشامنصور…
أختار أكون في صف حمدي ولا نزار اللي هما أصلا أموات..
الله يطمنك.. طب ما أنا ممكن أسيب البيت وأبعد خالص.. ولا كأني شوفتك وأساسا اعتبريني نسيتك.. يلا سلام..
عيشوش…
لو انتي سبتي البيت هما مش هيسبوكي لازم تكملي الطريق للنهاية.
رشامنصور…
هو أنا مش فاهمه حاجة من الألغاز دي بس ممكن أفهم إيه حكاية السرداب وليه مقفول ومحدش يعرف عنه حاجة…
عيشوش التنين الأبيض…
هتشوفي وتعرفي كل حاجة بنفسك بس الأهم من كل ده إنك تعرفي على حسب اختيارك هيكون مصيرك…
رواية الحارس الفصل الرابع 4 - بقلم رشا منصور
الدكتور سلامه…
أثناء كلامي مع أختي الدكتورة سوزان في المشرحة لقيت برك مدير أعمالي ودراعي اليمين داخل علينا وبيقولي…
برك…
كويس أنكم هنا لوحدكم في فاكس لسه واصل حالا من الصين وعاوزين طلبيه جديد وبسرعة…
الدكتوره سوزان…
هى دى نفس شركة مستحضرات التجميل ولا حاجه غيرها..
برك…
نفس الشركة وأنا استغليت احتياجهم وزودت السعر وهما موافقين شرط السرعة لكن لو اتأخرنا هياخدوا بالسعر القديم…
الدكتوره سوزان…
شوفلي شريف فين يتصرف لنا في ناس لحد ما نشوف الجثث اللي عندنا وأثناء كلامي دخل شريف وقولت له ع الطلبيه ولقيته بيقولي…
الدكتور شريف….
لأ لأ يا جماعه أنا ضميري معذبني أنا مستعد نسرق أعضاء ونعوضهم بأي فلوس لكن هى حصلت ناخد جلد الأموات.. أنا قلبي بيتقطع ومش قادر أكمل معاكم…
فين شرف المهنه يا دكتور سلامه ولا أنتي يا سوزان أنا بقيت اخاف منك وأوقات كتير بحس أنك واحدة غريبة مش سوزان مراتي… ياريت تفكري في سمعتنا لو اتعرف اللي بنعمله…
الدكتوره سوزان..
لسه أخويا سلامة هيرد ع شريف قولت له روح أنت مع برك وشوف الطلبيه ع ما اخلص كلامي مع شريف..
وأول ما سلامه وبرك خرجوا بصيت ل شريف وقولت له
أوعي تكون افتكرت نفسك دكتور بحق وحقيقي… الله يرحم عمليات الإجهاض اللي كنت بتعملها تحت بير السلم وأنك اتسجنت قبل كدا واسمك اتشطب من نقابة الأطباء….
فوق أنا اللي عملتك دكتور وشغلتك هنا فلما تحب تترسم شوف حد غيري تترسم عليه وتعيش دور الشرف..
فوق يا حبيبي فلوس العمليات دى هى اللى جابتلك السيارة وبقيت تسافر بره وبتلبس ع الموضه..
ولا خلاص شبعت ودى استحالة اصدقها.. أكيد ضميرك محتاج فلوس زياده علشان تعرف تسهر وتصرف ع النسوان اللي بتعرفها
ولا يكنش حد قالك إني نايمه ع وداني…
أنا لولا أن بقي بينا مصالح مشتركة مكنتش بقيت ع ذمتك وكنت بقيت جثة. وأنا بنفسي سلخت جلدك وبيعته…
فوق يا بابا أنا سوزان نزار اللي أنت عايش ع خيرها وخير أخويا..
الدكتور شريف…
في إيه يا حبيبتي وبعدين إيه كلامك ده أنا عمري ما اخونك ولا أعرف نسوان عليكي.. معقوله حد يبقي معاه القمر ويبص للنجوم.
وبعدين أنا مقدرش انكر فضلك عليا..
كل الحكايه إني عاوز نغير النشاط ويبقي أعضاء بس..
لكن لو ده يزعلك خلاص اعتبريني مقولتش حاجه..
أنا هستئاذن أروح ل دكتور صاحبي يشوف لنا كام حالة عنده وهرجع بالليل نسهر سوي…
الدكتوره سوزان…
مافيش داعي للأستعجال اللي أنت رايح لها موجودة هنا في التلاجة ومش هحرمك منها..
عندك المشرط اسلخ جلدها بنفسك يا حنين هاهاهاها وخافي ع نفسك أحسن تنجرح. والجلد يتلوث، ولا صحيح واحد زيك مفتكرش عنده دم ع أذنك يا زوجي العزيز اسيبك تشوف شغلك وتودع محبوبتك الوداع الاخير
وخرجت من المشرحة وروحت ل سلامة في مكتبه ولقيت برك معاه قولت لهم خلاص شريف عقل وبيسلخ صاحبته المهم دلوقتي محتاجين ناس والمشرحة فاضية..
الدكتور سلامه…
بسيطة في انهاردة سبع عمليات هختار اتنين يكون عندهم مشكلة في الضغط ولا القلب. واديهم حقنه. ومجرد ما يدخلوا العمليات وياخدوا البنج. قلبهم مش هيتحمل وهيمو'توا.
ساعتها يدخلوا المشرحة ونبلغ أهلهم ويدخلوا يودعوهم وندخل أنا وانتي وشريف نس/لخهم. وأنت يا برك تلف ع جسمهم قطن وشاش بسرعة وبعدها نحط الكفن،..
يلا بينا وسوزان قالتلي وأنا هروح انتظرك من دلوقتي في المشرحة…
عيشوش التنين الأبيض….
الانسية رشا منصور عاوزة تفهم وتعرف حاجات كتير لكن عقلها مش هيستوعب الحقيقة علشان كدا لازم اخليها تشوف من البداية تمهيدآ للطريق لها.. وهى تختار مصيرها بنفسها..
وأثناء كلامها معايا ظهر تمثال التنين الأحمر واتفز'عت. الانسية وقالت خلاص ناوين تاكلوني.. وخرجت وهى بتجري..
روڤانا التنين الأحمر…
أنا بحمي أرض البيت وعارفه أن نزار واولادة عاوزين يوصلوا بأي شكل وتواصلوا مع كثير من الجنn لكننا ملوك العالم السفليe
وللأسف منقدرش نأذي بشري إلا بأمر من بشري مثله ..
علشان كدا وجدنا أن أفضل طريقة لو الانسية رشامنصور عرفت الحقيقة واختارت صف حمدي وقتها هنقدر ننتقم. منهم..
وظهرت ل اختى عيشوش علشان تستعجل الاحداث الوقت بيعدي
ومينفعش بعد كل السنين دى نفضل ساكتين..
بس مش عارفه ليه الانسية هرrبت. وخافت. مني…
وقولت ل عيشوش هنعمل ايه دى خا'فت. مني اومال هتعمل ايه لما تعرف الحقيقة…
عيشوش التنين الأبيض…
اطمني أول ما توصل بيتها هنقلها ل هنا وهخليها تشوف وتعرف إجابة سؤالها…
رشامنصور…
وأنا بتكلم مع عيشوش فجأة ظهر تمثال تنين أحمر عرفت أنه أكيد جاي ياكلني جريت بسرعة ع البيت وأول ما دخلت غرفتي لقيت نفسي في بيت غريب وسمعت حد بينادي بيقول يا رباب
طلعت أشوف الصوت اتفاجئت ب جدو حمدي وواحدة بتقوله
رباب…
الأكل جاهز بس أنتي مستعجل كدا ليه مش خلاص نفذت اللي في دماغك واشتريت أرض المقابر وجاى تفرحني بأنك هتعملي بيت كبير… بتاكل بعقلي حلاوة يا حج.. ع آخر الزمن هعيش مع العفاريت..
جدو حمدي…
هههههه ما عفريت إلا بني آدم. يا رباب اللي قاصده خير ربنا بيحفظه وكمان ده أنا ناوي أعمل جراج بابه يكون في آخر البيت من جوه واجيبلك حنطور وتبقي هانم بس مش هفتح لها باب من الشارع إلا بعد ما اشتري الحنطور أحسن الحراميه تدخل لنا منه..
رباب..
بجد يا حمدي ده أنا كدا ابقي أحسن من مرات عم عبده الجزار
رشامنصور…
رجعت تاني ل غرفتي بعد ما عرفت إجابة سؤالي …
اومال ليه التنين بيحمي، البيت…. مش عارفه ليه الحيرة دى وليه كان عاوز يأكلني…
عيشوش…
أهدي يا انسية هى أختي روڤان هتأذيكي ليه بالعكس هى كانت عوزاني أنا وانتي اللي خو'فتي وجريتي.. من غير سبب.
