تحميل رواية «عندما يأتي العوض» PDF

وائل : وايه المشكله لما بابا يتجوز عليكى عادى يعنى ماتكبريش الموضوع

زليخه: بعد العشره دى كلها وسنين عمرى اللى ضاعت معاه جايين تقولولى كده

زكي : منا محتاج واحده ترجعلى شبابى وبعدين انتى ناقصك ايه واكله شاربه نايمه

زليخه: شبابى راح مع شبابك وانت بتبنى نفسك جيت عليا كتير واخدت فلوسى ودهبى وورثى ماثبتليش حاجه انت حتى عمرى اخدته منى

رولين  : خلاص يا ماما بقى انتى كبرتى على الغيره والتفكير بالطريقة دى

الام بصت لبنتها الصغيرة بصدمه : للدرجه دى مشاعرى وعمرى اللى راحوا عليكوا مش فارقين مع اى حد للدرجادى انا مش فارقه معاكوا 😢😓😰

حسبي الله ونعم الوكيل فيكوا

جوزها قام انتى بتحسبنى عليا وراح عشان يضربها بنته الكبيرة حاشته عنها

يسر : خلاص يا بابا معلش سيبها سيبها وروح لمراتك الجديدة

الام بقت واقفه دموعها على خدها من تربيه ولادها وعمرها اللى راح هدر

وائل: ماتسبيه براحته الراجل الشرع محلله اربعه ليه الدراما اللى انتى عاملاها دى ايه المشكلة لما يتجوز

انتى كبرتى على الكلام ده

زليخه : كبرت ولما انا كبرت هو ايه ماقولتلوش الكلام ده ليه ابوك اكبر منى ورايح يتجوز وانت جاى تقولى انا كبرتى

وائل : مهو بيصرف عليكى اكل وشرب عايزه ايه تانى

زليخه: عايزه سند وضهر عايزه لما اقع الاقى اللى اتسند عليه عايزه حب واهتمام عايزه حد يصون العشره ويقدر تعبى ومجهودى

وائل : انا هكلمه واقوله يقدر العشره حاضر انا نازل عشان متاخر

لارين : هههههههههههه حب ايه يا ماما فى سنك ده

زليخه : سنى انا عندى ٤٢ سنه سن ايه اللى بتتكلمى عنه انا اللى فى سنى لسه بيبداؤا حياتهم وفى منهم اللى لسه بيتجوز انتوا سامعين بتقولولى ايه انتوا ازاى قلبكم حجر كده

يسر الابنه الكبرى : راحت حضنتها وعملتلها كوبايه لمون

معلش يا ماما حقك عليا انا لارين لسه عيله ووائل بيعمل كده عشان شغله كله مع ابوه صدقيني بكره يندموا على كلامهم ده

انتى عارفه حسام خطيبى كل اما يشوفنى بيقولى امك شبه ليلى علوى انا مش عارف اصدق انها امك شكلها مايجبش امك يجيب اختك الكبيره اه لكن امك دى مش بالعها

زليخه: ربنا يهدى سرك يا بنتى ويرزقك بالخير كله

عند زكى

زكى : مش مصدق ان خلاص الاسبوع الجاى كتب الكتاب والدخله يا عروسه

هند : وانت فرحان بقى

زكى : الافرحان طبعا فرحان وهموت من الانبساط كمان

هند : طيب قلت لمراتك وعرفتها

زكى : ايوه طبعا والعيال كمان في صفى

هند : ماتطلقها وتخليها تغور من البيت

زكى : لا طبعا  لما اطردها من البيت مين هيخدمنا  بدل ماروح اجبلك خدامه اعتبريها خدامه ليكى انتى والعيال تغسلك تطبخلك وتنضفلك وانتى تفضيلى انا بقى عايزك مايبقاش وراكى اى شغلانه غيرى

انتى تاخدى الدور اللى فوق كله لواحدك عشان نبقى براحتنا وهى بعيالها الدور اللى تحت لما تعوزى اى حاجه تطلبيها منها والاكل كل يوم اللى تعوزيه يطلع لحد عندك وتنزللها الاطباق كمان وهى تغسلها ماتعمليش اى مجهود وبدل مادفع مرتب خدامه خدى انتى الفلوس دى دلعى نفسك بيها

هند : إذا كان كده ماشى بس لازم تعرفها الكلام ده انها هتكون خدامه وبس اللى اوله شرط اخره نور

زكى : بس كده انتى تؤمرى طبعا

فى مكان تانى فى احدى محافظات الصعيد كان العمده واقف بياخد العذا بتاع مراته وابنه واقف جمبه

ريحان: رحت المستشفى اطمنت على اختك

يحيى : اه يا بابا والدكاتره ادوها مهدئ وقالوا انها بتعانى من انهيار عصبى وهيبعتوا يجيبوا ليها دكتور نفسانى لانهم شاكين انها ممكن تعمل في نفسها حاجه

ريحان: العذا يخلص بس وانا هروح انقلها من المستشفى وارجعها البيت واجبلها كل اللى تحتاجه اللى حصلها مش سهل امك ماتت على ايديها

يحيى : عارف يا بابا عارف هى بتحب ماما الله يرحمها اد ايه ومتعلقه بيها هى لسه صغيره ١٠ سنين يعنى هى محتاجه ام واحتواء

ريحان: ربنا يكرم وإن شاء الله نقدر نعوضها امك عاشت تعبانه من بعد ما خلفت اختك وهى القلب عندها تعبان اقل مجهود بتعمله كنا بندخلها المستشفى الطوارئ تفضل هناك بالاسابيع بعدها

الله يرحمها استحملت المرض

يحيى : كله في ميزان حسناتها وموت ماما للاسف كان متوقع من زمان بس للاسف صحر لسه صغيره ومش مستوعبه ان ماما كانت عايشه بتتعذب

ريحان: امك الله يرحمها كانت حنينه وكانت متعلقه باختك اوى

يحيى : وحضرتك يا بابا كنت ونعم الزوج قدرت تعبها ومرضها ورغم انها طلبت منك الجواز اكتر من مره لكن انت راعيت مشاعرها ومرضيتش تتجوز عليها واكتفيت بينا

ريحان: انتوا اهم حاجه عندى فى الدنيا

يحيى : ربنا يخليك لينا يارب

_______________

نرجع مره تانيه عند زليخه

زكى رجع البيت بليل وكان ابنه قاعد بيتفرج على التلفزيون

زكى : ها كلمت امك وعقلتها

وائل : اه يا بابا اطمن والشغل كمان اتسلم انهارده

زكى : ايوه كده عايزك دراعى اليمين وتفضل مصحصحلى

وائل: بقولك ايه يا بابا انا عايزك تخلصلى حوار الشقه ده بقى عايز اخطب واتجوز انت اهو هتتجوز التانيه وانا لسه ملحقتش اتجوز الاولى

زكى : بكره نروح نخلص فيها ياد اهم حاجه اى حاجه تحصل فى البيت بينى انا وامك ومراتى الجديدة انت ماتدخلش بينا سامع

وائل : سامع يا كبير وحقك تتجوز اربعه مش اتنين بس هو دلع حريم بقى

زكى : ايوه كده جدع طالع لابوك

______________

عند يسر كانت بتكلم خطيبها

يسر : زى ماحكيتلك كده بابا هيتجوز على ماما

عمار : على فكره انا شايف انه عادى ما رجاله كتير بتتجوز على مراتتها ابوكى لاهو اول ولا اخر واحد والمفروض انكم الاهم عند امك من ابوكى انتى بس خليكى فى صفه عشان يجبلك كل اللى انتى عايزاه فى جهازك عشان نتجوز ونخلص

يسر بصدمه بس دارتها : يعنى ده رايك ان عادى بعد العمر ده كله الراجل يبع العشره ويتجوز على مراته ويقهرها

عمار : امك مش كبيره تقدر تطلق منه وتشوف حياتها هى كمان

يسر : ايه اللى انت بتقوله ده لا طبعا

عمار: ابوكى بصراحه مش غلطان امك اللى غلطانه عايشه دور المضحيه اوى واحده غيرها كانت خلت واحد زى ابوكى ده خاتم فى صباعها بس هى اللى مش عارفه قيمه نفسها امك دى عامله زى الدهب كل اما بتقدم بتغلى بس للاسف مش عارفه تقدر قيمه نفسها

يسر : للاسف بابا واخد من ماما كل حاجه

عمار: ابوكى بيهمه مصلحته وبس وامك فضلت طول عمرها تدى من غير حساب ومامناله اوى

يسر : دى شالت جدتى واستحملتها وكانت عايشه زى الخدامه ليها لحد ما ماتت وقبل ما تموت تيتا حبت تخلى ماما تسامحها راحت كتبتلها البيت اللى احنا قاعدين فى ده باسمها وحلفت ماما مانجيب سيره لبابا وادتها الدهب بتاعها وبابا اخده منها باعه وسابلها كام حاجه كده مع ان تيتا كانت بتحب الدهب وكان معاها دهب كتير وكردان كبير لوحده كان عامل كيلو دهب غير الغوايش ماما شتلتلها اسوره كبيره خبتها وسلسله كبيره وخاتم دول اللى قدرت تخبيهم من بابا لكن بابا خد الباقى كله وباعه

عمار: وهو عرف ان البيت اللى انتوا فيه ده باسم امك

يسر : لأ طبعا انا أصلا حاسه ان ماما ناسيه الموضوع ده وحتى لو باسمها مش هتعرف تعمل حاجه لان بابا واخد وائل فى صفه ورولين كمان

عمار: طيب فين اهل امك

يسر : عايشين في محافظة كده بعيدة عن القاهرة بقالنا سنين مش بنسافر ليهم بس ماما بتكلم تيتا فى التليفون على طول واحيانا خالو بيجى يزورنا لو عنده مصلحه بيخلصها هنا وبيجي صد رد كده

عمار: يعنى امك لوحدها مالهاش ضهر

يسر : تقدر تقول كده المهم دلوقتي انا عايزاك تخلص الشقه بسرعه لانى بصراحه مش هقدر استحمل وجود ست تانيه غير امى فى البيت وكمان بفكر اخلى ماما تيجى تعيش معايا

عمار: بتوتر : اه طبعاً طبعا يا حبيبتي تنور على راسى

__________

تانى يوم الصبح على الفطار

زكى : بقولك ايه يا زليخه عايزك تنضفى الدور اللى فوق كله وتروقيه سامعه عشان الخميس الجاى دخلتى

زليخه: وانا مالى ماتيجى العروسه واهلها ينضفوا الشقه وتفرشها هى

زكى : لا يا اختى لا هى ولا اهلها هيعملوا حاجه انتى اللى هتفرشى وتنضفى فاهمه وكمان الاكل عايزك تجهزى اكل عرايس سامعه

زليخه: وانا مش هعمل حاجه انا ايه اللى يجبرنى على كده

زكى : اسمعى الكلام بدل ماهخلى فيكى حته سليمه ومحدش هينجدك من ايدى فاهمه كلامى ولا اقول تانى انا رايح الشغل عايز اجى اطلع فوق الاقى الشقه مفروشه وجاهزه سامعه

والاكل انا هبعتلك الاكل اللي انا عايزك تعمليه وانتى تحضرى وبس فاهمه عشان ايامك تعدى على خير

زليخه:

ازيكم يا نجماتى وحشتوني جدا جدا

يارب الرواية الجديدة تعجبكم

عدى يومين وجت هند عشان تشوف شقتها

زكى : يا زليخه يا زليخه تعالى سلمى على ضرتك هند

هند مدت طراتيف صوابعها عشان تسلم على زليخه

هند : بقرف لزليخه أهلا

زليخه مردتش عليها

زكى : بقولك ايه تعالى يلا نطلع عشان تتفرجى على شقتك الجديدة عشان لو محتاجه اى حاجه نلحق نعدلهالك يا عروسه

هند : اه يا حبيبي يلا عشان نطلع وبصت زليخه وانتى كمان يلا عشان تطلعى معانا

زليخه: وانا مالى اطلع معاكوا ليه

هند : امال مين اللى هيشوف اللى انا عايزاه ويعدله

زليخه: ماتعدلى انتى لنفسك انا مالى

هند : نعم يا ختى لا طبعا انا عروسه ومش بعمل حاجه ولا انت ايه رايك يا زكى

زكى : ايوه طبعا عندك حق يلا يا زليخه اطلعى معانا واى حاجه تقولهالك هند نفذيها على طول من غير كلام سمعانى

زليخه: وانا ايه اللى يجبرنى على كده

زكى : انا اللى بجبرك على كده واسمعى الكلام عشان مامدش ايدى عليكى قدامها يلا اتنيلى واتحركى بقى

زليخه طلعت معاهم وبتحسبن فى سرها

طلعوا الشقه

وهما طالعين هند فضلت تدلع على زكى قدامها عشان تغيظها وزكى كمان كان بيساعدها على كده وزليخه كانت ماشيه معاها ماسكه دموعها على العشره اللى داسها برجليه وعلى عمرها اللى ضيعته على الفاضى بس هى هتصبر عشان ولدها يمكن ربنا يحنن قلوبهم عليها

هند : بقولك ايه انا عايزه الكنبه بتاعت الانتريه دى هنا والكرسيين دول هنا سامعه يا زليخه

ودخلت غرفه النوم : ايه ده فين التليفزيون

زكى : مافى واحد في الصاله

هند : اه الصاله ده عشان لما يجوا ضيوف انما انا عايزه واحد فى غرفه النوم يسلينى على ما الغدا يجهز انت عارف انا بحب انام واصحى براحتى لما اصحى اتفرج عليه عقبال ما الغدا يجهز ويطلع

كده ما ينفعش يا زيكو

زكى : عيون زيكو بكره يركبلك احلى واكبر تلفزيون وباس ايديها وفضلوا يتفرجوا على الشقه وهند بتحاول تطلع اى ملاحظات عشان تخلى زليخه تعملهالها وبتحاول بشتى الطرق انها تضايقها وتغيظها خلصوا فرجه ونزلوا الشقه تحت

زكى: ها يا قلبى تحبى تتغدى ايه

هند : مكرونه بالبشاميل وبانيه

زكى : يلا يا زليخه اسمعى كلام هند واعملى الاكل اللى قالتلك عليه واثناء كلامهم دخل وائل

