تحميل رواية «عشق الفيروز» PDF

رافت بغضب شديد

أكده ياما واني الي عمال ادور واتعب في حالي ومدقتش النوم بقالي اسبوع وفي الاخر الحكايه كلاتها تكون واقعه في عبك وانتي صاحبه الشوره فيها أكده بردك عملتي الي ريدها ومهمكيش حاجه واصل

رجاء بتوتر

حكايه ايه وعبي ايه يا واد انت اني مش عارفه انت بتتحدت علي ايه

علام بعضب

وه. مالك جاي حامي علي امك أكده ليه يا رافت جاي مغبر من برا ومش حامل خلاقاتك في ايه متتحدت طوالي اني مش ناقص مصايب

رافت

بالله عليك هملني واطلع منيها انت بذات يا ابوي لحسن لو عرفت انت كمان الي عملته امي مش بعيده تولع في البيت بالي فيه

علام

وبعدين في شغل الالغاز ديه ولعب العيال الصغيره فيه ايه يا واد انت اتحدت علي طول بلا لف ودوران

رافت

اتحدت اهوو يا ابوي مهو انت لازمن تعرف انت كمان

رجاء

فضها سيره يا رافت وبلاها رط الي حصل هو الي كان لازمن يحصل من زمان اني بس الي اتاخرت هبابه

علام

اباي عليكم انتم الجوز وبعدين فيه الحديت الماسخ ديه انتوا هتتحدتوا علي المكشوف ولا تسكتوا وتفضوها اني راسي فيها الي مكفيها مش عارف القيها منيكم ولا من مرات اخوك الله يرحمه الي فص ملح ودابت ولا من حزني علي المرحوم ولا ايه ولا ايه

رافت

مهو مرات المرحوم دي الي أن اقصد حديتي بيها

علام

وه انت عرفت مطرحها يا رافت طب هي فين وليه مشيت وميته هتجيبها طمني يا ولدي الله لا يسيقك

رافت

براحه يا ابوي اني هقولك علي كل حاجه بس براحه علي حالك

علام

طيب اهوو اني سامعك قول بالله عليك

في مكان تاني في محافظة الإسكندرية باحدي الشقق الفخمه كانت فيروز قاعده بتبص علي البحر وهي سرحانه

انجي اختها

ايه يا قمر الي واخد عقلك يتهني بيه بقالي ساعه بكلمه وانتي ولا هنا سرحانه في ايه

فيروز

هااا ولا حاجه معلش بس الظاهر أن البحر كان واحشني عشان كده كنت سرحانه فيه

انجي

امممم البحر بردك طيب المهم ماما بتقولك الغدا جاهز ايه مجعتيش

فيروز

لا انا مش جعانه روحي انتي اتغدي

انجي

وبعدها لك يا فيروز هتفضل كده كتير دا حتي ميرضيش ربنا لو مش علشانك يبقي علشان الي في بطنك

فيروز وهي بتملس علي بطنها

وهو فيه حاجه مصبراني غير الي في بطني دا هو السبب في اني لسه بتنفس بعد يوسف ما راح هو الحاجه الي فضلالي من ريحته

انجي

طيب يبقي احنا لازم نخلي بالنا من نفسنا عشانه وبعدين الاسود الي انتي لابسها دا هتفضلي بيه العمر ولا ايه علي فكره الحزن مهما طال عمره ما هيرجع الي راح

فيروز

انا عارفه وكنت هقلعه بس مليش نفس اعمل اي حاجه انتي متعرفيش يوسف كان ايه بالنسبالي دا اول حب في حياتي انا عمري ما كنت اتصور اني هعيش الي عيشته معاه كاني كنت في حلم جميل كل حاجه كانت حلوه وجميله حنيته كاني بنته حتي لما كان بيتعصب عمري ما كنت بهون عليه انا بجد مش عارفه اعمل ايه من غيره

انجي

يا حبيتي ادعيله ربنا يرحمه ويصبرك وبعدين يعني هو اكيد مش هيكون مرتاح وانتي عامله في نفسك كده

فيروز

والله العظيم بحاول بس صعب دا يوسف يا انجي

انجي

انا عارفه والله يا حبيبتي انوا صعب بس واحده واحده وكل حاجه هتبقي تمام بابا بيقول دايما أن كل حاجه بتتولد صغيره وتكبر الا الحزن ربنا خلاه كبير وبعدين بيصغر ويقل مع الوقت وانتي أن شاء الله ربنا يربط علي قلبك

