تحميل رواية «أحملتني ذنبا ليس لي» PDF

للكاتبه مريم السعدي

اسمي  فرات شاب من الميتم عمري 18هالسنه سادس واللي بالميتم مقصروً ويايه من كلشي هاليكدرون عليه نجحت وطلعت معدل هندسه هدفي وطموحي للاسف كان الانتقام

يعني درست ونجحت وعشت كل يوم من ايام حياتي لاجل الانتقام لوالدي ووالدتي

والدي كان محاسب بشركه اهليه كبيره وصارت خربطه بالحسابات ونقص كبير بالمبالغ والدي كان المتهم الاول وهو كان جدا امين وللاسف اثر ذلك توفى متحمل الصدمه واصابع الاتهام وميكدر يدافع عن نفسه توفى اثر سكته قلبيه والدتي توفت وراه بست اشهر متحملت بقت مريضه لحد ماتوفت وبقيت اني كنت بصف رابع ابتدائي من بيت لبيت لحد ما ذبوني بالميتم بعد وفاة جدي وبيبيتي ومنا بدت حياتي وبديت هدفي اني انتقم من المدير مال الشركه اللي اتهم والدي وبالفعل درست جامعه وكنت جدا متفوق ومتحمس وكل هدفي اطلع الاول حتى يكون عدي وضيفه ويصير عدي ضهر وبالفعل كنت الاول على اربع دفعات وصرت معيد بالجامعه راسن ونطوني قطعه ارض كدرت ااجر شقه صغيره جدا لاول مره بحياتي اكون مستقل جان احساس مو اعتيادي ومن باقي الراتب شوي شوي كمت ابني بالقطعه ردت مستقبل لان ضاع مستقبلي بوفاة والدي وبعده هدف الانتقام ببالي عدي اوراق اعرف بيها الشركه وين ومنو صاحبها المهم بديت كل يوم اروح ادرس بالجامعه وعجبني ادرس ماجستير وي التدريس وبالفعل رجعت اقره ماجستير حته الراتب يعلى وره سنتين اخذت الماجستير وعلى راتبي كملت القطعه بيت صغير كلش حلو تحولت بيه مستقر حاليا تفرغت لانتقامي جنت افكر واخطط وابرمج الخطط وافكر منين ادخللها على كلا لكيت مدخل اني مهندس واستثمر الشركات اني اشغلها بافكار مني واذا عجبتهم نوسع الشركه وبالفعل بديت باول خطوه وقدمت على مقابله وي المدير تفاجات من قابلته انه كان شاب

من عمري او شوي اكبر

فرات- توقعتك اكبر يمكن جان والدك يدير الشركه قبلك

المدير- لالا عمي ابو زوجتي وهو متوفي

فرات- تحسفت للاسف مات جان مفروض انتقم منه

المدير - تفضل شنو فكرتك

فرات- بديت اطرح افكار بلكن يرفض اني بعد تورطت ردت اعوف ةلشي واطلع اذا ابو الشركه ومات المن انتقم بعد

المدير - اوكي هاهي تقبلنا الفكره

فرات- الفكره المطروحه فاشله ميه بالميه شون يتقبلها من انتبهت عليه شفته مداير بال للشركه ابد بس يريد يسدها عبالك وكل حجايه وكال اخر محاوله اذا فشلت حته نبيعها عجبتني فكره اني اخذها واطور بيها روحي كانتقام لوالدي ولنفسي نطيته فكره اكثر نجاح بس ردت نسبه من الاسهم لان اني اللي راح اتعب عليها واني الي راح اروجها الشركه كامت شركه عطور

والفكره اللي طرحتها اني انه اروح وياها لوشن وغسول للجسم وتونيك على اساس انه ماركه واني اللي ادفع تكاليف الرسوم واذا نجحت اخذ نسبه 50بالميه من الشركه الاسهم وافق فورا لانه كان مايس من الشركه واذا باعها متجيب بكد 50بالميه اللي هي اسهم الراح ينطينياها فوافق لان بالحالتين خسران فاذا خسر وباع الشركه بعد مراح تجي ارباح لان انياعت وخلص قبض السعر وهاهي بعد ماكو كل شعر ربح بينما اذا جازف وشارك بمشروعي راح يجي نفس سعر البيع كل شهر اذا نجحت ايد فكرتي وكلي توكل على الله اني موجود بالبيت اذا احتاجيتني دك عليه وقع عالعقد وطلع جنت متفاجا بهالانجاز

طلعت رحت للكراج اخذ سيارتي القديمه اللي اشتريتها على كد فلوسي بعدني توني مكمل البيت فماعدي فلوس وجنت حاير شون ابدي اروح الفكره مال شركه واني ماكو امشي وافكر بقرض من البنك او اي شي يسندني والمشروع يستحق المجازفه دخلت الكراج شفت بنيه تطلع 19سنه تركض لناحيتي ترجف خايفه عفيه ساعدني

فرات- شبيج شكو منيش خايفه

البنيه- جلب عفيه عضني

فرات- جانت ميته بجي وخوف وكفت ورايه واني تواجهت ويه الكلب ضربته بركبه بقدمي وضليت اضرب بيها انهزم انداريت عليه كانت بالزويه خايفه ترجف ورجليها كلها دم وجوايبها ممزقه

كتلها لتخافين وركضت لسيارتي اني جدا مرتب وماخذ احتياطي دائما جبت عده الجروح من سيارتي وهي بمكانها تبجي وترجف نطيتها مي مسحت دمع عينها بينت عيونها رماديه تخبل بس لبسها نوعا ما فاضح كانت لابسه جدا حصر وقصير ثوب جلد وتحته جورب اسود وبوت والكلب كان كاضعا من افخاذها كصيت الجورب وعقمت الجرح كانت تتالم بس مبينتها وضمدتلها الجرح كتلها يله وين اوديج وين بيتكم

البنيه- اني هسه ارجع

فرات- انتي تشتغلين بالشركه كانت تشهك وترجف بعدها الرجفه بيها اباوع على بياض جسمها العده هيج جسم يطلعه هو الجلب متحمل كيف البشر

البنيه- دنكت مستحيه راجعه من حفله لا ما اشتغل هنا جيت على رجل اختي

فرات- هسه شون وين تردين ترحين مااكدر اعوفج جسمج كله مبين خل اوصلج واكضي شغلاتج غير يوم من تطيبين

البنيه- اومات موافقه بيتنا بالمنصور انت وين طريقك

فرات- امشي اوصلج واروح بالطريق سالتها عن اسمها كانت متباوع عليه ابد ومردت من سالتها

شفلت راديو وبعد محاجيتها من وصلنا للمنصور دلتني على بيتهم كان اشبه بقصر بس قديم نزلت شكرتني وراحت جسمها جسم عارضه هاي لو اختي مااخليها تطلع من البيت

وشكلها يخبل شعرها كاري بس كلش حلو عيونها رمادي بقه شكلها ببالي ضحكت اني وين وحت صرت افكر بنسوان

رجعت قدمت على قرض وافقو عليه بعد اسبوع رجعت رحت للشركه ودخلت لمكتب المدير جانت بس السكرتيره تفاجات ماكو مدير صار اسبوع ميداوم بديت الشغل وخابرته وكلي كمل كلشي اني من يصيرلي مجال اجي طلع العينتين يسوق مخده يعني تمبل ميريد يشتغل يريد عالبارد واني هذا الرايده بديت بشغلي وهو مسويلي وكاله ب50بالميه الشركه كانت شبه واكفه الهمال فقط12واخد موجود وكاضيها حب وجكاير وعلج وجاي وجذب من دخلتها صار عدهم انزل ارض جو ومحد كام يحجي كلها تشتغل المعمل رجعو فتحو هو معمل انتاج صغير  ينتجون بي العطور جددت وكبرته ودخلت بي اليات للوشن والغسول والمعطر والتونيك جنت جدا متحمس ورجعت بقيه العمال اللي تم فصلهم لان ميكدرون ينطوهم الراتب وسويت كل معطر ويا مجموعته سعره جان جدا مناسب وراس الشهر انزله للسوك اتصلت بيه استاذ بعد يومين انزل المنتج للسوك اذا تكدر تمرلي للشركه جاوبني اني ببيروت اسبوع اليجي اجي واخذ ارباح اذا نجح الشغل جنت متفاجا هذا شون جان لازم الشركه قبلي سديت التلفون اضحك  والله يا الله رفعت راسي لكيت البنيه العضها الجلب كبالي متخصره ووجهه عابس منو حضرتك وشتسوي بغرفه المدير

فرات- اني هاي شايفها قبل بس وين مااذكر ضليت اباوع كانت بدون مكياج ولابسه لبس محشوم بس حجابها مومضبوط بس لافه الشال ونص كدلتها طالعه جاوبتها اني المدير

البنيه- شنووو وانت منين بله

فرات- اني عدي عقد بنص الشركه وعفتها وطلعت جرتني من قميصي قميصي تشكك باوعتلها بغضب عصرت ايدها انتي منو حسيت اصابعها تطكطك جوه ايدي ضلت تتالم دمعت عينها ابتسمت هاي انتي العضج الجلب بس شفت دمعه عينها ولونها عرفتها من جانت بالمكياج تختلف بس دورت عيونها عرفتها منو ضحكت هاي شنو حجاب وكذا هسه اني شون اطلع بره بله قميصي وتشكك

البنيه- اسفه موقصدي بس عذا رجل اختي عايف الشركه وانت خبلتني تكول نصها باسمي

فرات- هاج العقد شوفي شافته ضلت متفاجاه وايدها على وجهه وتتحلف للمدير التمبل انتي منو سالتها وجاوبتني تبجي اني بت صاحب الشركه تقربت منها انت بنت محمد الراوي  تفاجات ضليت اباوع عليها مسحت دموعها

البنيه- اي تعرف بابا الله يرحمه

فرات- اي اعرفه هسه اني عدي نص ملكيه الشركه انتي عدج بيها اسهم

البنيه- اني كلها باسمي بس رجل اختي عده وكاله هسه اني عمري 18مفروض اخذ الوكاله بس مدا الكاه وباوع عالشركه مبقيها حطام بس هالشهر تفاجات رجعو الموضفين وسمعت صوت المكاين جوه بالمعمل شنو السالفه

فرات- اني اجيت عرضت عليه مشروع تحديث وهو وافق فورا واني هذا مشروعي تفضلي ويايه شافت المنتجات الجديده تفاجات وابتسمت

وشافت المنتوجات سعرها رخيص واني منزل اعلان صار شهر لمنتجنا وبعد يومين يدخل الاسواق من هسه الحجز الحاجزي اهل الجمله اللي بالمخزن مخلصيها هسه دنسوي وجبه جديده وهم محجوزه كلها

البنيه- ضحكت اني بزمان ابويه مشايفتها هيج تشتغل

فرات- هاج جربي وانتي اول زبونه عدنا تجرب المنتج وكوليلنا رايج باوعتلها اتفحصها تذكرت بياض جسمها وافخاذها

البنيه- شكرا

فرات- شاورتها بس لتخلي عالجرح تره موزين صدك شون صار يحتاجله تضميد اني بالخدمه

البنيه- انت شكد متستحي دنكت ورحت للبيت

فرات- ضحكت فات من يمي واحد استاذ شنو هذا قميصك متعارك انداريت عليها لا عضني جلب هههههه

البنيه- انداريت عليه خزرته ودنكت ومشيت

هسه بعد اني اعرفكم

اسمي نور وعمري 18ونجحت من السادس معدلي 77دخلت اداره واقتصاد حتى الزم شركه والدي عدي اخت وحده واخ من ذوي الاحتياجات الخاصه (منغولي) والدتي تزوجت بعد موت والدي سنتين وعافتنا اني حاليا ببيت اختي ورجلها هو كافلني لان بعدني ممعديه العمر القانوني رجل اختي ميحب الشغل من وره وفاة بابا صار شغل الشركه كلش رديء والموضفين بس كاعدين كلشي ميشتغلون بس ردت اعديزالعمر حتى الزم الشغل وطلع واحد اخذ نص الشركه اختي اخذت غير املاك من والدي بيتين ماجراهن والدي وتاخذ اجارهن واني اختاريت الشركه لان روحي بيها جنت كلش متاذايه من سمعت احد اخذ نصها تدمرت بس من شفت الشغل ارتاحيت ماعدي سيوله اسوي نفس هالتحديث والحمد لله باجر الافتتاح

الصبح بدلت ولبست كلش حلو ورحت للشركه لاكيت المدير الجديد الما اعرف حتى اسمه بالكراج والكراج كان فارغ تقرب مني

فرات- صباح الخير انتي شنو محجبه لو مستحيه لو شنو حجابج مطلعه كدلتج وضامه شعرج

نور- انت شعليك همست ودنكت ومشيت من يمه

فرات- تعاي بابا تعاي شنو هالتنوره الكصيفه عدي موضفين جايين يشتغلون موجايين يتفرجون عالمديره لبسج حسني لخاطر تراب ابوج

نور- من ذكر اسم بابا دمعت عيني وكفت كدام وحده من المري مال سياره وفكيت حزام التنوره الحاز على خصري ودخلت شعري بالشال وعدلته تقرب مني يباوع

فرات- تقربت منها اباوع عفيه تسمع كلام ابتسمت باستهزاء وصارت ريحتها تارسه نفسي هاي شنو الريحه مال منتوجنا الجديد غاسله بيه

نور- دنكت دفعته على كيفي شويه من طريقي

فرات- عمي اني اضمنلج ارباح عاليه بداخلي سطرتني ريحتها تخبل وهي هم كلش حلوه اثارتني هزيت راسي اطرد الافكار ورايه شغل كومه مشت كدامي وامشي وراه اراقب تمايل خصرها كلها اغراء تجذبني مشيت كدامها تعبت من مراقبتها دخلت وافتتحنا الشركه بحلتها الجديده واني كنت مسيطر بينما بنته متعرف شنو تجاوب اجاوب عنها الصحافه لان بعدها كلشي متعرف عن الشغل وصارت كل مايسالوها توكف خلفي وعيونها نضرات توسل اجاوب عنها

