تحميل رواية «أحببته في لجنة» PDF

يا نهار اسود كسرتي اللجنة يخرب بيتك

داليا بخوف : يعني حيحبسني

اياد : انا نفسي يعدمك مش يحبسك

صوت الظابط من برة : انزل انت واياها

داليا بدموع : والله انا اسفة ما كنتش اقصد

مراد بحدة : أسفة انتي كسرتي اللجنة

اياد بضيق ” لو سمحت تكلم معايا انا

مراد ” مين اللي كان سايق

اياد ” دي عربيتي وكنت بعلمها السواقة

مراد ” بتعلمها السواقة في طريق سريع انت مجنون

اياد: لو سمحت بدون غلط حضرتك شوف ايه المناسب وعمله

كان لسة حيطلب بأخذه هو وعربيته بس داليا رفعت عينيها الخضرة ومع العياط صارت شبه لوحة فنية مكتملة الابداع نزل عيني يتمالك نفسه وقال : تفضل الورق والرخص وياريت حضرتك تعلمها في جنينة او شارع فرعي لانه دي فيها حياة ناس

داليا بفرحة : يعني حضرتك مش حتحبسني

غمض عيني واستغفر بسره بعد ما بانت غمازتها : احم لا مش ححبسك بس مرة تانية ما اعرفش ايه اللي حيحصل

اياد: متشكر جدا لحضرتك

مد ايدو يسلم

مراد : مراد الجندي

اياد بابتسامه: اياد البداري

مدت إيدها عشان تسلم

داليا بابتسامه: وانا داليا البداري

لكن مراد تحرج جدا لانه مش بيسلم ولسة بيمد ايدو وبرجع فيها

مسك اياد ايد داليا وقال: ومن امتى بنسلم يا حيلتها امشي تجري

لفت داليا ضهرها وقالت : ميرسي يا ظبوطة

مراد بصدمة ” ظبوطة

اياد: يخرب بيتك حيسجنا تاني يلا بسرعة

مشيوا ومراد بيبص لطيفهم تنهد باعجاب : ايه بقى استغفر الله العظيم انا مش كدة

وبدا يكمل شغله تاني يوم شافته داليا وهي رايحة الدرس وكانت حتنزل تسلم عليه

سالي ” يخرب بيتك امشي حنتأخر عن الدرس

لكن هو ما شافهاش بس حس فيها التف لمح وحدة بتطلع عمارة قريبة منه هز اكتافه وقال يمكن

وبدأ شغله اللي بحبه جدا واللي اشتغله عشان يحمي الأطفال بس …

اياد : يلا يا دودو حوصلك المدرسة

داليا : ماشي يا حبيبي حتوصلني حبا فيا صح

اياد بضحك : اه يا لمضة امشي بقى

مسكت داليا تلفونها وقالت بمكر: يالله سالي مش حتروح النهاردة ..

اياد بضيق : بجد ليه طيب روحيلها البيت يمكن تعبانة تعالي اوصلك عندها

كانت بتسمعله وانفجرت ضحك

انتبه اياد لنفسه وقال بغيظ : اقسم بالله لمضة لماضة انا بكرهك يا بنت انتي

داليا ” بتكرهني ماشي كنت حاخدك معايا عيد ميلاد سالي

اياد : ده انا ما بحبش حد قدك وحاخدك تشتري أجمل فستان عشان العيد ميلاد وتاخديلها هدية كمان

داليا بضحك : ماشي يا خويا نلحق المدرسة يلا

مشي فيهم وفي الطريق لمح مراد وقف وسلم عليه

مراد لمح داليا جمبه ابتسم ليها وقال : ازيك يا آنسة

داليا بابتسامه وغمازة جننته: الحمدلله

مشي اياد فيهم وداليا لفت ضهرها لمراد اللي لف نفسه لأنه بخاف من شيطانه وتذكر ” النظرة سهم من سهام ابليس ”

في يوم وهو واقف في عربية كسرت اللجنة وماشية بسرعة طلع الموتسيكل بعصبية عشان يلحق يقبض عليها وقف عند الشباك وقال بحدة : وقف العربية احسن الك

