العروسة المسحورة الفصل الرابع بقلم تامر صقر
بقلم /تامر صقر
بواب مين يا أستاذ... العمارة اصلا ملهاش بواب
ومن سنين كتير محدش بيدخلها ومفيش حتي بواب راضي يجي يشتغل من بعد ما اخر بواب كان بيشوف قطط مالية السلم ولما كان بيجي يهشهم قال إية كانوا بيتكلموا
بذمتك دة كلام ناس عاقلين
وطلع علي العمارة سمعة مس كويسة ان العماره مسكونة وعشان كدة محدش بيأجر ولا يشتري أي حاجة فيها
بس خلاص طالما إنت عشت فيها وشوفت كل دة انا مش هقدر اقولك حاجة غير بس توعدني إن محدش يعرف الموضوع دة
أنا كدة بيتي اتخرب ولما انت جيت اجرت مني قولت فرجة وخلاص العقدة هتتفك
حسين منفعلا.... ازاي مش عاوني اقول لحد ازاي عاوز تأذي ناس تانية غيري لمجرد إنهم مش معاهم فلوس يأجروا في حتة كويسة
انت عارف يعني اية تسكن ناس بيت مسكون وكمان انت تعرف وترضي أنا هفضحك ومش هخلي حد يهوب ناحية عمارتك دي تاني
مشي حسين وساب صاحب العمارة
راح حسين البلد ولقي رباب في حالة إعياد شديد وكانت في جلسة تحضير من أحد الاشخاص المعروفين في القرية بأنة شيخ يُبطل السحر وكان اسمة الشيخ مجدي
دخل حسين ليجد زوجتة رباب ملقاة علي الارض ويجلس ببجوارها الشيخ مجدي وكان يتلوا بعض أيات من القرأن وكان يُتمتم بكلمات غير مفهومة
في اللحظه دي بدأت رباب تصرخ وأخسن صوتها وبدأت تتكلم بطريقة غريبة وكأن شخص ينطق اللغة العربية بصعوبة
سأل الشيخ مجدي.... إنت مين
تنطق رباب بذات الصوت.... أنا مرجان من عشيرة بني القسام
عاوز إية منها دي بنت غلبانة ومبتأذيش حد
أنا مُسير ومش مُخير
مين طلب منك كدة وعاوزك تأذيها لية
اللي طلب مني حاقد خاين كفر بالله وأمن بالسحر
طب هي أذت اللي عاوز ياذيها في اية
أذيتها في قلبها أخدت منها حبها ضيعت عليها حلمها
وطلبت مني زي ما أذيتها في قلبها اأذيها في قلبها واقضي علي حبها واحرمها من حلمها
طب الشخص دة موجود هنا
اقرب الناس من دمة مش من دمها
طب خلاص كفاية لاتقول اسمها ولا وصفها
عاوزك تترك جسمها وترجع لعشيرتك وإلا إنت عارف أنا معايا اي عشيرة ممكن تقضي علي عشيرتك كلها
مقدرش أخرج إلا إذا اذنلي سَيِدي
طب ممكن تقولنا ممان السحر وإحنا نبطلة ولا ألجأ لغيرك وساعتها تتحرق
السحر في هدية أخدتها وعانتها وشربت المُر من ساعتها
بدأ الشيخ يقول وينطق ببعد اسماء الجان الذي يستعين بهم
فحأة بدأت رباب تصرخ بنفس الصوت وبأعلي صوت وتقول كلام مش مفهوم
خبط الشيخ مجدي علي راسها خبطتين وفاقت رباب وكأنها كانت بتجري وكان نفسها وقات قلبها عالين جدا وبتنهج
راح حسين وسعاد بنت خالتة اللي مكانش باين عليها التوتر لأنها المتهمة الاولي أمام رباب
وحاولوا يسندوها ويقوموها...... بس رباب كانت رجليها منملة وخدلانة ومش قادرة تقف علي رجليها
نطق حسين بأعلي صوت وقال أنا واقف بتفرج من ياعتها علي المهزلة دي ومرديتش أتدخل خالص وللاسف كل كلام الدجال دة مش حقيقي
رباب مش هليها جن ولاملبوسة او مسحورة
الحقيقة ان البيت اللي إحنا ساكنين فية كلة مسكون من زمان وهي أكيد شافت حاجة فية عشان كدة تعبت
إنما سحر والكلام دة مش حقيقي وانا لسة راحع من هناك وصاحب البيت إعترفلي أن البيت مسكون
وأخد حسين رباب وروحوا بيت أهلها وهناك سابتهم سعاد وراحت للدجالة اللي عملت السحر وطلبت منها إنها تعمل اي حاجة عشان تقضي بسرعة علي رباب وكمان تحميها من فضيحة الشيخ مجدي
طمنتها الدجالة وقالتلها لازم تروحي تيجبي العروسة من الشقة وهنجدد السحر وتغيري مكان العروسة لمكان تاني
سألتها سعاد... مكان تاني في الشقة؟
الدجالة..... لا مهمة الشقة إنتهت ومن حسن حظك إن الشقة كمان كان فيها عشيرة كاملة قامت بدورها مع عدوتك وخصيمتك
ودة اللي كان مقلل حركة الجن بتاعي اللي مسخراة ليها
واللي حصلها دة مجرد بداية
بس روحي هاتي العروسة وانا هقولك تعملي فيها إية
في بيت والد رباب.......
