تحميل رواية «أقدار~للكاتبة ضاقت أنفاسي» PDF
بقلم BlackButterfly002
الفصل 11 — رواية أقدار~للكاتبة ضاقت أنفاسي الفصل الحادي عشر 11 - بقلم BlackButterfly002
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
البارت الاول ** ** ** ** ** بنرفزه طالع أمه : قلت لك ما أبيها أمه بقهر منه طالعته وهو مكتف يدينه : وبعدين معك أمها كل ما تشوفني تقول تقدم لها فلان وعلان ولا تنسى البنت ما يعيبها شيء ذكيه وحلوه وتذكر تراها ابنة عمك ! وأصغر منك بسنه تدرس سنه اولى تخصص هندسه قاطعها بجعرفه وهو يرجع شعره للخلف : سألت عنها تقديرها بالجامعه مو ذاك الزود وبعدين أنا قلت لك ما ابغى وحده تقرب لي تأففت أمه : صدق ابوك لما قال ندور لك عروس من الحين علشان نحيرها لك لوقت ما تتخرج بس الظاهر رح تصك الاربعين وما رح تلاقي وتركت الص...
رواية أقدار~للكاتبة ضاقت أنفاسي الفصل الحادي عشر 11 - بقلم BlackButterfly002
بارت 11
•••
•••
•••
عزام تذكر السالفه وسألها بهدوء : جاوبي يا ساره على السؤال !
ناظرته ساره بالمرايه وابتسمت بتوتر : اي سؤال ؟!
عزام وهو يأخذ نفس : هذي للي رح تجلطني من كمية الغباء للي فيها ؟!
ام محمد بكره : مين جابك للحفلة ؟!
ساره وتحاول تسيطر على نفسها وتكون طبيعيه : انا ما حضرت الحفله ؟!
عزام هز راسه وبخبث: خلاص فكونا من هالسالفه ؟!
سمعت انها البنت للي ابغى اخطبها كانت لابسه فستان ذهبي
اكيد شفتيها يا جده
وش رايك بالعروس حلوه؟!
تذكرت ساره البنت للي كانت قريب منها ولابسه فستان ذهبي طويل لمحتها وبدون وعي جاوبت : الله ما اجملها تجنن هالبنت
وسكتت وهي تحط يدها على فمها من الخطأ الفادح للي وقعت فيه !
عزام ناظرها بالمرايه بتوعد وبعدها التفت على جدته وهي تمدح بالبنت وما انتبهت على زلة لسان ساره !!
شتت نظراتها وهي تفرك يدينها بتوتر
تتمنى الطريق يكون اطول من كذا !
كيف ترقع هالسالفه ؟!!!!
عضت على شفتها بقهر من لسانها الطويل ولقافتها!
الحين من وين تطلع كذبه !!
معقول يخبر ابوه وجده ابو راكان ويكرهونها!
هزت رأسها بالرفض ما تبغى تفقد حبهم لها !
كله بسبب سعديه !
قاطعها صراخ خالتها :
_ لااااا انتبه
رفعت رأسها بألم بعد ما اصطدم بكرسي عزام !
وبخوف ناظرت خالتها تتطمئن عليها
نزل عزام من السياره وتوجه لباب جدته
فتحه رفع جدته للي طايحه لقدام
بدون اي حركه
حس الدنيا ضاقت بوجهه بالرغم إنه طبيب لكن الصدمه غيبت عقله ما يدري وش يعمل
وللي زاد عليه ساره من خلفه تسأل بإلحاح : وش فيها ؟!
وش فيها ؟!
ماتت ؟!
صرخ بوجهها : انقلعي عن وجهي !
وبسرعه اشتغل عقله
قفل الباب ورجع لمكانه وبسرعه البرق حرك السياره
وغادر المكان وهو يفكر كيف صار الحادث
ما كان منتبه عالطريق عقله وذهنه وعينه وقتها كانت تراقب ساره !
زفر بضيق من هالمصيبه يخاف يصيب جدته شيء!
ويكون هو السبب !
زادالسرعه وهو يطلع الجوال ويتصل على أبوه يخبره !! **
**
**
**
وقفت تناظر زول السياره بعدم تصديق تركها وراح !!!
كيف يتركها وحدها !
هبت رياح خفيفه لطفيه وهي تحرك اطراف العبايه وكأنها تراقصها !
نظرت للسماء ...
غيمت عيونها انذار بسقوط الدموع .....
حطت يدها على رأسها وهي تحس بالدوار
بسبب الاصطدام ...
جلست على الارض بتعب وهي تناظر الارض
بضياع !!
وين تروح ما تعرف الطريق حتى الشارع خالي من السيارات!
بلعت ريقها وهي تتخيل اسوأ الاحتمالات عن قطاع الطرق !
مر وقت قصير وهي نفس الجلسه بس سرعان ما وقفت على حيلها وهي تشوف سياره توقف قريب منها
وينزل السائق منها اول مره تشوفه وبابتسامه ما ارتاحت لها كلمها : تبغين مساعده !
ما تركت لنفسها مهله تفكر وبسرعه انطلقت وهي ترفع العبايه وتربطها على خصرها وتركض
وكأنها بسباق ضاحيه !
ما تدري وين تروح !
اهم شيء تبعد عن هالشخص للي نظراته ما تبشر بخير !!!
بذي اللحظه حست بطعم اليتم !
وحيده بمكان ما احد يدري عنها !
صرخت من اعماقها صرخة يتيمه مشتاقه لشيء فقدته من طفولتها!!
صرخت صرخة موجوعه خايفه وهي تحس انه خلاص انتهى مستقبلها!
صرخت لعل من فقدتهم يشعرون بها ويسمعون اوجاعها : يبهههههه يممممممه إلحقوني !!
زادت صراختها وهي تحس فيه خلفها يركض وينادي عليها علشان توقف !!!
***
***
***
***
***
تنهد براحه لما تطمئن على جدته رضوض بسيطه والظاهر من الرعبه فقدت وعيها !
ناظر ابوه بضيق : خبرت امي !
ابو عزام حرك رأسه بالنفي : لا ما خبرت الحريم
الحين تصير سالفه !
ولا تنسى موعدنا عند الجماعه ما بقى الا ثلث ساعه !
عزام هز راسه وللحين الضيق ملازمه : خالي خلف احد خبره !
ابو عزام بحده : انتبه احد يخبره !
لو يدري رح يدفعنا للي فوقنا وتحتنا !
مو حب بأمه !
والحين امشي نلحق على الجماعه امك حرقت جوالي وهي تتصل !
وبعدين نرجع لجدتك !
هز راسه بطاعه وهو عافس ملامحه مو مرتاح
وقلبه ناغزه ما يعرف وش السبب !!
***
***
***
***
***
جالسه ام راكان والسعاده تشع من وجهها
تتمنى يتم الامر على خير وتزوج حفيدها عزام من ابنة اخوها نوره !
ام ماجد ترحب بابتسامه : نور البيت !
ام عزام بابتسامه لسلفتها ام ماجد : منور بأهله !
دخلت ام وليد والابتسامه شاقه الحلق : يا هلا
سلمت على الحاضرين وجلست وتوزع ابتسامات !
ام راكان : وينها نوره ؟!
ام ماجد بابتسامه : الحين جايه !!
وابتسمت وهي تؤشر : هذي هي وصلت !
وقفت ام راكان وهي تناظر نوره لابسه فستان لنصف الساق ومرخيه شعرها على طوله : بسم الله ربنا يحفظك !
سلمت نوره بخجل وجلست جنب امها
ام عزام تدعي من قلبها يتم النصيب وهي تشوفها كيف خصرها منحوت بالفستان وبشرتها البيضاء : ربي يحفظك !
