تحميل رواية «احببتها في وقت خاطئ» PDF

رواية احببتها في وقت خاطئ الفصل الاول

_ عايزنى اتجوز قاصر يا بابا انت بتهزر

- مين قال إنها قاصر هى خلاص كلها شهر و هتكمل السن القانونى

_ مستحيل يا بابا انسى

- بدررر انت مش هتمشى كلامك عليا كتب كتابك كمان شهر و هنروح نتقدم الاسبوع الجاى

قال كده و مشى و بدر اتعصب و دخل اوضتو و رزع الباب وراه

( بدر 23 سنه ببشره مايله للسمار و بجسم رياضى و عيون عسلى .. عصبى و مش بيحب حد يتحكم فيه و مش بيسمح لحد يجى على كرامته و لو حس أن ده حصل بيتغير 180 درجه و بتاع بنات و على طول بيسهر برا لحد الفجر و بيشتغل فى شركه باباه الشناوى )

_______________________

_ رنيييم انتى يا بت

رنيم : ايه يا حبيبى فى ايه

_ كنت عايز افاتحك فى موضوع

رنيم بقلق : موضوع ايه يا بابا و مالك بتتكلم جد كده ليه

_ فى واحد هيجى يتقدملك الاسبوع الجاى ولازم توافقى عليه و كتب كتابكو هيبقى كمان شهر لما تتمى السن القانونى

رنيم : ايييه انت بتهزر يا بابا يعنى ايه ده انا لسه صغيره على الكلام ده و بعدين مين العريس إلى موافق يتجوز واحده لسه متمتش 18 سنه

_ مش عايز كلام فى الموضوع ده كتير يا رنيم انا قولت إلى عندى و العريس هتعرفيه لما يجى الاسبوع الجاى

قال كده و دخل اوضتو و قعد يفكر فى إلى حصل خلاه يوافق على الجوازه دى

Flash back

_ يا فندم والله الفلوس هتيجى لحضرتك قريب بس سيبلى فرصه حضرتك عارف ظروفى انا بنتى لسه فى ثانويه عامه و بصرف عليها وعلى دروسها و بحاول على قد ما اقدر احوش فلوس

- انا مليش دعوه بالكلام ده انت سامع

قبل ما يرد دخلت رنيم إلى كانت ماسكه شنطه فى أيدها و داخله بمرح

رنيم : حوده انت نسيت الورق ده فى البيت و قولت اكيد محتاجو و ..

سكتت لما لقت فى حد تانى فى المكتب و مركز معاها جامد

محمد : رنيم انتى ايه إلى جابك هنا

رنيم : الورق ده انت نسيتو و قولت يمكن محتاجو

محمد بص لصاحب الشركه إلى بيشتغل فيها و هو مركز مع رنيم فزعق فيها

محمد زعيق : حطى الورق و امشى دلوقتى

رنيم باستغراب : حاضر سلام

رنيم خرجت و كانت لسه عيون صاحب الشركه عليها و بعد ما خرجت بص لمحمد

- انا عندى حل تانى بدل ما تتحبس

محمد بأمل : ياريت يا فندم قول

- تجوز بنتك ابنى

محمد بصدمه : نعم

- زى ما سمعت يا تجوزها ابنى يا تتحبس و تسيبها هى تحاول تسد الفلوس عشان تخرج من السجن

قال كده و خرج و ساب محمد واقف يفكر و فى اخر اليوم بعتو يجيلو عشان ياخد ردو و للاسف أضر يوافق

Back

محمد : انا اسف يا حبيبتى بس مكنش فى ح

ل تانى و كده احسن ما تبقى لوحدك و انا محبوس

( رنيم 17 سنه بنت جميله ببشره بيضاء و عندها غمازات و عيون خضر زى مامتها الى اتوفت و محجبه .. مرحه و بتحب الهزار و حساسه إلى حد ما بس بتعرف تاخد حقها و بتحب باباها جدا و هما الاتنين قريبين من بعض كأنهم صحاب و بتهزر معاه عادى و بتحكيلو كل حاجه )

_______________________

بعد اسبوع

شناوى : يلا يا بدر هنتأخر

بدر من جوا بتأفف : حاضر جاى

خرج و هو مش طايق نفسو و كان لابس تيشرت بنص كم ابيض و بنطلون اسود

شناوى : ايه الى انت لابسو ده انت خارج مع صحابك

بدر : هو كمان عشان اروح اتقدم لازم البس لبس معين

شناوى : متخلينيش اجيب أخرى تجاهك يا بدر عشان هتزعل جامد .. تعالى ورايا

بدر بص مكانو بعصبيه و راح وراه و ركبو العربيه و مشيو

( شناوى 55 سنه ببشره سمراء و عيون عسلى .. طيب و محترم و بيحاول بأقصى ما عنده يحسن بدر و يبعده عن صحابو دول و البنات الى يعرفهم دول كلهم عشان هو عارف كويس أنهم بيستغلوه و إلى عملو مع محمد ده كان عشان بدر و هو مكنش بيعمل كده عشان الفلوس بالعكس هو كان عارف ان عنده بنت فكان بيعمل كده قصد عشان يجوزها بدر )

_______________________

عند رنيم

محمد : يلا يا رنيم زمانهم على وصول

رنيم بضيق : خلصت يا بابا

خرجت رنيم و كانت لابسه سالوبيت اسود و طرحه بيج و حاطه ميكب خفيف و كان شكلها حلو اوى

محمد : قمر ماشاء الله

رنيم بابتسامه : حبيبى انت إلى قمر والله

ابتسملها و سكت فقالت : مش هتقولى برضو ليه مصمم على الجوازه دى و اشمعنى الوادالله

محمد : واد !!

رنيم : اه واد امال هيكون ايه ما هو تلاقيه اكبر منى بسنتين و جاى يتقدم فأكيد واد

محمد بضحك : اه واد و عندو 23 سنه

رنيم بصدمه : ايييه 23 ؟؟ فرق 5 سنين يا بابا

محمد : ايه المشكله يا حبيبتى هو السن فيه مشكله

رنيم : لا بس كتير يا بابا

محمد : مش كتير ولا حاجه يا حبيبتى

رنيم كانت لسه هتتكلم لقت الباب بيخبط فمحمد راح يفتح و كان الشناوى و بدر

محمد : اتفضلو منورين

دخلو و قعدو و عدا وقت و كانت رنيم لسه مخرجتش

شناوى : احنا جايين نشوفك انت ولا ايه يا محمد

محمد : لا طبعا هروح اشوفها ثوانى

كان لسه هيقوم لقى رنيم داخله بالقهوه فرجع قعد تانى و رنيم قدمت القهوه و قعدت و بعد دقايق قامو و سابوهم لوحدهم بس بدر كان ساكت و مش مركز معاها لحد ما هى اتكلمت

رنيم : انا رنيم و انت !؟

بدر بعدم اهتمام : اسمى بدر

رنيم : مش عايز تقول حاجه هنفضل ساكتين كده

بدر : انتى لسه فى ثانوى

رنيم : ايوه .. هو انت ليه جيت تتقدملى

بدر بصوت واطى : مش جاى بمزاجى والله

رنيم : نعم

بدر لسه هيرد دخل عليهم شناوى و محمد

شناوى : ها يا ولاد ايه الاخبار

رنيم : هرد عليكو كمان يوميالوادالله

له

له

شناوى بص لمحمد بتحذير و قال : اتمنى توافقى

محمد بتوتر : هتوافق اكيد هو ابن حضرتك بترفض

شناوى : احنا هنمشى دلوقتى و مستنين رد

شناوى و بدر مشيو و رنيم قلعت الطرحه بضيق و هى بتقعد

رنيم : هو الواد ده أخرس

محمد باستغراب : أخرس ليه

رنيم : متكلمش كلمتين على بعض

محمد : معلش بقى اصلو مقعدش قعده زى دى قبل كده عشان كده مش عارف يتكلم

رنيم : غريبه يعنى مش باين عليه

محمد : المهم انتى ايه رأيك

رنيم : مش عارفه يا بابا حاسه انو لا هو اصلا واضح انو مش طايقنى ولا اكنو جاى غصب

محمد : بس يا رنيم الجوازه دى لازم تتم

رنيم : ليه يعنى يا بابا

محمد بكدب : اصل يا حبيبتى الشناوى ده صاحب الشركه إلى انا شغال فيها و هو قالى اجوزك ابنو عشان هو طايش شويه و هو مش عارف يتحكم فيه و قعد يقنعنى كتير و الصراحه صعب عليا فقولت اخليكى تتجوزيه و كده كده الزوجه الصالحه تصلح مش كده ولا ايه و كمان هو ليه جمايل كتير عليا قولت اردها

رنيم : يعنى يا بابا عشان ترد جمايلك تجوزنى واحد منعرفش بعض اساسا و واضح انو مش طايقنى

محمد : يا حبيبتى انا عارف ان قلبك ابيض و هتوافقى و بعدين المحبه بتيجى بعد الجواز مش لازم تبقو عارفين بعض و بتحبو بعض

رنيم : ماشى يا بابا هفكر و هبقى ارد عليك

محمد : ماشى يا حبيبتى بس فكرى بعقل

رنيم بضحك : حاضر .. انا هروح اذاكر بقى عشان الامتحانات قربت

محمد : ربنا معاكى

_______________________

بعد يومين

رنيم : بس ده كل الى حصل بس برضو مش مقتنعه اوى بكلام بابا بس هو اكيد لو شايف انو وحش مكنش قبل

_ انا مقتنعتش اوى برضو بس يا ستى اسمعى كلامو مش يمكن يحبك بعد ما تدخلى فى حوارات الروايات إلى انتى بتحبيها دى

رنيم بضحك : عندك حق بس مش ناقصه وجع قلب من بتاع الروايات

_ يلا طيب عشان الدرس صحيح ذاكرتى للامتحان

رنيم : اه بس ربنا يستر بقى

_______________________

بدر : مش طايقها يبنى بجد و بعدين تفكر انا حد يفكر عشان يتجوزنى !؟

_ فى ايه يا ابنى دى لسه اول مقابله متبقاش كده و بعدين ما طبيعى اى واحده بتفكر فى العريس قبل ما تاخد اى خطوه

بدر : بس مش معايا يا ونس

ونس : يا حبيبى بطل الغرور ده الله يسترك

بدر : مش غرور دى ثقه فى النفس

ونس : مفرقتش المهم صحيح هتعمل ايه فى كل صحابك البنات دول

بدر برفعه حاجب : انت عايزنى اسيبهم عشانها كمان ولا ايه لتكون فاكره نفسها هايفه وهبى

ونس : هايفه مش حلوه اوى على فكره

بدر : بقولك ايه مش هنتوه على بعض انا هخرج مع صحابى عادى خالص ولا كأنها موجوده اصلا

ونس : براحتك بس متجيش تندم .. الحلال الى انت بترفضه ده احلى يا صاحبى

قال كده و خرج من المكتب و بدر بص مكانو بعصبيه و ساعتها فونو رن

_ بدر حبيبى واحشنى

بدر : نيلى حبيبتى وحشانى اكتر

نيلى : مش هنتقابل ولا ايه بقالك اسبوع مطنشنى

بدر : لا طبعا هنخرج بس بكره و نتقابل فى المكان بتاع كل مره عشان انهارده ورايا شغل كتير

نيلى : ماشى يا حبيبى

قعدو يتكلمو شويه و بعدين قفلو عشان يكمل شغل

( ونس 23 سنه ببشره حنطيه و عيون عسلى و بجسم رياضى .. هو و بدر صحاب من و هما اطفال فى ابتدائى و كملو مع بعض لحد الوقت الى هما فيه دلوقتى و تعبو كتير مع بعض بس ونس شخصيه تانيه عن بدر بدر على طول بيكلم بنات و بيخرج معاهم و مش مدى اهتمام لأى حد ولا حتى باباه و عنيد و ونس مش بيحب يكلم بنات اصلا و بيكلمهم فى حدود الشغل بس و متساهل مع الناس مش عنيد زى بدر يعنى بمعنى أصح هو عكس بدر فى أغلب الحاجات و مع ذلك صحاب )

_______________________

تانى يوم

كان بدر لابس و نازل لقى شناوى لابس هو كمان و قبل ما يخرج وقفو

شناوى : استنى انت رايح فين

بدر : خارج

شناوى : خارج ايه انت ناسى أننا نازلين نجيب الشبكه انهارده

بدر : شبكه ايه هى وافقت !؟

شناوى : ايوه يا اخويا و يلا عشان هنروح ن

اخدهم و نجيب الشبكه

بدر : يارب على العكننه

شناوى : يلاااا

بدر خرج وراه و بعت لنيلى على الواتس انو مش هيعرف يقابلها و ركب العربيه و راحولهم

_______________________

محمد : خلصتى يا رنيم

رنيم : ايوه يا بابا هما جم !؟

محمد : قربو خلاص

بعد ربع ساعة كانو وصلو و طلعو قعدو معاهم شويه و قرأو الفاتحه و نزلو يجيبو الشبكه

_______________________

بعد شهر

رنيم تمت 18 و جه معاد كتب الكتاب و فى الفتره دى رنيم و بدر مكانوش بيتكلمو اصلا و بدر كان بيخرج مع نيلى و صحابو البنات عادى

_______________________

يوم كتب الكتب

محمد : ماشاء قمر

رنيم : بجد يعنى شكلى مش غريب

محمد : لا طبعا انتى على طول شكلك حلو

رنيم : حبيبى يا حوده

رنيم كانت لابسه فستان ابيض بس مش منفوش اوى و عليه لؤلؤ من فوق و تحت ساده و كان شكلها حلو اوى

محمد : يلا عشان اطلعك لعريسك

رنيم بتوتر : بابا ما نأجل الموضوع شويه

محمد : نأجل ايه يا حبيبتى المأذون و الناس برا

رنيم : ما يا بابا الموضوع جه فجأه و انا مش مستعده للمسئوليه دى

محمد : يا حبيبتى ولا مسئوليه ولا حاجه انتى هتروحى هناك هتقعدى معززه مكرمه

رنيم : طب ما افضل هنا معززه مكرمه برضو

محمد بزهق و بصوت عالى نسبيا : رنييييم

رنيم : يوه يا بابا خلاص ماشى

محمد خدها و خرجو و طلعت قعدت جمب المأذون من ناحيه و بدر من ناحيه و طبعا اول ما شافها انبهر بجمالها بس طنش و عمل فيها مش واخد بالو لحد ما كتبو الكتاب و الناس كلها باركتلهم و عملو احتفال بسيط و جه وقت انهم يروحو

رنيم بدموع : خلينى معاك يا حوده ونبى و

صدقنى هغسل المواعين كل يوم من غير ما تقول

محمد بضحك : مواعين ايه يا هبله انتى يلا روحى مع جوزك

رنيم بصوت واطى : يا بابا جوزى ايه ده مش طايقنى اصلا

محمد بضحك : معلش اهو فى مقام جوزك برضو ... يلا بقى صدعتينى

بدر بملل : هنفضل كده كتير

رنيم بضيق : جايه

_______________________

فى الاوضه

رنيم : هو انت هتنام فين

بدر بصلها و بعدين بص للسرير و قال ببرود : على ما اعتقد الى قدامك ده بيتنام عليه

رنيم بضيق : عارفه اكيد بس انا مش هنام جمبك

بدر : خلاص متناميش نامى على الكنبه

قال كده و دخل الحمام يلبس و هى بصت مكانو بصدمه

رنيم : ده حتى معندوش ذوق ياربى

بعد شويه كان هو خرج و هى دخلت تقلع الفستان و تلبس عشان تنام و لما خرجت لقتو نايم على السرير فبصتلو بعصبيه و راحت جابت مخده كبيره حطتها بينهم و نامت

_______________________

تانى يوم الصبح

صحيت رنيم لقت بدر واقف قدامها بيلبس القميص

رنيم بنعاس : انت رايح فين !؟

بدر : ...

_______________________

رواية احببتها في وقت خاطئ الفصل الثاني

رنيم بنعاس : انت رايح فين !؟

بدر ببرود : رايح الشغل و خارج مع صحابى بعدها متستنينيش

رنيم بغيظ : وانت مين قالك انى هستناك اصلا و بعدين ما تحترم أننا لسه متجوزين امبارح رايح تخرج مع صحابك و تروح الشغل!

