تحميل رواية «العروسة المسحورة» PDF

في قرية صغيره من قري الصعيد البنات هناك بتتجوز في سن صغير جدا وكان في بنات بمجرد بلوغهم سن البلوغ كان الاهل يبوافقوا علي اقرب عريس من العيلة

لان سلو بلدهم البنت لأبن عمها وهُنا لا يقصد إبن العم بحد ذاتة بل أي شخص من افراد العائلة

رباب وحسين أصدقاء في الجامعة وكانوا متفتحين ومش مقتنعين بعادات وتقاليد بلهدهم والاتنين كانوا نوارة العيلتين

سعاد بنت خالة حسين كانت بتحبة ومستنية يخلص جامعتة ويتقدملها لأنها هي اللي عليها الدور في الجواز

كانت سعاد كل يوم بتروح لخالتها وتخدمها وتكون تحت طوعها عشان تكون صاحبة النصيب

ومم كتر حب سعاد لحسين كان عندها إستعداد إنها تعمل أي شئ يكون يكون ليها وهو فعلا زينة شباب العيلة

بس حسين كان لية راي تاني

حسين عاوز يخالف العادات والتقاليد والمرة دي. هيخوض حرب في العيلة عشان يتجوز رباب

ورباب هي كمان في حد في عيلتها إتقدملها كتير إبن عمها واللي مستنيها تخلص جامعتها اللي كانت السبب في تأجيل فكرة الارتباط

حسين.... انا هخلص إمتحانات وهجيب أهلي ونتقدملك وياريت تحاربي عشاني زي منا كمان هحارب عشانك

رباب..... انا عمري ما هقبل إني اكون لحد غيرك حتي لو قتلوني أنا عارفة إننا هنواجة صعوبات كتير بس إحنا مع بعض أدها وهنواجهها

بعد ما خلص حسين أخد والدتة ووالدة وراحوا علي بيت رباب عشان يتقدموا لطلب إيدها والغريب إن والد رباب كان مرحب بالفكرة علي عكس المتوقع

والد رباب شايف إن حسين مناسب لبنتة أكتر من إبن أخوة ودة ممكن يعمل مشكلة بس هو هيتصدي ليها

وبعد مشاورات في العيلة وعتاب وخصام قبل والد رباب علي الجواز بس مفيش حد في العيلة هيحضر عشان الكل مش عاوز يشترك في حاجة تغير من عادات العيلة

بس سعاد الوحيدة اللي كانت شايفه الموضوع من ناحيه تانية

لو كان حسين إبن خالتي إللي أستنية طول السنين دي عرفت تخطفة وتسيطر علية واحد غريبة مش من العيلة فحلال فيها اللي ممكن يتعمل فيها

العيلتين إتفقوا علي إنهم يعملوا كل حاجة في القرية من كتب كتاب وفرح بس هيسكنوا في المدينة حتي نهدأ الامور بين العيلتين

نزل حسين يدر وعلي شقة بسعر معقول ومدة كويسة وبعد بحث مدة طويلة أخيرا لقي عمارة قديمة شوية والمدة مفتوحة وكمان سعرها كويس

إستغرب حسين) ان الاسعار في المكان دة إستحالة تكون بالاسعار دي

بس حس إنها تدابير ربنا وكرمة علية عشان إتمام الجوازة كلم أهلة رباب وعرفهم إنة جاب الشقة وهيبدأ في التجهيزات

جت أيام تجهيز رباب لفرش شقتها وطلبت منها سعاد إنها تروح معاها وتساعدها في فرش الشقة ودي اقل حاجة ممكن تقدمها لمرات إبن خالتها

وطبعا رحبت رباب بالموضوع وبدأت تحس إن في ناس من العيلتين ممكن يرحبوا بالفكرة ويكسروا العادات السيئة دي

بس سعاد كانت رايحة لغرض شيطاني ولهدف معين

قعدوا في الشقة مدة يوضبوا ويحهزوا وينضفوا ويفرشوا مع بعض وجت اللحظة اللي مستنياها سعاد عشان تاخد حاجة من لبس رباب وخلصة من شعرها اللي كان موجود علي فرشة التسريح

أخدت سعاد كل اللي محتاجاة واللي طلبة منها الدجال لإفشال الزواج ومرض رباب والخناق والمشاكل والخ.....