ام راكان مستعجله : خلي عزام يدخل ويشوف نوره !
ام وليد : مثل ما تبغون !
وقفت نوره مثل المفزوعه : لحظه ألبس عبايتي !
ام راكان : ل
ما تركت لها نوره فرصه للاعتراض وبسرعه طلعت من المكان !
ام وليد باحراج من تصرف نوره : البنت خجوله !
ام عزام بتعمد لانه عزام نبه عليها يبغى يشوف طولها : طيب خلي عزام يدخل بالاول
قبل ما ترجع نوره !
ام ماجد بدون معارضه: مثل ما تبغين !
وقفت وطلعت ....
**
***
***
***
***
كانت مستمره بالركض وزادت صرختها وهي تحس فيه يمسك يدها بقوه ويوقفها
اصطدمت فيه وجثت على ركبتيها وهي تحس انها خلاص انتهت فيها الحياه !
وقعت بيده اكيد ما رح يرحمها !
رفعت رأسها بخوف وهي تبلع ريقها وعيونها ابغى تناظر هالشخص
وسرعان ما شخصت عيونهاوهي تناظره
وبسرعه انقلبت على جنبها من الضحك !
تضحك بدون وعي كل الرعب للي حصلته وبالاخير طلع هو !!
عدلت جلستها لما طقها على رأسها : اخخخخخ
ليه تضرب ؟!
رد بعصبيه : حسبي الله عليك قطعتي نفسي وانا اركض خلفك !
ما تسمعين اقول لك وقفي وانت مثل الدابه تراكضين !
ضحكت بصوت عالي : انا على بالي واحد جاي يخطفني !
دق على صدره بحسره : يخطفك !
مين هذا المعمي على نظره للي يبغى يخطفك ؟!
ضحكت على تعليقه : غريبه ما سألتني وش اعمل هنا !!
سايرها سلمان بطول بال : وش تعملين هنا ؟!
ردت بابتسامه عريضه : اشحد ع!
وبسرعه عدلت كلامها كانت تبغى تقول تشحد عريس على بالها تكلم سعديه : اشحد فلوس !
ضربها على رأسها وهو يناظر السروال عباره عن مجمع ألوان : تشحدين فلوس وانت لابسه هالسروال !
حسبي الله عليك فشلتيني نزلي العباءة فضحتيني !
جدتي ما تلبس مثله !
انت من وين تشترين هالملابس الخايسه؟!
وقفت وهي تنزل العبايه وتبتسم : اممم ألف على عجائز القريه واشحد منهم ملابس !
وبتذكر تكلمت بسرعه : صحيح ما قلت لك صار علينا حادث !
وخالتي الظاهر ماتت !
واخوك تركني هنا !
قاطعها بتشفي : لا تخافين جدتي ما فيها شيء !
ورح تبقى قاعده على قلبك طول حياتك !
ناظرته وهي رافعه حاجب : لا تخاف خلف اخوي وعدني يرجع ومعه عريس لي !
سرعان ما تيبست لما سمعت صوت جاي من خلف سلمان : مبروك مبروك !
ذول الاخوه والا بلاش !
بس من وين رح يجيبه من سوق التنزيلات والا من باب المسجد !
كيف ما انتبهت على وجود احد !
تحس بالفشيله وهي مأخذه راحتها بالسوالف مع سلمان !!
هذا نفس الشخص للي نزل من السياره وخافت منه !
***
***
***
***
اول ما حركوا السياره بدأ التحقيق من ام راكان: ها يا عزام وش رأيك بنوره ؟!
ام عزام متحمسه : ما شاء الله كامله والكمال لله !
فوق جمالها خجوله ما رضيت تطلع قدامه الا بعبايه حتى المكياج غسلته !
ام راكان بتأييد : ما عندها تدليس!
والله بالطبيعه احلى من المكياج !
ها يا عزام وش رأيك ؟!
تنهد عزام وابتسم مجامله : اصلي صلاه استخاره !
ابو عزام بهدوء : صلي ركعتين استخاره وربنا يكتب لك الخير !
اهم شيء تكون مقتنع !
عزام رد بثقل وهو بداخله يصرخ جيب الشيخ علشان يملك عليها !
بس لازم يطلع قدامهم ثقيل : يصير خير !!
ام عزام بلقافه : طيب البنت عجبتك !
عزام بنفسه قولي مو عجبتني الا سحرتني : ما شاء الله عليها !
ام راكان انبطت من بروده: من زينك !
تراك فقعتني بردك !
ابو عزام : وبعدين ؟!
قال لكم يستخير ويرد لكم خبر !!
وبنبره امر لعزام : خذ طريق المستشفى
وسرعان ما ارتاع ابو عزام من الشهقات والتحقيق للي حصل له !!!
***
***
****
ناظرتها بالمرايه تفرك يدينها بتوتر ابتسمت وانا اناظرها بالمرايه : يا هلا والله بابنة العم !!
طالعتني لثواني ونزلت راسها بخجل
تكلم سلمان للي حسيته متفشل منها : ردي عليه
وبنغزه : للمعلومه تراه متزوج وعنده بنت !
يعني بين قوسين لا تحطينه في بالك !
زجرت سلمان : وش هالكلام ؟!
سلمان وهو يصد ناحيه الشباك : بلاك ما تعرف البنات اول ما يشوفون واحد بسرعه يحطونه في بالهن !
طالعت ساره سلمان بصدمه من كلامه بدون رد
حبيت اغير الجو : الا ما قلتي لي يا ساره كم جبت معدلك ؟!
رد سلمان النشبه وكأني أسأل فيه : معدلها ؟!
هذي إسألها عن الطبخه الفلانيه او الشطف والتنظيف تجاوبك !
نرفزني : انا ما سآلتك !
ورجعت ناظرتها بالمرايه : هاه كم معدلك ؟!
سلمان رجع للقافته ورد بدالها بسخريه : معدلها صفر على الشمال ههههه
تراها تركت الدراسه من المتوسط !
حاولت جدتي غصب عنها تخليها تكمل بس رفضت !
قالت لها جدتي بس على الاقل ادرسي للثانوي !
بس ما في فائده !!!
ناظرتها بدهشه معقول في ناس تترك الدراسه بهذا السن ؟!
العالم تطورت وبعصبيه كلمتها : انت من عقلك تركتي الدراسه ؟!
سلمان بترييقه : تقول انه البنت اخرها لبيت زوجها ليه تتعب نفسها وتغث حالها بالكتب !
كلمتها بغضب : ما خرب عقول هالبنت الا هالزواج
وبعد اسبوع من الزواج تلاقينها بالمحكمة تبغى الطلاق !!
ما خرب الدنيا الا هالخلف للي يبغى يجيب لك عريس !!
انا بحياتي ما شفت ناس فاشلين ومتخلفين مثل عيال عمي !
عقولكم مصديه !
ابتسمت ساره على كلمه مصديه !
انقهرت من ردها : انا اكلمك عن واقعكم المخزي
وانت توزعين ابتسامات !
سلمان طالعها وهو رافع حاجب بانتقاد وبجديه : بنت تأدبي!
ناظرته ساره وانغمرت بالضحك بصوت عالي
على طريقه كلام سلمان وكأنه عجوز يعطي اوامره !
حطت يدها على فمها تكتم ضحكتها مو حلو موقفها قدام مناف اكيد رح يأخذ فكره عنها مو كويسه !
سلمان ابتسم على ضحكها : طنشها هذي مجنونه كل حياتها ضحك !
ناظرتها وهي تحاول تكتم ضحكتها ابتسمت على شكلها ووجهها احمر : نفسي افهم ليه تضحكين !
ساره وهي تنفي بأصبعها : والله مو عليك اضحك !
