تحميل رواية «أخطاء لايُمحيها الزمن» PDF

اخطاء لايُمحيها الزمن بقلمي آنثى 💜 ملائكيه

اغار عليك من الهوه لو فات

وحبك مو مثل باقي. اليحبون

ماتلكه اليحبك مثلي هيهات

اني الشوفتك ضميت العيون

افرح من اشوفك يوم مرتاح

وحزن من اشوفك يوم مهموم

وذا صب الدمع من عينك وطاح

اطيح عله وجهي وبعد ماكوم

جوري ... عافني وصعد رحت وراه واني لزمه گلبي منه احس راح ياخذ روحي رجلي صارن شثگلهن اول مدخلت جرني من ايدي وضربني راجدي لزمت خدي صار نار عاط بوجهي ...

علي ... ... لجج حيوانه شلون طلعين بلنطرون كدام يوسف ..

جوري....يصيح ويضرب بيه نوب رفعني نن من شعري وخنگني من رگبتي انكطع الهوا اباوع بعيونه كل ذرة رحمة ماكو شكله يخوف لزمت ايدا اجرها بس هيهات قوتي مقابيل قوته صفر اختنگت حيل وعيوني غوشن شمرني بالگاع صرت افرك برگبتي واگح گوا نطقت... علي بس خلي افهمك ...

علي .. لج شتفهميني ها كلبه ...

جوري ... رجع يضرب موتني كتل صرت قربان جوا رجله ومتمتع بضرب واني اعيط اسمع باب تندك حيل اجه اخو جبير مهند يدفع بلباب ويدك حيل ويصيح ع علي ...

مهند ...بصوت عالي .....لك اطلع احاجيك شبيك علي لاتتخبل افتح باب كاااافي راح تموت بيدك ...

جوري .. وهو ولايسمعهم ولا كأنو ضل يكتل بيه لحد مجتي امه تصيح يله عافني فتح باب وكلهم استلمو يحجون عليه وهو يصيح وعافهم طلع بره واخو لحكه وراه اجت اخته يمي...

مروة ... بنترا .. تره زودتيها هوايه كاافي مشاكل واذا ضلين هيج روحي كعدي يم اهلج افضلج ..

جوري ...اني حالتي حاله ابجي وجسمي يون من ضرب وكوا أجر النفس شعري مكفش وثوبي مبهذل باوعتها مجاوبتها شي لان بس اشهك وابجي فرت أيدها وطلعت وني بقيت بغرفتي حضنت نفسي احس نفسي بسجن غريب واظلم هاي حياتي الاني قاتلت عليها وردت اصيرله ويوميه احلم بي تركت دراستي صح مو شاطرة بس انجح جريت نفس وصدري مخنوگ مانزلت بعد واسمعهم جوه بس يحجون علينه تالي لليل تقريب بل 1 دخل للغرفه حواحبه مطبوگه و ميباوع حتى بوجهي...

علي ... هيوو باجر صبح بل 7 تكعدين تسويلي ريوك زقنبوت مو مضلين مهموده...

جوري .. باوعته بقهر هزيتله راسي بمعنى اي اجه للفراش نطاني ضهره ونام واني هم نمت ....

..للصبح كعدت نزلت غسلت وجهي ورحت للمطبخ فتحت ثلاجه شفت اكو اجبان طلعتها وخليتهم ع ميز وخدرت الجاي وحضرت كلاصات نزل هو اخذ الكرسي وكعد باوعلي بنظره غضب ونفخ گمزت من ضربت الميز درت وجهي اباوعله عيونه حمر رجف گلبي من شكله ....

علي ...بصياح ..هاي شنو وين جاي وشكو مطلعه اجبان متعرفين سوين مخلمه لو حتى هاي متعرفيها حضرتج ..

جوري ..دمعتي بعيني جاوبته واني امتمت بلحجي لان صدك مجنت اعرف اسوي اكل بيت اهلي كله امي تطبخ وتسويلنه اكل.....اسوي هسا ...

علي ...بنترا ..بعديش هسه وكت شغلي مستعجل صبيلي جاي عاد لاضلين صافنه بوجهي...

جوري .. اخذت جاي وصبيتله وعفته احس عيوني حرگني اريد ابجي ومن اتوتر اصير بطيئه احس بعيونه تفتر وراي جاي اطلع وصاح ..

علي .. وين رايحه متاكلين..

جوري .. لا ماريد گمزت من ضرب الكلاص حيل بلميز وغنزر بوجهي خفت حيل منه بسرعه اخذت كلاصي وصبيت جاي وكعدت يمه اباوع بعيونه اكلت شوي لان مالي نفس وهو كبالي معبس وميباوع حتى عليه عبالك ولا مرته واني تخيلي قبل يگعدني بوسه لو يسويلي عصير خرب بحلامي دمرتني كمل ريوك وطلع واني كاعده ع كرسي اخذت نفس عميق وصفنت وكلت شوكت ارتاح وياك مادري اخذت كلاصات اغسلهم اجت عمتي...