رشامنصور…
أنا آسفة أصل بصراحه كلمه جدو حمدي أن ممكن اكون وجبه لكم مش قادره أنساها. ع العموم قولي لها معاااااا
روڤان التنين الأحمر…
حقك تخافي. مني لو في يوم طمعتي في اللي ملكي…
لكن أنتي بتساعدي ورثة حمدي وهو إنسان طيب محب للخير علشان كدا اعتبرينا أصحابك…
رشامنصور….
أنا نفسي افهم إيه اللي يفرق بيت جدو حمدي عن أي بيت تاني وكمان إيه حكايه نزار هو قتtل الشيخ قبل ما أعرف سره.
وايه كان مصيره…
عيشوش…
كل حاجه هتعرفيها في ميعادها بس الافضل تقرئي الكتاب ده هيساعدك في فهم حاجات كتير….
رشامنصور…
سيدنا سليمان ملك الإنس والجان….
إيه… سيدنا سليمان!!!! هو إيه علاقته بالبيت ما تفهموني… لكن لقيت نفسي واقفه لوحدي في الغرفة..
ودخلت عليا أمي بتقولي وليد قاعد بره وعاوزك …
وليد….
ماما قالتلي أنك راحه البيت انهاردة وكنت ناوي اروح معاكي لولا أن كان عندي محاضرات مهمه جدا.. قوليلي هتحتاجي تغييري إيه في البيت..
رشامنصور….
لسه هنطق ظهرت عيشوش وبتقولي وليد بيكذب هو كان مع رزان في الكليه بتاعتها.. ضحكت وقولت له واضح واضح أنك مشغول بدليل وجودك مع رزان…
ركز ياعم دى آخر سنه بدل ما عمو عبدالرحيم يقولك أنت فاشل مش هجوزك بنتي…
وليد…
أنتي عرفتي منين!! رشا أنا اخوكي خليكي جدعه ومتقوليش لحد
رشامنصور….
ماشي يا لمض روح قول ل خالتوا فاتن إني عاوزة مهندس ديكور هو اللي يكون مسؤول عن الدور الثاني والثالث بس ويغير ليا وجهة البيت كله ويختار الوان عصيريه…
وبعد ما وليد خرج ودخلت غرفتي لقيت عيشوش بتقولي لازم تكوني موجودة علشان تضمني محدش يدخل غرفة المكتب وإلا هيكون اذي ع الجميع وأنتي أولهم…
قولت لها اطمني أنا أصلا هركب اقفال ع الباب احتياطي علشان محدش يدخل خالص..
بس هى الأرض اللي بين البيت والمستشفي بتاعة مين ؟!!!
عيشوش…
دى أرض الأموات واخويا التنين الاسود حارس عليهم وأنتي اللي هتساعديهم ع استرجاع حقهم…
رشامنصور…
اساعد أموات 🙃😲….
رواية الحارس الفصل الخامس 5 - بقلم رشا منصور
رشامنصور…
اتفاجئت بكلام عيشوش وهي بتقولي إني هساعد الأموات.
واختفت بعدها، سابتني في حيرة أساعدهم إزاي وهما ماتوا خلاص، وأجيب حقهم من مين؟
يمكن الناس وهي بتنقل المقابر تركت فعلاً بعض عظامهم. طب ما اللي عملوا كدا زمانهم ماتوا من زمان.
ما يتقابلوا بقى وياخدوا حقهم من بعض.
ولا يكنش عاوزين يموتوني وأنا بعدها روحي تطلع تجيب لهم حقهم.
لأ برضه كلام مش مقنع. يعني هما كلهم مش عارفين ياخدوا حقهم وأنا بقى اللي سبع رجالة في بعض هعرف أجيبه.
وقررت أعملي ماج شاي وأقرأ الكتاب يمكن أفهم حاجة من الألغاز دي. "سيدنا سليمان ملك الإنس والجان"
ماما ميرفت…
كنت حاسة إن رشا متغيرة، بطلت تهزر وتضحك زي الأول، بقت في غرفتها على طول.
يكون زعلت مني عشان عاوزاها تشتغل؟ طب ما أنا عاوزة مصلحتها، وكمان فاتن دي عشرة سنين وأنا مطمئنة بوجودها معاها.
دخلت لها الغرفة ولقيتها مندمجة في قراءة كتاب.
قلت لها: "طب ما تقعدي معايا بدل ما أنا قاعدة لوحدي."
ردت وقالت لي: "يا ماما، هو سيدنا سليمان كان معاه حاجة بتساعده تتحكم في الجن؟ ولا دي مش حقيقة؟"
قلت لها: "أيوه سيدنا سليمان كان معاه خاتم يشبه الختم، وبعد ما اتوفى الخاتم اختفى. بس ربنا كان مدي سيدنا سليمان قوة تعتبر خارقة، بيقدر يسمع حتى الحيوانات والطيور، وكان جيشه مكون منهم، ده غير التحكم في الرياح والحديد وحاجات كتير تانية. ومن قوة إيمانه في يوم قرر يتزوج مئة امرأة عشان ينجب في يوم واحد مئة طفل مؤمن بالله، لكنه نسي يقول إن شاء الله. وكانت النتيجة أنه رزق بطفل واحد بس من بلقيس ملكة سبأ، وكان هجين من الإنس والجن، والابن ده بعد كده كان أول ملك حبشي وفضل سنين كتير يحكمها. واللي بيقول إن سيدنا سليمان أصلاً عنده أولاد كتير بسبب كثرة زوجاته اللي وصل عددهم تقريباً من 700 لـ 1000 زوجة."
أثناء كلامي مع رشا وهي مندهشة من كلامي، وفي الآخر لقيتها بتقولي: "يعني أي حد معاه الخاتم قادر يكتسب قوة سيدنا سليمان؟"
قلت لها: "تقريباً هيكون معاه قوة استعباد الجن. لكن الأهم من ده كله، إنه هيقدر يعرف فين مخازن سيدنا سليمان اللي كانت مليانة بالياقوت والأحجار الكريمة، والقصر كمان."
الدكتور شريف…
مكنتش متخيل جبروت سوزان. أول ما فتحت التلاجة وطلعت جثمان صاحبتي، واتفاجأت إن متاخد منها قرنية وكلى وفص كبد وسابها مفتوحة. المنظر مرعب.
أنا مش مستبعد إنها في يوم ممكن تقتلني. لكن لأ، أنا لازم أفكر في طريقة أبلغ عنهم وأهرب بفلوسي.
ولقيت سوزان دخلت المشرحة وبتقولي: "تصديق فكرة، وفي بلاد كتير مش بتسلم المجرمين، وتقدر تشتغل في أعمالهم القذرة. أقولك، ما تسافر الصين، في هناك قري بتبيع عظام البني آدمين، بيقولوا إنها كولاجين طبيعي وبتجدد شبابهم."
"مشكلتك يا شريف إنك مش قادر تستوعب قوتي لحد دلوقتي."
كنت مصدوم من كلامها. هي إزاي بتقدر تقرأ أفكاري؟ دي شكلها مخاوية جن.
الدكتور سلامة…
اختارت حالتين وأديتهم الحقن ورجعت ع المشرحة، وقعدت مع سوزان نشرب القهوة وأنا بفكر إزاي أستغل البنت اللي هتفتح البيت. مافيش غير قرينتها ممكن ناخدها في صفنا، وبكده أبقى ضمنت ولاء البنت دي ليا، وساعتها تعمل اللي مش قادرين إحنا نعمله.
ولقيت سوزان بتبص لي وبتقولي: "مش هتعرف. مدام دخلت هناك وهما موافقين عليها، تبقى في حمايتهم، وصعب تسيطر على قرينتها. عليك بالحيلة وكلمتين حلوين ووقعها في حبك، حتى لو حصل إنك تتجوزها، المهم تبقى تحت تصرفنا وبإرادتها."
سوزان…
اللي محدش مستوعبه إني قادرة أسخر قرين أي حد، حتى لو كان أخويا سلامة. وبعد ما خلصت كلامي معاه، قلت له: "أنا رايحة عند أمي أقولها اللي حصل، ولما الجثث تنزلك أتصل عليا أجلك."
وأنا ماشية روحت وقفت بجوار شريف وقلت له: "محتاج حاجة معينة ع الغداء يا حبيبي؟"
فضل باصص لي ومكلمش. قلت له: "برافو. أنا هختار لك، أصل أنا أعرف مصلحتك أكتر منك. سلام يا حب."
وطلبت من قرينه يزرع الخوف جواه من ناحيتي أكتر. لازم تفضل تحت سيطرتي الكاملة يا شريف.
خالتوا فاتن…
رجع وليد من عند ميرفت وقالي: "يا ماما، رشا بتقولك هي عاوزة مهندس ديكور."