سلمان : انا متأكد علي تضحكين !
اخخخخ لو عزام هنا ويكسر اسنانك على هالضحك
ما تحشمين احد !
ا كيد الحين عمي مناف رح يقول وش قلة الادب هذي !
سكتت على كلامه وباعتذار وما زالت اثار الضحك بملامحها : اسفه اسفه والله مو قصدي !
رديت بابتسامه : خذي راحتك!
تنهدت وناظرت من الشباك وهي تفكر بكذبات خالتها للي كل يوم تزيد !
ويا ويلها اذا كذبتها !
يكفي حرمتها من الدراسه وفوق هذا تحط اللوم عليها !
***
***
***
***
***
واقفه بالممر تنتظر ابوها يستفسر عن رقم الغرفه
اختها اسماء تعبانه بسبب الحمل ودخلوها تحت الملاحظه !
تحب تزور المريض وهي تتذكر الحديث « عَنْ ثَوْبَانَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : إِنَّ الْمُسْلِمَ إِذَا عَادَ أَخَاهُ الْمُسْلِمَ لَمْ يَزَلْ فِي خُرْفَةِ الْجَنَّةِ حَتَّى يَرْجِعَ. »
زياره المريض اجر ما تحب تفرط فيه !
حريصه على فعل الخيرات ومساعدة الناس
هزت رأسها وهي تشوف ابوها يؤشر لها تلحقه
تحركت بخطوات هاديه رزينه ما فيها تمايل او دلع وغنج !
تمشي بأمان الله وتفاجأت بالجبل للي صدم فيها
وألقاها على الارض !!
شهقت ساره
باحراج وهي تشوف البنت على الارض
ما انتبهت عليها كانت شبه تركض علشان تلحق على سلمان ومناف !
وبسرعه مدت يدها تساعد البنت وهي تعتذر : اسفه اسفه والله مو قصدي !
وقفت عائشه بدون مساعده ساره وهي تكتم غيضها من هالموقف المحرج قدام الناس
وهي تكرر بنفسها «والكاظمين الغيظ »
اخذت نفس عميق وبصوتها الناعم الهادي ردت : حصل خير
وتركتها وراحت
ناظرت ساره البنت للي صدمتها متغطيه ولا باين منها شيء !
سلمان وقف قدامها : ربنا رحم البنت انك ما طحتي فوقها كان تكسرت تكسير البنت !
مناف وهو كاتم الضحكه على الموقف وهو يتذكر طريقه ساره بالمشي مضحكه !
ابتسمت باحراج على الموقف وبتبرير : والله ما شفتها !
مناف وهو ماسك ضحكته : من وين تشوفينها
وش جاب الفيل للنمله !
ضحكت على تعليقه وبداخلها ضيق من حالها !
حتى مناف للي ما عرفها الا من ساعات يقول عنها فيل !
تكره شيء اسمه طول !
تتمنى تكون قصيره حتى تخلص من تعليقات للي حولها!
اخذت نفس ودخلت غرفة خالتها وسرعان ما رجعت خطوه للخلف من البركان للي هب فيها : انت وينك !!
سلمان يستظرف : صار عليها حادث بطريقنا
وربنا ستر
وطالع ساره وغمز لها : صح ؟!
ابتسمت له وناظرت خالتها وهي تسلم عليها : الحمد الله على سلامتك !
ابو عزام باهتمام : عسى ما تعورتي من الحادث ؟!
ساره ابتسمت : لا الحمد الله بخير !
عزام جالس على كرسي وحاط رجل على رجل : لا تخاف يبه تراها مثل القطوه بسبع ارواح !!
ابو عزام بحده : مره ثانيه انتبه وانت تسوق
ترى معك ارواح !
سلمان وهو يجلس جنب عزام : انا للحين ما فهمت كيف صار هالحادث ؟!
هز كتافه عزام : والله ما ادري!
ام محمد : كان يسوق بأمان الله وفجأه اشوف قطوه بنص الطريق
قاطعها عزام بقهر : الحين صراخك علشان القطوه !
من صراخك وترتيني ما اعرفت وش اعمل عبالي شيء كايد وربنا ستر
قاطعه ابو عزام وهو مقهور من خالته وهو عارف اسلوبها بالتفزيع : الله يسامحك يا خاله !
فزعتي هالولد وربنا لطف فيه !
ساره بضحكه : تنفع خالتي تكون فزاعة !
و سرعان ما بلعت لسانها وهي تشوف نظرات ام محمد !
مناف ضحك على تعليق ساره : حلوه هذي فزاعه !!!
ام محمد بحده : عاجبك كلامها !
ما في شيء اسمه احترام !
انا الغلط علي للي تركتك تقضين وقتك مع ابنة الطرمه !
تحركت ساره بسرعه تقهوي الموجودين علشان تضيع السالفه !
وصلت عند عزام ومدت له بالفنجان
مناف وقف قريب منهم : يا بختك يا عزام عندك هالخاله !
والله انها نهفه !
ناظرت ساره مناف وابتسمت له بدون تعليق !
ام راكان ناظرت ساره وابتسمت لها : الحمد لله على سلامتك !
والله ما أدري انك بالحادث الا الحين !
وطالعت اختها بانتقاد : خلاص خفي طلعاتك
كل يوم طالعه وساحبيتها خلفك !
ترى الناس
قاطعتها ام محمد بحده : ما يهمني كلام احد !
والوقت للي ابغاه اروح عند ولدي وما احد له عندي !
ام عزام : انداري يا يمه ليه راميه نفسك على نادر
وزوجته الاسبوع للي طاف طارديتك !
صار وجه ام محمد بالالوان واعطت ساره نظرات وعيد ما في احد يعرف بالموضوع الا ساره
ونسيت انه عزام كان موجود لما تشاجرت مع مها ردت بكشره : بيت ولدي متى ما بغيت ادخله غصب عنها !
بلعت ساره ريقها وهي ترسم ابتسامه صفراء وهي تشوف خالتها تناظرها بوعيد ما تدري ليه تناظرها بتوعد !
ابو عزام وقف : اسمحوا لنا !
وناظر زوجته : اجلسي عند امك
قاطعته ام محمد بسرعه : لا لا لا روحي يمه على بيتك وارتاحي !
هذي ساره عندي !
مناف باعتراض : لا ساره صغيره على المستشفيات !
ساره انا رح ارجعها عند ام عمار او عندنا لوقت خروجك من المستشفى!
عزام وقف وهو رافع حاجب بانتقاد : وليه ترجعها انت !
انا راجع البيت واخذها على طريقي
وناظرها بأمر : يلا يا ساره قدامي !
ام محمد بغضب : وبعدين معكم !
انتم وش دخلكم !
انا ابغى ساره عندي !
ما ارتاح الا لها !
ابو عزام : وش رايك نشوف ام عمار او اسيل
قاطعته ام محمد بحده : وش رأيك تعطيني مقفاك ؟!
اجلسي يا ساره !
ناظرتهم ساره وجلست بهدوء !
ناظروها بقهر من تسلطها !
اصلا ما له داعي دخولها بس صممت تدخل تبي تتطمئن على نفسها !
***
***
*** دخلت على غرفة اختها وكشفت وهي للحين متضايقه من الموقف للي صار !
منحرجه كيف للناس تطالعها لما وقعت على الارض !
اسماء مستلقيه على السرير وبيدها المغذي سألت باستغراب : علام وجهك احمر ؟!
وش مضايقك ؟!
عائشه جلست وبإسلوبها الهادي : صدمت وحده فيني !
ومن قوه الصدمه وقعت على الارض !
والرجال واقفين يناظرون !
وقسم حسيت نفسي بحجم النمله اخاف يبان شيء مني !