يسر... هاي شكو من صباحيات الله شبي يصيح وع شنو وتالي وياكم بس تتناگرون ...

جوري .. ذبيت حسرة وداخلي كله وجع ..والله عمه مادري شبي لان طلعت اجبان ضاج وصيح عليه يريد مخلمه

يسر .. تخصرت وتحجي بتهجم وصياح... وليش ب لله متسويله مخلمه متعرفين تردي بكلمه حلوه وتكليله تدلل حبيبي وتسويله بسرعه لو تعرفين بس تبجين شوفي عيني ترى كله بيدج

وترى اني ابني مدللته من قبل يجي يكعد ع ميز يلگه الاكل حاضر وشنو هو الي يحبه اسويله. هسه عرفتي علي ميحب ياكل اجبان ومنا وغادي فكريله تسويله مخلمه بيض وطمامه يعني اي شي هو يحبه ......

جوري .. نزلت راسي ..انشاءلله عمه.. بس اني شنو خنكتني العبره وغصه بحنجرتي اريد بس ابجي. غسلت لكلاصات وعمتي راحت لغرفتها كلت خلي اصعد للغرفه لان احس نفسي حيل مخنوكه داصعد وصارت مرت مهند بوجهي ...

مريم ... هاي وين حبيبتي نزلي نضفي البيت ...

جوري .. اي ثواني ارتب غرفتي وانزل... وعفتها ورحت للغرفه نزلت دموعي بسرعه وحدة ورا لخ بقيت ابجي واحجي ليش علي متوقعتك هيج والله حته عمتي داحسها تتغير وياي حسيتهم صعببين مو مثل حياة اهلي من جنت عندهم اكل اي شي ماكول هذا احبه وهذا ماحبه. اجيت يمهم اتفاجاءت بيهم. اندكت الباب واسمع مريم..

مريم .. يلله جوري وينج..

جوري .. لبست شالي وطلعت فتحت الباب صارت بوجهي...

مريم .. شبيج خو ماصاير شي ..

جوري.... لا ماكو شي

مريم ..... ارد اسالج هم اجتج احم احم ..

جوري ..خجلت منها هزيت راسي لا ..

مريم ..يا صدك شوكت تجيج ..

جوري .. تعجبت بجرئتها ..ماعرف والله.. صدك اني ناسيتها. ..

مريم ...بحسرة .. اووف ياجوري اتمنى لو اني ماتجيني واحلل واطلع حامل صار اسنين مايصير...

جوري ..ابتسمت ولزمت جتفها .. ان شاءلله يصير عندج وتفرحين ..حجيت بكلبي اووف كلمن همه وغمه شكل. نزلنه جوه وبدينه نضف البيت واسمع موبايلها كل شوي يدك وتكعد تخابر وتضحك رحت يمها وجان تكلي...

مريم ..يمعودا نضفي لاتتفرجين عليه ترى مخابراتي متخلص ولج عيني هذا مهند مخبلني كل شوي يخابر يسالني شدسوين شاكلتي مشتاقلج ومن هل اسئله مالته ماتخلص ...

جوري ..باوعتها وابتسمت ع حجيها وبقيت انضف باوعت ع ساعه وحجيت بكلبي علي صارله ساعتين بشغل ومخابرني ولا سأل عني. وهيه رجلها مصار اله دقايق من طلع وخابرها ويحجي وياها. معقوله علي هم يخابرني ويسال عني مثل اخو هههه ماعتقد نضفنه البيت كله ونفتح الباب اجه مهند وبيده هدايه ...

مهند ... بلهفه ...مرتي وينج حبي تعاي مشتاقلج..

جوري .. باوعته صدك ابتسمت حسيته مرح وحلو يهتم مرته. اخذها وصعدو بعد مرور نص ساعه نزلت وهيه تضحك ...

مريم .. تدرين اليوم ناسيه عيد ميلادي وهو يذكرني وشوفي جايبلي محبس ذهب ..

جوري ...باوعته صدك حلو ..بلعافيه...

مريم .. الله يعافيج ونتي ميجبلج شي علي..

جوري .. ها اي هم يجيبلي...

مريم .. اني مهند كل ميطلع يشتريلي شي ويا ..

جوري .. يحبج ...

مريم ... اي طبعا يموت عليه واني واني هم...

جوري .الله يخليكم دوم ..