وحطت السحر اللي عملة الدجال وخيتطة في عروسة كانت عندها وفي أخر يوم ليهم في الشقة راحت سعاد وقالت لرباب أنا جبتلك هدية يارب تعجبك ودايما تكوني معاكي وتفتكريني بيها

أخدتها رباب وحطيتها علي المكتبة اللي فيها التليفزيون وهنا بدأ السحر يشتغل

عدت فترة التجهيزات واليوم ليلة الدخلة

عملوا الفرح في البلد حضرة جزء بسيط من العيلتين وباقي اهل البلد والاصدقاء وحسين أخد عروستة وراحوا علي بيتهم البيت اللي مكنش يعرف حسين هو راح أجر إية واللي مسألش نفسة صاحب البيت لية مهاود في سعر البيت كدة

في أول يوم دخلت رباب غيرت هدومها وكذلك حسين وقعدوا مع بعص في لحظة رومانيسة وإحساسهم بالفخر إنهم كسروا كل القيود اللي إتفرضت عليهم وإتمسكوا ببعض ووصلوا للحظة دي

فجأة سمعوا صوت في الحمام خبط شديد قام حسين فتح باب الحمام ملقاش حاجة فتح الشباك لقاة مقفول

وهو خارج حس بحاجة غريبة حس بشئ ورا ستارة البانيو

ببط إتجة ناحية البانيو ومد إيدة فتح الستارة

إتصدم حسين لما لقي فروة خروف في البانيو

حس حسين بالزُعر والخوف وندة علي رحاب وقالها تعالي في حاجة غريبة

جت رحاب وسألتة في إية يا حسين

إية اللي جاب فروة الخروف دي هنا

بصت رحاب وحست إن رجليها مش شايلاها وجسمها كأنة إتلبش واتسمر مكانة

أنا مفتاح الشقة معايا ومع ماما بس ومن امبارح محدش دخل الشقة وكنت أخر حاجة عملاها هي نظفنا الحمام

فحأة فاحت ربحة كريهة جدا في المكان

أخدها حسين ودخلها الاوضة وقالها إستنيني هنا هروح أرمي الفروة تحت واطلع علي طول

أخد حسين الفروة ونزل وساب رحاب لوحدها في البيت

فتحت رباب التليفزيون ملقتش في إشارة في كل القنوات

قامت وقالت أنا هدخل انضف البانيو مكان الفروة دي اللي معرفش جت منين

وهي معدية من الصالة من قدام المراية الموجود فيها بصت لنفسها في المراية وفرحت بنفسها وبشقتها

جدت وقعدت تتأمل نفسها في المرايا وشها وشعرها ولبسها وفجأة لقت خيال بيجري من وراها

إتخضت رباب وندهت علي حسين

حسين إنت هنا حسين حسين

فتخت البلكونة وبصت في الشارع لقت حسين ماسك كيس فستان الفرح وبيرمية في الزبالة

إتخضت رحاب من اللي شافتة وندهت علية حسين إية اللي إنت بتعملة دة حسين فستان فرحي يا حسين

بس الغريب إن رغم إن المسافة قريبة بس حسين مش بيرد عليها

دخلت رحاب تجري علي الدولاب تسوف الفستان وبمجرد إنها فتحت أول صلفة لقت قط إسود في وشها

إتخضت رحاب ووقعت في الارض

وحسين طالع علي السلم سأل البواب وقالة هو في حد كان بيدبح خروف في العمارة إنهاودة أو امبارح

