نور البطله بتاعتنا كانت واقفة بتبص من البلكونه علي العريس الي اتاخر عليها المفروض النهاردة خطوبتهم الي عاملاها في الشقه وراحت عليها
عمتها وقالت لها :هقول عليكي ايه بس يانور الله يسامحك يا شيخه الكسفه الي احنا فيها دي ياختي خطيبك مجاش لحد دلوقتي لي؟
نور : ياعمتي متخافيش الغايب حجته معها اكيد اتاخر شويه وزمانه جاي ما تقلقيش الله يخليكي أنا متوتره لوحدي
عمتها : طب ما تكلميه علي التلفون ياختي تعرفي هو ليه اتاخر هو فين أهله يادي النيله السوده الناس هتاكل وشي والجيران هتشمت فيها الله يسامحك
نور:كده بردو ياعمتي الله يخليكي بطلي كلامك ده وبصراحه كده أنا عماله أكلمه تلفونه مقفول أنا مش عارفه هو فين كده بردو يا احمد تكسفني يوم خطوبتنا
لا بقولك ايه ما ينفعش الكلام ده احن متفقين أن الخطوبه النهارده وبعدها باسبوع كتب الكتاب
عمتها: أنا خلاص يا حبيبتي فاضيت لك الاوضه بتاعتك عشان تمشي بقي
نور: انا عارفه اني متقله عليكي وعارفه انك زهقانه مني بس اعمل ايه بابا و ماما الله يرحمهم وانتي الي ربتيني أن شاء الله احمد هيجي كله اسبوع بالكتير وهنتجوز وهمشي من عندك
عمتها :ياريت ياختي الكلام اللي انتي بتقوليه ده عشان بصراحه أنا مش مطمنه للواد الي اسمه احمد ده أنا مش مطمنه له الحقي تليفونك بيرن ردي عليه ليكون هو
نور :بصراحه ايوه ياعمتي هو شفتي بقي مش قلت لك الغايب حجته معاه عشان تعرفي أن احمد انسان كويس ومحترم وبيحبني هرد عليه اهو بعدها نور ردت علي أحمد كانت هنا الصدمه لما قال لها في التلفون:
متاسف جدا يا نور أنا مش هقدر اجي ومش هقدر اتجوز ومش عايز أشيل المسئوليه متأسف جدا أنا هسافر النهارده وربنا يرزقك بابن الحلال انتي انسانه محترمه وتستهلي كل خير
نور: لا يا احمد الله يخليك بلاش تكسفني طب حتى تعال نتخطب وبكره نفسخ الخطوبه وسافر براحتك عشان شكلي ما كونش وحش قدام الجيران واهلي
أحمد: متاسف جدا يا نور أنا خلاص مسافر مع السلامه وبعدها احمد قفل السكه في وشه نور
كانت منهاره من العياط وقالت لسناء عمتها:
الحقيني يا عمتي سافر ومشي ومش هيجي الخطوبه طب هو ليه عمل كده لو مكانش بيحبني وعايز يخطبني اتقدملي ليه من الاول هنعمل ايه دلوقتي
عمتها: يالهوي يالهوي هو ده الي كنت عمله حسابه ياختي كده بردو الله يسامحك طب وبعدين ياختي هنعمل ايه ؟ده الجيران كلها هتاكل وشي ده كفايه ام نجلاء اكتر واحده هتشمت فينا
نور: انا اسفه جدا يا عمتي صدقيني أنا مش عارفه اقول لك اي حقك عليا اقفي جنبي الله يخليكي
عمتها: اسكتي خالص مش عايزه اسمع صوتك اه ياني هو ده كله كان مستخبي فين بس ياربي ايه المشكله مانا كنت عايشه لوحدي زي الكتوته بعد ماراح جوزي والحمدلله مكنش عندي عيال جت البت نور دي قلت هتملي عليا حياتي ملت عليا حياتي صداع
وبعدها سناء خرجت من الاوضه للناس والجيران الي في الصاله :
منورين والله يا جماعه اهلا وسهلا بيكم بقول لكم ايه أنا بقي هجيب ليكل واحد فيكم حته جاتوه كلوها بالف هنا وشفا عليكم وكل واحد بقي يروح بيته اصل خير الله ما اجعله خير العريس تعب فجاه ومش قادر يمشي على رجليه ياعين امه اتحسد نقول ايه عيون الناس بقي ما بتسبش حد في حالها
واحدة من اللي قاعدين:يا سلام يا سلام هو انتي مكسوفه تقولي أن العريس مش عايز يجي يانهار أبيض ده ايه الكسفه الوحشه دي ده حتي البت نور تستاهل كل خير ياقلب امك يانور ينفع بردو كده ياناس العريس ما يجلهاش يوم خطوبتها اخصي عليك ديه اكيد زعلانه ياحبيبتي وعماله تعيط
عمتها: ما خلاص بقي ياجماعه نجيلكم في الافراح يلا بقي مع السلامه كل واحد يروح علي بيته
وبعدها كل واحد مشي وسناء بقت قاعده عماله تزعق لنور و نور كانت منهره من العياط
وسناء قالت: بقول لك ايه وأنتي عماله تعيطي كده تسكتي خالص تشوفي معايا حل في الكسفه اللي احنا فيها دي بقول لك ياحبيبتي انتي لازم توافقي علي اي عريس يجي لك تتجوزي سامعه ولا لا يا بت
نور :حاضر ياعمتي الي تشوفيه أنا بعد كده هقول لك حاضر علي كل حاجه بس الله يخليكي كفايه الكلام الي بيزعل ده أنا فيا الي مكفيني ومش ناقصه
عمتها: يبقي وافقي علي العريس الي جايلك قبل احمد راجل زي العسل وزي الفل إن شاء الله لما تعرفي مين هتصرخي بس مش مشكله