مريم .. تسلمين

جوري... حجيت بكلبي هسه خلي يحبني اول وبعدين يشترلي ترخصت منها وصعدت غرفتي اخذت ملابس ورحت للحمام سبحت وصعدت لغرفتي كلت اتحضرله علاوي يجي يشوفني حلوه كعدت اهندس بمكياجي طلعتلي من كنتور جينز وبدي احمر اعرف هو يحب لون الاحمر فلهذا لبسته شسورت شعري خلصت وكعدت انتظره لان كلش مشتاقتله اباوع ساعه هواي اتاخر بس اني نعست كاعده من صبح ونوب نايمه متاخره مشفت نفسي اله غافيه بلنوم صارت ساعه 2 ضهر واسمع صوته جوه يصيح كبل فزيت من نوم كمت خليت شال ع راسي فتحت باب اسمع يكلها امه.....

علي ...بصياح ... هاي شلووون وياها رجال يرجع من شغل تعبان غير يلكي حمام جاهز اكل جاهزززز صخام كلشي ماكوو..

جوري .. نزلت شافتني عمتي فرت بيدها وعوجت حلگها ..

يسر .. بنترا ...امشي صعدي جيبيله هدوم ولا عبالك حجيت وياج صبح حقى يضوج ...

جوري ...صعدت واني ادردم ولا اخلص من مشاكل شكد احاول وميفيد لازم يلگه زله حتى يتعارك خرب حظي اخذت هدوم ونزلت دكيت عليه باب فتحها باوعلي بخنزره اخذهم وطبك باب بوجهي والله يالله هوا انته تعارك ذبان وجهك رحت للمطبخ طلعت مواعين للغده جانت عمتي تطبخ مياكلون اكل اله من ايدها. طلع من حمام باوعلي من فوك لجوه وعاط بيه ....

علي ...شنو هلبس ياقندراااااا امشي بدلي لاشكشكهن عليج هسااااا ...

جوري ...حطيت ايدي على گلبي گمزني عفته صعدت اركض لغرفتي وصارت دموع بعيني استهضمت حيل يعني فوك ماكشختله هيج يسوي وياي شبيهن ملابسي فتحت كنتور عندي دشاديش بس ماحب البسهم شفت عندي قميص طويل لبسته ونزلت لكيت امه محضره اله الغده بس جيت هو فر ايدا وكام من الاكل صعد للغرفه عمتي باوعتلي ..

يسر ... روحي يمه شوفي شبي..

جوري ... صعدت متوترا وافرك بيدي فتحت الباب باوعلي عاكد حاجبه واعيونه حمر ...

علي .... لج سسسمعي هذا لبسس ماررريده تلبسين دشداشه افتمهمتي لوووو اعيدد....

جوري .. علي بسس....بعدني ممكمله وعاط ..

علي ... اشش بله بسس كتلج انتهى خلص بعد اياج اذا كسرتي كلمتي لو مافتهمتي طفي الاضويه دنام تعبان. وساعه وكعديني ارجع للشغل

جوري ...عفته ورا ساعه باوعت ساعه بل 3 ضهر رحت اكعده.... علي يله اكعد وكت شغلك..

علي ... اي هسه كايم عوفيني

جوري ... اني هم عفته لشوي ونهض نفسه وبدل وطلع. هه واني اكول بكلبي بلجذب ميكلي محتاجه شي حتى مكلف نفسه يكلي رايح. يله شسويله عادي رتبت لفراش ونزلت شفت عمتي طالعه للدرس مالتها. طبعا عمتي تدرس قران بل مؤئسسه تروح الضهر وترجع العصر يوميه. فـ نزلت باوعت بيت هدوء فتحت ثلاجه حسيت نفسي جوعانه طلعت خيار اكرط اجه عمي أبوعلي شافني ..

ابو علي .. وين علي..

جوري .. طلع للشغل عمو..

ابو علي .. ها اذا ماعندج شي تعاي نكعد دحجي وياج شوي...

جوري .. ماشي عمو جايه... ماعندي شي رحت يمه كعدنه..

ابو علي... شوفي عمو ارد احجي وياج وانتي مثل بنتي وبعدج صغيره ومتعرفين هواي اشياء وكلت انصحج ليش هيج عمو انتي وعلي 24ساعه دكره ويا اسمعه يصيح ويتعارك ليش وع شنو ع لبسج ديحاسبج وله شنو ترى هاي اشياء تافها كلش وتتعاركون عليه وبعدكم باول طريق مصار الكم شهر من متزوجين. اكلج بنتي ترى المرأه والرجال يكونون واحد وانتي ويا على الدهر تصبرين ويا على الحلوه ولمره. المرأه لازم تطيع زوجها شيكلها تكله اي ميصير تعانده وتلاسنه ويا عمو ابد لاتقصرين ويا شوفي هو شيريد منج اكله شربه هدمته نومته كل هاي الامور لازم تعرفيها. اكسبي الج مثل اليوم هو بشغل غير من يرجع تعرفين وقته فلان ساعه يجي انتي شسوين تحضريله الحمام وترحين تسويله عشه شفتي دخل البيت تتلكي والابتسامه بوجهج وتسمعي ذاك الكلام الحلو صدكي راح هو يرتاح حته اذا جان تعبان راح ينزال تعبه من يشوفج داكلج كله بيد المرأه ولاتنقهرين من عندي عمو حسبتج مثل بنتي وعلمودج اني..

