تحميل رواية «عريس بالغلط» PDF

‏ازاي قابلها على نفسك تعيش معاية وانت عارف اني مش طايقاك انت مبتحسش يااخي

‏حور ياريت تلتزمي حدودك معاية ف الكلام انتي عارفة كويس اوي اي الي وصلنا لكدا واني زي زيك الفرق اني كنت بحاول اساعد وانتي مش بتعملي حاجة غير انك تهدي الي باباكي حاول يعمله عشان يوم فرحك ميبقاش يوم فضيحتك ف لو سمحتي اسكتي وخليني ساكت

‏انت قصدك يعني انك تمن عليا عشان انقذتني لا اوعى تحلم بأن يكونلك فضل عليا كان في ميت واحد غيرك يتمنوا بس اني ابصلهم وبعدين انتو الي عملتو كدة متفتكرش اني معرفش

‏اتجاهل كلامي وحاول يمسك اعصابه ورد عليا من بين سنانه

‏تمم ياحور اتفضلي دي هتبقى اوضتك ودي اوضتي لو احتجتي حاجة قوليلي

‏سابني ومشي وفضلت واقفة بفستان فرحي في الصالة عمالة افكر ايه الي وصلني لهنا انا ليه حصلي كدة

‏انا حور عندي 23سنة في هندسة ديكور والي كنت بكلمه دا احمد ابن عمي عنده 28 سنة مهندس ديكور بردو متستغربوش تقريبا دي مهنة عيلتنا اصلا وطبعا واضح ان احنا اتجوزنا النهاردة بس مغصوبين

‏دخلت الاوضة الي شاورلي عليها واول حاجة عملتها غيرت هدومي واترميت على السرير كان التفكير مش سايبني ف حالي ابدا بفكر ف حياتي بعدين ازاي هتمشي هعمل ايه متجوزة واحد عمري اصلا مافكرت فيه وتعاملي معاه كان شبه معدوم كان النهاردة المفروض يكون اسعد يوم في حياتي اتحول لأتعس يوم ف عمري كله محستش امتى نمت وصحيت على صوت خبط خفيف على اوضتي

‏حور اصحي يلا اهلنا جاين

‏قومت وانا بحاول استوعب انا مين اصلا لان من عاداتي النيلة اني بصحى فاقدة الذاكرة اصلا فتحتله

‏نعم عايز ايه

‏معرفش ليه فضل باصصلي شوية بعدين قالي ان اهلنا جاين واني لازم اخرج استقبلهم

‏غيرت هدومي وخرجت

‏علفكرا انا عملت فطار كلي يلا قبل مايجوا عشان متتعبيش

‏شكرا مش بفطر

‏مينفعش كدة ممكن تتعبي

‏قولتلك مش بفطر انا متعودة مبحبش اكل الصبح كدة

‏تقريبا صوتي علي مني شوية وانا بتكلم

‏خلاص ياحور براحتك اهدي

‏طيب

‏سمعت الجرس وهو راح يفتحلهم لقيت اهله جم واهلي بس بابا مش موجود معاهم هه هستنى ايه بعد الي عملو فيا اكيد مش هيجي

‏قعدنا معاهم بعد كم ترحيبات وتوصيات كتير زي مانكون عرسان بجد قال يعني ميعرفوش ايه سبب جوازنا قومت اعملهم حاجة يشربوها

‏ايه يبنتي مالك ليه ساكتة

‏ماما انتي عارفة ف بلاش تعملي مش واخدة بالك اخرجي لو سمحتي للضيوف انا مش عايزة اتكلم وانا جاية اهو

‏مش خارجة قبل ماعرف في ايه يعني لكل دا ليه محسسانا ان الي حصل ذنبنا احنا

‏لا والله ماهو فعلا كدة ولا فاكرني معرفش

‏متعرفيش ايه ماتفهميني يابنتي عايزة تقولي ايه

‏لحد كدة ومقدرتش اسكت وعليت صوتي شوية من غير ماقصد وانا مش واخدة بالي من الي واقف ورا ماما دا

‏والله على اساس انك متعرفيش ان عريسي اتبدل..