بدر باستفزار : اظن ملكيش فيه و ياريت تفتكرى أن محدش فينا طايق التانى و مش متجوزين عن حب حتى

قال كده و خرج و هى بصت مكانه بعصبية و كانت عايزه تروح تجيبه من شعره بس هدت نفسها و دخلت تاخد دش و خلصت و نزلت تحت لقت المساعدين مجهزين الفطار على السفره فراحت تقعد عشان تاكل

( صحيح نسيت اقولكو بدر كان عايش مع باباه فى فيلا و كان ليه فيلا تانيه اصغر شويه و دى الى هما قاعدين فيها دلوقتى )

_______________________

فى الشركه

دخل بدر المكتب بتاعو و ونس لمحو فراح وراه باستغراب

ونس : انت ايه إلى جابك يبنى

بدر : يعنى ايه ايه إلى جابك

ونس : انت مش امبارح كان كتب كتابك و المفروض تقعد مع مراتك

بدر : هى بقت مراتى خلاص

ونس : انت اهبل يا بدر

بدر : فى ايه ونس صوتك احنا فى الشركه

ونس : اوطى صوتى ايه انت سايب مراتك تانى يوم كتب الكتاب و جاى الشركه !! انت حتى مهتمتش للناس إلى هتقعد تتكلم عليها قبل عليك

بدر : ميهمنيش فعلا هى متخصنيش فى حاجه عشان تخاف عليها من كلام الناس

ونس بغضب مكتوم : انت حر يا بدر بس متجيش تندم فى الاخر على طريقتك دى

خرج و رزع الباب وراه و بدر بص بحزن و فى نفس الوقت عصبيه من رنيم إلى ظهرت فجأه و خلت صاحبو يتعامل معاه كده بسببها و بعد شويه هدى و رجع يركز فى الشغل لحد ما عدى ساعات و خلص و كلم صحابو إلى طبعا من ضمنهم بنات عشان يخرجو

_______________________

فى الفيلا

رنيم : يارب الساعه 8 و لحد الان مفيش حاجه تتاكل حتى هما المساعدين إلى هنا جايين يعملو فطار بس

سكتت شويه و هى بتفكر و بعدين قامت دخلت المطبخ ملقتش حد فطلعت حاجات كتير و عملت صنيه مكرونه و دخلتها الفرن و راحت تقعد لحد ما تتحمر

_______________________

عند بدر

دخل بدر كافيه و كان فى شله كبيره قاعده على تربيزه فراح ناحيتهم و هو بيسلم و قعد جمب نيلى

بدر : ايه يا شباب عاملين ايه

الكل : الحمدلله

بدر : ازيك يا نيلى

مردتش عليه فقال : نيلى !!

نيلى : نعم ؟

بدر : مالك

نيلى بتمثيل الزعل : انت مش مطنشنى بقالك فتره و فى الاخر عرفت انك اتجوزت جاى تكلمنى دلوقتى ليه بقى

بدر : يا حبيبتى دى جوازه كده و كده على الورق بس عشان بابا مش اكتر و لو مكنتش اتجوزتها كان هيطردنى من الشركه و يسحب كل فلوس فى البنك

نيلى : يعنى انت مش بتحبها و بتحبنى

بدر بتردد : اه طبعا

نيلى بضحك : ماشى يا حبيبى

ابتسم و سكت و هما كملو كلام و طلبو اكل ياكلو و عدى وقت و بدر قام عشان يمشى و خد نيلى يوصلها

_______________________

فى الفيلا

كانت رنيم قاعده بتتفرج على التليفزيون و لقت فونها بيرن و كان شناوى

رنيم : السلام عليكم

شناوى : و عليكم السلام .. ازيك يا بنتى

رنيم : الحمدلله حضرتك عامل ايه

شناوى : بخير الحمدلله .. قوليلى هو بدر عندك

رنيم بتوتر : بدر اه اه بدر هنا

شناوى : من غير كدب يا رنيم

رنيم : الصراحه كده مش هنا

شناوى : يعنى هيكون راح فين

رنيم : نزل الشغل الصبح و خارج مع صحابو

شناوى : ماشى يا بدر انا هتصرف المهم يا بنتى متقوليش انى كنت بكلمك تمام

رنيم : تمام

فى الوقت ده دخل بدر فقالت : طيب يا بابا سلام

شناوى فهم أن بدر جه فقال : سلام

بدر : ايه الريحه دى

رنيم : ريحه ايه

بدر : فى ريحه شياط أو حريقه

رنيم : لا تلاقى برا أو ... نهااار ازرق المكرونه

قالت كده و جريت بسرعه على المطبخ و لقت دخان كتير فراحت للفرن و حاولت تقفلو معرفتش من السخونيه فبدر جه و جاب فوطه و قفل بيها الفرن و فتحو الشباك عشان الدخان يطلع

بدر بعصبيه : انتى ايه يا بنتى انتى معندكيش ريحه المسؤوليه خالص سايبه الاكل على النار و قاعده برا بتتفرجى على التليفزيون و بتتكلمى فى الفون و سايباه يعنى حتى الحاجه الى المفروض تبقى فالحه فيها فاشله افرضى المطبخ كان ولع دلوقتى

رنيم حست بضيق من كلامو هى عارفه انها غلطانه بس مش لدرجه انو يقول كل ده

بدر بزعيق : ما تردى عليا

رنيم : انت بتزعق ليه

بدر : لا ابدا كنتى هتولعى فى البيت بس حاجه بسيطه

رنيم : مكنش قصدى اكيد انا بس نسيت عشان كنت قاعده برا

بدر : مدام بتنسى بتتزفتى تدخلى المطبخ ليه

رنيم : ممكن تبطل تزعق و بعدين دى مش اول مره ادخل المطبخ يعنى انا كنت بطبخ من ساعه ما ماما الله يرحمها اتوفت مجتش على المره إلى نسيت فيها يعنى

بدر بصلها بعصبيه و قله صبر و خرج برا المطبخ و طلع الاوضه وهى فضلت واقفه بتبص للصنيه بحزن

رنيم بدموع : هاكل ايه انا دلوقتى

قالت كده و خرجت برا و عيطت فجأه مش عشان المكرونه اتحرقت لا عشان لقت فرصه تعيط بس من الضغوطات إلى عليها و كمان عشان الثانويه و بعد دقايق نزل بدر إلى اتصدم لما لقاها بتعيط و راح قعد جمبها

بدر باستغراب : انتى بتعيطى ليه

رنيم بشهقات : مش بعيط

بدر : لا بجد امال ايه ده الدنيا بتمطر على وشك يعنى

رنيم : ملكش دعوه

بدر : انتى بتعيطى عشان المكرونه

رنيم بكدب : اه

بدر : ليه يعنى

رنيم : عشان مكلتش من بدرى و كنت جعانه و كمان تعبت فيها

بدر : طب خلاص هطلبلك كنتاكى

رنيم بفرحه طفوليه وهى بتمسح دموعها بكم البيجامه : احلف

بدر بضحك على منظرها : والله

رنيم بابتسامه : ربنا يخليك والله انت رجوله

بدر ضحك عليها و هو مركز على تفصيلها و وشها إلى احمر من العياط و هى خدت بالها فلفت وشها وهو فاق و قام عشان يطلب الاكل و فعلا طلب وبعد وقت كان جه وهى قعدت تاكل و هو طلع ينام

_______________________

تانى يوم

رنيم كانت قاعده فى الاوضه بتذاكر الصبح بدرى قبل ما تنزل الدرس لقت بدر داخل عليها و هو متعصب

بدر بزعيق : انتى بتشتكينى لبابا !!!

رنيم : انت بتقول ايه

بدر : زى ما سمعتى بتكلمى بابا تشتكيله منى ليييه انتى مين اصلا عشان تشتكينى

رنيم : اشتكيك ايه مش فاهمه حاجه انا هشتكيك ليه اصلا

بدر : يمكن عشان سيبتك امبارح و نزلت

رنيم : انا مشتكتش هو سألنى وانا قولت إلى حصل بس

بدر : لا والله لا حاجه بسيطه فعلا ظلمتك

رنيم : ممكن تخرج عايزه اذاكر قبل الدرس

بدر : درس ايه

رنيم : عندى درس تاريخ

بدر : اه صح انا نسيت انك لسه فى ثانوى

رنيم بصتله شويه فقال : متمشيش لوحدك ابقى قولى للسواق يوصلك و يرجعك

رنيم : لا انا عايزه اروح لوحدى مش عايزه العيال بتوع الدرس يفضلو يتكلمو

بدر : ما يتكلمو هما مالهم .. اعملى إلى قولتو سامعه

قال كده و خرج و هى بصت مكانه بغيظ و رجعت كملت مذاكره بس مكانتش عارفه تركز كويس لحد ما خلصت و قامت تلبس عشان الدرس و فعلا لبست و خرجت من الفيلا لقت السواق واقف مستنيها فركبت معاه و راحت الدرس و هو فضل واقف برا

_______________________

فى الشركه

كان بدر وصل و داخل الشركه فمحمد شافو و راحلو

محمد : بدر يا ابنى ازيك

بدر : الحمدلله ازى حضرتك

محمد : الحمدلله هى رنيم عامله ايه

بدر : كويسه

محمد : ونبى يا ابنى خلى بالك منها دى هبله اصلا و اقف جنبها الايام دى عشان الثانويه

بدر : حاضر يا عمى متقلقش

محمد : ربنا يخليك يا ابنى هسيبك انا

مشى و بدر دخل المكتب و قعد يشتغل شويه و بعد وقت دخل عليه ونس

ونس : بدر يلا عشان الاجتماع

بدر : حاضر

ونس كان لسه هيمشى وقفو بدر : ونس انت فعلا مضايق منى عشان رنيم !؟

ونس : انا قولتلك قبل كده يا بدر حتى لو انت مش طايقها اعمل حساب أنها مراتك و كمان لكلام الناس لما تلاقيك سايبها بعد الجواز كده على طول

بدر : يعنى افضل حابس نفسى فى البيت ما انت عارف انى مش بحب اقعد فى البيت

ونس بغمز : مع الوقت هتحبو متقلقلش

بدر بفهم : لا يا بابا انسى الى فى دماغك ده مستحيل اصلا

ونس : هنشوف المهم يلا عشان الاجتماع

قام معاه و هو مبسوط انو رجع يهزر معاه تانى و دخلو الاجتماع

_______________________

عند رنيم

نور : ماشاء الله جايبينلك سواق

رنيم : يا بنتى ده مرار بجد بقولو هروح لوحدى يقولى لا و اجبرنى اروح مع السواق

نور : يا ستى مش احسن ما تتمرمطى فى المواصلات

رنيم بضحك : عندك حق .. يلا تعالى اوصلك

نور : لا يا ستى انا هروح انا كده كده قريبه من هنا

رنيم : بدل ما تتمشى يلا

خدتها و ركبو و قالت للسواق على بيتها و وصلتها و مشيو

( نور 18 سنه ببشره متوسطه و عندها غمازات و قمر اوى و طيبه و بتحب تهزر .. صاحبه رنيم من و وهما فى اعدادى و بيحبو بعض اوى و على طول مع بعض )

_______________________

فى الشركه

خلصو الاجتماع و ونس راح مع بدر المكتب

ونس : انت هتروح ولا هتعمل ايه

بدر : هخلص كام حاجه هنا كده و همشى يعنى قول ساعه ساعتين

ونس : ايوه هتمشى هتروح فين هتقابل نيلى !؟

بدر : ايه المشكله ما انت عارف انى بحبها

ونس : انت كداب يا بدر يعنى بذمتك انت بتحب نيلى يعنى هتسيب كل البنات المحترمه الى فى الدنيا و هتحب نيلى !!

بدر بتشتت : اه عادى

ونس : راجع نفسك يا بدر عشان انت مش بتحبها انت بس بتسلى وقتك معاها ... انا راجع المكتب

ونس مشى و بدر قعد بفكر كتير هو فعلا مش بيحب نيلى هو بس بيضيع وقتو معاها و بيسلى وقتو معاها زى ما قال و بعد تفكير كتير سكت و قرر يرجع يكمل شغل

_______________________

فى الفيلا

رنيم رجعت و غيرت و قبل ما تقعد تذاكر قالت تكلم محمد و فعلا رنت عليه فيديو كول و بعد دقايق رد

رنيم : حووووده واحشنى يا راجل بقى كل ده متكلمنيش

محمد بضحك : وحشتينى اكتر يا مصيبه و بعدين قولت اسيبك يومين كده و كمان سألت بدر عليكى قال انك كويسه

رنيم بحزن مصتنع : يعنى بتكلم بدر و مش بتكلم بنتك يا حج يرضيك

محمد بضحك : يا هبله ما بدر مدير فى الشركه

رنيم : مش مهم مش هتفرق

محمد : المهم عامله ايه فى المذاكره

رنيم : طبعا يا حج انت عارف ان كل حاجه قسمه و نصيب و أن النتيجه دى مش بأيدنا و أن الست مكانها بيت جوزها الى هو انا فيه حاليا فمش لازم نسأل على المذاكره اوى

محمد : وربنا هبله يا بت مفيش حاجه هتنفعك غير المذاكره دى

رنيم : معاك حق يا حجوج بس الواحد مش قادر يستمر

محمد : انتى قدها يا حبيبتى انا واثق فيكى

رنيم : ادعى كتير ونبى

محمد : بدعيلك والله .. المهم روحتى درس انهارده

رنيم : اه روحت و البت نور اتفاجئت من السواق إلى ودانى

محمد باستغراب : سواق ايه

رنيم : ما يا حوده طبيعى ناس زيهم صحاب شركات اكيد عندهم سواقين بس الى شاغلنى بقى أن المساعدين إلى هنا بيبقو موجودين الصبح بس عشان الفطار

محمد : يمكن ليهم مواعيد

رنيم : لا ما هو انا مش هذاكر و اطبخ انا روح يا ناس مش كده

محمد بضحك : قوليلو يا اختى لو عرفتى .. هقفل انا دلوقتى عشان الشغل

رنيم بضحك : ماشى يا حبيبى سلام

قفلت معاه و هى بتضحك و مبسوطه و قعدت تذاكر و بعد ساعات كان بدر رجع

بدر : انتى رجعتى امتى

رنيم : من ساعتين كده

بدر : كلتى !؟

رنيم : لا .. صحيح هما المساعدين مش بيجو غير الصبح ليه

بدر : عشان المفروض هما بيجو ينضفو اصلا بس قولتلهم يعملو فطار بالمره كل يوم هما اتنين بس اصلا

رنيم : طب ابقى هات حد للغدا كمان ونبى عشان انا معنديش وقت اقف اعمل اكل

بدر : لولا انى عارف معاناه الثانويه كنت قولتلك وانتى لازمتك ايه

رنيم بغيظ : والله انت عارف انت متجوز واحده قد ايه و فى سنه كام فاستحمل بقى

بدر بصلها بعصبيه و دخل الحمام يلبس و بعد شويه خرج و كلم حد طلب اكل بيتى جاهز لحد ما يشوف مساعده و بعد ساعه كان الاكل جه

بدر : الاكل جه لو ناويه تاكلى

رنيم قامت بتعب و نزلت و قعدو ياكلو و خلصو و رجعت تانى فوق عشان تذاكر و بعد ساعه طلع بدر عشان ينام لقى رنيم نايمه على الكتب و باين عليها الإرهاق

بدر : رنيم رنيم اصحى

رنيم بنوم : اممم

بدر : قومى نامى على السرير

رنيم قامت براحه و راحت رمت نفسها على السرير و نامت بتعب و بدر بصلها شويه و نام هو كمان

_______________________

بعد شهر ونص

عدى فتره و رنيم كانت خلصت امتحانات و كانت مبسوطه جدا لدرجه انها قضت اغلب وقتها نايمه بس بدر كان مخليها تعمل حاجات كتير فى البيت بما انها خلصت امتحانات و هى كانت بتعمل حاجه اه و حاجه لا و طبعا كانو بتخانقو كتير و بدر كان بيقلل خروج مع نيلى و بقى يقعد فى البيت عشان بقى يحب اى فرصه تيجى و يتخانق مع رنيم

_______________________

فى فيلا الشناوى

شناوى : بدر

بدر : نعم يا بابا

شناوى : فى حفله كبيره تبع الشركه هتبقى كمان اسبوع و فى رجال أعمال كتير وانا للاسف مش هعرف اروح فروح انت و خد معاك رنيم

بدر : طب يعنى اروح انا ماشى بس اخد رنيم معايا ليه

شناوى : يعنى ايه ليه هى مش رنيم دى مراتك ولا انا بيتهيقلى

بدر : وانا لما اروح ماسك فى ايدى عيله و اقولهم مراتى الناس إلى هناك هتقول ايه ما طبيعى تتريق

شناوى : إلى قولتو يحصل يا بدر و لو حد اتكلم انت سهل تقف قصاده و صحيح تبعت تجيبلها احسن فستان للحفله

قال كده و خرج من المكتب لقى رنيم قاعده برا و بتتكلم مع كبيره الخدم عند شناوى و بتهزر معاها فراح ناحيتهم

شناوى : طلعتى عشريه

_ عن اذنك يا فندم هروح انا

شناوى : لا يا سميره خليكى مش بقول كده عشان تمشى

رنيم : بجد هى عسل اوى و حبيتها حسيتها زى ماما الله يرحمها

سميره : يا حبيبتى انتى الى قمر والله ربنا يخليكى يا ست هانم

رنيم بزعل : ست هانم تانى انا قولت لحضرتك اسمى رنيم بس انا مش ست هانم انا ده انا قد بنتك

سميره بابتسامه : ماشى يا رنيم

رنيم : حبيبتى والله خدى بوسه

كل ده كان بدر واقف و بيتفرج من بعيد و هو مبتسم و كان عاجبو تعاملها مع سميره و شناوى خد بالو انو واقف بيتفرج و مبتسم فابتسم هو كمان بخبث و بدر خد بالو فكشر فجأه وراح ناحيتهم

بدر : يلا يا رنيم عشان نمشى

رنيم : خلينا شويه ونبى ببقى زهقانه فى البيت مصدقت أخرج

بدر : رنيييم يلا

شناوى : متزعقلهاش

رنيم : طب ينفع نروح لبابا !