داليا بعياط : مش عارفة اوقفها مش عارفة

مراد بصدمة : داليا ؟

الحق يا باشا في عربية كس-رت اللجنة

جري وراها وهو متعصب افتكر انها العصابة اللي بيدور عليها وقف قريب من شباك العربية وصر.خ: وقف العربية احسن الك

داليا ببكاء: مش عارفة مش عارفة اوقفها

مراد بص.دمة: داليا ؟؟

داليا ببكاء: انا حم-وت مش كدة

مراد بخوف وصر.اخ: ركزي سوقي عادي ما تسيبيش ايدك

لف حيروح من الشباك التاني

داليا بخوف: ما تمشيش والنبي

مراد بغيظ وتوتر: سوقي مالكيش دعوة

وصل عند الباب التاني وقرب منه وفتح الباب بعدها نط جوة العربية وطبعا الموتسيكل بتاعه تك-سر

وقف جمبها ووقف العربية باعجوبة تنهد ورجع في راسه عالكرسي مش مصدق انه انقذها

فتحت عينيها مش مصدقة وقالت: انا ما موتش

كز على اسنانه وقال: انا نفسي اموتك في ايدي اللي خرجك في الز.فت دي وانتي مش بتعرفي تسوقي

داليا ببكاء: اصلي اياد كان بيقول عليا فاشلة فخدت العربية عشان اثبتله اني بعرف اسوق

مراد ” قصدك عشان تم-وتي انتي كنتي حتم-وتي انتي مجنونة

داليا ببكاء شديد: ما تزعقليش انا عمرو ما حد زعقلي

مراد بغيظ: وحكسر دماغك افرض خبطتي حد ولا حصلك حاجة

داليا: انا اسفة مش حاعمل كدة تاني

مراد: لا منا حاخد العربية عشان ما تعمليش كدة تاني

داليا بصد@مة ” لا والنبي ده اياد يقت.لني دي لسة جديدة والله آخر مرة

مراد بتعب: قلبي لسة بدق من الخوف

داليا باستغراب: انت خفت عليا

بصلها شويا وسكت استغرب هو فعلا خاف عليها ولا ده شغله وخلاص

مراد: ده شغلي ارواح الناس مسؤوليتي امشي حسوق انا واوصلك قوليلي امشي ازاي

وصلها للبيت وقال بحنان: انا اسف اني عليت صوتي عليكي

داليا بهزار: ايه ده انت بتتأسف زينا

مراد بضحك: مش اسف بقى يا لمضة.. عايز منك وعد يا داليا

داليا: في ايه

مراد: ما تعمليش كدة تاني

—

هزت راسها وقالتله: وعد

داليا بدموع الموتسكل بتاعك تد-مر صح

مراد بضيق لانه غالي عنده: خسارة حديدة اهون بالف من خسارتك

بصتله باستغراب انتبه لنفسه وقال: اهون من خسارة روح قصدي

حست بقلبها دق بقوة رجفة في معدتها ايه ده اصلا

نزل وركب تاكسي وهي نادت على حد يركن العربية جوة ومراد مستغرب اللي بيحصله

روح بيته وقال بحب: أمونة حبيبة قلبي انتي فين

ايمان بحب: انا هنا يا روحي

باس ايدها وقال بمكر: هو أدهم فين

ايمان بضحك: ليه

مراد: اصلي عايز احض.نك وابو..

ما كملش كلامه لقى حد علقه من قفا وايمان ضحكت بكل صوتها

ادهم: عشان الضحكة دي مش حعاقب الكلب ده

مراد بضحك ” ربنا يخليك يا حاج ما تخليني ابو-سها والنبي

أدهم بغيظ: ما تتلم يا زبا.لة قولتلك تجوز وحل عني

مراد: شوفلي وحدة مزة شبهها وانا اتجوزها على طول

ادهم بذهول: مزة ؟؟ بتقول على امك مزة

مراد: هههههه دي أجمل ست في الدنيا كلها

أدهم بجدية: مش ناوي تتجوز يا مراد

مراد بحزن: مش قادر يا بابا خايف خايف اوي

ايمان: لو كلنا خوفنا من الفقد حنقفل على نفسنا يا حبيبي

تنهد بألم وقال: في لحظة كل حاجة راحت هيا ماتت وبنتي بقالها سنتين في غيبوبة والحالة ميؤوس منها