رد البواب وقالة لأ يا أستاذ مفيش الكلام دة

سابة حسين وهو طالع علي السلم قابل راجل كبير في السن نازل يصلي الفجر يلم علية وقالة أنا الحاج خليل جارك في الشقة اللي جمبك

وكنت هباركلك تاني يوم بس مكتوبلي أباركلك إنهاودة

علي العموم نورت العمارة يا عريس

حسين حكالة علي موضوع فروة الخروف

رد الحاج خليل وقالة عادي دي فروة خروف يمكن كانت جاية في العفش تتحط مشاية قدام الباب وحطوها في البانيو ونسوها

طلع حسين علي الشقة ولسة بيفتح الباب لقي مية خارجة من الشقة فتح الباب بسرعة لقي الشقة بتغرق

دخل بسرعة لقي رباب واقعة في الارض والعروسة فوقها

حاول يفوقها مش بتفوق شالها ونيمها علي السرير

وجري علي الحمام لقي كل الحنفيات اللي موجودة في البيت مفتوحة وكل الاحواض والبانيو مسدود

شال حسين غطاء البانيو والاحواض وقفل المية وبدأ ينشف المية

وبعد وقت طويل في تنشيف الشقة علي اد ما قدر وبعد ما العفش كلة غرق دخل علي رباب يسألها مين اللي قفل السدادات وفتح الحنفيات

قامت رباب مفزوعة وصرخت في وجة حسين وقالتلة إنت إية اللي رميتة في الزبالة دة بترمي فستان فرحي

للدرجادي قيمة فستان فرحي عندك يا حسين صندوق الزبالة

فستان إية يارباب اللي هرمية أنا رميت الفروة اللي كانت في البانيو وطلعت البيت لقيتة غرقان مية والعفش باظ

قامت رباب مخضوضة وخرجت تشوف عفشها اللي باظ وبدل ما كانت ليلة العمر بقت ليلة بداية المعاناة

عدي كام يوم في البيت ومفيش اي حاجة حصلت بين حسين ورباب وكان في شئ بيمنعهم من بعض لا رباب حابة ولا نفسية حسين قابلة

بعد كام يوم نزل حسين شغلة وساب رباب نايمة

خبطت عليها جارتها الست إم وليد وكانت جيبالها فطار وقالتلها أنا ليا بنت زيك متجوزة بعيد وأنا شيفاكي زي بنتي بالطبط ياريت تقبلي مني الفطار

رحبت بيها رباب وقالتلها فعلا أنا محتاجة حد يقعد معايا افضفض معاة واتونس بية

وكمان في حاجات بتحصل من يوم فرحي مش لاقيالها تفسير

انا بشوف هيالات كتير في البيت وبحس إن في حد دابما مراقبني ولو وقفت شوية قدام المرايا بشوف وجك بيظهر ورايا وفجأة بيختفي

الحاجة ام وليد قالتلها يمكن عسان مكان جديد وكمان لسة مأخدتيش علي جو وعيشة المدينة

طب والفستان اللي شوفت حسين بيرمية في الزبالة والقط اللي لقيتة في الدولاب

أي نعم لقيت الفستان مكانة بس في خاجات كتير بتحصل مش لقيالها تفسير

شوية وأستأذنت جارتها وقامت رباب تحضر الغدا وهي واقفة علي البوتاجاز فجأة لقت إيد علي كتفها

صوتت ولفت لقت حسين وراها جايب ورد وبيقولها وحشتيني

حرام عليك يا حسين خضتني

اخدها في حضنة وقالها إحنا مش هنستسلم للي بيحصل أكيد عشان شقة جديدة وجو جديد علينا وكمان عشان عيشة الريف غير عيشة المدن