بدر بقله حيله : تمام يلا

قامو و مشيو من عند شناوى و راحو لمحمد إلى اول ما شافهم فرح و حضن رنيم و قعدو مع بعض حبه و هما بيضحكو و يهزرو و مشيو

_______________________

بعد اسبوع

بدر : يلا يا رنيم هنتأخر مش كفايه جايبك معايا

قعد بملل و هو بيستناها و فجأه ...

_______________________

رواية احببتها في وقت خاطئ الفصل الثالث

و فجأه لقاها نازله بفستان بيبى بلو و طرحه بيضه و كانت حاطه ميكب خفيف و كانت جميله جدا لدرجه انو سرح معاها شويه

رنيم : خلللصت !!

بدر بفوقان : اه اه يلا

خدها و راحو ركبو العربيه و راحو مكان الحفله و بعد نص ساعه كانو وصلو

_______________________

فى الحفله

كان مكان كبير جدا و شكلو حلو و فى ناس كتير اوى و رجال أعمال و و بنات حلوين كتير و ده خلى رنيم تضايق

بدر : تعالى هروح اسلم على صحابى

راحت وراه و لقتو رايح لشله فيها بنات و ولاد و كل البنات لابسين لبس ضيق اوى و قصير و سلم عليهم

_ ايه ده يا بدر أنت جايب بنت اختك معاك

كلو ضحك و واحده تانيه قالت : مش صغيره عليك دى يا بدر ما كنت تاخد وحده منا كان هيبقى احسن

رنيم اضايقت و بصت لبدر على أساس هيرد عليهم و ياخد حقها بس حصل العكس و سكت متكلمش

- مين دى يا بدر

بدر : مراتى

الكل بصدمه : نعمممم

_ انت متجوز طفله !!

بدر كان لسه هيرد رنيم قالت : طفله فى عينك انا مش طفله

بدر : رنيييم بس

_ انتى بتردى عليا

رنيم : اه هتعملى ايه يعنى

_ بجد بيئه اوى مكنش المفروض تاخدها يا بدر دى واضح جايه تعمل خناقه

رنيم كانت لسه هترد لقت بدر مسكها من أيدها جامد و قال : انا ماشى يا جماعه استمتعوا بوقتكو

خدها و راح وقف بعدين و هو بيبصلها بعصبيه و بيحاول يهدى نفسو

بدر : احنا مش جايين نعمل مشاكل و خناقات سامعه اى مشكله هتحصل هنا هيحصل وراها خساير كتير

رنيم : هى إلى قليله الادب و عماله تتكلم و انت مش بترد فقولت ارد انا

بدر : مش برد عشان مش عايز مشاكل و ياريت طول ما احنا هنا متتكلميش تمام

رنيم بغيظ : طيب

بدر : اقعدى هنا متتحركيش هروح للناس إلى هناك و جاى

رنيم : ماشى

راح و بعد شويه جه جارسون و نزل مشروب و هى افتكرته عصير و خدته شربته و اول ما خدت بوق قلبت وشها

رنيم : ايه ده طعمه عامل كده ليه .. يمكن نوع جديد !

جربت تانى و بقت تشرب عادى عشان كانت عطشانه بس الى مكانتش تعرفه أن دى خمره لحد ما بدر جه و لقاها بتاخد اخر بوق فبرق بصدمه

بدر : يخربيتك انتى بتشربى ايه

رنيم كانت الخمره بدأت تعمل مفعول فقالت بدون وعى : العصير ده طعمو غريب بس حلو

بدر : عصير ايه انتى عبيطه دى خمره

رنيم بسكر : و مالو يعنى .. بقولك ايه قولو يجيب كُبايه تانيه

بدر : رنيم قومى يلا هنمشى

رنيم : لا لا خلينا شويه الجو حلو

بدر : رنيم يلا مش هينفع تفضلى كده كتير

حاول يقومها بس هى كانت بتقاوم فشالها مره واحده و الناس كلها كانت بصالهم بس هو مهتمش و راح ركبها العربيه و مشى

رنيم : انت رخم انا مكنتش عايزه امشى انا بقالى كتير مروحتش حفلات

بدر : انتى مستوعبه انتى شربتى ايه يا رنيم

رنيم : عصير

بدر عرف انها مش فى وعيها فسكت و كمل سواقه و هى نامت فى الطريق و لما وصلو شالها تانى و طلعها الاوضه و نيمها على السرير وخرج

_______________________

تانى يوم

صحيت رنيم و لقت رأسها تقيله و مصدعه جامد و كانت بتقوم بصعوبه و قامت دخلت الحمام خدت دش و خرجت و كانت فاقت من إلى شربته و نزلت تحت لقت بدر قاعد قدام التليفزيون فراحت قعدت جمبو

رنيم : هو ايه الى حصل امبارح

بدر : روحنا بدرى عشان حضرتك شربتى بالغلط

رنيم : طب و ايه المشكله لما اشرب انا شربت ايه يعنى

بدر : خمره

رنيم بصدمه : نعمممم بتهزر

بدر : لا والله و كمان مكنتيش عايزه تمشى فخدتك بالعافيه نروح و نمتى فى الطريق و مصحيتيش غير دلوقتى

رنيم : لحظه بس هو مدام انا نمت امال غيرت ازاى !؟

بدر سكت فصوتت فيه : يا حيوان بقى بتستغل الفرصه يا زبا*له

قالت كده وهى بتضربه فمسك أيدها و قال : ما تهدى هو انا رديت .. انا قولت لمرات الحارس هى إلى تيجى تغيرلك عشان مينفعش تنامى بالفستان

رنيم سكتت و حست براحه لما قال كده بس لما استوعبت إلى قالته غمضت عينها بإحراج و قامت من جمبو و دخلت المطبخ

_______________________

فى مكان تانى

_ مالك يا نونو

نيلى : شوفتى الزفته إلى اتجوزها

_ لا مشوفتهاش انتى شوفتيها فين

نيلى : امبارح فى الحفله جت معاه و الهانم شربت و خلتو يشيلها عشان يروحو مش عارفه اتجوزها على ايه اصلا وهى طفله كده

_ طب وانتى مضايقه من ايه هو مش قالك بيحبك انتى

نيلى : مش حاسه كده و كمان هو بقالو حبه مش بيكلمنى و مش بنتقابل

_ خلاص قابليه و قوليلو انو يتقدملك كده كده الشرع محلل اربعه

نيلى : انتى عبيطه ما انتى عارفه انى معاه عشان الفلوس إلى معاه مش اكتر اروح متدبسه فى جوازه

_ ما انا مش فهماكى يا نيلى الصراحه نرضيكى ازاى

نيلى : يطلقها

_ انتى عارفه أن باباه مش هيوافق

نيلى : مش مهم بس لازم يطلقو

_______________________

بليل فى كافيه

نيلى : حبيبى هو انت مش ناوى تطلق البت إلى معاك دى

بدر : للاسف مش هينفع يا نيلى

نيلى : ليه

بدر : عشان بابا انتى عارفه

نيلى : وانت هتفضل ماشى ورا كلام باباك

بدر بعصبيه : قصدك ايه يعنى

نيلى : قصدى إلى فهمتو يا بدر انت ماشى ورا كلام باباك و مش عارف تقولو لا و ...

قبل ما تكمل كان ضربها بالقلم و قال : انا كل ده ساكتلك و عارف انك مش بتحبينى و بتعملى كده عشان الفلوس و مش راضى اتكلم بس هتقللى منى هزعلك انتى فاهمه

قال كده و سابها ومشى و الكافيه كلو كان بيبص عليهم وهى اتعصبت و خدت حاجتها و مشيت

_______________________

فى الفيلا

رجع بدر و هو متعصب من إلى حصل لقى رنيم واقفه قدامو و كان شكلها حلو و مجهزه اكل على السفره

رنيم : قولت اعتذر عن سوء الفهم إلى حصل الصبح و اهو ابقى عملت حاجه حلوه

بدر : مش قادر اكل ولا اتكلم خليها مره تانيه

قال كده و طلع الاوضه و رنيم اضايقت من إلى حصل وحست انو كسفها و مش عايز يقعد معاها فقدت على السفره وهى حابسه دموعها و كلت كام معلقه و مجالهاش نفس تكمل اكل و طلعت نامت بس فى اوضه تانيه و مكانتش متنضفه بس نضفت السرير و نامت

_______________________

بعد يومين

رنيم : بقولك يا بت يا نور بفكر اعمل بيدج و ابيع فيها اكسيسوريز و ميكب

نور : حلوه الفكره دى اوى

رنيم : بس هجيب الحاجات منين

نور : انا اعرف مكان بيبيع حاجات بالجمله حلو اوى هبعتلك عنوانو بس هو انتى هتجيبى فلوس الحاجات منين

رنيم : انا كنت محوشه فلوس و كمان الفلوس إلى المدرسين كانو بيدهوالنا و ممكن استلف من بابا

نور : اشطا و لو عايزه اى حاجه قوليلى

رنيم : حبيبى تسلمى

نور : هقفل اشوفلك عنوان المحل و الرقم

رنيم : تمام سلام

قفلت معاها و هى متحمسه للمشروع بتاعها و لقت بدر بيدخل الاوضه فكشرت و متدوش اهتمام

رنيم قبل ما تروح على السرير و تنام : انا هنزل بكره هجيب شويه حاجات

بدر : حاجات ايه

رنيم : ميكب و اكسسوارات

بدر باستغراب : بس انتى مش بتحطى ميكب اصلا

رنيم : مش عشانى

بدر : امال

رنيم : هعمل بيدج ابيع فيها الحاجات دى

بدر كان لسه هيتكلم فقالت وهى بتشد الغطا : تصبح على خير

_______________________

عند نيلى

نيلى بغيظ : شوفتى عمل فيا ايه يا فرح

فرح : عمل ايه

نيلى : اتخانق معايا و ضربنى بالقلم عشان بقولو ماشى ورا كلام باباك

فرح : ما هو انتى برضو مكنش المفروض تقولى كده يا نيلى

نيلى : لو مكنتش قولت كده مكناش هنخلص

فرح : ما انتو خلصتو فعلا يا فالحه ما هو كده سابك

نيلى : لا طبعا انا متسابش و هيرجعلى

فرح : ازاى بقى يا ناصحه

نيلى : هتشوفى هخليه يرجعلى ازاى

_______________________

عدى اسبوعين و رنيم بدأت فى البيدج بتاعتها و كانت بتكسب حلو رغم أنها لسه باديه و بدر صالح رنيم على طريقتو معاها لما رجع من تحت قبل كده و هى قبلت اعتذارو و قربو من بعض شويه بس بدر كل شويه يتغير و يتعامل بطريقه رخمه و هى بتضايق من كده و انو على أقل حاجه يتعصب عليها و رنيم التنسيق بتاعها طلع و قدمت فى كليه الالسن الى كان نفسها فيها

_______________________

رنيم : بدر

بدر : نعم

رنيم : عايزه أخرج

بدر : طب و بعدين

رنيم : تيجى نروح الزمالك نتمشى على النيل و ناكل ايس كريم و نتصور كتييير عشان بحب اتصور

بدر : ماشى بقالى كتير مروحتش بس امتى

رنيم : دلوقتى

بدر باستغراب : دلوقتى !! الساعه 8

رنيم : يا سلام ما انت كنت بتنزل مع صحابك و بتقعد لبعد الفجر ولا هو عشان معاك الطفله مراتك زى ما كلو بيقول مينفعش

بدر باستفزار : يعنى هما كدبو ما انتى طفله فعلا

رنيم بصتلو بحزن و قامت و هى مطايقه و كانت هتطلع فوق بس بدر قام رواها بسرعه و مسكها و هو بيضحك

بدر : استنى بس بهزر انتى قموصه ليه

رنيم : شيل ايدك عايزه اطلع

بدر : خلاص اطلعى بس البسى عشان هننزل

رنيم بفرحه طفوليه : بجد !!

بدر بضحك : ايوه يلا بسرعه قبل ما ارجع فى رأيى

رنيم : صاروخ ثانيه بس

طلعت بسرعه و هى بتجرى و بدر وقف يضحك عليها و طلع وراها

رنيم : انت بتعمل ايه هنا أخرج برا عايزه البس

بدر : هاخد لبس وأخرج الله انزل بلبس البيت يعنى

رنيم بضحك : طب بسرعه

بدر خد اللبس و هو بيضحك و خرج و رنيم راحت خرجت لبس و لبست وهى مبسوطه

_______________________

فى الزمالك

كانو بيتمشو فى الممشى و هما بيتكلمو و فجأه رنيم وقفت و فتحت فونها و ادتو لبدر

رنيم :

بدر : يا بنتى احنا ملحقناش نمشى

رنيم : هننسى و مش هتصور صورنى دلوقتى

بدر بضحك : ماشى يا ستى اقفى

وقفت و هو صورها اكتر من صوره عشان كل ما تتصور تقول لا مش حلوه و تتصور تانى لحد ما اخيرا صوره عجبتها و رجعو يتمشو و وهما بيتمشو لقو محل بتاع ايس كريم

رنيم : يلا نجيب ايس كريم

بدر : ماشى تعالى

كانو بيعدو الشارع بس رنيم الموبايل بتاعها كان هيقع فوقفت تلحقه و قبل ما تتحرك كانت عربيه قربت منها بس لحسن حظها بدر خد بالو و راح شدها بسرعه

بدر بزعيق و خوف : انتى ايه إلى وقفك فى نص الشارع

رنيم بخوف : الموبايل كان هيقع فكنت بلحقه مخدتش بالى أن فى عربيه

بدر : احنا فى شارع يعنى ايه مخديش بالك

رنيم مرتدش عليه عشان كانت لسه خايفه من إلى حصل عشان كان ممكن تموت و هو خد بالو فهدى و حضنها محاوله أنو يهديها و بالفعل هديدت و خدها و راحو يجيبو ايس كريم

بدر : عايزه طعم ايه

رنيم : اوريو

بدر طلب و خد الطب و راحو يقعدو على النيل و قعدو يتكلمو و وهما بيتكلمو لقو .....

_ بدرررر حبيبى انت بتعمل ايه هنا

بدر : .....

____

رواية احببتها في وقت خاطئ الفصل الرابع

بدر طلب و خد الطب و راحو يقعدو على النيل و قعدو يتكلمو و وهما بيتكلمو لقو نيلى داخله عليهم

نيلى : بدرررر حبيبى انت بتعمل ايه هنا

بدر بعصبيه : حبيبك ايه انتى عبيطه و بعدين انتى مبتحرميش

نيلى : أحرم من ايه حبيبى و اتعصب عليا شويه و انا بعترف انى غلطانه

بدر : امشى من هنا يا نيلى

نيلى : لا طبعا مينفعش امشى قبل ما اتعرف على القمر

كل ده رنيم كانت بتابعهم بصمت وهى مضايقه و اول ما نيلى قالت كده بصتلها و ابتسمت باستفزاز

رنيم : مراتو يا عسل

نيلى : فعلا !! مع أن شكلك كأنك بنتو

رنيم باستفزاز : اه ما انا مراتو و بنتو فى نفس الوقت مش كده يا روحى

قالت اخر جمله وهى باصه لبدر بتحذير و فى نفس الوقت خايفه يكسفها

بدر : ايوه طبعا يا حبيبتى

نيلى ساعتها اتغاظت جامد و بصتلهم بغيظ و توعد و سابتهم و مشيت و رنيم ابتسمت بانتصار و بعدين بصت لبدر

رنيم : طبعا كل إلى قولتو ده عشان استفزنها مش اكتر

بدر : ايوه ما انا كمان عملت كده عشان استفزها

رنيم : بس صحيح هى مين دى

بدر : كانت حبيبتى

رنيم بغيره : و مبقتش ليه

بدر : عشان حصل موقف قفلنى منها و كمان فى واحده تانيه شدتنى

رنيم بعصبيه : والله طب يعنى اعملى احترام حتى

بدر باستفزار : الله وانا عملت حاجه

رنيم : طب يلا عشان عايزه اروح

بدر كتم ضحكو و هى قامت و هو قام وراها و ركبو العربيه و مشيو و اول ما وصلو رنيم طلعت على الاوضه على طول و نامت و بدر كمان غير و نام

_______________________

بعد يومين

نيلى بغيظ : مخرجها و جايبلها ايس كريم يا فرح

فرح : يا بنتى تلاقيه بيتسلى هدى اعصابك

نيلى : انا هخليهم يسيبو بعض قريب اوى استنو عليا

فرح : هتعملى ايه ولا مش هتقولى زى قبل كده

نيلى : لا هقولك عشان محتاجه مساعدتك بصى ...

