تحميل رواية «ابن الذوات والصعيدية» PDF

رواية ابن الذوات والصعيدية الفصل الاول

في بيت كبير في الصعيد كانت واقفه شريفه وابنها سالم ومراته حنان والجده نبويه كانت قاعده علي كرسي متحرك وبعدها وقفت عربيه كبيره قدام البيت ونزل حازم ابنها

حازم قرب من امه وقال

حازم

ازيك يا امي عامله ايه ما تعرفيش انت وحشاني ازاي بجد وبعدها سلم على اخوك وعلى مراته وباس ايد جدته وقال لها وانت يا نونه وحشاني جدا

في الوقت ده الجده ضربته على ايده وقالت بضحك

الجده نبويه

اتحشم يا واد انت امال ايه نونه دي بقى هو اني لساتني بت صغيره علشان تدلعني بالدلع الماسخ ده اني ست كبيره وليا هيبتي وقدري في البلد كلها واللي يسمعك يقول اني حفيدتك مش جدتك يا قليل الادب

حازم

يا نونه يا حبيبتي انتي زعلتي ليه بس ده اني مهما كبرت ولفيت الدنيا كلها برضك هشوفك نونه اللي كانت مخبيالي الجنيهات تحت المخده وتديني منها واني صغير وبعدين انتي عارفه زين اني ما اقدرش ازعلك ابدا انا بضحك معاكي يا ست الكل

وبعدها قربت منه امه شريفه وقالت ليه

شريفه

خلاص يا ولاد بلاش الحديت ده دلوك مش وقته وتعال يا حازم ادخل جوا ما تعرفش اني عملتلك كل الوكل اللي بتحبه من اول ما عرفت انك راجع البلد ومقضياها في المطبخ من الصبح ومستنياك على نار

وبعدها حازم مسك ايدها وقال

حازم

استني يا امي بس عشان خاطر معايا ضيفه ولازم تعرفوها الاول

وفي الوقت ده باب العربيه اتفتح ونزلت كارما وكانت لابسه قصير اوي وبصت حواليها وقالت

كارما

هاي يا جماعة بجد متعرفوش أنا فرحت قد إيه لما عرفت إني هاجي أقعد هنا الفترة دي واو البيت تري شيك أوي

الكل كان مصدوم من شكل كارما وبعدها

سالم شال عبايته من على كتفه ومدها ناحيتها وقال

سالم

خدي استري روحك بالعبايه دي يا بت الناس ايه اللبس اللي انتي لابساه ده واحنا واقفين اكده في نص الدار وهي مين دي يا حازم

حازم

يا سالم اهدا شويه اللبس ده عادي خالص في القاهره وعلى فكره دي كارما وتعالوا ندخل جوا بدل الوقفه دي كلها

وبعدها حنان مرات سالم قربت علي ودنه وبعدها قالت ليه

حنان

يا ساتر يا رب دي البنيه دي لو عدت من نص البلد النسوان كلاتهم هيقعدوا يحكوا عنها شهرين قدام

ودخلوا كلهم جوا البيت وبعد شويه حازم خد امه ودخل بيها اوضتها وقف قدامها وقال

حازم

يا امي اني جبت كارما اهنيه علشان تتعرفي عليها زين لان اني بحبها وعايز اتجوزها وعايزك تبقي راضيه عني وعن اختياري

شريفه

يا نهار اسود هو اني سمعت زين ولا اني بحلم شكلك اكده اتجننت رسمي يا حازم انت عايز تتجوز البنيه دي اللي نازله قدام الدار بالمنظر ده وتخلي البلد كلها من بعد ما كانت بتحترمنا تتحدت علينا وسيرتنا تبقى على كل لسان لا يا ولدي انسي الحديت ده خالص اني مش موافقه

حازم

وليه يا امي هو انتي حكمتي عليها من هدومها بس كارما بنت متعلمه ومحترمه وطيبه واني حر في اختياري واعمل اللي اني عايزه ومش معنى اني جيت البلد اهنيه ابقى اسيبكم تتحكموا في حياتي كلها

شريفه

لا يا حبيبي اني ما بحكمش عليها من فراغ لكن اني عارفه البلد اللي احنا عايشين فيها وعارفه الناس اللي ما بتسيبش حد في حاله ولو فاكر ان ابوك الله يرحمه مات وما حدش هيقدر يوقفلك يا حازم فاني ست وباصلك ووريني اكده هتعمل اللي انت عايز تعمله ده ازاي

حازم

يبقى انتي من الاول رافضه تسمعي ولا حتى تعرفيها يا امي وكل اللي يهمك كلام الناس وبس

شريفه

ايوه يهمني كلام الناس لما يكون متعلق بسمعة دار كبيره زي دارنا ويهمني اسم ابوك اللي تعِب العمر كله علشان يكبره وسط الخلق كلاتهم

حازم

واني حر يا امي واعمل اللي انا عايزه وهتجوز كارما يعني هتجوز كارما

وبعدها لف حازم وخرج من الاوضه وساب امه قاعده مكانها وهي بتبص للباب بقلق وخوف من اللي جاي

وفي الوقت ده دخل حازم المطبخ ولقى واحده واقفه عند البوتاجاز وقال ليها

حازم

بقولك ايه يا بت انتي سيبي اللي في يدك دلوك واعمليلي كباية قهوه مظبوطه وهاتيها على الجنينه بسرعه

وبعدها فال بصوت واطي

اصل راسي هتنفجر من كتر الحديت اللي سمعته من اول ما دخلت الدار

وزينه بصت ليه من فوق ل تحت وبعدها قالت بعصبية

زينه

بت لما تبتك يا واد انت انت فاكرني خدامه عنديكم في الدار ولا ايه علشان تدخل علي وتدي اوامر بالشكل ده انت شكلك ناسي نفسك زين

حازم

يا خبر اسود هو انتي بتكلميني اكده داني لو قلت كلمه واحده بس الكل هيجري يتنفضلي وانتي جايه ترفعي صوتك علي انتي عارفه اني مين زين علشان تتحدتي وياي بالطريقه دي

زينه

وانت بقى عارف اني مين علشان تدخل علي زي العاصفه وتحدتني اكده اني ابقى زينه بنت مهران عمده البلد دي ولو انت ابن الكبير يبقى اني بنت العمده والراس بالراس والعين بالعين

وبعدها ضحك حازم وقال ليها

حازم

يا بنت الايه معقول انتي زينه اخت حنان يا نهار ابيض ازيك يا زينه عامله ايه بس والله ما عرفتك اصل اخر مره شفتك فيها كنتي بضفاير وطول النهار تجري ورا عربيه الرش وتزعقي للعيال في الشوارع

زينه

يعني انت راجع من القاهره علشان تفتكرلي فضايح العيال الصغيره وبعدين قهوه اللي عايزها مني ما تروح هات السنيوره اللي جايبها وياك دي اللي لابسه جيبه قد الكف تعملك القهوه ولا هي ما بتعرفش تدخل مطبخ ولا تمسك كنكه في يدها

حازم

يا دي النيله هو كمان موضوع كارما وصل لعندك انتي كمان اختك حنان شكلها لساتها زي ما هي ما بتبلش في بوقها فوله وكل حديت البلد لازم تعرفه وتعيده عشر مرات

زينه

لا يا حبيبي دي مش حنان اللي قالت الحكاية بلد بحالها من ساعه ما البنيه نزلت من العربيه والخلق كلها واقفه على رجل واحده والنسوان في البيوت ما صدقوا لقوا موضوع جديد يتكلموا فيه

حازم

والناس مالها ومالها هي تلبس ايه ولا تعمل ايه دي حره في نفسها ومحدش له صالح بيها ولا بحياتها

زينه

ايوه حره في نفسها لما تكون في القاهره لكن اهنيه في الصعيد لكل دار عاداتها ولكل بلد اصولها وان كان انت طولت بعيد عن البلد يبقى احنا لسه عايشين وسط ناس ما بترحمش حد

حازم

والله ما اني هغير رأيي ولا هسيب كارما علشان كام واحده قاعده على المصاطب تتحدت وتقول كلمتين

زينه

اللي يريحك اعمله يا ابن الذوات بس افتكر زين ان الحديت اللي بيطلع في البلد زي النار في الهشيم لا بيعرف كبير ولا صغير ولا بيسيب حد في حاله

حازم

وانتي مالك زعلانه اكده ليه هو انتي اللي هتتجوزيها ولا اني

زينه

اني ماليش صالح غير اني بقول اللي شايفاه وبعدين بدل ما انت واقف تتخانق وياي روح شوف امك اللي قاعده في اوضتها زعلانه من كلامك اكتر ما هي زعلانه من البنيه نفسها

