رواية #عيناك_واللحن_القديم — الفصل 10 — بقلم Frdos El Sined
#عيناك_واللحن_القديم
بقلمي : فردوس عبد اللطيف
العاشر
قصيدة حزن يغتالني : لنزار قباني
حزن يغتالني وهم يقتلني وظلم حبيب يعذّبني آه! ما هذه الحياة التي كلّها آلام لا تنتهي وجروح لا تنبري ودموع من العيون تجري جرحت خدّي أرّقت مضجعي وسلبت نومي
علاء : عشت بصراع ويه نفسي مابين اتخلى عنها لان احتمال كلبها ومشاعرها مع شخص اخر
ومابين حبي الهه والتزامي كوني كسرتها واعتديت عليها
شجاع : الله يساعدك وحبك الهه ماتغير من اكتشفتها تراسل ولد غريب ؟
علاء : فعلا تاثرت مشاعري وفقدت الثقة بيها بس حبي الهه باقي وما اكدر اتخيلها تصير لغيري
وقررت اتزوجها بعد ما شفتها تغيرت وحاولت تتوددلي وتخليني اثق بيها
حاولت اختبرهه وراقبتها وشفتها التزمت بأوامري
بعد شهرين تزوجنا وبيوم العرس سويتلها حفله وعزمنا الاهل والاصدقاء بس كلامي معاها كان رسمي
بعد الزفة
دخلت للغرفه
علاء : ترى تزوجتج لخاطر ابوج والي هو عمي لان ماردت اكسر وجهه
باوعتلي نظره غريبه ودارت وجهه عني
رحت للحمام اسبح وماكو صوت بره
طلعت تفاجئت ايه ماكو
والفستان مرمي عالارض
لبست ملابسي وطلعت صعدت بسيارتي افكر منين ابدي ادور
اتصل بي ابن عمي وصديقي
احمد : علاء ايه عدنا بالبيت لاتقلق دا تبجي ...تعال بسرعه
وصلت لبيت ابن عمي
علاء : امشي اوديج لبيت اهلج الي تعبو عليج وربوج
وديتها لبيت عمي عفتها يمهم ورجعت لشقتي
رن تلفوني
الوتفضل
اني رامي اريد اشوفك
علاء : بخصوص ؟
رامي : اني اخو ايه زوجتك تعال لبيتنا حالا
علاء : رحت لبيتهم
رامي : اريد اشوف اختي
علاء : هسه تذكرت عندك اخت طول عمرها عاشت وحيده و بدون اهل هسه تذكرتوهه
رامي : لا تونا عرفنا عمامك ماخبرونا بزوجه ابوي كانت حامل منه خلوهه سكته وهسه نريدهه نريد اختنا
علاء : ماعدكم اخت يمنا
كلمه منه وكلمه مني تضاربنا
رامي : اني اعرف اخذ حقي منك الا انتقم منكم
علاء : ولك تسكت لا ابتلي بيك اليوم عاجبني اذبحلي واحد
رامي : بسيطه علاء بسيطه
وبقى يهدد عفته وطلعت
لحد ما خلصت اجازتي والتحقت بالجبهه بالانبار تمنيت الموت لكن الموت مايجي لواحد مثلي
كظيت شهر ونص وراها خبرتني خالتي
علاء مبرووووك ايه حامل
رحت اجازه ورجعتها للشقة
بس عايشين اغراب وحقد وبغض بيناتنا
اني انام بغرفه وهي بغرفه
بالليل تجي يمي بغرفتي
شجاع : ههههه شتسوي ؟
علاء : تتمدد يمي عالسرير وتحضني ودكول اخاف اسمع صوت طكطكه وتنام على صدري واني ابقى مثل الي يخفي بركان بداخلي احبها شجاع احبها
شجاع : لاتخاف علاء كولشي ينحل
علاء : شجاع ايه عدها اخ ولازم تعرف عدهه اخ
شجاع : تكدر تخبرهه بالوقت المناسب توكل على الله
علاء : وره كم شهر خابروني وبلغوني ايه جابت ولد سميته
محمد وتعلقت بي
ولحد الان اعاني من علاقتي بزوجتي ايه لان احبها وما اكدر استغني عنها
والمشكله هي انسانه متهوره كثيره الخروج من البيت ممخليه اعتبار لوجودي بحياتها
مرات اشوفها مجنونه وبدون عقل واكول يمكن يجي يوم وتتغير ...بس اريد اعرف الذنب على منو ؟
منو يتحمل ذنبها اني لو اهلها الي ربوها والي هما عمي وخالتي وما اكدر احجيلهم على تصرفاتها اخاف لا اخسرها