ردت رباب وقالت جارتنا بردو قالت كدة

إندهش حسين جارتنا مين إحنا ملناش جيران غير الحاج خليل ودة عايش لوحدة

إستغربت رباب من كلام حسين

الجزء الثاني

بقلم /تامر صقر

إندهشت رباب من كلام حسين

إزاي ملناش جيران غير الرجل اللي جمبنا؟

أكيد البواب غلطان دي الشقة التانية اللي جمبنا فيها ست كبيرة عايشة لوحدها وجت هنا وجابتلي فطار وقعدنا مع بعض واتكلمنا إزاي الكلام دة إنت هتخوفني لية

طيب تعالي نروح مع بعض نخبط عليها ونشوفها ونتأكد إذا كان البواب غلطان ولا صادق

بواب مين وغلطان إية يا حسين هو أنا مجنونة أنا متأكدة من اللي بقولة

ياحبيبتي يمكن تهيوئات زي الفستان اللي شوفتيني برمية في الزبالة والقطة السودة اللي كانت في الدولاب وطلعة العروسة دي

خلاص يلا بينا نروح للست ونخبط عليها وإنت تتأكد

طب نتفدا ونروح نشوفها

لا هنروح دلوقتي. وأخدتة رباب من إيدة وخرجت من شقتها ووقفت وهي خايفة وبترتجف إن كلام حسين يطلع صحيح وإنها بيتهيألها كل الحاجات دي

خبطت رباب ورنت الجرس كتير وحسين كمان خبط كتير ومفيش حد بيفتح

حسين طبطب علي رباب وقالها تعالي يا حبيبتي إرتاحي وبكرة إنشاء الله هنروح لدكتور نطمن عليكي

رباب منفعلة .... دكتور إية يا حسين أنا مش مجنونة وكل اللي قولتة انا متأكدة منة طب هقولك حاجة الست دي إديتني رقمها تعالي ندخل نكلمها يمكن نزلت راحت مشوار

ولسة بيخطوا أول خطوة علي. باب شقتهم فجأة فتح باب الحاجة أم وليد وخرجت الست بتسأل مين مين

رباب بفرحة النصر شاورت بأديها أهي يا حسين الست ام وليد أهي

الحاجة أم وليد.... أهلا وسهلا يا رباب إزيك يا حبيبتي معلش كنت بصلي ولما بكون بصلي مبعرفش أطلع من الصلاة لأي سبب حتي لو البيت إتهد عليا

إزيك يا أستاذ حسين مبروك يا عريس ولو إنها جاية متأخرة

وليد..... معلش يا حاجة بس عندي سؤال

وإتفاجئ حسين من رد الست جارتهم

ردت الحاجة ام وليد.... هتقولي لية البواب بيقول إن الشقة فاصية ومفيهاش حد

أنا هقولك

البواب دة طماع. كان كل ما يطلعلي حاجة هو ولا مراتة عاوزبني اديهم فلوس وكنت بديهم زمان بس من ساعة ما العيشة غلت والعلاج اللي باخدة تمنة زاذ طلباتي قلت وفلوسي قلت

فمعدش حد فيهم بيسأل وأنا كمان بقيت بخلي الواد الصغير اللي في السوبر ماركت يجيبلي طلباتي

حسين...... بس دة دخل الخوف والرعب في قلوبنا لية يقولي مفيش حد ساكن في الشقة دي

الحاجة.... زي ما انت لو بطلت تديلة فلوس هيعتبرك مش موجود وهيقول عليك اللي قالة عليا وعلي غيري

حسين...... يااااة خلاص يا حاجة من هنا ورايح إحنا ولادك وكل يوم هنيحي نطمن عليكي والبيت بيتك في اي وقت

فجأة وهما واقفين سمعوا صوت طفلة صغيرة بتعيط في شقة الست جارتهم

رباب.... هو في حد عندك

جارتهم...... حد؟ حد مين أنا عايشة لوحدي زي ما قولتلك

رباب..... بس في صوت طفلة بتعيط جوة

حسين فعلا في صوت طفلة بتعيط خاج من شقتك

الحاجة.... لالالالا دة التليفزيون أنا سيباة مفتوح إدخلوا إنتوا شقتكوا ربنا يهدي سركوا ولينا كلام مرة تانية مع بعض

