صرخت بصدمة : تتجوز مين انا خطيبة اخوك
نظر لها وهمس ببرود : انتي جاية تطلبي حاجة وانا عرضت عليكي مقابل ..take it or leave it
تغريد بعدم استيعاب : انت بتتكلم بجد
اقترب منها ونظر داخل عينيها وهمس : الصفقة مقابل جوازنا يا توتة
هبطت دموعها وهمست بعدم تصديق : وحسام اخوك
يونس : ده برضو مش الرد انا طلبتك للجواز يا اه يا لا
تغريد : وان قولت لا
يونس بهدوء : كأنك ما سمعتيش حاجة
تغريد بخوف : والصفقة
يونس : صفقة صفقة ايه ؟؟
استدارت تريد الخروج ليوقفها صوته : معاكي لبكرة تردي وما تستعجليش
ذهبت تركض للخارج غير مصدقة ان يونس يفكر الزواج بها .. كيف وهي تحب اخيه منذ عامان لكن ان رفضت وخسرت تلك الصفقة ستقع شركتهم وسيموت والدها لا محالة
احتض.نت صورة والدتها وهمست: يارب 🥺😭
اما يونس وقف يتابعها من الشباك وهو يهمس لنفسه : حتوافقي يا توتة وحتبقي مراتي بعدها ماحدش حيمنعني من اللي حعمله ..
فلاش باااك
وفاء : عايزاهم يشحتوا في الشارع عايزة اكسرها هيا وابوها يا يونس
يونس بهدوء : ما تخافيش يا فوفة .. بس ابنك حسام يقدر يكسرها ويذلها .. انا شايف انه مش قادر عليها هيا عايزة واحد يخليها تل.عن اليوم اللي تولدت فيه
نظرت له وفاء قليلا وهمست بغل : اتجوزها انت يا يونس
استدار يخفي ابتسامته وهمس بصدمة عكس سعادة قلبه : اتجوز مين يا امي .. دي خطيبة حسام
وفاء: سيب موضوع حسام عليا انا حقنعه لازم تتجوزها انت بس اللي حتخاف منك وحتقدر عليها عايزها تتذ.ل
يونس : وهيا حتوافق
وفاء: حتقدر تخليها توافق يونس السمري ماحدش يقدر عليه
بااااك
في صباح اليوم التالي دق باب مكتبه رفع عينيه كانت هيا وعيناها الحمراء من شدة البكاء
تغريد : انا موافقة بس بشرط
وقف يستمع لها وهو يبتسم لانه يعلم شرطها وهمس : ايه هو
تغريد : جوازنا يكون على ورق لغاية ما تخلص انتق.امك تتطلقني
ابتسم وهمس : خودي معاد من ابوكي الليلة يا توتة
ذهب الى والدها الذي استغرب مجيئه ..
فارس : خير يا يونس
يونس انا جاي عايز اتجوز تغريد
فارس : ايه تتجوز مين انت مجنون
يونس : ايه الجنون في ده
عادل اخيها : واضح انك تجننت رسمي يا ابن وفاء
يونس بهدوء : بلاش سيرة الام يا عادل العروسة موافقة وانا عريس لقطة ما فيش فيا عيب
وقبل ان يتكلم أحد منهم كان قد اخرج يونس اوراق صفقة العمر وهمس : ده مهرها
نظر عادل لوالده بصدمة ليكمل يونس : ومش حاخد ولا مليم كمان
كانت تستمع له بخوف انه ضحى بكل هذا للزواج منها ربما ينتظرها ليالي طويلة من العذاب
فارس : وتغريد موافقة
تغريد : ايوة يا بابا موافقة
فارس ” بس بنتي
يونس بهدوء : في عينيا مش انا اللي أأذي بنت وخصوصا لو مراتي باذن الله كتب الكتاب بكرة والفرح الخميس
عادل : ايه ده هو سلق بيض
يونس : عن اذنكوا
خرج وهي تنظر لاثره بقلق لم تفكر يوما انها ممكن ان تصبح زوجته رجل عرف بهدوءه وذكاءه والعائلة بأكملها تهابه فقط بنظرة
كان يجلس في الصالة مع والدته التي تخطط للانت.قام وكسر تلك الفتاة .
دخل حسام البيت يدندن ويغني وقبل ان يصعد غرفته ناداه يونس: تعال عايزك
حسام بنعاس ” في ايه
يونس : بكرة كتب كتابي
حسام باستغراب: على طول كدة وانا اخر من يعلم .. طيب يا سيدي من سعيدة الحظ
وفاء: تغريد
حسام بضحك : سبحان الله انا وانت نفس الاسم
يونس : لا مش نفس الاسم انا حتجوز تغريد فارس السمري
وقف حسام مرة واحدة وقال بعصبية : تغريد مين انت مجنون حتتجوز خطيبتي ليه خلصت بنات العالم
قاطعه يونس بكل هدوء : ٥٠ مليون كويس
توقف حسام عن الصر.اخ وجلس مرة واحدة وهمس بهدوء : بس شركة فارس تسوى اكتر
يونس بابتسامه: عايز كام ..
حسام : ٥٠ مليون بس اخضر
يونس ” موافق
حسام : مبروك يا اخويا الف الف مبروك
صعد غرفته يكمل غناءه لكن ما وتر يونس هو نظرات والدته التي استغربت ما فعل يونس
يونس ” احم ايه يا فوفة
وفاء : حتتجوز تغريد ليه يا يونس
يونس : مش انتي اللي قولتيلي عشان اكسرها وأوجع قلب أبوها …
نظرت داخل عينيه وهي غير مطمئنة …
تابع يونس بهدوء ” شربتينا كره عمنا من واحنا صغار معرفش ليه بس انا هعملك اللي انتي عايزاه وأبدأ أصفي الحسابات بجوازي من تغريد ..
رغم أن نبرته كانت توحي بما يقول الا ان نظرة عينيه كانت تقول غير ذلك .