_______________________

فى الفيلا بليل

بدر كان لابس و خارج لقى رنيم خارجه من المطبخ بالبيجامه و شعرها على وشها و باين عليها النوم

بدر بضحك : انتى كنتى نايمه فى المطبخ ولا ايه

رنيم بنوم : لا كنت بشرب .. انت رايح فين

بدر : نازل أسهر مع صحابى شويه

رنيم : الساعه 11 بليل

بدر : اه عادى يلا روحى نامى انتى

رنيم : مفيش نزول

بدر برفعه حاجب : نعم يا ماما

رنيم : متنزلش

بدر : ليه يعنى

رنيم : مينفعش تنزل دلوقتى و بعدين هتسيبنى لوحدى !؟

بدر : مينفعش انزل ليه يعنى و بعدين ما اسيبك لوحدك هو حد هيقدر يجى جمبك .. انا نازل

قال كده و فتح الباب و خرج و رنيم بصت مكانو بحزن و كانت معتقده انو خلاص مبقاش ينزل يسهر معاهم كده بس طلع العكس فدخلت نامت و هى مضايقه

_______________________

بعد يومين

نيلى : عرفتى تعملى إلى قولتلك عليه

فرح : اه عيب عليكى قولت لفؤش و هو ظبط الدنيا و هيبعت الصور دلوقتى

نيلى : اتمنى يبقى ظبطها حلو فعلا

بعد دقايق كانت الصور اتبعتت فنيلى خدت الموبايل تشوفها و ابتسمت بشر

نيلى : حلو اوى ده

فرح : هتستعمليها امتى بقى

نيلى بغموض : مش دلوقتى بس ليها وقتها

_______________________

فى الفيلا بليل

رجع بدر من الشغل ملقتش رنيم فافتكر أنها ممكن تكون فوق فطلع و ملقهاش فقلق و نزل تحت تانى و وهو تحت سمع صوت فى المطبخ فدخل لقى رنيم مشغله اغانى و واقفه بتغنى و ترقص و هى بتعمل كيكه فوقف شويه يبصلها و هو مبتسم لحد ما هى خدت بالها

رنيم بخضه : بسم الله انت جيت امتى

بدر بضحك : لا بقالى حبه متاخديش بالك انتى كملى

رنيم بأحراج : انت واقف من امتى

بدر : من ساعت هتشوف الفرق من بعدى

رنيم بأحراج : طب اتفضل أخرج عشان اكمل

بدر : بتعملى ايه

رنيم : بعمل كيكه

بدر : بأيه

رنيم : بالشوكولاته

بدر : حلو ده طب هروح البس و اجى انا بسرعه عشان لما تخلص ناكل

رنيم بابتسامه : ماشى

بدر طلع و ساب موبايلو على ترابيزه المطبخ و وهو بيلبس فوق فونو رن و كانت نيلى و رنيم لما شافت اسمها افتكرت أن لسه فى بينهم حاجه و اضايقت بس قالت ترد عليها تغيظها و فعلا ردت و نيلى استغربت

نيلى : هو مش ده فون بدر

رنيم : اه يا قمر فون بدر وانا مرات بدر

نيلى : امم طب يا شاطره ادينى بدر

رنيم باستفزاز و كدب : للاسف نايم اصل يا عينى قعدنا نلعب كتير و نهزر فتعب و نام

نيلى بغيظ : والله

رنيم : الا قوليلى انتى عايزاه ليه هو مش سابك

نيلى : عشان كده كده هيرجعلى و هيسيبك زى ما سابنى بس الفرق انو مش هيبقى مضايك انو سابك

رنيم اتعصبت بس هديت و قالت : ليه وانتى فاكره انو مضايق عشان سابك !؟

نيلى اتغاظت بس حاولت تدارى و قالت : اه يا حبيبتى مضايق عشان بيحبنى انا و يلا سلام عشان مش عايزه اضيع وقتي معاكى

قالت كده و قفلت و هى بتشتم رنيم فى سرها و رنيم سابت الفون وهى متعصبه و فى الوقت ده دخل بدر و شافها وهى بتحط الفون

بدر : انتى بتعملى ايه و كنتى بتكلمى مين

رنيم : السكر

بدر بعصبيه : سكر ايه و بعدين انتى مين قالك تردى على الفون اصلا

رنيم : والله الموبايل قعد يرن كتير فرديت و بعدين لو مضايق اوى كده ابقى قول للقمر إلى بترن عليك مترنش وانت فى البيت تانى

قالت كده و راحت حطت الكيكه فى الفرن و راحت تجهز الاكل و بدر خد الفون و شاف أن نيلى إلى كانت بترن فعرف أنو مش هيخلص منها بس طنش و فى نفس الوقت حس انو زودها مع رنيم بس معرفش يعمل ايه فسكت و رنيم خلصت و حطت الاكل على الترابيزه و خرجت فخرج وارها

بدر : رايحه فين

رنيم : طالعه فوق لحد ما الكيكه تخلص

بدر : مش هتاكلى

رنيم : لا كل انت

قالت كده و هى واضح عليها الزعل و كانت هتطلع بس راحلها بسرعه و مسك أيدها

بدر : انا عارف انى زودتها معاكى من شويه بس صدقينى مكنش قصدى الكلام خرج تلقائى و ده غير انى مبحبش حد يمسك فونى

رنيم : والله انا مراتك و زى ما انت ليك حق فى حاجات انا ليا حق فى حاجات و عادى امسك موبايلك و أفتش فيه كمان

بدر : بس احنا فى الاول و فى الاخر مش زوجين حقيقيين

رنيم بصتلو شويه و قالت بحزن : عندك حق

قالت كده و طلعت و هو ضرب نفسو على دماغو بسبب غبائو

بدر : جيت اكحلها عميتها بجد غباء

قال كده و دخل الطبخ قعد ياكل و هو بيفكر ازاى يتعامل معاها بطريقه احسن من كده .. هو اه كان بيخرج مع بنات كتير بس كان بيتعامل معاهم بعصبيه و جمود عشان كده مش عارف يتعامل معاها ازاى

_______________________

بعد يومين

رنيم بجمود : انا رايحه كورس

بدر : و هو الكلام ده مكنش بيتقال من بدرى ليه

رنيم : نسيت و بعدين هما ساعتين تلاته و راجعه

بدر : لا فعلا بسيطه و بعدين كورس ايه انتى مش خلصتى ثانويه

رنيم : كورس انجلش عشان عايزه ادخل السن

بدر : هتخلصى امتى

رنيم : ممكن على 4 كده

بدر : تمام ابعتيلى اللوكيشن واتس قبل ما تروحى

رنيم : ليه يعنى

بدر : ما هو يا كده يا تقعدى

رنيم : اوووف

فتحت و بعتتلو اللوكيشن و قالت بضيق : اهو خلاص !؟

بدر و هو ماسك اعصابو : روحى مع السواق

رنيم بصتلو بضيق و خرجت ركبت مع السواق و قالتلو ينزلها قبل المكان بشويه و فعلاً نزلها و كملت مشى

نور : اتأخرتى ليه الكورس قرب يبدأ

رنيم : معلش على بال ما سكتو

نور : هو مين

رنيم : هيكون مين غيره .. يا بنتى ده خلانى ابعتلو لوكيشن المكان

نور بغمز : خايف عليكى يا قمر

رنيم : يا ستى اتنيلى احنا لسه متخانقين

نور : ايه ده ليه

رنيم كانت لسه هتحكيلها لقت الكورس هيبدأ فسكتت و قالتلها هتحيكلها و هما مروحين و الكورس بدأ و بعد 3 ساعات كانو خلصو و نور و رنيم فضلو جوا شويه و رنيم حكتلها إلى حصل

نور بخبث : بنغير ولا ايه

رنيم : لا طبعا ايه الهبل ده انا قصدى يعنى انو المفروض يعملى احترام طول ما انا مراتو و بعدين اصلا احنا حبه و هنسيب بعض

نور : انتى مين قالك انكو هتسيبو بعض

رنيم : بابا قالى انى اتجوزتو عشان ابعدو عن صحابو إلى مش كويسين و اخليه يحترم المواعيد و يبقى منظم و اهو بدأ يتعدل

نور : عايزه تفهمينى انك هتعملى كل ده و تسيبو بعض فى الاخر ليه الداده بتاعتو انتى

رنيم : انا مش عايزه اكمل معاه يا ستى

نور : تمام هنشوف

رنيم : هنشوف فعلا عشان انا مش طيقاه اصلا و زهقت من تقلباته دى

قالت كده و خرجو لقو البنات كلها متجمعه و عمالين يتوشوشو مع بعض و بيبصو فى مكان معين

رنيم باستغراب : هو فى ايه

نور : مش عارفه

_ مز اوى بجد ما تيجى نتعرف عليه

- هو جامد فعلا يلا بينا

رنيم بصتلهم باستغراب و مكانتش شايفه بيتكلمو على مين لحد ما البنات وقفو مكانهم و هما فاكرين انو جاى عليهم بس طلع جاى لرنيم

رنيم باستغراب : انت بتعمل ايه هنا

_ ....

________________

رواية احببتها في وقت خاطئ الفصل الخامس

رنيم باستغراب : انت بتعمل ايه هنا

بدر : كنت قريب قولت اجى اخدك

رنيم : والله! كنت قريب و لا جيت مخصوص .. مش ههرب على فكره !؟

بدر كان لسه هيرد لقت بنت بتقول بدلع : مين القمر ده يا رنيم

بدر حب يضايقها فقال : انا بدر وانتى

_ اسمك حلو زيك .. انا سما

رنيم بضيق : ما تخليكى فحالك يا عسل

سما : ما هو رد عليا انتى مالك و بعدين انتى تعرفيه منين القمر ده اصلا

بدر بابتسامه : جوزها بقى

الكل بصلو بصدمه و رنيم بصتلو بضيق و عصبيه عشان مكانتش عايزه حد يعرف انها متجوزه عشان لسه صغيره

سما : والله هو مش انتى إلى كنتى عماله تتكلمى فى المدرسه على أن مينفعش واحده تتخطب وهى صغيره ولا هو الجواز بس الى ينفع

" سما كانت معاها فى ثانوى وعلى طول بترخم عليها و مش بتحبها "