وائل: ازيك يا بابا ازيك يا مرات ابويا

هند : اهلا ازيك يا وائل

زكى بص على زليخه لقاها واقفه

زكى : ماتتحركى يا وليه اعملى الغدا واقفه بصالنا كده ليه

وائل : اه يلا يا ماما لحسن انا جعان اوى بسرعه

دخلت زليخه بدون ولا كلمه تحضر الغدا وبتبص على المطبخ والبوتاجاز اللى عماله تتحايل على جوزها عشان يغيروا ليها وهو مش راضى وراح جايب احلى واغلى حاجه لمراته الجديدة استغفرت ربنا وبدأت بتجهيز الاكل

وخلصته وحضرته على السفره

زليخه: الغدا جاهز اتفضلوا

قعدوا كلهم على السفره ولسه زليخه هتقعد

هند : بقولك يا زليخه عايزه مخلل معرفش اكل كده وهاتيلى كوبايه حاجه ساقعه ابلع بيها

زليخه دخلت بدون كلام جابتلها اللى هى عايزاه

هند : اكلك حلو يا زليخه كده خلاص اطمنت ان كل يوم الاكل اللى هيتعمل هيكون حلو

زليخه: وانا مالى بالاكل اللى هتكليه كل يوم

هند : مهو انتى اللى هتطبخى انا مش بعرف اطبخ ومتفقه مع زكى على كده

زليخه : لا انا مش بطبخ لحد انا بطبخ لولادى وبس

وبتبص لوائل عشان يقف فى صفها لقته قان وقف مره واحده

وائل: بابا معلش انا همشى دلوقتي عشان التجار واقفين يستلموا البضاعه لما اجى نتكلم سلام وسابهم ومشى

هند : بصى بقى يا حلوه انا جايه هنا هانم وانتى شغاله عندى فاهمه من اولها كده عشان تبقى فاهمه وعارفه نظامك ايه فى البيت ده وقت الغدا هرن عليكى اول ماصحى من النوم تطلعيلى الغدا عشان انا بصحى متاخر مش بفطر بتغدا على طول وبعدين تشوفى ايه فى الشقة محتاج تعمليه وبعدين تنزلى تشوفى وراكى ايه هنا ولما أحتاج منك حاجه هكلمك تطلعى تعمليهالى فاهمه

زليخه بصت لزكى : انت موافق على كلامها ده

زكى : اه موافق وانا اللى قايلها كده انتى خلاص راحت عليكي وهى ست البيت الجديدة اللى تقولهولك تنفيذه حتى لو طلبت منك تغسليلها رجليها تنفذى من سكات فاهمه واه ابنك عارف وموافق على كل حاجه ومفتكرش حد من البنات يقدر يفتح بقه لارين اهم حاجه عندها خروجاتها مع صحابها والدروس وبنتك التانيه ساكته عشان اجهزها واجوزها فلمى الدور بقى وارضى بنصيبك

زليخه: حسبي الله ونعم الوكيل فيكوا حسبى الله ونعم الوكيل

زكى انتى بتحسبنى عليا وراح ضربها وموقعها فى الارض وكانت هند قاعده وحاطه رجل على رجل وبتبصلها بشماته

هند : عجبك كده ماكنتى سمعتى الكلام من الاول لزمتها ليه تقلى من نفسك كده 😔. خلاص يا زيكو هى هتبقى كويسه وتسمع الكلام من غير اعتراض يلا ادخلى اعمليلى كوبايه نسكافيه وشوفى زيكو هيشرب ايه

اثناء حديثهم دخلت بنتها يسر

يسر : ماما ايده مالك في ايه

زكى : مافيش حاجه كل ده عشان قولنالها تعملنا كوبايتين نسكافيه

يسر : خلاص يا ماما تعالى ارتاحى وانا هعمل للضيوف بنفسى النسكافيه تعالى معايا واخدتها دخلتها الاوضه بتاعتها تعالى اوضتى على مخلص النسكافيه واجى اتكلم معاكى

يسر عملت النسكافيه وخرجته ليهم

هند : على فكره يا حبيبتي انا مش ضيفه انا مرات باباكى وهسكن في الشقه اللى فوق يعنى مش ضيفه يا حبيبتي

يسر فهمت مامتها ليه زعلت

يسر : اه اهلا يا طنت طيب يعنى لسه مسكنتيش يعمى ضيفه اتفضلى بقى اشربى النسكافيه وخدى واجب الضيافة وسابتهم ودخلت لمامتها

_____

زكى : ها يا ست الكل ايه رايك عملتلك كل اللى انتى عايزاه اهو راضيه

هند : اه يا حبيبي راضيه طول مانت مابتعملى اللى انا عايزاه هبقى راضيه عليك

وكده احسن عشان تعرف مقامها من اولها ومتستجراش ترفع عنيها فيا تانى

زكى : اى خدمه يا عسل

_______

يسر : مالك يا حبيبتي حصل ايه وانا في الكلية

زليخه حكتلها كل اللى حصل

يسر : وانتى ليه تستحملى القرف ده يا ماما انتى ناسيه ان تيتا كتبالك البيت ده يعنى تقدرى تطرديهم هما الاتنين من البيت مش بس هى

زليخه : ابوكى واصل وحتى لو اخدت عليه حكم مش هعرف انفذه وساعتها هيقل ادبه عليا بزياده

يسر : بصى يا ماما مافيش غير حل واحد بس

ملحوظه ( يسر اخر سنه حقوق )

انك تمشى من البيت وترفعى قضيه خلع على بابا وبعدها اعملى فيه محضر انه مستولى على البيت

زليخه: طيب اروح فين

يسر : روحى لاهلك وانا اكلمك محامى زميلى بس متخرج قبلى بسنتين بس شاطر اوى يخلصلك كل حاجه عشان بابا مايعرفش انه تبعى ويحطنى في دماغه

زليخه : واجيب فلوس منين ومين هيساعدنى

يسر : بصى يا حبيبتى انا معايا حوالى ٢٠ الف وبيعى حاجه من الدهب اللى معاكى وسافرى على الصعيد على طول عند تيتا

زليخه : ما كده ابوكى هيوصلى

يسر : يا ماما اجمدى كده ساعتها هقولك قبلها واجرى بيت تانى اقعدى فيه

زليخه: طيب خلاص هسافر بليل وانتوا نايمين واه اوعى تجيبى سيره لخطيبك على حاجه سمعانى ماتنسيش انه صاحب اخوكى

يسر بسرحان : ماتقلقيش 😐 انا مش هتكلم فى حاجة تانى

وقالت في سرها ( غلطه وعدت )؛

بصوا يا جماعه الرواية من اولها لاخرها متنسقه طبعا انا بحب اسمع رايكم جدا وبيفرق معايا وممكن اغير حاجه في الأحداث لو حسيت ان الموضوع يستدعى

بس هو طلب محدش يستعجلنى في اى حاجه لو سمحت اتقلوا وماتتسرعوش تاخدوا حاجه نضيفه بحبكم نجماتى

دخلت زليخه غرفتها ولمت كل الحاجات المهمه وحطيتها فى شنطه سفر صغيره وخبتها تحت السرير وحطت فيها الاوراق كلها المهمه واستنت لما يجيى الليل عشان تمشى واثناء توضيبها دخلت يسر عليها

يسر : خدى يا ماما الفلوس دى خليها معاكى

زليخه: منا هبيع السلسلة هتجبلها مبلغ محترم برضه

يسر : لا بلاش السلسلة الدهب البسيه وداريه في هدومك بيعى الخاتم بس لو اتزنقتى وان شاء الله مش هتحتاجى حاجه ولا هتتزنقى وانا لو عرفت اخد من بابا فلوس تانى هبعتلك وخدى الخط ده كمان خليه معاكى واقفلى الخط التانى افتحيه لما تحبى تقولى لبابا حاجه

زليخه: حاضر حاضر

يسر : الخط ده باسمى وعليه فودافون كاش كمان عشان لو حصل اى حاجه تعرفينى وانا هتصرف

زليخه: انا مش عارفه من غيرك كنت هعمل ايه

يسر : الدنيا يا ماما عايزه القوى اللى يقدر ياخد حقه منها وانتى يا ماما طيبه اوى وضعيفه اوى والدنيا هتيجى عليكى اوى لو موقفتلهاش

زليخه: يا يسر انا خلصت تمريض من هنا واتجوزت ابوكى من هنا كنت عيله عندى ١٨ سنه بس كان عودى فاير كنت طول عمرى بقول طيب وحاضر ونعم

يسر : غلط يا ماما المفروض كنتى تشوفى انتى عايزه ايه ونفسك في ايه وتعمليه ليه قاعدتى من شغلك ليه مصممتيش تشتغلى ليه رضيتى بلقليل اللى بابا بيدهولك ليه وافقتى تديله ورثك ده كله

زليخه: مكنتش اعرف انه هيعمل معايا كده

يسر : يا ماما من ساعت ما اخد منك دهب امه وباعه المفروض كنتى تحافظى على حقك كان عندها حق تيتا لما طلبت منك ماتعرفيهوش انها كتبتلك البيت

بصى مش هتكلم فى اللى فات خلينا فى اللى جاى اخويا زمانه جاى هروح احضرله العشا واول لما يدخل الاوضه بتاعته انزلى انتى اطلعى على اول الشارع اللى جاى وخدى تاكسى ومتطلبيش اى تاكسى من المنطقة هنا ولا من قدام البيت فاهمه

زليخه: ليه

يسر : افرضى طلع من صحاب بابا ولا وائل وعرفوهم انك روحتى محطه القطار

زليخه: عندك حق العلام حلو يا ولاد

يسر : هزرى هزرى يلا اسيبك تكملى اللى بتعمليه

____$

عند ريحان ويحيى

كانوا قاعدين مع صحر فى الاوضه وبيحاولوا يكلموها

ريحان: صحر يا حبيبتي عايزك تبقى كويسه وتخفى وهاخدك واخليكى تسافرى معايا انا واخوكى وهجبلك التليفون اللى نفسك فيه ايه رايك

يحيى: وانا يا ستى هجبلك اى حاجه تشاورى عليها شوفى بقى وغرمينى زى مانتى عايزه انا موافق

كل ده وصحر قاعده مش بترد علي حد ساكته ومعاها ممرضه مرافقه ليها بتاكلها وتح م ي ها وتاخد بالها منها

خرج يحيى وريحان من الاوضه

ريحان: نفسى ترجع زى الاول وحسها يبقى مالى البيت

يحيى: إن شاء الله هترجع تانى مسألة وقت مش اكتر

ريحان: عايزك تركز اوى الفترة الجاية متنساش انك مترشح لمجلس الشعب وكلها كام شهر وتبدأ الانتخابات حاول تركز من دلوقتي

يحيى: ماتقلقش يا بابا اعتبرنى دخلت خلاص

ريحان: الغرور وحش

يحيى: مش غرور لكن ثقه في النفس حضرتك من وانا فى ثانوى مزروع في الارض ومع العمال والفلاحين هنا وعارف مشاكلهم ونقط ضعفهم وكل حاجه عنهم ولو فى اى حاجه حصلت بيرجعولنا يبقى دخولى المجلس شئ مؤقت

ريحان: بس عزت مش سهل ومش هيسيبك في حالك

يحيى: عارف وعارف كمان مداخله ومخارجه متقلقش البلد هنا بناسها بالنسبالى زى صاله بيتنا كده

ريحان: ربنا معاك ويوفقك

_______

نرجع تانى لبيت زليخه

رجع وائل من الشغل وكان قاعد مع ابوه بيتكلموا

ملحوظه ( زكى تاجر جمله وهنعرف بداياته فى الأحداث مانستعجلش )

وائل : بابا خف على ماما شويه

زكي: ايه حنيت ولا ايه

وائل : مش مسألة حنيت هى في الاول والاخر امى بس مش عايز ست تانيه تدخل البيت وتركب وتدلدل انت فهمنىى يابا صح

زكى : ماتقلقش الغربال الجديد ليه شده

وائل: هند مش ساهله لازم تاخد بالك منها وبلاش اى حاجه مهمه تتحط عندها ليها طلبتها تنفذهلها

زكى : هو انت فاكر ابوك غبى ولا عيل

وائل: لا بعرفك بس عشان الحب بيعمى

زكى : لا يا حبيبي عرف نفسك انت ولا فاكرنى نايم على ودانى

وائل: ماشى يا ابا انا هدخل انام بقى تصبح على خير

زكى : روح نام يا اخويا وانت من أهله وطله زكى شقته الجديده يبات فيها

____

يسر : يلا يا ماما وائل دخل اوضته وبابا طلع فوق من شويه اتكلى على الله واول ماتوصلى كلمينى وانا طول الطريق هطمن عليكى

زليخه: ماشى يا يسر لا اله الا الله

يسر: محمد رسول الله

مشيت زليخه وركبت القطر اللى هيوصلها البلد بتاعتهم

وكانت بتفتكر مامتها واخوها ومرات اخوها وياترا هيتقبلوها فى حياتهم ولا لأ ولو متقبلوهاش هتروح فين ولا تلجأ لمين واثناء طريقها كانت يسر بتكلمها من وقت للتانى تطمن عليها

وصلت زليخه البلد وراحت عند بيت ابوها وخبطت الباب

وفتحتلها الباب واحده من عمرها كده

مديحه : ايه ده مين زليخه معقول ولا انا بحلم

زليخه: اه انا يا مديحه عامله ايه يا حبيبتي وماما واخويا عاملين ايه

مديحه: كلنا بخير خشى خشى

دخلت زليخه وسلمت على كل اللى فى البيت

زاهر : ازيك يا زليخه عامله ايه يا ختى ليكى واحشه

ام زاهر : يا يا بنتى بقالك عمر تانى ماجتيش البلد

زليخه: اهو ادينى جيت وهقعد معاكوا كمان

زاهر: امال جوزك وعيالك فين

زليخه: قبل ما احكى اى حاجه امانه عليك محدش منهم يعرف انى جيت هنا

زاهر : الموضوع شكله كبير اوى احكى يا بنت ابويا واخوكى راجل مش عيل يعنى يعرف يجيب حقك

زليخه : حقى هجيبه بالقانون متقلقش يا زاهر وحكتلهم الحكايه كامله

زاهر : ابن ال ... .... و .... ده انا هروح انا والرجاله ونعلقه هو فاكر مالكيش حد ولا ايه انتى اللى عمرك ماشتكيتى منه

زليخه: تسلمى يا زاهر بس امانه عليك ما تدخل انا اتفقت مع يسر على وحكتله كل اللى ناويه عليه

