رواية الدلوعة والجزار — الفصل 7 — بقلم مي محمد ابراهيم
«الدلوعة والجزار »
«البارت ال7»
قناة الواتس 👇
ما تنسوش الفوت والكومنت يا حبايبي واللي مش عامل فولو يعمل
-----------
دخلت العربية وهيا علي وشها ابتسامة انتصار... ركب عاصم جنبها وقال
-لو عاوزة تشيلي الشال ده شيليه متقلقيش العربية متفيمة
بلعت لونا ريقها بتوتر وقالت
-لا لونا مرتاحة كده
هز راسه وشغل العربية وساقها... وطول الطريق عينه ما اتشالتش من عليه.. ابتسمت لونا بدلع وقالت
-مالكي يا هاصم تبص لي كده ليه
عاصم
-كيفي ابص زي ما انا عاوز
ضحكت لونا بقوة وقالت
-انتي رخمة هاصم
وقف عاصم العربية فجأة وقرب منها وقال
-علي فكرة أنا راجل وراجل اوي كمان
لونا
-انا يهرف انكي راجل يا هاصم بس ليه
عاصم بغيظ
-عشان ام لسانك ده اللي مضيع ام هيبتي
حطت لونا ايديها في وسطها وقالت
-يوووه لونا مش يهرف يتكلم غير كده... إذا كان عاجبك
عض عاصم علي شفايفه وقال
-عاجبني واوي كمان يا متدلع
ضحكت لونا بخفة وبعدت وشها عنه وبصت من الشباك... احمرت عيون عاصم بغضب اول لما شاف الشال بعد عن كتفها شوية واكتشف أنه كات... شهقت لونا اول لما سحب الشال من عليه وقال بغضب
-اي ده يا هانم
لونا بتوتر
-في ايه يا هاصم
صفعها علي دراعها بقسوة وقال
-انا مش قولت لك لبسك ده يتعدل يا روح امك
فركت لونا دراعها بوجع وقالت
-هاصم انت يوجع لونا وبعدين انا يلبس شال
صفعها تاني علي دراعها بغضب
-انتي هتستعبطي يا روح امك هو انتي فاكرة الكلمتين دول هيخيلوا عليا فوقي واتظبطي يا لونا بدل واللي خلقني وخلقك لاكون موريكي الجزار اللي بجد اللي بتترعب له رجالة بشنبات انا لحد دلوقتي بتعامل معاكي بحنية لكن هتسوقي فيها العوج هطلع عين امك
لفت لونا وشها بزعل وقالت بهمس لنفسه
-كده يعامل لونا بهنية اومال لو بقسوة يهمل اي...
رفع حاجبه باستنكار لما سمع كلامها وقال بحدة
-بتقولي اي
لونا بتوتر
-لونا آسفة
مردش عليها وشغل العربية وساقها...
بعد شوية
وقف عربيته قدام مول كبير... بص لها ببرود وقلع الجاكت... شهقت لونا بخجل وقالت
-انت يهمل ايه يا هاصم
مد لها عاصم الجاكت ببرود وقال
-بلاش دماغك القذرة دي خدي البسي الجاكت ده عشان ننزل نجيب ليكي هدوم وتغيري الفستان ده
لونا برفض
-لا مش هينفع علي الفستان... وبعدين لونا يلبس شال اهو مفيش هاجة يبان والله
مسكها بعنف وهو بيلبسها الجاكت وقال
-ولما يقع الناس تشوف دراعاتك دي ... البسي يا هانم عشان انا مش طايق امك
لونا بتذمر
-يوووه بقي يا هاصم انتي متحكم اوي
عاصم باستنكار
-فين ده... ده انا سايبك تعملي كل حاجة انتي عاوزاها واكبر دليل اني بخرجك دلوقتي
لونا
-وانتي مش عاوز لونا يخرج أن شاء الله
عاصم بتملك
-لو عليا عاوز حد يلمحك بطرف عينه بس بحاول اتحكم في غيرتي اللي عارف انها لو اتحكمت فيا مش هسمح ليكي انك تتنفسي عشان النفس هيكون اقرب ليكي مني
لونا بتوتر
-يالا ننزل عشان لونا يشتري هدوم
هز راسه ودخل ونزلوا من العربية ودخلوا المول تحت ضيقها الشديد بسبب نظرات الناس ليها وللجاكت اللي لابساه فوق الفستان... وسعت عيونها بسعادة اول لما شافت فستان لونه احمر ناري قصير... قربت منه بلهفة وقالت بسعادة
-هاصم لونا عاوز الفستان ده
عاصم بهدوء مريب
-وماله ما هو انا مركبهم قدامك عشان اسيبك تلبسي لبس الرقصات ده
لونا بسرعة
-والله مش يلبسه بره هلبسه في اوضتي بس شكلها حلو اوي ولونا عاوزاه
اتنهد بضيق فهو ميقدرش يرفض لها طلب لكن اتكلم بحدة وقال
-يتلبس في اوضتك بس يا لونا ومحدش يشوفه حتي لو واحدة من البنات فاهمة ولا لا
لونا بلهفة
-حاضر حاضر والله
خد لها الفستان وبدأ يشتري ليها هدوم واسعة تحت اعتراضها لكن ده مهمهوش..... واشتري ليها فستان واسع خلاها تلبسه بدل الفستان اللي هيا لابساه
بعد شوية
خرجوا من المول وعاصم شايل شنط كتير...