جوري.. باوعته وابتسمتله .... لا عمو مانقهر بلعكس هواي فرحت من نصحتني وعتبرتني بنتك ...

ابو علي .. عفيه عليج ويله هسه اخذي راحتج ومثل مكتلج ..

جوري ...ماشي عمو. ورحت لغرفتي ضليت صافنه ع كلام عمو بس مافهمت شنوو يكلي اكسبي وشلون اني ع الدهر.والله اني احبه واشتاقله بس هو يتعارك ويايه ومايطيقني كلت اروح افتح كنتور واخلي هدوم اله بلحمام مثل مكال عمو. طلعتله ملابس ونزلتهم للحمام انتظرته يجي لل 6العصر رجع باوعته وابتسمتله مثل مكال عمو بس مكتله شي ماعرف شنو اكله ماعرفت افتح موضوع هو شافني ابتسم ابو الهول...

علي .. شكو ...

جوري ... ها لا هيج اروح اسوي العشه وعفته ورحت للمطبخ شاف ملابس بلحمام محجه شي اليوم حمدللله سبح وطلع خليت الاكل ع ميز كعد ياكل وهو ساكت. كعدت يمه اكل بس ضايجه بداخلي ليش يعني ميسولف وياي نوب اني معرف احجي هفف ضلينه ساكتين كمل عشه وصعد. وراه اني غسلت ماعين وصعدت لكيته مدد بلفراش رحت يمه بس احس بطني وجعتني حيل لزمتني بطني من الوجع صارت الدمعه بعيني وماحس اله الشهري.. اجت شافني ...

علي ... شبيج..

جوري ..خجلت حيل احس خدودي نار ..هاا ..

علي ...يمعودا شبيج

جوري ...همست كوا واني خجلانه .. شه.....ريه ..نزلت... باوعلي صفح اخذ موبايله ونزل جوه بس اسمع امه تحجي ويا..

وتكله شوكت تاخذها مدار الها بال وعافها ومشه بس هيه عرفت بعد ميتقربلي نزلت وراه تلگتني ..

يسر.... تعاي خاتون صار شي بعد بيناتكم لو لا ...

جوري ...شنو يعني مفهمت...

يسر ...اغم روحي هسا شكد فاهيه شبيج يعني تقربلج لو لا.

جوري ... ها لا ... اجه علي شافته

يسر ...علي تعال وين رايح ليش مجاي تتقربلها مو احجي وياك شلون وياكم..

علي ...گلب عيونه وحجه برود ... سئليها شبيها بالاول وبعدين كولي ليش..

يسر ... شكو شبيج عيني.

جوري .. تذكرت شهر... ها مو هاي نزلت...

يسر... يبووو لج مروه الحگيلي اليوم امج تنجلط ...

مروه ...يا يمه اسم الله عليج...

جوري ...احس نفسي بمكتب تحقيق نوب كلها درت المفلوكه اجت اجيت اطم نفسي من خجل باوعتلي عمتي ....

يسر.... يمته نزلت عليج ...

جوري ...خدودي صارا نار عيوني غورگت .. اليوم..

يسر... ويمته تنضفين منها تعاي مروه جيبي دفتر سجلي..

جابت مروه دفتر كلتها... كتبي تاريخ ماليوم سجلت 2012\ 5\9 باوعتها وك

جوري ...استغربت باوعتها وكلت بكلبي يا ليش تسجل...

مروة ... يلا عيني نريد شهر جاي نونو ..

يسر .. اكلج عيني مكتيلي يمته تنضفين ..

جوري ..ماعرف عمه قابل بيدي ..

بسر....يا شنو متعرفين ررربي لا اليوم يصير بيه شي من وراج ..

مروة .. يامي مو كتلج طينه عجينه مصدكتيني..

يسر... باوعتها بنظرة غضب... لج ولي انتي من يمي لاابتلي بيج...

مروه نهزمت وراحت غرفتها وطبكت باب...

يسر.... ولج باعي تخلص الشهر....بيومها بليل من يجي يمج انتي كاشختله وتعطرين نفسج لبسي ملابس نوم بله كليلي من تنامين شنو تلبسين ..

جوري .. بملابسي هذن العاديه ...