اسماء وهي تناظرها وابتسمت عائشه مختلفه عنها وعن نهى محافظه على نفسها تتغطى ما يبان شيء منها على قولتها تبغى تغطي جمالها لزوج المستقبل : طيب وإلي صدمتك وش صار عليها ؟!
عائشه زفرت بضيق : ما شاء الله البنت جثتها كبيره ربك ستر لو وقعت فوقي الا تكسرني !!
وفوق هذا بابا يقولي ليه ما تنتبهي قدامك !
وقسم بالله هي للي صدمتني !
اسماء هزت رأسها بتفهم : ابوي وينه ؟!
عائشه وهي تعدل جلستها : اتصل فيه صديقه ويبغاه ضروري !!
وقال بيمرني بعد ساعات ! يا بختك اليوم انا جالسه معك !!
اسماء بتسليك : كويس !
عائشه خزتها بعيونها : ادري بك مو عاجبك أجلس عندك !
اكيد تبغين نهى !،
سوالفها على هواك !!
ضحكت اسماء : صادقه لانه نهى متزوجه نشكي لبعض عن ازواجنا واهلهم !
اما انت عندك مثاليه زايده ما تخش مخي !
يعني في اشياء تخليك تطلعين من طورك !
الواقع للي بنعيشه مو مثل ما تتصورين !
باكر لما تتزوجين كل هالنظريات للي عندك ترمينها ورى ظهرك !!
عائشه بلامبالاه بكلامها : لانك انت ما تبغين تتطورين للافضل !
لازم يكون عندك صبر اكثر تتحملين الناس !
اسماء بقهر من زوج نهى : اذا تزوجتي واحد متخلف مثل زوج نهى ناديني اشوف صبرك !
تخيلي منعها تزورني بالمستشفى !
قال المستشفى مليان رجال !!
وش هالتخلف !
عائشه ابتسمت : الله يهديهم !
اسماء باستغراب : صحيح كيف ابوي وافق انك تيجين عندي !
ردت عائشه بهدوء: لما شاف ماما تعبانه وما تقدر تيجي عندك اضطر يوافق !
وسمعني الف كلمه بعد ما اتصل فيه صديقه !
خايف علي!
يقول كيف اخليك بالمستشفى ساعات
مطت اسماء شفتها بغيره : ترى ابوي اسم انه دكتور شريعه !
وين العدل بين الأولاد !
يميزك ويفضلك علينا !
وكأنك ملكه نازله من السماء !
تدرين احيانا اكرهك والسبب أبوي !
عائشه ابتسمت: تراك تبالغين !
مو لذي الدرجه !!
بس يمكن لأني مطيعه!
وحركت حواجبها تغيظها وهي تطلع لسانها!
**
***
***
***
***
طلعت من غرفة خالتها وصدرها ضايق طول الوقت تبهدل فيها !
وتتوعدها لما تطلع من المستشفى !
نفسها تصرخ بوجهها وتقول لها مين انت حتى تتوعدين فيني !!
لمتى لازم تتحمل كلامها وتبتسم ؟!
تجرحها بالكلام وممنوع الاعتراض !
ممنوع تتدافع عن نفسها !
كل شيء يصير تحطها السبب !
لو يموت واحد بالمريخ الا تقول ساره هي السبب !
تظنها بلا احساس وكرامه !
نفسها تكون مثل باقي البنات تهتم بنفسها وتكون متميزه بكل شيء !
بس خالتها دمرت كل شيء !!
وفوق هذا تتكلم على امها وتطعن بأخلاق امها وتسبها وتشتمها !
هي بشر ولها حد للصبر !
هذي امها لمتى تسمع اهانتها وتسكت ؟!!
اخذت نفس عميق ما تبغى تبكي ما عندها قدره على التحمل اكثر !.
مشكلتها ضعف شخصيتها !
كيف ..
قطعت افكارها وهي تشوف العيال !
**
***
*****
ماجد بضحكه وهو يؤشر بعيونه : خلف خلفك !
عبد الرحمن بتصديق : خالي خلف هنا
والتف يشوفه !
وسرعان ما ضحك : هلا والله !!.
ساره بابتسامه اقتربت منهم : كيفكم ؟!
ماجد بمزح: والله حنا بخير يا خلف !!
ابتسمت بدون نفس هذا من احد الالقاب ينادوها خلف !
يصيبها تحطيم لما ينادونها كذا !
لذي الدرجه شينه حتى يشبهوها بخلف ؟!
عبد الرحمن : روحي وقفي جنب ماجد وقسم بالله تحرجيني بنت واطول مني !
ساره ابتسمت مجامله : تراك تبالغ ما في بيني وبينك الا كم سانتي !.
ماجد : انت كم طولك ؟!
ساره : اممم تقريبا171سم !
ماجد زم شفته بتأمل : طولك عادي بس لانه اغلب البنات طولهم ما بين 150 _160_165
طيب كم وزنك ؟
ساره ترد وكأنه استاذ وتجاوب على أسئلته : وزني !
اخر مره توزنت كان
نطقت باحراج77
عبد الرحمن : واووووو
تدرين انا وزني 68
ماجد يتكلم وكأنه دكتور تغذيه : لازم تعملين رجيم حتى يصير وزنك
قاطعه صوت من خلفهم : وانا اقول لازم تقلب وجهك من هنا !
التفت ماجد وهو يبتسم لانه يعرف هالصوت : هلا عمي !
ابو تالا بحده : وش دخلك فيها تسألها عن طولها ووزنها !!
انت ما تستحي على وجهك !
وناظر عبد الرحمن بغيض : وانت ما عندك دم يسأل خالتك هالاسئله وانت واقف !
عبد الرحمن بابتسامه : والله للحين ما اعترفت انها خالتي !
رمقه ابو تالا بإحتقار
وبعدها ناظر ساره بتأنيب : وإنت مثل الهبله تجاوبي على أسئلته !
مره ثانيه اذا سألك اسئله بايخه مثل وجهه
بالنعال اضربيه بنص وجهه !
ناظرت ساره ماجد وعبدالرحمن بابتسامه شامته وحركت حواجبها تغيضهم : ان شاء الله عمي !
كشر ابو تالا بعد كلمتها وبأمر : والحين ادخلوا الغرفه اشوف
النية طالعين تزورون خالتي ام محمد
ماجد ابتسم باحراج : والله كنا داخلين بس اشغلتنا ساره !
الله يهديها !
طالعته ساره بدهشه بدون تعليق
غمز بعيونه وبسرعه دخل لما شاف عمه ابو تالا ناوي يطقه !
**
**
**
**
**
اليوم الثاني
ما صدقت ساره يطلع النهار ويكتبوا لخالتها خروج
ما نامت طول الليل كلما تغفى عينها تنادي عليها
حركي رجلي لذيك الجهة او اعطيني مويه
طول الليل طلبات !
تستنى بفارغ الصبر احد يطلعهم وقفت على باب الغرفه تناظر لعل احد ييجي بسرعه
استغربت الحرمه للي تقدمت منها وسلمت عليه : كيفك يا ابنتي ؟!
ساره ابتسمت باحراج حرمه اول مره تشوفها : هلا خالتي !
الحرمه تتأمل ساره : عسى ما شر من البارح شفتك بالمستشفى !
استحت ساره من نظرات الحرمه وسؤالها غريب مو بمكانه تسألها وهي ما تعرفها : خالتي تعبانه شوي ورافقت معها والحين ان شاء الله كاتبين لنا خروج !
الحرمه هزت راسها : خليني ادخل اسلم على خالتك !
دخلت الحرمه وساره من خلفها مستغربه الوضع !
سلمت على ام محمد وهي تسألها عن اخبارها !
وبلقافه اشرت على ساره : وش تصير لك هالبنت !!