كملنا اللقاء الصحفي ووزعنا المنتج عالوكلاء جانت الارباح عجيبه بحيث راسن اشتريت سياره وخليت الباقي بحساب الشركه

نور- دخلت ردت اتعرف عليه  للغرفه سلمت

هلاوو شونك مبروك النجاح ومديت ايدي اسمي نور

فرات- ابتسمت اهلا وسهلا مديتلها ايدي فرات اسمي وكعدنا ضليت اباوعلها شنو رايج بالارباح

نور- فوك التصور وبعدني ممصدكه خالرقم الخيالي

فرات- بعدج مشتيفه شي عدي افكار بس بعدها دتتخمر

نور- ههه انشاء الله وره هالنجاح صراحه واثقه بيك شنو مكمل انت

فرات- اني ماجستير هندسه استاذ بالجامعه انطي محاضرات دنكت وعدي طموح اخذ الدكتوراه وانتي

نور- سنه اولى اداره واقتصاد جامعه بغداد

فرات- موفقه رجل اختج وين ميجي بعد اخذتي الوكاله

نور- لا ميجي بعد اخذت الوكاله موكافي دمر الشركه عدك خوات اخوه سالته بدون مقدمات

فرات- قطبت حاجبي مستغرب ههه شنو هالگلبه لالا ماعدي وحيد امي وابويه الله يرحمهم

نور- الله يرحمهم بس عبالي اتعرف على عائلتك

ماعدك احد غيرهم

فرات- تنهدت وكملت كلام انيي تربيت بميتم بس اعرف والدي ووالدتي يعني رحت للميتم جنت صف رايع ابتدائي

نور- خليت ايدي على حلكي متت قهر الحمد لله صرت هسه رجل اعمال

فرات - الحمد لله باوعتها بداخلي الفضل لابوج سالتها شيصير نسيبكم منكم غريب لو كرابه

نور- ابن عمي ووالده كان يشتغل لهذا ابويه خلا يكفلني لان جان يشتغل ويعرف الشركه عباله مراح يخليها تتدخور الله يرحمه مات وباله يم اخويه الاصغر مني لهذا خلالنه الشركه والبيت الكاعدين بيه لاخويه

فرات- عدج اخ استغربت

نور- اي عدي بس ذوي الاحتياجات الخاصه

فرات- انصدمت فتحت عيني زين منو داير باله عليه

نور/ اني ومخليتله ممرضه الحمد لله مدبرتها

فرات- والدتج عايشه

نور- اي ومتزوجه ومستقره بانقره

فرات- ضليت ساكت البنيه حياتها هم صعبه مو مال انتقم ابد سكتت شفتها صفت بالكاع عبالك تريد تحجي شي بقيت ساكت انتضر

نور- ااا شسمه بس سوال

فرات- جواب قدمت الكرسي وكعدت بغرور انتضر اسالتها

نور- انت تبقى ماخد ال50بالميه اسهم لو يصير اشتريهن منك

فرات- اي يصير ابيعها الج بس ماريد ابيعها شفتي مني شي مو زين

نور- لالا حشاك بس صعبه عليه حصتي تروح نصها فاذا ردت تبيعها بيش متريد اني استريها

فرات- مستحيل ابيعها

نور- ليش مستحيل يعني

فرات- اااماريد ابيعها اني لكيت نفسي هنا

نور- براحتك اي شي جديد انصل بيه

فرات - دتطلع سالتها مرتبطه من دون مقدمات ضلت صافنه عليه جاوبت

نور- اي بس هو حاليا خارج القطر مخطوبه وخطوبه اسميه يعني حتى حلقات ملابسين يكمل دراسه ويجي يخطبني

فرات- زين يكلمج لو مقطوع

نور- لانوبات يكلمني من يصيرله مجال

فرات- هزيت راسي بهدوء فرصه سعيده نور انشاء الله مو اخر نجاح

نور- انشاء الله طلعت بس ضل شكله ببالي اكتافه العريضه وجسمه ووثوقه من نفسه عجبني 

وصوته الخشن رجال بمعاني الكلمه

فرات- شون حبابه ومطيعه معقوله هيج اب تجي هيج بنيه صدك لو كال يخلق من ضهر الفاسد عالم لميت غراضي ورحت للجامعه عدي محاضرتين رحت للكراج تلاكيت وياها ها شو واكفه

نور- انتضر الخط اروح للجامعه

فرات- دمشي ويايه اني رايح انتي مو جامعه بغداد

نور- اي اي

فرات- نفس الجامعه اني هم تفضلي

نور- خومبيها احراج

فرات- لايابه احنا زملاء عمل تفضلي فتحتلها البابصعدت وسديتها صعدت وشغلت وطلعت كلسا اباوع عليها ترحين بهاي الملابس للمدرسه

نور- اي شبيهن

فرات- لاهيج

نور- احجي بيهن شي

فرات- يابه كلش كصيفه خومبينه هاي شون تمشين بيها بنص الجامعه متعثرين وتوكعين من عيون الشباب

نور- ضجت كتله اوكف اطبك يم بيتنا

فرات- متداومين لعد

نور- لا ابدل واجي باي

فرات- بقيت انتضرها بالباب وره 10دقايق طلعت

نور- تفاجات بي بعد ينتضر فتحت باب السياره هاي شنو بعدك تنتضرني

فرات- اي يله خلنروح تاخرنا باوعتلها بتعجب جان ملابسها كلش مرتبه وحلوه وتخبل عليها اي هسه تمام

نور- شكرا

فرات- بس انتي جدا مطيعه متتعبين نيال خطيبح

نور- امنيتي واحد ينصحني اذا تعزني اعتبرني اختك اي شي غلط لاخليني اسوي

فرات- باوعتلها متعجب مشايف هيج شي اني اللي اعرفهم كلها دةولك حريه وشخصيتي وهالسوالف باوعتلها باتسامه بسيطه اذا هيج تدللي شغلت اغاني وشوي عليتها يعجبني دور المراهق اني معايش حياتي هسه داعيشها

نور-سديت الجامه لان مخازي ينسمع صوت الاغاني اني اخجل اجذب نضر

فرات- ليش سديت الجامه بردتي

نور- لاعيب خاف احد يسمع

فرات- شيسمع الاغاني

نور- اي يجذب نضر اخجل

فرات- نصيت الاغاني مقتنع بحجيها ومتفاجا شنو هالمكون هذا وصلنا وكلمن راح لكليته كملت محاضرات ورجعت للبيت ارتاح نسيت نور جنت اسوي عشه ومرتاح كلش دااكل اباوع على انجازاتي البيت والسياره والجامعه واخر شهرين الشركه ربك من يريد يفرجها يفرجها تذكرت نور وسوالفها وحجيها لزمت التلفون اخابرها بس شوي متردد اخر شي قررت دكيتلها دكتين وردت

نور- الوهلوًفرات شونك

فرات- هلو نور شخبارج اليوم بيش ساعه طلعتي

نور- ب2وي طلعتك شفتك كدامي طلعت بالسياره

فرات- ليش مخابرتي جان طلعنا سوه شون رجعتي

نور- عدي خط ورجعني عادي

فرات-شكو ماكو شدسوين مدسوين

نور- والله كاعده وي اخويه دناكل بيتزا تعشيت لو تتفضل يمنا

فرات- باوعت على ماعوني مطيره نصه كتلها لاوالله بعدني ومااشتهي جيف وحدي

نور- تعال تعشى يمنا لان عدي اوراق اريدك تشوفها قبل لتروح للشركه الباجر

فرات- زين 5دقايق واني يمكم مو تخلصون الييتزا عدكم ببسي لو اجيب

نور- لالا موزين مسويه عصير ليمون

فرات- ضليت صافن ماشي عمي حتخليني اغير كل نمط حياتي هاي لبست تراكسودي ورحت اني بيتي بالشالجيه يعني قريب عالمنصور وصلت نزلت للبيت دكيت الباب طلعتلي هي بدشداشه وحجاب جانت جدا بسيطه فتت وكعدت يم اخوها خطيه يقهر عمره ب23سنه ودياكل ابتسملي اني هم ابتسمتله تحسه ابيض داخله كعدت اكل البيتزا وياهم ونور هم ويانا البيتزا جانت روعه

نور- بالعافيه

فرات- من يامطعم توصون

نور- لا والله اني اسويها اني مااطلب من بره اخاف على احمد يتمرض

فرات- هنا بس انتي واحمد عايشين والممرضه

نور- اي واختي ورجلها بس حاليا مسافرين

فرات- وشون تباتين وحدج

نور- عادي ليش شكو اذا عالحرامي اكو 2حراس بالباب

فرات- ماشي الله يحفضكم

نور- تسلم اي باوع هاي الاوراق مال حسابات القديمه كلها مورخه وهاي الجديده شوف ارتفاع النسبه شكد وهاي العقود مال اهل الجمله اليوم من طلعنا جتي وجابها ابو فيان المحاسب وقعهن اني وقعت

فرات- اباوع عليها حلو راسن اخذت عالشغل ونطته حقه تعرف قيمه الشركه رغم هي صغيره بس تفتهم

نور- شو صفنت شبيك

فرات- ها اي هسه طيني  قلم وقعتهن ونطيتهيا كامت غسلت لاخوها واني داباوعها وراحت نيمته شوي وجتي

نور- هاي شنو شجايب بالجيس

فرات- شوي كرزات اضوج اجي ايد فارغه ابتسمت سالتها موصعبه عليج مسووليه احمد

نور- اخويه ومااتحمل احد ياذي بحجايه شسوي لعد دمعت عيني لوهو مبي شي جان لزم الشركه وجان مخلاني احتاج شي رفعت عيني بعينه تفاجات شفته مدمع شبيك سالته متفاجاه يمعود اني سهله عليه الله يعين الممرضه من الصبح للضهر واني استلمه وراها

فرات- انتي تركيب غريب تدرين

نور- اني اعتياديه وجوه الاعتيادي اصلا نزلت نضري عن عيونه

فرات- نور الله عليج شتحتاجين دكيلي اني هنا بيتنا بالشالجيه دقايق واكون يمج

نور- تسلم مخليتك للصعبات مخلي ايده على خده وصافن عليه صفح نزلت عيوني واني متفاجاه من روحي ليش هالميانه نطيتهيا

فرات- ضلينا ناكل كرزات ونتفرج مسلسل صارت ب10تفاجات شبسع صارت الساعه10

نور- اي والله مشت بسع كل يوم متمشي

فرات - كل يوم اجيكم لعد وضحكت

نور- دنكت هله بيك تونسنا والله

فرات- لا اتشاقه يله اترخص اني

نور- اباوع من وره على اكتافه بالتراك تجنن هالاثناء دك التلفون الو ها حسام شونك الحمد لله زينه

فرات- ضليت اباوع عليها منو هذا

نور- اي لا عادي اي خوش ارباح صارت بيها اي اي ماشي الله كريم سديته وباوعت لفرات

فرات- نسيبج

نور- لا خطيبي ههه يسال عن وضع الشركه الضاهر سمه بيها انجاز وخابر وكلي من اجي اخليج مرتاحه متشتفلين

فرات- الله يسهل محتاجه شي

نور- لا تسلم الله وياك

فرات- طلعت وافكر شون حجت وي خطيبها وهي مودائما تحاجي يمكن متحبه رجعت نمت وتذكرت والدي ووالدتي والميتم باجر ادزلهم فلوس ونمت 

الصبح رحت للشركه  وتلاكينا اني ونور ابتسمتلي

نور- لازم البيتزا ثكلت على معدتك خلتك تكعد متاخر

فرات- هههههاي لا والله نضفت وجيت

نور- شنوو انت تنضف ماعدك خدامه

فرات- لالا اضوج اتقيد مااخذ راحتي

نور- ها يله عيني اجتماع عدنا بعد 5دقايق

فرات- عدي الج مقترح حيعجبج تعاي قبل الاجتماع خل اكولج حته متنصدمين

نور- يله اسمع شنو مقترحك

فرات- كنينس مرطب لازاله المكياج ماركه شركتنا  شنو رايج

نور- حلو الشهر الجاي نبلش بي ويكون بقوطيه مرتبه وبي مواد كريميه حتى مياذي البشره نايس عاشت ايدك

فرات- دخل ناخذلنا فره عالمكاين دخلنا للمعمل وضلينا نفتر نور جلبت هدومها بوحده من المكاين اندارت تشكك ثوبها وطلعت رجلها لزمت الثوب وركضت للغرفه مالتها

فرات- شوي ودكيت الباب عليها محتاجه مساعده هاي اني خليت عيني عالثوب لان كلش حلو ولايكلج حسدته

نور- فرات نزيف ومديوكف يمكن صاير على وريد

فرات- صدك تحجين باوعت الغرفه كلها دم لج كومي شمنتضره شديت رجلها من فوك الملابس وديتها ركض للمستوصف الدكتور كال الجرح باله جارحه ملوثه لازم يتعقم ويتنضم ويسويلها كوي بالوريد لان عالوريد مثل مكالت الدكتور يريد يعالجهاوعي خجلانه منه

سالت شنو ماكو دكتوره كلتها بنتره محاس على روحي الدكتور هسه تجي الدكتوره

نور- دنكت خجلانه

فرات - مسحت الدم عن رجلها مخجلت مني رفعت راسي شفتها مدنكه بس ممانعتني اداويها لان مو اول مره  رشيت المعقم وانضفت الجرح ضغطت على ايدي عفتها تضغط نبتت اضافرها بساعدي ضلت تتوجع كملتلها تنضيف ومسحت الدم عن رجلها باوعت بعينها هاي مكان عضه الجلب موو

نور- اي همست خجلانه من عيونه

فرات- شديت الجرح ومدااكدر امنع نفسي من النضر الها ولجسمها كملت وجبت دنابيس ودنبست الثوب على طوله حته متطلع رجلها كتلها يله كملنا وخرت ايدها من ايدي باوعت عليها