يسر ...اخ ولكم گلبي الله يساعدك علاوي وج لعد شنو هذن ملابس جبناهن الج بلكنتور متلبسيهن اله لو مخليتهن بخت كنتورسمعي اكلج اذا ضلين هيج طرنه متبقين هنا تره فتحي عقلج.....

جوري ...عافتني وراحت بس حيل اختنكت من كلامها حجايتها تجرح صعدت لغرفتي ابجي فتحت شباك الغرفه جانت تطل على بستان ورانه وكلها اشجار وبيها نسمه هوى فتحت شباك واخذت نفس عميق رفعت راسي ودعيت .. ياربي اهديهم عليه واصلح حالي مجاي اعرف شلون اصرف انته المعين الهي ساعدني ونزلت دمعتي. سديت شباك ورحت فتحت تلفاز جنت اباوع مسلسل هندي كلش احبه. اجه علي كلت اكله اروح اهلي مشتاقتلهم ....

علي اليوم اروح اهلي عادي... باوعلي صفح ..

علي ... وشسويلج متولين....

جوري ...معجبني سلوبه ابد اتمنى لو يكلي احجايه حلوه لو يبتسلمي يحجي وياي مثل ناس سكتت بعد ساعه كمت حضرت نفسي لبست جبه وشال وردي ورحت لااهلي وحدي لان قريبين كلش دامشي واشوف شاب واكف يم باب اهلي. وكفت شافني داتقدم للبيت اهلي هو سوالي طريق ودخلت شفت ماما بلمطبخ. ....هلا مامامي شلونج شمرت نفسي بحضنها وابجي اجتي أزهار هم حضنتها وابجي عبالك صار سنه مشايفتهم اخوتي كذلك ورحت ع بيبي سلمت عليها لكيتها كاعده تصلي باوعت لامي ...

... منو هذا ولد واكف بلباب ..

ام جوري....هذا العامل ويه ابوج واكف ينتظره وابوج ديسبح ..

جوري ..هاا... طلع بابا بس شكله كلش تعبان سلمت عليه... خيرك بابا ...

...والله بويه حيل تعبان يله اترخص منج الولد ينتظرني عيب تأخرت ...

جوري ...ابويه بدل وطلع. طبعا بابا كلشش اتغير لمن دخل ويا هذا العامل نوب كلش تعلق بي وحته صار يقصر ويه ماما واخوتي وبيبي ع طول تحجي ع بابا. لان صار يفضل صديقه عليهم. ابويه كلبه حيل طيب ويعطف ع اخرين. شاف هذا العامل الي اسمه محمود شاغول وسبع يكول شكد طلعت عمال بس مثله ماشفت كلش يهتم بشغل ومواعيده مضبوطه ابويه كلش حب محمود وع اخلاقه صار محمود يشكي الابويه حالتهم ماديه كلش تعبانه زيدله راتب فوك راتبه وحته ابويه صار يشتريله ملابس ع حسابه مسواكهم ع حسابه كلشي وفرله لـمحمود. اهل بابا كلهم قاطبتن وحته هو بيهم طبع من يحبون شخص يحبو وممكن يضحون من اجله ومن يكرهون شخص بعد هاهيه يقفلون عليه فـ ابويه كلش تعلق بي مثل ابنه صار كل حياته وميكدر بدونه بس الناس مترحم تحجي ع بابا لان صادق من بيت فلان وسمعتهم مو حلوه وكل ناس تحجي ع ولد ع انو هو مخوش وسولفه مكسره بس ابويه ولاهتم للناس ضل ويا. فـ بذاك اليوم رحت اهلي بقيت يمهم كم ساعه وطلعت...

... وجان يصير كبالي محمود بسرعه دنكت راسي ومشيت حتى مشفت منو يمه جان واكف ويا ابويه وعلي وعمي صالح. بس مامنتبهت اني ع علي كبل مشيت بهل اثناء بعدني موصلت بيت عيالي دك موبايلي جنت مخليه اغنيه باوعته شفت صديقتي تتصل شكد فرحت صار كومه ماحجيه وياها جاوبتها واني دامشي بلطريق دخلت للبيت صعدت لغرفتي ماشوف غير علي اجه مثل الاعصار ركع باب الغرفه جفلت ولزمت گلبي عيونه حمر ويتنفس سريع ...

علي ... واگف يم ابو جوري وخالي والعامل انتبهت عليه يباوع درت وجهي واشوف جوري لابسه جبه ضيگه بارزة مفاتنها مبتسمه وتحجي بالموبايل روحي شاطت احس اريد ابتلي بيها شلون هيج تتصرف بالشارع على راحتها ادري صغيرا وتصرفاتها طايشه بس هي مرتي ولازم تكون حذرا لاحجايه تمسها رحت وراها للبيت واعصابي تريد تنفجر ضربت الباب حيل وعطت بيها ..... لججج تعااااي طايحت الحظ شنو هلتصرف هذاااا ..