لونا
-هات لونا تشيل معاك
عاصم ببرود
-لونا مش هتشيل غير عيالنا في المستقبل أن شاء الله وبعدين هو انتي شايفاني خرع للدرجة دي مش هقدر اشيل كيسين زي دول
لونا
-مش يقصد
حط عاصم الشنط في العربية وقال لها
-تعالي بقي عامل لك مفاجأة
لونا بحماس
-مفاجاة اي يا هاصم
عض عاصم علي شفايفه من اسمها اللي بيهلكه وبيدمر حضونه اكتر واكتر
بلع ريقه وقال
-اركبي بس وهتشوفي كل حاجة بعيونك
هزت لونا راسها بحماس وركبت معاه العربية...
بعد شوية
وقف العربية قدام البحر نزل من العربية وشاور لها انها تنزل... نزلت من العربية وشهقت بصدمة اول لما شافت يخت كبير جدا مكتوب عليه اسمها... حطت ايديها علي بقها وعيونها دمعت وقالت بتلعثم
-دي... دي للونا
حاوط عاصم كتفها بعشق وقال بهمس رجولي جمب ودنها
-دي حاجة بسيطة لملكة قلبي... بحبك يا متدلع
لونا بتوتر
-تعالي نركب اليخت
قالت كده وكانت هتمشي لكن هو مسك ايديها وقربها منه وقال
-مش هتتهربي مني يا لونا.... قولي لي انتي بتحبيني... بس خدي في بالك انا سايب لك حرية الاختيار يعني يا تحبيني يا تحبيني برضو عشان معندكيش اختيار تاني
ضحكت لونا بقوة وصدمة في نفس الوقت... حاوطت رقبته بدلع اتخلق ليها وقالت
-وهو انت سايب لي حرية الاختيار كده
عاصم بغمزة
-اوي اوي يا متدلع
رفعت لونا نفسها عشان تطوله وطبعت بوسة رقيقة علي خده وقالت بهمس مثير
-بهبك يا هاصم
قالت كده وبعدت بسرعة وراحت ناحية اليخت تطلع عليه بسرعة قبل ما يفوق من حالته دي... حط ايده علي خده بصدمة ودقات قلبه بقت عاملة زي الطبول..... فاق من توهانه علي صوت ضحكاتها اللي زرعت جواه الحياة من اول وجديد وكأن حياته اللي فاتت كانت من غير روح وهيا الروح اللي خلت لحياتها طعم وبهجة... طلع علي اليخت وراها ومسكها بسرعة قبل ما تجري وقال بعشق
-انت قد اللي انتي عملتيه ده يا بت
هزت لونا راسها بلا وقالت بتوتر
-خلااص بقي يا هاصم سبني انا اسفة
عاصم بعبث
-تؤ تؤ انا متعود أن لما حد يعمل لي حاجة بردها ليه أضعاف أضعاف يا قلب عاصم
ضحكت لونا بقوة وزقته وهيا بتقول بدلع
-بتحبي يستغل الفرص
عاصم
-اوي اوي وحياتك تعالي بقي
طلعت لونا تجري بضحك لما شافته بيقرب منها.... جري عاصم وراها وهو حاسس انه رجع طفل تاني ونسي نفسه وهيبته وكل حاجة وهيا معاه مسكها من وسطها وقال
-مسكتك شوفي بقي هتهربي مني ازاي
حطت لونا ايديها علي وشه برقة وقالت
-انتي مش يعمل هاجة للونا صه
هز راسه بتأثر من لمساتها فابتسمت بانتصار وكملت
-سبني بقي دلوقتي عشان يستمتع بالاجواء دي بس هو مين اللي يسوق اليخت ده
عاصم بغرور
-شكلك لسه متعرفيش الشبراوي
لونا بصدمة
-انتي يسوق اليخت
عاصم بغمزة
-وهعلمك كمان
صقفت لونا بحماس كبير وفعلا راحوا ناحيه الكابينة وبدأ عاصم يسوق اليخت وهيا واقفة جمبه بتتعلم منه..