زاهر : ماشى يا زليخه هستنى لما تنفذى اللى اتفقتى عليه مع بنتك يسر وابنك الكبير فين والصغيره دى اللى مش عارف اسمها ايه

زليخه: خلفت الندامه عيالى محتاجين يتربوا تانى يا زاهر

زاهر : هدى نفسك انتى بس وحقك هيجى ربنا مابيسبش حق حد

ام زاهر : منك لله يا زكى على كسر قلب بنتى هصلى وكل ركعه هدعى عليك حقها يجيى منك يارب

زليخه: وادعى لعيالى بالهداية اوعى تدعى عليهم يا اما

ام زاهر: ربنا يهديهملك يا بنتى يارب

ادخلى انتى نامى وريحى جسمك على السرير انتى جايه من سفر وانا هصلى الفجر وانام

زليخه: فى مكان ولا انام مطرحى

مديحه: فى طبعا ده لو مشالتكيش الارض اشيلك جوه عنيه

زليخه: تسلمى يا مديحه طول عمرك بنت اصول

دخلت زليخه نامت وسابت رساله لبنتها تطمنها ان كل حاجه تمام

تانى يوم صحيت يسر وشافت الرسالة ومسحتها وصحت وائل

يسر : وائل وائل اصحى ماما مش فى البيت

وائل : تلاقيها بتجيب الطلبات سبينى انام

يسر : تليفونها مقفول كلمتها كذا مره وبيدينى غير متاح وخارجه بقالها فتره اصحى بقى قلبى واكلنى اوى عليها ودخلت بعد كده لرولين

رولين اصحى اصحى ماما ماقلتلكيش هى رايحه فين

رولين: سبينى نايمه انهارده فرح ابوكى تلاقيها نزلت تجيبله الطلبات

يسر : ومالك فرحانه اوي كده بدخله ابوكى كتك خيبه اصحى يا ختى امك شكلها طفشت

رولين: لأ طبعا ماما عمرها ما عملتها ولا هتعملها لانها بتخاف دا احنا قلبنا اجمد منها

يسر : طيب قومى اطلعى عرفى ابوكى يمكن عارف مكانها

طلعت رولين لبوها وقالتله

زكى للعيال : تفتكروا امكم هتكون راحت فين

يسر : شكلها طفشت ماتعرفش ممكن تكون راحت فين

زكى : مش عارف وصعب تكون سافرت لوحدها لانها ممكن ماتعرفش توصل

يسر: تفتكر عملت حاجه في نفسها

زكى : تفتكرى كده مش بعيد عليها

يسر: طيب انزل اعمل محضر

وائل: هيقولولك استنى ٢٤ ساعه بصى انا هستنى وبعد كده هعمل بلاغ

رولين: لا إن شاء الله متكنش عملت حاجه في نفسها احنا نسنتنى ونسأل الجيران او اى حد نعرفه

زكى : انا طالع اكمل نوم لو فى اى جديد صحونى

وسابهم ودخل نام

توقعاتكم للجاى ايه نجماتى

عدى اليوم وهند جت البيت وفرحت لما عرفت ان زليخه سابت البيت ومشيت وطلعت شقتها مع  زكى وفى دماغها مخططات تعملها وتستغل غياب زليخه عشان تقدر تسيطر على البيت والولاد وتحرض ابوهم عليهم ( ياترى هتقدر ) 🤔🤔🤔 ولا هيحصل العكس

تانى يوم الكل صحى وزكى كان مشغول مع هند ووائل نزل عمل محضر بغياب امه فى القسم

بالنسبة ليسر  راحت لزميلها في مكتب محامى اللى شغال معاه

______

على : ايه ده يسر معقول ازيك عامله ايه

يسر : بخير يا على انت عامل ايه

على : الحمد لله بخير ايه سر الزيارة الحلوه دى

يسر : بص يا على انا جيالك فى خدمه بس على شرط تتعامل معايا على انى موكله ونتحاسب زى اى حد غريب

على : يا ستى مش هنختلف بس قوليلى ايه الخدمه اللى محتاجها وانا تحت امرك وليه معملتهاش في مكتب المحامى اللى بتدربى فيه ولا تكونى رافعه عليه هو قضيه

يسر : لأ مش للدرجادى طبعا استاذ محيى شخص محترم وليه تقديره

المشكلة انى عايزاك ترفع لماما قضيتين اولا قضيه خلع واول ماتكسبها ترفعلها قضيه تانيه انها ترجع تاخد بيتها اللى بابا مستولى عليه ومتجوز فيه

على : طيب ممكن اعرف التاصيل اكتر من كده

يسر حكت لعلى كل شيء من البداية خالص

على : وليه امك استحملت ده كله

يسر : عشانا طبعا وللاسف اخواتى محدش طمر فيه اى حاجه وواخدين صف بابا موافقين على اى حاجه بيعملها

على : لا حول ولا قوه الا بالله طيب ليه مرفعتيش انتى القضيه

يسر: أولا بابا مايعرفش اللى ناويه اعمله وممكن يقعدنى في البيت ويضغط عليا جامد

ثانيا احتمال كبير ان يرفع طعن او يحاول بعد كده يرفع قضية ضدها وساعتها طبعا هيلجئ للمحامى اللى انا بتدرب عنده وفى الحاله دى انا هقدر اساعدها واقنعه باللى فيه مصلحة ماما فهمت عشان كده انا مش عايزه اكون في الصورة نهائى

على : خلاص يا كبيره خلى امك تعملى توكيل وانا هبدا في رفع الدعوى

يسر : خلاص يوم الاحد اعتبر ان التوكيل اتعمل وابدا ارفع الدعوى فورا

على: خلاص على خيره الله

سابته يسر وروحت البيت

________

دخلت البيت كان وائل قاعد مستنيها

وائل: كنتى فين انهارده الجمعه

يسر : نزلت ادور على ماما وسالت مذا حد من الجيران محدش يعرف

وائل : تعرفى عنوان خالك في البلد

يسر : لو انت يا كبير ماتعرفوش انا هعرفه

وائل: طيب معاكى رقمه

يسر : لا للاسف

وائل: طيب انا عموما نزلت بلغت ومستنى ربنا يستر

اثناء حديثهم صحيت رولين من النوم

رولين: صباح الخير

صباح النور

رولين: لسه مالقتوش ماما

يسر: لا يا رولين ومن انهارده لازم نعتمد على نفسنا وانت يا وائل لازم تساعدنى انت عارف انى مش بعرف اعمل حاجه كبيرى اسخن الاكل بس واعمل شاى حتى القهوه بعملها من غير و ش

وائل: ليه ومرات ابوكى لزمتها ايه

يسر : افرض رفضت

وائل: سبيها بس اليومين دول لحد ما ابوكى ينزل شغلى

يسر : تمام اطلعى يا رولين اسالى ابوكى هنتغدى ايه انا مفطرتش وجعانه اوى

وائل ورولين: واحنا كمان

رولين: حاضر هطلعله

نسيبهم شويه بقى

__________

عند يحيى وريحان

يحيى : بابا بقولك ايه. ايه رايك اننا نحاول نخرج صحر

( سحر او صحر ) الاتنين صح

سحر معناه اخر الليل

صحر الارض الواسعه

وانا اقصد صحر بال ص

عشان الاختلاف فى الحرف لا يفسد للود قضيه 😘

ريحان: ازاى بقى هنخرجها بحالتها دى

يحيى: صحر صغيره ناخدها المول اللى هنا ونجبلها موبايل جديده وحاجات من اللى بتحبها البنات دى صدقنى هتفرق فى نفسيتها

بص انا هطلبلها كرسي متحرك واول مايوصل هاخدها واخرج بيها وياريت كمان لو تقدر تيجى معانا

ريحان: فكره حلوه وانا هتصل بالدكتور اساله ينفع نخرجها ولا لأ

يحيى: صحيح يا بابا انا راجعت الحسابات مع زاهر وكله تمام وهنكمل مراجعة يوم الاحد عشان نقفل الميزانية السنوية للمصنع

ريحان: وخليه يراجع بنفسه ميزانية المصنعين التانين انت عارف انا بثقةفيه ازاى وهو شاطر جدا في شغله وبقاله معانا عمر بحاله

يحيى: خلاص يا بابا اللى تشوفه بقولك ايه محتاجين نشوف محامى كويس عشان الناس اللى عليها فلوس دى ومش راضيه تدفع اللى عليها

ريحان: الموضوع زاد اوى عن حده بقولك الفتره الجايه ماتسلمش حد محصول غير لما يدفع القديم احنا عشان بنتهاون وبنسهلهم طريقه الظفع بيحوا علينا لكن انا هوريهم الوش التانى سيبك انت من الموضوع ده انا هتصرف غيه ركز انت مع الميزانية ومتنساش تطلب لاختك الكرسى

________

مديحه: وانتى يا زليخه هيهون عليكى ترفعى القواضى دى عليه

زليخه : بعد اللى شفته منه اهةيا مديحه يهون لما يقولى تغسلى رجل مرات لو عازت يهون عليا تى شئ كنت مستحمله معملته وحرمانه ليه من كل حاجه حلوه كنت بقول عشان ولادى استحمل لكن للأسف مطمرش فيهم اى حاجه طلعوا لابوهم انا دلوقتي هجمد قلبى واربيبهم من اول وجديد وكمان عايزه اهتم بنفسي اللى اهملتها عشانهم عايزه احب نفسي تانى مشكلتى انى حبيتهم اكتر من نفسى

مديحه: مش عايزاكى تزعلى نفسك عايزاكى تفضفضى يمكن ترتاحى

زليخه: عارفه اكتر حاجه غلط فيها ايه يا مديحه انى نسيت نفسي قلت هشوف نفسى فى ولادى ولما هما يكبروا هيفتكرولى ده وهو هيشكرنى بعد كده لما يفرح بعياله ويفوق لنفسه بس منت غلطانه

كنت غلطانه لما سبت شغلى عشانه عشان كده مش هسمح ليسر تغلط غلطتى تانى ولازم لازم يدفع تمن عمايله معايا

مديحه: عندك حق ايه رايك ننزل انا وانتى نشتريلنا هدمتين حلوين كده البلد عندنا فيها حاجات حلوه واسعارها حلوه اوى

زليخه: خلاص يوم الاحد ننزل سوا بامر الله اعمل التوكيل للمحامى وبعدها نعدى على المول اللى هنا اجبلى عبايتين حلوين كده وجلبيتين للبيت شلنا

مديحه: ماشى يا زوزو روقى كده وبصى لنفسك محدش واخد منها حاجه

_______ عدا يومين وجه يوم الاحد نزلت الصبح بدرى زليخه عملت التوكيل وبعتته لعلى وبعد كده روحت البيت عشان تعدى على مديحه عشان يخرجوا تكون مديحه جهزت الاكل لجوزها وحماتها

وفعلا خرجوا المول ودخلوا يتفرجوا على المحلات

مديحه : الله بصى محل العبايات دى شكلهم حلو اوى

زليخه: واسعارهم جامده عليا اوى  يلا بينا نشوف حاجه تانيه

مديحه: اسكتى بس دول خامتهم تحفه وبتعيش وشكلهم حلو كمان وبعدين اخوكى قايلى اجبلك عبايه هديه انا هجبلى عبايه واجبلك واحده وانتى هاتيلك واحده يبقى كده انتى جبتى عبايتين

زليخه: ايه اللي بتقوليه ده لا طبعا مش هاخد حاجه منكم كفايه متقله في القاعده معاكوا

مديحه: عارفه يا زليخه هزعل من كلامك ده بجد ايه اللى بتقوليه ده ده انتى ماليتى البيت عليا من بعد معيالى اتجوزوا والبيت فضى جيتى انتى عملتى حس للبيت ماسمعميش تقولى كده تانى واخوكى ما شار الله شغال مع ريحان بيه وبياخد مرتب حلو اوى عنده بصراحه ريحان بيه ده انسان مافيش زيه من ساعت مابقى عمده والبلد ماشيه على المسطرة وابنه كمان يحيى بيه مايتخيرش عنه عرف يربى صحيح اى حاجه تحصل لاى حد فى البلد تلاقيهم الاتنين واقفين

زليخه: يا ريحان بقى العمده سبحان الله

مديحه: انتى تعرفيه

زليخه : اه كنت لسه فى بداية تعينى ومراته كانت تعبانه كانت حامل وقتها وجه بيها المستشفى اللى كنت شغاله فيها ساعتها كان ابوه العمده مش هو ومراته لما ولدت وجابت  ولد  فرح اوى وراح ادانى ٥٠ جنيه كان وقتها مبلغ كبير اوى وانا طبعا رفضت اخد الفلوس منه قلتله انا بقبض من المستشفى

قالى دى طلعت من زمتى ليكى قلتله اديها لحد غلبان انا مش محتجاها وقتها دخلت واحده بتعيط ببنتها عشان بنتها تعبانه ومش معاها تمن الكشف وكانت بتتخانق مع الريسبشن وقتها رحت قلتله اهو جه وقتها وفعلا دفعاها الكشف والعلاج واداها فلوس كمان من ساعتها الموقف ده فى دماغى مانستوش

مديحه: طيب يلا بقى بطلى رغى وتعالى ندخل

فى نفس الوقت كان ماشى ريحان ويحيى وبيزقوا الكرسى بتاع بنته مره واحده بنته وقفت قصاد محل عبايات ومش عايزه تمشى استغرب اوى ريحان

يحيى : اصل ماما كانت بتيجى تجيب لبس من هنا دايما وصحر بتيجى معاها

ريحان قرب من صحر

ريحان: ايه رايك يا صحر تحبى تعملى خير لماما ويوصلها وتفرح بيكى ونخليها تحس بيكى كمان

صحر بصتله باهتمام ومستنياه يكمل

ايه رايك تشترى من هنا عبايه حلوه وبعدين نروح نجيب ليكى لبس حلو ونجيب زيه لاطفال تانيه وبعد كده نروح نديهم لحد غلبان صدقه وقتها هتوصل لمامتك وهى هتفرح اوى وهتحس بيكى

صحر بصت لباباها وهزت راسها باه

وقتها يحيى اداها علبه لبن

يحيى : طيب اشربى دى بقى عشان تقدرى تقومى وتتحركى عشان تختارى احلى حاجه

صحر فعلا ابتدت تتفاعل وتشرب اللبن ومتحمسه انها تشترى الحاجه اللى هتطلعها صدقه على روح مامتها