جوري....جيت عليه لزمني من شعري سحلني وكام يضرب بيه گمت اصرخ ولزمت ايدا ويعت بشعري روحي شاغت .... اااخ علي شبيك عووفني شمسويه

وهو يضرب حيل خله جسمي يون

علي ....بصياح ... انطيني موبايل يوم اكسره ع راسج لج اليوم محد يخلصج من ايدي ...

جوري ... لزم جهازي كسره بالحايط ورجع شبعني كتل گطع شعري وزورگ جسمي شفتي نشگت عافني وطلع گمت اشهگ ياربي ليشش هيج ليشش شمسويه ليش يكرهني اجه نوب يصيح غير اعرف شبي. للتالي ليل اجه وهو عصبي وجها ميگصه الموس باوعتله مقهورا ودموع بعيني ...

علي ...جر نفس .. حاجيني شگلتي لعقلج من مشيتي وجبه لازكه على جسمج ولا نوب دتمشي وتخابر حته كوووا...ة متسوي سوايتج واني شنو شحجيت كم مره اكلج من احجي حجايه تسمعين كتلج ماكو غنه لو مكتلج مخليه اغاني شنوو كليلي. بس بعد هاهيه موبايل متشوفين ...

جوري...يحجي بعصبيه واني ساكته مدنگه من كمل باوعتله ودمعه بعيني وحرگة گلبي توجعني..

.. مرت الايام وعلي يوم بعد يوم يزيد وياي حرمني من كلشي احبه وكلشي ممنوع عليه بيوم منهن اجت عمتي وكعدت وي اختها يسولفن وماخذا خيرة علينا اكو عين وحسد وتگول ميرتاحون بحياتهم ولايتهنون اذا تردين بعد ماكو مشاكل بيناتهم جيبي مليون اسويلهم محبس حجر. عمتي ضلت دايخه منين جيب مليون بيبي كالتها اني انطيج معليج بس خلي يرتاحون مهم بيبي دبرت فلوس ونطتها سوتلنه محابس وكالت ع طول يلبسوهن ابد ماذبوهن. جتي عمتي كالتلي لبسي وعتبري مثل حلقه وممنوع تنزعي وكلتله علي نفس الحجي بس هو ماطبق ولالبسه ميحب هلسوالف وميؤمن بيهن هو حتى حلقه ميحب يلبسها بس اني ضليت لبسته. بس ماشفت فرق نفس شي مشاكل ع طول اني ويا. خلصت الشهريه اجتي مروه ...

مروة ...عيني سندوسه استعملي مرطبات وغسولات بحيث تخلي ينجذب الج صيري نضيفه حتى رجال يحبج ....

جوري ..طلعتلي ملابس البسهم اله صدك باوعتهن ...عزااا شلون البس كدامه استحي.مروة ولج ماگدر البس هيج عزاا شوفيلي غير شي ...

مروة .. نجبي شنو تستحين صار رجلج بعد راوينه شطارتج مو كيدهن عظيم اشو انتي كلشي ماكو ..

جوري ..بگلبي هوا يفيد ويا اكيد اذا الحايط تحرك علي ميتحرك المهم سويت كالولي عليه. اجه شافني كاعده اني كبل سحبت لحاف ع جسمي ماريده يشوفني خجلت بلعت ريگي ضل صافن عليه وابتسم بتسامه كذابيه اجه للفراش سحب الغطه مني فتحت عيوني وگلبي صار يدگ سريع...

علي ...ابستامه خبيثه ... كلشي شفت وكافي تسوين هيج وتخجلين تعاي يمي.....

جوري .فتحت عيوني وجمدت مكاني متحركت اخاف منه. عرف بيه مراح اجي هو تقرب مني بس اخذني لحضنه صرت اشهك وابجي اووف شكد مشتاقتله اشتم بريحته اريد اشبع هوا حضني ويشتم برگبتي....

علي .. ياعيني ليش هلدموع انتي لو بس سمعين كلام وتبطلين هاي تصرفاتج المحلوه ...

جوري .. خليت راسي بصدرة و اشهگ ..

علي .. كاافي بجي لخاطري ..

جوري ...خله ايدا على خدي غمضت عيوني ومسح دموعي باسني بگصتي كزبر كل جسمي احس هدئت بين احضانه مددني ع فراش واجه تجاهي يلعب بشعري ويباوعلي خله راسه ع صدري وشوي شوي بده يتقرب اكثر اتقربلي بس هلمره غير عن كل مره حبيت تقربه الي لان هادئ صح حسيت بوجع بس تحملت وحاولت اخلي بالي ويا تفاعلت. نهض نفسه عني اباوع نازل دم ... علي هاي نوب نزلت شهريه ....