فيروز

يا رب هحاول والله

عند رافت

علام بغضب شديد

علام بغضب

الحديت الي بيقوله ولدك ديه صوح يا ام يوسف

رجاء بتوتر

اني معرفش حاجه من الي بيقولها ولدك ديه ومخبرش هو جاب الحديت الماسخ ديه منين

رافت

لا اني بقول الحق ومتأكد انك انتي السبب في طفشان مرات يوسف من البيت استغليتي أننا مشغولين بالعزا وروحتي بهدلتيها وقليتي بقيمتها ومهمكيش انها عارنا وأنها مرات ولدك الي لساته مفارقك وسيبهالك امانه وروحتي طلعتيها من البيت في عز الليل وكمان اتبليتي عليها انتي وبت اخوكي وقلتلي انها طفشت وهملت البلد وأنها علت صوتها عليكي واتهمتيها بالباطل

علام

وه وه كل ديه يطلع منيكي بس اني هستني ايه منك انتي طول عمرك كارها فيروز وكنت رافضه جوازها من يوسف الله يرحمه وكنت رايده تجوزيه لبت اخوكي بس توصل بيكي انك ترمي مرات ولدك وتتبلي عليها ايه هي مش بني ادمه طيب حتي راعي انها امانه حدانا نقول ايه للناس دلوق

رافت

اني لما عرفت دورت عليها كتير وسالت علي أهلها وعرفت انها رجعت ليهم ولولا العيبه كنت رحت رجعتها بس اتكسفت اروح لحالي احنا محقوقين ليها يا ابوي ولازمن نردلها كرامتها الي امي بعترتها في الأرض

علام

عين العقل يا ولدي اخوك الله يرحمه وصاك علي مرته قبل ما يقابل وجه رب كريم وهي مهما كانت عرضنا واكلت حدانا عيش وملح وليها حق عندينا

وبص علي مراته وقال

وانتي حسابك معاي بعدين

رجاء

اني مظلومه يا اخوي ومعرفش ولدك جاب الحديت ديه منين يشهد ربنا اني كنت احبها واعزها زي عيالي واكتر

علام بسخريه

اممم باماره الهنا الي كنتي معيشاها فيه دا انتي كنتي مخليا دمعتها علي خدها ليل نهار ومسمما بدنها بالحديت عن الخلفه والعيال لولاش هي بت اصول كانت طفشت منك بدري ولا كانت أخدت جوزها وبعدت بعيد

رجاء وهي تمثل البكاء

يعني ديه جزاتي في الاخر بقيت اني الي عفشه هو اني لما اقولها اني رايده اشوفلي حته عيل لولدي وأشوف نسله قصادي ابق مفتريه ليه مش لو كانت خلفتله عيل كان زمانه عوضني عن ولدي الي راح في عز شبابه واتحرمت منيه

رافت

بلاها الحديت ديه ياما الي راح راح ربنا يرحمه ومرات المرحوم ليها حق وورث لازمن تاخده وتاجي تقعد في بيتها

علام

ربنا يبارك فيك يا ولدي صوح انت الصغير بس طول عمرك شايل الشيله من صغرك والي يشوفك يقول انت الكبير ويوسف هو الصغير

رافت

يوسف مكانش اخوي بس ديه ابوي وصاحبي وكل حاجه لي كنت بحس اني انا الي مسؤول عليه بسبب طيبته وحنيته كنت بخاف عليه من كل حاجه عشان أكده اني لازمن ارجع مرته واديها حقها وانفذ وصيه اخوي

رجاء

طيب ما تديها ورثها من غير ما تجيبها اهنيه لازمتها ايه جيتها حدانا خليها تقعد مطرح ما جات

علام

بلاش منيه حديتك ديه لاحسن صبري نفد منك يا بت الرفضي

رافت

مهو اني مش هرجعها عشان الورث وبس

علام

امال ايه

رافت بهدوء

يا ترا ايه الوصيه الي يوسف وصي رافت بيها🤔🤔

رافت

مهو اني مش هرجعها عشان الورث وبس

علام

امال ايه

رافت

يوسف الله يرحمه وصاني اتجوز مرته واربي ولده الي في بطنها والي يمكن زمانها ولدته دلوق

رجاء بصدمه

ولده هي فيروز حبله

علام

مين الي قالك يا ولدي وعرفت منين

رافت

يوسف قالي قبل ما يروح المستشفي ويقابل وجه رب كريم اول ما عمل الحادثه اني كنت معاه بس ملحقتش احوشه العربيه خبطته قبل ما ألحقه ولما رحتله قالي كان قلبه حاسس انوا مفارق وصاني اربي ولده واتجوز فيروز واني مش هقدر اخلف وصيته