___________

عند يسر

نزلت هند الشقه وكانت يسر موجوده وكانت بتكلم ماماتها في التليفون

يسر : استنى اسمعى وماتقفليش

هند : ايه بقى مش ناويه تتلحلحى كده وتعمليللنا اكل بطنى نشفت من اكل الشارع

يسر : تصدقي وانا كمان بطنى نشفت وقرفت وكفاية عليكى كده يا عروسه يلا خشى المطبخ اعمللنا اكل

هند: انتى اتهبلتى يا بت ولا ايه اللى بتقوليه ده عايزانى انا ادخل اطبخ

يسر : بضحكه وم بس هتطبخى يا مرات ابويا هتغسلى وتنضفى كمان يلا عشان الوقت بيجرى الحق. اعملى الغدا قبل ما بابا واخواتى يجوا

هند : انتى شكلك عبيطه لا يا حلوه من هنا ورايح انتى اللى هتطبخى وتتروقى وتعملى الاكل وكمان تطلعيلى فوق تنضفيلى الشقه امال ايه

يسر : انتى عندك احلام جايه تحققيها هنا بس للاسف جيتى للعنوان الغلط واحلامك دى هقلبهالك كوابيس يلا غورى فى داهيه فوق لحد ما ابويا يجيى ونشوف وقتها بقى ايه اللى هيحصل

هند : انا فعلا هطلع شقتى لحد ما ابوكى يجيى ووقتها انا هخليه يشوف شغله معاكى الظاهر ماتعرفيش انا مين

وسابتها ومشيت

زليخه: ليه كده يا بنتى كده هتقوم ابوكى عليكى

يسر : امال اشتغلها خدامه ولا ايه

زليخه: لا طبعا ايه اللى بتقوليه ده انا اقصد هاتى حاجتك وتعالى اقعدى معايا واول ما اخد البيت هبيعه واجيب شقه نقعد فيها بعيد عن القرف ده

يسر : بضحكه مجلجله . لا يا ماما معلش انا غيرك وهتشوفى انها اللى جنت على نفسها انا لسه معملتش معاها حاجه بس انا بقى هعرفها بنفسى كويس

المهم انتى صوريلى الحاجه اللى اشترتيها ونشوف موضوعك ده بعدين

تفتكروا زكى هيقف في صف مين 🤔🤔🤔

ويسر ناويه على ايه ؟؟؟

فصل طويل اوى اهو عشان خاطركم عشان كده عايزه اشوف احلى تفاعل

فلاش باك فى المول

دخلت صحر وباباها واخوها المحل يشتروا العبايات شافت واحده فى جسم مامتها ومدياها ضهرها فضلت تبصبها وتعيط بص يحيى وريحان لبعض وبعدين بصوا مكان ما بتبص صحر

يحيى: بص يا بابا انا بصيت من غير قصد لكن فى واحده هناك جسمها شبه جسم ماما صحر افتكرتها هى

ريحان: طيب خلاص غير وشك وبص فى مكان تانى

ريحان : مالك يا حبيبتي

صحر : فكرتنى بماما

ريحان: روحى بصى عليها تعرفى تحركى العجله

صخر اه ( يحيى جايبلها العجله الكهرباء اللى بيكون في ريموت )

صحر قربت من زليخه لو سمحت

زليخه بصتلها من غير كلام بس من جواها كانت صعبانه عليها

صحر : انا اسفه بس انتى شبهه حد اعرفه

زليخه: ولا يهمك حبيبتي انتى هنا لوحدك

صحر : لا معايا بابا ويحيى اخويا بنشترى عبايه من هنا

زليخه: طيب عايزه حاجه معينه انا ممكن اساعدك على فكره واختار معاكى وانتى كمان ساعدينى واختارى معايا

صحر : انتى مش معاكى حد

زليخه: معايا مرات اخويا بتقيس جوا عبايه . انتى هتجبيها هديه لمامتك

صحر بدموع: ماما متوفيه من قريب وكانت بتجيب من هنا عباياتها فلما عديت من المحل افتكرتها فبابا قالى اشترى عبايه واديها لحد محتاجها هتفرحى ماما

زليخه: بابا عنده حق طيب خلاص اختاريلى عبايه وهاتى واحده زيها واديها لحد غلبان ايه رايك

صحر بابتسامه: خلاص موافقه واثناء حديثهم دخل ريحان وخرجت مديحه من البروفه

مديحه: ايه ريحان بيه اهلا بحضرتك

ريحان: ازيك عامله ايه يا ام محمد

مديحه: بخير الحمدلله اقدر اساعدك بحاجة

هنا ردت صحر : شكرا يا طنط بس انا وطنط زليخه اتفقنا خلاص

ريحان: طيب مش عايزين نتقل على حد

زليخه: لا ابدا بالعدس دى صحر هى اللى هتساعدنى اكتر بص فى كافتريا فى اول المول حضرتك ممكن تنتظر فيها وانا اول ما اخلص هنزلها معايا

مديحه: ماتقلقش يا ريحان بيه دى زليخه اخت زاهر حضرتك عارفه

ريحان رفع عينه بصلها وافتكر زمان وقت ولادت يحيى لما رفضت تاخد منه الفلوس وكانت مروحه وهو عرض عليها يوصلها لكن قابل زاهر كان جاى ياخدها ووقتها كان زاهر لسه مخلص كليه تجاره ولما كلمه عرض ريحان عليه الشغل ومن وقتها زاهر شغال مع ريحان

فاق على صوت يحيى

يحيى: خلاص طبعا طالما من ناحية استاذ زاهر يبقى امان هننتظر تحت بس ما تتاخريش يا صحر ماشى يا حبيبتي

صحر : حاضر يا يحيى

بدأو يختاروا العبايات وفعلا ساعدت صحر زليخه انها تجيب عبايه حلوه على زوق صحر

زليخه: تعرفى يا صحر انا بقالى كتير مجبتش لبس وكنت ناسيه اشترى لبس ازاى بس انتى ومديحه ربنا بعتكوا ليه حلوه اوى الحاجه اللى احنا جبناها

صحر : بجد عجبك زوقى يا طنط

زايخه : اوى اوى انا كل اما انزل اشترى لبس اخدك معايا بعد كده ها ايه رايك 

صحر : وانا اخلى بابا او يحيى يجبونى ليكى اتفقنا واكون كمان خفيت وبقيت امشى

زليخه: خلاص اتفقنا عايزاكى بقى تخفى فى اسرع وقت عشان تفرحينى

رفضت زليخه تسالها عن حاجه عشان ماتحرجهاش وقالت تبقى تعرف قصتها من زاهر

مديحه : بقولك بقى المحل اللى لازق في ده عنده بيجامات وجلاليب حلوه

زليخه: خايفه ااخر صحر باباها يتضايق

صحر : لا متقالقيش ده هيفرح لما يشوفنى مبسوطه

دخلوا محل لبس البيجامات ووهما بيتفرجوا كانت زليخه بتقيس بيجامهوفى البروفا ومديحه البروفا اللى جمبها وكانت صحر مستنياهم بره وشافت بيجامه متعلقه حاولت تقوم عشان تجبها معرفتش ووقعت وفضلت تحاول تقف لحد فعلا ماقدرت تقف و تمشى بسيط

فى الوقت ده خرجت زليخه من البروفه وشافت صحر وعنيها دمعت من الفرحه وجريت عليها حضنتها

زليخه: ايه ده انتى بتمشى

صحر : اه خفيت وقدرت امشى اهو

مديحه: خرجت على صوتهم ايه ده اخيرا خفيتى يا صحر ده بابا هيفرح اوى

صحر : كنت بجيب البيجامه دى لطنط ووقعت وجيت اقف لقتنى وقفت

مديحه حضنتها وقالتلها اخيرا حمدالله على السلامه

زليخه: بمناسبة المفاجأة الحلوه دى انا هجبلك بيجامه هديه

وفعلا اشترت بيجامه وحطوا  شنط الحاجه اللى اشتروها كلها على الكرسي اللى كانت قاعده عليه صحر وكانت مديحه بتزق الكرسى

يحيى: بابا الحق ام محمد بتزق الكرسى وصحر مش عليه

ريحان قام بخضه هو ويحيى وجريوا  عليها واتفاجئوا بصحر ماشيه وزليخه ساندها وماشين براحه وبيتكلموا ويضحكوا

ريحان ويحيى حضنوا صحر

ريحان: معقوله معقوله يا صحر قمتى ازاى

صحر حكتله كل اللى حصل

يحيى : طلعتى قويه يا صحر واحنا منعرفش اهو

ريحان: مش عارف اقولك ايه يا مدام او اشكرك ازاى اطلبى اى حاجه وانا انفذهالك فورا

زليخه : انا الحمد لله طلع حاجه لله

ريحان: المره دى مش هطلع ٥٠ جنيه لا هطلع ٥٠ الف جنيه

زليخه بصتله وابتسمت وعرفت انه بلسه فاكر الموقف بتاع زمان

زليخه: بس انا المره دى ليه يطلب

ريحان: انتى تؤمرى اى حاجه عايزااها اعتبريها حصلت

قال فى سره ( دايما وشك حلو عليا )

زليخه: عايزاك تجبلى صحر تعد معايا كل يوم انا ومديحه بنكون لوحدنا هى تيجى تقعد معايا ونتسلى كلنا

ريحان: بس كده انتى تؤمرى ايه رايك يا صحر

صحر : انا اخدت رقمها وهتفق معاها ازورها امته

ريحان: يعنى اطلع منها انا هههههههههههه

زليخه: لا طبعا حضرتك الخير والبركه

كل ده ويحيى واقف مستعجب من ابوه اولا  لانه اول مره يكلم ست غريبه و فهم ان أبوه كان يعرفها قبل كده من موضوع ال ٥٠ جنيه وسكت وقرر يساله لما يبقوا لوحدهم

يحيى: طيب مش يلا يا صحر عشان منعطلهمش اكتر من كده

ريحان: طيب اتفضلوا اوصلكم في الطريق

زليخه: لا شكرا لحضرتك البيت قريب احنا هنتمشاها

ريحان: تمام مش هضغط عليكوا ولو احتاجتوا اى حاجه رنى على صحر

كل ده ويحيى واقف فى حاله زهول من ابوه

_________

نروح ليسر وبيت زكى

خرجت يسر على صوت باباها واتفاجئت بيهوهو وهنا وعلى وش هند ضحكه خبيثة فهمتها يسر

يسر : مالك يا بابا حد مزعلك ولا ايه

زكى : هو انتى صحيح رفضتى تساعدى هند فى الغدا وقولتلها انتى خدامه هنا

يسر بتمثيل الشهقه : لا طبعا يا بابا انت تصدق انى اعمل كده دى طنط هند دخلتلى وانا بزاكر وبكلم صحبتى فى التليفون كنا بنسمع لبعض وراحت مزعقه وقالتلى امك الخدامه مشيت وانتى هنا مكانها قومى حضرى الغدا

قلتلها انا مش بعرف وعندى امتحان وبراجع مع صحبتى وهى فضلت تزعق وتشتمنى قدام صحبتى يرضيك كده يا بابا

وعملت نفسها بتعيط

وبعدين يا بابا بقى انا يسر زكى يتقال عليا خدامك بقى مقامك يا بابا بنتك تبقى خدامه بدل ما اتخرج واشتغل محاميه كبيره ترفع اسمك فى الحاره هنا يتقال عليا خدامه

زكى بص لهند بصت توعد وقالها ا

زكى : ولادى لأ يا هند فاهمه وانا من الاول معرفك كده صح ولاد زكى رضوان مش خدامين حد الناس هما اللى يخدموهم من بكره هتنزلى هنا تنضفى وتطبخى وتعملى الاكل

هند : مزاكره ايه يا ام مزاكره دانتى كنتى قاعده ماسكه التليفون بتحبى فيه وتلاقيكى بتروحى تقابلى شباب وبتضحكى على اهلك

يسر زادت فى التمثيل

يسر : انا انا يتقالى كده يسر زكى يتقالها كده طيب

دخلت جابت الفون بص يا بابا الرقم اهو اللي كنت بكلمه والساعه متسجله اظن دى مافيهاش مجال للتعديل اتصل بالرقم وشوف مين هيرد

فى دخلت وائل

يسر : تعالى يا وائل تعالى اتفرج مرات ابوك بتقول عليه ايه بتقولى ماشيه بكلم شباب ده انا مخطوبه لصاحب وائل راجل ملو هدومه وبالرغم من كده عمرى ماخرجت معاه تيجى انتى تتكلمى على عرضى

ورجعت بصت لابوها

بقى انا يا بابا يتقالىعنى كده خد التليفون اهو واتصل بكل الارقام اللى عليه ولو لقيت حد رد عليك غير بنات تعالى حاسبنى

ورجعت بصت لهند

انا ابويا راجل يا مدام ومربينى وصارف عليا واخويا كمان راجل ومقدرش اعمل حاجه توطى راسهم طول عمرى رافعاها ودايما بطلع من الاوائل

هند اتفاجئت ان يسر قلبت عليها الترابيزه ومبقتش عارفه تتصرف مكنتش فاكراها بالخبث واللؤم ده

وائل: ايه الكلام ده اللى انا بسمعه ده انتى بتتكلمى فى عرض اختى قدامنا امال من ورانا بتقولى ايه وبص لابوه انا هسيبك تتصرف يا بابا والكلام اللى اتقال على اختى منها لازم يترد عليه

زكى مسك هند من شعرها واخدها على الشقه فوق

يسر بصتلها بشماته وقعدت وحطت رجل على رجل نفس القاعدة اللى كانت قاعداها وقت ما ابوها ضرب امها قدامها

معلش على التاخير يا نجمات تليفونى كان بايظ وبيعلق فمعرفت انزل امبارح

سنه جديده سعيده عليكم يارب

يسر : وائل انت لسه متعرفش حاجه عن ماما

وائل : لا لسه محدش كلمنى عموما لو حصل حاجه اكيد البوليس هيتصل بيا

يسر : هو انت مش خايف عليها

وائل: هى ماما صغيره دى كبيره بما فيه الكفاية

يسر : بس امك رقيقه وضعيفه يعنى ممكن يجرالها حاجه

وائل: لو حصلها حاجه كانت اتصلت واستنجدت بحد فينا لكن هى قافله تليفونها يعنى هى قاصده تبعد ومش بعيد تكون راحت عند خالك كماان

يسر : انا مش عارفه انت واختك ايه قلوبكم حجر كده ليه المهم عايزاك تراقب اختك انا مابقتش اشوفها فى البيت غير وقت النوم مش عارفه بتروح فين

وائل: مقولتيش لبابا ليه

يسر : منا بقولك اهو وابوك مش فاضي ولا بشوفه أصلا انا خايفه عليها اوى

وائل: خلاص سبيلى انا الموضوع ده

خطيبك عامل ايه بيكلمك

يسر : اه بس انا مش بعرف اكلمه كتير عشان الامتحانات ومقلتلوش على موضوع ماما انها سابت البيت وانت كمان ماتقلوش حاجه لحد مانطمن عليها يمكن ترجع

وائل: ماشى يا يسر عندك حق انا قايم بقى اروح اى مطعم اشوفلى لقنه اكلها ولو الوليه دى كلمتك اديها على دماغها مش ناقصين بلاوى وقلت ادب

.......