انتي فاكراني معرفش انكم بعدتوا عني معاذ وانتو الي اجبرتوه ميجيش ويسبني كل دا لييه عشان شايفين انه مش كويس واجبرتوني اتجوز واحد كل الي اعرفه عنه انه ابن عمي

احمد مداش لماما فرصة انها ترد وادخل

لو سمحتي ياحماتي سيبيني معاها شوية انا هفهمها

خرجت ماما وسابتنا

بصي بقى انتي تفكري بالي تفكريه ميهمنيش دلوقتي يلا نخرج للناس الي برا دي وانا هفهمك كل حاجة بس بعدين

خرجنا وبعد وقت وكلام انا منتبهتش لاي حاجة فيه اصلا مشيوا

اتفضل بقى فهمني اهو بقينا لوحدنا اظن ملكش حجة

تمم الي هقوله عارف انه صعب عليكي وصعب عليا كمان لكني مجبر انتي لازم تعرفي الحقيقه

مهتمش اعرف ليه صعب عليه ورديت بعلو صوتي

حقيقه ايه انتو هتكدبوا الكدبة وتصدقوها انتو الي عملتوا كدة ف بلاش دور المنقذ دا مش لايق عليك

انا لحد دلوقتي ماسك اعصابي بالعافية ف ربنا يديهكي استني واسمعي انا فعلا كنت جاي احضر فرحك زي اي ضيف وامشي بس فجأة من غير ماقصد سمعت عمي بيتكلم ف التليفون وهو متعصب وبيزعق ولما قفل دخلتله

فلاش باك

مالك ياعمي خير في حاجة لاقدر الله

العريس يااحمد مش عايز يجي انا حاسس ان هيجرالي حاجة هعمل ايه دلوقتي ف المعازيم الي برة دي انا كدة هتفضح انا وبنتي

طب اهدى بس ياعمي وكله يتحل ان شاء المولى عز وجل طب الكلب دا هرب ليه ايه الي حصل

بيقولي انه مش بتاع مسؤلية وان امه هي الي كانت غاصباه يتجوز بنتي انا مش عارف اعمل ايه هو فاكر بنات الناس لعبة حسبي الله ونعم الوكيل

عمي انا هتجوزها

انت بتقول ايه يبني وانت ذنبك ايه بس

دي بنت عمي والي يمسكم يمسني ياعمي وربنا امرنا نساعد اي حد ف ضيقة وانا اوعدك اني هشيلها فوق راسي دي وصية الرسول صلي الله عليه وسلم ولو هي بعدين حبت تتطلق هطلقها

يبني انت متأكد انا مش عايز اغصب عليك دي مهما كان مسؤلية جواز وانت ملكش ذنب ولادخل فيها

ليا ياعمي زي ماقولت لحضرتك دي قريبتي والي يمسكم يمسني

تمام يبني يلا نخرج لحسن الناس تحس بحاجة وجميلك دا هفضل شايله عمري كله

حميل ايه بس ياعمي ربنا يديمك يلا بينا للمعازيم

بااك

واتفقنا وخرجنا كتبنا الكتاب والباقي انتي عارفاه باباكي غصب عليكي تمضي لما عرفتي ان العريس انا

وانت طبعا عايزني اصدق الهبل الي بتقوله دا انا ومعاذ بنحب بعض ولايمكن يتخلي عني وهو الي جالي مش امه الي غصبته انت كداب وكلكم كدابين انتو الي اجبرتوه يسبني وبابا اتفق معاك وبلاني بواحد معقد زيك ومعرفش عنه حاجة غير انه ابن عمي

انا قولت الي عندي وانتي حرة تصدقي او لا وحسك عينك اسمعك بتجيبي سيرة اي راجل تاني قدامي احترمي انك بقيتي مراتي ياحور

وسابني وخرج ورزع الباب وراه وانا مقدرتش امسك نفسي اكتر من كدة وسبت دموعي تنزل بحرية على خدودي

هما اكيد بيكدبوا معاذ بيحبني ولايمكن يعمل كدة

قومت جبت تليفوني ورنيت عليه وانا بتمنى انه يكدب كل الي قالوه ويعرفني انه لسة بيحبني ومتمسك بيا بعد مدة كبيرة رد عليا

الو معاذ حبيبي انت فين ليه سبتني طب انت كويس هما عملوا فيك حاجة انا عارفة اكيد هما الي خلوك تبعد عني ياحبيبي صح وهما الي قالوا موضوع مامتك دا انت لسة بتحبني وعازيني صح

احب مين ياماما دا كان وقت تسلية وخلاص وانا جيت خطبتك بعد مافشلت اني اخد منك حاجة قبل الخطوبة كل ماجي اقربلك تقولي حرام ومينفعش وانك حاسة بالذنب بسبب كلامنا ياست الشيخة ملقتش قدامي غير اني اتقدملك قولت يمكن تليني فالخطوبة بس بردو كنتي عاملالي فيها المحترمة وانا بصراحة يابيبي مليش ف الجواز والمسؤلية الهبلة دي ف قولت اي حاجة لباباكي عشان اخلع متفكريش تكلميني تاني الا بقى لو عايزة نرجع حبايب تاني بس من غير جواز معنديش مشكلة ياقمر