رجاء

انت اتجننت اياك هتتجوز عزبه بق رافت نواره البلد وزين شبابها والي بنات كبارت البلد تتمناله الرضا وبتترمي تحت رجليه يتجوز عزبه ليه من قله البنات اياك

رافت

يا اما الله يخليكي بقولك دي مرات الغالي كيف عيزاني اخلف وصيته واسيب مرته والي جواها حته منيه كيف بس اني مستحيل اخلي ولد اخوي أو بته يربيه حد غريب

علام

سيبك من امك وهمي بينا لجل ما نرجع مرات اخوك وام ولده وبعدين نبقي نشوف حكايه جوازك منيها

رافت

حاضر والله يا ابوي اني بس مكسوف يا ابوي وخايف ميرضوش يرجعوها ويانا بسبب الي حصل احنا بقالنا كتير ظلمينها ومسالناش عليها بس يعلم الله اني دورت عليها كتير بس مكنتش اعرف عنوانها في اسكندريه

علام

متخافش يا ولدي اني خابر فيروز زين مستحيل تحرمني من حفيدي دي بت اصول و أن شاء الله ربنا يحنن قلبها علينا وتعاود معانا ومتكسفنيش ولو علي الجواز ديه حاجه منقدرش نغصبها عليها كيف ما هي متقدرش تمنعنا من حفيدنا

رافت

اني خابر الحديت ديه زين يا ابوي بس كيف ما انت خابر فيروز لساتها صغيره وحلوه ومش هتفضل عزبه أكده كتير واني كيف ما قلت أولي بيها هي وولدها من الغريب وديه مش بمزاجي دا بس لجل خاطر عضم التربه لجل ما اريح اخوي في قبره

علام

عين العقل يا ولد اني فخور بيك دايما رافع راسي ومشرفني وسط الخلق الي انت هتعمله محدش بيعمل أكده من نفسوا الا القليل واحد غيرك مكانش تعب نفسه ودور علي مرات اخوه لجل ما تشاركه في الورث

رافت

مش اني الي اظلم الولايا واكل حقهم يا ابوي متربيتش علي أكده

علام

ربنا يحميك يا ولدي ويحرسك لشبابك

علي السلم كانت فاطمه بت اخو رجاء بتتصنت عليه

فاطمه بوعيد

فيروز فيروز ايه هو اني مش وراي غيرك مصدقت انك هجيتي وارتحت منيكي طلعتي تاني ليه وكمان حبله لا يستحيل اسيبك تتهني بكفايه يوسف الي اخدتيه مني لا وكمان هتاخدي رافت دا اني كنت اولع فيكي المره دي مش هسمحلك تاخدي رافت وتعيشي في العز ديه

امها من وراها

جر ايه يا بت اتخبلتي اياك بتتحدتي ويا روحك يا بت

فاطمه

مهو من قهرتي يبقي اني اخطط وارتب لجل ما اطلعها من البيت تقوم ترجع تاني لا وكمان حبله وتاخد الجمل بما حمل واني الي اطلع من المولد بلا حمص

امها

مهو من عبطك يا خايبه قلتلك سيبك من يوسف ديه خايب وبعدين متجوز وبيحب مرته وخليكي في رافت هو صوح الصغير لكل كل حاجه بيده وهو الي ماسك كل شغل العيله تقولي لا اني بحب يوسف ومش هخلي واحده غيري تتهني بيه طب افرحي اهو يوسف وراح ومرته وحبله ومش بعيده تجيب واحد ويقش هو وانتي تقعدي جاري كيف قزازه الخل

فاطمه بغضب

اباي عليكي مكفياكي تقطيم في وبعدين رافت اصلا مكانش في بالي اني كل فكر اني يوسف هو الكبير والي هيكون ليه الكلمه وبعدين يوسف ديه اول راجل في حياتي

امها

واهو راح للي خلقه ايه هتسيبي الاسكندرانيه تكوش علي كل حاجه هي وابي في بطنها سوا كان والد ولا بت

فاطمه بوعيد

لا بقي اني المره دي مش هسكت ومش هسمح انها تهد الي اني ببنيه وبكره تشوفي بتك لما تبقي هي ست الدار كلاتها