ودخلت الست ام وليد شقتها ودخلت رباب وحسين شقتهم

وبرغم إنهم مش مقتنعين إن اللي سمعوة صوت تليفزيون بس كانت رباب مبسوطة إنها كانت علي حق ومكانتش تهيوئات

دخلت تكمل رباب اللي كانت بتعملة في المطبخ فجأة لقت العروسة مركونة علي الارض جمب البوتاجاز

وقفت رباب مزهولة بتبصلها وبتفكر وسرحت كتير في اللي كانت بتعملة قبل قبل ما يجي حسين هو انا جبت العروسة دي هنا طب حسين كان جيبها معاة من الاوضة قبل ما يخضني طب....... ولسة بتفكر سمعت صوت بكاء الطفلة من شباك مطبخ جارتها

إتسحبت رباب وإتجهت ناحية شباك المطبخ اللي تحتة البوتاجاز شالت العروسة من جمب البوتجاز وحطيتها علي رخامة في المطبخ

وفتحت الشباك بهدؤ وبصت علي شباك مطبخ جارتها

فجأة لقت طفلة صغيرة يبدوا عليها الاعاقك الزهنية

والست جارتها بتأكلها

خافت رباب من اللي شافتة وحست إن جسمها سقع ورجليها مش قادرة تشيلها وخافت جدا وحاولت تنادي علي حسين بس صوتها مبيطلعش

فجأة لقت خيال وراها حاولت تلتفت مش عارفة ولا قادرة حاولت بكل الطرق تنادي علي حسين بس بردو صوتها مكتوم

وزاد خوف ورعب رباب لما شافت الخيال اللي رواها في مراية البوتاجاز

دة خيال العروسة.

مقدرتش رباب تتحمل ووقعت في الارض

دخل عليها حسين بعد ما سمع صوت وقعتها في الارض

شالها ودخلها علي سريرها وقرر بدون تردد ياخدها لدكتور نفساني

وفعلا إتصل علي الدكتور وأخد منة ميعاد وراح حسين ورباب للدكتور في نفس اليوم

وبعد ما سمع الدكتور من رباب وحسين اللي حصل قال دي حالة صدمة من تغيير عادات وتقاليد ومشاكل حصلت او ممكن تحصل ومأثر علي نفسيتها

طب والحل يا دكتور

لازم ترجع تعيش في المكان اللي كانت كويسة فية كام يوم لحد ما أعصابها تهدي وترجع تأقلم نفيها علي البيت الجديد

وبمناسة الست جارتكم.... ممكن تكون إتبنت طفلة معاقة وخافت تقول لحد لانها أصبحت الونس الوحيد ليها وخافت تقول لحد وتفقد ونسها

خرج حسين ورباب من عند الدكتور أخدوا شنطة هدم لرباب وراحوا بلدهم وبمجرد وصولهم كانت في إستقبالهم سعاد اللي كانت عارفة خط سيرهم وكل شئ عنهم من الدجالة اللي بتتعامل معاها

مثلت الحب والرحاب المبالغ فية لرباب وقالتلها مالك يا حبيبتي هو حسين مزعلك ولا إية ؟ لاااااا لو مزعلك قوليلي وأنا أجيبلك حقك منة

قالت رباب أنا تعبانة شوية وجاية اغير جو وارتاح عند ماما يومين

وراحت رباب وحسين عاي بيتها وبمجرد إن والدتها شافتها أتخضت من شكل بنتها وشها زَبُل وعنيها دخلت جوة

مالك يا رباب إنتي تعبانة ولا إية

مفيش يا حماتي هي بس نفسيتها تعبانة شوية وقولنا تيجي ترتاح يمومين وبعدين هاجي أخدها

وراح حسين بيت والدة وبعدها راح سلم عاي أصحابة شوية وبعدين روح بيتة عشان يروح شغلة تاني يوم.