عيطت امه وخدته في حض.نها وقالت: حيعوضك والله حيعوضك وبكرى تقول أمونة قالت

مراد: احلى امونة دي ولا ايه

ضربه ابوه على قفا

مراد: ااه تسلم ايدك يا حاج عاجبك عمايل جوزك يا امونة

كانت كاتمة ضحكتها وهزت راسها باه

مراد: بتبيعي ابنك عشان خاطر العجوز ده

ايمان بشهقة: فشر عجوز ايه ده اصبى منك يا واد

—

أدهم بحب: ما تيجي نروح المزرعة

مراد: ايوة يا معلم الحب ولع في الدرة.. انت مش كبرت عالحاجات دي يا حاج

جرى أدهم وراه ودخل غرفته وهو بضحك وابوه بدعيله بالسعادة

بدأ يغير هدومه لكن جت قدامه صورتها ضحك على شقا-وتها وبعدها نام…

وفي المساء راح لبنته اللي عمرها ٥ سنين تكلم معاها كتير ومشي كالعادة وقلبه بيعيط عليها وعلى مامتها اللي ما لحقت تتهنى فيها

في اليوم اللي بعده شافها وهي رايحة تاخد درس وهيا بتضحك مع زمايلها ابتسم على ملامحها وضحكتها ليه بتخطفوا كدة.. مع انه كان متجوز بس ما خطفتوا مراته زيها

خلصت الدرس وشافته راحت عنده وابتسمت: ازيك

مراد بابتسامه ” اهلا عاملة ايه عقلتي

ردت بغيظ: ايه عقلتي دي هو انا مجنونة.. تفضل

مراد: ايه ده

داليا: ده ساندوتشات عملتهالك عشان بشوفك بتوقف هنا كتير ومش بتاكل

غمض عيني واستغفر كتير عشان قلبه بيدق بيدق جامد ابتسم وقالها متشكر جدا

مشيت وصارت كل يوم تروح تسلم عليه وأحيانا تكون جايبة كيك حلو اي حاجة المهم تقابله

خرجت من الدرس مستعجلة عشان عيد ميلاد سالي بس في شاب فضل يعاك-س فيها ويمشي وراها من اول ما راحت ولما خرجت لقته مستني خافت تنزل كتبت على ورقة رقمها ولقت ولد صغير قالته يبعت الورقة للظابط اللي هناك

مراد باستغراب ” ايه ده

الطفل: في بنت حلوة في العمارة هناك قالتلي اعطيك اياها

مسك الورقة وكان مكتوب عليها أنا داليا كلمني ضروري

مسك تلفونوا رن بقلق وهمس: انتي كويسة

داليا ببكاء: في شاب كان ماشي ورايا من المدرسة للدرس ودلوقتي واقف عالباب انا خايفة امشي

غلي الد.م في عروقه وبص للباب لقى واحد واقف وساند على عربية وعيني عالباب

مراد بغيظ: لابس جاكيت اسود

داليا: ايوة هو…

مشي ناحية العمارة وهو ناوي يو.لع في عيلته كلها

داليا انت كويسة…

قالها مراد وهو بيرد بقلق عليها

داليا بدموع : في واحد كان بيعاك..سني وانا جاية من المدرسة وهلا واقف على باب العمارة

ما حسش بحاله غير وهو بيضرب فيه هو نفسه مش عنيف بس تجنن زمايله سحبوه بالعافية

مراد من بين اسنانه : انت تختفي وما المحكش لا هنا ولا عند المدرسة لالبسلك إعدام انت فاهم

الشاب جري برعب ومراد لف وشه يشوف اكتر انسانه شقلبت كيانه كدة

قرب منها وقال بحنان: انتي كويسة

هزت راسها وهي بتبص ليه باعجاب وقلبها بيدق جامد وهو سرح بابداع الخالق

انتبه لنفسه وقال بتيه : تحبي اوصلك

داليا بخجل : مش عايزة اتعبك

منع نفسه يتكلم عشان لو تكلم مش حيسطير على كلامه اصلا لأول مرة في حياته بتمنى يخطف حد

ركب بسيارته وهيا جمبه قال بدون ما يبصلها : بصي حوصلك بس حاولي تتعلمي حعلمك بطريقة سهلة