قلت له: "والله أحسن، هو بقى يجيب العمال ويوضب، وإحنا نستلم البيت ع الجاهز بدل ما نفضل كل يوم ندور على صنايعي. شوف أنت بقى مهندس ديكور، ولو متعرفش حد، عمك عبد الرحيم ابن عمه مهندس، أكيد له أصحاب قسم ديكور، واهو بالمرة يكرمنا في السعر ويعمل خاطر إننا هنبقى نسايب قريب."
وطبعاً وليد ما صدق نزل بسرعة وراح لعبد الرحيم أبو رزان حبيبة القلب.
رشامنصور…
وبعد ما ماما خلصت كلامها، فضلت أفكر. الخاتم أو الختم السليماني اختفى. وابنه الهجين، واللي هو في نفس الوقت ابن السيدة بلقيس، ليه الخاتم مش معاه؟ ولا يكون أخده وزيره آصف ابن برخيا؟
بس إيه علاقة ده بالبيت؟ يكون الأرض دي اللي عاش فيها الطفل الهجين، الشهير بالحكيم "منليك"، يكون هو اللي أخد الختم وخفاه هنا؟
طب يخفيه ليه؟ ما الأولى يرث أبوه زي ما سيدنا سليمان ورث سيف سيدنا داوود.
كان ساعتها ملك الإنس والجان والذهب، وطبعاً عائلة أمه بلقيس كانوا هيساعدوا بسهولة.
كده الحوار ده محتاج ماج شاي تاني. بس أنا.. أنا..
نمست.
محسيتش بنفسي غير تاني يوم الصبح وماما بتصحيني. معقولة أنا نمت كل ده. ولقيت الكتاب مفتوح ع صفحة فيها كرسي شكله فخم أوي. يكنش ده كرسي الملكة بلقيس.
قلت بصوت هادئ: "يا عيشوش لو سمعاني، أنا عاوزة أعرف جدو حمدي بنى البيت ليه مدام المكان ده ملك للجان. ومين نزار ده؟ أنا لسه مفهمتش إيه علاقته بالبيت."
عيشوش التنين الأبيض…
"الأنسية مستعجلة ع المعرفة، لكن أخاف عليها، عقلها لن يستوعب ما سوف تراه. ولكني أخذتها لبيت نزار لترى ما كان."
رشامنصور…
فجأة لقيت نفسي في مكان رائحته أعوذ بالله تشبه الكلب الميت.
ودخلت من غرفة لغرفة لحد ما طلعت ع الباب الخارجي. ابتديت أشم شوية هوا وسمعت صوت حد بيكلم. مشيت بهدوء ولقيت قدامي نزار ومعاه راجل.
نزار…
"خد الإزازة دي ورش بها زي ما فهمتك وأنت تنول مرادك. بس المهم الفلوس يا حلو، وإلا هتزعلني والأسـياد كمان تنزعل."
وبعد ما أخدت الفلوس دخلت وقفلت الباب وناديت ع مراتي.
سحر…
"عاوز إيه يا نزار؟ أنا ما صدقت بنتك بطلت بكاء، مغلباني من الصبح. مش عارفة ليه مطلعتش هادية زي أخوها."
نزار…
"طب إيه رأيك بقى إن سوزان دي هتبقى أقوى من ابنك بكتير. ده حتى الجن بيحبها. أنا هخلي اتنين، تلاتة معاها ياخدوا بالهم منها عشان متتعبيش. تعالي لما أفرحك، أنا فضلت ورا الحج حمدي لحد ما اشترى الأرض واقنعته يبني عليها بيت ولو حتى دور واحد."
سحر…
"وأنت هتستفاد إيه؟ واحد اشترى وهيبني، وإحنا قاعدين في شقة تحت السلم وبالاسم الجن راضي عنك. طب كنت خليهم يجيبوا لنا شقة ولا حتى يدونا فلوس."
نزار…
"يا سحر افهمي. الجن علمني إزاي أعمل الأسحار وبيدوني كتب أتعلم منها. ده غير إني مش محتاج أسخر القرين. أنا قادر أشوف أي حد أقدر أستجوب قرينه. يعني هما ساعدوني كتير، بس مش عشان سواد عيوني، لكن أنا بدور ع حاجة هما مش قادرين يوصلوا لها. كنز سليمان.. وقصره. هو كان عنده القدرة إنه يخفي مكانه حتى عن الجن."
سحر…
"حق يا نزار، لو عرفت توصله ونغرق في العز والدهب والجواهر، أنا نفسي أبقى أغنى واحدة في العالم، وأتحكم في الناس وأدوس ع أي حد. عاوزة أكون عندي قوة مش عند حد."
رشامنصور…
ورجعت مرة تانية وربطت الخيوط ببعض. عيشوش ادتني كتاب سيدنا سليمان، ونزار طلع ساحر، والجن بيساعدوه عشان يوصل لـ كنز سيدنا سليمان.
ورڤانا التنين الأحمر قالت لي: "أنتي بخير، مدام مش طمعانة في اللي أملكه."
معنى كده إن اللي موجود في البيت حاجة من الاتنين.
إلا كنز سيدنا سليمان عليه السلام، وده أمر مستبعد إلى حد كبير.
وإلا مفتاح يقدر أي حد من خلاله يوصل لمكان الكنز.
وظهر لي الحج حمدي في غرفتي ولقيته بيقولي:
"اعملي الخير وساعدي المحتاجين. الأرواح مش هتقدر لوحدها تعمل حاجة. أنتي اللي عندك البداية، وأوعي تطمعي في حاجة مش بتاعتك، واحذري من نزار ونسله."
رشامنصور…
نزار ونسله، معنى كده إن نزار له حد مازال موجود وعاوز يوصل لـ كنز سيدنا سليمان. كده يبقى في خطر عليا.
رواية الحارس الفصل السادس 6 - بقلم رشا منصور
عمو عبدالرحيم…
فتحت المكتبة الصبح وكالعادة رشا اتأخرت، بس حقها هي بتساعدني من غير ما تاخد مني فلوس.
وبعد أكتر من ساعة وصلت رشا وشكلها مجهد، قولت لها: "شكلك مش بتنامي، على العموم اطمنك وليد جالي امبارح وقالي أكلم له ابن عمي وأشوف لك مهندس ديكور، وأنا كلمته وفي خلال يومين هيكون عندك أحسن مهندس ديكور، بس على الله بقى متنسيش عمك عبدالرحيم لما تشغلي الشركة."
رشا منصور…
أول ما وصلت المكتبة فضل عمو عبدالرحيم يتكلم وأنا مش مركزة في أي حاجة أصلاً، وبعد ما خلص كلامه قولت له: "بقولك إيه يا راجل يا طيب، ما تشوف لي الكتب الخاصة بسيدنا سليمان."
"أصل أنا بفكر أغير موضوع رسالتي."
عمو عبدالرحيم…
"أنتي يا بنتي هترركزي في الشغل ولا في الدراسة، على العموم القسم الديني في الرف اللي هناك، بس إشمعنى سيدنا سليمان؟ علشان كان عاصر الفراعنة يعني، ولا علشان اتجوز بنت ملك فرعوني، وبنى لها قصر كبير لوحدها مخصوص، وكانت مميزة عن باقي زوجاته."
"طب ما سيدنا إدريس هو أول من خط بالقلم، وكان بيفهم في الفلك والهندسة، وبيتقال أنه ساعد في بناء الأهرامات وأبو الهول، وفي بعض الكتب بتقول أن هو أوزوريس والعلم عند الله."
"ولا أنتي هتغيري مجال الآثار وعاوزة تعملي رسالتك عن قوة سيدنا سليمان وسيطرته على الجن؟"
رشا منصور…
"واضح أن عندك معلومات حلوة قوي، وأنت أسهل من الكتب، احكي لي كل اللي تعرفه."
"استني، أنت قولت أن سيدنا سليمان كان موجود في زمن الفراعنة وأنه اتجوز منهم، يعني كان موجود في مصر؟ ممممم."
"يعني ممكن تكون الأرض دي تبع بنت فرعون، أو يكون موجود فيها آثار تخصها وتخص سيدنا سليمان."
وابتدي عمو عبدالرحيم يقول لي كل اللي يعرفه من معلومات.
برك…
أول ما نزلت لنا الجثث، فضلت واقف مع أهاليهم أواسيهم وطلبت منهم يدفعوا فاتورة المستشفى لحد ما نجهز أوراق تصريح الدفن، وأخدتهم بعدها يودعوهم، وبسبب صعوبة الموقف طلبت منهم ينتظروا لحين الانتهاء من الغسل والكفن.