حازم

هو انت كمان لحقتي عرفتي ان امي زعلانه

مش فاهم هو فيه اي

وبعدها حطت أيدها علي كتفه وقالت

زينه

يبقى ربنا يعينك على اللي جاي يا ولد الكبير

وبعدها خرجت زينه وكانت كارما قاعده وحنان قاعده معاها وحنان قالت ل زينه

حنان

تعالي يا زينه شوفي البنيه دي اسمها كارما بتشتغل دكتوره في مصر زيها كيف الرجاله وبتلف وتروح وتيجي لحالها من غير ما حد ياجي وياها

وبعدها زينه قعدت وسطيهم وقالت

زينه

ايوه يا حنان الكلام ده عادي في مصر ومش جديد يعني هناك البنات بيشتغلوا في كل حاجه والدنيا غير اهنيه خالص

كارما

بالمناسبه يا جماعه انا نفسي اشرب هوت شوكليت دلوقتي اوي هو في حد هنا بيعرف يعمله

وساعتها زينه شاورت على المطبخ وقالت ليها

زينه

روحي على المطبخ هناك هتلاقي اللبن والقهوه والسكر وكل اللي انتي عايزاه اعمليه لحالك

كارما

هو انتي عارفا تعمليه يعني

زينه

اه طبعا عارفه بيتعمل ازاي بس اكيد مش هعمله لك يعني وبعدها قامت وقفت وقالت انا طالعه اطمن على خالتي شريفه اشوفها عامله ايه

وبعدها طلعت زينه فوق وخبطت على الباب ودخلت الاوضه ولقت شريفه قاعده على السرير وعينيها مليانه دموع

شريفه

كويس انك جيتي يا زينه تعالي شوفي المصيبه اللي اني واقعه فيها ولدي راجعلي بعد السنين دي كلها وبدل ما يفرح قلبي جايبلي وجع راس وهم يهد الجبل

زينه

ده انتي مصيبتك مصيبتين يا ام سالم مش مصيبه واحده بس البلد كلها دلوك ما عندهاش سيرة غير كارما ولبسها وابنك اللي مصمم يتجوزها والناس من هسه بدت تلوك في الحديت

شريفه

وعشان اكده اني عايزاكي تساعديني يا زينه انتي الوحيده اللي حازم بيسمع منها كلمه زين وقدرها عنده كبير ولازم تخلينا نمنعه من الجوازه دي قبل ما تحصل

زينه

واني مالي يا ام سالم دي حياته وهو حر فيها وبعدين لو رايده الصراحه حازم راسه ناشفه ولو حط حاجه في دماغه ما حدش يعرف يطلعها منها

وفي الوقت ده الباب اتفتح ودخلت مديحه ام زينه وهي متعصبه

مديحه

اني قلتلك ميت مره يا زينه ما تخرجيش من الدار وتيجي اهنيه خالص وانتي ما بتسمعيش الحديت ابدا وطلعي بتي من الموضوع ده

وانتي يا شريفه خلي ولدك يتجوز اللي هو عايز يتجوزها انتي عايزه زينه تحل الموضوع دي ازاي

شريفه

وفيها ايه يعني يا مديحه لما زينه تتجوز حازم اني عمري ما هلاقي بت احسن منها ولا اصلح منها لولدي وهي عارفه دارنا واحنا عارفينها من يوم ما اتولدت

مديحه

اني وافقت على جوازة حنان لسالم وخلاص لكن زينه لا يا شريفه زينه ليها نصيبها في مكان تاني والموضوع ده اتقفل من زمان وما عادش يتفتح تاني

شريفه

ليه بس يا مديحه انتي عارفه زين ان حازم ما يعيبوش حاجه واصل كبير وولد ناس ومتربي

مديحه

اني قلت كلمتي وخلاص ويلا يا زينه قدامي على الدار وما عايزاش اسمع حديت تاني في الموضوع ده

وبعدها مسكتها من ايدها وخرجت بيها من الاوضه وفي نص الطرقة لقوا حازم واقف قدامهم

حازم

ازيك يا خالتي مديحه عامله ايه والله ما عايز اقولك انتي وحشاني كيف من زمان وكل ما اجي البلد اسأل عليكي

مديحه

......

وبصتله من فوق لتحت من غير ما تنطق ولا كلمه وبعدها لفت وشها ومشيت وهي ماسكه ايد زينه بقوه وسايباه واقف مكانه مستغرب من معاملتها ليه

وكانت زينه وصلت البيت وبعدها قالت لامها

زينه

خلاص يا امي سيبي يدي بقى احنا وصلنا الدار اهو اني مش فاهمه ماسكاني اكده كيف ما تكوني قابضه على حرامي عمل مصيبه كبيره هو فيه ايه بس واني من امتى قلتلك اني عايزه اتجوز حازم علشان تعملي كل اللي عملتيه ده قدامه

مديحه

اطلعي من دول يا بنت بطني اني عارفاكي زين وعارفه اللي جواكي اكتر من نفسك ومتأكده مليون في الميه انك عشجاه من يوم ما كنتوا عيال صغار وبتجري وراه في كل مكان

زينه

كان زمان يا امي وكل ده خلص من سنين طويله والولد دلوك رايد يتجوز واحده غيري واني لا يمكن افكر فيه ولا اشغل بالي بيه من اساسه

مديحه

الولد ده مش زينا يا زينه واني خلاص اديت كلمه لسيد وهيتبهدل وشي وسط الناس لو رجعت في كلامي ولا عشان خاطر ابوكي راقد على السرير ومش قادر يقوم بقيتي فاكره ان ما عادش ليا كلمه عليكي

زينه

واني لا هتجوز سيد ولا هتجوز غيره واسمعيها مني زين يا امي وما تنسيش اني بنت العمده وعمري ما اقبل بواحد زي سيد ده وانتي عارفه ومتأكده كويس قوي انه حرامي ومش راجل يؤتمن على دار ولا على حرمه

مديحه

كان زمان يا بتي كان العمده لما كان واقف على رجليه والرجاله كلها تسمع كلمته لكن دلوك ابوكي بينه وبين القبر خطوه واني اللي بكلمتي تمشي في الدار دي وكلمتي هتتنفذ يعني هتتنفذ سامعه ولا لا

زينه

حتى لو دبجتني يا امي اني ما هتجوزش واحد اني مش رايداه ولو الدنيا كلها وقفت قدامي

مديحه

اعملي اللي انتي عايزاه بس افتكري زين ان العناد عمره ما جاب خير لحد

وبعدها سابتها مديحه ودخلت جوه الدار وهي متعصبه بس زينه وقفت مكانها والدموع ماليه عينيها وبعد ثواني مسحت دموعها ودخلت اوضة ابوها

زينه

سامحني يا يابا اني عمري ما كسرتلك كلمه ولا رديتلك طلب لكن الموضوع ده بالذات ما اقدرش اوافق عليه اني مش هتجوز جوازه اني مش عايزاها

محروس

تعالي يا بتي اقعدي جنبي وما تعيطيش اني عارف زين ان قلبك موجوع وعارف كمان انك مش بتقولي لا غير للحاجه اللي واصله لحد روحك

زينه

والله يا يابا لو طلبوا مني عمري كله ما كنتش اتأخرت لكن سيد ده لا اني ما بطيقوش ولا بارتاحله

محروس

واني كمان ما عايزكيش تعملي حاجه غصب عنك يا بتي حتى لو الموضوع ده هيكون على حسابي اني شخصيا

زينه

يبقى كلم امي يا يابا وخليها تفهم اني مش موافقه

محروس

هكلمها يا بتي لكن في نفس الوقت عايزك تعقلي وتسمعي كلامي زين وما تعشميش روحك في حازم

زينه

خلاص يا ابوي هو اختار غيري وانا لا يمكن افكر فيه واصل

وفي الفيلا كانت حنان قاعده معاه معاه سالم وقالت ليه

حنان

هو انت ناوي تسكت على الحديد اللي امك بتقول عليه ده وانا اخوك يكون الكل في الكل

رواية ابن الذوات والصعيدية الفصل الثاني

حنان

هو انت ناوي تسكت على الحديد اللي امك بتقول عليه ده وانا اخوك يكون الكل في الكل

سالم

اومال انتي عايزاني اعمل ايه يعني يا حنان اجول لأمي لاه ولا ايه ما انتي عارفة كلمة امي هي اللي بتمشي