نور- عزه هاي شسويت بيك اسفه والله

فرات- يله ميهم اجتي الدكتوره كنالها ميحتاج عالجنه الوضع ووقف الدم رجعتها للبيت تبدل نزلت انتضرها بالهول مالتهم بيتهم مرتب ونضيف كلش معقوله هي تنضفه واخوها جان كاعد يتريك وي الممرضه طلعت نور وطلعنا للشركه صعدت بالسياره

فرات- ها شونج

نور- لا الحمد لله احسن بهواي يله خل نروح

فرات- يخبل عليج الثوب هذا بس كون ميصير بيج شي

نور- عيونك يمعود هالمره تنكص رجلي

فرات- اسم الله اكلج شنو تحجبتي  من شوكت

نور- والله وره عرس صديقتي وانت كتلي هيج الحيوان هجم الانسان شيسوي كمت البس طويل وشوي شوي انضبط حجابي بفضلك وبفضل الله

فرات- عفيه عليج والله حرامات الغريب يشوف شعرج وجسمج

نور- صح وصلنا واخذنا الاجتماع وتم البدء بالعمل جنت مكيفه ومتحمسه لافكاره

واشوفه بشكل يومي تقريبا وكلش معجبه باخلاقه وعمله

فرات- شاكلها توافق عليه واثقه بيه بشكل موطبيعي وتاخذ رايي بشغلات هواي

نور- الو هلو فرات اكولك بس استفسار

فرات- اي كولي

نور- اريد مدرسه مال مثل حاله احمد بس فد شي زين مااعرف وين اودي حايره ماعدك معلومات

فرات- هسه اشوفلج تحضري حاي عليج متداومين اليوم

نور- لا هسه يجيني الخط

فرات- لا لتروحين ويا حمر عليج

نور- ماشي مكمله اني

فرات- وصلت وصعدت بالسياره باوعت على لبسها يخبل ابتسمت

نور- شبيك شو تضحك

فرات- معجب

نور- هههه شكرا

فرات- شخصيتج متتكرر

نور- شكرا يله خلنروح تاخرنا

فرات- امشي وعيني عليها فريده من نوعها

نور- مدري شبي اليوم بس يباوعلي نضرات غريبه بعد مااخلي يوصلني

فرات- نكمل محاضرات اني ب12اروح للشركه

نور- اني هم اروح ب12

فرات- نروح سوه لعد حتى نشوف وين وصلو بالشغل اني لازم واحد بالشهر اسلم البضاعه لاهل المخازه واليوم 16يرادلنل شده

نور- اي والله كملنا المحاضرات وخابرته ها كملت اني نروح

فرات- اي جايج بالكراج مال جامعه

جنت جايب ويايه لفات لان جعت كلش من صعدت السياره نطيتهيا وبدت تاكل مبين هي هم جاعت

نور- الله تخبل اللفات شكرا جنت ميته جوع

فرات- اسم الله وباوعتها بطرف عيني بابتسامه

نور- انت شبيك اليوم

فرات- يابه ميصير اتفرج على خلقه الله الله واكبر

نور- اخجل لتباوع تره ماخليك توصلني بعد

فرات- ماشي دخلنا الشركه وبدينا نشتغل عالعقود لل4محاسين على روحنا الا والموضفين نصهم طلعو كمنا دنشوف الشغل وين وصل بالمعمل جان اضلم شغلت الضوه وافترينا اني وياها الشغل جان اكثر من ممتاز هنا وطفت الكهرباء لزمتها تعاي يمعوده خاف تتعورين

نور- لزمني وسحبني اله مااعرف شصار بيه

فرات- سحبتها من ايدها وصارت قريبه مني عطرها دوخني واني بحياتي ماعدي وحده قريبه هالحد تقربت اكثر اسم عطرها حست بيه

نور- همست دتسوي

فرات- اشم عطرج للن ريحتج تخبل

نور _البركه بمنتوجنا هههه

فرات- لا ريحتج هاي تقربت اكثر حسين بيها رجعت هالحايط واني ارجع وياها قربت انفي من ركبتها هي متشوفني بس تحس بيه

نور- فرات كافي خل نطلع منا همست وصوتي يرجف

فرات- اي اي تقربت اكثر على شفايفها نفسها بوجهي صار

نور- ديجذبني اله ومدا اكدر امتنع عنه نفسه من صار قريب ذبت تقرب اكثر خله شفايفي على شفايفه شوي ورجع جتي الكهرباء ضل يباوع بعيني واني مكدرت افارك عيونه

كتله ليش عيج سويت اني ماعدي غيرك حاليا اي شي اخابرك الك هسه بعد مااكدر

فرات- تندمت بستها من راسها اسف ومتتكرر بعد

نور- هزيت راسي موافقه طلعت كدامه لزمني اوكفي لتتعورين بالمكاين طلعنا وصلنا المكاتب فارغه

فرات- يله نطلع فرغت الشركه اخاف عليج مني ابتسمتلها

نور- يمعود اني كلي ثقه بيك

فرات- بس انتي متعرفيني ايش هالثقه

نور- مااعرف ولتسالني المتاكده منه انك مراح تاذيني وخلص

فرات- هههههه ماشي وصلتها لباب بيتهم تفاجات نسيبها جاي ويه اختها نزلت سلمت عليهم واني هم نزلت تسالمت سالني عالشركه وكتله عاللي صار وكلتله نور انها لغت الوكاله كلها براحتج وعفتهم ورجعت بالبيت تفكيري كله بدفو شفايفها وهمساتها تعشيت وتمددت  احاول انام مكدرت اتصلت بيها ردت اسمع صوتها جانت ب12بليل

نور- الو

فرات- هانورنايمه

نور- توني دااتمدد

فرات- ها شونج

نور- زينه ماكو شي جديد

فرات- نور بس ردت اكولج مدااكدر انسى اللي صار بالمعمل

نور- سكتت بداخلي اني هم جنت داافكر

فرات- لتسكتين اني مدااكدر امنع نفسي منج

نور- فرات اني حروح انام باجر ورايه كعده

فرات- اعتذر تصبحين على خير وسديت المكالمه كلش اختنكت ليش كتلها البنيه مخطوبه

نور- ليش هيج سويت بس كان لازم اني مخطوبه ميصير هيج اسوي

الصبح توجهت راسا للشركه قبل ليجي هو دخلت المكتب المدراء وكعدت اوقع العقود مال اهل الجمله والمنتج الجديد ديشتغلون بيه

تاخر فرات ضل بالي باوعت الساعه صارت 9الل ثلث ضل بالي دكيت عليه ميرد وره شوي دك التلفون

نور- الو تفضل

المتصل- الو عفوا صاحب التلفون تعرض لحادث سير ممكن تتفضلون للمستشفى

نور- ضل بالي عليه كلش وماعده احد ركضت للمستشفى هو كلش رزن بسياقته شون سوه الحادث وصلت نزلت ركض للمستشفى دورت عليه كلولي بالطوارئ وره شوي طلعو مضروب بصدره عضم الترقوه مكسور والباقي رضوض الحمد لله دخلو لغرفه 2 دخلت عليه كان بعده بالبنج تقربت منه مسحت وجهه بكنينس منتجنا فتح عينه صاحني قبل ليشوفني نورنور

تفاجات ابتسمتله الحمد لله عسلامتك موجوده يمك اني لزمت ايده ضغط عليها ابتسم

فرات- هلاووو عبالي بعد ماشوفج

نور- عمر الشقي بقي رفعت صوره الكنينس الرطب باوع نزل منتوجنا وانت اول واحد تجربه

فرات- الحمد لله شكو ماكو

نور- باوع العقود باجر اجيبها الك وقعها

فرات- اني مضروب باليمني شون اوقع لازم ابصم

نور- شون سويت الخادث انت سياقته رزنه

فرات- وحده دتسوق بت القندره ضربتني متعرفين تسوقين شكو نازله الصبح استغفر الله

نور- الحمد لله دفع الله ماكان اعضم

فرات- الحمد لله ولج عضم الترقوه شيطيبه

نور- يطيب بس كول ياللله

فرات- ياالله نور جوعان كلش يصير اكل

نور- هسه اسال الطبيب واجيبلك ريوك سالت وكالو يصير سويتله ريوكه ببيتنا ورجعت للمستشفى حته يتريك

فرات- راحت نص ساعه ورجعت بيدها اكل

نور- دخلت وبيدي اكل كام يبتسم هله هله بالاكل ضحكت فتحت المواعين يله خلناكل خليته كدامه باوعلي بتوسل راح اتعبج

فرات/ خجلت خلته كدامي اخجل اكولها وكليني

نور- متكدر مويله هسه اني اوكلك

فرات- باوعت بعينها شكرا نور ماعدي غيرج

نور- نور ولا اني والله نسيبي بس طي سفرات وونسه انت تساعدني واساعدك لحد ما يرجع خطيبي

فرات- تغيرت ملامحي وبين عليه دنكت ودفعت الماعون

نور-وجهه انكلب ودفع الماعون واخذت لكمه بالجطل ونطيته وصلته يم شفايفه رفع عينه بعيني فتح حلكه واكلها عجبه الطعم

فرات- تحبي

نور- منوخطيبي

فرات- لا امي الله يرحمها طبعا خطيبج

نور- تنهدت مااعرف بس مني وبيه وبابا نصحني اتزوجه فخلص معناها حياتي ويا تكون للاحسن وشغله 2ابن عمي الوحيد اللي يكدر يتحمل احمد

فرات- ليش يعني لان معاق

نور- اي طبعا

فرات- لا موبس ابن عمج يكدر يتحمل غلطانه باوعتها رافع تك حاجب اريدها تكلي منو حتى اكولها اني اتحمل

نور- يله اكل خل اجيب البصمه دنوزع المنتج حتعطل شغلنا غيرت الموضوعلان اني متاكده من هالشي بس ابن عمي يتحمل ابن عمه المعاق

فرات- يله ماشب كملت الريوك  وطلعت من المستشفى العصر نور وصلتي وي خطها لبيتي دخلت متعجبه اشوف بعيونها التعجب سالتها شنو رايج

نور- كلش حلو مجكنم ومرتب

فرات- اي تعب سنيني ذبيته عليه

نور- بالعافيه بس حتى نضيف خدامه تجيب

فرات- لالا اني انضف  جنت طبعا هسه تصكطت

نور- ماعدك احد هسه شون

فرات- والله مااعرف شون حتكضه السبوعين

نور- اني اجيك الصبح وارجع بليل لتشيل هم

فرات- هله بيج واكون ممنون

نور- كمت حضرتله عشه والهدوم وهو مجبرها لايده ميحركها واكف ويايه يدليني عالغراض بالكوه يمشي خطيه موعد الحبوب والعلاج بعد 10ايام نفتح التجبيره صارت ساعه ب12بله فرات اني حروح هسه السايق حيجي محتاج شي

فرات- مااعرف شون اشكرج البيت كام يلمع والعشا يخبل ممنون منج

نور-لتكول هيج احنا واحد يساعد اللاخ مو هيج اتفقنا

فرات- هههه ماشي الله وياج تعبتج

نور- باي لتحجي هيج طلعت بس بالي يمه خاف يحتاج شي بس هو هسه حينام اتصلت بليل ب2كان نايم رن ومرد عليه

فرات- نمت بعدها لان جنت جدا نعسان

نور-ب7رحت للشركه جبت العقود وكملت كم شغله وتسوكت للريوك ورحت لبيت فرات واخذت اجازه الي واله من الكليه  ورحت للبيت

دخلت للبيت كان نايم بغرفه نومه حضرت الريوك والجاي وفتت كعدته يله فرات كوم

فرات- صباح العسل شوكت جيتي

نور- صار نص ساعه كوم متريك جعت كلش

فرات- اطلعي هسه جاي

نور- لا ترجع تنام

فرات- لج بابا اطلعي مو عدج اخ وتعرفين الصبح شيصير

نور- خشيت بنص هدومي خجلانه طلعت بسع

فرات- كمت بسع لبست ورحت للمطبخ يله نور تعاي ناكل تقربت من كرسيي وبدت توكلني اباوع بعينها محد مدللني هالدلال تره

نور- عادي غير متكدر تاكل وحدك تره سويتلك مي لحم كسور مفيد للعضم وتشرب باليوم4كلاصات حليب جاموس تطيب بسع وفلوس المسواك اخذها من ربحك بالشغل مو بلاش عيني

فرات- عمي تدللي الريوك يخبل تره

نور- عافيات يله تقوى حتى ترجع للشغل عفيه مدا اكدر بوحدي والموضفين ديتكاسلون واني بنيه مدااكدرلهم

فرات- باوعتلها عيونها تجنن من تتوسل هسه اخابر عالمحاسب يسوسلهم شده

نور- ماشي كملت شغلي وكعدنا نوقع العقود ونشتغل

اتصل خطيبي الو ها شونك الحمد لله اي رجع هو واختي شكرا لاعادي انت شونك سمعت صوت بنيه يمه ضحكت كتله متونننننس كلي لا هاي هيج زميلني بالجامعه والسكن يعني ساكنه وياك سالته جاوبني اي اي هنا عدهم عادي يله بعد سنه ارجع والزم الشركه واخليج ترتاحين يله باي

فرات- هاي خطيبج

نور- تنهدت اي وبالي مشغول

فرات- شنو شبيج تغارين عليه

نور_ مو مساله غيره بس حالته غريبه كلما يخابر يكلي من ارجع الزم الشركه

فرات- هو يعرف الشغل ومشتغله لو مثل نسيبج

نور- طبعا يعرف ابو كان المحاسب السابق للشركه عمي وتوفه قبل سنتين

فرات- من كالت محاسب سابق رجف جسمي يعني بمكان والدي سالته من ياسمه لازمها

نور- من سنه ال90 المحاسب السابق اغتلس اموال وبابا هلاه بمكانه

فرات- متحملت حجايتها كمت من عالميز يله نور تكدرين تروحين للبيت اخوج محتاجج كلتها بنتره

نور- شون اعوفك محد يمك شفت وجهه تغير شبي هذا هم ديغار فرات شبيك

فرات- صحت بيها مبيه شيييييي روحي هسه انتبهت عليها فزت وقطبت حاجبها ماشي رايحه لتصيح اخذت جنطتي وطلعت مقهوره منه ومااعرف شبي وتوها ب3شون حيكضيها ببحده