ورحت على المشرحة، وابتدي الدكتور سلامه والدكتور شريف في سلخ الجلد من الجثث، ولأن الدكتورة سوزان مكنتش موجودة بقيت أساعدهم، وبعدها كفنتهم بنفسي ووضعت على كل جثمان اسمه لعدم اللخبطة، علشان الأهل ميطلبوش فتح الكفن لمعرفة المتوفي.
والموضوع خلص ومشيت الناس، والدكتور سلامه نضف الجلود بمحلول تعقيم.
ووصلت الدكتورة سوزان ولقيتها بتقولي: "بيعجبني فيك لمساتك الإنسانية، بتعزي الناس وبتواسيهم بنفسك، وأنت اللي سلخت أهليهم؟ يا حنين."
قولت لها: "الدكتور سلامه والدكتور شريف هما اللي سلخوا."
بصت لي وقالت: "وأنت كملت الجثة التانية، وبعدها كفنتهم لحد ما سلامه يعقم الجلود، أخلص وهات نص اللي خنصرته."
قولت لها: "خنصرة إيه أنا مش فاهم حاجة."
ووصل الدكتور سلامه وسمع اللي اتقال، ولقيته بيقول لها: "لو المبلغ بسيط يبقى حلال عليه، ده الراجل بتاعي ومش خسارة فيه."
سوزان…
"قولت ل سلامه برك، كلم موظف الحسابات وخليه يكتب فاتورتين، واحدة للمستشفى وواحدة أداها لأهل المتوفي، وأعطي موظف الحسابات عشر آلاف جنيه، وهو خد أربعين ألف، وأنا عن نفسي مش عاوزاهم، أنا بصرفهم في يوم."
"أنا بس حبيت أعرفك أن أي حاجة بتحصل أنا بعرفها، ولما تحتاج فلوس يا برك، اطلب من سلامه أو مني، ده أنت الراجل بتاعنا، أعتقد كده أنت معاك حق قسط الشاليه."
وسيبته وروحت مكتبي بعد ما قولتلهم: "يلا، أنا طلبت غداء لنا كلنا."
وبقي برك واقف هيتجنن.
رزان…
روحت الكلية وأنا معنديش محاضرات أصلاً، وفضلت منتظرة وليد، ولقيته جاي لي ومعاه هدية حلوة، وقالي: "يلا نحتفل بعيد ميلادي، رغم أنه لسه على ميعاده أسبوع، بس علشان بابا مش يشك في الهدية."
"بصراحة بابا بيتلكك علشان مش يتمم الخطوبة، هو متعلق بيَّ قوي ومش عاوز حد ياخدني منه."
"رغم أن وليد طيب قوي، بس بابا بقى."
وقضينا وقت حلو قوي، واتمنيت السنة الجاية نكون متجوزين.
سحر…
بعد ما سوزان قالت لي أن البيت اتفتح والورثة هيعملوا مشروع فيه والناس هتدخل وتخرج، وأن سلامه ابني هيتمكن من البنت ويسيطر عليها، وساعتها هنحقق اللي كان عاوزه نزار.
حسيت أني هقدر أحقق حلمي اللي عشت طول عمري أتمناه، وأخلي الجن يرجعني صغيرة وحلوة، وأكون أغنى ست في الكون ده كله.
وأنسى السنين اللي عشتها في الفقر من بعد ما تخلصوا من نزار.
كنت بشحت اللقمة من بعد ما اتطردت من الشقة الكحيانة.
وملقتش غير المقابر أعيش فيها أنا وعيالي.
ومافيش حد نفعني غير عيالي والجن اللي معاهم، علموهم إزاي يسيطروا على القرناء علشان الناس تنفذ لهم طلباتهم وتدينا أكل وفلوس. لكني رفضت أنهم يمارسوا السحر أحسن الناس تعرف ويقتلوهم، ويحرموني منهم.
أنا عاوزة أدوس على كل الناس اللي افتروا عليا، وأولهم عيلة حمدي، ومش بس كدا، أنا مش هرتاح إلا لما ينقطع نسله من الأرض.
ماما ميرفت…
"رشا نزلت المكتبة وكالعادة فضلت قاعدة لوحدي، ناديت على فاتن من البلكونة تيجي نقعد مع بعض، اهو نضيع الوقت."
"والله أنا لو قادرة كنت نزلت اشتغلت، اهو أعمل حاجة تشغل وقتي."
خالتوا فاتن…
"ميرفت نادت عليا، أخدت التسالي وروحت لها، وهي جهزت الكيك والشاي وقعدنا قدام التليفزيون ونتسلى ونحكي."
"ولقيت ميرفت بتقولي: أنا زهقانة، يا ريت كنت بشتغل."
"قولت لها: أقولك على فكرة، إيه رأيك إحنا هنشتغل ومن البيت كمان."
"إحنا اللي هنمسك الدعاية والإعلانات اللي على النت أول ما الشركة تفتح، وكده يبقى اشتغلنا من غير ما نخرج، وفي نفس الوقت اهو بنساعد عيالنا."
واتفقنا على كده، وابتدينا نفتح الفيس ونشوف الصفحات اللي بتعمل دعاية علشان نتعلم منهم.
رشا منصور…
فضلت أسمع لعمو عبدالرحيم ودماغي مشغولة وبحاول أفهم التنانين دي بتحمي إيه وليه في خطر لحد دلوقتي من نسل نزار.
والوقت عدى وقولت له: "أنا هروح بقى."
وأول ما خرجت من المكتبة قولت: "يا عيشوش، عاوزاكي ومش عاوزة حد يشوفني."
وفي لحظة كنت في بيت جدو حمدي وفي غرفة المكتب.
عيشوش "التنين الأبيض"…
"من لحظة دخول الإنسية البيت وأنا معاها على طول، منها بحميها، وفي نفس الوقت براقبها."
"وسمعت كلامها ونقلتها البيت، وظهرت لها بشكل بشري، وقولت لها: إيه طلباتك؟"
رشا منصور…
"أنا كل اللي عرفته عن نزار أنه كان ساحر، وعنده ولد وبنت ومراته اسمها سحر."
"لكن لحد دلوقتي معرفش هو مات إزاي، وليه جدو حمدي حذرني من نسله، معنى كده أن أولاده لسه موجودين."
"طب هما عاوزين إيه مني؟ وليه إنتوا مش عارفين تعملوا لهم حاجة؟"
عيشوش التنين الأبيض…
"إحنا منقدرش نأذي الإنسان إلا بأمر من إنسان مثله، لكن كل اللي نقدر نعمله أننا نمنع دخولهم للبيت."
"وبالنسبة ل نزار، هتشوفي بنفسك اللي حصل."
رشا منصور…
"وكالعادة لقيت نفسي اتنقلت وشوفت الناس ملمومة وبيرموا طوب على بيت تقريباً بتاع نزار، وطلع واحد منهم يقول: منه لله، هو السبب أن ابني يموت، قالي أنه مسحور، وعلاجه عند الجن."
"وأنه علاجه أسيبه في مدفن يبات فيه لوحده، وتاني يوم لقيت ابني بيصرخ وبيكلم نفسه، وفضل يجري في الشارع لحد ما عدى على مزلقان القطر وهو معدي، شوفت ابني بيتقطع قدامي."
"وواحد تاني اتكلم وقال: نزار فهماني أن مراتي معمول لها سحر، ولازم أسيبها له تلات أيام علشان يشيل السحر عنها."
"وخرجت من البيت، وفي نص الطريق افتكرت أني نسيت الفلوس، ولما رجعت البيت شوفت مراتي مذبوحة، وهو بياخد من دمها وبيكتب أرقام وحاجات على الحيطان."
"وتركت الناس ومشيت براحة ودخلت جوه البيت، وشوفت نزار وهو بيكلم سحر مراته وبيقولها: أنا هطلع على السطوح وههرب منه، وأروح على بيت حمدي الجديد، لسه محدش يعرفه، هروح استخبى هناك، وبالمرة أدور على الكنز."
"وجري، وسحر أخدت عيالها وقالت لهم: الناس عاوزة تحرمنا من أبوكم، الناس دي لازم تموت، محدش له حق يعيش غيرنا."
"وفجأة دخلت الناس تدور على نزار، وأخدوا سحر وولادها، طردوهم بره وولعوا النار في الشقة."
"وسحر جريت والعيال في إيدها، والناس وراها، ودخلت بيت استخبت فيه، وبعدها فضلت تجري شوية ويقعدوا شوية، لحد ما قالت: يلا نروح على بيت حمدي ونقعد مع أبوكم."
"وأول ما قربت من البيت شوفت جدو حمدي واقف قدام بيته، ونزار واقف بيترعش كأنه بيتكهرب، وفضل كده لحد ما اختفى لحمه وبقى عظام، وشوفت زي ورق بردي وقع من إيد نزار على الأرض، وجدو حمدي خده ودخل به البيت."