حنان

وااه وتمشي عليك ليه وايوه اني عايزاك تقولها لأ لانك انت اللي احق منيه يا سالم اخوك راجع من مصر ولا همه اي حاجه ولا البلد ولا غيره وانت اللي شايل الحمل كله فوق كتافك من سنين وساكت اكده كيف ما تكونش انت المبير وليك الكلمه في البلد كلاتها

سالم

ملكيش صالح أنتي بالكلام ده يا حنان وبعدين اني لا عمري بصيت للي في يد اخوي ولا فكرت اتحاسب وياه على حاجه وكيف ما جولت لك في الأول اللي امي تجول عليه يمشي

حنان

بس اني شايفه الظلم بعيني يا سالم امك من ساعه اخوك ما جه وهو ماشي على كيفه والكل ساكت له حتي اللي جات وياه من مصر ديه كمان محدش عارف حكايتها ايه عاد

سالم

بقولك ايه يا حنان بلاش تولعي النار بيني وبين اخوي اني ما صدجت انه رجع بعد الغربه دي كلها انتي بجا تسكتي وتبطلي حديتك الغريب الماسخ ديه

حنان

اني حديتي غريب وماسخ يا سالم وبعدين غربه ايه دي بس ده راجع واخد كل الاهتمام واصل حتى امك ما عادتش شايفه غيره جدامها هو البت اللي جايه معاه ديه

سالم

اباااي عليكي ما كفايه بجا يا حنان ولا انتي عايزاني اتعصب والدار كلاتها تسمع بينا ولما يسألوني في ايه اجولهم انك مش طايجه أخوي

حنان

يلهوي يا سالم طيب اعمل اللي يريح يا سالم بس لاه برضك مش كفايه واسمعني للاخر لانك انت اللي بتلف على الغيطان وانت اللي بتقابل الناس وانت اللي حافظ اسم ابوك في البلد كلاتها وهو هياجي ياخد كل حاجة علي الجاهز اكده طيب ديه يرضي مين بس عاد

سالم

ياخد اللي ياخده يا حنان عشان انتي عارفاني طول عمري بعمل كل حاجة بحب وشغلي ديه عشان نفسي واني الحمد لله عارف نفسي زين وعمري ما عملت حاجه علشان حد يشكرني ولا عشان حد يجولي كلمه حلوه

حنان

بس غيرك بياخد التعب جاهز اهو يا سالم يا حبيبي اني بكلمك في مصلحتنا اني وانت وعيلنا في المستقبل يعني لازم انت تاخد بالك زين

سالم

تعرفي يا حنان تسكتي بجا عشان أنتي كل حديتك الماسخ دي انتي جايباه من الشيطان هو اللي عمال يوزك دلوك وعايزاني اتعارك مع اخوي

حنان

اني بجول الحق وبس يا سالم شيطان ايه وبتاع ايه هو اللي يجول الحق يبجا بيساعد الشيطان

سالم

والحق اني اجف جصاد اخوي عشان سلطه ومال والكلام الفاضي ديه ده لو الدنيا كلها وقفت بيناتنا اني ما هسمحش لحد انه يفرقنا بيناتنا واصل وقفلي بجا علي الحوار ديه اني ماشي

حنان سكتت بس الغضب كان واضح على وشها وسالم قام وخرج من الاوضه وهو متضايق من الكلام اللي سمعه

وفي بيت زينه كان سيد داخل عندهم ووقف في الصالون قدام مديحه ومحروس

سيد

السلام عليكم يا جماعه الخير كيفكم اكده كيفك يا عم محروس يارب تكون زين النهاردة

محروس مرضش عليه لانه مش طايقه ومديحه ردت وقالت له

وعليكم السلام يا مرحب يا سيد وعالي اقعد خير

سيد

خير طبعا يا ست الكل وبعدين اني ما جتش عشان اقعد كتير اني جاي بس عشان ابشركم اني خلاص جهزت كل حاجه والشقه جاهزه والعفش جاهز والدهب جاهز ومش ناجص غير العروسه والفرح واني الصراحه اكده جاي اجولكم اني رايد ان الفرح يتم في اسرع وجت ها جولتوا ايه

مديحه ابتسمت وقالت

مديحه

واحنا كمان جاهزين يا سيد وربنا يتمم بخير ان شاء الله انت تحدد ميعاد كتب الكتاب مع ابوها اهو وخلاص اكده

محروس رفع راسه وقال

محروس

بس زينه لساتها مش جاهزه يا سيد واني عايزها تاخد وجتها في التفكير معايزش ندخل عليها اكده بالخبر دي

سيد بصله باستغراب وقال

سيد

وليه بجا يا عم محروس وبعدين هو اني كل لما اتكلم في موضوع الجواز ديه انتو تقولو انها لسه مش جاهزه اومال هتجهز ميته إياك

محروس

لما تبقى هي رايده الجوازه ديه تبجا جاهزة لكن البت مش رايده ايه هتاخد واحده بالغصب إياك

مديحه اتعصبت وقالت

جرا ايه يا محروس وايه الحديت الماسخ بتاعك ديه أسمع يا سيد انت تخلي حديتك معايا اني واني اللي ابجولك اهو حدد اليوم اللي يعجبك واحنا جاهزين بعون الله

سيد

علي بركة الله يا ست الكل يبقى أكده نجول ان الفرح يتم بعد سبوعين من دلوك ويكون خير وبركه كمان

وفي اللحظه دي الباب اتفتح جامد ودخلت زينه وهي متعصبة وقالت

زينه

خير وبركه على مين يا سيد اني لا يمكن اوافق اني اتجوزك ولا ابجي علي ذمتك ليوم واحد بس

الكل بص ناحيتها ومديحه قالت

مديحه

جرا ايه يا بت انتي مالك داخله علينا اكده كيف الجطر ليه وبعدين من ميته والبنته ليهم رأي عاد

زينه

اني جيت دلوك عشان اسمع بعيني ووداني الحديت اللي بيتقال من ورايا واللي انتو عمالين تتفقوا عليه ديه اللي اصلا علي جثتي انه يحصل واصل

سيد وقف وقال

جرا ايه يا زينة البنات اني عايزك تهدي اكده أومال وبعدين اني بتحدت في الاصول وجاي وداخل البيت من بابه اهو عايزة ايه تاني

زينه

اصول ايه يا سيد وهو حد اخد رأيي اصلا من الاول في الجوازة دي وبعدين اني جولت مش موافقه يبجا خلاص اني رفضت وانت بجا تمشي من اهنه ومتعاودش مرة تانيه

مديحه بغضب

انتي ايه اللي بتجوليه دي يا بت انتي وكيف تتحدتي بالطريجة ديه مع خطيبك انتي اتجنيتي إياك

زينه

لاه يا ما اني لساتي بعقلي جدامك أهو وعند رأيي اللي هو اني مش موافقه ويظهر اكده انكم كنتو محتاجين تسمعوا راي تاني واني بجول اني مش عايز

محروس بص لبنته بحزن

اهدي يا زينه وبالراحه اكده يا بتي عاد

زينه

لاه يا يابا المره دي مش هسكت واصل ولازم الكل يسمعني اني ما هتجوزش سيد وبجولها جدامه اهو

سيد حاول يتمالك نفسه وقال

سيد

وليه بجا رفضاني بالشكل ديه يا زينة واني عملت ايه لكل ده عشان تكرهيني أكده عاد

زينه

عشان اني معايزاش هو الجواز بالعافيه ولا ايه ما تفهم بجا يا سيد اني مش عايزاك وعشان الجواز يتم لازم يكون برضايا واني مش راضيه

سيد

تمام يا زينه يعني انتي رافضاني بس اني بجا متنسك بيكي اسمعي يا كبيرة اني بجولها جدامك وجدام عم محروس وجدام زينه اني مش هتجوز غيرها ولا عمري هبص لاي واحده غيرها وخلص الكلام لحد اكده بالاذن اني

ومشي سيد من عندهم وامها قالت لها

مديحه

انتي الموت حلال فيكي اسمعي با بت انتي اي طلمه تانيه مش هتلد عليا والله لاكون جايبه رجبتك تحت رجلي انتي سامعه ولا لاه

وسابتها مع ابوها وزينه حضنته وفضلت تعيط في حضنه وهو يهديها

وفي بيت سالم كان قاعد في الجنينه مع حازم وبيشربوا الشاي وبعد ما خلصوا كلامهم عن أحوال البلد بصله سالم وقال

سالم

ويطلع ايه بجا المشروع اللي انت ناوي تعمله اهنه في البلد انت والضيفه اللي معاك يا حازم