اما اخوها رامي لايزال يهددني ويريد اخته
هذه قصتي وسبب تعاستي بهالدنيا ولهذا السبب تشوفني عصبي ودائما متنرفز يا شجاع اريد احد يساعدني وينصحني شلون اتعامل ويه ايه ؟
*********
شجاع : علاقتي بعلاء هونت علي مصيبتي ودخولنا بمعارك التحرير ضد الاعداء اشغلني عن الماس بس مانسيتها
اشوفها باحلامي وكلبي مفرفح على شوفتها بس ماكو اي خبر
يوميه اتصل ويه اخوي لؤي وكنت موصي اي خبر يسمعه عن الماس يخبرني لكن ماكو كل خبر
شجاع : ها علاء جيت اسلم عليك نازل اجازتي ولو ميعجبني انزل وراح اشتاقلكم واشتاق للقتال
علاء :توصل بالسلامه خلينا على تواصل
رجعت لبغداد
متعود كلما اروح لبغداد باجازه اسلم على خالتي لانها بمقام الوالده وبيها اشوف اهلي وناسي
سناء : يمه شجاع امك الله يرحمها وصتني اخطبلك ميصير تبقى هيج تالي تكبر وتتندم على عمرك الي راح بدون زواج
شجاع : خالتي من بعد الماس ماتحلالي مريه
سناء : وهي وينها الماس اشو اختفت وماكو منهه اي خبر
شجاع : والله خالتي كلما انزل اراسل اخوانها ايمن وزيدون وعمي وابد مينطوني اي معلومه عنها
سناء : يمه تزوج عيش حياتك لاتبقى هيج تالي تطلع شيباتك وشعرك يصلع تقل فرص الزواج هسه اكدر اخطبلك اي بنيه
شدكول يمه ؟
شجاع : ماعرف خالتي اني هم متبهذل من اجي بالاجازه اشتهي اكل لكمه طيبه اريد اعيش مثل باقي الناس
سناء : يمه جوارينه عدهم بنيه حلوه تخبل عمرها ١٧ سنه وبنت ناس اهلهه عائله الكل تحلف بيهم وجاي يجوهه خطابه لاتروح من ايدنا خلي اخطبها الك
شجاع : بكيفج خالتي
سناء : غير تروح تشوفها
شجاع : ميحتاج مادام عجبتج انت هاي هي خطبيها
*******
طاوعت خالتي وخطبتلي مي بدون ما اروح اشوفها اعرف يمكن راح اطب بخطيتها لكن اني كرجل محتاج امرأة تداريني وطالما تبت عن الحرام والزنا اريد استقر وابدي حياة جديده
تمت الخطوبه بسرعه خلال فتره اجازتي وحددنا موعد الزواج على اجازتي الثانيه حتى ترتب امورها لتجهيزات العرس
التحقت بالجبهه واخذت حلويات لجماعتي وباركولي وفرحولي
وعزمتهم عالعرس
خلص الشهر بس هالمره مختلف عندي امل ارجع اتزوج واكو انسانه تنتظرني بالبيت
********
يوم العرس
جوي كل اصدقائي واقربائي
علاء : ابدي حياة جديده ولا تتردد وعيش حياتك ما اكولك انسى حبك لكن عيش حياتك مثل ما مقسومتلك لان كولشي قسمه ونصيب وانت هذا نصيبك
شجاع : تدري علاء لحد البارحه راسلت اخوانها وسألتهم عليها ومانطوني اي خبر عنها
شكيب : ها حضرة الضابط حاتودع ايام العزوبيه واللعب
فراس : شكيب مو انت انحبست من تزوجت بعد مجاي تكدر تتنفس اكو عليك رقابه شديده
شكيب : لاتذكرني ولك مرتي من ارجع تشمشم بهدومي اخاف بايسلي وحده مدري اشلون تعرف تقرى بوجهي
شجاع : بعد كولنا دخلنا القفص
عاد صدك ذهبي لو جذب
كلهم جاوبوني : قفص حديدي مابي مفكه ههههههه
زفوني على على عروستي دخلت للغرفة
مي جانت كاعده عالسرير بس اشوف رجليها تهتز وتفرك بايديهه مرتبكه
كعدت يمها عالسرير
اشلونج مي ؟ حسيتها ترجف
مسكت ايدها
شجاع : اشششششش ....اشبيج مي
مي : خايفه ... وصوتها هادئ وناعم مثل عزف الموسيقى الهادئة .....