"وببص على سحر لقيتها صرخت وقالت لعيالها: حمدي قتل أبوكم وطمع في الكنز لوحده."
"الكنز ده بتاعي أنا ونزار، حمدي حرمنا منه، لازم انتقم منك يا حمدي ومش هرتاح إلا لما أحسرك على الكنز وأخليك تعيش مذلول، وبعدها أقطع من لحمك وأنت حي."
"ومن كتر ما حسيت بالرعب، قولت: يا عيشوش."
"ورجعت على غرفتي وأنا بترعش ومش قادرة أستوعب اللي شوفته."
"جدو حمدي هو اللي أمر الجن بقتل نزار وطمع في الكنز."
رواية الحارس الفصل السابع 7 - بقلم رشا منصور
رواية الحارس الفصل الثامن 8 - بقلم رشا منصور
وليد….
صحيت الصبح ع إتصال من عمو عبدالرحيم خو'فت. يكون عرف أن أنا اللي جيبت الهديه ل رزان. وفي نفس الوقت مقدرش اطنش اتصاله…
رديت بصوت متوتر ومتوقع منه يقولي أنسي الخطوبه .
عمو عبدالرحيم…
أبن عمي كلمني وقالي أنه اتفق مع مهندس ديكور زميله في الشركة وهو عاوز يعمل معينه للبيت. وطبعاً مكنش ينفع اكلم رشا تروح مع المهندس لوحدها. علشان كدا قررت أتصل ع وليد هو اللي يروح معاه وأول ما ردت عليا لقيته متوتر وبيق/طع في الكلام…
قولت له شكلك لسه نايم..
قوم فوق كدا علشان ابن عمي جايب صاحبه وهيكونوا عندي كمان ساعه وعاوزين يروحوا يعملوا معينه للبيت ومش من الأصول أن رشا اللي تكون معاهم لوحدها..
لو مش فاضي عرفني أروح أنا مع رشا…
وليد…
لأ أنا فوقت خلاص بس ده ميمنعش أن حضرتك تكون معانا.. ده أنت هتبارك المكان واهو بالمره تعرف العنوان.. موقع البيت هيعجبك أوي ولسه لما يتوضب هيبقي هايل…
ده أنا حتي بفكر اوضب الدور الاول علشان اتجوز فيه ولا إيه رأيك يا عمو…
عمو عبدالرحيم…
خلص دراستك واشتغل ولما الاقيك قادر تكون مسؤول وتفتح بيت ابقي أشوف موضوع الجواز ده.. واخلص يلا وتعالي أحسن والله لو أبن عمي وصل وأنت لسه هقول له ينسي الموضوع كله وتبقي شوفلك حد بقي بمعرفتك…
وقفلت معاه وأنا مستغرب هو مستعجل ع الجواز كدا ليه!! ده مافيش حد أتجوز إلا وندم وبيدعي ع نفسه ؟!!!🫣
خالتوا فاتن…
لقيت وليد بيصحيني وبيعرفني ب كلام عبدالرحيم قولت له هديك فلوس تخليها معاك وشوف المهندس هيقولك ايه ع البيت وفهمه أنك عاوز حاجه فخمه وفي نفس الوقت بسرعة وتكون التكلفة مش غاليه ولو وافق ادفع له عربون وشوفوا هيبدأ أمتي…
اة استني خد رشا معاك أحسن أنا عرفاك هتخاف تتكلم قدام عبدالرحيم ولا تعترض ع حاجه أحسن يقلب عليك 🤣
واتصلت ع رشا وعرفتها وقالتلي خلاص خليهم يروحوا وأنا هكون هناك في البيت خلال نص ساعة هنتظرهم…
رشامنصور…
أول ما خالتوا فاتن كلمتني خو'فت. أحسن وليد وهو بيفرج عمو عبدالرحيم ع البيت يدخل غرفة المكتب ويظهر له حد من التنانين علشان كدا قولت ل خالتوا أنا هروح قبلهم ع البيت وجهزت بسرعة وعرفت ماما وأول ما قفلت باب الشقه قولت يا عيشوش خديني البيت وفي لحظه كنت هناك….
حلو الموضوع ده أحسن من دوشه وزحمة المواصلات 🤣🤣
ولقيت عيشوش بتقولي.
عيشوش التنين الأبيض…
متخافيش إحنا مش هنظهر لحد مدام مش قاصد اذي، وحتى لو وليد اتجوز في البيت… طول ما هو ميعرفش إيه اللي هنا. هو في أمان.
لكن نسل نزار الخوف. منهم ممكن ياخده قر'بان…
رشامنصور…
اطمنت في الأول لما عرفت أن محدش هيظهر ل وليد بس خوفت. عليه من نسل نزار.. وليد ده بعتبره أخويا الصغير..
وقررت اخرج انتظرهم قدام باب البيت ولقيت الدكتور سلامه ومعاه واحده جايين ليا وبيقولي…
الدكتور سلامه…
صباح الجمال. أحلي حاجه أن الواحد الصبح يشوف وجه حسن..
رشامنصور…
ما أنت الحسن كله معاك وبصيت للبنت اللي معاه.. هى جميلة لكن حسيت أن قلبي مش مرتاح لها…
الدكتور سلامه…
اعرفك دى اختى الدكتورة سوزان.. اتفضلي معانا ارتاحي في المستشفى وبالمره تتفرجي عليها..
رشامنصور…
مش هينفع منتظرة مهندس الديكور وهو ع وصول..
الدكتوره سوزان…
قولت لها لسه بدري ع العموم اتصلي عليه وبلغيه أن أول ما يوصل يتصل عليكي والمستشفى بجوار البيت يعني دقيقه وتبقي هنا وكمان ميصحش نسيبك وقفه في الشارع كدا تعالي معايا…
رشامنصور…
بصراحه قولت فرصة حتى اشرب أنا صحيت وجيت ع طول مشربتش حتى ميه وعطشانه…
اتصلت ع وليد وعرفته إني وصلت البيت وهشوف حاجه في المستشفى وأول ما يوصل يكلمني…
ولقيت الدكتور سلامه بيقولي مين وليد ده خطيبك…
قولت له لأ ده صاحب البيت أو بالمعنى الاوضح أبن صاحبه البيت.. اصل البيت ده ورث ومامته ورثته عن جدها حمدي العطار
ولقيت نظرة سلامه وسوزان لبعض غريبه وبعدها قالي..
أحب إني اشوفه واتعرف عليه ده إحنا حتى جيران…
وروحت معاهم المستشفى بس احساسي بعدم الراحة بيزيد وشكلهم مش غريب عليا وخصوصاً نظرات عينهم وقولت جوايا عيشوش عوزاكي معايا لكن استغربت أنها ولا ظهرت ولا حتى نقلتني للبيت…
ولقيت ماما بتتصل عليا… قولت لهم ع اذنكم المهندس وصل وأنا سعيدة بمعرفتكم وخرجت بسرعة ومجرد ما بقيت في الشارع حسيت اني قادرة اتنفس والقبضه اللي في قلبي راحت…
ورديت ع ماما وطمنتها إني وصلت ودخلت البيت وفضلت في غرفة المكتب ومتغاظه وظهرت ليا عيشوش….
عيشوش التنين الأبيض…
أول ما شوفت سوزان وسلامة أولاد نزار اختفيت لكن سيطرت ع قرين الانسية علشان محدش منهم يقدر يأثر عليها…
وفضلت عند البيت ومعايا اخواتي روڤانا وشيتوس وكنت متأكدة أن سوزان شيفانا وكنت قاصدة أنها تشوفنا علشان تعرف أن الانسية في حمايتنا وأننا فاهمين هما بيخططوا ل إيه…
ولما نادت الانسية ب أسمي قرينتها جت قالتلي قولت لها خليكي معاها متسيبهاش وخليها مخنوقه. منهم وعاوزة تبعد عنهم…
وأول ما خرجت من المستشفى فضلنا متابعنها وبعد ما دخلت غرفة المكتب ناديتني الانسية وهى مضايقه … ظهرت لها قولتلها مش كل الاماكن ينفع اظهر فيها متزعليش بس أنتي كنتي عوزاني هناك ليه… مش دول اصحابك أو ع الأقل هتكونوا أصحاب..
أنا ملاحظه أن سلامه معجب بكي…
رشامنصور…
عيشوش فضلت تتكلم وأنا باصه لها وبعد ما خلصت كلامها قولت لها أنا متأكدة أن سلامه معجب بيا واى طلب هحتاج له هينفذه فوراً
بس الغريب أنك أنتي اللي بتقولي ليا كدا…
عيشوش التنين الأبيض..
ليه غريب أن اقولك حاجه زى دى ما أنا بنت زيك واكيد هتفرحي ب شاب يحبك وغني وعنده مستشفى وسيارة وفلوس كتير..