حازم ابتسم وقال

احنا ناوين نعمل مستشفى خيري يا سالم وتكون كبيرة جوي وتخدم اهل البلد كلهم والنجوع اللي حوالينا كمان عشان الناس ما تضطرش تسافر المشاوير الطويله دي كلها عشان تتعالج هو دبه اللي اني بفكر فيه جوي ونفسي احججه

سالم رفع راسه بإعجاب وقال

سالم

كلام جميل جوي والله يا خوي ودي حاجه ترفع الراس وربنا يجازيك خير لو عملتها وطبعا هيكون العلاج والكشف بالمجان مش أكده برضك

حازم

طبعا يا سالم كله هيبجا بالمجان وعشان اكده اني محتاجك تساعدني وتبقى وياي في الموضوع دي وتشوف لي مكان يكون حلو اكده وكمان يكون قريب من الناس عشان يبجا سهل عليهم يوصله له

سالم

اعتبره حصل يا حازم وليك عليا اني هلف لك في البلد كلها اشوف لك حتة ارض مناسبه ولو لزم الأمر يبجا ناخد ارض من اللي حدانا وتعمل عليها مشروعك كيف ما انت عايز

حازم

اني كنت عارف انك اول واحد هيوقف جنبي في الحاجة اللي اني عايز اعملها ديه يا سالم ربنا يخليك ليا يا خوي

وفي اللحظه دي دخلت كارما عليهم وهي لابسه فستان قصير كعادتها وشعرها سايب على كتافها

اول لما دخلت سالم حول وشه الناحية التانية بسرعة وقالت

كارما بدلع

السلام عليكم يا جماعة هو انتوا قاعدين هنا لوحدكم ليه وأنا من الصبح بدور عليك يا حازم

حازم

اني جاعد اهنه مع اخوي يا كارما هو حاجه ولا إيه خير يا كارما انتي كنتي محتاجة حاجه ولا إيه

كارما قعدت جنب حازم وقالت

كارما

بصراحة اه اصل أنا زهقت اوي من القعدة جوه الفيلا هنا يا حازم وحاسة إني محبوسة كده ونفسي اخرج بقا

سالم رد بهدوء

والله البلد واسعة يا هانم محدش حابسك يعني ولا حاجة وتجدرى تروحي وتاجي كيف ما انتي عايزة

كارما

ما هو أنا بقا عايزة أتفسح بس محدش راضي يخرجني من الحريم خالص

حازم ضحك وقال

ومين اللي قال لك اكده عاد

كارما

إنت يا سيدي من ساعة ما جينا وإنت مشغول وانا مش عارفه اتلم عليك خالص وبعدبن كمان الحاجة والدتك بتقولي يعني ان لبسي ده مينفعش اخرج بيه هنا

سالم

والله عندها حق اصل كان المفروض ان حازم يعرفك سلو بلدنا اهنه وانه ميصحش يعني انك تخرجي أكده

حازم

معلش يا سالم أصلها من القاهرة وانت عارف بجا البنات هناك عاملين كيف

كارما

علي فكرة انا مستعد البس زي ما انتو عايزين معنديش اي مانع بس اخرج اتفسح وبعدين أنا عندي طلب صغير كده يا حازم

حازم

خير يا كارما قولي عايزة إيه

كارما

بصراحه كده انا نفسي أركب حصان وألف بيه البلد كلها وطبعا انت هتكون معايا انا مش هكون لوحدي يعني

سالم باستغراب

عايزة تلفي البلد كلها على حصان

كارما

أيوة طبعاً هو فيها حاجة غريبة دي

سالم

لاه غريبة ايه بس انتي لو عملتي اكده النسوان كلاتهم هيتجمعوا فوق السطوح يتفرجوا عليكي اصلك متعرفيش نسوان بلدنا عاملين كيف

كارما ضحكت وقالت

ليه يعني هو أنا هبقى أول واحدة تركب حصان في البلد ولا ايه

سالم

ايوه طبعاً

كارما

بجد البلد دي غريبة قوي يا حازم

سالم

مش غريبة ولا حاجه بس ليها عاداتها وتقاليدها بس مش اكتر من اكده

كارما

طيب ماشي خلاص نركب الحصان بعيد عن البلد في الأراضي الزراعية أو أي مكان حلو فيه خضرة

سالم

دي ممكن تتعمل عادي تلبسي لبس يليق بالمكان

كارما

يعني رجعنا لموضوع اللبس تاني

سالم

ما هو الموضوع ديه مش هيخلص يا هانم طول ما انتي لابسة اكده لازم تلبسي طويل اكده وبعدين انتي بتجولي انك ناويه تركبي حصان

وفضلت كارما قاعده معاهم وفضلوا يهزروا ودخلت حنان عليهم وشافتهم قاعدين بيضحكوا وقالت

حنان

خير يا جماعة ايه الضحك اللي مالي الدار ديه كلاته ما ضحكونا معاكم إكده

سالم رد وهو مبتسم

لاه ابدا يا حنان أصل الهانم عايزة تركب حصان وتلف البلد كلها

حنان اتصدمت وقالت

يا مرررى عايز تركب ايه حصان ليه عاد هو احنا ناقصين فضايح في البلد ولا ايه

كارما بصتلهم كلهم وقالت

كارما

هو أي حاجة أعملها تبقى فضيحة ولا ايه انا مش فاهمه بجد والله

حازم ضحك وقال

معلش يا كارما انتي لسه ما تعرفيش البلد دي زين وبعدين احنا لسه جايلين ان البلد اهنه غريبه بجا

في الوقت ده الجده ندهت علي حازم وهو قال

حازم

اني هارح اشوف جدتي عايزة ايه وراجع لكم

وراح لها وحنان بصت لها بغيظ وقالت

حنان

منورة يا كارما هانم هو انت مش ناوي تروح تشوف حالك يا سالم ولا ايه عاد

سالم

هااا ايوه اني رايح اهو عندي فعلا مشوار مهم جوي

ومشي سالم وعند حازم جدته قالت له

الجده

جولي بجا هي الضيفه اللي معاك ديه ناويه تطول اهنه ولا ايه عاد

حازم

والله يا جدتي اهي جاعده اهي هو اني يعني هاجولها انتي جاعدة لحد ميته

الجده

اني معارفاش هي كيف تسيب اهلها اكده وتاجي تعيش اعنه وكأنها عايشه في ملك اللي جابوها

حازم

اصلها يا جدتي اهنه عشان اني وهي هنعمل المشروع بتاع المستشفى واني مش هينفع اجولها تمشي

ودخلت شريفه امه وقالت

وانت بجا ناوي فعلا تتجوزها يا حازم كيف ما جولت ولا إيه اني لازم احط حد للحوار بتاعك ديه

حازم

اني مش عارف انتي ليه زعلانه اكده بس ياما هي يعني هتاكل مني حته ولا إيه

شريفة

اني مليش صالح بالكلام بتاعك ديه يا حازم انت متفكرش انك ممكن تتجوز البت ديه واصل

حازم

ارجوكي يا امي خليني بس الاول اعمل مشروعي وبعدها هبجا اشوف اني هعمل ايه معاها

شريفة

علي العموم اعمل اللي علي كيفك بس الكلمه اللي اني اجولها هي هتمشي وخود بالك انت هتبجا كبير البلد ديه ومايصحش ان كبير البلد يتجوز واحده كيف ديه

قالت كلامها وسابته ومشيت وحازم قال لجدته

حازم

شوفتي يا جدتي امي وتصرفاتها معايا عامله كيف

الجده

امك عنديها حج يا حازم وخايفه عليك من كلام الناس يا ولدي

حازم

كل حاجة كلام الناس اني معارفش هو احنا عايشين في حالنا ولا عايشين في حال الناس

الجده

احنا في حالنا بس الناس ما بترحمش

حازم

حاضر يا جدتي علي العموم اني لسه هاشوف الحكايه دي عن اذنك

وسابها وخرج من عندها

رواية ابن الذوات والصعيدية الفصل الثالث

وبعدها تاني يوم دخلت زينه الفيلا وهي متعصبة من اللي حصل معاها ولمحت كارما قاعدة على الكرسي في الجنينه ورجليها فوق بعض وبتشرب عصير

زينه وقفت قدامها وقالت

زينه

يا مررى انتي جاعدة اكده في الجنينه باللبس دي وعادي اكده من غير ما تغطي رجلك انتي فاكرة نفسك في الساحل إياك

كارما رفعت عينيها وبصت لها من فوق لتحت ببرود وقالت

كارما

اه عادي جدا هو في حاجه مزعلاكي ولا حاجة وبعدين انتي مالك اصلا وازاي انتي تدخلي كده من غير استئذان