عفته ورحت للبيت وي احمد واختي ضلينازنسولف واني بالي مشغول بي

فرات- دخلت للحمام اغسل نص جسمي صار3ايام مسابح تحركت زايد وضلعي وكتفي كام ياذيني اتصلت بالطبيب كلي هذا دهن موجود بالكيس ادهن بي كتفك الثاني لان هم بي رضوض فكامت تاذيك مدا اكدر ارفع ايدي وادهن جسمي كعدت تعبان مدااكدر احمل الالم ولازم ادهن لان الحاله حتتفاقم واني اريد اطيب اتصلت عليها مضطر ماعدي غيرها

نور- الو فرات ها بيك شي

فرات-نور مدااكدر اجر النفس دياذيني كلش تعاي بس دهنياي كتفي وروحي اسف ابتليتي بيه

نور- لا عادي هسه اجيك دزيت عالسايق عشر دقايق اني ببيتهم لكيته متمدد عالقنفه ووجهه اصفرً

فرات- اجتني بهدوم البيت ابتسمت نور ديموتني كتفي بس دهني اسف صيحت عليج

نور- ماشي كوم للغرفه هنا بارده رحنا لغرفه نومه واخذت الدهن جبت مكص وكصيت تيشرته الجان لابسه لان مينزع

فرات- خجلت منها من دتنزعني وصار 3ايام مغاسل ريحتي مطيبه كتلها

لتتقربين نور ريحتي مطيبه مغاسل

نور- باوعت بعينه وكنت قريبه من وجهه مابيك ريحه

فرات- دنكت وخجلان دااتعبها بقيت بدون فانيله وصدري عاري انتبهت عليها ارتبكت اني جسمي معضل من جنت بالميتم العب حديد بالحديقه وضهري رصدري عريض

نور- جسمه يشبه الي يطلعون بالتلفزيون ارتبكت وكمت مااعرف وين اودي عيوني بس اريد اكمل شغلي وانهزم بس لا انتبه عليه

فرات/ ابتعدت راحت جابت الدهن وشفت وجهه تغيرت الوانه باوعت بعينها شبيج

نور- مبي شي شكو ليش

فرات- لا هيج مجرد خلت ايدها على جسمي ذبت بدفو ايدها ونعومتها غمضت عيني ضلت تدهن جسمي برقه نفسي تسارع وهي تمشيها من ضهري لكتفي برقه لصدري وترجع تتلمس برقه حتى متاذيني بقيت مغمض عيني فتحتها واني خيالي بمكان ثاني

نور- جسمه المغري وعضلاته القويه جدبتني نسيت نفسي شفته مغمض عينه استمريت ومهلي اشيل ايدي بقيت مستمره رجف جسمي من لزمت صدره وهو هم حسيت رجف جسمه وغمض عينه

فرات- فتحت عيني خدران بلمساتها شفتها عاضه شفتها ببرائه خجل ابتسمت شبيج همست

نور- شلت ايدي وقطع سلسله افكاري ارتبكت اا شون صرت

فرات- لزمت ايدها وبستها عاشت ايدج

نور- حسيت بشفايفه على ايدي ذبت تدلل كلتها بهمس غمض عينه مرتاح غطيته وطلعت

فرات- شكرا وبيباي

نور- باي باجر الصبح اجيك من الشركه لهنا

فرات- هزيت راسي مبتسم ماشي وطلعت

ضليت افكر شون احب بت اللي من وراه والدي مات مدااكدر اتحكم بروحي اخر شي توصلت اله انه هي مالها ذنب

نور- طلعت وخيالي وفكري كولها يم صدره وتخيلت نفسي انام عليه لو يحضني وروحي تذوب واتذكر من غمض عينه

من لمسته اووف ربي طلع هالافكار من راسي

الصبح رحت للشركه والمنتج توزع ارباح هائله ورجعت لبيته جبت العقود حته يوقعهن مال تسليم واستلام دخلت للغرفه بعدما حضرت الريوك فتحت البرادي يله فرات كوم فرات

فرات- هاااا شنو هالازعاج خرب

نور- دكوم عاد تعلمت عالكسل

فرات- اي طلعي شوي واجي

نور- طلعت وره شوي اجه بصدر عاري وواثق من روحه ضليت اباوع عالشعر الللي بصدره وعضلاته دنكت يله تعال اكل

فرات- اي شوكت اشيل التجبيره ضجت

نور- بعد 5ايام

فرات- الدكتور كال كل يوم لازم يندهن 4مرات حجيب ممرضه وافضها

نور- تضايقت من كال هيج جاوبت ليش مدهنته الك زين

فرات- مو 3'4مرات باليوم احجزج يمي هم عدج مسووليات

نور- لا اني ادهنه لا منرضه ولاغير شي

فرات- باوعتلها ليش منريدين غيرج يدهنه تغارين

نور- حيييل وين رحت تخوط بصف الاستكان انت بس الموضوع اني اعرف وين الرض واعرف وانت عدك افضال هواي ويعجبني اردها

فرات- براحتج اليوم ضهري كلش ياذيني

نور- كمل ريوكك وادهنه الك

فرات- اخجل باوعتلها بمكر وابتسامه

نور- تقربت منه اني فد يوم نت شفت نص جسمي تتذكر لو اذكرك ضل يباوع بعيوني من تقربت منه وبلع ريك همس اتذكر

فرات- من تقربت من وجهه تخربطت اموري رحت للغرفه وهي خطيه ضلت تغسل مواعين وتركي وترتب شوي وجتي للغرفه كنت متمدد دوه اللي اخذه يسطر توني دااغفه واخذت الدهن ودهنت ضهري برقه اني هالمره من صدك خدرت وذبت واثارتني لزمت ايدها وطلعتها من جوه زندي سحبتها خليتها تقريبا تحضني خليت كف ايدها على صدري وخليتها تتلمسه من فوك لنهايه بطني همست وبالموه طلع صوت منا دياذيني

نور- ذبت من خلاني احضنه المشكله ادري بي ديستغلني ومرتاحه بهالشعور كتله هسه ادهنه وبقيت ادهن بجسمه 10دقايق وراها عفته ينام وكملت شغل وحضرتله الغداورحت للشركه

وبديت اطلع الحسابات من وكت والدي القديمات دااصفي المنريدها نشمرها صدفه اجتي عيني على اسم المحاسب القديم يشبه اسم ابو فرات تعجبت بعدين شلت الموضوع من راسي على انه صدفه ولان فرات مولود بميتم فكلت مستحيل كملنا شغل ورحت لبيت فرات خاف محتاج مني شي الجمد لله كانت صحته احسن وسويتله عشا وتعشيت وياه وطلعت كنا جدا اعتياديين استمريت كل يوم اروح وارجع لبيت فرات لحد مشال التجبيره وخل الحزام الحمد لله ابد مصار موقف ويايه وهو مكام يتمادى كان جدا طبيعي ويتصرف بممنونيه خجلان مني لان ديتعبني واني مرتاحه هيج رجع يداوم ويشرف عالعمل وكملت اجازتنا المرضيه من الجامعه ورجع يداوم بالجامعه الحمد لله مرت الايام الشركه تطورت الى منتجات تجميل هم كريمات تفتيح ومعالجه وشامبوهات ومكيفات الارباح صارت شبه مستحيله هو اشتره بيت اكبر وسياره ووسع الميتم ورحت اني واحمد للافتتاح مال توسيع الميتم وهناك احمد تعرف على بنيه مثل حالته وصادقهازوصارت بيناتهم صداقه كل يوم لازم يروح يمها يلعب ويقره كيفت بيهم مشت الايام عادي نجحت من الجامعه واليوم فرات عازمني ببيته على غده واني بالطريق

فرات- قررت اسويلها غده بمناسبه نجاحها وانطيها هديه تعبت هواي ويايه ذيج الفتره 

لازم ارد الجميل موضوع الاعجاب والحب شلته من راسي لان مدتتقبلني ومااحب افرض روحي

دخلت وكعدت بالهول كامت ويايه تصب حته نتغده وبينما احنا ناكل دك تلفونها

نور- الو هلو حسام شونك الحمد لله صدك خير انشاء الله الشركه كلش زينه اي لا اني مااحب اكعد بالبيت اني ابقى لازمتها هسه الله كريم من تجي نتفاهم الله وياك

فرات- كلبي انقبض راح يجي كتلها شنو

نور- حسام عكبه راجع وبعد ميروح الحمد لله

فرات- باوعتها ونفسي انسدت تره هذا داخل على طمع

نور- شنو ابن عمي وفلوسي فلوسه شنو هالحجي فرات

فرات- لعد شتفسرين كل ميخابر وكالج اني الزم الشركه

نور- يدري بيه تعبت وكالي اني الباقي عليه

فرات- براحتج مو تجيني تبجين بعدين

نور- لا لتخاف ابن عمي مراح يبجيني ضجت منه ومن دااطلع من بيته بعد ماكملنا غده جنت كلش ضايجه صاحني

فرات- هاي شبيج اني فرات تره

نور- غثيتني كلش

فرات- اوك ماعيدها بعد هاج جبتلج هديه لبستها قران صغير ذهب حتى الله يحفضج من شر كلشي

نور- شكرا ليش تعبت نفسك كلش حلو

فرات- تستاهلين اكثر بس هو مثل نزاكتج باوعت بعينها وكلبي مقبوض شون حشوفج وي غيري بداخلي صار فتره ضام مشاعري حتى متضوجين شون حكدر اضمها بعد كلشي محجيت بقيت ساكت وعيوني تحجي

نور- دنكت واعرف بيش يفكر فرات اعجابه بيه خلاه يحجي على حسام طلعت من بيته بعد ماسلمت عليه وباجر عطله مراح اشوفه اجه حسام وجنت نوعا ما فرحانه وهو هم كان فرحان وكعدنا نحجي بامور الشركه وره ساعه من جيته ونطيته ادق التفاصيل

حسام- حبيبي منا وهيج اني اداوم انتي ارتاحي

نور- ليش خليني اني مرتاحه هيج

حسام- اريد تتخرجين اني مثقف واريد زوجتي هم مثقفه اريد تهتمين بدراستج وتاخذين الماستر كذالك

نور- خوش ماشي بس وراها ارجع اشتغل بالشركه كعدت البيت مااتحملها

حسام- يجوز منا لذاك الوكت عدنا دوزن اطفال

نور- الله كريم ابتسمت حسام بده يداوم بالشركه بمكاني وكمت ماشوف فرات ومن يريد شي يتصل بيه ويسالني ويكون جدا عصبي

فرات- حسام افندي خطيب الخاتون مهمل لابعد حد ضيع الاوراق ودومه جامع الموضفات ويكعد يسولف عن بطولاته انتبهت عليه ابد مجارعني ولا اني الجارعه نزلت للمحاسبه اسحب من حسابي فلوس لكيت الحساب نور شبه مصفر وهي ممستعمله شي منه اتصلت بيها

الو نور هاي شنو حسابج حيصفر

نور- شنو منو ساحب منه اني ممستخذمه منه ابد

فرات- مااعرف شوفي الوكاله باسم منو

حسام -من اول ماقريت اسمه عرفته ابن المحاسب القديم وبابا جان مسولفليزعنه قبل ليتوفى والدي كان محاسب 2للشركه مال عمي كان يسحب فلوس من شركه عمي وعمي من اجه وشاف الحسابات اتهم المحاسب الاول اللي هو والد فرات وانحكم 10سنين بس هو توفى اثر هالشي واني من قريت اسمه عرفت انه اجه ينتقم بس جنت مغلس منتضر اللحضه المناسبه وحساب نور وفرات واحد اكدر اسحب منه بس من نور سوتلي وكاله عزل حسابه وحد ومااكدر اسحب اني العب طاوله كل يوم وكمت اخسر فماخذ واحتي اسحب من حساب نور خطبتها ولبسنا حلقات والاحد عقدنا واليوم سحبت ودت اشتري سياره كشخه تليق بمدير

اتصلت نور تسالني الحساب اشو مصفر كتلها سحبت اشتريت سياره

نور- بس هواي اني عدي اكثر من مال سياره

حسام- اخذتها ارقى موديل وانتي شنو ماعدج ثقه بيه تحاسبيني بعدين منو كلج

نور- لا حبيبي عدي ثقه بيك بس دااسال خفت لااكو شي وبالصدفه فرات شاف الحساب كلي اذا تحتاجين انطيج اني

حسام- نور صدك تعاي للشركه اكو شي خطير اريد اكولج عليه

نوز- شكو ياساتر اكو شي

حسام _تعاي وانتي تعرفين

نور- شوي واجي

فرات - جنت بالمةتب ارتب العقود وي اصحاب الجمله دخلت نور وحسام كلبي من شافها رجف مشتاقلها حيل بس للاسف مو الي هي ابتسمت هاي وينج مشتاقين يمعود

نور- تقربت خليت ايدي علميزه انت شجابك علينه وليش من دون الشركات جيت استثمرت بشركه عبد العزيز

فرات- باوعت لحسام ينضرلي باستهزاء ابتسمت ههه ليش لازم عرفتو من والدي

نور- ابوك حرامي وباك فلوس ابويه كلتها بنتره وعصبيه واني كارهته وحاسه روجي خسرت شركتي

فرات- متحملت صفعتها ابويه اشرف من ابوجً وعمج ابو حسام هو الحرامي وسبحان الله فرخ البط عوام دفعتها قوي وطلعت من الشركه مخنوك

نور- ضليت ارجف هذا اكيد جاي ينتقم حسام لتتطي اي فرصه يدمر الشركه

حسام- اذا مخليته يرجع ال50بالميه اني مو ابن ابويه

نور- ارتاحيت لحسام من كال الكلام هذا رجعت بس ابجي واتذكر من جنت وياه كل هذا جان وهم علمود انتقامه

فرات- رجعت مناذي حيل الحقير استفزني حته متصدك بيه بعد من اكولها ساحب من حسابج بس بسيط