ام محمد ردت بطيبه متقنه التمثيل : هذي ابنة زوجي !
واسمها ساره
اندهشت الحرمه : ابنة زوجك !
ام محمد تتابع بنفس الاسلوب : ماتت امها وهي صغيره وعاشت عند جدتها ولما ماتت جدتها
قلت لعيالي ما احد يربيها غيري !
هذي يتيمه واكسب فيها اجر !
طالعتها ساره وهي فاتحه عيونها عالاخير
الحرمه باعجاب : ما شاء الله الله يكثر من امثالك !
الا ما قلت لي ساره مخطوبه !؟!
ام محمد عفست ملامحها لو تدري انه عريس ما استقبلتها ومع ذلك اضطرت تتابع بنفس الاسلوب : لا والله مو مخطوبه !
بس سمعت في ناس ناويه تتقدم لها
طالعت ساره خالتها تبغى تخنقها تبغى تقطع نصيبها علشان هزاع الزفت !
الحرمه قاطعت ام محمد بسرعه : طيب اعطيني رقم ابوها علشان ابني
قاطعتها ام محمد . ابوها ميت من زمان !!
الحرمه عقدت حواجبها بحيره : من مين نخطبها ؟!
ام محمد : والله ما ادري عندها ثلاث اخوان !
وعم وعيال عمها !
اعطيني اسم ولدك ورقمكم نشاور اخوانها وعمها وعيال عمها وبعدها يصير خير !
الحرمه ما عجبها الكلام : اعطيني رقم واحد من اخوانها نتفاهم معه يكون افضل !
ام محمد ابتسمت : خلاص خذي رقم خلف اخوها !
اخذت الحرمه الرقم بفرح : الله يتمم على خير !
ام محمد بلقافه : ما قلتي ولدك وش يشتغل ؟!
الحرمه بابتسامه : ولدي استاذ رياضيات ومسجل بنادي السله
سكتت الحرمه لما شافت رجال دخل الغرفه : اشوفكم على خير !
مع السلامه !
عقد حواجبه باستغراب وسأل بعد ما طلعت : مين هذي !
ام محمد بقهر : خطابه جايه تخطب هذي المحترمه !
.اشرت على ساره للي صار وجهها طماطم من الخجل !
ابتسم عزام على شكل ساره و براءتها وبعدها حول ملامحه للجديه : كنسلي الموضوع !
البنت بعدها صغيره !
ام محمد : والله ما ادري عن الموضوع ما شفت ساره الا جايبه الحرمه علي وداخله !
واخذت رقم خلف علشان يحددون موعد !
وتقول ابنها يشتغل استاذ رياضيات ومسجل بنادي السله !
هذي هي عندك من وين استدلت الحرمه عليها !،
عزام ناظر ساره وبهدوء : من وين تعرفتي عليها ؟!
هزت ساره رأسها بالنفي : ما أعرفها
ام محمد قاطعتها وهي تبث سمومها : تبغين تقنعيني من الباب للطاق جاءت تخطبك كذا !
والا في شيء داسيته عننا،؟!
وش عرفه ولدها فيك؟!
تقول الحرمه ابنها طاير يبغى يخطبك !
ناظرتها ساره بصدمه من وين تجيب هالكلام ؟!
الحرمه ما قالت هالكلام ؟!
بلعت ريقها وهي تناظر الارض ما عندها القوه تناظر عزام !
ما صدقت عزام نسي السالفه الاولى والحين وش يخلصها ؟!!!
***
***
***
سكتت الحرمه لما شافت رجال دخل الغرفه : اشوفكم على خير !
مع السلامه !
عقد حواجبه باستغراب وسأل بعد ما طلعت : مين هذي !
ام محمد بقهر : خطابه جايه تخطب هذي المحترمه !
.اشرت على ساره للي صار وجهها طماطم من الخجل !
ابتسم عزام على شكل ساره و براءتها وبعدها حول ملامحه للجديه : كنسلي الموضوع !
البنت بعدها صغيره !
ام محمد : والله ما ادري عن الموضوع ما شفت ساره الا جايبه الحرمه علي وداخله !
واخذت رقم خلف علشان يحددون موعد !
وتقول ابنها يشتغل استاذ رياضيات ومسجل بنادي السله !
هذي هي عندك من وين استدلت الحرمه عليها !،
عزام ناظر ساره وبهدوء : من وين تعرفتي عليها ؟!
هزت ساره رأسها بالنفي : ما أعرفها
ام محمد قاطعتها وهي تبث سمومها : تبغين تقنعيني من الباب للطاق جاءت تخطبك كذا !
والا في شيء داسيته عننا،؟!
وش عرفه ولدها فيك؟!
تقول الحرمه ابنها طاير يبغى يخطبك !
ناظرتها ساره بصدمه من وين تجيب هالكلام ؟!
الحرمه ما قالت هالكلام ؟!
بلعت ريقها وهي تناظر الارض ما عندها القوه تناظر عزام !
ما صدقت عزام نسي السالفه الاولى والحين وش يخلصها ؟!!!
تكلم بهدوء :ما فيها شيء يمكن شافها وهي تمشي بالممر !
رفعت ساره رأسها بدهشه وناظرت عزام ما توقعت رده يكون كذا !!
_ كثير شباب يخطبون بنات بذي الطريقه يشوفونها بمكان عام وتعجبهم ويخطبونها
ما عجبها كلام عزام ما كان هذا إلي تبغاه ردت بمقاطعه : تبغى تقنعي إنه شافها وعجبته !
بعدها أمالت شفتها بسخريه : ما ادري وش لي عجبه فيها ؟!
ساره بشبح ابتسامه محبطه لازم التحطيم !!
لذي الدرجه بشعه ؟!!!
تنهدت بيأس حتى لو كانت شينه مالها حق تتزوج وتفرح مثل باقي البنات ؟!
رفعت نظرها لعزام بروح ميته وهو يتكلم : مو قلتي انه مسجل بنادي كره السله ؟!
اكيد انه طويل ويبغى وحده طويله
قاطعته ام محمد بتنكيس لساره : وش فائده الطول وهي قد البقره !
للي يبغون طويله يكون شرطهم تكون نحيفه !
ورمقت ساره بقرف : مو مثل هذي ؟!!!
اصابها الاحباط بعد كلام خالتها وابتسمت وكتمت ضيقها وهي تناظر عزام يبتسم لها ويؤشر لها تطنش كلام جدته !
اخذت نفس عميق ليه تكدر نفسها لأمور المستقبل ؟!
نصيبها رح تأخذه غصب عن الراضي والزعلان !!
قبل ما يطلعون عزام بحرص : عدلي الشاله فيه كم شعره من غرتك نازله !
ام محمد وهي تجلس على الكرسي : ليه هامها يطلع شعرها ؟!
دوم اقولها انتبهي لشعرك تقول عادي
تبغى تعمل شعرها ...
عدلت ساره الشاله وهي تدخل غرتها
وهي تسمع الكذبات للي تنشر فيها خالتها !
ما رح تتركها اليوم الا لما تحصل تهزيئه محترمه من عزام !
عزام للي بان الضجر من كلام جدته : بعدين نتكلم بذي السوالف !
تنهدت براحه بعد رده وطلعوا من الغرفه
***
***
***
جالسه تفطر وفكرها مشغول هذا اليوم الثاني وما احد اتصل او جاء يخطبها !
معقول خلف رفض ؟!
رفعت عيونها على دخوله وهو يلقي التحيه : أخبارك خلف ؟!
ابتسمت ساره له : هلا سلمان !
جالسه على الكنبه وبيدها المسبحه : حرام عليك تشبه ولدي خلف فيها ؟!