زينه

واااه وكمان مش عاجبك كلامي ليه هو انتي مفكرة حالك عندكم في القاهرة لا فوجي اهنه غير عنديكم

كارما

وانتي مالك انتي بلبسي اصلا وكمان انتي ملكيش دعوه باي حاجه انا بعملها

زينه

واااه انامالي كيف يعني دي دار الكبير والناس رايحه جايه وكل الخدم والغفر شايفينك يبجا لازم حد يجولك ايه الصح والغلط طالما انتي معارفاش لحالك

كارما ضحكت بسخرية وقالت

كارما

والله انتي شكلك كده غيرانة مني عشان انا احلي منك واستايل عنك صح قولي علطول بدل اللف والدوران ده

زينه اتعصبت

انتي بتجول ايه يا سوخامه انتي بجا اني هغار منك انتي يا بت انتي ليه اتجنيتي في عجلك إياك

كارما وقفت قدامها وقالت

ايوه طبعا أنتي غيرانة مني تقدرى تقولي انتي ليه علطول بتيجي هنا الفيلا هااا طبعا عشان حازم مش كده برضو اصل شوفت في عيونك لمعه كده اول لما شوفت حازم فهمتك علطول

زينه بغضب

اسمعي زين يا بت الناس اني هفوت لك الكلام اللي انتي جولتيه دلوك ديه بمزاجي وكمان في حاجة عايزة اجولك عليها اني اعرف حازم من جبل ما انتي توعي علي وش الدنيا أصلا واني لو كنت عايز حازم ليا اني مش هخليكي اهنه دجيجة واحده

كارما

هاهاهاها انا مالي بالكلام ده كله انتي بس اللي شكلك متضايقة اوي من وجودي هنا

زينه

ومين جالك ان في اي حد اهنه مرتاح لوجودك اصلا ده كل اللي في البيت اهنه مش طايجينك واصل

ودي مشكله طبعا أنك انتي جاعدة في بيت الناس وعاملة نفسك صاحبة المكان وهما مش طايجينك

كارما

عادي يا حبيبتي انا كل اللي يهمني في البيت ده هو حازم وبس لان هو اللي جابني هنا انتي بقا اهدي كده وبلاش تولعي في نفسك كده

وفجأة صوتهم علي وفي اللحظة دي خرجت حنان من جوه الفيلا وهي مستغربة

حنان

جرا ايه يا زينه ايه اللي بيحصل اهنه وصوتكم عالي اكده ليه عاد

كارما شاورت علي زينه وقالت

كارما

والله ما اعرف في ابه اصل البتاعه دي معرفش مالها ومالي داخله تتخانق معايا من غير سبب كده

حنان أول ما سمعت الكلمة دي اتعصبت

حنان

انتي بتجولي ايه بتاعه هي مين ديه اللي بتاعه هو انتي اتجنيتي في عقلك إياك انتي معارفاش انتي بتتحدتي مع مين دي زينه بت العمده

كارما

وانا مالي انها بت العمده ولا بنت الغفير انا بتكلم دلوقتي علي انها داخلت فيا شمال وانا قاعدة في حالي

زينه

سيبيها يا حنان هي باين عليها فاكرة نفسها فوق الناس كلها وهي أصلا متعرفش انها غريبه اهنه

كارما

لا انا فوقك انتي بس اصلك انتي بغيري مني اوي يا زينه

زينه راحت عليها وكانت هتمد ايديها عليها بس حنان مسكتها

وفي نفس الوقت خرجت شريفه والجده نبويه وسالم والخدم بعد ما سمعوا الخناقة

وشريفه قالت بصوت عالي

شريفه

جرا ايه يا بنات هو ايه اللي بيحصل اهنه بالظبط

حنان

البنت دي بتغلط في زينه ياما وبتحول عليها بتاعه انتي يرضيكي أكده اني اختي تتهوق في فيلتنا إياك

كارما

انا مغلطتش في حد علي فكرة هي اللي دخلت هاجمتني الاول بالكلام

زينه

عشان انتي واحده مش محترمة عادات وتقاليد البلد اللي انتي جاعدة فيها ضيفه

كارما

وانتي مالك انتي برضو الله اما انك انسانه حشريه اوي

والجو بقى متوتر جدا وفي اللحظة دي وصل حازم بعد ما سمع الأصوات

حازم

في ايه يا جماعة مالكم كده صوتكم عالي هو اللي حصل بالظبط

ساعتها كارما جريت ناحيته وقالت

كارما

شوفت يا حازم اللي بيحصلي في بيتكم بقا أنا يحصل فيا كده عندكم من اللي اسمها زينه دي دي هزقتني

حازم باستغراب

ايه اللي حصل يا زينة انتي عملتي ايه في كارما

زينه

اسأل صاحبتك هي عملت ايه الاول دي واحده فاكرة حالها في الساحل ياريت يا حازم تخلي الحلوه تبجا تغطي رجليها وهي جاعده اصل الدبان والناموس اهنه كاتير جوي

حنان

اسمع يا حازم بجا الصراحه اكده صاحبتك دي محتاجة حد يربيها من اول وجديد

كارما بعصبية

انتي بتقولي ايه منك ليها انت عاجبك كلامهم عني ده يا حازم وانت واقف ساكت

شريفه

بس كفاية اكده بجا انتو فاكرين حالكم فين اهنه في الشارع إياك ولا تكونو فاكرين انكم لساتكم عيال صغيرة اهنه

كارم

يا طنط انا مغلطش في حد خالص انا قاعده لا بيا ولا عليا لقيت داخله بتكلمني كلام ملوش اي لازمه وبتتدخل كمان في حياتي جامد مش فاهمه ليه يعني

حازم

خلاص يا كارما حصل خير بجا وانتي يا زينه ملكيش صالح بكارما واصل من اهنه ورايح واني شايف ان الموضوع ما يستاهلش كل اللي بيحصل اهنه

زينه اتصدمت

يعني اني اللي غلطانة بجا يا حازم عشان اكده بتجولي مليش صالح بيها

حازم

اني مجولتش انك انتي بس اللي غلطانه لا ده انتو الاتنين غلطانين وياريت بقا يا زينه انتي تخليكي في حالك وملكيش صالح باللي موجودين اهنه وبلاها مشاكل

زينه بصت له بصدمة

زينه

تجصد تجول يعني ان اني اللي بعمل مشاكل يا حازم اهنه عنديكم طيب علي العموم اني مش جايه اهنه تاني واصل

حنان بصت لحازم باستغراب وشريفه هي كمان زعلت من كلامه وكارما وقفت ورا حازم وهي حاسة بالانتصار وزينه قالت بحزن

زينه وهي بتحاول تمنع دموعها

تمام يا حازم علي العموم اني غلطانه اني جيت اهنه من الأساس عن اذنكم اني همشي

حنان

وااه انتي زعلتي وهتمشي وانتي زعلانه كيف يا زينه انت هتسيب زينه اختي تمشي من اهنه وهي زعلانه اكده يا حازم

حازم

اني مجولتش لحد يمشي يا حنان الفيلا واسعه اهي واللي عايز يجعد فيها يفضل كيف ما هو

وبعدها زينه بصت لشريفه اللي كانت ساكته وبعدين سابتهم ومشت بسرعة وهي بتحاول تداري دموعها

وخرجت من الفيلا ومشيت في الطريق

وفجأة لقت سيد واقف قدامها كأنه كان مستنيها وقال

سيد

انتي جايه من فين اكده يا زينة البنات

زينه بعصبية

بجولك ايه يا سيد بعد عني الساعه دي وسبني في حالي عشان اني مش طايجه روحي ولا طايجاك

سيد

واااه مالك يا جلب سيد ايه اللي عامل فيكي اكده عاد اسمعيني بس اني عايز اتحدت معاكي

زينه

واااه هو انت البعيد اييه ما بتفهمش ولا إيه اني مجولتلك بعد عني عشان اني عفاريت الدنيا بتتنطط جدامي دلوك

سيد قرب خطوة وقال

واني مالي بكل دي اني عايز افهم بس أنتي ليه رافضاني اكده يا زينه واني رايدك ومستعد اعمل عشانك اي حاجة في الدنيا

زينه

مش وجت الكلام دي بجولك اني مش طايجه اتكلم في حاجة وانت جاي تجولي الكلام ديه

سيد بضيق

يعني انتي هتفضلي تتهربي مني كل لما اجي اتكلم معاكي وكمان هتفضلي تكسري جدام الناس اكده علطول