رنيم كانت لسه هترد لقتو بيشدها للعربيه و ركبو و مشيو و نور بصت لسما بقرف و مشيت هى كمان

~~~~~~~~ فى العربيه

رنيم : ممكن اعرف ايه إلى جابك

بدر : قولت كنت قريب فجيت اخدك

رنيم : انا مكنتش عايزاك تيجى يعنى انت عجبك إلى حصل ده و انك كسفتنى قدام صحابى

بدر : كسفتك !! انت ناسيه انا مين ولا ايه

رنيم : اه كسفتنى انا مكنتش عايزه حد يعرف انى متجوزه

بدر اتعصب من الجمله فقال : يعنى هو انا إلى كنت عايز الناس تعرف أنى متجوزك ولا ايه انا اصلا يوم الحفله دى خدتك غصب عشان بابا مش اكتر متشوفيش نفسك عليا يا قمر

رنيم اضايقت جامد من كلامو و كانت عايزه تعيط بس مسكت نفسها .. هى مكنش قصدها كده هى بس مكانتش عايزه حد يعرف انها متجوزه عشان صغيره و كمان كانت رافضه فكره الجواز فى السن ده بس متوقعتش أن ده هيبقى ردو بس سكتت لحد ما وصلو و طلعت على الاوضه على طول و قفلت عليها و هو دخل اوضه تانيه و طول اليوم و هى متجاهلاه

_______________________

تانى يوم

دخل بدر الشركه و هو متعصب و رزع باب المكتب وراه و ونس خد باله فدخل وراه و هو قلقان

ونس : فى ايه مالك

بدر : سيبنى فى حالى دلوقتى يا ونس

ونس : لا مش هسيبك فى حالك يا بدر قول فى ايه

بدر بانفعال : انا يتقالى كسفتنى و مكنتش عايزه حد يعرف انى متجوزاك

ونس باستغراب : اهدى بس حصل ايه

بدر حكاله كل حاجه و هو متعصب

ونس : انت عبيط يبنى واضح اوى أنها مكانتش عايزه حد يعرف عشان إلى حصل هناك يعنى زى ما البنت قالت هى كانت رافضه فكره الارتباط فى السن ده فأكيد مكانتش عايزه حد يعرف عشان ميعلقش على الحوار ده زى ما حصل

بدر : فتقولى كسفتنى !؟

ونس : و ده السبب إلى خلاك تقولها الكلام إلى قولتو ده !؟

بدر : انا مقولتش حاجه غلط دى الحقيقه

ونس : يعنى انت متأكد أن مفيش اى احساس تجاهك ليها

بدر بكدب : لا طبعا يعنى انا يوم ما احب هسيب كل البنات دى و احبها هى

ونس : انت حر بس فكر كويس و شوف احساسك بيقولك ايه قبل ما تندم عشان بطريقتك دى مش هتلاقيها تانى

بدر مهتمش بكلامو و ونس بصلو بقله حيله و رجع يكلمو فى الشغل و برا عند الباب كان فى واحده واقفه بتتصنت عليهم و كانت ماسكه الفون و اول ما خلصو كلام قفلتو و ضحكت بخبث و مشيت

_______________________

فى الفيلا بليل

رنيم كانت بتكلم نور فى الفون و قالت : مكلمتوش من امبارح اصلا و مش هكلمو

نور : يا بنتى اكيد قال كده وقت عصبيه انتى مشوفتيش كان بيقول انو جوزك و هو منشكح ازاى ده كان ناقص ياخدك بالحضن

رنيم : نور ونبى بطلى تقرأى روايات كتير عشان قصرت عليكى

نور بضحك : على فكره الروايات دى إلى مهونه عليا حياتى بدل ما انا مبكلمش حد كده ولا ليا حبيب ولا قريب ولا غريب

رنيم بضحك : وانا روحت فين يا ست الحزينه

نور : انتى من ساعه ما اتجوزتى وانتى ناسيانى و كمان مركزه فى البيدج الجديده إلى فتحتيها

رنيم بهزار : انا اقدر انساك برضو ده انت الحب يا باشا

فى الوقت ده دخل بدر و سمع الجمله دى و بصلها بعصبيه و هى قفلت مع نور

بدر بعصبيه : انتى بتكلمى مين

رنيم : انت بتزعق ليه

بدر : عايزانى ادخل اسمع مراتى بتقول انا اقدر انساك و انت الحب و مش عايزانى ازعق

رنيم : كنت بكلم نور فيها مشكله دى

بدر : وهى نور بيتقالها انساك و انت الحب يا باشا ولا انا فاهم غلط و نور دى ولد

رنيم : اتكلم بأسلوب احسن من كده و لو مش مصدقنى الموبايل اهو انا مش هفضل اتناقش معاك كتير

قالت كده و نزلت و هى متعصبه و مضايقه انو شك فيها و هو لما نزلت بص للفون و هو بيشتم نفسو على الطريقه إلى كلمها بيها و انو شك فيها و قفل الفون و رماه على السرير و دخل ياخد دش و هو مخنوق

_______________________

فى مكان تانى

_ ايه رأيك فى الفويس الجميل ده

- حلو اوى ده بس ده هنشيله لوقت عوزه لما انفذ الى فى دماغى مش دلوقتى

_ و هتفذى الكلام ده امتى

- قريب اوووى

_______________________

بعد اسبوعين

عدى اسبوعين و بدر و رنيم كلامهم قل بسبب أن هى مضايقه منو و كل ما يحاول يكلمها تقفل الكلام و متكلموش ده غير أنها مهتمه بالكورس إلى بتروحو و كمان البيدج الى هيا عملاها و كسبت منها جامد و مطنشاه

_______________________

رنيم خلصت مذاكره الكورس و نزلت تحت عملت نسكافيه و خرجت و استغربت لما ملقتش بدر عشان ده يوم اجازتو بس معلقتش و راحت الجنينه عشان بتحب تقعد هناك و قبل ما تدخل سمعت صوت ضحك من جوا و لما دخلت لقت بدر بيتكلم فى الفون مع واحده و بيضحك و فضلت واقفه شويه لحد ما هو خد بالو

بدر : طب اقفلى انتى دلوقتى

رنيم : كنت بتكلم مين و بتضحك كده

بدر : واحده صحبتى من زمان فى ايه

رنيم : يعنى انت شوفتى بكلم نور و شكيت فيا و زعقت و انت دلوقتى بتكلم بنت و مش عايزنى أضايق

بدر : و فيها ايه يعنى تضايقى ليه

رنيم : عشان انا مراتك مثلا

بدر : هو انتى كل شويه مراتى مراتى هو مش من اسبوعين كنتى بتقوليلى مش عايزه حد يعرف انك جوزى ولا انا احلويت دلوقتى

رنيم : انا بس مكنتش عايزه البنات الى فى الكورس تعرف عشان هما عارفين انى كنت ضد فكره الارتباط فى السن ده و انت لما جيت خليتهم يعلقو و يتريقو وانا اصلا مش بطيقهم

بدر : والله انا مش هشم على ضهر ايدى انتى مكنتيش عايزه تعرفيهم ليه

رنيم اضايقت من طريقه كلامو فطلعت الاوضه و قفلت عليها و فضلت قاعده فيها كتير لحد ما بدر طلع و خبط عليها

بدر من برا : مش هتاكلى !

رنيم بضيق : لا

بدر : متأكده

رنيم : ايوه و ياريت تسيبنى فى حالى

قالت كده و سكتت و مسمعتش صوت تانى فعرفت انو مشى فقعدت تعيط شويه لحد ما هديت و مسكت فونها قعدت عليه شويه لحد ما الوقت عدى و جه وقت النوم و لقت الباب بيخبط و بدر داخل و معاه صنيه اكل فبصتلو باستغراب

رنيم : ايه ده

بدر : منزلتيش تاكلى انهارده و انا قولت اسيبك على راحتك بس متتكررش تانى عشان مش بحب اكل لوحدى

رنيم : بس انا مش جعانه

بدر : لا انا عارف انك جعانه كلى

قال كده و سابها تاكل و راح ياخد شاور و هى بصت مكانو وهى مستغربه تقلباتو المزاجيه إلى بتخليه كل شويه بطريقه بس مهتمتش كتير و قعدت تاكل عشان كانت جعانه بس مش كتير و قبل ما يخرج بدقايق غطت الاكل تانى و رجعت قعدت على السرير و بعدها هو خرج و سرح شعرو و راح عشان ينام بس قبل ما ينام قعد على السرير و مسك الفون شويه

رنيم : هو انت بجد فاكر انى قولت كده عشان استعر منك !؟

بدر : امال تسمى ده ايه

رنيم : انت عارف كويس اني متجوزه صغيره وان مكنتش في تمهيد حتي اننا هنتجوز فطبيعي معرفش اقول لكل الناس اننا متجوزين انا بجد مكنش قصدي خالص اني انكر وجودك او استعر بس علي الاقل كنت اقولهم بعد فتره وانت جيت فاجأتني و كمان زى ما قولتلك حوار البنات دول

بدر : تمام حصل خير حوار و عدى

رنيم : يعنى مصدقنى و مش مضايق منى

بدر بصلها شويه و بعدين قال : اه

رنيم ابتسمت و هو ضحك و قعدو يتكلمو كتير لحد ما لقو أن الوقت عدى بسرعه

بدر : يلهوى دى الساعه 1 و انا لسه منمتش

رنيم : احنا ازاى مخدناش بالنا من الوقت كده بقالنا ساعتين بنرغى

بدر : بس والله اول مره اضحك كده بقالى كتير

رنيم بابتسامه : طب كويس ده

بدر : يلا ننام بقى عشان متأخرش الصبح

رنيم بضحك : ماشى يلا بس متنساش تصحينى الصبح معاك عشان ابقى انزل الكورس

بدر : ماشى نامى يلا

_______________________

تانى يوم

بدر صحى و قام خد دش و خرج و مسك فونو لقى فى مسدجات كتير من رقم غريب فدخل لقى صور مبعتالو لشات بين رنيم و واحد و كانو ببهزرو كتير و بيتكلمو فى كلام مش حلو و كمان بعتالو صور ليها بلبس بيت فبصلها بصدمه و بعدين رجع يبص للفون و هو مش مستوعب ازاى تعمل حاجه زى كده

بدر : كنت عارف انك مش كويسه اوي وطيبه زي ما باين عليكي وانا الي كنت فاكر انك غير الي عرفتهم قبل كده كلكم زي بعض

قال كده و دخل يلبس و هو ماسك نفسو من انو يتعصب عليها و دخل لبس و نزل الشغل من غير ما يصحيها زى ما كانو متفقين و بعد ساعه رنيم صحيت و هى مبسوطه و بصت جنبها ملقتش بدر فاستغربت انو مصحهاش بس قالت يمكن نسى و قامت خدت دش و نزلت فطرت و هى مبسوطه و بتفكر فى امبارح و أن هما قعدو يتكلمو كتير و يهزرو و بعد ساعات قامت لبست عشان تنزل الكورس

_______________________

فى الشركه

ونس : مالك في ايه شكلك متعصب

بدر : بقولك ايه سيبنى فى حالى الله يخليك

ونس : اسيبك فى حالك ايه يبنى قول مالك مش طايق نفسك ليه

بدر : ونس امشى من وشى دلوقتى عشان انا لو اتكلمت هتخانق وانا مش عايز اتخانق معاك

ونس : ماشى براحتك بس حاول تهدى و لو حبيت تتكلم تعالى

ونس خرج و اول ما خرج لقى فى واحده واقفه على باب المكتب فبصلها بشك

ونس بشك : انتى بتعملى ايه هنا

قالت بتوتر : انا انا كنت جايه اسأل مستر بدر على حاجه

ونس بصلها شويه و بعدين مشى و هى مثلت أنها هتدخل و اول ما دخل مكتبو مشيت

~~~~~~~~ فى مكان تانى فى الشركه

- كنت هروح فى داهيه بسببك

_ ليه حصل ايه

- مستر ونس صاحبو شافنى وانا واقفه على الباب و شكلو شك فيا بس الحمدلله فلت منو

_ بقولك ايه انا مليش دعوه بده كلو قوليلى ايه الدنيا انجزى

- متعصب على الاخر بس واضح انو معملهاش حاجه

_ و انتى عرفتى منين

- عشان لو كان حصل حاجه مكنش جه الشغل اصلا

_ طب و بعدين

- استنى شويه اكيد مش هيقدر يمسك نفسو و هيحصل حاجه

_ و لو محصلش

- سهله نبعت حاجه تانيه تخليه ميقدرش يسكت

_ ماشى همشى وراكى المرادى بس ربنا يستر

_______________________

فى الكورس

نور : الله الله شكلنا مبسوطين

رنيم : يعنى مش اوى

نور بغمز : حصل حاجه ولا ايه

رنيم حكتلها كل حاجه حصلت معاهم امبارح و نور كل ده كانت مبتسمه بخبث

نور : الصناره غمزت ولا ايه

رنيم : لا طبعا و بعدين انا مش بحب الناس المتقلبه دى

نور : اه طبعا هنشوف

رنيم بضحك : طب يلا يا رخمه عشان الكورس

زقتها و دخلو و نور كانت عماله تضحك لحد ما الكورس بدأ و خلصو و رنيم ركبت مع السواق و قالتلو على مكان معين يروحوه و راحت محل و جابت حاجات ديكور للبيت و بعدين ركبت تانى و روحو

_______________________

فى الفيلا بليل

بدر رجع من الشغل لقى الاكل محطوط على السفره و رنيم جايه ناحيتو وهى مبتسمه

رنيم : انا قولت للمساعدين يعملوا الاكل الي قولتلي بتحبوا ونزلت ناكل سوا اهو علشان تعرف تاكل علشان انت قولتلي ومش بحب اكل لوحدى

بدر بصلها بمعنى أنها نزلت من نظروا و طلع فوق و هى استغربت ده

رنيم باستغراب : هو مالو ده بجد ده لو برج الجوزاء مش هيبقى كده .. بس المهم انى عرفت طبعوا و هخليه يتغير

قالت كده و طلعت وراه لقتو دخل ياخد شاور فاستنتو و اول ما خرج اتكلمت بحماس

رنيم : ايه رأيك في الديكور الجديد الي جبتوا حلو مش كده

بدر : وده جبتيه امتي بقي اه طبعا ما انا قاعد هنا مليش لازمه وكل حاجه بتتعمل من ورايا انا مش قولت تروحي وتيجي مع السواق ومفيش تحرك غير بأذني ولا انا كلامي مش بيتسمع

رنيم باستغراب من ردو : انا بس حبيت اجدد وافرحك

بدر : بلاش بقي جو البريئه ده علشان انا خلاص عرفت حقيقتك فبلاش تمثيل

رنيم باستغراب : حقيقه ايه

بدر بقرف : خلينى ساكت احسن ونبى

رنيم : علي فكره انا معملتش حاجه غلط وانا روحت مع السواق وقولتلوا ينزلني عند المحل ولو مش مصدقني تقدر تسألوا

بدر بصلها بعصبيه و قرف و خرج و رزع الباب وراه وهى مفهمتش قصدو بس فى نفس الوقت اضايقت فكلمت نور تحكيلها و بعد ما قفلت معاها كانت لسه هتنزل تحت لقت مسدج جاتلها من رقم غريب و كان محتواها ....

_______________________

رواية احببتها في وقت خاطئ الفصل السادس

رنيم كانت لسه هتنزل تحت لقت مسدج جاتلها من رقم غريب و كان محتواها فويس فيه كلام بدر مع ونس لما كانو فى المكتب و بدر بيقول لونس " انا يوم ما احب هسيب كل البنات دى و احبها هى " و هى أول ما سمعت كده اتصدمت من كلامو و اضايقت جامد و كانت بتدمع و مستغربه ازاى قال كده رغم أن فى تصرفات كتير بيعملها تبين انو بيحبها فقعدت تعيط شويه لحد ما راحت فى النوم و هى على السرير و بعد وقت بدر دخل الاوضه لقاها نايمه بصلها شويه بحزن و قرف و دخل خد لبس و خرج و راح اوضه تانيه ينام فيها

_______________________

بعد يومين

بدر كان قاعد فى اوضه المكتب فى الفيلا و بيراجع الشغل لقى فونو بيرن و كان شناوى فرد عليه و اتكلمو شويه

شناوى : صحيح نسيت اقولك فى عشا بليل مهم مع رجال أعمال كبار و لازم تبقى موجود انت و رنيم

بدر بضيق : مش هينفع متخانقين

شناوى : انا مليش دعوه بمشاكلكو دى و بعدين انا مش باخد رأيك انتو لازم تيجو سامع انا مش عايز الشركه تبوظ عشان الهبل ده

بدر خد نفس و بعدين قال : حاضر يا بابا هنيجى

شناوى : انا هقفل دلوقتى و انت روح قول لرنيم عشان تعمل حسابها

قفل معاه و بدر بص للفون بضيق و بعدين قام و هو مش طايق نفسو راح لرنيم فى الصاله

بدر : اعملى حسابك هنتعشى بليل مع رجال أعمال كبار فى طعم

رنيم : مش حابه اروح روح انت

بدر بعصبيه : هو ايه الي مش حابه انا كلامي يتسمع ومن دلوقتي مش هيبقي في اي حاجه علي مزاجك وكلوا بأمري انا علشان واضح اني لما سبتلك مساحه حصل حاجات كتير من ورايا

رنيم باستغراب : حصل ايه من وراك هو انت ليه ديما محسسني اني غلطانه وان في حاجه انا عملتها غلط لو في حاجه قولي اظن انت عارف اني بحترمك في غيابك ووجودك ولغايه دلوقتي مشوفتش مني حاجه وحشه قد ما انا شوفت منك

بدر بسخريه : بريئه اوي انتي صح بصي انا مش هتناقش معاكي تاني اصلا وانا غلطان اني سبتك علي راحتك تروحي كورس وتفتحي بيدج وتروحي وتيجي وكلوا من فلوسي طبعا ما انتي عايشه عيشه اي بنت تتمناها لا وفي الاخر تيجي تقولي مش عايزه حد يعرف اننا متجوزين

رنيم بضيق : علي فكره انا قولتلك ان مكنش قصدي الي انت فهمتوا عايز تصدق براحتك مش عايز تصدق خلاص

قالت كده و مشيت وهى مضايقه و طلعت تاخد شاور و الوقت عدا و اللي جه و معاد العشا قرب و رنيم كانت خلصت لبس هى و بدر و نزلو من غير ولا كلمه و ركبو العربيه و طول الطريق كانو ساكتين لحد ما وصلو

_______________________

فى المطعم

بدر : مساء الخير

الكل : مساء النور

_ مين الانسه يا استاذ بدر

بدر : رنيم مراتى

كلو بان على وشو تعابير الصدمه بس حاولو يخفوها و ابتسمو و واحد فيهم اتكلم

- بس مش صغيره عليك دى

بدر بابتسامه مستفزه : تقريبا انا حر فى اختيار شريكه حياتى

الكل سكت فجأه و هما قعدو و طلبو الاكل و رنيم كل ده كانت محرجه من إلى حصل لحد ما الاكل جه و بدأو ياكلو بس رنيم لاحظت نظرات البنت إلى موجوده لبدر و اضايقت و خاصتا لما البنت دى دلقت العصير على جاكيت بدله بدر

* اوبس سورى بجد مكنش قصدى هاتو هغسلو انا بسرعه فى الحمام و ارجعهولك

كانت لسه هتمد أيدها تاخد الجاكيت رنيم قامت و قالت بابتسامه مستفزه : تسلمى يا حبيبتى هو هيفضل بالقميص و لما نروح هغسله متتعبيش نفسك

قالت بغيظ : لا مفيش تعب ولا حاجه بس عشان ميبقاش قاعد كده

بدر بضيق : ممكن تتفضلو تقعدو انتو الاتنين انا هقلع الجاكيت و اسيبه لحد ما اروح

رنيم بصت للبنت بتحدى و انتصار و البنت بصتلها بغيظ و قعدت و كملو كلام عن الشغل و كل ده و رنيم عماله تبص لبدر و البنت لحد ما خلصو كلام عن الشغل

_ صحيح مقولتولناش انتو متجوزين عن حب صح

رنيم كانت لسه هترد بدر اتكلم

بدر : ايوه طبعا

_ طب مش ناوين تخلفو و تجيب ولد يكمل مسيره باباك فى الشركه

بدر : لسه شويه على الكلام ده مش حابب حاجه تعطلنى عن شغلى

سكتو شويه و رنيم طبعا كانت قاعده محرجه و بتتمنى الأرض تنشق و تبلعها بس كانت ساكته و هما رجعو يتكلمو شويه لحد ما المقابله خلصت و مشيو

_______________________

فى البيت

رنيم بضيق : لذيذه اوى البنت إلى كانت عايزه تغسلك الجاكيت دى صح

بدر باستفزار : اه واموره كمان انتي عارفه انها بنت صاحب بابا و الراجل ده غني اوي يمكن اكتر مننا كمان

رنيم : طب متجوزتهاش ليه

بدر : عشان فى واحده جت خدت مكانها

رنيم بضيق : يعنى هو ده مكانها من الاول يعنى انتو كنتو هتتجوزو بجد

بدر : يعنى مش بالظبط

رنيم بصتلو شويه و مشيت و هى متعصبه و دخلت تاخد شاور و خرجت و كانت لسه هتنام دخل بدر و اتكلم

بدر باستفزار : انتي بقيتي قفوشه اوي علي فكره

رنيم : والله يعني حد يقول لمراتوا انا كنت هتجوز البنت دي وانتي جيتي خدتي مكانها وعايزني مضايقش

بدر بجمود : انا بس قولت اعرفك قيمه المكان الى انتى فيه عشان انتى مش مقدراه

قال كده و دخل الحمام ياخد دش و هى بصتله بعصبيه و حزن و نامت و هى كاتمه العياط

_______________________

تانى يوم

رنيم : ممكن اروح اقعد مع بابا يومين

بدر : و ده ليه انشاء الله

رنيم : عادى وحشنى و بقالى كتير مشوفتوش

بدر : وانا ايه إلى يضملى انك مش هتعملى حاجه تانيه

رنيم بعدم فهم : حاجه تانيه ايه

بدر : بطلى تعملى عبيطه بقى انا لحد الان مش عايز اتكلم لأن كده كده مش فارق معايا و جوازنا مجرد جواز على الورق بس صدقينى الحوار لو جه على سمعتى هتزعلى ساعتها