علي ... هههه لا يمعوده ياشهريه الف مبروك حياتي ...

جوري ..باسني من گصتي وجرني من ايدي اختل توازني لزمني من خصري باوعت بعيونه لويوميه هيج يصير حنين موجان اني بخير ..

علي .. على كيفج امشي سبحي حتى يسترخي جسمج ..

جوري ...مشيت بس احس بوجع متت نزل علي قبلي وبشرها الامه اسمعها هلهلت وهوا يسكتها نزلت للحمام سبحت وطلعت ...

علي ... نزلي سوي ويه امي اكل ...

جوري ..ابتسمت و رحت للمطبخ لكيت مروه وعمتي ومريم واكفات يسون ... اسوي شي وياكم..

مروه....بعد وكت عيني ضلي فوك شكو نزلتي ...

جوري ..رمشت عيوني .. اسفه بس تعرفين علي موجود مكدرت انزل ..

مروة .. ديله بله حجه اوكفي غسلي ماعين ...

جوري ...مجاوبتها شي وكفت اغسل بيهم خلصن عشه وخلينه ع ميز اجو الكل وعمتي صاحتلهم يله وينكم لايبرد الاكل اجوي اخوته مهند ومحمد وعمي وشوي ونزل علي كعدنه ناكل سوه بس مرت اخو ولاكعدت راحه. خلص اكل علي راح للمغسله يغسل ايده شفت مريم هم كامت وراه مستعجله. ...

علي... واكف اغسل ايدي واجت مريم وكفت يمي وطخت جتفها بجتفي..

مريم ..بدلع ومياعه .. علي دوخر اغسل ..

علي .. فتحت عيوني بصدمه من خلت ايدها فوك ايدي سبحت نفسي عنها اتفاجأت بتصرفها ونوب هيه واكفه وداست ع رجليه زمخت بيها ... شبيج مداشوفين يله خلصي بسسساع ووولي ..

مريم ...تتموع بكلامها وتهز بخصرها ..اوي سوري علووش ...

علي ...طلعت واني دمي يفور اذا ابقى ارگع راسها بالمرايه زفرة سوت جالي عندي طلعت وصارت امي كبالي ...

يسر ... شبيك يمه علاوي ليش ضايج هم متعارك ويه مرتك....

علي .. يمه هاي شوكت تجوز من سوالفها المكسرا لو اله ابتلي بيها

يسر... عگدت حواجبها... ع منو تقصد...

علي ..يعني منو ام المشاكل والمصايب غير مرت مهند واكف اغسل وتجي توكف بصفي لزك وتخلي ايدها فوك ايدي ولا نوب داست ع رجليه ترى هواي سكتلها مو اول مرا تسويها واعديها بس هلمره ماسكت....

يسر ..لطمت على صدرها ..عزا بعينها تريد ولدي يذابحون جا شكد ساق.... تتحارش بحماها يمه انته اسكت لاصير مشكله لا الها اول ولاتالي وخليها عليه اني اعرف شصرف وياها ولاتنسى هيه من يوم يومها اجتنه لبس ملتها مال كووا... تذكر جانت تنزل بدون حجاب وبنطرون للركبه وبدي ربع ردان مجانت مستوره بس اخوك عرف شلون يضبها. وهسه اشوف شلون تاليتها لاتفكر يمه عديها هالمرة..

علي... مجاوبتها سكتت لخاطر امي ...

جوري ... اني واكفه اغسل بلمواعين اجتي عمتي..

يسر .. جوري احجي وياج ..

جوري ..كولي عمه شنو....

يسر ...شوفي باب غرفتج على طول قفليها لاتخلين احد يدخلها خاف تجي مريم تريد تفوت لاتنطيها مجال....

جوري ..استغربت ...يا ليش عمه بس هيه كم مره تدخلل لغرفتي مامنعها ....

يسر ... احسن منعيها و مره ثانيه لاتخليها هاي وحده ام مشاكل كلشي تلكين منها اتصوري عمج جان يستلم راتب ويخلي ع رف مئمن محد ياخذ بيوم زوجنه مهند عمج كل ميخلي راتب ع رف يجي يلكاه ماكو يجي عمج يصيح عليه راتبه وين يروح ينفقد ع لحظه. وتعرفين مروه الها راتب مخصص ابوها ينطيها وتجمع. مره من مرات جتي مروه فتحت الكنتور ولكت فلوسها وذهبها ماكو تخبلت. واحنه مجاي نعرف وين ديرحن لفلوس من دياخذهن بس صرنه نشك بيها لمريم لان منو اكو غيرها هنا بلبيت بس ربج يكشفه للشخص. يوم منهن شفناها هيه طالعه من غرفة مروه وبيدها فلوس...