زينه

اني ما معلتش حاجه يا سيد انت اللي مصمم انك تجف جصادي ومتعرفش اني مش طايجه حتي اشوفك جدامي وبعدين انت عارف ان الجلب ما يتفرضش عليه حد

سيد

وانا ذنبي ايه اني حبيتك بجا نفسي بس تحبيني كيف ما اني بحبك اكده يا زينة

زينه

لاه يا سيد كل اللي انت بتجولوا ديه مش هيغير حاجة فيا من ناحيتك واصل

سيد مسك دراعها بخفة وقال

سيد

طب بصيلي اكده يا بت الناس

زينه سحبت دراعها

بعد يدك عني لجطعها لك انت اتجنيت عشان تمسكني اكده

سيد اتنهد وقال بحزن

علي فكرة يا زينه انتي قاسية جوي عليا واني برغم كل عمايلك دي لساتني بحبك جوي وعلي فكرة يجا اني مش هفقد الأمل

زينه

براحتك بس اني بجا مش سلعه انت هتشتريها عاد

سيد

ماشي يا زينه اعملي اللي في راسك بس الشاطر هو اللي يضحك في الآخر

زينه بصت له لحظة وسابته مشيت من غير ما ترد عليه وفي الفيلا كارما كانت قاعدة في أوضتها وهي متعصبة جدا وقالت

كارما

انا خلاص يا حازم مش قادرة استحمل البلد دي واللي بيحصل من الناس هنا بجد اللي بيحصل ده اوفر جدا يعني

حازم كان واقف قدامها يحاول يهديها

حازم

خلاص أهدي يا كارما عاد محصلش حاجه لده كلاته وبعدبن ما انتي كمان جولتي لزينه كلام ما يصحش انها تسمعه من اي حد ومع ذالك اني وجفت في وشها عشانك أنتي

كارما

انت لسه بتقظلي اهدي يا حازم بعد كل اللي حصل ده عايزني اهدي والبت البيئه هي اللي غلطت فيا من الاول أصلا

حازم

وهي هتغلط فيكي ليه بس يا كارما هي تعرفك عشان تغلط فيكي

كارما

ايوه يا حازم لأنها هي بتكرهني انا بجد خلاص انا عايزة امشي من هنا بجد حاجه تخنق

حازم

طيب خلاص اني هاشوف سالم اخوي عمل ايه في الارض بتاعت المستشفى لاقاها ولا لسه وبعدها ابجي شوفي هتفضل اهنه ولا هترجعي مصر

كارما

اسمع يا حازم انت لقيت الارض ملقتش الارض انا لا يمكن استني هنا دقيقه واحده بعد اللي حصل ده

حازم

يعني ايه الكلام ده انتي عايزة تمشي من هنا واحنا لسه مخلصناش المشروع بتاعنا أسمعي يا كارما انتي جاية معايا هنا عشان المشروع ده مهم وكبير وعشان يكمل علي خير مش لازم ندخل نفسنا في المشاكل كل شويه

كارما

بس كل الناس هنا باصينلي كأني جاية من كوكب تاني معرفش ليه ناس حيوانات مش بتفهم هو في لسه كده اصلا واحنا عدينا القرن الواحد والعشرين

حازم بغضب

حازم

انتي كيف تحولي علي اهلي وناسي انهم حيوانات يا كارما لا بجا اني مش هسمح لك وبعدين هو انتي عشان عاداتك مختلفة عنهم اهنه هتغلطي فيهم

كارما

ااه يعني انت هتدافع عنهم كمان برغم اللي حصل فيا منهم طيب اسمع بقا يا حازم احنا هنعمل المستشفى دي بس مش هتبقي خيري عشان الناس هنا متستاهلش وكمان انت هتتجوزني وتيجي تعيش كعايا هناك في مصر

حازم باستغراب

ايه الكلام الغريب ده يا كارما هو احنا مش في بينا اتفاج ولا إيه وبعدين اني هبجا كبير البلد دي كيف يعني عايزاني اسيبها واروح اعيش في مصر

كارما

ماهو انا مش هعيش هنا يا حازم وانا خلاص اخدت القرار ده ومش راجعه فيه ابدا وانت لو عايزني تيجي تعيش معايا في مصر

حازم

خلاص يا كارما براحتك اعملي اللي انتي عايزاه بس اني مش هسيب اهلي وناسي واروح اعيش في مصر

كارما

للدرجه دي العيشه هنا وسط الحمير والحيوانات عجباك اوي علي العموم براحتك انا هاخد بعضي وامشي باااي يا دكتور حازم

وبعدها لمت هدومها ومشيت وشريفة فرحت وقالت لحماتها اللي هي الجده نبويه

شريفة

البت غارت ياما في داهيه احسن انها عملت اكده والله عفارم عليكي يا زينه والله البت دي تستاهل كل خير

نبويه

يعني انتي اكده ارتاحتي يا شريفه خلاص بجا بطلي اللي كنتي عماله تفكري فيه ديه عاد

شريفة

كنت خايفه جوي ياما للبت ديه تنسي حازم اهله وناسه اهنه ويمشي وراها كيف المعمي طلع ولدي راجل صح وهو اللي يستاهل يبجا كابير البلد ديه

نبويه

والله اني ما عارفه انتي ليه عايزة تخلي حازم هو الكبير علي سالم مع ان سالم هو اللي يستحجها عشان هو اللي أدرى بكل اللي بيحصل اهنه

شريفة

وااه جرا ايه ياما ما انتي عارفة ان فؤاد الله يرحمه هو اللي كان محدد مين اللي يبجا كبير من بعده كان عايز الدكتور حازم هو اللي يمسك شؤن البلد

نبويه

خلاص اعملوا اللي انتو عايزينو المهم ان جلبك دلوك مرتاح من ناحية ولدك مش أكده

شريفة

الحمد لله ياما اني هنام النهارده وبالي مرتاح علي الآخر

وعند حنان قالت لسالم

كانت هم وانزاح الصراحه يا سالم اني فرحانه جوي انها غارت في داهيه يلا بالسلامه

سالم

اني معارفش هي كانت جاعده فوج راسكم ولا إيه عشان كل الحريم يبجوا فرحانين اكده انها مشيت من اهنه

حنان بعصبية

واااه وانت مالك بجا يا سالم تكونش زعلانه عليها اياك

سالم

اني ولا زعلان ولا فرحان يا حنان دي كانت مجرد ضيفه عندينا اهنه ومشيت وراحت لحالها

حنان

اني بحسب اصل اني كنت حاسه اكده انها عنيها منيك يا سالم

سالم

بجولك إيه يا حنان بطلي كلامك ديه عاد هو تني عمري شوفت واحده تانيه غيرك

حنان

أيوه أكده اتعدل يا حبيبي حكم انت عارفني لو جلبت عليك هعمل إيه عاد

وعند حازم امه قالت له

شريفة

اوعاك تكون زعلان عشان البت ديه مشيت من اهنه يا ولدي اللي كيف كارما ديه عايزة الكون كله يمشي علي مزاجها هي وبس وميهمهاش الناس بجا ولا اي حد واصل وبعدبن انت تحمد ربنا انه خلصك منيها لاني عمري ما كنت هوافج انك تتجوز واحده كيفها أكده

حازم

انتي جايه بتواسيني ياما ولا جايه تزودي هم فوج همي ولا ايه حكايتك بالظبط

شريفة

لاه يا ولدي اني عمري ما ازود همك واصل اني كل اللي عايزة اجوله اني امك واكتر واحده تخاف عليك من اي حد في الدنيا دي

حازم

ربنا يخليكي ليا ياما علي العموم اني لسه عند كلمتي وهعمل المستشفى الخيري اللي هيبجا العلاج فيها ببلاش

شريفة

ربنا يبارك فيك ده كفايه الدعوات اللي الناس هتدعيها لك

وفي بيت زينه امها متعصبه وقالت لها

مديحه

اني جولتها كلمه انتي مش هتتجوزي غير سيد وبس

زينة

بجولك ايه اعملي اللي تعملي اني خلاص مبجاش فارج معايا حاجة واصل اتجوز سيد ولا غير سيد خلاص ياما اني مش هفتح بوجي عشان اكده موته واكده موته

مديحه باستغراب

انتي ايه يا بت الحديت الماسخ اللي انتي عمله تجوليه ديه عاد هو انتي ايه اللي جرا لك بجيتي تدخلي اوضتك وتبكي طول الوجت ومبجتش فهماكي واصل

