كان ماشى تايه سرحان عندما ارتطم بسياره مسرعه دحرجته عدت أمتار على الأسفلت ظل شهور فاقد للوعى، وكان الأطباء ينتظرو كل لحظه وفاته، اخبرو عائلته ان امله فى الحياه ضعيف جدآ وحاذ داخل المشفى لقب الامير الغافى، الأمير النائم، كانت الممرضات يعرفونه بذلك الأسم عندما تحين ورديه فى غرفته، كانو يشعرون تجاهه بالحزن الشفقه واحيان الاستياء من تقليب جسده وتنظيفه حتى جاء اليوم الذى فتح فيه عينيه كانت الممرضه ريهام بتلعب على الموبايل بتاعها لما سمعت الآنه إلى خرجت من صدر مزيك، ريهام مصدقتش نفسها لما شافته بيبص عليها باستغراب وعلى وشه ابتسامه غريبه، عنيها جات فى عنيه، من صدمتها صرخت ريهام، الأمير الغافى استعاد وعيه، ركض الطبيب النبطشى على غرفة ادم، ريهام عنيها متعلقه بعنين المريض إلى استعاد وعيه بعد شهور، كان له ابتسامه حلوه كأنه ولد للتو، امسك الطبيب بيد ادم وقاس ضغطه ونبضه وسأله انت كويس؟
بخير الحمد لله، انا فين؟
انت فى المستشفى استاذ ادم
فين أهلى؟ ليه مش شايف اى شخص منهم؟
انحرج الطبيب ان يخبره ان عائلته فقدت الأمل فى نجاته واكتفت منذ ثلاثة شهور بدفع تكاليف المستشفى وان ما من أحد منهم زاره طول تلك المده بعد وفاة والدته
توفيت والدة ادم بعد الحادثه بشهرين حزنآ وكمدآ على ابنها الوحيد
الدكتور تعرف اسم شخص من عيلتك اكلمه يجى يشوفك
ادم ضيق حواجبه وحك دماغه مش فاكر الصراحه
طيب انت اسمك ايه؟
ادم، مش عارف، مش فاكر حاجه
الدكتور نزل على الاستعلامات وكلم عمه واخبره ان ادم استعاد وعيه
لما سمع عمه الخبر جمع أولاده، تركت ادم اتوزعت عليهم بعد وفاة والدته لانه يتيم، محدش كان متوقع انه يستعيد وعيه
كمان عمه كان شايف ان التركه من حقه
الولد دا لازم يموت، انا مش هخسر كل حاجه بسبب عيل معوق مش هيقدر يمشى على رجليه مره تانيه
واحد من اولاد جعفر العم كلم المستشفى وعرف ان ادم شخص بفقدان للذاكره ومش فاكر اسمه ولا اى حاجه
ابتسم اسامه، الموضوع اتحل يا بابا، ادم فقد الذاكره محدش منا هيروح المستشفى وهم هيضطرو يطردوه بره واكيد هيغور فى اى داهيه
اسماعيل موسى
انتظر ادم وصول عائلته، مفيش حد ظهر، حتى بعد مرور يومين محدش ظهر
كان خلال اليومين دول بيبكى ان عائلته تخلت عنه ومحدش منهم عايز يشوفه، توقع انه كان انسان سيء جدا لدرجة ان الكل بيبعد عنه
توقف عمه عن دفع كلفة المستشفى واضطرت إدارة المشفى انها تطرد ادم للشارع