ثاني يوم فصلت الاسهم وسويتها شركتين وسميتها باسمي ومعملي عزلته وكمت اشتغل بس الي وعفته الشركه الثانيه اله واني متاكد انه حيدمرهاًطورت المنجات دخلت مكياج ونزلت الاسعار كامت تمشي بالسوك مثل الحلم واباوع عالفرع مال نور ماكو اي انتاج جنت راضي بانتقامي بنفس الوكت خايف عليها وعلى احمد

شهرين عالفصل واجه حسام افندي لباب الشركه مالتي يريد يبيع 10بالميه من اسهم نور

طبعا مكتله ودت احذ الشركه كلها اشتريتها وطيته فوكاها علاوه لان شركتهم وكفت فد نوب فكيف بالعلاوه رحت للجامعه انطي محاضرات وبالصدفه لاكيتها باوعتها مشتاقلها ضلت تباوعلي ومن تقربت منها دارت وجهها استصغارا الي عديتهاوعفتها اني هيج تسوي بيه بسيطه

عرفت انها عقدت صرت اتخيلها تتقرب منه ويحضنها نار وتشب بيه ضليت اباوعها محاس بروحي سمعت صوت ورايه معيده ويايه بالجامعه حلوه كلش وكلاحظ انها صار فتره تريد تتقوب مني تفضلي كتلها وبعدها عيني على نور ضلت تسولف المعيده وتحاجيني ضليت اسولف وياها نور مامنها امل بالرغم من حبي الها خل اجرب احب غيرها لازم اكمل حياتي ضليت احاجيها البنيه مثقفه وواثقه من روحها حيل اخذت رقمها ردت اتواصل وياها رجعت للبيت اتصلت بيها بس اكلمها بملل وبالي يم نور

مرت الايام  ورجع حسام اجاني واباعلي 10بالميه ثانيه واقترحت عليه اشتري منه 20بالميه بسعر مغري جدا مع العلم انه شركتهم نايمه كلش وكتله انطيك 1 بالميه من ارباحي وافق فورا اشتريتها وطورتها بقت 20بالميه فقط باسم نور سالت عليه مها كانت تدرس المعيده التعرفت عليها كانت تدرس بالخارج سالتها عنه كللت اكدر اسال عليه بالجامعه عدي معارف وبالفعل سالت عليه طلع واسب من سنه الاولى ومتهم بقضيه قمار ومطلوب كومه فلوس وطافر وعده ولد بالحرام وره فتره سالت صديقتها عنها بالجامعه كتله نور شوكت تتزوج كالتلي شهر اليجي

رجعت البيت اتصلت بيها اكثر من مره مترد

رحت لبيتها انتضر طلعتها وصدك طلعت وجبرتها تصعدويايه بالسياره كتلها ردت احاجي شغله مهمه وودبتها لبيتي كانت كلش كارهتني نزلنا وحاجيتها

اولا اني اشتريت 30بالميه الباقيه من شركتج باعها الي حسام وحسام تره منتخرج راسب من السنه2ومطلوب كومه فلوس ويلعب قمار وعده ولد من بنيه نرويجيه لتستعجلين بزواجج منه ولتخلي يلمسج اني علمودج

نور- اسمع مصدومه وصافنه انت منيلك هالمعلومات كلها

فرات- رجعت ليوره اتكات عالقنفه سالت

نور- ليش باعلك الاسهم وليش مكلي

فرات- اكيد احتاج فلوس روحي داومي لحكي اروحج

نور- جنت مصدومه مبقه من حصتي بس 20بالميه رفعت نضري بوجه فرات ياحقير كله من وراك

فرات- باوعتلهاٌانتي دتشاقين موو

نور-انت شكو اشتريت لو ما الانتقام براسك متشتري

فرات- سكتت كلشي محجيت ضلت تسب وتشتم واني ساكت جابت اسم ابويه وكالتلي ابوك باك ابويه وجاي انت تريد تبوكني متحملت رجعت عليها خنكتها ابويه موحرامي ابوج هو الضالم وعمج الكلب حرامي ضليت خانكها وابويه من وفاءه مااااااات صيحت بعلو صوتي ورجعت ليوره وعفتها هي عافتني وانهزمت

ثاني يوم رحت للشركه واجتي التريلات مال اصحاب الجمله جنت اوقع العقود بالمكتب دخللي حسام يصيح ليش كتلها تريد توكع بيني وبينها مووو

فرات- تفضل اطلع منا ماريد هوسه بالشركه

نور- اتصلت بحسام كتله كلشي وشمرت الحلقه بوجهه وطردته من البيت  ورحت للشركه لكيتها مفصوله عن شركه فرات علي رحتله لشركته

دخلت للمكتب فرات اريد ارجع اسهمي

فرات- مااريد ابيع انتبهت عيونها بيها زراك وكفت على حيلي شبيها عينج

نور- مالك دخل رجعلي اسهمي بجيت متحملت

فرات- تقربت منها لزمت راسها اباوع على زراك عينها باوعت بعينها هذا الحقير ضاربج

نور- معليك اني وابن عمي

فرات- نور مااريد ابيع كلتها وايدي على زراكها امسحه على كيفي ليش تخلي يمد ايده عليج

نور- اني طولت لساني كلتها بهمس ودنكت

فرات- همست شتريدين

نور-اسهمي

فرات- عدج فلوس تشتريهم بعد ما طورتهن

نور- لا اني من اشغل شركتي اردهن

فرات-ماريد بكيفي صارت مالتي باوعتلها بمكر

نور- عفته وقبل لا اطلع شترجى من واحد ابوه حرامي

فرات- بقيت مدنك مدرتلها بال

نور- طلعت وصار بوجهي حسام وهددني اذا لغيت الوكاله يدمرني

جاوبته شتريد تسوي سوي ورحت للشركه اخذت قرض من البنك وبديت من جديد بس للاسف فشلت حاربني فرات بون ميدري لان منتوجه طاغي عالسوك  الديون تفاقمت عرضت اسهمي للبيع ورادو يشتروها بتراب الفلوس وفرات اشتراها مني بالضعف من دون ما اشوفه ولايشوفني عن طريق مندوب دزه الي وافقت بسرعه كمت اشوفه كل يوم بالجامعه كلعد وي معيده وكمت اعيش من فلوس الاجار اختي ونسيبي هاجرو بره كعدو بقيت ببحدي وي احمد

حسام رجع يريد يتزوجني واني موافقت بس للاسف طلبني بيت الطاعه لان عاقدين محكمه وسيد واني بقيت اتهزم من مكان لمةان اني واحمد اخاف يلكاني حسامً

اجرت بيتنا اللي باسم احمد وداعيش من اجاره واني هم اجرت شقه قريبه على جامعتي وحمودي من اررح للجامعه اعوفه نايم

النقيت كم مره وي فرات سلم عليه ومرديت

فرات- لحكتها من دتطلع  اندليت شقتها  بليل رحتلها دكيت الباب كوه فتحتها توسلت بيها الا كتلها هاي الاوراق مال والدج يله فنحت الباب دخلت

سالتها ليش هنا عايشه ضلت مدنكه متجاوب

جاوبيني بيتج ليش عفتي

نور- اجرته وعايشه من اجاره

فرات- حسام وين

نور- رافع قضيه بيت الطاعه واني مهزومه منه

فرات- شيريد بعد

نور- ابيع البيت وانطي فلوسه لان مديون

فرات- شون حتبقين هنا وحدج وانتي بنيه

نور- ماكو شي هنا الحمد لله فرات دنيا ليل لازم تروح هسه

فرات- اووك مع السلامه بقه بالي يمها

طلعت ورجعت البيت اتصلت بحسام رد بنتره شرايد بعد

فرات_ على كيفك شبيك دا اسال عليك

حسام - كلشي مبيه يله ولي

فرات- نور وين لعد

حسام/ نور الكاها الكاها وين تروح مني

فرات- سديت التلفون خايف عليها

جتي العطله الربيعيه وقبلها سوينا حفله بالجامعه وهدايه كانت من منتجات شركتي اللي سميتها نور

نور- انصدمت شفت الهدايه باسم نور وهو الشركه مال فرات

تلاكيت وياه سلمت ابتسم هاي شنو مسميها نور الشركه

فرات- هزيت راسي اي

نور- مفروض تسميها باسم ابوك لان الفضل يرجع اله

فرات- تغيرت ملامحي ًوسحبتها من ايدها قوي للكراجات ضغطت على ايدها تحترمين نفسج لو احسب الله مخلقج

نور-من سحب ايدي وضغط عليها غمضت عيني دعني عالحايط وبقه ضاغط على زنودي قوي وهددني بقيت مغمضه ماريد ابجي بوجهه

فرات- غمضت عينها واني صرت اعصاب بس هداات من شفتها غمضت تقربت منها متحملت بعد خليت شفايفي على شفايفها وبستها بقوه ابد معارضت وجنت واكف عالرصيف وياها ذابت بيدي مثل الثلج وذاب وين ضامه هالحنان وعلى غفله دفعتني قوي وكعت من الرصيف وعافتني وركضت كمت نفضت التراب تلفتت خاف احد شافنا بقيت مصدوم بشراستها لحكتها

نور- محسيت على نفسي ذبت وراها دفعته وركضت لحكني يعتذر

فرات- مسيطرت على نفسي اسف سامحيني

نور- دير بالك تتقرب مني بعد وعفته ورجت محملته ذنب خسارتي لشرةه بابا هو لو ميشتري اول اسهم من نسيبي الحقير جان مراحت جان لحكت عالشركه ورجعت بيها الحياة اجه ينتقم رجعت لشقتي ضليت كاعده اني وحمودي نسولف بليل اندكت باب الشقه باوعت شفت من العين السحريه سطله نفايات توقعته ابو النفايات مال عماره فتحت الباب دفعني احد ووكعتي من كمت شفته حسام انهال يضرب

حسام- انتي وحده ساقطه ومتستحين ضليت اضرب بيها فقدت وهي تصيح شتريد بعد الشركه وراحت سبيتها انتي ملج دخل هاي فلوس عمي واني احق بيها من الغريب بس انتي ساقطه سحلتها من شعرهاللغرفه

وردت انزعها هدومها ردت اخذها حتى تصير مرتي وتنجر بعد تضل ويايه

نور- ركضت عالموبايل دكيت على فرات اجلني حسام جرني من شعري كان شبه مجنون وشارب ضل يضرب بيه واجهه احمد اخويه تعارك ويا حبيبي ميخلي يضربني عضه ودفعه وراها حسام دفعه قوي وهو جسمه ثقيل وكع على طبله مرمر قوي وطرفها انضرب براسه والدم صار مثل البوري كمت بس اصيح حسام انهزم من الشقه واني كعدت بالزويه اصيح

فرات- انصلت بيه رفعته واسمع صياح وصوت الحقير حسام اني بالفانيلا صعدت السياره ركضت للشقه شفت العالم ملتمه نور بملابس البجامه الخاصه بالبيت وبدون حجاب مغمى عليها واحمد للاسف مات والدم بكل الشقه غطيت نور ولبستها الجبه الكامت وره الباب وحملتها للمستشفى والشرطه تكفلت بالباقي صاحب العماره وصفلهم حسام واني كتلهم هذا ابن عمها ودخلنا مستشفى وهي كانت مغمى عليها من اربع ساعات اني ملعد بباب الغرفه اباوع عليها الدكتور حاول بكل الطرق يصحيها متصحى اخر شي صرح انها دخلت بكومه او غيبوبه تهسترت دكتور شكد راح تبقى بهالغيبوبه الدكتور ضل صافن عليه احتمال متصحى وحتمال تفقد الذاكره واحتمال باجر تصحى ننتضر والله كريم حجزتلها غرفه خاصه وخلوها عالمغذي كل يوم من ارجع من الشركه والجامعه ابقى يمها ماعوفها اضل احجيلها عاللي صار بالشركه وبالجامعه وكانت عطله نص السنه وساعه اقره قران اكلي وشربي ونومتي كلها يمها امشطلها شعرها واعدله كانما اميرتي النائمه تذكرت من بستها من شفايفها تقربت ابوسها متحملت بعد قربت شفايفي وبستها على كيفي شفايفها كانت بارده مو مثل قبل ضليت ابجي منهار بليل رحت للميتم مالتي اللي ربيت بي ونطيتهم الشهريه اخاف يحتاجون شي ورجعت طلبت من الطبيب الصق السرير بصفها وافق ونمت بصفها ويوميه اخليلها من منتجنا العطر مال نور واحضنها وانام والزم ايدها ويه اليوم صار 16يوم هي بكومه اليوم كنت بحضنها ارددالايات حسيت ضغطه على ايدي ثواني وراحت كمزت شغلت الضوه باوعت عليها والله حسيت بضغطه ركضت للدكتور فحصها كلي ننتضر لباجر احتمال تصحى عيونها بيها حركه فرحت رجعت نمت وحضنتها فرحان غفيت كعدت الصبح احس احد يباوعلي فتحت عيني جانت فاتحه عينها وقاطبه حاجبها فزيت حبيبي الحمد لله عالسلامه كمت من السديه دتشوفيني

نور- هزيت راسي اي

فرات- الحمد لله ربي بستها من راسها ورحت اصيح الدكتور

نور- انت منو؟؟؟

فرات- وكفت شنو اني منو قطبت حاجبي نور اني فرات

نور- صفنت مدا اتذكر شي احس بضياع رهيب  راسي فارغ مصفر

فرات- زين انتي شنو اسمج

نور- سكتت مااعرف اجاوب

الدكتور - تفضل ويايه اخ فرات نور عدها فقدان ذاكره تام لازم تساعدها تبدي من جديد هنا مراح تستفاد شي جسمها والحمد لله بحاله منتازه تكدر تطلعها بس تره كلشي متتذكر

فرات- ضليت صافن ماشي اني ادير بالي عليها طلعنا من المستشفى كبل لبيتي اخذت اجازه من الجامعه والشركه خليتلها كامرات نقل تام للبيت المعمل والشركه اي شي اتصل بالموضفين اني نور احبها حيل مستحيل اعوفها