انت بني ادم ق.. ذر وانا اتغشيت فيك انا كنت فاكراك بتحبني بجد اتاريني كنت هبلة انا الي مش عايزة اعرفك تاني متحاولش توصلي تاني ياحيو.. ان

قفلت معاه من غير ماسمع رد وقتها انهارت عرفت اد ايه انا غبية وسلمت قلبي للي ميستحقوش فضلت اعيط ندمانة على حبي لواحد ميستاهلش زي دا انا ظلمت بابا واحمد هو انقذني من الفضيحة واحدة عريسها هرب وسابها عشان عبيطة وسلمت قلبها اااه يارب نمت مكاني من غير ماحس وصحيت على احمد وهو بيشلني يدخلني اوضة بس دي مش اوضتي وحطني على السرير براحة كنت مابين نايمة وصاحية ف كملت نوم

صحيت تاني يوم بدري لقيت احمد قاعد قدامي وباصصلي

ايه في ايه انت قاعد كدة ليه وخدت بالي اني ف اوضته

انا اي الي جابني هنا

اهدي اهدي انا جبتك لما نمتي برا معلش دي اول اوضة قابلتني ف دخلتها خفت تصحي وانا شايلك وانا نمت ف الاوضة التانية بس لما صحيت حيت هنا عشات لبسي

مكنش فيا حيل اجادل ابدا

تمام بعد اذنك

قومت دخلت الحمام خدت شاور وخرجت لقيته محضر الفطار وبيفطر

هتاكلي ولا لا بردو

قعدا قدامه بهدوء معرفش ليه يمكن عايزة اعوضه عن قلة ذوقي ف الكلام معاه بعد ماعرفت بالجميل الي عمله معاية حاولت اتكلم معاه عشان اعرف ايه مصيرنا دلوقتي

احم احمد انا عايزة اعرف دلوقتي احنا هنعمل ايه انت مش مضطر تفضل متجوزني كدة انت اتجبرت تتجوزني ومن حقك تطلقني وقت مانت عايز انا مش هلومك انت عملت الي عليك وانا متشكرة ليك

حسيت انه متردد ف انه يرد عليا بس بعدها بشوية رد

مع اني مستغرب هدوءك دا واقتناعك بكلامي بس مش هضغط عليكي واسال ازاي بس عايزك تعرفي اني محدش بيجبرني على حاجة انا الي بعمل الحاجة لما اعوز او احب اعملها ويوم فرحك كنت اقدر اقنع المعازيم اننا كتبنا الكتاب ف الخطوبة والنهاردة الفرح بس ولما يخلص كل واحد فينا يروح لحاله ومكنش حد هيحس

قصدك ايه انا مش فاهمة حاجة طب ومدام كدة ليه اتجوزتني انت شايفني لعبة ف ايدك عشان تربط مصيري بيك وانت كنت قادر تعمل غير كدة

حور كل الي اقدر اقوله اني اسف على الي حصل بس دا مش ذنبي وانتي عارفة مين الي عمل كدة كويس

وسابني وخرج وانا فضلت مكاني بحاول استوعب يعني ايه الكلام الي قاله ازاي محدش جبره قومت ورتبت مكانا وانا بالي مشغول وفضلت طول اليوم قاعدة على الكنبة مستنياه يفهمني بدل منا دماغي هتتفرتك من التفكير كدة

سمعت صوت الباب بيتفتح متحركتش لحد ماجه وقف قدامي ومد ايده ليا بشنطة

اتفضلي وانا خارج نسيت اسالك لو عايزة حاجة ف جبتلك دول وانا جاي عشان عارف انك بتحبي الشوكلاتة والحاجات دي

خدت الشنطة من ايده ورميتها جنبي

انت ازاي بتتعامل كأننا اتنين متجوزين طبيعي انت مش حاسس بالموقف الي احنا فيه

لقيه سكت ودخل اوضته من غير مايرد عليا فضلت واقفة شوية بعدين قررت اني ادخله لازم نلاقي حل لوضعنا دا