رشامنصور….
غريب يا عيشوش لأن سلامه واخته يبقوا ولاد نزار السا'حر. اللي انتوا قتtلتوا…
وجدو حمدي حذ'رني منهم وانتوا كمان واللي زى سلامة ده لو هيديني مال قارون مش يلزمني … يغور بفلوسه..
روڤانا التنين الأحمر…
كنت سامعه كلام الانسية وعجبني كلامها واطمنت لها وظهرت وناديت أخويا شيتوس وقولت للأنسية مدام مش فارق معاكي مال قارون يبقي أنتي بقيتي معانا وأحنا تحت أمرك وفعلاً سلامة وسوزان اولاد نزار وناوين يلعبوا عليكي لعبه علشان تساعدينهم …
يوصلوا للي نزار مقدرش يوصل له ومستعدين يضحوا. بأي حد نظير هدفهم….
رشامنصور
أنا استحالة اساعدهم في حاجه زى دى ولو حصلت ألغي المشروع ونقفل الباب بأقفال…
لقيتهم ضحكوا وقالوا ليا سوزان معاها جنn يخترق. أى أقفال ولولا وجودنا كانوا دخلوا البيت من زمان…
قولت لهم أنا مش فارق معايا انتوا بتحموا إيه.. المهم عندي ميبقاش في ضرر. ع وليد وخالتوا فاتن أنا حقيقي قلقانه عليهم..
روڤانا التنين الأحمر….
بس إحنا عاوزين منك تساعدينا نخلصe من نسل نزار لأن طول ما هما موجودين الضررr هيفضل موجود وع الكل وأنتي أولهم .
رشامنصور…
وأنا فهمت دماغك بس من غير نداله يعني لما أنادي ع حد تساعدوني ع طول…
عيشوش التنين الأبيض..
هما عارفين أننا معاكي بس لو شافونا بعيد عن البيت ممكن يرسلوا خدامهم. من الجانe يدخلوا البيت ويستخدموا السحرr علشان يمنعونا إحنا من السيطرة عليه بس إحنا مسيطرين. ع قرينتك علشان عقلك يفضل مركز ومافيش حد منهم يعرف يخدعك بالكلام المعسول…
شيتوس التنين الأسود….
مش كفايه يا عيشوش أنتي عارفه أن سوزان قويه علشان كدا أنا عندي اللي يخوف سوزان.. أرواح امو'اتهم..
أنتي عليكي تنطقي في ذهنك أسم أى حد فينا وقرينتك هتبلغنا وأنا هبعتلك أرواح امو'اتهم وهما مستعدين يساعدوكي بكل ترحيب مدام أنتي بقيتي معانا وفي صفنا وضد. نزار ونسله….
رشامنصور…
عجبتني فكرة شيتوس وقولت لهم موافقه ولسه بتكلم لقيت
رواية الحارس الفصل التاسع 9 - بقلم رشا منصور
الدكتور سلامه…
كنت ملاحظ من أول لحظة دخلت فيها رشا المستشفى أنها مش متقبله المكان ولا حتى طايقه أى حد منا…
بس حاولت اكون لطيف معاها لحد ما سوزان تعرف هي بتفكر في ايه ويمكن تقدر تسيطر ع قرينتها واكيد ده هيساعدنا جدااا..
الدكتوره سوزان….
من أول ما شوفت رشا وأنا مش شايفه قرينتها وشوفت التنانين واقفين عند البيت علشان كدا صممت أن رشا تيجي معانا المستشفى أكيد قرينتها هتظهر دلوقتي وهقدر اسيطر عليها مدام بعدت عن البيت…
لكنها من أول لحظه دخلت فيها المستشفى وظهرت قرينتها فهمت أنها مش لوحدها وأن التنانين مسيطرين ع قرينتها ومقدرتش أعرف أى معلومة نهائي عنها…
وده معناه أننا هنعتمد ع عقلنا فقط والجنn مش هيساعدني مع البنت دى …
أنا محتاجه اراجع كتب بابا واستعين ب كتب من الجنn. علشان احضر أقوي. مارد. ميقدرش يقف قدامه أى قرين..
ونشوف بقي أنا ولا التنانين….
رشامنصور…
كنت قاعده وبتكلم مع التنانين وفجأة لقيت عيشوش بتشاور ليا اسكت وببص لقيت وليد بيفتح باب المكتب بيقولي أنتي هنا أنا واقف بره من شويه ولما اتصلت ع خالتوا ميرفت قالتلي أنك جوه البيت يلا علشان الناس واقفه بره…
خرجت وقفلت باب الشقه وورايا وقولت لهم الشقه دى مش هتتوضب دلوقتي خالص أهم حاجة وجهه البيت والدور الثاني والثالث عاوزة احولهم لمكاتب شيك وياريت الألوان تكون فاتحه وعاوزة المساحة تكون كبيرة بالذات في غرفة الاستقبال علشان دى هتكون شركة سياحة ولازم تكون في مكان للأنتظار…
عمو عبدالرحيم…
دخلت البيت وما شاء الله عليه كبير قولت ل رشا مقولتيش ليه من الأول أن البيت كبير كدا محظوظه يا رزان كل ده هيكون ملكك أنا هقول ل وليد يكتب البيت بأسمها وإلا مش هوافق ع الجوازة…
ردت عليا رشا وقالتلي البيت ورث ل خالتوا فاتن يعني وليد مافيش في ايده أنه يكتبلك حاجه بأسمك وبصراحه كدا خالتوا فاتن لو حست أنك طمعان فيهم هترفض وتفشكل الجوازة وألف لوحده تتمناه..
قولت لها خلاص مش لازم ما فاتن ملهاش غير وليد ولما تموت يبقي وليد الوريث الوحيد.. مش مشكلة ننتظر..
رشامنصور…
رديت ع عمو عبدالرحيم وقولت له ده ع أساس أن خالتوا فاتن هتموت. وأنت مخلد في الدنيا..
خلي نيتك كويسه علشان ربنا يتمم الجوازة ع خير…
وبعد ما اتفقنا مع المهندس ووليد دفع له عربون الاتفاق وكلهم مشيوا وأنا قولت لهم ورايا مشوار وبعدين أروح…
وقولت يا شيتوس خليك معايا وأنتي يا عيشوش ركزي مع قرينتي..
ودخلت المستشفى عند مكتب الدكتور سلامه واتفاجأ بيا.
الدكتور سلامه…
كنا قاعدين نتكلم ودخل علينا شريف يقعد معانا وفجأة لقيت الباب بيخبط ودخلت رشا علينا وبتقولي…
رشامنصور…
آسفه أنا افتكرت أنكم لوحدكم جيت بعد ما المهندس مشي… خلاص أنا ماشيه واضح انكم مشغولين ولسه بقفل الباب.
سوزان…
تمشي فين ده إحنا اللي نمشي وأنتي تقعدي.. تعالي مافيش حد غريب ده الدكتور شريف جوزي…
إيه رأيك مدام خلصتي يلا نفطر كلنا سوي واهو يبقي عيش وملح
شريف…
أول مرة في حياتي أشوف سوزان لطيفه مع حد كدا. واضح أن وراها مصلحه. جامدة…
قومت وقفت وقولت لها اتفضلي اقعدي أنتي نورتي المكان وحالا هطلب احلي فطار لنا كلنا ولا تحبي تفطري مع سوزان لوحدكم.
ولقيت سوزان برقت ليا وقالت لأ
كدا أنت هتزعل سلامه مننا.. ده هو سبب معرفتنا الحلوة دى.
رشامنصور…
أنا هكون مبسوطه وكلنا مع بعض ويلا بقي ولا رجعتوا في كلامكوا ومافيش فطار… وياريت شاي بدون سكر بعد الفطار
وقولت في ذهني يا عيشوش ركزي أحسن يحطولي أى حاجة في الأكل أنا مش واثقه فيهم…
وبعدها بصيت ل سلامة وقولت له وأنت بقي دكتور إيه… يمكن اجيب لك زباين. علشان بعد كدا تجيب ليا أنا كمان زباين ولك عليا كل ما تجيب ليا زباين كتير هعملك خصم ع أى سفريه..
الدكتور سلامه…
حسيت أن رشا بتحاول تفتح كلام معايا في البداية شكيت أنها شاكه في حاجه لكن لقيتها بتكلمني في الشغل وأنها عاوزة تشغل الشركة
بصيت ل سوزان وابتسمت..
واضح أنها جايه مخصوص علشان تعمل تسويق ل شركه السياحة وخصوصاً لما بعد كدا فضلت تتكلم عن وسائل الترفيه اللي هتوفرها لنا ويا سلام لو رايحين رحلات الحج والعمره..
قولت لها اتفقنا..