رفعت البرقع
وجهه ملامح براءه وطفوله
كلبها يريد يطلع من ضلوعها
يريديطير جريتها علي قربتها يمي
شجاع : اني زوجج لاتخافين مني
بتسمت بقينا نسولف ونضحك واني احجي وهيه ساكته ومستغربه ومتحجي كعدت وجريتها لحضني وحاولت احجيها وهيه متجبجبه ومترضاا
مي عزيزتي تعرفين اليوم زواجنا ؟ واني ماريد اجبرج بس امج وخالتي بره ينتظرن سكتت ودنكت
فتحت سحاب الفستان وجريتها اليه راسه حضنتني
شبيج ...... واني ابوسها
مي : استحي
شجاع : مددتها وجيت فوكها فتحت عيونها تلمع وخدوده تفاحه تعبتني لما فضت منها صوتها طلع وبعدها دموع تجري بدون صوت بستها واخذت بياضها ونطيته لخالتي رجعتلها شبيج مي ؟
ساكته نمت يمها وحاوطتها شبي مياوي ؟
حضنتها ونيمتها على صدري
مي : شجاع ضحكت
شجاع : شعجب صوتح طلع
مي : شو ماتعشيت ؟
شجاع : ضحكت بعلو صوتي جوعانه حقج تعبتي
مي : والله لا بس العريس يتعشى عصرت خشمها واني تعشيت بيج يروحي
ضحكت تحبني ؟
شجاع : انتي مرتي وخليني احبج بعدني مشفت خيرج من
شرج
مي : ان شالله بس اكلك متوقعت هيج العرس خوفوني شجاع : عصرتها اوو حلالي شكد مااضوكج ماامل وكلما اكل اريد بعد
مي : لاتمل وخلت راسها على صدري وحضنتني
بستها ونمنى للصبح صوت الهلال ترس البيت مي جانت فراشه تحوم بلبيت ما تعبتني
تسمع كلامي ومترد ابد من ازعلهه تدعيلي واني مكدرت اضربها بيوم اوتجاوز عليها لانها مؤدبه وتفرض احترامها
نومتها جانت حيل تريحني حضنها حلال يامحلى الحلال طمعه يختلف تحس ضميرك مرتاح
بعد اربع شهور من زواجي
انتقلت وحدتنا للموصل خلال هالفتره تعلقت بيها مشفت منها شي مو زين مطيعه لاوامري هادئة
شجاع : اني طالع للموصل
صفنت بي
شجاع : شبيج ؟
مي : تعوفني وحدي ؟
شجاع : لا اوديج لااهلج حضنتني
مي : انت اهلي بستها
شجاع : ميخالف كولهه كم يوم كظيهن يمهم مامشتاقتلهم مي : ترجعلي بالسلامه حبيبي
شجاع : روحي بدلي
مريت على محل موبايلات اشتريتلهه موبايل طارت من الفرح نزلتلهه برامج تتسلى بي ....
ودعتها وطلعت التحقت بالوحده وطول الطريق تتصل بي تطمن علي
من التحقت حسيت اني تركت شي عزيز وهي كل يوم تخابرني وتسأل علي ومرات تبجي واكعد اصبرها
واني هم اصبر روحي لان تعلمت عليها
ولج مشتاكلج كومه
مي : اني هم احبك شحاع
[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]
خلصت اجازتي رجعت للبيت وزوجتي جايه قبلي معزله البيت فتت شفتها تطبخ وتغني
شجاع : شنو هالصوت الحلو
جتي علي ركض وحضنتني حبيبي
بوسني اهنا وهنا بلكي جرحك انساه كلي اسف كول اعتذر كلي بعد مااسويها حضنتها حيل كنت مشتاقلهه حيل روحي صارت بيها
بالليل واني نايم
فزيت صوتها تصيح يابه وللك شجاع وخر مني اخخ وتبجي ودموع تجري
شجاع : ولج شكو شصارلج دم كام ينزل ياربي هاي شنو يالله لميتها وركض للمستشفى جتي دكتوره
الطبيبه : مبروك حامل ومتاذيه دنكت رفعت راسي واني طاير فرحان فوك فوك حسيت الدنيا ماوسعتني
شجاع : صدك
الدكتوره : اي صارله 3 شهور ونص تقريبا
فتت يمها ساكته وتصفن
شجاع : شكو شبيج ؟
مي : شجاع راح اصير ام
شجاع : اي ي مي
مي : وانت بابا
شجاع : اي حبيبتي شبيج ممصدكه
مي : فرحانه بي
وحصنتها ودكتوره طلعتها هيه جانت متغيره
اشوفج متغيره مياوي اثاري الحمل متعبج