فتحت عليه بسرعة من غير مااخبط لقيته بيصلي وقفت وانا متابعاه وحاسة اني مش قادره اتحرك صوته ف القرأن مليان خشوع خلص صلاة وانا واقفة مكاني لقيته بيطلب مني اقربله قربت وانا مترددة وهو خدني قعدني قدامه وبدأ يسبح ويستغفر على ايدي وبعد ماخلص باس ايدي وفضل ماسكها

انتي بقى ازاي تدخلي اوضتي من غير ماتخبطي

رديت وانا باصة لعنيه وحاسة اني نسيت كنت عايزة ايه

ان انا اسفة مكنتش اقصد انا كنت عايزة اتكلم معاك

خدت بالي فجأة من وضعنا ف شديت ايدي منه وبصتله تاني لقيته مبستم بطريقة ربكتني ف زعقت وانا بتكلم بتلعثم

انا عايزة اعرف دلوقتي انت تقصد ايه بكلامك واتجوزتني ليه من اصله انت عايز مني ايه يااحمد

سكوته طال وهو باصصلي وبعدها خد تنهيدة طويلة

الي عايزه منك اني....

الي عايزه منك ياحور اني

سكت ومكملش كلامه وقام عشان يخرج

استنى يااحمد مش كل مرة هتسبني وتخرج احنا لازم نتكلم انا مش عارفة حالنا هيوصل لايه قاعدة تايهة اتجوزتك من غير ماعرف وكل حياتي دي مكنتش من تخطيطي كله جه فجأة وانا تعبت عايزة اعرف اتجوزتني ليه ازاي قبلتها وعايز مني ايه دلوقتي ليه منطلقش وخلاص انت ليك حياتك ايه الي يجبرك تكمل معاية وانت اتجبرت عليا

فجأة لقيته زعق كنت اول مرة اشوف احمد بالشكل دا

عايزة تعرفي اتجوزتك لييه طبعا مانتي متعرفيش مكنتش تعرفي اني من اول ماوعيت على الدنيا بحبك من وانتي لسة بضفاير ولما كبرت حاولت احافظ عليكي واتقي ربنا فيكي عشان تبقي من نصيبي لكني الظاهر اتأخرت لقيتك بتقولي انا بحب كنت عايزاني اعمل ايه وقتها لما الاقيكي بتتخطبي لواحد بتحبيه وفاكرة انه بيحبك

اتصدمت احمد يعرف كل دا منين العيلة كلها متعرفش غير ان معاذ واحد اتقدملي وانا وافقت واتصدمت اكتر ازاي بيحبني انا عمري ماحسيت بكدة

مالك مصدومة كدة ليه طبعا مانتي متعرفيش ان الاهبل الي بيحبك كان متابع اخبارك اول بأول وكنت عارف انه مش بيحبك بس مكنتيش هتسمعي مني انتي الي اتضرتيني اني اعمل كدة

عملت ايه يااحمد اوعى تكون انت الي

ايوة انا لما اشوف واحد بيضحك عليكي ويوهمك بالحب لازم اتصرف روحتله وكلمته وعرفت انه ناوي على كدة يعني اصلا مدانيش فرصة ابعده هو كان هيهرب من نفسه لكن لو مكنش هيهرب كنت هجبره يبعد لان الي زي دا انا مأمنش عليكي معاه ياحور انتي جوهرة مش اي حد ياخدك

كل دا حصل وانا الهبلة الي وسطكم ومش فاهمة حاجة ومدام عارف من الاول انه بيضحك عليا ليه مقولتش ولا لا ازاي لازم تستنى لاخر لحظة عشان تعرف تتجوزني صح مش كدة هو دا الي كنت بتفكر فيه

لقيته مرة واحده هدي وبص ف الارض

لا مش صح ياحور كنت بفكر انقذك لانك مكنتيش هتصدقي انتي برغم انك كنت حاطة حدود بينك وبينه بس بردو كنت بتحبيه وانا كان لازم اتصرف بأي طريقة وهو دا الي حصل ولو انتي عايزة تطلقي براحتك هعمل الي يريحك بس استني شوية عشان الناس متقولش عليكي حاجة وانسي كل الي قولتهولك

وقفت مكاني مش عارفه ارد بأيه انا ايوة كنت عايزة نتطلق بس لما هو قالها معرفش ليه زعلت حسيت ان حاجة كبيرة بتروح مني وهو سابني ودخل اوضته ينام