هذا جان قراري

بالبيت اني اداريها وسويتلها حياه جديده اول شي وصلنا سويتلها غرفه تجنن وكامله من كلشي بمجرد وصولنا ترستلها البانيو ماي دافي دخلتها للحمام كانت نضرات اعجاب بالحمام الخاص بيها كتلها فوتي غسلي شوي نعشي جسمج صارلج فتره بالمستشفى هزت واسها موافقه ومن تطلعين هذا برنصج واي شي تحتاجي صيحيني لتقفلين الباب ماادخل

نور- خاف تفوت

فرات- لتخافين مني مااذيج

نور- ماعدي غير حل عفيه لتفوت

فرات- ماشي يله اخذي راحتج

نور- دخلت المي جان يخبل ومريح كلش ضليت بالحمام تقريبا ساعه وبالكوه طلعت

فرات- طلعت كلت للخدامه تسوي غده شويه مقوي

فرحان جنت كلش ضليت انتضر مطلعت رحت دكيت الباب

نور- صحت لتفوت هسه اطلع

فرات- ماشي مافوت مافوت

نور- كملت غسل وطلعت بالبرنس للغرفه

فرات- اثارتني كلش وجهه صاير احمر من المي الحار شعرها المبلل وريحتها ردت ادفعها عالسريربس تمالكت نفسي وطلعت

نور- كان اكو غيار رجالي عالسرير لبسته بدون ملابس داخليه لان ماكو طلعت خجلانه مشطت شعري وتمددت عالسرير احاول اتذكر اي شي اي شي ماكو ذاكره فارغه

فرات- شوي ودكيت الباب اكدررافوت

نور- عدلت كعدتي ادخل

فرات- نعيما يله نطلع نتغده

نور- ماريد مجوعانه ممكن احاجيك

فرات- كعدت على طرف سريرها احجي اسمعج

نور- منو انت شتصير مني ومنو اني عدي اخوه خوات اب ام

فرات- اي عدج اخت ومسافره وي زوجها ومتدري بحادثتج ووالدج ووالدتج توفو من زمان واني صديق جدا مقرب الج وهاهي

نور- كلشي مدااذكر لزمتني العبره تقرب مني باسني من راسي فرات- لتبجين كلشي بوكته حلوً

نور - سالته انت تحبني

فرات- ضليت اباوع بعينها مااعرف شجاوب كتلها صديقج المقرب اني

نور- يعني موحبيبي

فرات- انتي كيفج تريديني حبيبج اصير تريدين صديق اصير

نور- احس بس انت عدي

فرات- هو هيج ابتسمت وهي حايره بامرها كدتها للمطبخ كعدنا ناكل واوكلها بيدي تذكرت من جانت توكلني من صارت ايدي كملت الاكل مسحت شفتها عضيت شفتي محاس على روحي

نور- مااعرف شون يباوع على شفايفي يمكن بايستي قبل ومديكول

ردت انام مكدرت ضليت اتكلب خايفه وحايره رحت للغرفه مالته

فرات- انهزمت منها رحت لغرفتي انام مكدرت فتحت قصه رومانتك ضليت اقره بيها انفتحت باب غرفتي ودخلت شعرها مفلول تقربت تبجي مدااكدر انام طيني دوه اي شي اريد اغفه ضربت على راسها

لالالا لتضربينً موزين تعاي  نامي هنا واحجيلج قصه هسه تغفين

نور- وافقت بس ردت يكضي الوكت بلكن اغفه حجالي قصه رومانسيه تخبل ابتسمت وهو يحجي

فرات- نايمه بصفي ولابسه بجامتي الستن بدون حماله وصدها مبين من حركته انه ملابسه شي جوه البجامه بالكوه وخرت نضري عنها شفتها تبسمت واني اقره القصه لفيت ايدي على كتفها مقبلت عفتها براحتها

نور نعست كلش خل ننام

نور- اني هم نعست يله حنام

فرات- هنا تنامين

نور- متقبل خليني هنا انام عفيه

فرات- كيفت بس تغفه احضنها اي لا عادي نامي غفت خليت ايدي عليها حضنتها وغمرت راسي بركبتها اشم عطرها غفيت وكلسا اكعد اغطيها وارجع انام

نور- اله حضني يله كدرت انام ممعقوله مجرد صديق

فرات- الصبح كعدت قبلها رحت للمطبخ وكتلها للخدامه تنزل للسوك تشتري من كلشي تجهيز نسائي كامل وارقى الملابس كنت مااعرف القياس الخدامه عرفت قياسها خضرت الريوك اني وهي نزلت للسوك دخلت الريوك لغرفه النوم حتى نتريك تقربت منها بش بش نور يله كعدي خل ناكل همستلها

نور- حسيت على همساته وكعدت عدلت هدومي انتبهت عليه يتفحصني بابتسامه دير عيونك لتباوع كعدت عالميز اكل وياه هو صافن عليه يله اكل انت هم

فرات- صارر تريكنا وكملنا طلعنا بالمرجوحه بالحديقه كلت للخدامه تترس المسبح وره البيت ووصيتها تجيب شورت طويل وتيشرت نص ردن للسبح لحد الان مفاجاه مسوي الها المسبح ضلينا نتمرجح لحد مارجعت الخدامه وبيدها الملابس دخلت نور لغرفتها وكتلها باعي شنو عدج كل هاي الملابس حانت الملابس تجنننن عليها وداحسها بنتي مو حبيبتي ممصدك بيها طاير ومثل الاطفال كلسا تكولي اطلع بره دابدل مكيفه واطلع تبدل وتكمل تصيحني تكولي حلوو واكولها يخبل عليج وتتبتسم  هي وترجع تغير هدومها وهم تصيحني وادخل اشوفها وتسالني واكولها تخبل لحد ماصاحتني تعال سويل السحاب كانت لابسه ثوب اسود يجنن قصير دخلت تفاجات ببياض جسمها

نور- تعال سوي السحاب عفيه

فرات- جيت همست وخطواتي متثاقله تقدمت عليها اريد ارفع السحاب وجسمي يرجف اثارتني تمنيت المس جسمها وبياضه باوعتها كانت كدام المرايه تباوع عليه خليت اصبعي عالسحاب واصبع ثاني اتلمس ضهرها وبديت اسد السحاب كلش علكيفي واباوع بعينها انتبهت عليها تدغدغت كملت سده السحاب سالتني ها حلو اباوع عليه قصير يخبل عليها هالمره كلشي محجيت بس هزيت راسي ذايب

نور- موكلش مو

فرات- همست يخبل لدرجه مستحيل اخليج تطلعين بي

نور- لعد وين البسه

فرات- بالمناسبات عود عيد ميلادج هاي

نور- شوكت عيد ميلادي صدك ويامواليد اني

فرات- هههههه 22-3-1997

نور- خوش تعرف كلشي عني انت اكثر من صديقي

فرات- اي خههه جنت احبج بس انتي متحبيني كلتها متحسف

نور- صدك لعد شكد غبيه جنت ضليت اباوع عليه مبي شي مينحب

فرات- طولت نضرتها واني دايخ بجسمها الابيض وتقاسيمه يله نور بدلي لبسي بجامتج محضرلج مفاجئه

نور- اكثر من هالشي بعد

فرات- شوفي وانتي حكمي طلعت انتضرها بالباب شوي وطلعتلي البجامه تخبل عليها حصر مبينه خصرها وجسمها اليخبل صدرها مرتفع بعدت نضري وسحبتها للمسبح شهكت من شافته نزعت تيشرتي وبجامتي كدامها بقيت بالشورت وكمزت بالمسبح ضلت تتاملني بنضرات كلها جراه واني كمت اتفيك بالسبح لان جانت تراقبني وتباوع على صدري

نور- جسمه مال لاعبين اثقال عضلات وضخم يخبل وضهره عريض ضل يسبح كدامي واني صافنه عليه حسيت على نفسي خجلت ودنكت

كعدت يم الحافه مال مسيح ونزلت رجلي بالمسبح العب بالمي واتفرج عليه تقرب مني باوع بعيوني وباسني من رجلي

فرات- رجليها تجنن طلعت من جواها ابتسمت تقربت منها لزمتها عبالك لعابه بستها متحملت تلاشت ملامحها وذابت بايدي من بست قدمها

نور- خاف عيب تبوسني من رجلي

فرات- تخبل متحملت مال لعابات اسف ورسبحت بعيد عنها وبعد مقربت من حافه المسبح احساسي باستغلالها ضايقني ضلت تراقبني واني اسبح شوي وفاتت للمسبح صاحت فرات تره مااعرف اسبح يمكن اذا غركت طلعني تقربت منها بسرعه كتلها لزمي كتفي واني اسبحج

نور- جلبت باكتافه كانت قويه ومعضله حضنتهن قوي وسبحني احساس يجنن كانما سمكه بقينا ساعتين نسبح متونسين طلعنا رحنا نبدل من طلعت هدومي مجلبه بيه ملامح جسمي كلها مبينه ضل يتفحص بنضراته ركضت لاحمام ابتسم بدلت وسبحت وطلعت لكيته ينتضرني عالميز نتغده

فرات- مااعرف شون حكدر اسبطر على عواطفي احبها حيل وخايف من باجر من تذكر كلشي

نور- كملنا غده وفرات عبالك مو على بعضه سالته شبيك عبالك ضجت

فرات- من اسبح انعس ماكو شي

نور- اني هم نعست كملت اكل ورحت لغرفتي احاول انام مااكدر رحت لغرفه فرات

فرات- جنت دااتتضرها تجي لان تحس بامان يمي وصدك جتي للغرفه خجلانه دمعت عينها نور -مدااكدر انام اخاف

فرات- شلت طرف الفراش الغطا وباوعتلها بابتسامه معناه تعاي فوتي جوه الفراش جتي ركض وطبت جوه اللحاف صدري كان عاري من شافتني حاولت تبعد نضرها ابتسمت شاورتها احضنج

نور- لالا ادنه ماريد تحضني بس اريد انام واني بداخلي اريد يحضني كل قوته

فرات- انتضرتها تغفه واخلي ايدي عليها

غفت مثل الملاك حاوطت خصرها بايدي برقه وجذبتها لجسمي

نور- حسيت عليه جرني لجسمي قوي خجلت فرات خاف ميصير هيج نسوي

فرات- ششش والله منسوي شي بس اريد احضنج شميت عطرها اندارت عليه تلمست صدري بايدها على كيفت غمضت عيني للمستها وسحبت راسها عصرته بصدري مدااتحمل بعد حضنتها قوي وصحت اه ه ه ه ه

نور- صيحته دمرتني ذبت بحضنه وره شوي رخه ايده واني غمرت راسي بحضنه وغفيت

كعدت حسيت على شفايفه بركبتي فرات دسوي تره ميصير اني مااامن بس بحضنك

فرات- اسف والله يله خل نكوم صارت دنيا مغرب كومي نطلع شوي عالشط

نور- صدك يله كيفت ورحت بدلت ومكيجت خفيف وطلعتله

فرات- من طلعت ضليت صافن على حسنها تخبل طالعه النوبه بالحجاب احلى بعد نسيت عيوني عليها

نور- شبيك تباوع هيج موحلوه

فرات- اوووووف ربي وين اضمج امشي

عيني امشي

نور- نزلنا يم مكان عالشط كلش حلو وضلينا نلعب بالمي نزل فرات على رجلي كفلي البطرون رفع راسه يبتسم حملني بين ايده كنت مامنه كلش وواثقه مراح يوكعني افتر بيه ونزلني

فرات- مفرحت هلكد كل حياتي بس خايف ترجعلها الذاكره وترجع تكولي دتنتقم مني عفتها للايام وبقيت مستمتع بهاللحضات رجعنا تعشينا بالمطعم وراها رحنا للبيت

من دخلنا جانت ضلمه مااعرف كهرباء مطفيه او غير شي لزمت فرات من كتفه شو ضلمه

فرات- لتخافين هسه اشغل الضوه مال فون  شغلته ضويتلها امشي بدلي  بغرفتج

نور- حنام بهاي الضلمه وحدي

فرات- هسه منو كلج نامي وحدج تعاي نامي يمي

نور- اخاف ابدل وحدي ضلمه

فرات- هاج التلفون وروحي بدلي مو راح تتمرضين البنطرون منكع

نور- دخلت واخذت التلفون نزعت هدومي ولبست بجامه وطلعتله يله كملت انت روح بدل

فرات- اخذ التلفون وانتي شون تبقين

نور- لا اخاف اطب وياك اضويلك

فرات- يله تعاي فتنا للغرفه نزعت هدومي بقيت بالشورت ولبست بجامه وتمددت كبل اباوع عليها تباوع عليه

نور- جسمه حيموتني تقربت من فراشه ضل يباوع بوجهي مبتسم

شبيك تباوع

فرات- انتي كلش حلوه واني رجال ومدااسيطر على نفسي

نور- شتريد يعني مو اني مااحس بامان بس يمك والله احس روحي ضايعه

فرات- خلنتزوج

نور- تفاجات مو اني غير ترجعلي الذاكره

فرات- خلي على راحتج شوكت متجي خل ترجع

عادي

نور- ماماريد كلتها بتوسل

فرات- كيفج بس مو مسوول عن تصرفاتي سحبتها لحضني وغمرت راسها بصدري حسيت بايدها تتلمس ضهري ها هسه منو ديتحارش

نور- هههه ضحكت بهدوء

فرات- تلمست شعرها قربت شفايفي منها ضحكت

نمت عليها بستها من خدها وخليت كصتي على كصتها اذا منتزوج حسوي بيج مصيبه خليج تندمين

نور- مااعرف شنو الندم ناسيه كلشي اني

فرات- يعني شنو قصدج باوعت بعينها متفاجا

نور- لك موهذا قصدي خرب كوم جعصتني

فرات- واذا مكمت

نور- اعضك عضيته من ايده قوي

فرات- اخخخ خرب

نور- انهزمت من جواه ركضت ضل صافن عليها وقاطب حاجبه

تاذيت

فرات- اي صيحت

نور- تقربت منه اسفه سحبني قوي وباسني قوي فزيت وراها صارت بوسته رقيقه ذبت ودفعني عالسرير