داليا بفرحة ” بجد حلو اوي يلا

بص لوشها لما الغمازة ظهرت مع الابتسامه غمض عينيه واستغفر كتير

داليا : انت كويس

مراد : انا ضايع

داليا بعدم فهم ” في ايه

مراد لنفسه : جسمي برتعش كأني مراهق طلعتيلي منين

بدأ يعلمها ازاي لغاية ما ايدها لمست ايدو بالغلط جسمي اتنفض كأنها أول بنت في حياته وقف وبصلها وهي سكتت بخجل وحاولت تبعد عينيها

تنهد ورجع راسه لورى حينفع ؟؟؟

وخطيبها اياد؟؟ طيب وفرق السن وبنتي اللي في العناية

كل دي اسئلة كان يسألها لانه اتخطف بجد قلبه ما بقاش وياه

داليا باستغراب ” انت كويس

مراد بتعب : مش عارف

وصلها وهو ساكت تماما بيفكر كتير وقلبه واجعه اوي

ايمان بحنان : تعال في حضني يا ابني مالك يا حبيبي

مراد بوجع : اول مرة اتخطف وقلبي يتسرق مني كدة يا امي

ايمان : وليه الوجع في صوتك ايه اللي يمنع

حاول يمنع دموعه : حاسس اني بخون مراتي اللي كان نفسها احبها بجد انا كنت بحترمها وكانت غالية عندي بس ما تخطفتش كدة منها

ايمان : قلوبنا مش في ايدينا يا حبيبي انت عمرك ما قصرت فيها

مراد: وبنتي يا أمي.. داليا دي زي القمر في ليلة نص الشهر يعني تاخد وزير حتاخد واحد كان متجوز وعندو بنت

ايمان : لو بتحبك حتوافق

مراد : وفرق السن في اكتر من ١٠ سنين فرق

ايمان ” بيني وبين ابوك ١٤ سنة

مراد : اصل اصل ..

ايمان برفع حاجب : ايه

مراد : شكلها مخطوبة

ايمان بشهقة : يخرب بيتك انت تنساها خالص مخطوبة ايه حنخرب حياة الناس

نزل راسه بخجل وقلبه وجعه من مجرد الفكرة ..

دخل غرفته وحاول ينام ما فيش فايدة

اياد بلهفة : يلا يا بنتي تاخرنا

داليا بضحك : ماليش مزاج اروح

اياد بغيظ: حتذليني عشان نروح مش كدة انتي وحدة ندلة اصلا

با..سته من خده وقالت ” ربنا يسعدك ياروحي

اياد وهو بيحضنها : بنت قلبي

وصلوا العيد ميلاد وعيونه ما نزلتش من على سالي زي الملاك ملامحها بتخطفه وهيا كانت بتبصله بخجل

مدحت ابوها وقف وقال بابتسامه: النهاردة عيد ميلاد حبيبة قلبي وحبيت استغل المناسبة دي واعلن خطوبتها على أحمد بن عمها

اياد بصلها وعينيه مفتوحه عالاخر وهيا بصتله بصدمة وكانت بتهز راسها بلا

وداليا سمعت صوت قلب اخوها اللي كان مجهز كلام يقوله حطت ايديها على بوقها عيطت كتير اوي

بعد ما الناس هنت كان لسة اياد واقف في عالم تاني

قربت منه وقالت وهي بتعيط اوي ” ما كنتش اعرف والله العظيم

كان بيبصلها وساكت كملت وهي بتعيط ” عشان خاطري اتكلم

اياد بابتسامه وراها وجع كبير ” مبروك ربنا يسعدك

مسكت ايده وقالت برجاء : لا لا يا اياد ما تسيبنيش كدة قولي انك مش هتسيبني

حاول يسيب ايدها لكن لقاها تلجت وعينيها بدأت تغيب قرب منها وقال برعب : سالي مالك

همست قبل ما تغيب بين ايدي ” بحبك اوي

كان بيوصلها لانها ترجيته يكمل تعليمها رنت عليه المستشفى بخصوص بنته

مراد : ايوة … ايه فاقت

داليا : فرحني معاك

مراد بعدم انتباه : بنتي فاقت