دخلت اوضتي وانا بفكر ف كل الي حصل انا فعلا غلطت من الاول مكنش ينفع يحصل كل دا حتى لو كنت بحط حدود بيني وبين معاذ مكنش هيفرق لانه من الاول اصلا غلط انا كان المفروض موافقش اكلمه ولو حتى كلمة وانا بفكر وقاعدة سمعت اذان الفجر قومت اتوضيت وفرشت المصلية وصليت وانا بصلي افتكرت اد ايه كان ربنا بيبعتلي علامات عشان معصيهوش وانا فضلت مكملة افتكرت اوامر ربنا الي معملتهاش بأني مكلمش اجبني عني حتى لو بحدود زي مابقول انا سمحتله يتمادى هو ف الكلام ويعبرلي عن مشاعره ف وقت مكان يقدر يتقدم ويقولها وانا حلاله خلصت صلاة وفضلت مكاني بستغفر وادعي بالتوبة والهداية الي كانو اهلي دايما معوديني عليها وانا تغضايت عن بعضها وافتكرت وقتها احمد وهو بيستغفر ويسبح على ايدي وقارنت بينه وبين معاذ غصب عني وعرفت اني كنت هوقع نفسي ف بلوة ربنا نجدني منها وبعتلي احمد خلصت وقومت عشان انام لقيت احمد بيفتح باب الشقة ويدخل

ايه دا انت كنت فين وخرجت ازاي وانا محستش بيك

اهدي في ايه كنت بصلي

تمام

دخلت وانا مكسوفة من اندفاعي ف السؤال كدة ونمت

صحيت الصبح لقيته كالعادة ف المطبخ وبيجهز الفطار مكنتش عارفة اتعامل معاه اوي بعد الي قاله بأنه بيحبني و معرفش ايه الي خلاني اتسحب من لساني

استنى روح انت كمل لبس وانا هحضرلك الفطار

هز راسة بشكر من غير مايرد عليا اصلا تقريبا كدة هنقضي الوقت الفاضل مع بعض ساكتين كل وخرج بعدها على الشغل وانا وضبت الشقة وقعدت مكنتش لاقية حاجة اعملها لقيت الباب بيخبط فتحت وكانت اخته الي هي اصلا صاحبتي

العروسة الي سايباني ومش معبراني ولابتسأل

عاملة ايه يامريوم ادخلي تعالي انا اصلا لوحدي

لا لا ماما بتقولك تعالي انتي عندنا فوق احتا ياستي اتكرمنا عليكم وعازمينك انتي وجوزك على الغدا

معلقتش على كلمة جوزك الي معرفش ليه فرحتني اصلا ولبست وطلعت معاها لان بيتهم فوق بينتا ودي حاجة عكس بنات كتير بتفرحني لاني بحس بأننا عيلة كبيرة ولمة حلوة ودا بيبسطني

دخلت عندهم ومامته رحبت بيا وسلمت عليها وقعدنا انا ومريم نرغي بلا هدف ف أي حاجة

بس عارفة انا الي بجد مبسوطه دلوقتي

ربنا يبسطك اكتر ياست مريم بس دا من ايه بقى

عشان اتجوزتي احمد طبعاً ولا انتي ناسية انا اد ايه كان نفسي تبقوا لبعض وانا ابقى عمتو الشريرة وخالتو الطيبة ف نفس الوقت

هههه عمتو وخالتو مرة واحدة بس ياهبلة

مامتها نادت عليها عشان تساعدها وأنا مجرد فضول يعني روحت اتلفت ف الشقة وبصدفة جدا يعني لقتني قدام اوضته فتحتها ودخلت كانت حلوة وهادية زيه ومترتبة اكتر من حياتي شخصيا وف عز انبهاري بأوضته وترتيبها لقيت على مكتبه كتاب بأسمي ولسة بفتحه

انتي بتعملي ايه هنا..

انتي بتعملي ايه هنا

لما سمعت صوته فجأة ورايا خبيت الكتاب ورا ضهري بسرعة ولفتله

ولا حاجة انا بس كنت بسلي نفسي عشان طنط مرضتش اني اعمل حاجة لان هما خلصوا وكنت يعني بس والله ماقصدي اتدخل ف حاجتك بس كنت بعمل اي حاجة لحد مامريم تيجي

رد بضحك بس بس خلاص مالك محصلش حاجه لكل دا يابنتي يلا عشان ماما بتنادي ومعلش اسف لو اتأخرت عليكي النهاردة بس الشغل كان كتير

لا ولايهمك يلا

خرج قدامي وانا مقدرتش ماخدش الكتاب معايا بصراحة حطيته ف الشنطة الصغيره الي كانت معايا وخرجتلهم وقعدنا كلنا