امها

لما نشوف يا معدوله بس انتي خليكي مع عمتك وهي الي هتسهلك كل الي انتي ريداه

فاطمه

مهو عشان أكده اني مطمنه اكمن عمتي بتكره فيروز كره العمي اني هعرف كيف اخليها تجوزني لرافت وترمي فيروز برا البيت والبلد كلاتها

في الاسكندريه

فيروز كانت قاعده زي كل مره في البلكونه وفجاءه جتلها رساله علي تلفونها خلتها قامت مفزوعه

انجي بخضه وهي شيفاها بتلم هدومها

جرا ايه يا فيروز بتلمي هدومك ليه ايه الي شوفتيه خلي وشك قلب الوان كده

باترا فيروز شافت ايه🤔

انجي بخضه وهي شيفاها بتلم هدومها

جرا ايه يا فيروز بتلمي هدومك ليه ايه الي شوفتيه خلي وشك قلب الوان كده

فيروز

فاطمه بت خال يوسف الله يرحمه بعتتلي رساله بتقولي أن رافت اخو يوسف جاي علي هنا وناوي ياخد. مني زهره بعد ما عرفوا اني خلفت

انجي

وهم عرفوا منين مكانك

فيروز

رافت معاه علاقات كتير ولو شاور لاي حد الف من يخدمه وانا مش مستعده ارجع ليهم تاني الي كان مصبرني علي العيشه والغلب الي هناك خلاص سابني وراح وانا مش هقدر اعيش معاهم وأشوف الي شفته

انجي

طيب خلاص خليكي هنا ومحدش يقدر يقرب منك البلد فيها قانون هما فكرينها سابيه ولا ايه احنا هنا في اسكندريه مش في الصعيد

فيروز

صدقيني مش فارقه كتير هنا زي الصعيد طول ما الواحد واصل ومعاه فلوس يبقي كل حاجه تحت رجليه وانا مش مستغنيه عن بنتي

انجي

يا حبيبتي اهدي شويه مش كده وبعدين الي اعرفه ان الصعايده مش بيحبوا البنات يبقي اكيد لما يعرفوا انك خلفتي بنت هيسبوها ليكي تربيها

فيروز

انتي بتتكلمي كده عشان معشرتهمش ومتعرفيش طبعهم صدقيني بنت ولد مش هتفرق لأنها من صلبهم وخصوصا أن ابوها راح الله يرحمه يبقي دي حاجه منه هتفكرهم بيه

انجي

طب مش انتي كنتي بتقولي أن رافت دا طيب وأنه مش قاسي ويوسف كان دائما بيحبه ويثق فيه تبق محلوله واكيد هيقف في صفك

فيروز

انا رافت عمري ما قبلته كنت دائما بشوفه في الصور مع يوسف لانه كان كل شغله في المحافظات وساعات كان بيسافر برا المره الوحيده الي كنت هقابله فيها كان يوم وفاه المرحوم وملحقتش وبعدين البني ادم مش بيبان طبعه من الحكايات يعني ممكن يكون حنين وطيب مع اخوه إنما معايا انا لا

انجي

طيب هتروحي فين دلوقتي ببنتك

فيروز

اي حته ان شالله اقعد في اوتيل لأحد ما يرجعوا تاني المهم لما ياجوا ميلقونيش وانتي ابقي قولي اني سافرت بعيد ومتعرفيش مكاني ماشي

انجي

ماشي يا حبيبتي بس ابقي طمنيني عليك ماما لو عرفت مش هتسكت

فيروز

بعدين ابقي فهميها براحتك وهديها بكلمتين وانا هبقي اكلمها واشرحلها بس لما استقر

انجي

ربنا معاكي يا قلبي وخلي بالك من زهوره

فيروز

أن شاء الله انا يدوب الحق امشي دلوقت بس يارب ميكونش لحقوا يوصلوا اصلي انا معرفش هي بعتت الرساله من أمتي لأن التلفون انا كنت قفلاه من مده ويدوب لسه فتحاه لقيت الرساله

انجي

مش مهم المهم تلحقي تمشي قبل الدنيا ما تضلم

فيروز جهزت نفسها واخدت بنتها وخرجت من الشقه ولسوء الحظ وهي علي السلم قابلت رافت وأبوه طالعين بس محدش عرفها لأنها منتقبه

