تحميل رواية «عشقت مجنونة (الجزء الأخير )» PDF

بصو يا حبايب قلبي ... انا بشوف كتير كومنتات معظمها انتقاد لغيرة آدم الزايدة عن حدها ومعظمكم التاني بيقول دي روايه وخلاص يعني حاجه مش من الواقع وان مفيش كدا في الواقع اصلا !!!

احب اقولكم أن الرواية رغم أنها مش مقتبسه من قصه حقيقية إلا انها روايه واقعيه بكل أحداثها حتي غيره آدم وحب التملك اللي انا وصفته عند آدم  ...

معظمكم انتقدني في حته غيرته من اخوها ومن اي حد بدون وعي أن في كدا في الحقيقه والواقع ... في ناس كدا وانا مش بأفور والله لأن الغيرة موجودة عند كل الرجاله بس في فرق بين غيره وخلاص وغيره مرضيه ودا اللي وصل ليه آدم وهو الغيره المرضيه وحب التملك ...

واللي مش مصداقاني اهو خبير في علم النفس بيتكلم عن الموضوع دا والفيديو كله علي بعضه دقيقه يعني مناسب لأصحاب الباقات وكروت الفكه👇⁦♥️⁩

يا جماعه انا بكتب من الواقع والله مش من الخيال وإلا كنت وصفت كل بطله انها ملكه جمال الكون الدنيا زي معظم الروايات بس انا حبيت أخلي الواقع يتكلم سواء بيضا أو سودا أو تخينه أو رفيعه .... كل الرواية من الواقع انا حبيت اعمل البارت دا عشان اخليكم تعيشو الرواية بكل أحداثها مش تبقي مجرد خيال وخلاص بالنسبالكم انا حابه انكم تصدقو فعلاً أن في كدا في الواقع وان ربنا شايلك حد احسن من آدم الكيلاني واحسن من اي حد وصفته بغيرته بكل حاجه بقي 😂⁦♥️⁩⁦♥️⁩

ربنا يكرمكم ويرضيكم رمضان كريم يا قمراتي⁦♥️⁩⁦♥️⁩