قال كده و قام و سابها و رنيم مكانتش فاهمه حاجه بس اضايقت من كلامو إلى كل مره بيقولو بطريقه ابشع من التانيه و انو كل مره بيجرحها من غير ما تفهم فى ايه فقامت راحت الجنينه و كانت ماسكه نفسها من أنها تعيط و كلمت حد و بعد وقت طلعت الاوضه تانى لبدر

~~~~~~~~ فى الاوضه

دخلت رنيم و هى مضايقه و مبصتلوش و هو بصلها بعدم اهتمام و هى كملت إلى بتعملو و طلعت شنطه و بدأت تلم هدوم

بدر باستغراب : انتى بتعملى ايه

رنيم : بلم هدومى عشان اروح اقعد مع بابا

بدر بعصبيه : هو مش انا قولت لا ولا هو الكلام مبيتسمعش

رنيم بتماسك : و قولت برضو أن جوازنا مش فارق معاك و انو مجرد جواز على الورق ف انا كلمت باباك و خدت رأيو و قالى روحى

بدر : و هو انا إلى متجوزك ولا ابويا .. انا هنا إلى اقول ايه إلى يحصل و ايه إلى لا

رنيم : تمام اتفضل بقى كلم باباك قولو الكلام ده

بدر يصلها بعصبيه و خد الفون و نزل تحت يكلم شناوى و بعد دقايق رد عليه

بدر بعصبيه : ممكن اعرف حضرتك بتوافق على كلامها ليه

شناوى بعصبيه : انت بتعلى صوتك ليه يا زفت انت

بدر محاوله تماسك نفسو : معلش يا بابا انا اسف بس هو حضرتك ليه بتسمع كلامها

شناوى : عشان هى ليها حق تروح تشوف باباها و مش من حقك تمنعها من كده

بدر : بس يا بابا انت كده بتخلينى مش مسيطر قدامها غير كده انا مش واثق أنها هتروح لباباها بس

شناوى : بدر اتكلم عدل انت عارف كويس أن رنيم محترمه و مستحيل تعمل حاجه من إلى فى دماغك لو تبقى زى البنات الى كنت تعرفهم

بدر بسخريه : اه طبعا

شناوى : انا هقفل و ياريت مسمعش انك منعتها تروح

قال كده و قفل و بدر اتعصب جامد و رمى الفازه إلى قدامو وطلع تانى و هو متعصب و لقاها لسه بتلم حاجتها

بدر بعصبيه : متاخديش على كده كتير و هما يومين بالظبط و تبقى فى البيت تانى

رنيم بصتلو و سكتت فقال بزعيق : سامعه

رنيم بخوف من شكلو : حاضر

كملت ترتيب الحاجه فى الشنطه و خلصت و راحت تلبس و خدت الشنطه و نزلت تحت لقت الفازه مكسوره فاستغربت و لقت بدر قاعد بيتفرج على التليفزيون فبصتلو بغيظ و لسه هتمشى اتكلم

بدر : تروحى و ترجعى مع السواق سامعه

رنيم بزهق : عارفه

بدر بصلها بنظره مش مفهومه وهى سابتو و خرجت ركبت مع السواق و راحت لمحمد

_______________________

فى بيت محمد

محمد كان قاعد بيتفرج على التليفزيون و فجأه لقى الباب بيخبط فقام و هو مستغرب و فتح لقى رنيم فحضنها بسرعه بفرحه و هو مبسوط انو شافها

محمد : حبيبتى وحشتينى اوووى

رنيم بدموع : و انت اوى يا حوده بجد متعرفش انت وحشتنى قد ايه

محمد : بقى كده يهون عليكى تقعدى كل ده متشوفنيش

رنيم : غصب عنى والله مسحوله فى الكورس و البيدج بتاعتى

محمد : ماشى يا ستى هسامحك المرادى بس بعد كده كل شويه تجيلى

رنيم بابتسامه : من عينى ده انت حبيبى

محمد : تعالى ادخل

رنيم دخلت و محمد خد بالو من الشنطه فقال باستغراب : ايه الشنطه دى انتى اتخانقتى انتى و بدر ولا ايه

رنيم بكدب : لا انت بس وحشتنى و بقالى كتير مشوفتكش قولت اجى اقعد معاك يومين

محمد بشك : تنورى يا حبيبتى استنى هجيبلك حاجه تشربيها

رنيم بسرعه : لا لا اقعد مش عايزه حاجه و بعدين هو انا ضيفه يا حج ما انا لو عايزه اكل او اشرب هروح على طول من غير ما اتكلم ولا ايه

محمد بضحك : صح طبعا ده بيتك اصلا

رنيم ابتسمت بحزن و فضلت قاعده شويه لحد ما محمد قال : روحى غيرى على بال ما اسخن على الاكل و ناكل

رنيم : ماشى هغير بسرعه و اجى اساعدك

قامت رنيم و دخلت الاوضه و فضلت واقفه شويه باصه لكل ركن و هى مبسوطه أنها رجعت تانى

رنيم : والله الاوضه وحشتنى اوى و وحشتنى الذكريات الى فيها هى و البيت كلو

قالت كده وهى مبتسمه و حطت الشنطه و طلعت لبس و غيرت بسرعه و بعدين راحت لمحمد المطبخ حطت معاه الاكل و خرجو ياكلو وهما بيتفرجو على التليفزيون و قعدو يتكلمو و هما مبسوطين

_______________________

تانى يوم فى الفيلا

بدر : فرج يا فرررج

فرج : ايوه يا فندم

بدر : تروح دلوقتى لرنيم و توديها الكورس و تفضل هناك و متسيبهاش لحظه و ترجعها لحد البيت و تتأكد أنها طلعت و لو حصل اى حاجه هناك تقولى سامع

فرج : حاضر يا فندم

بدر : يلا روح عشان معاد الكورس قرب

بدر سابو و دخل و و فرج ركب العربيه و اتحرك بيها لعند رنيم

_______________________

فى بيت محمد

رنيم : حووووده انا نازله الكورس

محمد : يا بنتى وكى صوتك الناس هتطلع تشتمنا على الصبح

رنيم بهزار : مش عاجبك طلقنى

محمد بضحك : روحى يا مصيبه هتتأخرى

رنيم بضحك : باى يا حبيبى متتأخرش فى الشغل ها هعملك مكرونه بالبشاميل هتاكل صوابعك وراها

محمد : ما انا هاكلها فعلا بس من الجوع

رنيم : ماااشى يا حجوج اتريق براحتك هتندم على الكلام ده اول ما تشم ريحتها بس

محمد بضحك : ماشى يا اختى هنشوف يلا انزلى بلاش تأخير اكتر

رنيم ضحكت و نزلت لقت السواق واقف تحت فاستغربت و هو أول ما شافها خرج من العربيه

رنيم : انت بتعمل ايه هنا

فرج : استاذ بدر قالى اجى اوصلك الكورس و تفضل معاكى لحد ما تخلصى و نرجع

رنيم بزهق و صوت واطى : يخربيت الملل بجد انا مصدقت انى هروح لوحدى انهارده

فرج : بتقولى حاجه يا فندم

رنيم : لا ولا حاجه يلا

قالت كده وراحت تركب بملل و فرج راح ركب وراها و طلع بيها على الكورس

_______________________

فى الشركه

ونس : برضو مش عايز تقول مالك

بدر : هقولك بس مش دلوقتى

ونس : يعنى هتفضل كل يوم تيجى مش ضايق نفسك كده و بعدين بقالك حبه مش بتحكى حاجه على رنيم

بدر : يبنى ده انا فى اسعد وقت دلوقتى والله قال مش ضايق نفسى قال

ونس : طب كويس بس اشمعنى

بدر : عشان رنيم راحت لأبوها

ونس : و دى حاجه تفرح

بدر : جدا تفرح جدا بقى انت لو مكانى صدقنى هتفرح انا كويس انى معملتش فيها حاجه اصلا لغايه دلوقتى

ونس : يبقى انا شكوكى كانت صح انتو فى حاجه حصلت بينكو و مش عايز تحكى

بدر : هقولك صدقنى بس مش دلوقتي

ونس : ماشى انت حر

بدر كان قاعد كل شويه يبص على الفون فونس قال باستغراب: انت مستنى حاجه

بدر : اه المفروض السواق هيكلمنى بعد ما يرجع رنيم من الكورس

ونس : ليه

بدر بكدب : مفيش كنت قايلو يسألى على حاجه

ونس بصلو بعدم تصديق بس قال مش هيسأل تانى مدام مش عايز يقول

_______________________

فى الكورس

نور بعصبيه : هو عبيط ده ولا ايه ازاى يتكلم معاكى كده

رنيم بضيق : معرفش بقى و مش طايقاه اصلا

نور : بقولك ايه ورينى الواد ده اجيبهولك من شعرو ده واضح أن هو إلى مترباش عشان بس يفكر فى حاجه زى كده

رنيم : خلاص اصلا مش هتكلم معاه تانى ولا اهزر و انا اصلا قاعده مع بابا و همشى بكره بليل ... ما تيجى تقعدى معايا هعمل مكرونه بالبشاميل

نور : اوووه ده انا كنت لسه هقول مش هينفع بس لا احنا كده نزن على ماما و بابا بقى

رنيم بضحك : كلميهم يا مفجوعه يلا

نور ضحكت و كلمت مامتها و قالتلها هى و رنيم و قالولها أنها مش هتتأخر و فعلا وافقت و نور راحت مع رنيم البيت

_______________________

عند بدر

بدر كان كل ده قاعد مستنى السواق يكلمو و لما متكلمش قرر هو يرن يشوفه

بدر : انا مش قولتلك ترن عليا لما توديها

فرج : يا فندم والله لسه ماشى من عندها دلوقتى

بدر : وهى اتأخرت كده ليه كانت بتعمل ايه

فرج : هى كانت واقفه مع صحبتها يا فندم بيتكلمو وبعدين صحبتها روحت معاها البيت

بدر : يعنى محصلش حاجه تانى أو راحت حته تانيه

فرج : لا

بدر : طب اقفل انت

قفل و بدر قعد يفكر شويه و هو مخنوق

بدر : اكيد بتعملى حاجه من ورايا بس مش فى الكورس .. أو صحيح ما ممكن يبقى هو ذات نفسو معاها فى الكورس

قال كده و هو بيفكر بعصبيه و قاطع تفكيره ونس و هو بيقولو على الاجتماع فراح معاه

_______________________

فى بيت محمد

رنيم : طبعا انتى هتعملى معايا الاكل ما انتى مش جايه على الفاضى

نور بضحك : اه قولى بقى انك جايبانى عشان اعمل معاكى الاكل

رنيم بضحك : ايوه يا بنتى امال

نور بهزار : واااااا*طيه

رنيم بضحك : يا بسنت

ضحكو جامد هما الاتنين و بعدين رنيم أدت نور لبس تلبية و فعلا لبست و بدأو يعملو الاكل رنيم بتعمل المكرونه و نور بتعمل البانيه و بعد ساعات فى قرب معاد رجوع محمد رنيم حطت المكرونه فى الفرن تستوى نور بدأت تحمر البانيه و اول ما خلصت كان محمد جه

محمد : نور عاش من شافك يا بنتى عامله ايه

نور : الحمدلله يا عمو انت عامل ايه

محمد : بخير الحمدلله مبتجيش ليه

نور : انت عارف ماما مش بتحب حد فينا يروح بيت اى حد مهما كان مين احنا اقنعناها بالعافيه اصلا

محمد بضحك : ربنا يصبرك والله

رنيم بتمثيل الزعل : ماشى بقى بتسلم على نور بس و داخل وتلبس كمان و ناسينى

محمد : لا طبعا وانا اقدر تعالى

قال كده و فتح دراعو فراحت حضنتو وهى بتضحك و بعدين بعدت و هو طلع حاجه من جيبو زو ادهالها

محمد : لقيت راجل بيبيع عسليه من إلى بتحبيها قولت اجيبلك

رنيم بفرحه : حبيبى الى لسه فاكرنى

محمد بضحك : يلا يا بكاشه روحى حطى الاكل عشان جعان

رنيم : من عنيا

خدت نور و دخلو المطبخ و جهزو الاكل و طلعوه على السفره و قعدو ياكلو كلهم و هما مبسوطين و بعد وقت نور قامت عشان تمشى

_______________________

تانى يوم عند محمد

رنيم صحيت لقت محمد نزل الشغل فعملت نسكافيه و قعدت تتفرج على التليفزيون و بعد شويه لقت موبايلها بيرن و كان ...

____________________

رواية احببتها في وقت خاطئ الفصل السابع

تانى يوم عند محمد

رنيم صحيت لقت محمد نزل الشغل فعملت نسكافيه و قعدت تتفرج على التليفزيون و بعد شويه لقت موبايلها بيرن و كان بدر فردت بضيق

رنيم بضيق : الو

بدر : مالك بتتكلمى من تحت ضرسك كده ليه ما تتكلمى عدل

رنيم : هو انا قولت حاجه غير الو !

بدر : على العموم أنا أظن انى سبتك كتير اهو حضرى هدومك و السواق هيجى يجيبك بليل

رنيم بحزن : لا انا ملحقتش اقعد مع بابا

بدر بنفاذ صبر : بقولك ايه متعصبنيش و اسمعى الكلام إلى بقولك عليه

رنيم : مش هاجى يا بدر

قالت كده و قفلت فى وشو و سابت الفون و قعدت تكمل فرجه على التليفزيون

_______________________

عند بدر

بدر بعصبيه : بقى بتقفلى فى وشى ماااشى انا هخليكى تيجى غصب عنك و بنفس الطريقه إلى روحتى بيها

قال كده و كلم باباها و بعد دقايق رد عليه

بدر : استاذ محمد ازى حضرتك

محمد : الحمدلله يا ابنى بخير انت عامل ايه

بدر : الحمدلله .. كنت عايز اخد رأيك فى حاجه

محمد : اه طبعا قول

د

بدر بتمثيل : يرضيك يا عمو اقول لرنيم ترجع عشان وحشتنى تقولى لا انا ملحقتش اقعد مع بابا و مش هاجى و تقفل فى وشى

محمد : لا طبعا مينفعش متقلقش انا هقولها ... بس عايز اسألك سؤال

بدر : اتفضل

محمد : هو انتو متخانقين

بدر بكدب : لا طبعا هى قالتلك كده !؟

محمد : لا هى مردتش عليا بس كان شكلها مضايق

بدر بضيق : هو انا اقدر ازعلها

محمد : ربنا يخليكو لبعض يا حبيبى و متقلقش انا هقولها ترجع بيتها

بدر : ربنا يخليك والله يلا مش هعطل حضرتك على الشغل

قال كده و سلم عليه وقفل و هو مبتسم بخبث

بدر : ابقى قابلينى لو مرجعتيش و عشان اضمن اكتر انا جايلك بليل مش السواق

_______________________

فى بيت محمد بليل

محمد رجع من الشغل و رنيم حطت الاكل و قعدو ياكلو و راحت عملت ليهم اتنين شاى و شغلت فيلم قديم و قعدو مع بعض

محمد : رنيم صحيح هو انتى بدر كلمك

رنيم : اه

محمد : و قالك ايه

رنيم بكدب : كان بيقولى انى لو عايزه اقعد اكتر براحتى

محمد : يعنى مقالكيش تعالى وانتى قولتى لا و قفلتى فى وشو

رنيم بتوتر : هو انت مين قالك كده

محمد : بدر كلمنى عشان عايزك ترجعى البيت .. يا حبيبتى مينفعش تسيبى بيتك اكتر من كده و ياستى هبقى اجيلك انا أو انتى ابقى تعالى تانى انتى و بدر

رنيم : بس يا بابا انا مش عايزه اسيبك و مش عايزه ارجع هناك

محمد : رنيم كلمينى بصراحه انتى اتخانقتى انتى و بدر أو حصل حاجه بينكو خلتك تسيبى البيت

رنيم كانت لسه هترد عليه لقت الباب بيخبط فبعدت عن الباب عشان مكانتش لابسه الطرحه و محمد راح يفتح و كان بدر فسلم عليه و دخلو و رنيم لما شافت بصتلو بصدمه

محمد : تعالى يا رنيم .. جيت فى وقتك رنيم عملت حته كيكه بليل هتاكل صوابعك وراها استنى اروح احطلك

قال كده و مشى و رنيم راحت ناحيه بدر بعصبيه

رنيم : انت ايه إلى جابك

بدر ببرود : جاى اخد مراتى

رنيم : وانا قولت مش عايزه ارجع و هقعد مع بابا شويه

بدر : مش بمزاجك

رنيم كانت لسه هتزعق فيه لقت محمد دخل و معاه طبق كيكه و عصير فسكتت و بدر خد الحاجه من محمد و شكروا و قعدو يتكلمو شويه و بعدين سكتو حبه فبدر اتكلم

بدر باستفزار : مش هتروحى يا حبيبتى تجهزى الشنطه و تلبسى

رنيم بصتلو بغيظ و قالت فى سرها : حبك برص يا شيخ

محمد : يلا يا رنيم قومى جهزى الشنطه و البسى و يا ستى فى اى وقت تعالى عدى عليا وانا لو عرفت هبقى اعدى عليكو

رنيم بحزن : بس يا بابا ...

محمد بصرامه : يلا يا رنييم

رنيم بصتلو بحزن و بعدين بصت لبدر بعصبيه و هو كان باصلها و مبتسم ببرود و سابتهم و دخلت الاوضه تجهز الشنطه و تلبس

محمد : معلش يا حبيبى بس زى ما انت عارف رنيم متعلقه بيا جامد من وهى صغيره و من ساعة ما مامتها الله يرحمها اتوفت و هى ملهاش غيرى

بدر : ولا يهمك انا مقدر ده

محمد ابتسملو و سكت و بعد شويه رنيم خرجت وهى بصالهم بضيق و كانت على وشك العياط بس ماسكه نفسها و بدر لما شافها قام

بدر : يلا نستأذن احنا بقى

محمد بابتسامه : توصلو بالسلامه

قال كده و هو بيقوم و راح ناحيه رنيم و حضنها

محمد : متزعليش ها و انتى عارفه ألبيت بيتك انتى مش غريبه اى وقت عدى عليا

رنيم بحزن : حاضر

بدر سلم على محمد و خد رنيم و نزلو بسكات و ركبو العربيه و مشيو و كل الطريق و هما ساكتين و رنيم مش راضيه تبص ناحيه بدر أو حتى تكلمو لحد ما وصلو وهى طلعت على الاوضه على طول و هو بصلها بعدم اهتمام و دخل اوضه تانيه

_______________________

تانى يوم

صحيت رنيم و دخلت تاخد دش و لبست فستان نبيتى كانت جايباه لما كانت عند باباها و كان شكلو حلو اوى و نزلت قعدت تحت و بعد شويه لقت بدر خارج من اوضتو و راح قعد جمبها و بعدين بصلها باستغراب

بدر : جبتى ده امتى

رنيم : لما كنت عند بابا

بدر : اه يعنى روحتيلو مش عشان واحشك ده عشان تروحى و تيجى براحتك صح

رنيم مرتدش عليه و بصتلو بحزن عشان حتى مقلهاش شكلك حلو و بقالو فتره بيعاملها وحش و هو بصلها من فوق لتحت و سكت

بدر فى سره بحزن : مكنتش متوقع يطلع منك كل ده

قال كده و رجع تانى يبص للفون و رنيم كمان كانت ماسكه الفون و بتكلم نور و عماله تضحك فبدر بصلها بشك و افتكر أنها بتكلم واحد

بدر : انتى بتكلمى مين !؟

رنيم : نور

بدر : متأكده أنها نور !؟

رنيم بسخريه : يعنى هبقى بكلم حد انا مش متاكده منو

بدر : صحيح انا بسأل ليه ما طبيعى مش هتقولى الحقيقه معلش نسيت

رنيم : حقيقه ايه انت مالك الفتره دى عمال تقول كلام غريب

بدر : دلوقتى بقيت انا إلى غريب بس فعلا انا غريب عشان ساكت بس انا ساكت عشان مليش دعوه و عشان انتى مش فارقه معايا مش اكتر و كمان عشان ده جواز مش حقيقى

رنيم بصتلو شويه و اضايقت من كلامو و زهقت من الى هو بيقولو و أنو كل شويه يتكلم عليها و يقول كلام غريب وهى مش فاهمه حاجه فقامت وهى مضايقه و طلعت الاوضه و هو بص مكانها بسخريه و كمل إلى بيعملو

_______________________

بعد يومين فى الفيلا

كانت رنيم فى المطبخ بتعمل الاكل و فونها رن و كان بدر فردت

بدر : ركزى معايا كويس فى ملف ورق فى المكتب عندك لونو احمر ابعتيه مع السواق بسرعه عشان كمان ساعتين فى اجتماع مهم وانا مش هعرف ارجع

رنيم : هو مش بيبقى فى سلام فى أول المكالمه ولا بيتهيقلى

بدر : رنيم مفيش وقت للكلام ده ياريت تعملى إلى بقولك عليه .. سلام

قال كده وقفل وهى بصت للفون بعصبيه و راحت المكتب تدور على الملف و لقتو فعلا و لبست الطرحه و خرجت تشوف السواق مكنش موجود فراحت تسال الحارس عليه

رنيم : معلش هو السواق فين

_ فرج والدتو تعبت فجأه فراحلها المستشفى و قال مش هيتأخر

رنيم : ربنا يشفيها "سكتت شويه وبعدين اتكلمت" طب متعرفش هيرجع امتى بالظبط

_ لا الصراحه

رنيم : تمام شكرا

قالت كده و دخلت وهى بتفكر تعمل ايه و كانت خايفه تستنى الوقت يعدى و السواق ميلحقش يروح و بدر يزعقلها فقررت تروحلو هى و تطلب اوبر و فعلا قامت لبست و طلبت اوبر و راحت لبدر

_______________________

فى الشركه

_ مستر بدر فى واحده برا بتقول انها تعرف حضرتك و عايزاك

بدر باستغراب : مقالتش مين

_ لا

بدر كان لسه هيتكلم لقى نيلى داخله لوحدها و قعدت

_ يا انسه مينفعش كده

بدر بمقاطعه : خلاص يا مرام روحى انتى

السكرتيره خرجت و بدر قام وقف قدام نيلى

بدر : ممكن اعرف جايه ليه

نيلى قامت وقفت قدامو و قالت بدلع : وحشتنى

بدر : انتى مستوعبه أننا سيبنا بعض

نيلى : ايوه بس صدقنى ندمت و انت وحشتنى اوى و نفسى نرجع

بدر : وانتى عارفه كويس أن ده مستحيل

نيلى بغيظ : ليه بقيت تحب رنيم !؟

بدر بلغبطه : دى حاجه متخصكيش

نيلى لمحت أن رنيم فتحت باب المكتب و كانت هتدخل فقربت من بدر مره واحده و مسكت جاكيت البدله بتاعتو

نيلى : يعنى مش بتحبها خلاص ارجعلى و صدقنى مش هتندم احنا الاتنين بنحب بعض ليه نبعد بقى

بدر : انا اه مش بحبها بس برضو مش هينفع نرجع يا نيلى انسى

نيلى بخبث وهى بتبص على رنيم إلى واقفه كاتمه العياط : ماشى براحتك بس هترجعلى و ساعتها هتبقى بتعشقنى مش بس بتحبنى

رنيم ساعتها مشيت وهى بتعيط و سابت الملف مع السكرتيره و نيلى اول ما شافتها مشيت وهى بتعيط ضحكت بشر و بدر خد بالو

بدر باستغراب : انتى بتضحكى على ايه

نيلى : لا ولا حاجه .. انا همشى بقى دلوقتى و ابقى اشوفك بعدين

قالت كده و مشيت و هى مبتسمه بخبث و هو استغرب ضحكها و بعدين رجع تانى يفكر فى الشغل و اتعصب عشان السواق مجاش و افتكر أن رنيم مقالتلوش فرن عليها بس هى مرتدش عليه فاتعصب اكتر و بعدين خرج لقى السكريتره بتوقفو

_ مستر بدر فى واحده جت و سابت لحضرتك الملف ده

بدر خد منها الملف لقى أن ده الملف الى كان قايل لرنيم تقول للسواق يجيبو ففهم انها جت الشركه بدل السواق فاتعصب أنها بتنزل من غير ما تقولو و قرر انو هيحضر الاجتماع و يمشى على طول عشان يشوف الحوار ده

_______________________

فى الفيلا بليل

رنيم كانت قاعده و مازلت مصدومه من كل الى حصل الفتره إلى فاتت و انو اتقلب مره واحده من بعد ما كانو بيضحكو و يادوب نامو و صحيو لقتو متغير و مش بيتعامل معاها حلو و بيكلمها وحش و كمان بيقول انو مش بيحبها و هى افتكرت انو هيضعف و يرجع لنيلى فكانت خلاص هتعيط بس مسكت نفسها

رنيم : لا مش هعيط إلى مش عايزنى انا كمان مش هعوزو و انا خلاص هشوف حياتى و يادوب هعملو الاكل و ارجع اوضتى تانى و مش هتكلم معاه غير للضروره و بما انى معرفتش اصلحو زى ما باباه عايز هخليه يسيبنى

قالت كده و مسحت دموعها و استجمعت قوتها و قررت انها مش هتفكر فيه تانى و الحب الى كانت أبدت تحس بيه تجاهو هتمحيه و هتركز فى مستقبلها بس و خصوصا أن خلاص الاجازه قربت تخلص و تدخل الجامعه و هى بتفكر كده دخل عليها بدر مره واحده و هو متعصب

بدر : ممكن اعرف انتى ايه الى جابك الشركه هو مش انا قولت السواق إلى يجى !؟ ياترى بقى الهانم راحت فين بعدها

رنيم بانفعال : انت بتكلمنى كده ليه ولا كأنى عملت جريمه انا ملقتش السواق فقولت اروح اديهالك عشان الاجتماع إلى قولت عليه عشان لو مكنتش عملت كده كنت هتزعق بس لو كنت أعرف أن فى كلا الحالات هتزعق مكنتش جيت اصلا

بدر بعصبيه : انتى بتعلى صوتك عليا وانتى غلطانه !؟

رنيم : انا مغلطتش فى حاجه

بدر : انك تنزلى من غير إذنى كده مغلطتيش

رنيم : انا مش رايحه حته غريبه انا جتلك الشركه ولا صح نسيت معلش انت تلاقيك بتزعق عشان مكنتش عايزنى اشوفك مع السنيوره

بدر : سنيوره مين !؟

رنيم : السكر إلى كانت معاك فى المكتب

بدر فهم و حب يرخم عليها فقال : اه دى نيلى الاكس بتاعتى .. بس تصدقى بفكر ارجعلها بما أن إلى معايا مش مقدرانى

رنيم : مش مقدارك فى ايه مش فاهمه انت بقيت تتكلم بألغاز ليه

بدر : ما انتى بتكلمى ولاد بقولك ايه خلينى ساكت احسن

رنيم باستغراب : ولاد !!!

بدر : اعملى فيها هبله بقى

قال كده و مشى و سابها و رزع الباب وراه وهى بصتلو بندم أنها فكرت تحبو اصلا و راحت تذاكر عشان الكورس و عشان متفكرش كتير

_______________________

تانى يوم

بدر كان قاعد على النيل و هو بيفكر فى موضوع رنيم و بدأت يحس انها فعلا متعرفش حاجه عن الموضوع ده فقرر انو يتأكد من الموضوع و كلم حد تبعو بيعرف الحاجات المتفبركه و قال لحد ما يتأكد يتأسفلها عشان فى جزء كبير منو حاسس انها معملتش حاجه فقال انو هيجيبلها ورد و يروح ياخدها من الكورس و يحاول يصلح كل الى هو عملو عشان برغم كل ده هو لسه بيحبها و فعلا راح محل يجيب ورد و راحلها الكورس

_______________________

فى الكورس

بدر راح و وقف بالعربيه و كان لسه هيخرج لقى .... ففضل واقف يتفرج و هو متعصب و رمى الورد إلى جايبو فى الكنبه إلى ورا و ..

_______________________

رواية احببتها في وقت خاطئ الفصل الثامن

بدر راح و وقف بالعربيه و كان لسه هيخرج لقى رنيم واقفه مع واحد و بيضحكو ففضل واقف يتفرج و هو متعصب و رمى الورد إلى جايبو فى الكنبه إلى ورا و ساعتها اتأكد من أن الصور حقيقه بس مكنش يعرف انو فاهم غلط