ناظرتها ساره وبنفسها انا للي ابغى انتحر لما يشبهوني بخلف !
سلمان وهو يجلس جنب جدته ويناظر ساره بابتسامه : يكفيك اكل انا متأكد لو نفتح بطنك الا نلقى 4 معدات
واتبع كلامه بضحكه رنانه !
ام محمد : هذي ما تقبل من احد نصيحه الكل يقول لها خففي اكل
علشان تلاقين احد يناظر وجهك !
لمتى رح تبقين علة على قلبي ؟؟!
نزلت رأسها ساره وهي تتابع اكل
وتبتسم وتتكلم بداخلها بسخريه عامله نفسها تبغى مصلحتي !
من لما اخذتني وهي تحشي بمعدتي حتى صارت معدتي كبيره وما يشبعها لا وجبه ولا وجبتين !
وتغير حالي من بنت نحيفه لبقره بكل جداره !
_ وين سرحتي اكلمك انا ؟!
ناظرت سلمان وابتسمت بفهاوه
ام محمد بكره : يمكن سرحانه بعريس الغفله !
ناظرتها ساره باهتمام لما سمعت طاري العريس لعلها تسمع أي شيء عنه!
سلمان ابتسم لساره : سمعت انه يلعب بكرة السله علشان كذا خطبك !
ناقصهم لاعب بالفريق !
وضحك بصوت عالي
ام محمد وهي تمسك جوالها : متأكده انه هالعريس اعم
وقطعت كلامها وهي تحط الجوال على أذنها
ناظر سلمان جدته وهي تكلم بالجوال
وبعدها التفت على الباب وهو يشوف مناف يدخل البيت لا احم ولا دستور
ناظر ساره للي لابسه جلابيه واسعه والشال على رأسها
دوم لابسه كذا !!
يستغرب لما يشوف اخته نسرين عكس ساره مع انهم بنفس العمر
نسرين تحسها مهتمه بنفسها وعلى الموضه
عكس ساره للي يشوفها يظنها من العصر الحجري وخاصه بذي الملابس !
ما يلومها عاشت طول وقتها بالقريه وحسب كلام جدته تقلد ابنة الجيران بكل شيء !
وهذي النتيجه !
ابتسم لعمه مناف وقام وجلس جنب ساره للي بعدها تأكل : حشى كل هذا فطور !
ناظرته بطرف عينها وابتسمت
واختفت ابتسامتها وهي تشوف نظرات خالتها المتوعده وهي تتكلم بالجوال
ومناف يناظرها ويبتسم : وش تبغى فيها خلها تفطر براحتها !!
سلمان وهو يمط خدود ساره : شوف يا عمي كل خد مثل كيس المغذي !
ابعدت ساره يده عن خدها وهي تضحك بهدوء !
ام محمد قفلت الجوال وبصراخ : جعلك بالسم للي يهري معدتك
لك سنه تفطرين !
مناف باستغراب : علامكم على البنت خلها تفطر !
ام محمد : شوف كيف صايره قد البقره !
وبأمر ناظرت ساره : قومي شيلي الفطور !
وقفت ساره وهي تشيل الفطور : ان شاء الله !
سلمان وهو يشيل معها ودخل معها المطبخ وهو يبتسم بخبث : اسمعي انا وماجد قررنا نساعدك !
رفعت حاجب بعدم فهم : كيف ؟!
سلمان : شوفي انا وماجد اشترينا لك كريم تحطينه على وجهك تصيرين مثل القمر من اول مره !
ابتسمت ساره بسعاده واخيرا رح تصير مثل القمر وبلهفه : وينه الكريم !
سلمان ابتسم وهو يحك رأسه : ماجد الحين ييجي ويعطيك !
وبابتسامه عريضة وهو يسمع صوت ماجد بالصاله : هذا ماجد وصل
وسكت وهو يشوفها طلعت من المطبخ تركض !
هز كتوفه بتعجب: صدق ناقصات !
ركضت بحماس وهي تشوف ماجد داخل وقفت قدامه بابتسامه : هلا ماجد !
ام محمد بغضب : ترى الارضيه ابغاها ما معي فلوس ارممها
تراكضين عليها وكآنك بحلبه ثيران !
ابتسمت ساره على ضحكة الثلاثي «مناف وسلمان وماجد »
مناف كتم ضحكته وناظر خالته : ما معك فلوس يا خالتي ؟!
وغمز لها : كثري منها يا خالتي !
سلمان : انت يا جده دوم تنكرين انه معك فلوس علشان خالي خلف ما يسرقهم منك
قاطعه خلف وهو يدخل : صدق انك وقح وابوك ما رباك يا قليل الحيا
تقول عني هالكلام !!
وبحده لمناف : سامع ولد اخوك وش يقول عني !
مناف صد وجهه شوي وبسخريه : كل العالم تقول عنك نصاب وقفت على سلمان !
ولعت عيون خلف بغضب : سامعه يمه ولد اختك وش يقول !
ام محمد تهدي فيه : اجلس يمه
وش عليك من العذال !!
مناف بضحكه عاليه واتبعها باستنكار : عذال ؟!!!
ام محمد تغير الموضوع ما تبغى تكبر السالفه : وش صار على الجماعه للي تقدموا لساره !
تحول وجه ساره للاحمر من الاحراج بعد ما تحولت النظرات لها !
خلف وهو يعدل جلسته ويرمي الشماغ جنبه بإهمال طالع ساره : قومي اعملي لي كوب شاهي اعدل مزاجي من هالوجوه للي تجيب الغم!
تحركت ساره بسرعه للمطبخ وعقلها وقلبها معهم تبغى تسمع سوالفهم
**
**
**
*•
خلف وهو يناظر امه : اتصلوا فيني
ام محمد بلقافه : وش صار ؟!!
خلف بملل : خليني اول اشرب شاهي اعدل مزاجي وبعدها نتكلم !
مناف رفع حاجب : وش سالفه الجماعه؟!
ام محمد : في ناس يبغون يخطبون ساره !
مناف وهو يناظر خالته : بس
خلف ناظره بحده :خلاص تكلمت مع الرجال واتفقت معه !
وباكر الشوفه ويمكن نملك اليوم للي بعده اذا
قاطعه مناف بحده : مو على كيفك تزوجها كذا ؟!
انا مو موافق على هذي المسخره !
خلف ناظره بتصغير : ومين حضرتك علشان تعترض !
مناف بحده : ولد عمها !
ومستحيل يتم الزواج كذا !
ليه هي بضاعه بيوم وليله تزوجها ؟!
طول عمره الزواج تشاور واستخاره وتمهل !
مو بذي السرعه !
مو اتصلوا معك قلت لهم تعالوا ؟!
سألت عن الرجال ولد مين ؟!
وش اخلاقه ؟!
سألت البنت عن رأيها ؟!
شاورت ابوي
قاطعه خلف وهو يوقف وبغضب من تدخلهم: ابوك وش دخله ؟!
انا اخوها وأزوجها للي ابغى !
ما احد له عندي شيء !
مناف بتحدي : من هالشارب اذا تم الزواج !
ماجد : انا سمعت جدي ابو راكان يقول لجدتي انه رافض هالعريس !
خلف ولعت معه : وش دخله ؟!
وليه يرفضه ؟!
ماجد هز اكتافه انه ما له دخل : يقول يعرف اخوه مدمن وصايع !
خلف بغضب أكبر : هذا انت قلتها اخوه !
الرجال وش دخله ؟!
مناف وقف قبل ما يغادر : قول كم دفع لك مهر علشان تبيع اختك ؟!
يا حسافه الواحد يبيع ضميره علشان فلوس وسخ الدنيا !!
خلف بكره : انت اخر واحد يتكلم !