عند زكى فوق كانت بيتخانق مع هند

زكى : بقى انتى يا بنت ال.... وال ...... بتجيبى فى سيره بنتى عايزه تطلعى عليها سمعه انتى فاكره نفسك ايه انا اللى غلطان انى عملت لواحده زيك قيمه بس ملحوقه من بكره تنزلى تحت تنضفى وتكنسى وتعملى اللى كانت زليخه بتعمله

هند : ولو معملتش كده هتعمل ايه يا عنيا انت فاكرنى ضعيفه زى اللى هربت منك لا اصحى وفوق كده وورينى هتعمل ايه

زكى : راح عليها وضربها : هعمل كده  كل اما تعصينى هعمل كده

هند: بقى كده طيب انا بقى هعرفك مين هى هند ماشى يا زكى وعايزاك تطلقنى

زكى: وماله اطلقك يا حلوه وماله بس رجعى  كل اللى جبتهولك والشيك اللى ماضيه عليه لازم تسدديه

هند : انا مش ماضية على شيكات

زكى : لا ماضية يا حلوه مع القسيمه وادى صوره منه وطلعلها صوره من الشيك موجوده في محفظته

هند : انت ازاى كده وعملت كده امته

زكى : انا تاجر يا شاطره ولا ناسيه نهاية الكلام نفذى كلامى ولا انتى حره

هند بصتله بتوعد : ماشى يا زكى ماشى والشاطر اللى هيضحك في الاخر

_____$__

عند وائل كان قاعد في مطعم وبيتغدى مع واحده

وائل : تسمعى يا رشا ونفذى عايزك تقربى من ابويا بأى شكل عايزك توقعيه فيكى ولو جدعه خليه يتجوزك كمان

رشا : طيب وانا ايه اللى هستفاده لما اتجوز واحد اد أبويا

وائل: هتترحمى يا ختى من مرات ابوكى ومن شغلك فى البيوت

رشا : طيب ماتتجوزنى انت

وائل: انا مش بتاع جواز ومش هتجوز دلوقتي وغير كده هديكى قرشين حلوين لما تتفذى اللى انا عايزه وتمضيه على الورق اللى هقولك عليه

رشا : وهاخد كام

وائل: هديكى ١٠٠ الف وهتبقى قاعده واكله شاربه نايمه لابسه ببلاش ها قولت ايه

رشا : امين يا وائل موافقه

وائل: خلاص من بكره هتنزلى تشتغلى فى المحل اللى فى الحاره عندنا عشان تبقى قدامه فى الداخله والخارجه وهديكى قرشين تجبيلك طقمين حلوين كده تلبسيهم قدامه

........

عند يسر كانت بتكلم امها

زليخه: ها يا يسر اوعى يكون ابوكى مد ايده عليكى ولا زعلك عشان خاطرها

يسر : هو مد ايده اه

زليخه بخضه : يالهوى عمل ايه

يسر : ماتقلقيش هو مد ايده عليها هى قدامنا جابها من شعرها وطلع الشقه فوق وهو ماسكها من شعرها وصوتهم كان جايب اخر  الشارع

زليخه: معقول احكيلى من الأول

يسر حكتلها كل اللى حصل بالتفصيل

زليخه: يا يسر يا حبيبتي سيبك من المشاكل اللى عندك دى وتعالى عيشى هنا البلد بقت حلوه اوى وهتلاقى كمان فرص شغل حلوه ممكن اكلملك حد يشغلك

يسر : حد مين اللى تعرفيه ويشغلنى . لا يا ماما انا مش محتاجه حد انا اعرف اخافظ على نفسى كويس واخد حقى واللى يعادينى هو اللى يخاف منى مش العكس

زليخه : اخواتك عاملين ايه سألوا عليا

يسر : وائل عمل محضر باختفائك بس هو متأكد انك عند خالوا بس هو مش عارف العنوان وانا عامله نفسى مش عارفه حاجه

زليخه: وخطيبك

يسر : ماما خطيبى ده مسئله وقت وهسيبه ماتشغليش بالك بيه انا عارفه هسيبه امته وازاى ماتشغليش نفسك خدى بالك من نفسك واطمنى علينا ملنا بخير

زليخه: ماشى يا حبيبتي وخدى بالك على رولين هى طيبه وهبله بس السكينه بتاعت الدنيا وصحابها سرقاها هى كل همها الفسح والخروج خدى بالك منها ورقبيها كويس

يسر: ماتشغليش بالك يا ماما انا واخده بالى

____________

فى البلد عند ريحان وزاهر

ريحان: ازيك يا زاهر عامل ايه

زاهر : أهلا وسهلا يا ريحان بيه نورت مكتبك

ريحان: منور بيك يا راجل ياطيب قفلت مع يحيى الميزانية خلاص

زاهر: اه يحيى باشا راجع معايا كل حاجه لو حابب اجيب الملفات ونراجعها تحت امرك

ريحان: لا انا واثق فيك يا زاهر احنا عشره عمر وبلاش يحيى باشا دى ده اد ولادك اسمه يحيى بس

زاهر : ربنا يجبر بخاطرك صحيح حمدالله على سلامه صحر مديحه حاكتلى ربنا يطمنك عليها

ريحان: الفضل ليها هى واختك هى صحيح رجعت هتعيش هنا على طول

زاهر : هى هربانه من جوزها عندى

ريحان: ايه ليه كده

زاهر حكاله كل حاجه بالتفصيل

ريحان: صحيح راجل قليل الاصل عموما لو احتاجتوا اى حاجه انا موجود صحيح تعرف محامى شاطر

زاهر : اه طبعا بنت اختى بتدرب فى مكتب محامى كبير اوى ممكن اديك رقمها تكلمها وهى هتعملك كل اللى انت عايزه

ريحان: خلاص ابقى كلمها عرفها وانا هتصل بيها بكره عشان زى مانت شايف التجار مش عايزين يدفعوا اللى عليهم ولازم قرصه ودن محترمه

زاهر: تحت امرك يا ريحان بيه وأنهارده هتصل بيها واديها نبذه

ريحان: تمام يا زاهر اسيبك بقى تكمل شغلك مش هعطلك اكتر

خرج ريحان من عند زاهر وقابل يحيى فى وشه

يحيى: ايه ده انت كنت عند عم زاهر

ريحان: اه بطمن على الشغل

يحيى: اه بصله بطرف عينه . مش ده برضه اخو زليخه اللى شفناها امبارح

ريحان: اه هو بتسأل ليه

يحيى: لا ابدا باكد معلومه بس انت كنت تعرفها قبل كده

ريحان: وانت شغال بالك ليه

يحيى: لا ابدا بس مستغرب

ريحان: لا ريح بالك الست متجوزه وجايه هربانه من جوزها لحد ماتكسب القضيه اللى رفعاها وحكاله كل حاجه

يحيى: بص لابوه باستغراب. ده الموضوع فارق معاك بقى عشان تعرفوا بالتفصيل

ريحان: امشى يلا بقولك الست هربانه من واجبنا نقف جنبها احنا من امته بنتخلى عن حد طالب مساعده

يحيى بص لابوه بطرف عينه : مع انها لسه مطلبتش مساعده بس ماشى طالما قريبه عم زاهر نعتبرها طلبت طبعا واه صحيح هى كلمت صحر وعملتلها كيكه كانت عايزاها وصحر طلبت منى اروح اجبها منها وانا مروح وانا مش هروح دلوقتي فممكن لو سمحت تروح تاخدها منها

ريحان: لا مش هروح دلوقتي لما تخلص انت ابقى روح اناةهروح على البيت على طول عشان أنا تعبان  وسابه ومشى ويحيى كان فاكر انه هيوافق وهيروح بنفسه يجبها واستغرب ليه ابوه اتهرب يحيى لنفسه يا خبر بفلوس بكره يبقى ببلاش

_______

تانى يوم اتصل ريحان على يسر وحكالها انه عايز يرفع قضية على التجار وهو معاه شيكات ووصلات منهم وهى كلمتله المحامى

يسر : ريحان بيه انا كلمتلك استاذ محيى وإن شاء الله هنقدر نضغط على التجار لان كل القوانين فى صفك وممكن كمان يدفعوا دون الرجوع لتكمله القضية

ريحان: خلو اوى ده اللى انا عايزه الوصلات دى عامله ٢٠ مليون جنيه مش هيفرق معايا حبسهم لكن انا عايز استرد فلوسى بصى انا مش هقدر اسافر واحى كل شويه عشان كده هبعتلك يحيى ده ابنى ومعاه توكيل عام منى هو اللى هيرفع الدعوى عليهم

يسر : ينور طبعا يا فندم هو يعملى التوكيل وممكن يبعته مع اى حد وانا باذن الله هبدا في الإجراءات اول مايعملى التوكيل

ريحان: خلاص على خيره الله

عدى شهرين على الأحداث دى وخلال الشهرين دول استلم زكى الانذار بتاع قضيه الخلع من زليخه وطبعا راح لبنته

زكى : يسر يا وائل يا رولين تعالوا تعالوا

كلهم جريوا عليه

وائل : خير يا بابا حصل ايه

زكى : امكم الكبيره اللى المفروض تحافظ على البيت وعليكم هربت ورفعه عليا قضيه خلع

يسر بشهقه : ايه ده انت عارف مكانها

زكى : لا طبعا بس تلاقيها عند الز ف ت اخوها انا هعرف اجبها ازاى واكسر مناخيرها

يسر: طيب ماتطلقها احسن وتبقى جت منك بدل قواضى الخلع والكلام ده وطالما هى عند اخوها يبقى خلاص تستحمل العيشه بقى اللى هى عايشاها

زكى بصلها : طيب ولو سبتها ماشيه ورفضت اطلق

يسر : بص يا بابا انا هقولك هى كان ممكن ترفع قضيه طلاق للضرر انك متجوز عليها وكانت هتكسبها عشان حضرتك متجوز انما واضح انها مستعجله على الطلاق عشان كده هى طلبت الخلع وللاسف جوازك من واحده تانيه هيخليها تكسبها من اول جلسه عشان كده اسبقها انت بخطوه وطلقها

زكى بصلها : صح بنت ابوكى

رولين: ايه ده يعنى كده ماما اتخلت عنا خلاص ومش عايزانا

زكى: اه يا حبيبتي شوفتى انا بس اللى باقى عليكم

رولين: وانا كمان مش عايزاها وسابتهم ودخلت اوضتها

وائل : طيب يا بابا ماتحاول تصلح معاها وترجعها تعيش هنا تانى على الاقل ناكل اكله محترمه ونلبس هدمه نضيفه بدل القرف اللي مراتك معيشانا فيه ده

يسر بصتله بقرف ( هو ده كل اللى همك )

زكى : لأ خلاص مش عايزها وكمان هتجوز واحده تانيه وهند هتنزل تعيش هنا وتتعلم بقى الطبخ وتخدمكم هى

بقولك يا يسر انا لو عايز اوصل لامك اعمل ايه

يسر : بص يا بابا ده اسم المحامى اتصل بيه وبلغه انك هتطلقها ودى وهى اكيد ممكن تكلمك او هو يوصلك منها رساله

_____

فوق عند هند اول ماسمعت كلامهم الغيظ اكلها واتصلت بالتليفون

هند : بقولك انهارده تنفذ مش عايزه عضمه فيه سليمه سامه 😱😱

يتبع

هند اتصلت بابن عمها

هند : ايوه انهارده بليل تنفذ اللى قلتلك مش عايزه عضمه سليمه فى جسمه

وليد : طيب ما كده هيشك فيكى

هند : يشك ولا يتاكد حتى عشان يحرم يمد ايده عليا ولو فكر يعملها تانى يخاف ويعرف ممكن اعمل فيه ايه هو فاكرنى مراته الاولى يبيع ويشترى فيها وياكل حقها لا وكمان عايز يتجوز عليه انا مش عايزاه ينفع لجواز تانى عشان يعيش عينه مكسوره

وليد: سهله دى بس انتى بحبحى ايدك شويه

هند : لما تنفذ بس

__________

عند يسر كلمت مامتها

يسر : بصى يا ماما انا خلاص اقنعت بابا وهيطلقك وهيبعتلك ورقتك وهو هيتواصل مع المحامى وهيبعتلك الورقة عن طريقه اوعى تتواصلى معاه او تعرفيه مكانك هو كده كده شاكك انك عند اخوكى

زليخه: بجد الحمد لله إن الموضوع مش هيطول بقولك بقى مش ناويه تيجى تزورينى انتى وحشتيني اوي اوي

يسر بصى فى ورق محتاج امضه يحيى ابن ريحان بيه انا هاخدها حجه واحيب الورق بنفسى واوصله ليهم يمضوا عليه واشوفك هيكون الاسبوع ده إن شاء الله

زليخه : بجد طيب عرفينى قبلها وانا اعملك كل الاكل اللى انتى بتحبيه

يسر : حاضر يا ماما يلا يا حبيبتي لا اله الا الله

زليخه : محمداً رسول الله

__________

بليل كان راجع زكى على اول الحاره بالعربية وطلعوا عليه ناس وقفوا

زكى : خير فى حاجة

البلطجية: اه اطلع باللى معاك

زكى : امشى يلا العب بعيد

البلطجى : يبقى انت اللى جبته لنفسك وهجموا عليه عشان يضربوه لكن كانت رشا خلصت شغل ومروحه وشافت المنظر وهما بيتهجموا على زكى راحت اتصلت على وائل