تسلم ايدك ياماما الاكل حلو جدا

يسلمك من كل سوء ياحبيبي شوفت حور كانت عايزة تدخل المطبخ يصح كدة دانتي عروسة جديدة ياحبيبتي مينفعش

والله ياماما هي حور بصراحة اكلها يجنن

طبعا منا عارفة انت ناسي لما كانت بتيجي لاختك تزونا كانت بتعمل اكل حلو شبها

تسلميلي ياطنط والله بنتعلم منك

يابت يابكاشة

هههههه لا لا كله الا صاحبتي

حبيبتي حبيبتي وربنا

خلصنا اكل وقعدنا معاهم شوية وبعدها نزلنا شقتنا

شكرا انك محسستيش ماما بحاجة

العفو انا معملتش حاجة طنط دي ماما التانية اصلا

ربنا يديمك لينا كلنا

منكرش اني بدأ قلبي يدق كل مايكلمني وفرحت بكلامه عند طنط ودلوقتي بس بردو حاسة ان مينفش احنا جوازتنا كانت من اولها متلغبطة اصلا وهو اه بيحبني بس دا كان زمان لكن دلوقتي هو قال انه مستعد يطلقني حاولت ابطل تفكير ودخلت غيرت هدومي وخبيت الكتاب بينها عشان اقرأه لما يخرج

عايز حاجة مني ولا هتدخل تنام

لا شكرا انا هدخل اخلص شوية شغل وبعدها هنام نامي انتي تصحبي على جنة

دخلت وكنت حرفيا هموت من النعس نمت ومدرتش بنفسي غير وهو بيصحيني

اي في ايه

معلش اسف لو خضيتك بس لقيتك مقومتيش على صلاة الفجر ف دخلت اصحيكي قبل مانزل

اه فعلا كنت تعبانة شوية ف محستش بالمنبه خالص

اتكلم بلفهة استغربتها

مالك تعبانة ليه فيكي ايه

ولا حاجة مجرد اني بس كنت النهاردة بوضب الشقة كلها وكدة مش اكتر

ياحبيبتي متتعبيش نفسك بعد كدة لما تيجي تعملي الشقة قوليلي اساعدك

رديت بهمس سمعه

حبيبتك

احم يلا قومي انا خارج

خرج وسابني بفتكر كلمته انا حبيبته يعني لسة بيحبني ولا لا انا تعبت ومش عايزة افكر ف حاجة هتوكل على ربنا وخلاص قومت صليت وخلصت وهو رجع كمل نومه وانا كمان وبعدها صحيت قبله قومت حضرت الفطار قبل مايصحى

صباح الخير ايه دا تعبتي نفسك ليه كنت انا هحضره

لا مفيش تعب ولاحاجة البس واكون خلصت

خلصنا وقعدنا نفطر بسكات كالعادة وقبل مايخرج قرب مني وباس راسي وانا حسيت اني اتكهربت

تسلم ايدك على الفطار وتسلميلي على تعبك محتاجة حاجة اجبهالك وانا جاي

ل لا شكرا تسلم

خرج وانا لسة مكاني بس فوقت فجأة لما افتكرت الكتاب وضبت المكان بسرعة عشان عايزة اروح اقرأه

خلصت وقعدت وانا ماسكاه ومترددة افتحه دي بردو خصوصية بس مقدرتش اصبر الصراحة واسمع لضميري الي عمال يأنبني دا وفتحته

اول صحفة مكتوب فيها

الى حبيبتي التي يتشتت قلبي لمجرد رؤيتها اما حان الاوان ليتقرب من معشوقته وترضين عنه

كملت ولقيته كاتب كلام كتير ليا واد ايه كان بيعاني لما يشوفني ويغصب نفسه يغض بصره عشان ربنا يباركله فيا ويجعلني من نصيبه وشعر بيوصف حبه

اتصدمت هو الكلام دا ليا بجد هو بيحبني فعلا ازاي كل دا وانا مش حاسة كان كل مايشوفني يبعد وشه عني وانا الي كنت فاكرة انه مش طايقني طلع بيحافظ عليا حتى من نفسه كل دا وانا الي غبية ومكنتش واخدة بالي منه وشغلت قلبي بحب حرام مقدرتش امسك نفسي وعيطت على كل الي فات على غبائي وحبي الي راح هدر على قلبي الي كان المفروض اسمع كلام ربنا واحافظ عليه وعلى حب نقي ربنا كرمني بيه بردو