تعالي نتمشي في جنينه المستشفى ع ما الفطار يوصل واخدتها ووريتها حجم المستشفى وانها ملكي أنا واختى وأن أنا مش محتاج خصومات لأى رحلة لأني املك المال..
لكن للأسف ع الرغم انى دكتور قلب إلا أن قلبي فاضي ووحيد. ملقتش حد يحبني ل شخصي…
الكل مبهور بالڤيلا. والسيارات والمستشفي. لكن مافيش واحدة حسيت أنها بتحبني أنا.. ويمكن ده السبب أن قلبي حزين😔
رشامنصور…
من لحظه ما قومت مع الدكتور سلامه وأنا واثقه انه هيشغل ليا اسطوانه غراميه وفعلاً بدأ يبهرني بأملاكه وبعد كدا قالي أن قلبه وحيد وحزين….
عملت نفسي متأثرة. بس طبعا لو كنت وضحت انى اعجبت ب كلامه بسرعة كدا كان ممكن يشك فيا..
علشان كدا قولت له متزعلش نصيبك في الحب يمكن يكون اتأخر شويه بس أن شاء هتلاقي اللي تحبك…
عندي لك فكرة إيه رأيك تطلع تعمل عمرة وتدعي ربنا يرزقك ب بنت الحلال اللي تسعدك وأنا واثقه أن ربنا هيفرح قلبك..
الدكتوره سوزان…
من لحظه ما سلامة اخد رشا وخرجوا يتمشوا وأنا قولت ل قرينه يبلغني كل حاجه…
ع الرغم أن واضح أنها عاوزة تعمل شغل للشركة إلا أن ده ميمنعش إني شا'كة. فيها…
بس أول ما سمعت أنها بتوصف ل سلامة أنه يطلع عمرة وابتدت تقول له متفكرش كتير أول ما المهندس يخلص الديكورات هتكون أول رحلة للعمره واعتبر نفسك طالع فيها.. أنا هكتب اسمك واهو تبقي أول عميل عندي 🤣 فضلت اضحك ولقيت شريف بيقولي بتضحكي ع إيه ؟!!!
قولت له أصل سلامة شكله هيتعب أوى مع البنت دى… ده مافيش في دماغها غير الشغل وبس… إلا بقي لو كانت مرتبطة.
الدكتور شريف…
أول ما شوفت اهتمام سوزان وسلامة ل رشا… قولت أكيد وراها مصلحه. يمكن إتفاق ع شغل جديد.. ويمكن دى اللي تورد لهم الجثث،.. بس طول الوقت كلامها ع شركة السياحه وع الأفواج والرحلات… وفضلت مستغرب اهتمام سلامه..
وأول ما اخدها وخرج وأنا مش فاهم هو إيه اللي بيحصل. وفجأة لقيت سوزان بتضحك وبتقولي أن البنت دى دماغها في الشغل وبس
قولت لها متقوليش.. هو سلامه معجب بها.
من امتى!!! ده اخوكي مش في دماغه حب ولا جواز.. ولا يكنش ده حب من أول نظرة…
هو يعرفها منين أصلا 🙃. خدي بالك يا سوزان مينفعش أى حد يدخل بينا أنتي عارفه لو حد عرف ب شغلنا هنروح في داهيه وأنتي بنفسك بتقولي أن البنت دى دماغها في الشغل يعني مش بعيد لو شمت خبر تبلغ عننا علشان تاخد مكافأة…
هى لو بتحب اخوكي.. كان ممكن .. ع الأقل كانت هتخاف عليه. لكن دى واضح أوى أنها مش بتاعت حب أصلا!!!!
الدكتوره سوزان…
بصيت ل شريف وقولت له أول مرة تقول كلام مقنع.. أنت صح دى باعت شغل وبس… يعني ممكن تيجي بالفلوس مش بالحب.
واتصلت ع سلامة وقولت له الفطار وصل تعالوا…
برك…
عرفت من الامن، أن في أكل وصل ل مكتب الدكتور سلامه دخلت لهم وبقولهم كدا بتفطروا من غيري وببص لقيت بنت غريبه قاعدة معاهم… قولت أنا آسف. ولسه خارج نطقت البنت وقالت والله أبدا تعالي اتفضل الأكل كتير…
بصيت ل الدكتور سلامه وللبنت وحسيت أنها مختلفة وفي حاجه شدتني لها يمكن براءتها وعفويتها في الكلام..
ولقيت الدكتورة سوزان بتقولي تعالي يا برك.. أكيد رشا هتكون مرتاحه لوجودك… وبدأت تعرفني عليها…
أد إيه هى دمها خفيف ومحستش بالوقت إلا لما قامت وقفت وقالت أنا اتأخرت ومضطرة. أمشي…
قومت بسرعة وقولت لها تعالي اوصلك…
الدكتور سلامه…
أول مرة أشوف برك معجب ب حد.. وكان واضح من نظرات عينه واسلوبه في الكلام.. وأول ما قررت تمشي. لقيته بيطلب منها أنه يوصلها… بصيت ل سوزان لقيتها بتغمز ليا علشان متكلمش.
الدكتوره سوزان..
إيه رأيك تحبي سلامة ولا برك اللي يوصلك.. أنا عن نفسي أتمني سلامة بس أنتي اللي تقرري وتختاري بنفسك..
ولقيتها بتقولي لأ لأ مينفعش عيب.. أنا هاخد أى باص من ع أول الشارع واستئذنت وخرجت…
بصيت ل سلامة وقولت له بقي تسيب السيارة وتختار باص!!
البنت دى إلا فقريه وإلا بترسم ع تقيل!؟؟؟
رشامنصور…
وأنا خارجه برك فتحلي باب المكتب وبيقولي اتفضلي وفجأة لقيته بيحط ورقه في ايدي… اخدتها وخرجت بسرعة وأنا حاسة أن أول خطوة تمت بنجاح ومجرد خروجى سمعت عيشوش بتقولي برافو واضح أن برك معجب… ضحكت وقولت لها ولسه 🤣
وتعمدت أركب باص علشان لو حد منهم بيراقبني…
رواية الحارس الفصل العاشر 10 - بقلم رشا منصور
الدكتوره سوزان…
من بعد ما خرجت رشا من المكتب طلبت قرينتي تتبعها وتقولي هتعمل ايه… كان يهمني أعرف رشا هترجع ع البيت مرة تانية ولا فعلاً هتركب الباص…
وبعد حوالي نص ساعة رجعت قرينتي وقالتلي أنها مشيت لأول الشارع وانتظرت الباص وروحت ع بيتها وحالياً قررت تنام..
وع فكره التنين الأبيض متابع تحركتها ولكنها لم تراه ولا تشعر بوجوده…
فهمت أن رشا متعرفش حاجه عن البيت ولا حتى بوجود التنانين ودى حاجه في صالحنا…
طلبت من قرينتي متروحش ل رشا علشان واضح أن التنين الأبيض أول ما شاف قرينتي قرر يروح وراها تعرف إحنا ناويين ع إيه
أنا هخلي رشا اللي هى تيجي لنا أفضل…
رشامنصور…
من أول ما خرجت من المكتب سمعت عيشوش بتقولي برافو عليكي قولتلها ولسه…. وفضلت ساكته ..
ومجرد ما وصلت بره المستشفى سمعت صوت بيقولي أنتي مش لوحدك..
علشان كدا مشيت وتعمدت متكلمش حتى في الفون وأول ما دخلت قولت ل ماما أنا مرهقه جدا هعملي شاي وانام….
وبعد ما وصلت ب عشر دقايق لقيت عيشوش ظهرتلي بشكلها البشري وعماله تتنطط ع السرير…
قولت لها أمشي أنا مش لوحدي ودورت وشي الناحية التانية وفضلت اغني كأني مش شايفه حد…
عيشوش التنين الأبيض…
تعمدت أن قرينه سوزان تشوفني وبعد ما مشيت من عندها..
ظهرت ل رشا بشكل بشري وكنت فرحانه اوي وبتنطط ع السرير لقيت رشا بتنبهني أنها مش لوحدها وفضلت تدور وشها وتغني..
ضحكت بصوت عالي وقولت لها محدش معاكي غيري حتى قرينتك وقفه بعيد عنك اطمني 🤣🤣
ومعنى أن سوزان كانت باعته قرينتها وراكي أنك نجحتي وانهم كلوا الطعم… هى دلوقتي زمانها بتخطط ازاى تكسب ثقتك من غير ما تلجأ للجنn .. إحنا ضعفنا من قدراتها معاكي…
وهتركز الجن': يكون عند البيت وبس..