مي : حبيبي مجنت متأكده معقوله راح يجيني شجاع صغير
طلعتها من المستشفى ورجعنا للبيت وحاولت ما اتقرب عليها
الا قليل اخاف لا تتأذى
*******
شكيب : وين هالغيبه شجاع وين سهراتنا وين ايامنا الحلوه والليالي الحمراء
شجاع : ولك الحلال ماكو احلى منه ومرتي حامل
شكيب : اني اجاني توأم واحد سميته شجاع والثاني علي
شجاع : تسلملي خويه شكيب مرت علينا ايام سوده كرهتنا بالدنيا
شكيب : شخبار بنت عمك ؟
شجاع : لا تذكرني ولو اني مناسيها بس هذه جرح وميطيب الا اعرف وين راحت كلبي حاينفطر شكد احاول اعيش حياتي وانسى وتجيني لحظه اتذكرهه واتكآب واكره كولشي واتمنى التقي بيها ولو لحظه بس دكولي وينها واعرف ليش عافتني وهربت اني شنو ذنبي
شكيب : اكيد حايجي يوم وتلتقي بيها وتعرف السبب الي خلاها تتصرف هيج
مرة ايام حبل مي واني وياها ومرات زعل ورضا وتعب وحمل لحد شهر السابع
كنت اتراسل ويه ولد عمي مهند وسمعت بعمي مهند
شجاع : ايمن احجيلي اشبي عمي ليش مدخلي بالمستشفى ؟
ايمن : ابوي عنده تدرن سل بالرئتين
شجاع : وهسه وظعه اشلونه
ايمن : يبجي شجاع احنا وحدنا هنا بالغربه ماعدنا احد شنسوي وابوي يكول خلي نرجع للعراق
شجاع : تحتاجوني اجي يمكم ؟
ايمن : بكيفك شجاع اكيد محتاجيك بس اخاف متكدر
شجاع : شنو ما اكدر من باجر راح اقدم على فيزا ومن احجز انطيكم موعد الرحله
ايمن : اوك
شجاع : كملت اوراقي وحجزت
الووو ايمن راح اوصل بالتسعه الصبح
ايمن اوك راح استقبلك بالمطار
شجاع : وصلت للمطار واستقبلني ايمن وطلعنا للمشفى
اشلونك عمو سلامتك
مهند : شجابك شجاع عفت حياتك علمودي
شجاع : انت عمي الغالي
مهند : الطبيب كتبلي خروج للبيت
شجاع : الحمد لله جيتي خير
مهند : جنت مشتاقلك شجاع
شجاع : دخلنا للبيت اول شي دخل عمي وايمن واني وراهم بايدي الدواء مال عمي
تفاجئت كاعده الماس بالصاله
بس شنو لا شعر لا رموش لا حواجب متغير شكلها ضعفانه معقوله هذه الماس حبيبتي
[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]
نصدمت وكفت اباوع عليها لحظه حاسمه معقوله
اباوع حلم حياتي كبالي ادور بين الوجوه على الوجه الاحبه لكيت الورد مكطوع وذبلانه المحبه جنت اول ياتالي ياحال الضيم حالي جنت خالي من الهموم بس صفالي ذكرتك ياحبيبي لكن موبيده عفتني الزمن غدار مشيت بلاوصيه دموعها شلال ونزل علخده يابعد الروح وكلبي مشتاك يشمعه اخليك بوسط الروح تكربت يمه الماس
الماس : صفنت شجاع صوت مخنوك
شجاع : والله تعبت بغيابج ولج ليش فاركتيني ؟ هيج ليش فهميني
الماس : اشرت وين رموشي ؟ جنت تحلف بيها وين الشعر جنت تهمس عليه بيش اواجهك الله ينتقم من الجان السبب
بقيت مذهول سلمت على زوجه عمي واني اعتب
شجاع : عمي ليش ليش عمو شمسويلك
مهند : سامحني ياشجاع هاي رغبتها بعد ما حللت وعرفنا عدهه سرطان بالكبد
طلبت مني اخذهه بعيد عنك وانت هم شفت حياتك
وكفت اريد استوعب الموضوع وصرخت انتي شنو انتي بشر حقيره لعبتي بكلبي شحدج تموتين شحدج يانذله احبج ولج اعشكج الماس شنو من سرطان ولج ليش ماادري ليش كليلي ياتربايت ايدي تعوفيني مو وكتها
وكعت وتخربطت
ترقبوا البارت الاخير
شنو حايكون قرار شجاع يبقى يم الماس لو يرجع لزوجته وحياته
******بقلم فردوس عبد اللطيف ******