رافت

لو سمحتي هي شقه الاستاذ صبري ابو فيروز في الدور الكام

فيروز حاولت متتوترش عشان متتكشفش

احم اه هي في الدور الخامس

علام

متشكرين يا بتي

رافت فضل يبص لها هي والبنت بصات غريبه وفيروز خافت منه ومشيت علي طول زي الي بتجري

علام

ما تهم يا ولدي خلينا نطلع لجل ما نشوف مرات اخوك

رافت بتفكير

هاا لا روح انت يا ابوي واني افتكرت حاجه أكده هروح اقضيها واجي وراك طوالي بس ابق طمني انكم هترجعوها

علام باستغراب

حاجه ايه دي الي اهم من مرات اخوك وولده

رافت

دي حاجه مهم قوي بس يارب تكون هي الي في بالي ساعتها أن شاء الله هفرحك روح انت بس واني مش هتاخر

علام

علي راحتك يا ولدي

علام اخد الكام راجل الي معاه وطلع فوق عند شقه ابو فيروز

رافت خرج يجري من باب العماره وكان خايف ميلحقهاش بس من حسن حظها فيروز كانت واقفه علي جنب مستنيه تاكسي وهو فضل مراقبها من بعيد لحد ما ركبت التاكسي ومشيت وهو مشي وراها

في بيت فيروز

علام بصدمه

انتي بتخرفي بتقولي ايه كيف يعني فيروز مش قاعده اهنيه امال هتكون راحت وين

انجي بخوف

ممعرفش احنا بقالنا فتره منعرفش عنها حاجه من ساعه ما يوسف عمل الحادثه هي كانت نفسيتها وحشه اوي عشان كده اختفت ومحدش مننا يعرف مكانها

علام

الحديت ديه تروحي تضحكي بيه علي عيل صغير ولا راجل اهبل إنما اني لا فيروز يستحيل تعمل أكده اني خابرها زين متعرفش تقعد لحالها متقدرش تبعد عنكم

أنجي

صدقني هي دي الحقيقه وانا هكدب علي حضرتك ليه

علام

طيب امك فين اني مش واعيلها يعني

انجي.

اني عند خالتو عشان عامله عمليه ومحدش معاها اكنها يعني مش مخلفه فأمي قاعده جنبها لحد ما تقوم بسلامه

علام

يا بتي الله يخليكي ريحي قلبي وقوليلي علي مطرح فيروز اني رايد اطمن عليها هي والي في بطنها واعرف ان كانت ولدت ولا لسه ولو ولدت اعرف ربنا رزقها بولد ولا بت صدقيني اني مش جاي لجل ما ااذيها اني رايد ليها الصالح

انجي كانت بتتكلم بس سكتت بصدمه لما الباب اتفتح ودخلت فيروز وبنتها ووراهم رافت

انجي بصدمه وخوف

يا نهار مش فايت فيروز

ولعت😁

فيروز

يا عمي انتي اكتر واحد عارف انا مريت بايه هناك لحد اخر لحظه انا عمري ما فكرت ولا جيه في بالي اني ممكن اسيب البيت الي جمعني بيوسف بس حضرتك شوفت الحاجه رجاء عملت فيا ايه

رافت باسف

ابوي ميعرفش حاجه عن الي عملته الحاجه رجاء فيكي هو كان فاكر انك يعني احم مشيتي لحالك كيف ما سمع وبرضك هو كان فيه الي مكفيه وحزنه علي يوسف كان مخليه كيف التايه عشان أكده مدورش عليكي المده دي كلاتها

علام

رافت بيقول الحقيقه يا بتي اني من ساعه ما دفنت ولدي بيدي واني مقبلش اي حاجه لا رايد الدنيا ولا طايق البشر طالما الغالي راح كيف هعيش تاني ويوم ما فقت وجيت اسال عليكي ام يوسف سممت عقلي بالحديت عنك مكنتش مصدق بس هي حاولت بكل الطرق انها تثبت عليكي انك هربتي واخدتي المال والدهب وانك ضربتيها وكنتي هتقتليه لما حاولت تمنعك

فيروز

اقسم بالله العظيم ما حصل انا اول مره اسمع عن الي بتقوله دا انا ليه هعمل كده اصلا دا انا كنت واخده يومين محبوسه في اوضتي اول ما سمعت خبر وفاه يوسف هعمل كده ليه وازاي

رافت

احنا عارفين انك مظلومه وعشان أكده دورت عليكي كتير لجل ما ارد اعتبارك وسط الخلق وفي البلد كلاتها وكمان لجل ما ارجع لك حقك في ورثك انتي وبتك