فرات- بعدفقدت رفعت تيشرتها ادور على صدرها

نور- كافي كافي فرااااات صيحت

فرات- اي اوك اوك هاهي كومي نامي بغرفتتتج صيحت بعلو صوتي

نور- اي حروح ورحت نمت هناك ومكدرت انام للصبح

فرات- شبيه اني فقدت ليش هيج سويت ندمت طلع الفجر رحت لغرفتها دكيت الباب

نور- ادخل جنت كاعده ودك الباب

فرات_ نور اعتذر عاللي صار اذا مدتكدرين تعاي نامي يمي ماكيسج

نور- لالا ماريد كمت اخاف يقترب مني

فرات- كيفج رجعت للغرفه ضايج وثاني يوم متحاجيني زعلانه متباوع بوجهي واني حاولت اضحكها احجي وي الخدامه

وهي متضحك  ضجت بدلت هدومي ورحت للشركه اشوف شكو ماكو كملت اموري لليل يله رجعت وعرفت انه حسام القو القبض عليه ارتاحيت

نور- طلع وراح ضايج اشتاقيتله ومن يروح احس روحي ضايعه ضليت اقره كتاب جان موجود عالرف من دااقره احس هالشي مو اول مره قاريته كلبته وعقلي تجاوب ويا

فرات- دخلت للبيت لكيتها كاعده تقره بالهول متقربت انتبهت لكيت الكتاب اللي جان بالمكتبه هذا مال منهجهم خفت لانرجع الذاكره من تقراه

اجيت ركض سحبته من ايدها هاي شكاعد تقرين لتقرين اي كتاب موزين

نور- من قريته عبالك مو اول مره اقراه

فرات- عادي توارث افكار هاي جنت خايف ضليت اباوع بعينها كانت حايره وضايعه

نور- فرات بعد لتعوفني اني شنو مكمله دراس

فرات- مكمله كليه تربيه وعفتها اهرب من اسالتها

نور- ضليت حايره وراها فتت نمت من وكت كانت الساعه ب10

فرات- نامت ومااعرف شبيها ضليت الوب مااعرف شسوي رحت نمت بالكوه غفيت حسيت بليل طلعت اشرب مي لكيتها كاعده بالحديقه طلعت يمها همست من وراها شبيج ليش كاعده

نور- ركضت لحضنه ابجي فرات تعبت اريد الذاكره ترجع

فرات- صدكيني انتي هيج تبقين احسن

نور- اني ضايعه فرات ليش خايف شضام عليه باوعت بعينه

فرات- نور الله يخليج لتساليني خليها للايام

نور- احجي كلشي تعرفه تره تصبح الصبح متلكاني

فرات- لنعوفيني هالشهر احلى شهر بكل حياتي

نور/ لعد احجيلي عفيه منو اني

فرات- سحبتها لحضني تعاي بالغرفه بارده هنا

نور- رحنا للغرفه وبده يحجيلي انتي جان عدج شركه وارثتها من ابوج ونسيبج باعلي نصها لانج مسويتله وكاله وراها عدج ابن عمج وخطيبج اجه من الخارج وهم سويتيله وكاله باعلي النص الثاني

نور- قاطبه حاجبي وهو عاصرني بحضنه ونايم ويحجي ويتنهد

فرات- وصارت الشركه كلها باسمي انتي انهاريتي من عرفتي وفقدتي الذاكره واني دااداريج علمود ضميري احس من ورايه هيج صار بيج

نور- واني عبالي تحبني

فرات- اي جنت احبج وانتي ماحبيني

نور- احب ابن عمي وخطيبي مو

فرات- لاااا متحبي نور فدوه متحبي

نور- وينه هسه

فرات- بالسجن لان جان قمرجي

نور- اريد اشوفه

فرات- مستحيل دفعتها باوعت بعينها نور لتطلبين هالطلب مني

نور- ماشي ماشي ماريد زين اختي وين اللي نسيبها باعلك النص

فرات- بالخارج سوو لجوء لسويد واستقرو

نور- محد سال عني

فرات- باوعت بعينها اني وين رحت نور تزوجيني متندمين والله

نور- سكتت وغمرت راسي بحضنه اريد ارتاح واطلع من ضياعي حضني قوي وغفينه سوه

كعدنا الصبح لكيته يبوس بركبتي ذبت بشفايفه سحبته لشفايفي بالبدايه تفاجا ضل صافن يباوع بعيني وراها باسني بقوه ورقه ممزوجه

فرات- موتتني ضليت ابوس بيها لحد ماخلص نفسي تسارعت دكات كلبي من شفتها ذايبه تماديت نزلت على صدرها واهمس اسمها نور احبج نور احبج نور- ساكته وذايبه ومااعرف ليش مداارفضه وكف على غفله عدلي هدومي وكلي روحي شويه اجيج طلعت من الغرفه مسطوره بلمساته وهمساته وقبلاته انتضرته شوي وطلع تقرب مني جنت بالغرفه

فرات- حضنتها من وره نور لازم نتزوج

مااكدر اسوي حرام بعد

نور- هزيت راسي اي ماشي

فرات - صدك تقبلين فرحت نزلت بستها من ايدها احبج

نور- اني هم دااحبك ومدااسيطر على عواطفي

فرات- الحمد لله نور بس لازم تعرفين شي تره اني ربيت بميتم

نور- فتحت عيني كلها شنوو يعني متعرف امك وابوك

فرات- ههه لالا اعرفهم بس من صف رايع انتقلت للميتم لان توفو ثنيناتهم

نور- حبيبي هالحنان كله وانت بميتم لو امك وابوك ربوك شون تعاملني

فرات - مااخليج تمشين بالكع

نور- حضنته نتزوج حته كل يوم انام بحضنك بدون مانع ومتصيح عليه

فرات- واخذ راحتي بجسمج

بدينا نحضر للزواج من الذهب ورحنا للميتم وشافت المربيه مالتي وشافت الاطفال كنت فرحان بيها كلش كملنا التحضيرات وعزمنا الجامعه نصها والميتم كان عرس بسيط وجانت طالعه اميره احلى يوم بحياتي كمل العرس واخذتها للجناح مال فندق حضنتها من وره ابتسمتلي كدام المرايه جنت دايخ بحسنها فكيت سحاب البدله وعيونها تراقبني دنكت وكعت البدله ونزعت هدومي بقيت بالشورت حملتها عالسرير فتحت حجاب البدله وتناثر شعرها نمت عليها بديت ابوس بيها بستها من شفايفها ذابت بحضني عريتها من هدومها صفنت صفنتها مو طبيعيه تقربت منها شبي حبيبي

نور- مااعرف راسي يوجعني وداشوف شغلات غريبه براسي اخ اخ راسي

فرات- سلامتج عمري وكف كلبي اسم الله عمري

نور- فرات دفعته ابتعد عني كمت اصيح تذكرت ضربه احمد ومن شفت الدم وانهاريت

فرات لزمت راسي فرات احمد وينه فراتت عزه بعيني فرات احمد وين

فرات- علكيفج عمري بجيت حضنتها نور حبيبي الله يخليج صبري روحج

نور- احمدددوييين احجييي

فرات- همست مات

نور- كمت اصيح بدون مااحس على روحي واضرب على راسي

فرات- كوه لزمتها ونطيتها حبايه مهدا ونامت  تبجي ضليت صافن على حضي شوكت ارتاح ياربي

كعدت الصبح ملكيتها ركضت ادور عليها لكيتها كاعده بالزاويه تون بس شافتني

نور- حقققير كله من وراك كله انت دمرت حياتي

فرات- اني مالي ذنب نور

نور- انت السبب من وراك لو مامشت ي الحصه مصار بيه كل هذا النوبه تزوجتك ونمت بحضنك ياحقيرررر يااناني كل هذا حته تنفذ انتقامك لوما ابوك حرامي ضلت تحجي وتسب متحملت بعد وره هالفتره اللي تعبت عليها وعلى حبها هيج تسوي انسحبت واسمعها تسب وتصيح لبست هدومي وطلعت نزلت جوه ونطيت فلوس الفندق وكتلهم ساعه ويجي عليها السايق يوديها للبيت وكولولها مسافر امشي كوه اجر النفس حته بجي بجيت احبها شون حعيش هسه شون تعلمت عليها احبها بكل جوارحي وتعبت هواي على حبها قررت اسافر لان كان طالعلي ايفاد واني رفضتها رجعت قدمت الطلب ووافقت ثاني يوم كانت سفرتي رحت قبلها سجلت الشركه باسم نور والولد الديشتغلون بيها اهل مصلحه موعلمودي علمود لكمتهم لان اني ممحدد الراتب راتبهم حسب شغلهم اذا زاد الشغل زاد الواتب لهذا كانو جدا دقيقين بشغلهم وصادقين بعملهم سافرت متحملت بعد ابقى دقيقه بالبلد خليها ترتاح

نور- ساعه ودكو عليه الباب مال فندق وكلولي تفضلي جوه زوجج دفع الحساب وطلب توصيلج بدلت وابجي ولميت هدومي اباوع عالبدله ابجي  وعلى هدومي اللي نزعهن قبل بيوم لميتهن كلهم ورجعت للبيت مالته ماعدي غير مكان اروح  فتت مجان اكو اي احد بالبيت والخدم كالوًاجه حضر جنطته وسافر تخبلت بس احسن ماريد اشوف وجهه الخاين الحقير

رجعت كتبي ولازم اكمل دوام واجار البيت اعيش منه وبس يرجع فرات اطلع من بيته وارجع ااجر بقيت ابجي على احمد وعالتعب التعبتته وياه تالي راح وهو يدافع عني عرفت انه حسام بالسجن يستاهل رجعت اداوم كل يوم بالجامعه

فرات- بديت بالايفاد والدراسه تحضيرا للدكتوراه

وبليل اشم عطرها بهدومي احتاجها واتصل بالخدامه اسالها عنها وتكولي زينه عايشه وتداوم جامعه ارتاحيت زين متشتاقلي تكرهني اكيد واني شنو ذنبي هيج تسوي

نور- مر 10ايام على سفره وهو متتصل ولا سال احسن من صفت بيني وبين روحي هو ماله دخل

بس لو ماعو ضهر بحياتي مكان انباعت الشركه كان سدها نسيبي وعزلها ولاتنباع واني من اكبر اطورها تذكر من طورناها سوه اني ويا والارباح الكامت تدخلنا الخياليه كلها مثل الحلم الفزيت منها مجرد انه عرفت انه والده كان المحاسب اللي باك والدي ثاني يوم رحت للكليه بعد ماكضيت يوم عصيب ببيته افتر بغرفه غرفه واتخيله موجود واتذكر دلاله الي وحبه شلت هدومي ادور على عطره بجيت لحد ماغفيت بفراشه رحت للجامعه ومنها عجبني امر هالشركه طلبت من السايق بس امركن يمها اشتاقيت اشوفها وكنت متوقعه اشوفها مسدوده

تفاجات من شفت 10اوريات تحمل من المخازن نزلت اباوع المنتوجات المتطوره باسم نور والمعامل تشتغل طلع المحاسب رحب بيها اهلا اهلا ست نور تفضلي اكولج باخر الامور يكلمني كانه بعدني موجوده واني المديره عفته يحجي وكلي طورنا المنتوج حجالي على كل خطوه وفتح دفتر الحسابات كان جدا دقيق بعمله مصاريف المعمل ومصاريف المطبخ للعمال ومصاريف الكهرباء والمي ومصاريف المواد الخام كلمن عازلها على صفحه سالته منو ديديره العمل حاليا جاوبني احنه تعلمنا نديره لان الاستاذ ممقصر ويانا واذا زاد الشغل زاد الدخل هيج علمنا راتبنا موثابت وي زياده العمل يزيد

نور- عجبتني الفكره كلش

المحاسب - وبما انه انتي المديره الجديده اي فكره تعجبج ذكريها واحنا ننفذ احنا نحب التطور ومنتجنا طاغي السوك

نور- سمعت كانما مسمعت زين منو المدير الجديد

المحاسب- طلعت توقيع الاستاذ فرات وشوفته الها تفضلي هاي الشركه رجعت كلها باسمج

نور- افترت بيه الدنيا ووكعت متحملت بعد

حسيت واني بالبيت الخدامه يمي صحيت ابجي اريده يرجعلي هواي ضلمته واذيته وهو حبني بصدق رجعت داومت للجامعه سالت عنه دلوني مكان الايفاد والعنوان سافرت  باول طياره جنت كلش متحمسه حضرت جنطتني مليتها سيتات نوم ردت اعوضه عن ضلمي اله واذيتي

طرت للندن وكفت بالباب العنوان اللي نطوني اياه بالجامعه الدنيا جانت تمطر تنكعت دكيت الباب وره شوي الباب انفتحت فتحتها الي المعيده اللي كانت دائما تكعد ويا بالجامعه كانت لابسه فانيله وفتحه صدرها مبينه اعتذرت منها العفو يمكن خربطت دادور استاذ فرات يمكن وياح بالايفاد وين الكاه

فرات- سمعت صوتها عبالي بحلم شفتها منكعه بالمطر شافتني وتغيرت ملامحي يمكن فهمت اني بعلاقه مع ست مها اعوفها احسن خليها تتادب

نور- انصدمت من شفته بضهرها قاطب حاجبه شفته رجعت ليوره بجيت وانخبط دمعي وي المطر ردت اروح

فرات- تعاي وين رايحه شجابج وشون جيتي جانت صامته وكلشي ماجاوب ركضت مها جابتلها مي دافي تشربه خاف تمرض

نور- اجيت علمودك

فرات- شتريدين مني من رخصتج مها عيوني بس خلينها وحدنا

نور- ضليت اباوع عليه وعليها راحت المعيده

انداريت عليه تحبها مووعدك علاقه وياها

فرات- لتتدخلين بحياتي بعد شتردين مني بعددًشكو جايه

نور- اجيت اعتذر منك

فرات- وبعدين

نور- شوكت ترجع للبيت

فرات- ماارجع بعد ابقى هنا اكو ناس يحبوني ويردون خاطري فتحت عينها كلها تقربت مني

نور- تعوفني

فرات- شركتج رجعتها الج واعتقد رحتي وشفتيها شون رجعتها حته متكولين ابويه حرامي بس ماوصيج عود هم انطي الوكاله لولد عمج الحرامي