~~~~~~~~ بالنسبة لرنيم

رنيم خلصت الكورس بس نور مكانتش معاها المرادى فخرجت على طول و اول ما خرجت خرج وراها واحد

_ رنيم رنيم ثانيه

رنيم لفت باستغراب لقت واحد كان معاها فى الكورس و بيقرب منها و هو بينهج و كان واضح انو بيجرى وراها

رنيم : خير انت تعرفني !؟

قال بضحك و هو بينهج _ ايوه انا اياد معاكى فى الكورس يخربيتك مش قادر اتنفس انتى بتمشى بسرعه كده ليه

رنيم بضحك : معلش مكنتش اعرف انك عايزنى و كان لازم اروح على طول

اياد : عادى ولا يهمك معلش بس انا كنت عايز اسألك على ورق الكورس الى فات عشان معرفتش اجى و عرفت انك بتكتبى كل حاجه فقولت اسألك

رنيم و هى بتطلع الورق : اه اكيد اتفضل

اياد : شكرا جدا هرجعهولك الكورس الجاى

رنيم : تمام مفيش مشكله

قالت كده و مشيت لقت بدر فى العربيه فركبت لقتو بصلها جامد و طلع بالعربيه مره واحده و كان ماشى بسرعه اوى وهى استغربت ده

_______________________

فى الفيلا

وصلو و رنيم كانت لسه هتطلع لقت بدر بيزعق

بدر بزعيق : استنى هناااا

رنيم : فى ايه

بدر : مين إلى انتى كنتى واقفه معاه ده

رنيم : معرفوش بس هو معايا فى الكورس

بدر بانفعال : يعنى مش حبيب القلب الى بتبعتيله صور

رنيم باستغراب : حبيب قلب ايه و صور ايه ايه الى انت بتقوله ده

بدر : بقولك ايه بقى مش ناقصه استهبال تانى انا استحملت كتير اوى و كفايه لحد هنا .. انتى ايه انتى فاكره ان مفيش منك و كل الولاد بتجرى وراكى و لا ايه لا فوقى يا ماما انتى باباكى ذات نفسو مجوزك ليا بفلوس فانتى تقدرينى و غصب عنك حتى لو جوازنا مش حقيقى انتى سامعه

رنيم بعدم تصديق و دموع : انت ازاى تقول كده و تتكلم عليا كده انا عمرى ما فكرت اكلم ولد حتى و الولد الى انت شوفتنى معاه ده كان عايز ورق الكورس و بعدين انا بابا مستحيل يبيعنى انت كداب اصلا و بتقول كده عشان تزعلنى مش اكتر

بدر : لو مش مصدقه روحى اسأليه

قال كده و خرج من الفيلا و هو الغضب عاميه و رنيم قعدت على الأرض و هى بتعيط و قررت انها تقوم تروح لمحمد تسأله على الى بدر قاله و هى مش قادره تصدق كلامه و فعلا قامت و ركبت اول تاكسى قابلها و طلعت لمحمد و هى بتعيط

_______________________

عند محمد

كان قاعد بيشرب شاى لقى الباب بيخبط فراح يفتح لقى رنيم واقفه بتعيط و مش قادره تتمالك نفسها فدخلها بسرعه و هو بيحضنها و بيحاول يهديها

محمد بخوف : مالك يا حبيبتى حصلك ايه بدر عملك حاجه

رنيم بدموع : بابا قولى انك معملتش كده ونبى عشان خاطرى

محمد : اهدى طيب و فهمينى فى ايه عملت ايه

رنيم : انت جوزتنى لبدر بفلوس !؟

محمد سكت و معرفش يرد عليها فقالت بخوف وهى بتعيط : يا بابا رد عليا ونبى

محمد : انا عمرى ما أبيعك يا رنيم

رنيم : طب فهمنى ليه قال كده ليه قالى انك مجوزنى ليك بفلوس

محمد : اقعدى يا بنتى هجيبلك مايه و اجى افهمك كل حاجه

قال كده و قعدها على الكنبه و راح جاب مائه و شربها و فهمها كل حاجه

محمد : هو ده كل الى حصل و الله يا حبيبتى و انا اسف انى دخلتك فى كل المشاكل دى و انا بنفسى هحلها

رنيم : انت مش هتعمل حاجه يا بابا انا هرجعلهم كل فلوسهم و هخليه يطلقنى و انا مش زعلانه منك و كنت هزعل فعلا لو كنت اتحبست و سيبتنى

محمد حضنها جامد و هو بيقول : انا اسف يا حبيبتى

فضلو كده شويه و هى كانت بتمنع نفسها عن أنها تعيط و محمد خدها دخلها الاوضه عشان تنام و ترتاح و بالفعل نامت بس بعد وقت كتير و تفكير كتير

_______________________

بعد يومين

رنيم صحيت بدرى و قامت تلبس و قررت انها هتروح البنك تسحب كل الفلوس إلى كانت شايلاها فيه من فلوس البيدج و الفلوس إلى كان محمد بيبعتهالها عشان تديهالهم و تنهى الحوار

محمد باستغراب : ايه ده انتى رايحه فين

رنيم : رايحه البنك هسحب الفلوس إلى فيه

محمد : لا يا رنيم متعمليش كده انا إلى استلفت منهم و انا إلى هرجعالهم

رنيم : وانت استلفت عشان مين يا بابا مش عشانى !؟ انت فصلت طول السنين إلى فاتت مهتم بيا و بتحاول تعيشنى احسن عيشه و جه الوقت انى اردلك فيه كل حاجه عملتها عشانك و بعدين الصاحب ليه عند صاحبو ايه !