فيروز

انا لا عاوزه ورث ولا عاوزه حاجه منكم خالص سبيوني في حالي اربي بنتي بعيد عن المشاكل والمكايد الي بتحصل انا عاوزه اربيها في جو نضيف بعيد عن الغل والحقد وصدقني يا عمي انا عمري ما فكرت اني احرمك منها وفي اي وقت تحب تشوفها تعالي وانا مش همنعك

رافت بغضب

هو انتي طرشه ولا حاجه ما قولنا عيالنا احنا أولي بيها من الغريب ولو كنتي فاكره أننا هنهمل البت ابقي غلطانه

فيروز بغضب مماثل

هو حضرتك بتزعق ليه وبعدين أما مش وجهتلك كلام انا كلامي مع عمي

رافت بغضب

انتي كمان بنعلي صوتك علي…

فيروز بخوف من غضبه

لا انا مقصدش بس هو حضرتك الي عصبتني

علام

بكفياكم نقار في بعض كيف الضراير مش عملين ليا حساب ولا ايه تكونوش شايفيني عيل قدامكم عمالين تزعقوا لبعض

رافت

معلش يا ابوي أصلها هي الي تخلي الواحد يخرج عن شعوره بحديتها الماسخ الي كيف السم ديه

فيروز

يا سلام وانت الي كلامك سكر يعني ما انت كمان بتحدف دبش

رافت

شوفت يا ابوي الحديت اني مش خابر اخوي كان عايش كيف وياها دي

فيروز

انت هتلبخ ولا ايه متحسن ملافظك وبعدين انت محسسني أن اخوك كان متجوزني غصب

رافت

لا وانتي الصادقه كان متجوزك تخليص زنوب

فيروز

شوفت يا عمي الكلام الي يفور الدم

علام

حقا ما ليك حق يا رافت دي فيروز مفيش منها يا ريت كل البنات كيف فيروز دا يوسف طول عمره يقول انها كيف البلسم

فيروز

قول له يا عمي

انجي

وبعدين معاكم اخرت الي بيحصل دا ايه بالظبط انا اعصابي باظت

رافت

آخرته كل خير والي احنا عاوزينه هيتم ولا ايه يا ابوي

علام

فيروز يا بتي انتي ليكي حدانا حق وورث انتي وبتك ولازمه تخديه مينفعش تبقي انتي وبتك اهنيه وتسيبوا حقكم يعني يرضيكي بعد العمر ديه كله معرفش ادي بت ولدي ومرته حقهم طب هقابل ربنا ازاي وهقول يوسف ايه لما اروح له أقوله معرفتش ارد حق مرتك وبتك يرضيكي ديه

فيروز

لا يا عمي ميرضنيش بس انا

علام

مفيهاش بس طوعيني وعاودي معاي البلد وخديها مني كلمه وعهد مفيش حد هيقدر يهوب ناحيتك ولا يقول عليكي كلمه واحد طول ما اني علي وش الدنيا انتي وبتك في حماتي وحمايه ولدي رافت من بعدي ولا ايه يا رافت

رافت

الي تشوفه يا ابوي بت اخوي ومرته الي يمسهم يمسني دول مهما كانوا عرضي ولحمي وحمايتهم واجبه علي لحد اخر نفس

علام

هااا قولتي ايه يا بتي

فيروز بصت لأختها الي هزت دماغها بالموافقه

فيروز

قولت حاضر يا عمي انا عرجع معاكم البلد انا ورزهره

علام

بسم الله ماشاء الله زهره وهي زهره ربنا يطرح فيها البركه ويجعلها خلف صالح تعيش وتكبر في عز جدها وعمها

في الصعيد

فاطمه

وبعدين يا عمتي هنعمل ايه دلوق

رجاء

هنعمل ايه يعني ما انتي الي خايبه وخبتك موردتش علي حد من ميته وانتي بتفكير لحالك يا خايبه رايحه تبعتيلها رساله تحزريها طب قولك ايه اهم بردك جبوها وجايين في الطريق

فاطمه

يعني كنت اعمل ايه يعني اني اعرف منين أنهم هيلحقوها ومش هقدر تهرب منيهم اني كل الي جيه في بالي انها اول ما تقرأ الرساله هتمشي وتغور في أي داهيه تاخدها

رجاء

داهيه لما تاخدك وتريحني منك ومن فقرك اني مش خابره ليه كل ما اجي اعدلها تتكركب فوق دماغي بعد ما قلت خلاص ربنا صلح حال يوسف ورافت سابله الشغل وسافر راح ولدي المعدول يتجوز من بعدين من وشك الفقري وطلعت بومه وولدي اتخطف في عز شبابه ورافت كوش علي كل حاجه