رشامنصور…
هى سوزان معاه جنn الله يطمنك… هو أنا لو سفرت هما هيبعدوا عني… ضحكت عيشوش وقالتلي لأ 🤣🤣
شيتوس التنين الأسود…
كنت واثق أن مقابلة رشا مع سلامة وسوزان مش هتحتاج فيها للأموات.. رغم كدا أنا عرفتهم وهما ع أتم استعداد بمساعدتها وكلهم وقفوا حوالين المستشفى لكن أول ما عيشوش قالتلي أن قرينه رشا بلغتها أن المقابله عدت ع خير قولت للأموات اختفوا. بسرعة
ووقفت عند البيت وشوفت رشا وهى خارجه وقرينه سوزان بتابعها شاورت ل قرينه رشا علشان تعرفها…
وخرجت روڤانا وكلنا شوفنا قرينه سوزان وهى بتراقبها… وتعمدنا أنها تشوفنا…
وتابعتها عيشوش بس مقدرتش انتظر لما قرينه رشا تبلغنا اللي حصل خليتهم يمشوا وباعت روح أحد الأموات وراهم علشان لو قرينه سوزان ناويه ع السيطرة ع رشا الروح تتصرف معاها..
رشامنصور…
كنت مبسوطه ولما عيشوش عرفتني أنها فضلت ورايا وتعمدت أن قرينه سوزان تشوفها وان شيتوس كمان أرسل روح تحميني. من قرينه سوزان ولو عملت ليا حاجه الروح تنتقمm منها..
رغم إني دخله ع حاجه مش فهماها إلا إني اطمنت وحسيت بأمان.
إني مش لوحدى وقولت لها بجد انتوا كدا بتشجعوني جدا وتخلوا دماغي تشتغل أكتر…
وفتحت الورقه ولقيتها رقم موبايل عرفت أن برك عاوزني أتصل عليه…. ممممم
بصيت ل عيشوش وقولتلها هو برك ده أبوه ساحرr بردو ولا إيه نظامه..
ردت وقالت استني أخويا يعرفه أكتر مني.
شيتوس التنين الأسود…
جاتلي عيشوش وقالتلي أنا هقف مكانك روح ل رشا بيتها.. ظهرت ل رشا واخدت شكل بشري وقولت لها اومري عاوزة الروح تفضل معاكي ولا اساعدك ب إيه وخليت الروح تظهر ل رشا وانبهرت ب شكله لدرجة أنها نسيت أنه شبح…
ردت وقالت أنا عاوزة أعرف مين برك مساعد الدكتور سلامه يعني هو بيشتغل معاهم بردو في السحرr وعاوز بردو حاجه من البيت.
قولت لها لأ لأ برك بيساعدكم في شغلهم التاني.. الشغل اللي جاب لهم الملايين دى كلها وخلاهم أغنياء بسرعة البرق..
وكل الأرواح تعرفه حتى اللي مدفنوش في الأرض..
رشامنصور…
قولت ل شيتوس 😲 أرواح.. أوعي تقولي أن برك ده تاجر أعضاء
يا مصيبتي ده كدا ممكن يمو'تني…
شيتوس التنين الأسود…
قولت لها برك هو المسؤول عن توريد الأعضاء والجلود البشرية وباقي الجثمان بياخده برك بالليل ويدفنه في الأرض اللي بجوار البيت… علشان كدا الأرواح المعذبة عاوزة تنتقمt منهم وهيساعدوكي تكوني في أمان وهما عددهم كبير واتحادهم. يخليهم اقوى. من الجانn اللي مع سوزان…
رشامنصور…
بص أنا من دقايق كنت مبسوطه وبالذات لما شوفت الروح اللي معايا. لكن بعد كلامي معاك بقيت جبا'نه وعاوزة اخلع… ده ع كدا هيعملوا مني كفته!!!
بقولك ايه أنت أجمع كل الأرواح والاشباح وبالذات الأخ العسل ده واى عفريت. تعرفه وتخليهم معايا… يا جدعان أن اضعف من الناس دى..
ده أنا بخاف أدخل بيت الرعب.. أنا صحيح بحب الروايات لكن عمري ما تخيلت نفسي أتعامل مع جن. وناس حقيرة،. زى دى.
وحسيت فجأة بتناقض ما بين عاوزة احمي وليد وخالتوا فاتن وكنز مش فهماه إيه هو…
وبين إني خا'يفه ع نفسي من ناس أقل غلطه هيقط/عوني. ويبيعوا أعضا.ئي. …
وفي لحظه اتنقلت ل بيت جدو حمدي في غرفة المكتب وكلهم ظهروا ليا بشكلهم البشري…
روڤانا التنين الأحمر…
متخا'فيش. إحنا بنحميكي. وبجد فرحانين بأنضمامك لنا تعالي معايا
وفتحت الحائط ونزلتها السرداب. وقولت لها مسموحلك تدخلي هنا في أى لحظه تشعري بالخطرr ..
المكان محميe ومحصن بالكامل ومافيش جن، يعرف بوجوده.. وفي اللحظة الحاسمة ادخلي فيه بس أوعي حد يشوفك أو يعرف حاجه وخصوصاً عائلة حمدي ع الأقل دلوقتي…
كلما قلة المعرفة حياتهم هتكون في أمان…
رشامنصور…
نزلت السرداب واتفاجئت أنه عبارة عن غرفة واسعه نضيفة جداا وفاضية ومفهوش أى حاجة لكن الجدران مرسوم عليها كرسي كبير والجهة الأخري رمز الشمس وكأن مجموعة أشخاص واقفين ينظرون إلى أعلي وبس…
وحائط اتجاة الشارع وده بدون أى رسومات…
خمنت أنه كرسي. عرش، بلقيس لأنهم كانوا بيعبدوا الشمس لكن لقيت روڤانا بتقولي لأ اللي هنا أكبر واثمن ومتحاوليش تفكري كتير في حل اللغز وده لمصلحتك….
قولت لها مش عاوزة اعرف بس المكان هنا مافيش أى منفذ هواء فيه يعني لو دخلت وانتوا نسيتوني هيكون ده قبري..
ضحكت روڤانا وقالت ليا تعالي وقربت من الجدار الموجهه للشارع وقالتلي في فتحات صغيرة تحت للتهوية.. وإذا دخلتي ايدك هنا هتلاقي زرار اضغطي عليه هتنفتح الحائط لمدة خمس دقائق فقط اخرجي منها واهربي. أن لزم الأمر…
ده غير أن الروح هتفضل معاكي لحمايتك. حتى وأنتي هنا اطمني..
ورجعوني غرفتي تاني وفضلت أفكر في الخطوة الجايه هتكون ل سلامة ولا برك…
وناديت ع عيشوش قولت لها دلوقتي سوزان ممكن تبعت أى جنn من عندها وطبعاً أنا ولا هشوفه ولا هحس بوجوده علشان كدا عاوزة أول ما تشوفوا حد تخلوا قرينتي تقول بسكويت بسكويت
وساعتها محدش هيشك، في حاجه وأنا هعمل نفسي أنى عاوزة أكل.. ووافقت عيشوش وقالتلي بلغت قرينتك بطلبك…
وقررت انتظر يومين واروح البيت مع مهندس الديكور وفي نفس الوقت طلبت من عيشوش تعرف ليا شريف مواعيده إيه..
وتعمدت وشريف وهو خارج من البيت إني امشي عكس اتجاهه وبرتب أوراق وطبعاً من غير قصد اتخبطت فيه ولسه هتخانق.
قولت له شريف.. أنت بتعمل ايه هنا…
شريف…
نزلت من العمارة وبعدي الطريق أخد سيارتي لقيت واحدة خبطت فيا وهتزعق… فجأة لقيتها رشا واستغربت وجودى هنا…
قولت لها هنا بيتي وأنتي بتعملي إيه ؟!!! قالتلي أصل أنا بعمل أوراق الشركة وكنت بدور على مطبعه أعمل عندها أوراق دعايه
وسألتني لو أعرف أى كوفي شوب هنا تروح تقعد ترتاح فيه شويه
قولت لها بس كدا تعالي معايا وأنا اوصلك..
لكنها رفضت تركب معايا وقالتلي تعالي نتمشي يمكن الهواء يخليني افوق شويه..،،
وبصراحه ما صدقت واخدتها وقعدنا في كوفي شوب قريب.. كان نفسي أفهم سلامة وسوزان عاوزين منها إيه…
وفضلنا نضحك واندمجت معاها جدا لدرجة أني نسيت المستشفى
ولقيت سوزان بتتصل بيا وبتقولي مش كفايه كدا..
هات رشا وتعالي حالا…
مش عارف ليه خو'فت. عليها وافتكرت اللي عملته سوزان مع صديقتي. علشان كدا قولت ل رشا..
سوزان عوزاكي بس طبعا أنتي مشغوله وهتروحي يلا سلام..
وأول ما وصلت المستشفى لقيت سوزان واقفه ليا ع باب المكتب وبتقولي…. !!!
•