وائل: ايه يا رشا فى حاجة ولا ايه

رشا : الحق ابوك يا وائل فى رجاله طالعه عليه بيضربوا

وائل ايه طيب صوتى واعملى اى حاجه على ماجى انا فى الشقه ونازل هو فين

رشا : على باب الحاره عند الخرابه كده

وائل: انا جاى حالا اتصل وائل على الرجاله اللى شغالين فى المحلات وراحوا جرى مكان ما رشا قالتلهم فى نفس الوقت كانت رشا عماله تصوت وجريت عليهم حاولت تزوقهم فى الوقت ده دخل الرجاله ومعاهم وائل

حاش ابوه منهم وكانت رشا واقفه تعيط وتصوت

زكى: ما خلاص بقى مكفايه صوات  بقى

وائل: خدوهم يا رجاله على المخزن عايز أعرف مين وراهم

ابويا انت كويس ولا نروح المستشفى

زكى : لا انا كويس مالحقوش يعملوا حاجه هى مين البت دى

رشا : انا رشا اللى شغاله في المحل بتاعكم اللى فى الحاره هنا

زكى : طيب تعالوا نروح نتكلم فى البيت

رشا : مش هينفع انا متأخرة

وائل: اسمعى الكلام يا رشا وانا هجبلك عربيه

روحوا كلهم البيت ويسر ورولين كانوا بيتفرجوا على التليفزيون

يسر : جريت على ابوها بابا حصل ايه مالك

وائل : عيال ولاد ح رام طلعوا على ابوكى ضربوا

يسر : هما فين تعالى ننزل نعملهم محضر حالا

وائل: حيلك حيلك يا استاذه محضر ايه وبتاع ايه حق ابوكى هعرف اجيبه ازاى

زكى : اسمعى كلام اخوكى يا يسر العيال دى حد زاققهم والقسم مش هيعرف مين دول ليهم سكه تانيه

وبص لرشا : وانتى ايه اللى مروحك في وقت زى ده فى حته مقطوعة زى دى بليل كده

رشا: انا شغاله هنا من كام يوم الأستاذ وائل هو اللى مشغلنى ولما شفتك الرجاله بيحاولوا يضربوك كلمته على طول وهو جه بسرعه اصراحه يعنى متاخرش

زكى : طلع من جيبه ٤٠٠ جنيه واداهملها فى ايديها

خدى دول عشان انتى بت جدعه وبعد كده روحى بدرى شويه

رشا : لا يا معلم خيرك سابق

زكي: خدى واسمعى الكلام فاهمه

وائل: خلاص خدى منه رشا

رشا اخدت الفلوس: تشكر يا معلم ربنا يخليك لينا يارب وسابتهم وخرجت ووائل جبلها تاكسى

يسر : يا بابا بلغ عنهم وفى القسم هناك هما هيقرروهم ليهم طريقتهم

زكى : يسر خفى شويه واه امك خلاص طلقتها وبعت ورقتها للمحامى انا داخل انا هنا انهارده مش عايز ازعاج سامعين

رولين: الف سلامه عليك يا بابا بس قبل ما تدخل كنت عايزه ٥٠٠ ج

زكى : ليه

رولين: عشان الدرس

هنا وائل ويسر بصوا لبعض وسكتوا وراح زكى طلع الفلوس واداها لرولين

عدا كام يوم وورقه الطلاق وصلت للمحامى ويسر راحت اخدتها منه عشان توصلها لامها واتفقت مع ابوها انها هتسافر اسيوط عشان تخلص ورق من هناك وطلبت من وائل يوصلها بس هو اتحجج وقالها انتى مايتخفش عليكى

كلمت يسر يحيى فى التليفون واتفقت معاه انها هتروحله الشركه تخلص معاه بعض الورق ( يسر لسه ماقبلتش يحيى لانه لما راح اول مره للمحامى كانت هى فى الكليه )

فى نفس الوقت عرف وائل وزكى إن هند هى اللى كانت ورا العيال دول وهى اللى مسلطاهم عليه وقتها زكى طلع ض ر ب هند بالحزام لحد ماجسمها جاب دم واخدت منها التليفون وحبسها في الشقه ممنوع تخرج او تكلم حد حتى عياله والاكل بيبعتهولها وهى بتطبخ وبيجيى ياخد الاكل وينزل لولاده وطبعا اهملت في نفسها جدا ومبقتش عايزاه يقرب منها ونفسها يطلقها وتخلص منه

ساعتها زكى حس انه اتسرع في انه طلق زليخه لان زليخه كانت حلوه حتى وهى مش مهتميه بنفسها

واكلها احلى من القرف اللى بياكله من هند

_________

وصلت يسر اسيوط وراحت المكتب عند يحيى

يسر: السلام عليكم

يحيى: وعليكم السلام

يسر: انا يسر من مكتب استاذ محيى بعتنى اخلص مع حضرتك بعض الاوراق وكمان بيبلغ حضرتك وريحان بيه ان فى اتنين من التجار عايزين الصلح و هيخلصوا كل الفلوس اللى عليهم

يحيى: طيب ادينى فرصة ارحب بيكى الأول اتفضلى اقعدى تشربى ايه

يسر: مافيش داعى مش عايزه اعطل حضرتك

يحيى: لا طبعا مايصحش اتفضلى انتى جايه من سفر وليكى واجب الضيافة

يسر: شكرا لحضرتك انا مش ضيفه انا ماما هنا على فكره وجايه ازورها

يحيى: بجد تبع عيله مين

يسر: خالى يبقى استاذ زاهر ومامتى زليخه

يحيى: ايه معقول احنا طلعنا معرفة بقى ومامتك ليها جمايل علينا حتى اختى انهارده معذومه عندكم

يسر بصلتله باستغراب حكالها مقابلتله مع والدتها في المول

يسر : تمام أتشرفت بحضرتك يا استاذ يحيى فرصه سعيده جدا

بداؤا في الشغل وخلصوا كل الورق والباقى هيروح تانى يوم الشهر العقارى هيخلصه وبعد كده يسلمهولها

يسر: تمام كده يا استاذ يحيى بكره الصبح بإذن الله هقابل حضرتك بدرى عند الشهر العقاري اخد الورق الفاضل عشان اسافر بيه استأذن انا

يحيى: لأ طبعا انا هوصلك

يسر: لا مايصحش انا هعرف اوصل لوحدى

يحيى: يا ستى ولزمتها ايه انا معايا العربية وكده كده فى طريقنا هعدى على اختى عشان اوصلها برضو لمامتك اتفضلى اتفضلى

خرجت يسر مع يحيى ومستغربه من مامتها اللى قدرت تكون معارف ومصاحبه طفله صغيره بس قررت تسكت لحد ماتقعد مع امها لوحدها

فى الجهه الاخرى عند زاهر استأذن عشان يمشي بدرى وقابل قدامه ريحان

ريحان: ازيك يا استاذ زاهر

زاهر: اهلا بحضرتك يا ريحان بيه معلش واخد إذن انهارده اروح بدرى عشان بنت اختى جايه

ريحان: اه تقريبا بتخلص ورق مع يحيى

زاهر: مش بس كده الحمد لله الزفت جوزها وافق على الطلاق بدل القضايا والمحاكم وورقتها هتوصلها انهارده مع يسر

ريحان بفرحه داخليه : طيب الحمد لله انه وافق يطلقها بدون مشاكل تعالى يلا اوصلك فى طريقى

زاهر: هو مش حضرتك لسه جاى

ريحان: لا انا كنت جاى اخد ورق ومروح

زاهر: مش عايز اتعبك

ريحان: اتفضل يلا وبلاش الكلام ده مافيش تعب ولا حاجه احنا اخوات

وصل ريحان زاهر وأصر عليه زاهر انه يتدخل يتغدى معاهم وتحت اصرار زاهر وافق ريحان 😉

عند يسر وهى فى العربيه تليفونها رن وكان خاطيبها

يسر : الو

عامر : ازيك يا يسر عرفت من وائل انك مسافره شغل قلت اتصل اطمن عليكى

يسر: انا بخير الحمدلله يا عامر بص انا زى مانت سامع كده فى الشارع اول ما اخلص هكلمك مع السلامه وقفلت فى وشه

يحيى: اخوكى ده

يسر بصتله باستغراب على تدخله

لا ده خطيبي

يحيى: بس انتى مش لابسه دبله

يسر: عشان سبته بس هو لسه مايعرفش

يحيى: طيب ليه مخبيه عليه وهتقوليلوا امته انك سبتيه

يسر بصتله باستغراب من تدخله ومش عارفه تقوله ازاى ملكش دعوه

يسر: بص يا استاذ يحيى هو موضوع طويل وعائلى شويه فصعب الخصه فى كلمتين

يحيى: بضحكه معاناها بتقوليلى انت مالك بس بالذوق وصل يحيى لبيته واخد اخته وراح لبيت زاهر واتفاجئ بعربية ابوه قدام بيتهم

يتبع

اثناء نزول يسر وصحر من العربية خرج زاهر عشان يستقبلهم

زاهر: اهلا اهلا ببنت اختى ليكى وحشه وراح سلم عليها واخدها فى حضه وبص وراها شاف يحيى وصحر

يحيى: ازيك يا استاذ زاهر يسر كانت بتخلص شغل معايا فقلت مايصحش اسيبها تمشى وتسأل على البيت وانا موجود فحبتها معايا هى وصحر استأذن انا بقى

زاهر: والله ما يحصل تعالى يا يحيى لازم تتغدا معانا على الاقل نرد من بعض جمايلكم معانا تعالى بس تعالى ابوك هنا كمان هيتغدى معانا

يحيى: بابا هنا طيب خلاص عزومه مقبوله يا عم زاهر

ودخلوا كلهم البيت عند عم جاسر

زليخه اول ما شافت يسر جريت عليها وحضنتها وحشتيني اوى يا يسر وحشتيني اوى واخواتك عاملين ايه

يسر : بخير يا ماما كلنا بخير الحمدلله هبات معاكى انهارده ونسهر نتكلم براحتنا يا حبيبتي

بصت زليخه لصحر وحضنتها دى بقى يا صحر يسر بنتى الكبيرة ودى يا يسر صحر بنت ريحان بيه وبعتبرها بنتى بصراحه من ساعه ما جيت هنا وهى مهونه عليا كتير لو اتكلمتى معاها هتحبيها او اقعدوا اتعرفوا على بعض لحد ما اخلص اغرف الاكل دخلت المطبخ زليخه مع مديحه يخلصوا الغدا وكان زاهر وامه ويسر وصحر ويحيى قاعدين فى الصالة بيتكلموا

ويحيى مستغرب من باباه اللى اول مره يوافق على عزومه عند حد دايما هو اللى بيعزم بس عدى الموقف وبقى يراقب باباه وهو كل شويه بيبص ناحيه باب دخول الغرفه و فى نفس الوقت مندمج بالكلام مع يسر ولقى انها حافظه القوانين كويس جدا وتقدر تخرج ثغرات

يسر أثناء كلمها التليفون رن وكان محيي المحامى وكلم يحيى وعرفه ان فى واحد من التجار عايز يخلص اللى عليه بالإضافة للناس التانيه وقاله لو يقدر يروحله بكره هيكون افضل ويحيى وافق

ريحان: وشك حلو عليا يا استاذه

يسر : ده من زوق حضرتك وغير كده ده حقك واكيد لازم يرجع احنا فقط اسباب لرجوع الحق ودايما استاذ محيى فى مسائل الشيكات بيتخذ الجوانب الودية الاول وبتجيب نتيجه بدليل ان فى اكتر من تاجر جاهز من بكره يسدد اللى عليه

دخلت زليخه وقالتلهم ان الغدا جاهز والستات اتغدت لوحدها والرجاله اتغدوا لوحدهم ويسر فضلت تتكلم مع صحر وحبيتها لانها حست انها وحيده رغم مركز باباها واخوها إلا انها ناقصه اهتمام واخدت رقمها ووعدتها انها هتسال عليها دايما واثناء الغدا تليفون يسر رن وكان وائل اخوها وردت عليه

يسر: الو يا وائل ازيك

وائل: كويس يا يسر انتى هتيجى امته

يسر: هركب القطر بتاع الصبح إن شاء الله فى حاجة ولا ايه

وائل: اه رولين اختك ماشيه مع شله عيال بايظه وبتروح ديسكو وبيعلموها تشرب مش بس سجاير وحاجات تانيه

يسر: يالهوى انت متأكد من الكلام ده

وائل: اه بقالى اسبوع مخلى حد يراقبها وفى حد بتكلمه وماشيه معاه بس مش عارف مين

يسر : انا لما اجى هاخد موبايلها من وراها ادور فيه

وائل: خلاص متتاخريش عشان انا لما تيجى هحبسها في البيت

يسر : وائل اوعى تمد ايدك عليها

وائل: اقفلى يا يسر سلام

وقفل فى وشها وهو مستحلف لرولين

عند يسر رجعت ووشها مقلوب

زليخه: مالك يا يسر حصل حاجه

يسر: لا ابدا يا ماما ده وائل بيتخانق معايا عشان بايته بره البيت هو ميعرفش انى هنا

زليخه: معلش يا حبيبتي اخوكى وقلقان عليكى

خلصوا اكل وقاعدوا كلهم فى الصالة بيتناقشوا

زاهر : على خلاصك من زكى يا زليخه الواحد مش عارف يقول معلش ولا مبروك انك خلصتى

زليخه: لا قولى مبروك يا زاهر الحمد لله كل واحد بياخد نصيبه

زاهر : وهتاخدى حقك بقى ازاى ايه رايك تسبيلى انا الموضوع ده

يسر : وهتاخده ازاى يا خالوا

زاهر : هاخد كام راحل ونروحله وبالمره اطفى نارى منه على اللى عمله فيها

يسر : اوعى تعمل كده يا خالو ده مهما كان ابويا ومش هسمح بحاجه زى أبدا تحصل ومافتكرش انا قصرت في حاجه معاها ابدا وحقها بجيبه واحده واحده وبالقانون لو كانت ماشيه بالدراع يبقى لزمتها ايه بقى الأقسام والمحاكم والحكومة

زاهر: وحرقة قلب امك

يسر : صدقنى يا خالو حقها بيرجعلها حتى من هند كفايه ان بابا كل يوم يديها علقه الصبح وبليل وضربها قدامنا كذا مره والبيت انا هعرف ازاى اجبلها حقها فيه انت بس ثق فيا مش محتاجه اكتر من كده