قضوا اليوم سوا وسط جوا من الحب والدفء وطبعا مخلاش من وقاحة عاصم اللي كانت جديدة نوعا ما عليها......
في البيت خاصة في مكتب صفوان
كان قاعد سامر قدامه وقال
-انا لقيت ليا شقة يابا وكمان كام يوم هنقل ليها
صفوان بغضب
-انت اتجننت يا سامر عاوز تسيب بيت ابوك وتروح تسكن في مكان تاني
سامر
-ده احسن للكل يا ابويا...
صفوان
-الكلام ده مش هيحصل يا سامر مش هخليك تبعدي حفيدتي عنك
سامر بحدة
-متنساش انها بنتي قبل اي حاجة يابا وانا شايف ان مصلحتها اننا نبعد عن هنا
صفوان
-بس
سامر بمقاطعة
-من غير بس يا ابويا انا مش هغير قراري وبعدين متقلقش انا مش هقاطعك انا هفضل اجي ازورك انت ابويا مهما حصل
صفوان بتنهيدة
-واللي انت عاوزه يا ابني بس استني علي الاقل بعد خطوبة عاصم وجميلة
قام سامر وقف وقال بابتسامة
-تمام وانا مش همشي غير لما احضر خطوبتهم
قال كده وخرج من مكتبه
-------------
في نهاية اليوم
رجعوا البيت فقالت لونا
-خليك انت يا هاصم وانا ينزل الاول
بص لها عاصم ببرود ونزل من العربية وقال
-يالا بس وبطلي هبل
مسكت لونا ايده وقالت برجاء
-بليزز هاصم لونا يقول لبابي اني اروح مع صاحبتي
نفخ عاصم بضيق وقال
-ادخلي يا لونا
ابتسمت لونا بسعادة ودخلت البيت وهيا بتحدف له بوسة في الهوا... ضحك عاصم بخفة وفضل واقف ساند علي العربية شوية... قرب منه احمد باستغراب وقال
-مالك واقف كده ليه وبعدين انت مجتش الورشة ليه دي اول مرة تحصل يا عاصم
عاصم ببرود
-كان ورايا مشوار مهم
احمد باستنكار
-وانت من أمتي يعني عندك حاجة اهم من الشغل
عاصم بتوهان
-دي اهم من كل حاجة مش الشغل بس...... احمم تعالي ندخل جوا ونتكلم بعدين
قال كده ودخلوا تحت استغراب احمد
-----------
دخلت لونا اوضتها اترمت علي السرير بسعادة كبيرة وهيا بتسترجع احداث اليوم... حضنت المخدة بسعادة وهيا بتقول بصوت عالي
-بهبك يا جزار بهبك
دخلت سمر في الوقت ده وقالت باستغراب
-اي ده مالك يا لونا
قامت لونا بسرعة وقالت بتوتر
-مفيش مامي
سمر باستغراب
-اي ده.... ده مش الفستان اللي انتي كنتي لابساه الصبح وبعدين اي كل الشنط دي
لونا بتوتر اكبر
-مفيش يعني... العصير يقع علي هدومي فروحت المول يجيب هدوم تاني
سمر بشك
-هحاول اصدقك يا لونا مع اني امك وعارفاكي كويس وعارفة أن فيكي حاجة مش طبيعية علي العموم... عاوزكي تجهزي نفسك عشان كمان يومين هننقل شقتنا الجديدة
لونا بصدمة
-مش يفهم احنا هنسيب هنا
سمر
-ايوة مش انتي كنتي عاوزة تمشي من هنا ولا انا غلطانة
لونا بتوتر
-عشان كنت مضايق بس لكن انا يهب جدو ويفضل هنا
سمر
-لو علي جدو فعادي كده كده الشقة قريبة من هنا وتقدري تجي وقت ما تحبي ولا انتي بقي عشان حد تاني
لونا بحزن
-لا مامي
طبطبت سمر عليها بحنان وقالت
-لسه يا لونا معاكي بتاع يومين اعملي فيهم كل اللي انتي عاوزاه متزعليش بقي
هزت لونا راسها وهيا مش عارفة ازاي ممكن تقول لعاصم انهم هيسيبوا البيت وقررت انها مش هتقول له وتقضي معاه اكبر وقت ممكن اليومين دول
تاني يوم
صحيت لونا علي صوت دوشة... حطت راسها تحت المخدة لكن برضو صوت الدوشة كان عالي... نفخت بضيق وقامت غيرت هدومها وخرجت من اوضتها تشوف اي الدوشة دي... نزلت تحت واتفاجات اول لما لقت في ستات كتير قاعدة وعمالين يغنوا..... سمت واحدة من الموجودين اول لما عينيها وقعت علي لونا وقالت
-بسم الله ماشاء الله مين دي يا حورية
حورية بضيق
-دي لونا بنت سامر اللي كانت عايشة وسط الاجانب
هزت الست راسها وهيا بتبص للونا بإعجاب..... قربت لونا ما مريم وقالت
-هو في اي يهصل هنا ومين دول
مريم
-انتي نسيتي ولا اي انهاردة خطوبة عاصم وجميلة
اتسمرت مكانها وهيا بتسأل نفسها هل هو ما سبش جميلة وفي نفس الوقت بيقول أنه بيحبها....مشيت بهدوء من غير ما تكلم حد وراحت لجناحه الخاص ومن غير اي مقدمات دخلت.... كان عاصم هيزعق بحدة للي فتح الباب بالطريقة دي بس سكت اول لما لاقها لونا... قربت منه لونا وقالت بجمود
-هاصم انت يكمل في الخطوبة دي
عاصم بهدوء
-ايوة يا لونا عشان ما.....