فاطمه

والعمل يا عمتي هنتصرف كيف دا رافت ناوي يتجوز فيروز

رجاء

رافت ديه ديب ملوش ماسكه بيتمسكن لجل ما يتمكن عاوز يطمن أن الورث والمال كلاته يفضل في عبه فضل يدور علي فيروز لجل ما يرجعها لا وكمان عاوز يتجوزها قال ايه وصيه اخوه فاكرني عبيطه عشان اصدق بس هقول ايه واد نبويه لعبها صح وكسب الورث بس علي مين مبقاش اني لو محسرته علي كل شئ وبكره هنشوف

فاطمه

واني يدي في يدك يا عمتي ومعاكي في الي تشوري بيه

ياترى ناويين علي ايه🤔

وصلوا البلد والناس كانت في استقبالهم ورافت عملهم حفله وضرب نار ودبايح فرحه رجعوهم بسلامه وكمان عشان فيروز خلفت والكل كان بيبارك وفرحان

فيروز بسعاده وهي شايفه اوضه الاطفال بتاعت زهره واللعب الي فيها

كل دا علشان زهره يا عمي انا مش عارفه اشكرك ازاي دي تجنن

علام.

مش اني الي استحق الشكر رافت هو الي وصي علي كل حاجه وكان عامل حسابه من كل ناحيه وعمل اوضتين واحده بناتي والتانيه صبياني وكمان عمل حسابك فيها لجل ما تكوني جارها ووصي يتعمل ليها ليله كبيره لكل اهل البلد وكل وشرب لحد الصبح هو احنا معانا كام زهره دي اول حفيده في العيله

علام مشي وفيروز دخلت الأوضه ولقت رافت شايل زهره وبتضحك معاه

فيروز بهدوء

شكرا لحضرتك تعبناك معانا

رافت وهو شايل زهره وبيلعبها

تعبكم راحه كفايه علي اني شايل بين يدي حته من اخوي الغالي وشهد الله اني لو طلبت م ايه مني هيكون تحت رجليها طالما في مقدرتي انا وكل الي في البيت تحت امر الاميره زهره نواره عيله الاسيوطي

فيروز بفرحه

ربنا يخليك ليها واسفه لو صدر مني كلام يزعلك

رافت

واني كمان حقك علي لو كنت عليت صوتي عليكي بس غصب عني اصلي اني

فيروز بمقاطعه

بتتعصب بسرعه النفاسه اكمنك ابن سبعه مش هو دا الي كنت هتقوله

رافت باستغراب

وه وانتي عرفتي منين الي اني هقوله

فيروز

اصل يوسف الله يرحمه مكانش ليه سيره غيرك تقريبا كان بيتكلم عنك 24ساعه يمكن عشان كده انا عرفت عنك شويه حاجات كده

رافت

الله يسامح يا اخوي ويا ترا قالك ايه تاني مهو اني خابرع زين وش فضايح وميسترش علي حد واصل

فيروز بضحك

لا متخافش هو مقالش حاجه تاني مهمه يعني

رافت

لا والله طالما ضحتكي أكده يبقي قالك اني خابره الي يتحدت معاه كانه بيتحدت مع اذاعه الشرق الأوسط يعني ارحمله يفضح نفسه في فرح ولا يحكي ليوسف

فيروز ضحكت من قلبها ورافت سرح في ضحكتها وعي اخدت بالها من نظراته وطلعت تجري برا

الاوضه

رافت

وه عليك يا رافت مالك يا واكل ناسك اول مره تشوف حرمه بتضحك ولا ايه شكلك هتخيب يا عويل

فيروز وهي طالعه خبطت في رجاء

رجاء

مش تفتحي يا واكله ناسك وه مين مرات الغالي

فيروز بصدمه

الحاجه رجاء

ياترا ايه الي مستني فيروز 🤔🤔

رجاء

كيفك يا مرات المرحوم ايه مالك وشك اتخطف أكده كيف ما تكوني شفتي عفريت ايه مكنتيش رايده تشوفيني تاني ولا ايه

فيروز

ازي حضرتك

رجاء

حضريتي بخير علي طول انتي كيفك سمعت انك قالي ايه كنتي حبله وولدتي صوح الحديت ديه

فيروز

قال يعني متعرفيش

رجاء

اني وهعرف منين كشفت عليكي اياك ولا قالولك علي بشم علي ضهر يدي

فيروز بسخريه

غريبه دي امال مين الي كانت عاوزه تسقطني اول ما يوسف بالغها بالخبر ووصته ساعتها ميقولش لحد بحجه انها خايفة علينا قال من الحسد وهي بتعمل كل دا عشان تنزل البيبي وعشان افضل في نظر الكل ارض بور وكمان عشان تفضلي تعايري فيا في الطلعه والنازله مش حضرتك برضوا ولا انا متهيالي