زليخه: انا بثق فيكى يا حبيبتي ولا يهمك خالك مايقصدش بس هو زعلان عليا وبعدين بصت لخوها

فى الاخر يا زاهر هو ابو ولادى وانا مش هقبل بكده انا عارفه خوفك وزعلك عليا بس صدقني خلاص وجودى هنا وسط اهلى ورجوعى ليكوا بالدنيا بحالها حتى لو مخدتش البيت انا مش عايزه حاجه ولادى برضو اللى قاعدين فيه

يحيى بص ليسر بإعجاب بسبب عقلها وحكمتها رغم صغر سنها وانها لسه بتدرس بس واضح انها عارفه الدنيا كويس

وريحان كانت نظرته مختلفة لزليخه شايف واحده أصيلة وفيه بالرغم من اللى عملوا فيها جوزها الا انها رافضه اذيته ودماغه جابته امال لو كان بيعاملها حلو وبيصنها كانت عملت معاه ايه اللى زى دى جوهره ومش هيعرف قيمتها جواهرجى وانا جواهرجى قديم 😉

ريحان: صحيح انا سمعت انك ماشيه بكره

يسر : اه الصبح همشى على طول اول ماخد الورق من استاذ يحيى

يحيى: انا كده كده بكره مسافر لاستاذ محيى عشان نخلص موضوع التجار اللى عايزين صبح بدل المحاكم ويسلموا الفلوس ويستلموا الشيكات ولازم اكون موجود

فايه رايك يا استاذه يسر تسافري معايا

يسر : لا طبعا متشكره جدا لعرضك بس انا زى ماحيت زى ماهمشى

يحيى: يا ستى اعتبرينى اوبر من هنا للقاهره

ريحان: وبالمره كمان خد معاك صحر فسحها وهاتلها اللى يعجبها من هناك اهو يا ستى عشان الحرمانيه  هياخد معاكوا صحر

يسر : طيب تمام موافقه يبقى نتحرك بعد الشهر العقاري على طول عشان نلحق اليوم

ريحان: نستاذن احنا بقى يا استاذ زاهر الوقت سرقنا وتسلم ايدك يا ام وائل على الاكل الحلو ده الواحد بقاله فتره ماكلش حاجه حلوه كده

صحر : بابا ماتخلينا شويه عايزه اقعد مع يسر لسه ماشبعتش منها

يسر : ايه رايك تسيبها بايته معانا البيت مافيهوش حد غريب وبكره الصبح تسافر معانا وتمشىى من هنا وهى لبسها حلو اهو زى ماما ماقلتلى قبل كده

ريحان: صحر عمرها ما باتت بره البيت صعب الموضوع ده عندنا

يسر : ولا صعب ولا حاجه وبعدين هنا مافيش حد تخاف عليها منه ومافيش حد غريب اطمن عليها وسبها

ريحان: خلاص يا ستى مش هزعلك تبات الليلة

يحيى: وانا هروح ابعتلك لبس عشان تنامى فيه وتقدى براحتك

صحر حضنتهم : ماشي شكرا اوى ايكوا

خلص اليوم ومشى ريحان ويحيى وفضلت صحر قاعده معاهم بتتفرج على التلفزيون لحد ما غلبها النوم

يسر : دى نامت استنى اغطيها

زليخه: غلبانه اوى يا حبيبتي رغم الغنى اللى هما فيه إلا انهم متواضعين جدا وصحر مامتها متوفيه من فتره قريبه وكان عندها حالة نفسيه وقاعده على كرسي متحرك وحكتلها قصه صحر كلها

يسر حضنتها : حبيبتي تصدقي صعبت عليا دلوقتي انا فهمت سر اهتمام يحيى وريحان بيه اصل دماغى كانت هتاخدنى فى حته كده بس كويس انك قلتيلى

زليخه: حتت ايه

يسر : ها لا ابدا ولا حاجه المهم انا هنام بقى عشان انا جايه من سغر تعبانه ولسه هسافر تانى نفس التعب تصبحى على خير يا ماما

نامت يسر وسابت زايخه قاعده بتفكر ازاى ترجع ولادها ليها تانى بتتمنى لو رولين معاها زى. يسر كده وتبقى حواليها لكن قدر ومكتوب

عند وائل دخلت رولين وكان وائل قاعد مستنيها واول ماشفها قام جابها من شعرها وفضل ي ض ر بها با قلام على وشها

رولين: انت اتجننت انت بتعمل معايا كده ليه

وائل: بقى مش عارفه يا حيوانه يا بنت ال .... يا و .....

بعمل كده ليه فكرانى نايم على ودانى خليتى ايه للصي ع يا ص ايعه

رولين: ماتبص لنفسك الاول  وبعدين حاسبنى

وائل: انا راحل اعمل اللى انا عايزه انما انى بنت اى حاجه هتتحسب عليكى

بس انا بتكلم معاكى ليه انا بقى يا ز فته  هحبسك هنا وهعلمك الادب لحد مايبانلك صاحب

عند عامر خطيب يسر

صاحبه : طيب انت دلوقتي ماشى مع البنت واختها

عامر : يسر بقالها فتره متغيرة ومش مرسيانى على بر وتقيله كده وجد ودمها يلطش عكس اختها دمها خيف وحركة وبيضحك على عقلها بكلمتين

صاحبه: طيب انت ناوى تتجوز مين

عامر : لحد دلوقتي يسر وبرضه هفضل مقضيها مع رولين

المهم انى لازم اتجوز واحده منهم 😱😱😱😱

يا جماعه التفاعل ضعيف اوى اول مره اكتب رواية التفاعل فيها ضعيف اوى كده وده مضايقنى جدا ومخلينى افكر اكتب فصل يوم اه ويوم لا

تانى يوم الصبح قامت يسر حضرت نفسها هى وصحر واستعدوا للسفر واتفاجئت بيحيى قدام البيت وكل الورق المطلوب خلصان

يحيى: انسه يسر الورق جاهز ومستعد للسفر انتى مستعده

يسر: اه تمام انا جاهزه انا وصحر يلا بينا

وسلمت عليهم في البيت وودعتهم ومشيت

وصلوا القاهره واثناء الطريق اتعرفت يسر على يحيى وعرفت طموحاته و انه مرشح لمجلس الشعب واعجبت بشخصيته جدا ورغم انه ولد وحيد لكنه متحمل المسئولية فى سن صغير ومن جانب يحيى حب شخصيتها انها جاده جدا واحده مكانها كانت ماصدقت اتقربت منه وحاولت توقعه لكن هى معملتش كده ورغم ارتياحه معاها فى الكلام وإحساسه باعجابها بشخصيته إلا انها فضلت متمسكه بجديتها في الكلام ومحافظة على الحدود فى التعامل بينهم وصلوا المكتب عند الاستاذ محيى وكانت السكرتيرة موجوده

ودخلتهم لاستاذ محيى تحت نظرات الإعجاب من السكرتيرة بيحيى وشافتها يسر وبصتلها بحده

خلصت يسر الشغل معاهم واستاذنت ومشيت عشان تروح وتشوف رولين وتطمن عليها

وصلت يسر البيت واتفاجئت ان وائل حابس رولين فى الاوضه وض. ا ربها ومانع عنها الاكل والشرب ووشها وارم من كتر الض.  رب

اول ما رولين شافتها جريت عليها ضربتها وحكتلها كل اللى وائل عمله

يسر: طيب يا رولين ووائل عمل كده ليه

رولين: عشان بخرج مع صحابي وهو عرف ومش عايزينى اخرج ولا اسهر مع صحابي

يسر : رولين ماتكدبيش عليا عشان وائل حكالى كل حاجه ازاى يا رولين سمحتى لنفسك انك تعرفى ناس زى دى دول لو صحابك بجد وبيحبوكى مش هيعملوا كده ابدا هيخافوا عليكى ايه اللى حصلك وخلاكى تتصاحبى على ناس بالمستوى ده

رولين: عشان مابقاش اقل منهم لازم ابقى زيهم واعمل زيهم عشان محدش يتريق عليا وغير كده انا اتخانقت مع صحابى القدام وبعمل كده عشان احسسهم انى افضل منهم ويندموا عشان خصمونى

يسر : 😱😱 عارفه يا رولين انتى كده مش هتخليهم يندموا انهم سابوكى عارفه انتى كده بتخليهم يقولوا الحمد لله انها بعدت عنها عشان ماتشبهناش بمشيها الوحش

عارفه يا رولين امته يندموا انهم خاصموكى

رولين: امته

يسر : لما تنجحى كل اما تنجحى كل اما هيحسوا انك احسن وأفضل منهم وقتها

فى اللى هيغير منك وفى اللى هيحاول يكلمك ويتعرف عليكى ووقتها هيندموا انهم خصموكى ويقولوا يا رتنا كنا فضلنا صحاب بصوا وصلت لايه بصوا بقت ايه واحنا ايه

انما كده انتى انتى بتضيعى نفسك كمان كام سنه هنا هيبقى طلاب جامعين ومحترمين ومنهم اللى هيشتغل فى شركه ومنهم مكتب ومنهم اللى هيعمل مشروع ومنهم اللى هتتجوز وتبنى اسره  وانتى هتلاقى نفسك واقفه مكانك متحركتيش ووقتها هما هيبصولك بشفقه وساعتها مش هتلاقى انسان محترم يتجوزك لانه هيكون قلقان من الماضي بتاعك وشاكك ان حد لمسك قبله للزم يا رول يا حبيبتي تحافظى على نفسك وتحاولى تنجحى عشان نجاحك هو اللى بقايلك . رولين سكتت وكلام يسر عجبها وخصوصاً بعد ما شافت المدرسين بداؤا يعملوها كانها بنت مش كويسه ودايما شايفنها مشاغبه بعد ما كانت من المتفوقين

رولين: يسر انتى بتكلمى ماما

يسر : وانتى لسه فاكراها

رولين: هى اللى بعدت وسابتنا لوحدنا

يسر : وانتى كان عاجبك اللى بابا بيعملوا فيها انتى بتحبى يا رولين

رولين: لأ بس معجبه بحد

يسر : طيب ايه رايك لو اللى بتحبيه ده اديتيلوا فلوس وضيعتى عمرك كله عليه واديتيله قلبك وحياتك وكل حاجه وبعد كده هو جهومره واحده وقالك لا خلاص م ماليه عينى وبدور على واحده تانيه تملى عينى وارتبط بيها

رولين: لا موقف صعب

يسر : طيب ليه استسهلتيه على مامتك اللى  بعد ما ربتنا وكانت بتبقينا على نفسها لما بابا قالها هتجوز عليكى ماهتمتيش وقولتلها عادى والكلام اللى قلتيه ده ينفع

على فكره مش بابا بس اللى خذالها احنا كمان خزلناها بسكوتنا وموافقتنا وانا كمان خزلتها زيكم لانى مواجهتوش . رولين: عندك حق هى وحشتني اوى عايزه اكلمها واتاسفلها

يسر : أول ماوصلها او اكلمها هخليكى تكلميها هى دلوقتي اكيد مجروحه

رولين: طيب هتعملى مع وائل

يسر : هحاول اتكلم معاه وانتى كمان روحى صالحيه انتى خزلتينا كلنا يا رولين

خرجت رولين ويسر من الاوضه وكان وائل قاعد بيشرب سجاير

رولين: قريت منه وائل انا اسفه

وائل بصلها من فوق لتحت وغير وشه تدخلت يسر

انا اتكلمت معاها وهى عرفت غلطها وانها بتصرفها ده خزلتنا كلنا وبصت لرولين

خشى دلوقتي يا رولين اوضتك دلوقتي

بص يا وائل رولين صغيره وطبيعى تغلط واحنا المفروض نرشدها وماما حالياً ولا بابا موجودين يبقى المفروض ده الواجب بتاعنا اننا نرشدها وناخد بالنا منها

وائل: ماشى يا يسر بس سبينى لحد مارجع اصفلها لوحدى تانى

يسر : صحيح الاكل الحلو ده مين جابه

وائل: دى نرجس لما عرفت انك مش هنا بقت تبعتلنا اكل وعصاير

يسر : كتر خيرها محترمه ومن بيت أصول وقالت فى سرها ( بإيه يفيد البوح والبعيد لوح )؛

وائل: اه فعلا واضح انها بتعزك عشان كده اهتمت بينا فى غيابك

يسر : 🙄 اه بتحبنى عشان كده اخدت بالها منك وانا مسافره

وائل: صحيح يا يسر انا قررت اخطب

يسر : مين نرجس

وائل: نرجس ايه بس لا عزه اخت عامر

يسر : وليه مستعجل كده استنى شويه

وائل: مستعجل ازاى انا كنت فاكرك هتفرحى عشان تبقى اخت عامر خطيبك

يسر : وانت واثق فيهم اوى كده

وائل : اكيد طبعا عزه بتخاف على مصلحتى

يسر : اه طيب بس برضو انتى نفسك فرصه

وائل ربنا يسهل

عدا اسبوع كمان كانت يسر بتتابع اختها ومرقباها ولسه معرفتش هى بتكلم مين وبتحاول توقعها لكن رولين مش عايزه تعرفها وكانت مشوشه مش عارفه مين صح ارتباطها بعامر صح ولا تبعد عنه صح هو بيسمعها كلام بيرضى انوثتها وهى بتكون فرحانه بده بس ضميرها اوقات بيوجعها بسبب اهتمام يسر بيها وانها عوضتها عن عدم وجود امها بس هى حاسه انها محتاجه امها اوى ولما يسر عرفت كده خلتها تكلم مامتها

يسر : ازيك يا زوزو عامله ايه

زليخه: انا كويسه يا حبيبتي انتى عامله ايه واخواتك ورولين كان قلبى واجعنى عليها اوى بقالى اسبوعين خدى بالك منها هى كويسه

رولين: ماما ازيك وحشتينى اوى اوى نفسى اشوفك هتيجى امته

زليخه: رولا حبيبتي وحشتينى اوى انتى عامله ايه بتاكلى كويس وبتزاكرى كويس

رولين: اه يا ماما ماتقلقيش ويسر واخده بالها منى كويس اوى مش ناقصنى غيرك انا اسفه اوى اوى معرفتش قيمتك عير لما سبتينى