واختي وانا حر ازوجها اذبحها اموتها ما احد له عندي شيء!
ناظره مناف بقرف وتكبر وقبل ما يطلع ناظر ساره : نصيحه لك لو مشيت معه رح يضيعك ويضيع مستقبلك !
خلف بصراخ : عساك تضيع وما يلاقونك !
ما رد عليه مناف وطلع بهدوء من البيت مثل ما دخل !
جلس خلف والدخان يتصاعد من انفه مثل الثور الهائج !
ام محمد ناظرت ساره واقفه وبيدها الصينيه : حسبي الله عليك كله بسببك !
وقف خلف وطلع من البيت وهو مطنش نداء امه عليه !
جلست ساره وحطت الصينيه وناظرت سلمان وماجد وابتسمت بتوتر !
طلعت ام محمد خلف ولدها ما تبغى يتشابك مع عمه ابو راكان
سلمان وهو مطنش السالفه للي صارت : تبغين الكريم ؟!
ساره بحماس : ايه
ماجد ناظر سلمان وغمز له : خذي ،
ومد لها العلبه
انتبهي حطيها صبح ومساء على وجهك !
ساره ناظرت العلبه وابتسمت بامتنان: شكرا !
سلمان بحماس : حطيها على وجهك ابغى اشوف فاعليتها !
ماجد متحمس وهو كاتم ضحكته : سلمان حطه انت لها !
سلمان جازت له الفكره اخذ منها العلبه : الحين اعلمك كيف تحطينه على وجهك !
بدأ يدهن وجهها وبعد ما كمل وقف ومسك يد ماجد : بعد ساعتين غسليه !
ناظرتهم وهزت رأسها بطاعه !
واستغربت خروجهم بسرعه !
هزت كتوفها وعدلت جلستها على الكنبة
وغمضت عيونها بحالميه وهي تتخيل شكلها بعد ما تغسله !
معقول رح تنافس ملكات الجمال !
ياه تختفي الحبوب وتصير بشرتها ناعمه بيضاء
قاطعها صوت عزام الحازم وهو يدخل : ساره !
وقفت وناظرته بخوف تخاف من لهجته هذي : نعم !
اقترب منها وشد أذنها من فوق الشال : لمتى تبقين غبيه وعبيطه ؟!
ناظرت بدهشه من هذا الهجوم ما عملت شيء
تابع شد اذنها وهو مقهور من هالهبل وصورة سلمان وماجد منسدحين على الارض ويضحكون وبعد التحقيق لسبب الضحك انفجع : يا غبيه وش حاطه بوجهك !
وما ترك لها فرصه ترد : هذا رمل ابيض !
لمتى تبقين مضحكه للعالم !
انت ما عندك عقل يميز الكريم الحقيقي !
ردت باحباط : رمل !!!
ترك اذنها وهو يغادر :غسلي وجهك
وابعدي عن سلمان وماجد تفهمين !
زفرت بإحباط بعد ما طلع شتمت نفسها من شدة الغباء للي فيها
كيف ما انتبهت انه رمال ؟!!!
مشكلتها قلبها طيب وتفكر كل الناس تتعامل بحسن نيه !
جلست على الكنبة وبدأت تضحك على نفسها
وهي تتحسس خليط الرمال بوجهها !!
••
••
••
••
في بيت قريب منهم كان الصراخ يعم المكان
صراخ خلف المنفعل من رفض عمه للعريس : مو على كيفكم ؟!،
ابو راكان جالس ببرود : زوجها يا خلف مثل ما تبغى بس انت الخسران !
قبض كف يده بقهر من عمه للي ماسكه من يده للي توجعه !
كيف يتصرف ؟!
لمتى يضطر يسمع كلام عمه والسبب
عض على شفته !
ناظرهم قبل ما يطلع : وقسم بالله الا اخليكم تندمون !
وخاصه انت !
واشر على عمه !
ابو عزام بانفعال :احترم نفسك ما اسمح لك تكلم ابوي كذا !
ام محمد مسكت يد خلف : خلاص يمه عمرها ان شاء الله ما اعرست !
لا تضايق نفسك وتتشاجر مع عمك علشان وحده ما تسو
قاطعها ابو عزام : خالتي وبعدين ؟!
انقهرت ام محمد من تعلق وحب بيت ابو راكان لساره
نفسها تكون منبوذه من العالم كله
بس كيف ؟!
ما تدري !
هزت راسها بتوعد !
بعقلها افكار كثير بس ما تدري متى تنفذ هالخطط ؟!
جميع الموجودين قلبهم مع ساره للي يبغى اخوها يبيعها علشان الفلوس بنظرهم الا وحده جالسه
تهز رجلها بعصبيه من موقف زوجها لما سمع انها ساره رح تتزوج !
نار دبت بقلبها ! مستعده تحلف 100 يمين انه زوجها حاط عينه على ساره !
يوم بعد يوم يزيد كره ساره بقلبها !
متى تتزوج ساره وترتاح من هالعذاب !
ناظرت زوجها كيف ارتاح بعد ما خبرهم ابو راكان انه خلف ما يقدر يزوجها بدون موافقته !
وبدون سابق انذار تكلمت بطريقه حاده : وليه ترفضونه يمكن البنت تبغاه ؟!
الرأي الاول والاخير لساره !
مناف : غلطانه البنت بعدها صغيره وما تعرف مصلحتها !
ناظرت سلفها مناف بعد كلامه وهي تحدث نفسها «ابصم بالعشره اذا ما كان الثاني حاط عينه عليها
رامي زوجته عند اهلها وجاي هنا »
ارتفع ضغطها لما ناظرت زوجها يتكلم: صادق مناف !
وبعدين اخوه مو مضبوط
ام تالا بحده : وش دخل ساره بأخو العريس ؟!
وبنغزه : ترى ساره مناسبه له اخوها
اكبر نصاب بالديره !
واخوها الثاني اكبر
قاطعها ابو تالا بحده : انت وش دخلك بالموضوع !
مطت شفتها بقهر : دخلني اني ما احب اشوف العوج قدامي وما اتدخل !
العريس متعلم وفهمان وعمره 24 مناسب لها
احسن ما تتزوج واحد عمره 40
او 33
واعطت نظره لزوجها ولمناف وصدت بوجهها !
ابو راكان بانتقاد : ليه ذكرتي هالاعمار بالذات ؟!
حمر وجهها : ما اقصد شيء مجرد مثال !
اعطاها ابو تالا نظرات توعد وهو متأكد قصدته بالعمر 40 ومناف 33
ام راكان ساكته من البدايه تتابع الوضع بصمت حبت تغير مجرى الكلام حتى ما تكبر السالفة : ما قلت لكم نوره موافقه !
ابو راكان بهدوء ناظر ابو عزام : ولدك وش رده ؟!
ام عزام بحماس : قلنا لكم موافق !
ابو راكان طنشها وناظر ولده : متأكد انه عزام موافق ؟!
ابو عزام هز راسه بتأكيد : موافق وينتظر ردهم علشان الفحص
ابو راكان بهدوء : على بركة الله !
الله يوفقهم !
دخلت ساره وهي تبتسم وبداخلها ضيق لانه عمها ابو راكان رفض العريس لانه بنظرها اذا طار العريس ما تضمن ييجي واحد ثاني !
ام راكان ابتسمت لها : هلا ساره !
ابو راكان بحنيه : تعالي اجلسي يا ابنتي !
جلست جنبه وعيونه تدور ماجد وسلمان
ابو راكان مسح على رأسها : تراك غاليه عندي مثل ام عمار !
ابتسمت ساره له واستغربت نظرات ام تالا لها وكأنها ماكله حلالها !
مناف بضحكه : مين قدك غاليه عند ابوي !