رجاء

اعدمك لو كنت اعرف حاجه عن الي بتقولي عليه ديه اني مش خابر انتي ليه ظلماني أكده بق اني اعمل أكده في مرات ولدي الغالي وولده دا اني اول ما عرفت كنت هطير من الفرحه ومن اول ما سافروا واني مستني واد ولدي علي نار لجل ما اشوفه وأملي عيني بطلته الا هو فين مش وعياله معاكي يعني

فيروز

زهره نايمه جوه في اوضتها معلش اصلي جيبت بنت

رجاء

بت جيبتي بت يا خيبتك من وسط الحريم يعني بعد الصبر ديه كله ولدي تاجيلوا بت تبقي هي زكرته وباقي سلساله من الدنيا اني قلت انك بومه ومفيش خير ياجي من وراكي يا شوم ما جبتي

فيروز ببرود

معلش يا حماتي اصلي مش انا الي جبتها دي اراده ربنا اعترضي بق انتي علي اختاره ورزقه الي رزقني بيه انا لو عليا فأنا راضيه والحمد لله إنما انتي دي مشكلتك

فيروز قالت كده ومشيت

رجاء بغضب

اه يا بت المركوب والله وطلعلك صوت يا اسكندرانيه وبقيتي تعرفي تردي علي ماشي الايام بينا شكلها طويله هنشوف هتصبر لحد ميته

مر اسبوع بدون احداث وفي يوم

علام

وبعدين يا ولدي مش ان الاوان تفاتح مرات اخوك في موضوع جوازك منيها البت لساتها صغيره ومش هينفع تقعد أكده من غير جواز وانت قلت انك موافق تتجوزها يبقي ليه التأخير يا ولدي دي مرات اخوك وانت أولي بيها من الغريب ولا ايه

رافت بتنهيد

والله يا ابوي اني رايد اقولها بس خايف ترفض ومتوافقش

علام

ترفض ليه عاد هي تلاقي احسن منك فين عاد دا انت زينه شباب البلد ومتعلم يبقي ترفضك كيف

رافت

معرفش بس الجواز لازمن فيه القبول يعني اني مش هغصبها لجل ما تجوزني يا ابوي

علام

لو حصل وقلت عقلها ورفضت الله في سماه ما تقعد فيها تاني تغور مطرح ما جات بس بطولها يعني ملهاش بت تبقي ترجع بلدها وتجوز وتنسي انها خلفت من اساسه اني بت ولدي ميربهاش الغريب

رافت

مش أكده يا ابوي الأمور متتحلش أكده اني لو وافقت علي جوازي منها فديه لجل خاطر اخوي ووصيته الي واصاها لي قبل ما يقابل وجه رب كريم وكمان لجل ما اربي بته عشان أكده اني وافقت اتجوزها بس مش بالغصب برضا يا ابوي بالرضا

علام

اني معرفش الي بتقوله ديه اني الي اعرفه ان الحرمه الي جوزها يروح ويهملها يبقي اخوه أولي بيها خصوصا لو معاه عيال منه انما لو بطولها اني مكنتش قبلت انك تتجوزها

رجاء دخلت عليهم

جر ايه هو كل يوم الاجتماع المغلق ديه بقالكم اسبوع تدخلوا وتقفلوا عليكم الباب وعمالين تتوسوسوا خير مش تقول فيه ايه بدل شغل الدس ديه

علام

وهو انتي مخبراش فيه ايه ولا جواسيسك الي في البيت بطلوا يصنتوا علينا

رجاء

حقي عندك يا رب دايما ظالميني بس هقول ايه ربنا عالم

رافت

هسيبك اني يا ابوي وبعدين نبقي نتحدت

رجاء

جرا ايه يا رافت مالك كيف ما تكون شفت عفريت من ساعه عز المرحوم يوسف وانت قالب وشك من ناحيتي هو اني عملتلك حاجه ولا ايه

رافت

حاشا لله يا حاجه اني بس مشغول الايام دي عشان أكده تلاقيني مش فاضي اتحدت ولا اقعد في البيت

رجاء

امممم طيب اه صوح عملت ايه في موضوع جوازك من الغنوره مرات المرحوم