..جوري فتحت عيوني مصدومه كل هذا يطلع منها باوعتها لعمتي ...عزه يعني هاي تبوك...

يسر.. فرت راسها... مو بس تبوك تنزل النه بملابس خززي والله وتتحارش بـ علي ولحد هذا اليوم سوالفها مستمرة ...

جوري .. من كالت تتحارش بعلي لزمت كلبي وخفت عليه الادبسز شلون الها نفس تخون رجلها وبمنو حماها شكد لعبت روحي منها ... شلون يعني تتحارش ..

يسر ... هساا لاتفكرين انتي بس دانبهج من عندها وباب غرفتج اهم شي...

جوري ..ماشي عمه. رحت صعدت للسطح اشيل ملابس من البارحه شارتهم فتحت باب سطح هنا اشوف صدمه اختنگت واني اباوع ملابسي كلها مكصكصه ومشكشكه ومذبوبه بلكع باوعتهم متت قهر هذا المانتو الي احبه دمعت عيوني هاي منو هيج سوه بيهم. دخلت غرفتي فتحت كنتوري باوعت نص ملابسي مفقودات عززه هاي وين راحو. نزلت اركض لعمتي واصيح ... عمه وينج لحگيلي ...

يسر ...ها شبيج...

جوري ..فحطت من الهبطه وعمتي بالحمام ... عمه ملابسي ماكو والي ع حبل مكصكصات بلمكص عمه منو هيج يسوي طلعت عمتي من حمام باوعتلي ...

يسر ... عادي مو جديده علينه احنه متعودين ع هاي سالفه مروه مثلج كومه فقدت ملابس ذهب فلوس. اني كتلج قفلي باب غرفتج....

جوري ...بفهاوة فتحت حلگي معقوله هيج مريم خبيثه وتسوي .. عمه وهسه شسوي كل الملابس الي احبهم راحو....

يسر ... عادي يرجع علي يشتريلج اغاتهن..

جوري ...احترگ گلبي عفتها وصعدت اباوع ملابسي واموت قهر لان اهلي جابولياهم ...

..ومرت الايام ومريم زادت مشاكل ويانه وتالي عزلت وحد بس هم مخلصنه منها كل فتره تنزل تسويلها مشكله وتروح تصعد ضغط الكل يالله ترتاح ويوم من الايام ضليت نايمه ماكعدت اسويله ريوك لـ علي جنت نايمه متاخره بليل وماحسيت. ورجع من شغله واني نايمه للضهر...

علي .. ساعه 12 ظهر جيت من شغل تعبان باوعت امي تشتغل وتبعانه جانت تنظف باوعتلها ...يمه ليش انتي تنظفين غير گعدين وجوري تشتغل ...

يسر .... شسووي ياعيني مووو حظرت مرتك نايمه للضهاري والبيت وسخ....

علي ...اني منه تعبان ونوب حترگ دمي ...شنوووو لساها نااايمه اني اعملها اليوم موتها ع ايدي ...صعدت للغرفه فتحت الباب وضربته بالحايط رحت اضرب بيها...بعدج مهمودة حيووانه وتخلين امي تشتغل ...

جوري ....فزعت من النوم ع صوته شگ أذني گمت من الفراش ...فدوه علاوي عوفني والله العظيم مادري .... ماحسيت الالزمني من شعري وعته ..

علي ... لج شنو محسيتي هذا مو عذر اني كم مره لغيت وكااايلج تسمعين من اووول حجايه ارررجع للبيت الكاج نااايمه بنت المسموط ولي نظفي بدال امي لااموتج وتخلصين شغل وتولين اهلج وماريد بعد اشوف شكلج سمعتي لو لا ..

جوري ...شمرني بالگاع هزيتله راسي وودموع تجري وهاي من بعد ما كطع شعري وضرب مالته كسر جسمي نزلت بسرعه خليت شال ع راسي واني ابجي شفت عمتي تشتغل كتلها عنج عمه باوعتني مزوركه ...

يسر ...بنترا ... وخري لاخلف لله عليج خليج مهموده احسن ...

جوري .... اسفه والله ماحسيت نومي ثگيل ...

يسر ... دروحي روحي لاتطلعين حجه هاي سوالف متمشي عليه لو ترحين اهلج يعلموج ..

جوري ..بعدها داتحجي ونزل علي لكاني واكفه خنزر بوجهي ...

علي .. امشي ولي لمي هدومج ع سررريع وروحي اهلج يللللله ...

يتبع ..

حبايبي لاتنسو التصويت وسو تاكات لمتابعينكم خلي يجون يقرونها

آنثى 💜 ملائكيه

أخطاء لايُمحيها الزمن