الفصل الثالث

رواية البنت الي امها تزوجت عمها الجزء الثالث 3 بقلم مروان فرج البنت الي امها تزوجت عمهارواية البنت الي امها تزوجت عمها الحلقة الثالثة خشيت لدار انصدمت من منظر العريس كان مقعمز ع السرير بطريقة غريبة و يتكلم مع نفسه و حركة إيديه مش طبيعية حسيت انه ما حسش بوجودي ما عرفتش شن ندير كنت في موقف غريب ما توقعت في حياتي ننحط فيه 🫣🔥

قلت السلام عليكم ما عرفتش شن نقول ما عرفتش كيف نلفت انتباهه لما سمع صوتي سكت و وقف ع الحركة شوية و بعدين قام راسه شافني وكانت ردة فعله صادمة لما بدي يطابق عليا ويقولي اطلعي هده داري علاش جاية أطلعي و يخـ..بط ع راسه انصدمت و خفت و تلخبطت عليا المشاعر 🔥😑

و لما زاد علي صوته و عياطه خفت طلعت بسرعة من الدار بس قعد يعيط دقات قلبي كنت نسمع فيهم بوداني الضغط الي مر عليا اليوم يعادل الي يمر ع ناس ف سنين قعدت واقفة في الممر نرجف و هوا يعيط وبعدين بديت نسمع في أصوات تكسير خلاص أنا بنمـ..وت من الخوف بعد شوي جو خواته الي كانو معاي يجرؤ خشوله وبعدها جت مراة كبيرة خشت بعدهم و معاها تلاتة نساوين وقفو جنبي و ما خشوش 😬

سكرو باب الدار و قعدت أنا والنساوين برا كانو يشبحولي و نظراهم تعكس الي يفكرو فيه حسيت بخجل نزلت راسي لوطة كنت عارفة انه المكياج و تسريحة لان هما كانو منظمات مكياجهم و لبسهم مرتب و جميل سألتني وحدة منهم انت العروسة ؟ قصدي واضح أنا من وإلا شن جابني لدار هنا بس كانت تبي تحرجني مزيت براسي و خلاص قاتلي مش قالو العروسة دايخة و تاعبة اهوا ما فيك شي علاش ما طلعتيش لناس 😑

همزت وحدة منهم قاتله مش وقته هدا طنشت ومشت قربت وحدة منهم مني قاتلي تعالي قعمزي ارتاحي قعمزت كنت نرجف مع بعضي و رجليا كانو مش حامليني بعد فترة طلعو البنات وأمهم من الدار جوني قالولي الليلة تعالي باتي ف الدار التانية العريس تعبان شوية مشت امهم من غير ما حتى تسلم عليا ولا تعبرني وفهموني البنات لدار ومشو خشيت اول حاجة درتها غيرت ملابسي و و حولت التسريحة و مسحت المكياج

وكيف بنرقد خشت عليا اخته الكبيرة لقتني لابسة قفطان حوش شافتلي باستراغب نفس النظرة 🤫 قاتلي احسن ما درتي مسحتي المكياج الصراحة كان كار..ثة اسمعي الي صار اليوم عادي ما تخافيش هوا خوي مدلع شوي بزيادة بس لكن وضعه طبيعي راه زي باقي الرجالة سكتت ما رديتش عليها قاتلي نجيلك تتعشي قتلها لا لا ما عنديش نية قاتلي براحتك هي تصبحي ع خير و مشت هي طلعت و أنا انتابتني موجة بكا.ء مش طبيعية معاش قدرت نسكت بكيت لين خداني النوم

نضت الصبح ع صوت طقات ع الباب مشيت فتحت قاتلي اخته اسمعي شطبي امورك و انزلي امي تبيك و اشرتلي ع الحمام قتلها باهي مشيت غسلت وجهي

و لبست حجابي و نزلت الحوش كان كبير كبير فوق ما نقدر نوصفه بعد نزلت من الدروج ما عرفتش وين نمشي لين سمعت صوت ينادي عليا مشيت خشيت لصالة كبيرة كانت فيها العزوزة وبناتها بس خشيت قلت صباح الخير و قعمزت و أنا كيف قعمزت وتنزل فيا العزوز هزايب كيف ديرولنا هك انت و اهلك تحشموني قدام معازيمي معقولة تجيني بالمنظر هدا واحني صارفين عليك و عاطيينك فلوس يا فلوس اخرتها ديرولي هك قدام الناس بديت نرجف مع بعضي ومش عارفة شن نرد ولا

قادرة أصلا نرد ولا نتكلم بدو دموعي ينزلو وخلاص قاتلي جوي البكي هدا ما يمشيش عندي والي صار امبارح مش راح يفوت ع خير و أنا عندي كلام مع مرت بوك بري ارقي لدارك و شوفي راجلك و الي صار امبارح ما يتكررش تعلمي كيف تتعاملي معاه و تعبينيش طلعت بسرعة من الصالة و دموعي ع خدي مشيت لدار قعدت واقفة قدام الباب خايفة لو خشيت يصير نفس الشي وكيف بنتصرف 🙂

فتحت اللباب بشوي و خشيت كان راقد فرحت قعمزت ع الصالون الي جنب الباب وانا ندعي انه ما ينوضش….. عزوزتي اتصلت بمرت بوي و مانعرفش شن قاتلها عشان مرت بوي تجي للحوش كنت مقعمزة في مكاني ليا قريب الساعتين طق الباب نضت فتحت قاتلي البنت تعالي مرت بوك هنا وتبي تشوفك باش تكمل عليا عزوتي الواعرة و مرت بوي نزلت لقيت مرت بوي مقعمزة و الغرور تهز.ب فيها وتقلها ف نفس الكلام الي قالته ليا و لما خشيت

شافتلي مرت بوي و قاتلها يا اوخيتي حقك علينا لكن أنا ما بيدي شي زي ما تعرفي هده مش بنتي بنت راجلي وطبعها صاعب و سكرت راسها قالت مزين لا ما نمشيش و الفيلو ما نلبسش قالت حازنة ع بوها أنا و بناتي ترجيناها حاولنا معاها وهي شي قالت لا و شافتلي قاتلي تعالي قولي لعزوزتك شن صار كنت واقفة مصدومة كيف هي تكدب عليا و ف وجهي شافتلي عزوزتي وقاتلي حق الكلام هدا قتلها …. …..