محمد بابتسامه : ربنا يخليكى ليا يا حبيبتى

رنيم حضنتو و بعدين بعدت و قالت بهزار و هى بتحاول تدارى على إلى جواها : يلا بقى يا حجوج هتأخرو و هقف كتير كده الاه

محمد بحزن على حالتها : ماشى يا حبيبتى روحى ربنا معاكى

رنيم ابتسمتلو بحزن و نزلت راحت البنك

_______________________

عند بدر

كان قاعد عند النيل و هو بيفكر فى كل الى حصل و فى حاجه جواه بتقول انو غلطان و زودها معاها اوى و كان لازم يسألها من الاول و يتكلم معاها و نص تانى بيقول أن ممكن الكلام ده كلو يطلع صح و الاسكرينات تبقى حقيقه و وهو فى وسط تفكيره فونو رن و كان صاحبو إلى سألو على الصور

بدر : ايوه يا احمد عرفت حاجه

احمد : ايوه

بدر : طب ايه هى ما تقول على طول

احمد : الاسكرينات كلها حقيقه معادا الصور بس اظن ان الاسكرينات مكانتش من رنيم زى ما الصور مش ليها و ممكن يبقى حد حط صورتها خلفيه عشان لما يبعت الاسكرينات و الموضوع يظبط

بدر : يعنى انت شايف أن الاسكرينات دى فيك

احمد : ايوه

بدر بحيره : تمام يا احمد متشكر

قال كده و قفل و مسك راسو و هو مش عارف يفهم حاجه و كان عمال يلوم نفسو على الى هو عملو و فكر برضو يتأكد من موضوع الولد الى كان معاها فى الكورس فقال هيروح الكورس بكره و يكلمو

بدر : يارب يطلع كل ده فيك و تطلعى معملتيش حاجه بس لو ده فعلا مش حقيقى فأنا مش هسامح نفسى على الطريقه إلى عاملتك بيها و كمان مظنش انك هتسامحينى

بدر مسك راسو إلى وجعتو فجأه من كتر التفكير و قال : ياااارب عايز اعرف الحقيقه

_______________________

عند رنيم

راحت البنك و سحبت كل الفلوس إلى فيه و راحت قعدت فى الكافيه المفضل ليها من وهى فى ثانوى

_ ياااه رنيم ازيك يا بنتى بقالك كتير جدا مش بتيجى

رنيم بابتسامه : عم محسن ازيك .. معلش والله مكنش عندى اى فرصه الفتره إلى فاتت بس صدقنى هجيلك كتير قريب لأن الحاجه الى كانت منعانى خلاص هشيلها من حياتى قريب جدا

محسن بابتسامه : ربنا يوفقك يا بنتى و يريحك

رنيم : يارب يا عمو

محسن : اجيبلك المون بالنعاع إلى بتحبيه

رنيم بابتسامه : ايوه ياريت و ياريت انت إلى تعمله عشان بيطلع حلو اوى

محسن : من عنيا

مشى و هى فضلت مبتسمه لأن كل مره لما بتيجى هنا و بتشوف محسن صاحب الكافيه بترتاح لأنها بتحب الكلام معاه اوى و بتطلع كل الى جواها فى المكان ده من غير ما تخاف و بعد وقت محسن جه و حطلها اللمون بالنعاع

رنيم : عم محسن معلش ممكن تقعد معايا شويه اتكلم معاك

محسن : اه طبعا ثوانى بس ابلغهم يكملو هما و جايلك

قال كده و راح بلغهم أنهم يكملو مكانو و راح قعد معاها و هى حكتلو كل حاجه حصلت معاها من ساعه جوازها لحد دلوقتى بس على أساس أنها واحده صاحبتها و عايزه حل

محسن : انا من رأيى انها متكملش عشان مش هترتاح معاه بتقلباتو دى و خاصتا أنو شك فيها كتير و بيتعصب عليها كمان و مش بيفكر حتى يسالها على اى حاجه هو شاكك فيها أو يتكلم معاها و واضح حتى انو مكنش حنين معاها تماما أو حتى مهتم بيها و دول اصلا بيبقو أساس اى علاقه

رنيم ضحكت بسخريه لما افتكرت طريقتو معاها و انو فعلا مكنش حنين معاها أو مهتم بيها و قالت : عندك حق .. مش هعطلك عن كده تقدر تروح تشوف شغلك

محسن : ماشى يا بنتى و لو عوزتى اى حاجه قوليلى

رنيم ابتسمت بحزن و قالت : حاضر

قام مشى و هى فضلت شويه تفكر فى كلامو و بتفكر كل حاجه عاشتها مع بدر من ساعة ما اتجوزو و عرفت أن فعلا كلام عم محسن صح و قررت انها فعلا هتسيب بدر و لو موافقش هترفع عليه قضيه خلع و بعد تفكير كتير حاسبت و قامت مشيت و رجعت البيت

_______________________

فى الفيلا

بدر رن على ونس قالو يجى بسرعه عشان كان عايز يحكيلو كل حاجه حصلت رغم انو عارف انو هيتخانق معاه بس هو عايز يتكلم مع حد و يحكيله كل حاجه على الأقل يفوقه من الى هو فيه و مع الوقت ونس وصل و دخل لقى بدر قاعد على الكنبه و بيبص للسقف و سرحان

ونس : بدر انت كويس

بدر هز راسو بلا فونس قعد جمبو و قال : طب احكيلى مالك بقالك كام يوم متغير و بعدين فين رنيم

بدر بصلو شويه و بعدين بدأ يحكيلو كل حاجه و ونس كان بيسمع و هو مضايق من الى هو عمله بس حاول يتمالك نفسو عشان بدر مش ناقص

ونس : انا قولتلك انك هتندم يا بدر و فعلا ده حصل .. انت مكنش المفروض تتعامل بالطريقه دى حتى لو انت متعرفهاش و مش عارف شخصيتها و مش عارف هى ممكن تعمل كده فعلا ولا لا كان لازم تسألها اول ما المسدج اتبعتتلك مش تفضل شايل جواك و شايف انها غلطانه و هى اصلا معملتش حاجه و فجأه تنفجر فيها

بدر : مكنتش اعرف مكنتش اعرف ان كل ده هيحصل انا كنت فاكر انى هعرف الحقيقه قريب بس طلعت غلطان كنت فاكر أن انا إلى صح بس طلع العكس صدقنى انا بحبها بس لما شوفت المسدجات دى و أن هى باعته صور لواحد و كمان لما شوفتها مع واحد بعد الكورس مقدرتش أتمالك نفسى

ونس : و المسدجات طلعت مش حقيقه و طلعت أنها معملتش حاجه .. انت كان المفروض تتأكد بعد ما المسدجات دى اتبعتت مش بعد فوات الاوان .. مدام بتحبها كان المفروض تبقى واثق فيها إنما انت الشك و العصبيه عموك و خلوك تتعامل بطريقه مستحيل حد يستحملها و خلاك تقلل من اخلاقها

بدر : انا عارف انى غلطت بس انا بجد مكنش قصدى انت عارف انى لما بتعصب أو بحس أن حد جه على كرامتى مش بقدر امسك نفسى

ونس : طب وانت هتعمل ايه دلوقتى

بدر : هروحلها البيت عند باباها هحاول اصالحها هى اكيد هناك

ونس : و فكرك هى هتسامحك !؟

بدر : هى لما تعرف كل حاجه و تعرف حوار المسدجات اكيد هتسامحنى لو هى بتحبنى

ونس : هى لو بتحبك فده هيزعلها اكتر انك شكيت فيها و صدقت المسدجات دى و مروحتش كلمتها

بدر : طب اعمل ايه يا ونس

ونس : حاول تصالحها يمكن ربنا يقف معاك و توافق بس طبعا مش عايز اقولك أنها لو رفضت فانت مينفعش تجبرها على حاجه

بدر بحزن : بس انا بحبها !

ونس : بعد ايه يا بدر بعد ما بوظت كل حاجه !! كان فين الحب ده لما كانت معاك ها كان فين الاهتمام و الحنيه الى بيبقو مع الحب و الى اى واحده بتبقى مستنياهم من الشخص إلى بتحبو تقدر تقولى

بدر معرفتش يرد و اكتفى بانو ينزل راسو فى الارض بحزن و ونس زعل على صاحبو بس فى نفس الوقت مضايق من الى هو عملو بس قعد معاه و حاول يهون عليه و يديله حلول

_______________________

بعد 3 ايام فى بيت محمد

رنيم : بابا انا نازله

محمد : رايحه فين

رنيم : هنزل اشتغل مع عمو محسن فى الكافيه

محمد : ليه يا بنتى

رنيم : عشان اجمع الباقى من الفلوس

محمد : يا رنيم انا ...

رنيم : لا يا بابا انا قولت أن انا إلى هرجع الفلوس و متكلمنيش فى الموضوع ده تانى عشان خاطرى

محمد : ماشى يا بنتى بس متحمليش نفسك فوق طاقتك

رنيم بابتسامه : حاضر يا حبيبى

كانت لسه هتنزل لقت أنها ناسيه الفون فى الاوضه فدخلت تجيبه بس لقت فى مسدجات كتير من رقم غريب و لما دخلت عليها لقت نفس الاسكرينات إلى كانت مبعوته لبدر و مكتوب معاهم " تعرفى أن دول السبب فى انكو تسيبو بعض .. تقريبا بدر مقدرش يستحمل انو يسكت اكتر من كده اصلو شايف الاسكرينات بقالو كتير " رنيم بصت للمسدجات بصدمه و هى مش مصدقه إلى هى شايفاه و مش مصدقه أن بدر صدق الاسكرينات دى و شك فيها و صدق أنها ممكن تبعت صور زى دى لواحد غريب و قعدت تعيط شويه لحد ما محمد حس بتأخيرها و دخل عليها لقاها بتعيط فدخلها بسرعه

محمد : حبيبتى مالك حصل ايه

رنيم و هى بتمسح دموعها : مفيش يا بابا

محمد : مفيش ازاى يعنى و انتى بتعيطى كده

رنيم بكدب : انا بس افتكرت ماما الله يرحمها عشان كده عيطت

محمد حس انها بتكدب بس محبش يتكلم و يخليها تتكلم غصب عنها فقال : ربنا يرحمها يا حبيبتى هى فى مكان احسن دلوقتى و اكيد شيفانا و انتى عارفه اكيد انها هتزعل لو شافتك بتعيطى مش كده

رنيم هزت راسها و هى بتعيط و المرادى فعلا بتعيط عشان مامتها فمحمد حضنها شويه و بعدين خرجها من حضنو و مسح دموعها

محمد محاوله التخفيف عنها : مش يلا ولا ايه يرضيكى تتأخرى اول يوم شغل

رنيم : لا طبعا انا هنزل اهو

قامت و خرجت من الاوضه و لبست الكوتشى و نزلت وهى بتحاول تتمالك نفسها و محمد قعد يدعيلها شويه و قام هو كمان يلبس عشان ينزل الشغل

_______________________

فى الكافيه بليل

رنيم خلصت شغل و غيرت لبس الشغل و لبست لبسها و سلمت على عم محسن و خرجت و اول ما خرجت لقت بدر واقف مستنيها على العربيه و اول ما شافتو مشيت بسرعه بس هو مشى وراها بسرعه و وقفها

بدر : رنيم ممكن تسمعينى لو سمحتى

رنيم : انت عايز ايه بقى ما تسيبنى فى حالى هو مش انت مش طايقنى و مش انا وحشه و بكلم ولاد و ببعتلهم صور و كل الكلام الى قولتو ده جيت تانى ليه بقى

بدر : والله مكنت اعرف ان الكلام ده مش حقيقى انا العصبيه كانت عميانى و مكنتش عارف اتحكم فى نفسى أو تعاملى و صدقينى انا ندمان على كل كلمه قلتها عليكى جرحتك

رنيم : خلاص مبقاش ينفع الكلام ده يا بدر كان من بدرى كان ممكن اول ما المسدجات دى تتبعتلك تجيلى و تواجهنى حتى لو هى حقيقه بس انت معملتش كده و فضلت شاكك فيا و فى اخلاقى و تربيتى طول الفتره دى و انا مسمحش لكده و مسمحش لحد يجى عليا و يتهمنى بحاجه انا معملتهاش أو يشكك فى تربيتى لأن انا بابا و ماما ربونى احسن تربيه و على الأقل مكنتش بخرج كل يوم و برجع الفجر أو بخرج مع ولاد كل يوم

بدر أضايق و فهم أنها قصدها عليه و فهم أن كده مفيش امل أنهم يرجعو بس قرر يحاول تانى

بدر : طب عشان خاطرى أو بلاش عشان خاطر عمو محمد ادينى فرصه اخيره و صدقينى هتغير

رنيم : للاسف جيت متأخر .. الفلوس إلى لبابا عندكو هترجعلكو كمان اسبوع و اتمنى ساعتها ورقه طلاقى تجيلى

قالت كده و ركبت تاكسى و مشيت و بدر وقف يبصلها بحزن و عيط و دى كانت اول مره يعيط فى حياتو من بعد وفاه مامتو و اول ما لقى انو هيعيط راح ركب العربيه و راح مكان فاضى و طلع كل الى جواه و قعد يلوم نفسو على كل حاجه عملها

_______________________

بعد اسبوع

عدى اسبوع و رنيم كانت بتحاول تتخطى بدر بالكامل و بتدعى ربنا وهى بتصلى أنها تنساه و يقدملها إلى فيه الخير و بالفعل كانت أبدت تتخطى و كمان دخلت الجامعه و بقت تخلص الجامعه و تروح على الشغل و جمعت اخيرا المبلغ إلى على باباها و بعتت لبدر عرفتو و هو مكنش قدامو حل غير انو يوافق على الطلاق عشان عرف أن هى مستحيل ترجع و اتفقوا على أنهم يتقابلو عند المأذون و يطلقو و تديلو الفلوس

_______________________

عند المأذون

المأذون : متأكدين انكو عايزين تطلقو

بدر بص لرنيم بترجى بس هى مبصتلوش و قالت : ايوه

المأذون بدأ فى إجراءات الطلاق و قال : طلقها يا ابنى

بدر بصلها شويه و بعدين خد نفس و قال : انتى طالق

رنيم ابتسمت بحزن و مضت على ورق الطلاق هى و بدر و خدت شنطتها و قامت و بدر نزل وراها و وقفها فى الشارع

بدر : ممكن اتكلم معاكى ثانيه فى حاجه اخيره

رنيم : نعم

بدر : ممكن تدينى فرصه نبقى صحاب بس و صدقينى مش هكلمك فى موضوعنا تانى بس على الاقل خليكى معايا

رنيم وقفت تفكر شويه و لقت أنها كده كده مبقتش تحس بحاجه تجاهو زى الاول و أن هى خلاص شبه اتخطتو و أن خلاص الموضوع خلص و خرجت منو فقالت مفيش مشكله يبقو صحاب و كده كده مش هيتكلمو كتير فقالت : تمام موافقه

بدر ابتسملها و هو فرحان و عزمها على حاجه يشربوها فوافقت و راحت معاه و قعدو يتكلمو شويه بس مكانوش عارفين يقولو ايه برضو و رنيم كانت ساكته عشان كانت لسه فى حته فيها مضايقه و كان هو إلى بيفتح كلام لحد ما خلصو إلى بيشربوه و كل واحد روح على بيته و عدى فتره و هما صحاب بس رنيم مكانتش هى إلى بتبدأ كلام و بعد فتره قليله رنيم بعدت عن بدر و عملتلو بلوك من كل حته

_______________________

رنيم : بس يا ستى دى كل الحكايه

_ ياااه يا ماما ده حصل حاجات كتير اوى انتى ازاى استحملتى كل ده

رنيم بضحك : شوفتى بقى .. بس الحمدلله باباكى عوضنى

_ اتمنى بجد خطيبى ميبقاش زى بدر و يبقى زى بابا حنين كده و عسل

* سمعت حد بيجيب فى سيرتى

رنيم بحب : كنت بقولها انك عوضى الجميل فى الدنيا و هى كان نفسها خطيبها يبقى زيك

* ربنا يخليكو ليا يا اغلى حاجه عندى

_______________________

"فى بعض الأحيان يكون التأخر سبب ضياع كل شئ و التسرع سبب خراب كل شئ"

"و فى النهايه أن الله يحمل لك كل شئ جيد و يخبأ لك نصيبك للوقت المناسب"

___________________