زليخه: قريب قريب يا حبيبتي هتكونى معايا خدى بالك من نفسك ومن اخواتك

فضلوا يتكلموا شويه  وبعدين قفلوا التليفون وناموا

عند زكى فضل طول الفترة اللى فاتت يعذب في هند ويعاملها ابشع معامله ومن ناحية أخرى كان بيقرب من رشا ورشا مكنتش مرتاحه من اللى بتعمله مش عايزه تخرج من جحيم مرات ابوها لجحيم زكى وتتجوز واحد اكبر منها عشان كده قررت انها تروح تحكى كل حاجه ليسر لانها حست ان ليها كلمتها وسط اهلها وبالمره تقول ليسر مخطط وائل

عند ريحان وزليخه

دخل ريحان على صحر كانت بتتكلم فى التليفون مع زليخه وقرر لنه ياخد منها الرقم ويكلمها من غير ما صحر تعرف 🤭 شغل مراهقات

وبالفعل لما قفلت صحر مع ريحان اتحجج ريحان انه عايز يرن على نفسه عشان مش لاقى تليفونه واخد من صحر التليفون وعمل انه بيرن على نفسه ولما خرج من الاوضه طلع تليفونه اللى كان عامله صامت ونقل رقم زليخه من تليفون صحر ورجع لصحر التليفون ودخل يتصل بزليخه

زليخه: السلام عليكم

ريحان: وعليكم السلام مدام زليخه معايا

زليخه: اه انا مين حضرتك

ريحان: انا ريحان

بصت زليخه فى التليفون وقلبها بيدق ومتوتره جدا

زليخه: أهلا بحضرتك يا ريحان بيه خير فى حاجة صحر كويسه

ريحان: اه كويسه ماتقلقيش بس كنت محتاج منك خدمه

زليخه: اه طبعا اتفضل

ريحان: عيد ميلاد صحر فاضل عليه شهر وانا كنت عايز اجهزله واعملها مفاجأة

زليخه: شهر لسه بدرى اوى

ريحان: لا بدرى ولا حاجه يادوب انا بقيت شايف انك ما شاء الله بقيتى قريبه جدا منها وممكن تساعديني ها ايه رايك

زليخه: اكيد طبعا

ريحان: فضل يجر معاها كلام عن الحاجة اللى بتحبها صحر واللى هو بيحبها وهى الكلام سحابها وبقت تتكلم عن ولادها وهو كمان واتفاجئت بعد كده انها بقالها ٤ ساعات بيتكلموا من غير ماتحس

زليخه: يا خبر الساعه دلوقتي ٣ والفجر قري يأذن احنا بنتكلم من الساعة ١١ بقالنا ٤ ساعات ازاى محستش بالوقت اكيد عطلتك انا اسفه جدا

ريحان: لا طبعا انا اللى اسف انا اللى اتصلت وعطلتك عموما هقفل دلوقتي عشان الحق اجهز واصلى الفجر واناملى بعدها ساعتين واكلمك بكره باذن الله نكمل هنعمل ايه فى المفاجاه 🤭 🤭 اللى هنجهزها لصحر تصبحى على خير 😧😧

زليخه: وانت من اهل الخير ورجعت بصت فى التليفون كل ده ومتكلمناش عن المفاجأة امال لو اتكلمنا هنخلص امته وبعدين هنفضل نتكلم شهر 🤔🤔

غريب اوى بس بيحب بنتهواوى لدرجه انه بيجهولها مفاجأة قبل عيد ميلادها بازيد من شهر

الرواية هتنزل يوم اه ويوم لأ عشان نراعى الناس اللى بتابعنا وعندها امتحانات

سرحت يسر فى اخوها وائل هى متأكده ان ده مش تفكيره ده اكيد تخطيط عامر وعزه اخته واد ايه هو غبى ومش شايف حب نرجس

( نرجس جارتهم بنت يتيمه عايشه مع اخوها ومرات اخوها وولاده واخوخا بيحبها بيعتبرها بنته بتحب وائل من طرف واحد وهو مش حاسس زى ماقولنا كده لوح )

طيب ازاى تعرفه طمع وجشع عامر واخته 

Flash back

عامر: بقولك ايه يا يسر ايه رايك تخلى امك تمضي على عقد تنازل للبيت ليكى

يسر : وانا هستفاد ايه اطردها بقى

عامر: لأ لاسامح الله انتى بس هتبرى ابوكى يمشى هو ومراته الجديدة واخوكى كده كده هيتجوز بره البيت وامك واختك يعيشوا معانا معززين مكرمين وانتى كده تبقى اخدتى حق امك ورد اعتبارها

يسر : تصدق يا عامر فكره برضو عشان كده مش عايزاك تجيب سيره لحد بموضوع البيت لحد ما انفذ اتفقنا

End flash back

وبكده يسر قدر تضلل عامر وتبعده عن سكتها لحد ماتجيب حق امخا ومن جهه اخرى تنبش وراه وافتكرت رشا لما قابلتها وحكتبها عن نيه اخوها

Flash back

يسر لقت رقم غريب بيكلمها

يسر : السلام عليكم

رشا : وعليكم السلام انا رشا فكرانى اللى كنت موجوده يوم ما البلطجيه حاولوا يهجموا على باباكى

يسر : اه اه افتكرت ازيك يا رشا عامله ايه

رشا: بخير الحمدلله كنت عايزاكى فى موضوع مهم اوى بس مش عايزه اى حد يعرف خالص انى بكلمك خصوصا وائل و ابوكى

يسر : لا اطمنى ماحدش هيعرف حاجه

رشا : بصى اخوكى وائل طلب منى ....... وحكتلها كل حاجه بالتفصيل وانه هيديها فلوس

يسر : وانتى دلوقتي نفذتى كلامه

رشا : انا دلوقتي بتكلم مع باباكى وواخده بالى انه بقى مهتم بيا زيادة وانا بصراحه مش عاجبنى الوضع ده ومش عارفه ارجع فى اتفاقى مع وائل عشان ساعتها هيمشينى من الشغل وارجع تانى للخدمه فى البيوت ولمشاكل ابويا ومراته اللى مابتخلصش انا عايزه اعيش في سلام مش وجع دماغ

يسر : طيب بصى وائل اداكى الورق اللى هتمضى بابا عليه ولا لسه

رشا : قالى هاديه ليكى بكره

يسر : نفذى كلامه بس لما تاخدى الورق هاتيهولى انا مش لبابا وانا هقولك تعملى ايه ومتخافيش انا هحاول ادورلك على شغل مناسب ليكى

رشا: ربنا يباركلك يا استاذه يسر يارب وتبقى فى اعلى المناصب

End flash back

يسر لنفسها انا واثقه يا وائل ان الجحود ده سببه عامر وعزه اللى بيلعبوا فى دماغك اصل التفكير ده انا سمعت شبهه قبل كده ربنا يقدرنى والحقك منهم

نروح لزكى كان وهند بقالنا كتير سايبين الراجل بيعذب فيها

هند : زكى زكى ابوس رجلك سيبنى امشى وطلقنى

زكى: عشان تبعتيلى رجاله تانى تحاول تموتنى 😏 كان غيرك اشطر

هند : لأ مش هعمل كده ولو حصل منى أى حاجة تانية وقتها اقتلنى

زكى : طيب والفلوس والدهب اللى اخدتيهم

هند : دخبى كله في الدولاب خده والفلوس اللى معايا كلها هكتبلك بيها شيك خدهم انا جسمى وجعنى من كتر الض. رب بالح زام

زكى :  اجرى انجرى هاتى الدهب والشيك

دخلت هند جرى كتبتله شيك واديته علبه الدهب

زكى بصلها مافيش قشايه ولا حتى لبس من اللى جبتهولك هيخرج من الشقه اتفضلى اطلعى باللى عليكى وعشان مابقاش قليل الاصل والناس تاكل وشى هسيبك تلبسى عبايه تسترى بيها نفسك يلا يا حلوه انتى طالق بالتلاته وورقتك هتوصلك

دخلت هند رمت العبايه على نفسها وخرجت تجرى قابلت يسر فى وشها تجاهلتها وخرجت جرى

يسر : مالها دى لا حول ولا قوه الا بالله

طلعت بعد كده لابوها تطمن عليه

يسر: بابا انت كويس

زكى : اه بس عندى صداع جامد بقالى فترة كنت باخدله مسكن ودلوقتي مافيش مسكنات نافعه

يسر : طيب مستنى ايه تعالى نروح للدكتور

زكى : هروح اكشف عشان شويه صداع ده كلام برضه لا لا انا يمكن من قله النوم سببلى صداع مزمن

بقولك امك عامله ايه انا استلمت الانذار بتاع الاخلى بتاع الشقه امك قلبها قوى

يسر : انذار ايه

زكى : رحت للمحامى ورامى اوراق ان امى اتنازلت لامك عن الشقه دى وامك عايزه تطردنا

يسر : معقول الكلام ده

زكى : على أساس انك متعرفيش

بقولك ايه انا تاجر يا يسر عارفه يعنى ايه يعنى مش عيل صغير

بصى يا يسر انا خلاص طلقت اللى ماتتسماش دى ومستعد اكلم امك وارجعها وتسيبها بقى من جو المحاكم يعنى كده كده هند مش موجوده ومافيش حد فى البيت غيرى انا وانتوا يعنى لو هتطرد فهى هتطردكوا انتوا ومافتكريش امك عايزه كده

يسر : مافتكررش يا بابا ماما ممكن توافق انها ترجعلك لانها عايشه مرتاحه عند خالو

زكى : جربى والمره دى هديها اللى هى عايزاه انا لما عاشرت غيرها عرفت قيمتها وصدقينى هتغير معاها او ادينى رقمها وانا اكلمها

يسر : طيب انا هكلمها الأول وأشوف رايها

زكى : كلميها هو ده الصح ترجع تعيش في بيتها وسط ولادها

نزلت يسر تحضر الغدا ليها ولباباها واخواتها  وطلعت مره تانيه عشان تناديه يتغدى لقيته واقع فى الأرض جريت اتصلت بوائل ونقلوه المستشفى

واتصلت بعد كده بمامتها وحكتلها كل اللى حصل واللى قالهولها زكى

يسر : ها يا ماما رايك ايه المره دى لو رجعتى انا متاكده إن بابا هيعاملك حلو

زليخه: صعب يا يسر صعب انسى اللى عمله فيه وعموما هفكر عشان خاطرك انتى واخواتك وهبقى اكلمك تانى اطمن عليه

( تفتكروا ممكن زليخه ترجع تانى لزكى عشان ولادها وتكمل تضحيه )

وقفلت معاها

دخلت يسر ووائل لوالدهم

زكى : ايه اللى حصل

يسر : معرفش طلعت انادى عليك عشان تنزل تتغدى معانا لقيتك واقع مغم عليك

وائل : الدكتور كتب التحاليل والاشعه دى وطلب من ضرورى جدا اننا نعملها ونرجلعه مره تانيه هتقدر تمشى ولا تفضل هنا لحد مانعمل كل التحاليل

زكى : لا همشى ولما التحاليل والاشاعات المطلوبة اعملها ابقى ارجعلهم تانى

يسر : تمام يا بابا انا حجزتلك في مركز إشاعه هنعملها بكره

خرجوا كلهم من المستشفى ووقف زكى عند رشا وقالهم اسبقونى وفضل يتكلم معاها شويه وبعدين حصلهم على فوق

وقتها وائل قرر يدى الورق لرشا عشان تمضيه لابوه فى اسره وقت وفعلا خرج وائل وسبلها الورق عشان تمضيه عليه

اتصلت رشا بيسر بلغتها

تانى يوم راحت يسر لرشا المحل واخدت الورق وقلدت امضته باباها

يسر : بصى يا رشا لو وائل سئلك قوليله حطيته تحت ورق التسليم بتاع الشيفت وهو مضى من غير ما ياخد باله وانا فى اقرب وقت هكون جبتلك شغلانه وبشكرك يا رشا على انك ماسمعتيش كلام وائل رغم الفلوس اللى كان هيدهالك وانا وعد احاول اعوضك

رشا: طيب ينفع يا استاذه يعنى لو تقدرى يعنى الشغل مايكنش هنا فى القاهره يكون فى اى مكان بهيد عشان ابويا مايعرفش يوصلى

يسر : انتى. عندك كام سنه ومعاكى مؤهل ايه

رشا : دبلوم تجاره و عندى ٢٦ سنه

يسر : خلاص ماتشغليش بالك انا هتصرف

طلعت يسر البيت واتصلت على يحيى وكانت متوترة جدا

يحيى شاف رقم يسر فرح اوى لانه مكنش عارف يكلمها ازاى يحيى ريحان اللى ممشى بلد بكبرها وصغيرها مش لاقى طريقه يدخلها بيها

يحيى: السلام عليكم ورحمه الله ازيك يا انسه يسر

يسر : بخير الحمدلله معطلاك او حاجه

يحيى: لأ طبعا نقدرى تتصلى اى وقت

يسر: هو بصراحه يعنى انا محرجه منك بس كنت عايزاك فى خدمه

يحيى: اتفضلى خير إن شاء الله واعتبريها اتعملت كمان

يسر: فى بنت غلبانه معاها دبلوم تجاره عندها ٢٦ سنه بدورلها على شغل فى مكان بعيد عشان هى عايشه مع باباها ومرات ابوها ومبهدلنها وبيجبروها تخدم فى البيوت

يحيى: طيب ماهى لو جت هنا البلد هتعيش لوحدها ازاى

يسر : عشان كده انا طالبه مساعدتك

يحيى: طيب بصى انا مؤقتاً هخليها تبات مع البنات اللى بيشتغلوا عندى فى التكيه وتفضل موجوده لحد ماتلاقى مكان مناسب محدش هيكلمها وثانيا ممكن نشوفلها شغلانه فى المصنع نخليها مساعده لخالك اكيد هو محتاج حد لانى لاحظت كذا مره الشغل كتير عليه

يسر : بجد شكرا جدا ليك مكنتش عارفه انك تقدر تحللى المشكلة دى بسهوله كده

يحيى: طيب جربينى فى اى مشكله تانيه وانا احلهالك ايه رايك

يسر: باحراج لا شكرا كفايه تعبك معايا

يحيى: لا بجد عشان لو احتجت منك خدمه ماتحرجش احنا اهلنا معرفه قديمه برضو

يسر: ربنا يسهل لو احتجتلك تانى هكلمك حاضر وشكرا ليك

يتبع