زينة

وانتي من ميته وانتي بتفهميني ياما من ميته ما اني عايشه ميته اهو طول عمري وبعمل كل اللي انتي بتجولي عليه ومجاتش علي جوازي بجا

مديحه

سامع بتك وكلامها يا محروس يابتي اني عايزة اجوزك لسيد عشان هو اللي حامي ارضنا وكمان الكل بيخاف منيه يعني هتبجي عايشه في حمايته

زينه

وهو سيد دي عنده حمايه عشان اني اعيش في حمايته اني خلاص عملت اللي انتي عايزاه وبجولك اهو اللي انتي شيفاه صح اعمليه ياما

مديحه

ربنا يهديكي يارب يا حبيبتي

وفي الفيلا حازم قال لسالم

حازم

اني خلاص يا سالم هبدا في بنا المستشفى من بكرة اني معارفش اجولك ايه ياخوي والله علي وجفتك معايا ديه

سالم

متجولش أكده يا حازم ده انت اخوي وحبيبي كمان واللي في مصلحتك في مصلحتي عاد

حازم

ربنا يخليك ليا اني هاروح لحد الارض اشوف بجا العمال جابوا كل الحاجات ولا لسه في حاجة ناجصه

ومشي حازم وشاف زينه اللي لما شافته اتجاهلته وهو نده عليها وقالت له

زينه

افندم عايز مني ايه بتنادي عليا ليه اكده هو في حاجة بيناتنا ولا حاجة

حازم

وااه مالك يا بت الناس بتتكلمي معايا اكده ليه وكأنك مش طيجاني واصل هو اني عملت لك حاجة يعني

حازم كان مستغرب من طريقتها وزينه كانت واقفه ضامه إيديها وباصه للناحيه التانيه وكأنها مش طايقه تبص له

حازم

وااه يا زينه هو انتي زعلانه مني للدرجه دي يعني لدرجة اني ابص لك تجومي انتي تبصي الناحيه التانيه اكده

زينه

وانت بيهمك زعلي في ايه عاد ما انت جولت كل اللي عندك يومها وجدام الكل وكأن اني اللي غلطانه لوحدي مش العجربه اللي انت جايبها

حازم قرب منها شويه وقال

حازم

اني مجصدتش أزعلك والله يا زينه بس كان غصب عني اني كنت شايف الجو متوتر وكان لازم اخلص الحوار دي

زينه

لاه طبعا ما جصدتش انت بس وجفت وياها عليا وجدام الناس كلها وخليتني احس اني غريبه عنيكم وهي اللي صاحبة المكان

حازم حس بالذنب وقال

حازم

سمعيني زين يا بت الناس اني يومها كنت فعلا كيف ما جولت لك كنت عايز أخلص العاركه وبس عشان الكل كان متعصب وجتها

زينه

وهو اني عشان كنت بتكلم في الاصول تجوم الست هانم اللي انت جايبها تتكلم معايا من مناخريها وكمان كنت عايزني اسكت لها ده اني كنت بتكلم معاها عشانكم وعشان مصلحتكم بدال ما الناس كلاتها كانت عماله تجيب في سيريتكم

حازم سكت شويه وبعدين قال

حازم

معاكي حج والله ومعاكي كل الحج كمان واني غلطت لما خليت كلامي يطلع بالشكل ديه يومها وبعدبن اهي مشيت خلاص

زينه

وانت بجا زعلان عشان هي مشيت يا حازم وبعدين متجولش اني السبب في انها تمشي اصل مش معقول يعني الكلمتين اللي اني جولتهم هما دول اللي وجفوا في زورها

رواية ابن الذوات والصعيدية الفصل الرابع والاخير

اولا يا زينه مش انتي السبب ولا حاجة هو انتي بس بيتي حاجات مكانتش واضحه من الاول واني مكنتش شايفها واصل

زينه بصت في عينه وقالت

يعني انت زعلان عشان هي سابتك ومشيت يا حازم ولا إيه

حازم سكت شويه وقال

والله ما اني يا زينه اذا كنت زعلان ولا فرحان عاد اني كل اللي اعرفه اني كنت هاخد مجلب عمري كله لو كنت اتجوزتها وعشت معاها

زينه

ليه يا حازم هو انت متعرفش إذا كنت انت بتحبها ورايد انها تفضل معاك ولا لاه

حازم

اكدب عليكي لو جولت لك اني كنت بحبها بجد اني عرفت ان اللي كان بينا مكانش حب ولا حاجة يلا اهي راحت لحالها

وبعدها سكتوا شويه والهواء كان بيحرك شعر زينه وحازم فضل يبصلها لحظه وقال

حازم

انتي عارفه اني حاسس اني لاول مره بشوفك يا زينه

زينه اتوترت وقالت

وليه يعني بتجول اكده

حازم ابتسم ابتسامه خفيفه

معرفش يمكن عشان انتي طول عمرك موجوده جدامي العيله الصغيرة ام ضفاير وعمري ما شوفتك وانتي كبيرة وحلوه أكده

زينه قلبها دق بسرعه وحاولت تخبي ارتباكها

زينه

واااه انت شكلك بتعاكسني بجا ولا إيه عشان اكده عمال د بتجول كلام غريب النهارده

حازم

هههههه الغريب اني أول ما شوفتك لما رجعت افتكرتك عيله من عيال الشغالين اللي في الفيلا

زينه بعصبية

واااه تاني طيب اني مش هرد عليك جول اللي انت عايز تجولوا

حازم

هههههه اني بضحك معاكي يا زينه هو انتي ليه بتاخدي كلامي علي محمل الجد أكده عاد

زينه

علي فكرة أني كنت زعلانه منك جوي يا حازم

سامحيني يا زينه لو كنت زعلتك في يوم من الأيام

زينه حسيت برجفه في قلبها لكنها مردتش تبين وسكتت وفضلوا يبصوا لبعض وبعدها حازم قال

حازم

يعني خلاص اكده صافي يا لبن وبجينا متصافين

زينه

يعني وبعدين متفرحش جوي اكده

حازم

هههههه ماشي علي العموم انتي باين عليكي انك سامحتيني

وفي اللحظه دي سمعوا صوت العمال من بعيد عند أرض المستشفى

حازم بصلهم وبعدين رجع بصلها وقال

حازم

تعالي شوفي الأرض وياي بصي كل الارض ديه اللي اني ناوي اعمل عليها مشروع المستشفى ايه رأيك

زينه

مشاء الله حلوه جوي يا حازم ربنا يبارك يارب بس يعني انت عايزني اشوفها وياك ليه بجا

حازم

عشان انتي أول واحده هتشوف الحلم بتاعي ديه وهو بيتحقق

زينه فرحت من قلبها بس مرضتش تبين له حاجة خالص وبعدها رجعت البيت وهي فرحانه جدا وقلبها بيرقص من الفرحة اللي هي فيها وفجأة طلع لها سيد واول لما شافته قالت

زينة

سلام قولا من رب رحيم اعوزو بالله من الشيطان الرجيم هو في ايه عاد

سيد

واااه جرا ايه يا زينه هو انتي شوفتي عفريت إياك مالك أكده

زينه

مالي ايه ما هو انت فعلا خارج مثل العفريت ولا اعرف انت جيتني منين عاد عايزني اعمل ايه يعني

سيد

عايزك تاخديني بالحضن وتجولي لي اني اتوحشتك جوي يا سيد يا حبيبي

زينه بعصبية

واااه انت اتجنيت في عجلك إياك اتحشم يا سيد انت ايه اللي بتجولوا ديه كأنك اتجنيت بجد

سيد

اني بهزر معاكي يا جلبي خلاص حجك عليا اني غلطان لك بس فكيها بجا أكده وخليني اشوف الوش الحلو بلاش كل لما اشوفك الاجي الوش الخشب ديه يا زينه البنات

زينه

اني بجا اكده إذا كان عجبك يا سيد وغور بجا من جدامي دلوك عشان اني معايزاش اشوفك واصل

سيد

وااه انتي لساتك معايزاش تعرفي انك خلاص هتبجي مرتي يعني المفروض انك تحترميني هبابه اكده

زينه

ده بعيد عن شنبك يا سيد يوم لما ابجي مرتك وعلي زمتك لدجيجه واحده

سيد

هو انتي عماله تتنكي عليا اكده ليه يا زينه علي العموم انتي لو فضلتي رفضاني اكده ابوكي وامك هيروحوا في داهيه اصل اني هاروح ابلغ عنيهم واجول علي اللي هما عملوه واني الوحيد اللي داريت عليهم