حسين..... يا جماعة الحل خلاص سهل إحنا هنعزل من الشقة دي والمشكلة تتحل
ومش لازم نلجأ لدجالين والناس النصابة دي
ردت والدة رباب بس الشيخ مجدي قال إن في سِحر وفي هدية فيها سِحر
حسين...... مفيش سحر ولا حاجة... الراجل ربنا ينتقم منة صاحب البيت كان عارف ان العمارة مسكونة ومقلش
وانا بكرة هروح الم العفش واجيبة شقتي اللي هنا
تاني يوم راح حسين وجمع مجموعة من اصدقائة وراح عشان يلم عفش الشقة
وهما في طريقهم لقي مكالمة من سعاد بتكلمة بتقولة أنا جاية معاك عشان في حاجات مش هتعرفوا تتصرفوا فيها هلمها معاكوا
واخدها حسين معاة وراحوا الشقة
وبمجرد ما دخلوا العمارة كانت وكأنها مهجورة يملئها العنكبوت في كل الاركان والاتربة غطت الجدران والسلالم
حسين كان مزهول وأصحابه سألوة طب انت مسألتش نفسك يا حسين بيت بالسؤ دة وبالشكل المخيف دة يكون مكان مش مهجور ولا مسكون ازاي
دا إحنا مرعوبين بس من شمل البيت وكأنة بيت أشباح
حسين.... أنا كمان مستغرب والله يا جماعة ... انا كنت هنا إمبارح ولحد إمبارح أنا كنت شايف العمارة جديدة
وبمجرد إنهم فتحوا باب الشقة إتصدموا
ساد الصمت المكان وثقُلت خطواتهم ورُبطت ألسنتهم فالمنزل اصبح مقبرة
البيت كلة هياكل عظمية وجماجم وأشلاء بني أدمين
رجع اصدقاء حسين ونزلوا يجروا وهربوا علي السلم اللي كان متهالك ووقعوا علية اكثر من مرة
وحسين واقف مش قادر يتحرك فجأة لقي شقتة رجعت زي ما كانت بس لقي حاجة غريبة
صورتة هو ورباب اللي متعلقة علي الحيطة واقعة في الارض ومتكسرة ولما قرب منها عشان يشيلها من علي الارض لقي رموز وحروف ولام كتير علي الصورة
إستفرب حسين من اللي شافة ولسة بيقوم من مكانة لقي القط الاسود واقف قدامة
ندة حسين لسعاد اللي كانت بتجهز شنطة رباب وطبعا حطت العروسة في الشنطة
وقالها تعالي بسرعة في حاجة غريبة
جت سعاد قالت في إية مالك يا حسين
شاور حسين علي القط وقالها شايفة بيبصلي إزاي
سابت سعاد الشنطة علي. الارص وراحت لحسين تشوف بيشاور علي إية..... وسألتة مالك يا حسين.. مين اللي بيبصلك
رد حسين بصوت مكتوم وكلة خوف وفزع وشاور وقالها القط دة هو اللي عمل كدة في الصورة بتاعتي انا ورباب
راحت سعان مكان ما بيشاور حسين وقالت مفيس قطط مش سايفة حاجة
قالها جمب رجلك أهو
بصت سعاد جمب رجليها لقت حاجة غريبة
طقم سنان ونضارة.... مسكتهم سعاد وقالت بتوع مين الحاجات القديمة دي يا حسين
حسين.... إنت ازاي ماسكة القط ومش خايفة
قط إية يا حسبن
جري حسين وخرج من البيت بنفس طريقة اصدقائة
شالت سعاد الشنطة ونزلت وراة ودورت علية مكنتش لقياة
قالت هتروح البلد وتحاول تعمل موضوع الدجالة وتنفذ طلباتها وحسين كدة كدة موجود ومش هيحصلة حاحة
فعلا أخدت سعاد العروسة رواحت علي الدجالة
فتحت الدجالة العروسة وأخرجت السحر وعملت علية تعويزة شريرة وقالت لسعاد تروحي المقابر بالليل تشوفي أقرب تربة الميت فيها مكملش ساعات
تفتحي القبر وتحطي العمل دة تحت رجل الميت ومتقلقيش علي ما تروحي وترجعي هتسمعي أخبار حلوة علي عدوتك
يتبع............
بقلم /تامر صقر