برغم اني مستحقش اد ايه ربنا رحيم بيا سبت الكتاب وقمت صليت ركعتين لله ووعدت نفسي ببداية جديدة هرجع لنفسي القديمة حتى لو كنت بحط حدود فانا بردو كنت غلط هرجع لربنا واحاول ادي نفسي فرصة مع احمد مينفعش اخسره هو اطيب وانقى من اني اأذي قلبه الجميل ربنا جعله من نصيبي برغم كل الاسباب وانا هحاول احافظ عليه واعامله بمودة شبه مابيعاملني برغم كل الي عرفه عني وطريقتي معاه لسة بيحترمني وبيتعامل بكل حب ومودة معاية طلعت عشان ارجع الكتاب مكانه عشان مياخدش باله وقعدت مع طنط ومريم شوية ونزلت وانا مقررة اعمله الاكل الي بيحبه الي بالصدفة عرفته من مامته دلوقتي

خلصت وخدت شاور وغيرت هدومي من بهدلة المطبخ وقعدت اقرأ رواية على مايجي

عدت ساعتين وسمعت صوت مفتاحه الي بقى بيحسسني بالامان لما اسمعه معرفش امتى وازاي قومت استقبله مع استغرابه من وقفتي

ازيك عاملة ايه في حاجة اتأخرت عليكي؟

لا خالص عادي بستقبلك ايه ضايقتك

ابدا هو احنا نطول القمر يستقبلنا

اتكسفت سيكا بس خدت بالي من ايده الي ماددهالي وفيها شنطة

ايه دا

جبتلك الحاجات الحلوة الي بتحبيها

شكرا تعبت نفسك

كفاية تعبك انتي ف البيت ربنا يديمك ليا

معلقتش على كلامه بس فكرت ازاي يديمني ليك وانت مستعد تطلقني يااحمد

احم ادخل غير على مااحط الاكل

دخل وبعدها بشوية خرج

ايه دا انتي عرفتي منين اني بحب الاكلة دي

من مامتك النهاردة ف قولت اعملهالك عجبتك

جدا تسلم ايدك

بالهنا

خلصنا اكل وقومت لسة هشيل وانضف مكانا

استني بس انا هعمله

لا انت جاي من الشغل تعبان سيبه هشيله انا

مش تعبان خالص يابنتي ارتاحي انتي وانا هخلص واعمل كوبايتين شاي واجيلك نقعد ف البلكونة ولا مش حابة يعني لو وراكي حاجة قصدي يعني قولي

حاولت اكتم ضحكتي على ربكته وهو بيطلب مني نقعد سوا لا خالص مش ورايا حاجة هستناك ف البلكونة

خرجت وقعدت سرحت ف كلامه الي كاتبهولي وفيه بقالنا سوا اسبوعين مشفتش منه غير حنان وطيبة ف التعامل برغم كلامي الي كنت بعصبه فيه فضل ماسك نفسه بردو اد ايه هو بجد جميل

خرجني من تفكيري صوته

اتفضلي ياستي احلى كوباية شاي بالنعاع

تسلم ايدك انا بحبه بالنعناع اوي

منا عارف عشان كدة حطتهولك فيه

عارف منين

احم عادي مجرد تخمين عشان انا كمان بحبه

امم تخمين طيب

فضلنا ساكتين شوية وحاولت انا اقطع السكوت دا بأي كلام معرفش جبته منين اصلا بس اهو اي حاجة

احمد هو انا ممكن اقولك على اسم رواية تجبهالي بكرة وانت جاي بس لو مش فاضي عادي والله هنزل انا

دانتي تؤمرني ياحور من عنيا طبعا لو مش فاضي افضالك ابقي بس قوليلي اسمها

اتكسفت من كلامه وسكت شوية استجمع صوتي

تمام حاضر شكرا يااحمد

يحضرلك كل خير ياعيون احمد

لا بقى هو مصمم يجنني منين بيقولي كنت بحبك ودلوقتي مستعد اطلقك ومنين بيتكلم معاية بالطريقة والحلاوة دي لساني تقريباً كان يتشل لو مسألتش

هو انت لسة مستعد تطلقني

بصلي فجأة بنظرة حسيت فيها بحزن ونزل راسه وخد تنهيدة طويلة

انا عمري ماكنت مستعد لدا ياحور انا ماصدقت بقيتي مراتي انا كدبت لما قولت اني كنت بحبك ومستعد اطلقك حاولت اخليكي تنسي الطلاق واحببك فيا بس الظاهر اني غلط انتي لسة مش عايزاني ياحور صح