قاطعته بحدة وقالت
-يعني انت مش يهب لونا وكنت يضحك عليا مش كده يا هاصم
قرب منها عاصم وقفل باب الجناح وسندها عليه وقال
-انا بعشق لونا مش بحبها بس.... بس مينفعش اسيبها انهاردة يا لونا دي بنت عمي مهما كان
بعدت لونا عنه بحدة وقالت
-طب واللي لونا قالته امبارح... بس خلاص انتي يتجوز جميلة وسيب لونا وملكيش دهوة بيا تاني انت فاهم
عض علي شفايفه بغضب هو لحد الان مش عاوز يتعصب عليها عشان متفهم الحالة اللي هيا فيها لكن كل كلمة منها بتخليه يفقد أعصابه عليها... ضغط علي دراعاتها اكتر وقال
-اني اسيبك بموتي يا لونا... موتي هو الحل الوحيد عشان اسيبك غير كده متحلميش أو تفكري مجرد تفكير اني اسيبك فاهمة
قال اخر كلامه بصراخ وتملك... حاولت لونا تبعد عنه وهيا بتقول
-لا لونا مش يفهم وابعدي عني كده
عاصم بحدة
-غوري يا لونا من قدامي دلوقتي بدل ما اتجنن علي اللي جابوكي يالا
قال اخر كلامه بصراخ خلاها تترعب فطلعت تجري من الاوضة....
دخلت لونا اوضتها والدموع علي خدها... اترمت علي السرير بتبكي بقهر مش متخيلة انها امبارح كان اسعد يوم في حياتها باعترافه واعترافها وانهاردة بيخطب واحدة غيرها... خبط الباب في الوقت ده مسحت دموعها بسرعة وقالتةيصوت مبحوح بسبب بكائها
-ادخل
دخلت جميلة وعلي وشها ابتسامة شامتة وقالت
-اي ده مالك يا لونا يعني مش قاعدة مع البنات تحت لا كده مينفعش ده انتي بنت عمنا برضو ولازم تفرحي معانا ولا انتي مش فرحانة
لونا بقوة
-لا طبعا لونا يفره اوي بس لونا مصدعة شوية...
جميلة
-لا الف سلامة عليكي معلش انا عارفة صوت الاغاني عالي اوي بس هنعمل اي خطوبة بقي وكده يالا بقي عقبالك يا قلبي.. اسيبك انا بقي ترتاحي شوية عشان تقدري تنزلي بالليل واه صح الميك اب ارتست هتيجي شوية كده لو عاوزاها تعمل لك ميكاب يمكن تبقي حلوة ونلاقي ليكي عريس
لونا
-لا شكرا
جميلة باستفزاز
-براحتك
قالت كده وخرجت وهيا بتضحك باستفزاز.... قامت لونا وقفت قدام المراية بغضب شديد وهيا بتقول
-ماشي يا هاصم... انتي يسيب لونا انا يوريكي
قالت كده وراحت ناحية الدولاب وطلعت منه الفستان الاحمر اللي اشتروه امبارح ابتسمت بخبث وقالت
-انتي مش ليكي دهوة بيا تاني يا هاصم وانا مش يسمع كلامك تاني
قالت كده وعيونها بتلمع بتحدي