ام عزام ابتسمت لها : اسيل كانت تسأل عنك !
وقفت ساره بتذكر وهي تشهق : نسيت أمر عندها !
ام راكان : وش عندها اسيلوووو
ساره متحمسه : تبغى تطلع للسوق وتحط البنت عندي
ام عزام ما يعجبها : ترى اسيل تزودها !
تمسك عيالها
ساره بدفاع : عادي انا احب الصغار !
وتوجهت للباب : سلاااام !
وقفت وهي تشوف عزام بوجهها: بسم الله !
انت ما تجلسين بمكان واحد !
دايره من بيت لبيت !
ضحكت ساره على تعليقه وطلعت
دخل وهو يسمع جدته تتكلم : ما يصير كذا يا ام عزام !
بناتك زودوها وكانها ساره مربيه لعيالهن !
حتى الحمام لما تكون ساره هي للي توديهم !
ام عزام : وش اعمل اقول لها ما تردي على احد وكل واحد يهتم بعياله
تقول حرام اساعدهن !
عزام بابتسامه : هذي البنت حب الشغل يسري بدمها !
ابو راكان ناظر عزام : جهز نفسك هاليومين رح نملك !
ابتسم عزام وبداخله طاير من الفرح : ان شاء الله !
**
**
**
**
**
دخلت البيت بعد العصر واستغربت وجود ناس بالبيت ردت السلام وهي تناظر الرجال والحرمه
تقدمت وسلمت على الحرمه وهي تناظر خالتها باستغراب!!!
ابو وليد وهو يناظر ساره : هذي ابنة زوجك !
ام محمد عفست ملامحها : ابشرك يا اخوي !
ساره باندماج تناظرهم : هذا اخوك ؟!
ام محمد بدون نفس : هذا اخوي ابو وليد !
ابتسمت ساره له اول مره تشوفه لما كان يزور خالتها دائما تكون تلعب ا في بيت ام عمار او ام عزام وبترحيب : هلا عمي ! كيفك ؟!
عساك طيب !
استغرب بشاشتها وبجمود رد عليها : الله يسلمك!
والتفتت على ام وليد : كيف حالك يا خاله ؟!
ام وليد ناظرتها بفوقيه تهتم بالمظاهر كثير : الله يسلمك
ام محمد تناظر اخوها : والله فرحت كثير لما سمعت بموافقة نوره !
ابو وليد ابتسم بثقل : ما رح نلقى احسن من عزام !
عسى ربنا يوفقهم
ساره بلقافه ومتحمسه : نوره خالة ماجد !
طالعتهاام وليد بنفس النظره
ام محمد بنهر : اكيد خالته يا غبيه !
ام ماجد بنت اخوي !
ساره ابتسمت وما اهتمت لطريقة خالتها بالكلام معها قدامهم لانها خلاص تعودت : انا ما اعرف ام ماجد ولا مره شفتها !
بس اعرف ماجد
وانهت كلامها بابتسامه خجوله مكانها غلط
فتحت مجال لوضع علامه استفهام حول علاقتها بماجد !!
ام محمد نهرتها : اقول قومي جيبي الضيافه بلا كلام فاضي !
ابو وليد بعد ما طلعت ساره : بشويش على البنت !
و سكت وسرح بخياله
قطعت ساره عليه سرحانه : تفضل عمي !
رفع نظره لها وهي تبتسم له وتقدم بالضيافه : تسلم يدك !
ناظرها وهي توزع الضيافه وكلام اخوه يتردد بإذنه .......
***
***
•••يوم ملكة عزام وقفت بتردد قدام خالتها وتفرك يدينها بتوتر : ءءءء خالتي
ام محمد وهي تناظرها بطرف عينها: خير !!
ساره بتردد : وش ألبس للملكه ؟!
ام محمد ناظرتها بتقييم : يعني لو تلبسين اغلى الماركات غير تبقين شينه !
وبلامبالاه : إلبسي اي شيء !
وبعدين انتبهت على كلامها : اصلا مين قال لك رح تحضرين ؟!
ساره باستنكار : كيف ؟!
عمي عزام بيزعل وعمي ابو راكان
قاطعتها بقرف : تراك ماخذه بنفسك مقلب !
انا طالعه الحين وما تخافي ما احد رح يسأل عنك!
وباستبعاد : اذا احد سأل عنك انا ادبرها
والحين ابغى ارجع واشوف المطبخ يلمع لمع فاهمه !
واقفه تناظرها وهي طالعه بتأمل
قفلت الباب خلفها حست قلبها يختنق وهي تقفل الباب بالمفتاح
نزلت دموعها تبكي مثل الاطفال
جسد امراءه بعقل وقلب طفولي،!
من لما كانت صغيره وتسمع عزام انه رح يخطب وهي متحمسه لذاك اليوم !
كل حماسها طار !
ليه خالتها قاسيه كذا !
تبحث عن الاشياء للي تحبها وتحرمها منها بكل برود !
مسحت دموعها وهي تواسي نفسها
مو ضروري تحضر !
مجرد ملكه ومصيرها تشوف خطيبته وتجلس معها بس مجرد وقت !
لازم تكون اقوى وما تبين قهرها وضيقها قدام خالتها !
لانه هذا للي تبغاه !
صديقتها الابتسامه مستحيل تتركها
حاولت تبتسم بصعوبه وخذلتها دموعها للي نزلت بغزاره !
تكورت على نفسها ودخلت بنوبة بكاء
لعل الدموع تغسل بعض الضيق للي استقر بصدرها
رددت بهمس «لا إله الا انت سبحانك إني كنت من الظالمين »
****
****
****
****
في بيت ابو وليد للي اتفقوا تكون الملكه عائليه
ويعملوها بالبيت !
بمجلس واسع الكل منشغل بإجراءات الخطوبه !
جالس يناظرهم بحقد وهم مبسوطين
مستحيل يفوت فرصه الانتقام ورح يقهرهم مثل ما قهروه !
وخاصه وهو يشوف نظرات عيال عمه
وعيال خاله ابو وليد يناظرونه باستصغار وكأنه حشره قدامهم !
حتى ولده عمار سحبوه منه وسفره ابو راكان يكمل دراسته برا
وبناته زوجهم على كيفهم !
وهذي ساره على الطريق يتحكم بزواجها !
بس ما يكون خلف اذا ما كسر خشومهم !
بالاول رح يبدأ بعمه ابو عزام وعياله وبعدها يتفرغ لابو وليد وعياله !
لازم يقهرهم مثل ما قهروه
ينتظر على نار بعد ما كملوا الاجراءت وتمت الملكه وانهالت المباركات على عزام للي الفرح تشع من عيونه !
وقف بكل ثقه بصوته الجهور : بإسمي واسم اخواني أبارك لولد اختي عزام !
صوته الجهور وهيكله الضخم اجبر الموجودين يناظرونه
اغلب عيال عمه ناظروه وكآنهم يقولون ما يشرفنا وجودك ولا مباركتك
خلف بشبح ابتسامه وهو يشوف نظراتهم وبداخله يتوعد انتظروا شوي وتابع كلامه بخبث متقن : بما انه حنا في مناسبه الله يكثر الافراح علينا وعليكم
أبغى أبلغكم وافرحكم معي !
الكل ناظروه باستغراب وعدم راحه لكلامه ؟!!!
تابع كلامه وهو يشوف نظراتهم : ولد عمي ابو راكان قبل يومين خطب اختي على سنه الله ورسوله
وانا وافقت واتفقنا نعلن الخبر بهذي المناسبه !
وترى يا اخوان كل الموجودين معزومين في بيت عمي ابو راكان باكر بعد المغرب على الملكة !
صمت خيم على الحاضرين وكل الانظار على عيال ابو راكان !
***