سكت شوية استوعب كلامه مهو متقوليش بحبك ومتوقع ارد بسرعة يااخي قلوب الناس مش لعبة وربنا رديت بعدها بفترة رد وربنا ماعرف جبته منين اصلا بس الي اعرفه اني هرضي بأختيار ربنا ليا بدل الي كنت هوقع نفسي فيه

الشاي بتاعك حلو هبقى اخليك تعملهولي دايما علفكرا وهزهقك مني

بصلي شوية بيستوعب كلامي ياعيني واتكلم وهو عينه بتلمع وصوته فيه فرحة

دانتي تطلبي الي انتي عايزاه دنا اعملهولك عشر مرات ف اليوم لجل نرضي القمر

عدا على اليوم دا تلت شهور عدو عليا بكل الحلو الي ف الدنيا معاه مع اكتر شخص قلبي حبه من يوم ماشفته وانا مش عارفة مع واحد ميهموش غير وجودي معاه وهو هيكون مرتاح ومبسوط والي فيهم قابلت معاذ بالصدفة مرة ومعاه بنت وقتها استغربتني اني ولا اهتميت عرفت وقتها ان دا مكنش حب اد ماكان مجرد تعلق وان عوض ربنا واختياره ليا اجمل بكتير النهاردة بقى قررت أبدأ معاه حياتنا بجد الفترة الي فاتت كلها كنت بحاول اتأقلم على جوازنا وانا معرفش اني اصلت وقعت ف حبه ومستعدة مش بس اتأقلم لا دنا اقضي عمري كله معاه

رجع من الشغل وانا كنت عاملاله اكلته الي بيحبها بلمستي الخاصة طبعا الا وهي ورد كتشير بقى اوفر ورد ف الشقة ومعرفش ليه جبت كتابه وحطيته ف نص الورد

وكنت بستقبله كالعادة

ايه دا هو القمر راضي عننا بقى

دايما قلبي راضي عنك وعن وجودك

ايه انتي بتتكلمي بجد

طبعا ادخل بس غير وانا مستنياك

قعدنا كلنا مع غزله الكتير واعجابه بالي عاملاه وبالاكل وفيا قبل اي حاجه طبعا

وانا كنت مغطية الكتاب بالورد وهو بياكل شيلت الورد من عليه لسة بيبصلي عشان يتكلم لقى الكتاب قدامه

ايه دا انتي جبتي الكتاب دا منين

احم من عندك مش هو ليا عليه اسمي

اا اه ليكي بس مكنتش هدهولك دلوقتي هو انتي فتحتيه

وانت بقى قلقان من اني اكون فتحته ليه

احم ولا حاجة هقلق ليه يعني يلا هاتيه بقى

الله مش قولت ليا خلاص هاخده اهو

اه ليكي بس مش دلوقتي هاتيه ياحور يلا

كنت بحاول استفزه عشان يقول هو ايه الي في الكتاب مالك يااحمد ماله الكتاب مش لازم تغلفه يعني

‏لا معلش لازم تاخديه بطريقة حلوة هاتيه بقى

‏لا ياسيدي انا حاباه كدة دا حتى شكله كيوت اوي

‏ياحور خلصي بقى هاتيه

‏الله ليه في ايه

‏صوته غصب عنه علي شوية صغيرة

‏عشان مينفعش تفتحيه عشان الي فيه مينفعش تقريه دلوقتى لاني مش حابب اضغط عليكي

‏تضغط عليا بأيه وبعدين هو مكتوب في ايه

‏اني بحبك ياحور مكتوب حبي كله ليكي

‏طب منا عارفة

‏ايه ازاي يعني

‏لاني قرأته من يوم عزومة مامتك لينا

‏وساكتة من يومها ليه بعدين انا مكنتش عايزك تقريه عشان مضغتش عليكي بحبي ليكي متكونيش مضطرة تفضلي معاية عشان انا بحبك

‏ومين قالك كدة طب من كمان بحبك

‏حاساه اتصدم سيكا

‏ايه دا بجد حور وربنا ماهستحمل هزار

ههههه ‏ههزر ليه يابني بقولك بحبك بحبك فيها حاجة دي

‏قام بسرعة حضني

‏بحبك اوي ياحور اوعدك عمرك ماهتندمي على حبك دا ياعمري كله

‏عمري ماندم دي الحاجة الصح الي قلبي عملها اصلا انه حبك

‏ومن هنا بدأنا حياتنا سوا وعمري فعلا ماندمت ربنا عوضني بأحن زوج وحبيب شافته عيني وقلبي...