نور- دنكت فرات مشتاقتلك

فرات- اسف تحملت بما فيه الكفايه تعببببت كافي عاد شنو ماعدي كرامه دفعتها دروحي لخاطر الله طلعتي روحي وكرهتيني بابو الحب من ساعه السوده القررت بيها انتقم لابويه عمج حرامي وباك شركه ابوج مثل ولده وتالي طورت الشركه وتعبت وطلعت اني الغلطان عوفيني كافي خل اشوف حياتي

نور- مراح يجي يوم تسامحني بي

فرات- مسامحج عمي بس عوفيني بحالي

نور- حتطلكني وعيوني مدمعه

فرات- باوعتلها متحملت دمعه عينها اوكفي على رجليج واشتريلج بيت من فلوس الشركه وراها اطلكج حتى تسكنين بيه اني حروح ادرس عدي امتحان بعد ساعه

نور- واني وين اروح

فرات- ابقي وين ترحين تبليني بيج وتعطليني عن دراستي اني عمب باجر راجع عود رجعي ويايه عفتها وطلعت للجامعه

نور- باوعت من الشباك وشفته طلع دخلت ادور بالغرف اي شي يبين انه وي المعيده على علاقه جنت ميته من الغيره ملكيت اي اثبات اساسا مو وحدهم وياهم احد ثالث استاذ مبين من الغراض رجوليه

نمت بغرفته لان اعرف غراضه نمت ومخنوكه شون حرجعه الي

فرات- جنت خايف عليها كملت امتحان ورجعت بسع للشقه دخلت ملكيتها دورت لكيتها نايمه بالغرفه بفراشي اشتاقيت لشعرها ضليت اباوعلها نمت على طرف السرير ال2من كعدت ملكيتها طلعت لكيتها وي مها تحضر العشا

مها- ولك فرات مرتك فد شي بالطبخ

فرات- باوعت الهم ودرجت وجهي منزعج كانت تضحك وموهامها اني ماحاجيها

دخلت حضرت غراضي للرجوع الباجر تقربت من جنطه ملابسها فتحتها شفت ملابسها وشفت ملابس النوم شميت ريحتها غمضت عيني تذكرت من جنت انيمها بحضني رجعت الملابس دخلت للغرفه عفت الجنطه فشلت

نور- دخلت شفته يلعب بغراضي ودشداشه النوم مبينه ابتسمت دسوي

فرات- هيج داحضر غراضي كلتها بنتره

نور- ماشي على كيفك مكلنا شي

فرات- حضري غراضج باجر بليل راحعين تره

نور- تجي لبيتك

فرات- لعد وين اولي احاجيها بنتره ومثل شريط كدامي الاحداث المريت بيها

نور- اوكي فرحت من كلي هيج رحت صبيت وي مها طلعت حبابه كلش واجه الاستاذ الثالث وتفاجا بوجودي بس نضراته تضوج اكلني بعيونه لعبان نفس وعرف اني مرت فرات وبقه يباوع

فرات- لاحضت استاذ ماجد بس يبصبص متحملت شاورتها تعاي للغرفه داحاجيج

نور- كيفت اي جيت رحت لزمني من ايدي عصرها فرات -حاولي لتتموعين ممكن

نور- متموعت ابتسمت تغار عليه

فرات- لا موسالفه غيره بعد انتهيتي بعيني من ضيعتي تعبي بس سالفه صديقي بالجامعه وللاسف عرفو بيج مرتي لتخزيني

نور- دنكت اسفه مااطلع بعد

فرات- يكون افضل طلعت انعشى مشتاق لاكلها

سويتلها لفه ودخلتها للغرفه هاج تعشي

نور- موجوعانه

فرات- اكلي احسنلج

نور- اوك عافني وطلع واسمع سوالفهم وضحكهم لتالي الليل تالي تعبت غفيت

فرات- دخلت للغرفه جانت لابسه سين نوم اسود تخبلت من شفتها ضليت صافن غافيه ومدمرتني لو تكعد شون نمت على طرف السرير اباوع عليها وعلى جسمها تمنيت تكون بحضني بس ماريد كرامتي بعد متسمحلي غفيت حسيت بليل تتقرب مني سويت نفسي نايم شالت ايدي خلتها على جسمها مثل الاحضنها كلسا تلتفت عليه وتباوعني خاف كاعد مره مرتين المره الثالثه التفتت صارت عيني بعينها كنت مخنزر عليها وقاطب حاجبي بقيت عيونا تتعاتب شوي وراها خافت مني ومن نضره عيني ابتعدت شوي شوي درت وجهي ونمت

نور- اول مره اخاف منه عبالي نايم فزيت لكيته كاعد يباوع شداسوي خزرني خفت انهزمت منه

كعدنا الصبح وتريكنا وطلعنا للمطار وفتنا لبغداد بليل جنت كلش تعبانه من طبيت للبيت ركض شمرت غراضي وفتت للحمام سبحت وطلعت نمت بفراشي بعد مانام يمه خلي هو وحده يفك ويجيني

فرات- اول مفتت نمت وكعدت الصبح رحت كبل لاجامعه الحمد لله الايفاد كلش ناجح كان فرحان بي ومتحضر لاجراء بحث الدكتوراه بالمكتبه دادور المصادر لكيتها تقره

نور- كعدت الصبح تريكت وطلعت شفته طالع هوهم رحت للجامعه ولاكيته بالمكتبه ضل يباوع عليه باوعت بعينه دار وجهه وطلع

فرات- وراها رحت للشركه اشوف سير العمل الحمد لله فوك الممتاز مرتاح من العمال جدا ورئيس التشريفات اي عامل كسلان طرده جاب بمكانه غير واحد دؤوب بعمله كلش طلعت راضي عن العمل بالكراج لاكيتها دتفوت للشركه مدرتلها بال وصعدت بالسياره ورحت للبيت

نور- شفته راح دنكت ودخلت الشركه وشفت العقود والاوراق كلشي ممتاز رجعت للبيت فتت وشفته  ديتغده مرفع راسه بوجهي ابد كعدت مقابيله وصبيت اكل كملت ورحت لفراشي اريد انام

فرات- دخلت للغرفه بعد مطلعت ضليت اقره لليل تعبت تمددت ارتاح شوي ودخلت نور جابتلي عصير جان بوكته لان جنت محتاجه خلته عالميز من غير كلام وطلعت

شربته من راحت ورجعت تمددت اريد انام

نور- دخلت للغرفه لبست احلى سيت نوم عدي ونمت بلكن يعجبه يتقرب مني يفوت لغرفتي ولو بالغلط

حسيت بنص الليل حلمانه باحمد مشتاقه لسوالفه ومن اتذكر علمودي مات اتخبل ضليت ابجي بالحديقه حسيت ايد على كتفي وصوت يهمس شبيج تبجين انداريت مسحت دموعي

مبيه شي مخنوكه

فرات- ليش شدتحسين

نور- مشتاقه لاحمد وبجيت بحركه

فرات- الله يرحمه نور ارتاح من مات خطيه راح يم الرحيم

نور- صح بس هو علمودي مات دافع عني والحقير دفعه

فرات- اخذ جزاءه بقت تبجي اباوع عليها مسحت دموعها بايدي كافي ترحميله واقري قران هسه ترتاحين

نور- والحقيره اختي لاختبرت لاسالت

فرات- خابري انتي مبيها شي باجر خابري وسالي عليها اموت من داشوفها تبجي بس اريد تسكت دموعها تحرك بروحي

نور- يله حروح انام تصبح على خير

فرات- الروب اللابسته يجنن الله اليعلم شلابسه جواه بقيت اتخيل ملامح جسمها هزيت راسي ماريد افكر بهالسوالف واضعف لازم اربيها وبعد متعيدها

نور لتضلين تبجين موزين عيونج تذبل

نور- هزيت راسي ورحت نمت

فرات- واني هم نمت

قاني يوم تلاكينا عالميز الصبح تريكنا سوه

تروحين وي السايق

نور- اذا انت رايح للجامعه اجي وياك عادي

فرات- باوعتلها مزعوج امشي يله

نور- جايه ههههه وصدت يمه ورحنا للجامعه كملنا محاضرات رجعت للبيت راسن اني وهو يمكن راح للشركه

حضرت نفسي لبست بنطرون حصر وبدي حصر يبين نص صدري ومكيجت طوخ وفليت شعري وصبغت اضافري طلعت ملكه جمال للعصر وطب للبيت جنت كلعده اكل فاكهه

غرات- من شفتها معرفته رجعت خطوه ليوره دارت عيونها عليه وعيونها تجنن المكياج ويدلون عيونها يخبل

هاي شكو شمسويه بنفسج كلتها واني واثق من روحي بس داخلي مهزوز اريد اركض عليها

واحضنها

نور- ماكو شي شوي ضايجه وبدلت باوعتله خجلانه واحاول اتدلع

فرات- صبياي جوعان وعفتها وطبيت للغرفه كلبي حيوكف من جمالها ربي صبرني ماريد انزل من نفسي طلعت تغديت وابد مباوعت بوجهه كملت ورحت للغرفه ركض تمددت

نوو- حرت شسويت اغراءات كلسا منصيه حته يبين صدري شعري كلسا شامرته عليه خليت رجل على رجل حته يبين الحصر ميباوع هيج كارهني ولعبانه روحه مني

دخل نام للغرفه دخلت وراه اليوم ناويه عليه نيه سوده جان متمدد يكلب بالتلفون سحبت التلفون من ايده برقه وكعدت يمه نزعت البنطرون بالكوه خجلانه بس لازم اسويها لازم اجيبه كافي عاد زعل نزعته هو يراقبني قاطب حاجبه

فرات هذا الجرح اللي بفخذي ياذيني مااعرف ليش

فرات- نور لبسي وروحي لغرفتج كوه طلع صوتي ضميت رجفه روحي وشهوتي ورغبتي درت وجهي

نور- لبست وجيت لصفحه وجهه متريدني بعد لزمت تيشرتي وبديت اصعد بي شوي شوي

فرات- كافي نور طلعي بره سكتتني ببوسه واني ذبت ومتجاوبت وياها لازم اربيها بعدني ممرتاح كلبي الحك اشبع بيها

نور- بسته ردته يذوب ويتقرب مني ماكو تجاوب

ابتعدت فرات صارت علاقه بينك وبين المعيده مها

فرات- ليش تسالين

نور- جاوبنييي صيحت

فرات- انتي حسام تقرب منج شسوالج مدام تذكرتي مو انتو جنتو كاطعين مهر

نور- كلشي مسوالي والله مكايسني جنت ماشوفه يطلع الصبح ويرجع ب3بليل

فرات- يجوز

نور- جاوبني مها عدك علاقه بيها

فرات- اي عدي واكثر من مره وسافرت وياها شتردين ميصير علاقه ضلت صافنه وعينها دمعت

نور- ضليت صافنه وعيني غرغرت انتبهت على عيونه تندم من كالهاً

فرات- دمعت عينها وبرطمت ردت اكولها جذب خرسيت تندمت راحت تركض طلعت من الغرفه وسمعت قفل الباب مال غرفتها وره شوي سمعت بجيها شون اروح عليها لا بعدين اني اكولها كذب حتى بعد متحملتي ذنب فوك طاقتي شفت ماكو بعد صوت بجي فتت نمت واني بالي يمها باجر اصالحها واخذها واسافر ونتزوج هناك كافي ضيم شبعت

كعدت الصبح دكيت باب غرفتها فتحتها لكيتها فارغه سالت الخدامه كالتلي ماكو من الصبح مشافتها كلبت البيت كله ماكو تخبلت وين تروح ااباوع الساعه ب6ونص بعدها حتى الكليه معزله والشركه هم لبست وركبت السياره اول مكان دورت عليه بيتهم القديم دخلت سالت البواب كلي لا الموجرين الجدد كاعدين بيه ماكو مجتي تخبلت

وين اروح ادور ضليت افتر وادور رحت للكليه سالت صديقاتها ضليت كلعد بالسياره وين ممكن تكون بقيت افكر مخليت مكان مدورت صفنت اني ليش متصلت بالسايق اكيد هو الوصلها الساعه ب6منو يوديها مثلا اتصلت وكلي وديتها للنجف تزور اخوها وهسه هي بالبيت توني رجعتها ركضت للبيت وصلت دخلت غرفتها سمعت صوتها بالحمام تبجي ركضت عليها نورررر فتحت الباب كانت بالبرنس بستها بسرعه باوعت بعينها خفت لابعد ماشوفج

نور/ شتسوي بيه بعد عوفني

فرات- لج ملازم كل حياتي غيرج تقربت منها بسرعه بستها وحملتها عالفراش نور احبج والله بستها من ركبتها ريجه الحمام والشامبو وجسمها وشعرها المبلل ذوبتني نزعتلها البرنس تغطت بايدها جسمها خجلت

خليني اتفرج على جمالج لتحرميني منج بعد تقربت منها ذابت بيدي وصوت تاوهاتها موتني حبيبتي ومرتي وعمري كله

نور- فرات لتعوفني فدوه تره تعبت

فرات- مو اكثر مني انتقمت من ابوج اخذت بنته والله خلاني انتقم من عمج دخل ابنه للسجن ابوج ماله ذنب كان ميعرف انه ابويه مضلوم مااحمله ذنب

نور- فرات اعتذر اذيتك بكلامي هواي

احبك وانت الوحيد المعفتني حضنته وغفيت واخيرا صار كلش هواي ممرتاحه هالراحه اللي ماالكاها بس بحضنه عايشين حاليا احلى حياه وصارت عدي ريماس ورامي وكملت كليه تربيه وكاعده بالبيت وفرات رجع استلم الشركه وحاليا بافضل حالاتها كمنا نصنع ملابس هم واخذ الدكتوراه بالهندسه فرات الحمد لله ودمتم سالمين