زينه

انت بتجول ايه انت باين عليك اتهبلت في مخك انت كيف تتكلم عن امي وابوي بالطريجه دي

سيد

والله بجا يا حلوه اسالي أمك اني اعرف عنيهم ايه هي وابوكي يوديهم في داهيه وجوزاي منيكي هو تمن سكاتي

زينه سابته بسرعه وجريت علي البيت وقالت لأمها

زينه

ايه السر اللي مخليكي عايزة تجوزيني لسيد بالغصب ياما وانتي عارفه اني مش طيجاه

مديحه بتوتر

هااا سر ايه يا زينه اللي انتي جايه بتتكلمي عنيه ديه

زينه

السر اللي سيد يعرفه عنكم انتي وابوي هو جالي ياما وانتي جولي لي بجا ايه الحكاية بالظبط

مديحه

مفيش يا زينه اصل اني وابوكي زمان كنا داخلين في حكايه أكده تبع الآثار ويومها ابوكي جتل واحد وسيد هو اللي دارى عليه وجاله ان هو هيخلصه من الجثه عشان اكده من بعدها وهو مسكنا بيكي

زينه

صح الكلام ده يابوي جولي اني اللي بسمعه ديه كله كدب

محروس دور وشه الناحيه التانيه وسكت ومديحه قالت

مديحه

ولو أنتي متحوزتيش سيد يا زينه هيبلغ عن أبوكي ويدخله السجن بسبب الحكايه الجديمه دي

زينه

اني حاسه اني بحلم ليه عملتوا فيا اكده واشمعنا اني اللي يحصل معايا أكده ليييه

مديحه

سامحينا يا زينه مكنش جدامنا غير اننا نوافج عليه بدال ما كان راح يبلغ عنينا اني وابوكي

زينه

اني عمري ما هسامحكم عشان اللي انتو عايزين تعملوه فيا ديه والراميه اللي انتو ناوين ترموهاني دي

وسابتهم ودخلت اوضتها وهي عماله بتعيط جامد وبعدها قررت انها تقول لحازم يمكن يقدر يساعدها وفعلا خرجت من البيت وراحت له في الأرض اللي بيبنيها وحكت له وقالها

حازم

ايه اللي انتي بتجوليه ديه يا زينه معجوله اللي اني بسمعه ديه بجا ابوكي وامك يعملوا اكده

زينه

ارجوك يا حازم اني معايزاش حد يعرف بالحكايه ديه واصل أرجوك

حازم

وانتي بجا ناويه تتجوزيه صح يا زينه

زينه

مفيش جدامي غير اني لازم اتجوزه يا حازم هعمل ايه يعني اودي ابوي وامي في داهيه عشان خاطر اني مش طيجاه لاه هستحمل عشانهم

حازم

طيب اني عايز أسألك هو الراجل اللي أبوكي جتله ديه اسمه ايه امك جالت لك طبعا مش أكده

زينه بتعيط وقالت

اسمه الدوكش هو رجاله ولد ليلل من بتوع الجبل وهو اللي مسرل عن اي حاجه عفشه بتحصل في الجبل

حازم سرح شويه وقالها

طيب يا زينه اني عايزك ترجعي البيت دلوك ومتخافيش انتي مش هتتجوزي سيد ديه مهما حصل

زينه

ليه يا حازم انت ناوي تعمل ايه عاد وكتب الكتاب بكرة خلاص واني خايفه

حازم

لا اني معايزش اسمع نبرة الصوت ديه بجا انتي سامعه ولا لاه واهم حاجة انك متحمليش هم طول ما اني جنبك واوعاكي تخافي من حاجة واصل

زينه

طيب يا حازم اني مستنيه لما اشوف ايه اللي هيحصل عاد

وسابته ومشيت وهي حاسه ان قلبها مطمنه من ناحية حازم ورجعت البيت وهي جواها حب كبير لحازم وعدي اليوم وجه يوم كتب الكتاب وامها لبستها الفستان وحنان كانت قاعده جنبها وقالت لها

حنان

هو انتي عماله تبكي ليه يا زينه عاد هو انتي مش موافجة علي سيد ديه بمزاجك ولا إيه عاد

ردت امها وقالت بسرعه

ايوه طبعا هي اللي موافقه بمزاجها مش اكده يا زينه

زينه بصت لامها بدموع وسكتت مش عايزة تتكلم وبعدها امها قالت

مديحه

يلا يا ضنايا عشان المأذون وصل تحت والنتس كلاتها مجتمعه يلا

حنان

اني نفسي افهم هي كالها اكده ياما صارحيني

مديحه

ما خلاص بجا عاد ابااي عليكي هو ليه كتيرة الكلام أكده

ونزلت زينه وهي لبسه الفستان وعيونها كلها دموع وباصه في الأرض وسيد اول لما شافها اتجنن وقال

سيد

ايه الجمر ديه يابوووي يلا ياشيخنا اكتب الكتاب بسرعه حكم اني مستعجل جوي

وفي الوقت ده سالم كان قاعد مستغرب من منظر زينه وقال لحنان

سالم

هي اختك مالها حزينه اكده ليه

حنان

والله ما اني عارفه يا سالم ومش فاهمه حاجه واصل

وفي اللحظه دي المأذون بدا يتكلم وفجاة دخل حازم ومعاه رجالته ومكتفين واحد وقال

حازم

متكتبش حاجة يا راجل انت مفيش جواز

سيد

واااه وده اسمه ايه ديه بجا أن شاء الله يعني ايه مافيش جواز

حازم

يعني انت مش هتتجوز زينه يا سيد وانت عارف اني كبير البلد والكلمه كلمتي

سيد

وانت مالك انت كبير البلد ولا صغيرها عاد انت من بجيت عليتها وبعدين ابوها موافق انت بجا ايه دخلك ولا ايه ياعمده ولا اتكلم أني

حازم

لا يا سيد مفيش داعي انك تتكلم واصل اصل اني نسيت اجولك مش اني لجيت الدوكش وعايش

مديحه

انت بتجول ايه الدكش عايش كيف ديه

حازم

ايوه عايش هاتو يا رجاله

ودخلو بيه وهو متكتف وحازم قالو

حازم

احكي يا دكش كل اللي حصل

بدأ يتكلم ويقول

الدوكش

اني هجول كل حاجه يا كبير االيوم اللي العمده ضربني بالنار اني ماموتش بس سيد جالهم يومها

باك

محروس

الراجل مات يا سيد مات

سيد

بجولك ايه يا عمده انت تاخد مرتك وتمشي من اهنه واني هتصرف مع الجثه ديه يلا دلوك

وبعدها لما مشيوا سيد قال للدوكش

سيد

جوم ياض انت استحليتها اياك جوم اكده

دوكش

انت ناوي تعمل ايه دلوك يا سيد

سيد

انت هتدخل الجبل واياك اشوفك في اي مكان واصل انت سامع يلا

وبعدها راح لهم سيد ومديحه قالت له

مديحه

اني معارفاش اشكرك كيف يا سيد علي اللي انت عملته ويانا

سيد

لا يا كبيرة اني معايزش شكرانيه اني عايز حاجه واحده بس هي زينه اني عايز اتجوزها عشان الموضوع يفضل سر وفي بير والجثه تفضل في مكانها

محروس

انت بتهددنا يا سيد

سيد

لاه يا عمده حشا لله اني عايز اناسبك ها جولتو ايه اتجوز زينه ولا اروح النيابة وابلغ عن جثه الدوكش

ووافقت مديحه عليه هي وأبوها وكانو مغصوبين علي كده

مديحه

اه يا واطي يا ندل كنت عايزني اديك زينة البنات وانت مستغفلنا

حازم

خودوه يا رجاله

وفعلا الرجاله خدت سيد وزينه باصه لحازم بفخر وهو قال لابوها

حازم

ودلوك يا عمده اني بتجدم لزينه وعايز اتجوزها جولت إيه

المأذون

يعني فيه كتب كتاب ولا لاه

مديحه بفرحه

فيه طلعا يا مولانا لولولولولوي

والكل فرح اوي وحازم قرب من زينه ومسك ايديها وقالت له

زينه

كنت فاكرة اني خلاص هبجا مرت سيد وانك اتخليت عني

حازم قرب منها وقال

اني جولت لك متخافيش طول ما اني جنبك عشان اني مش هخليكي تحزني واصل

زينه

ربنا يخليك ليا يا حازم

حازم باس أيديها وهي اتكسفت وقالت له

زينه

وااه اتحشم يا حازم الكل جاعد

حازم

وااه ما انتي هتبجي مرتي

وفعلا كتبوا الكتاب في وسط فرحه اللي حاضرين كلهم