وقف حسين أمام الباب ولسة بيحط المفتاح سمع صوت في شقتة

إتخض حسين وخرج المفتاح من الكالون وحط ودنة علي الباب يسمع مين جوة بس الصوت راح

حط المفتاح تاني وفتح بهدؤ لانة حس إن ممكن يون في حرامي في الشقة

وبمجرد إنة فتح الباب لقي البيت عادي جدا بس التلفزيون مفتوح

وقف حسين مكانة يفكر.... هو التليفزيون دة إية اللي فتحة طب إحنا نازلين والتليفزيون مقفول وكل الانوار مقفولة

واثناء ما حسين بيكلم نفسة لقي إيد حضناة من ورا

إتخض حسين والتفت لقي رباب ولقاها بتضحك وبتقولة إية رأيك عملتها فيك زي ما عملتها فيا أهو

إية دة إنتي جيتي إزاي ولية معملتيش زي ما الدكتور قالك ولي طالما هتيجي مقولتيلش

رباب.... يا حبيبي انا قولت اعملهالك مفاجأة أصل بصراحة أنا مش هرتاح هناك وكمان مش عاوزة الناس تشمت فينا وتقول إنها لسة عروسة وغضبت أو جوزها زعلها وجت قعدت عند أمها

انا مش هسيبك أبدا وعاوزة اليومين دول نعوض كل اللي فاتنا

دخلت رباب وجهزة الغدا وإتغدوا وطول اليوم كل شوية رباب تبص لحسين وتقولة انا بحبك اوي.

ويبقوا قاعدين وعلي فجأة يلاقيها قامت تجري تروح تجيب الحاجة اللي لسة كان بيفكر فيها ومحتاجها

وتقدمها رباب وتقولة إتفضل يا حبيبي إنت كنت عاوز مية كنت عاوز فاكهة كنت عاوز قهوة

إستغرب حسين من اللي بتعملة رباب بس كان مبسوط وحس إنها كانت محتاجة لزيارة الدكتور وزيارة أمها

وقضي حسين ورباب يوم من أجمل الايام

تاني يوم حسين فتح عينة لقي رباب قاعد مربعة رجليها قدامة علي السرير بصلها حسين وقالها صباح الخير يا حبيبتي

إنتي قاعده لية كدة

قالتلة. ببصلك بحب شكلك َانت نايم أوي

بص حسين لقاها حاضنة العروسة واخداها في حضنها وبتقولة نفسي يبقي ليا إبن منك

ضحك حسين وقالها بعد ليلة إمبارح أكيد ربنا هيكرمن ببنوتة قمر زيك

بس إية التغيير المفاجئ والجميل دة

ومش دي العروسة اللي كنتي خايفة منها وبتقوليلي إنك بتلاقيها في اماكن غير الاماكن اللي بتحطيها فيها

لا يا حبيبي ما خلاص الوضع إتغير من إمبارح ومن إنهاردة هنعيش أجمل ايام حياتنا

أخدها حسين في حضنة وقالها أنا كان نفسي اقعد معاكي إنهاردة وماسبكيش أبدا بس الشغل بقي

لبس حسين ونزل شغل وقال هيتصل بحماتة يسألها علي التغيير المفاجئ اللي حصل لرباب

وكمان عشان يطمنها عليها

ايوة يا حماتي يا حبيبتي انا عاوز اعرف إية اللي حصل بالظبط إية اللي غير رباب التغيير دة دي بقت حاجة تانية

رباب من بعد ما رجعت إمباح وهي واحدة تانية أجمل ونفسيتها أحسن واكيد البرك فيكي

ردت حماتة رد صادم

رباب مين يابني سلامة عقلك رباب هنا من إمبارح علي حطة إيدك

يتبع..........

بقلم /تامر صقر