رواية عندما تزهر الاشواك — الفصل 10 — بقلم ورود الخالدي
#عندماتزهرالاشواك
#الكاتبةورودالخالدي
البارت10والاخير
سارة:::
باسني على ركبتي وبقه يباوع بعيوني اني مدري شبيه تجمدت لا اخذ ولا انطي..ورة دقيقة كلي:
حضري نفسك باجر نروح للكلية حتى نشوف شلون اكدر ارجعج للدوام..
كلبي طفر من مكانه مصدكت ..اني حيل متعلقة بدراستي ومن كال هيج عبالك..فتحلي باب الجنه..ورغم هذا كتله
معقولة تريدني ارجع..زين متفكر اخاف اشوف هناك ابراهيم وارجعله؟؟
لا ما افكر..مادام كلتي نسيته..هاي هيه واني كل حرف يطلع من حلكج اعتبرة صك ضمان وثقه
وعافني وطلع بقيت..اتصفصف شكد حلو كلامه من حسسني هو يثق بكلامي..الصبح جنه بالكليه اني وهو اول مدخلت..شفت صديقاتي كتله:
كتله اريد اسلم ع صديقاتي
ابتسملي رحت ركض البنات يبوسن بيه وحدة منهن شافته من بعيد واكف منتظرني كالت:
وين لين شهالغيبة..وهذا منو الصاك الي جاي وياج؟؟
ابتسمت من سمعتها تكول صاك..بس احتاريت شكول اخير شي كلت:
هذا...هذا..هذا زوجي..مهيمن؟؟
البنات شهكن:
ايييييييييح..ولج هذا الصاك كوله الج يمه..يمه...طلعتي موشويه من هيجي تركتي الكليه..واحنا نكول معقولة سارة الشاطرة تبطل..اثاري طلع الموضوع بيه رجل..وشلون رجل..صاك..عمي..اذا بيها هيج..رجل..احنا نبطل من الكليه طول العمر!!!
اني ضحكت هنه هم..بقن يباركلي...وحدة انتبهت:
اشو ملابسه حلقة؟؟
هااا..الصبح..نسيتها ع المغسلة..
واللخ خلت ايدها ع بطني:
ماكو..نونو..منا...منا؟؟
هااا...لا بعد مصار عدنا شي!!
بعدين عفتهن ودخلنه جوه نستفسر ع شغلة رجعتي..بس مقبلو يرجعوني هالسنه لان الفصل الاول خلصان تقريبا اجلوني ع السنه الجايه رجعنا للبيت بس بداخلي احساس غريب حاسه بأمان ما اعرف لان مهيمن دخل ويايه للكليه وحسيت شكد هو اله هيبة باعتبارة جسم وعضلات..ولحيه وملامحة اجدح..والبنات......
تخبلن عليه او لان اتجرأت لاول مرة اكول هذا زوجي مهيمن بكل ثقة..ومن ذاك اليوم كولشي بحياتي تغير..صار مهيمن محور حياتي..لان تصرفاته جبرتني..اخلي محورها..الصبح..يكعد..قبل الكل يدخل لغرفتنا..واني بين النايمه والكاعدة احس..بيه يبوس علاوي ويبوسني بوسه خفيفة ع خدي حتى ما احس بيه.. ويطلع..خالة معودتنا نتغدة ساعة12الظهر..بس هو يجي من الشركة ساعة2ونص الضهر اول ميدخل..يصيحني كدام خالة وضمياء وحمودي:
حبي..عصفورتي..صبيلي غدة♥♥
جنت استحي..بالبداية منهم من اسمعه هيج يصيحني بس بعدين تعودت..ومن اصبله غدة..يجرني من ايدي
تعالي..اكعدي اكلي ويايه ع الواهس.
كل يوم يريدني اكل وياه وصرت ما اتغدة ويه خاله انتظرة من يجي ناكل سوه حتى طبعي بالاكل عرفة يشوفني الكط زيتون من الطورشي..هو هم كام يلكطلي الزيتونات ويخليهن بحلكي يشوفني ما اكل سمج..عرف اني ما الي خلك اطلع العظام ضل يفلس السمج من العظام ويخلي بحلكي..وهوايه شغلات اثناء الاكل تعودنا عليها اني وهو..وصارت عاديه وميطلع من البيت الا يمر عليه ..شتحبين اجيبلج وياي عصفورتي..جنت استحي بالبداية بعدين كمت اطلب منه فستق وحلويات..وغيرها.يجيبلي كل يوم..ومرات يدخل للمطبخ لو لغرفتنا يشوف محد يمي يخطفله بوسه من ركبتي لو من خدي
.اني اكمز وهو يضحك:
.افيييييش..طيبة ♥
مو بس بالاكل والطلبات بكولشي هو مهتم باموري واذا كعدنا كولنا كولما التفت الكاه صافن عليه استحي وادنك..لو يدزلي بوسه بالهوة....وصارت حياتي مرتبطة بوجودة اذا تاخر برة ساعة عيني تبقه ع الباب الى ان يجي....وبالليل يسمعني العب علاوي يدخل يلعبه ويايه...بس حلكه ينكط عسل..طول الوكت يتغزل بيه كلمات كولهن حنيه واهتمام ..احس عيونه الدافيه تعشكني..ومهتمة بكل تفاصيلي..احس مرتاحة بهالشعور..اول مرة احس اكو كلب .........
يدوك على مودي وعايش حتى يرضيني ويشوف ابتسامتي..
واجتي دورة السنه مال..عمو ابومهيمن..خاله عازمة اخواتها وبناتهن..وجوراينها وبناتهن فرحنا بسيارة جبيرة بس خلينا علاوي يم لمياء..لان متروح ويانه..هستوها حامل بابنها الثاني وخاله مخلتها تروح..مهيمن كاعد بالكرسي اليم السايق واني كاعدة باخر كشن..ويمي ضمياء..وخالة ام يوسف..واكو 2بنات جوارينا كاعدات بالكشنات الكدامنا..يمكن منتبهن اني كاعدة وراهن..وديسولفن نص الطريق يتهامسن بس اني اسمعهن:
لج شوفي لمهيمن شلون يملخ..فدوة شهالجسم..شهالشخصية ..لج عيني والله هيبة .
واللخ تجاوب:
اي وشوفي القميص الاسود شلون يذوب الكلب على جسمه....دشوفي الصدر..ينضح رجوله..اوف ربي.والشعر..طالع من فتحة القميص واللحيه شنو..الحواجب..العيون تستحين تباعيلة..عمي حقه ياخذ2نسوان..اني لوياخذ عليه10نسوان ماعندي مانع..
لا..لج يكولون وحده مطلكها..بعد ما خلفتله ولد يجنن؟؟
لا لا..موام الولد طلكها..يكولون طلك الثانيه الي..متخلف..اسم الله عاكر؟؟
شبيج انتي ثوله..هي العاكر بقت عنده وام الولد طلكها!!
ياااا..تحجين صدوك..معقوله يطلك ام الولد ويخلي العاكر؟؟
اي مثل مدا اكولج
دنصي حسج ليروح احد يسمعنه نكص بالولد مرته كاعده ورانه؟؟
اي..اي سكتني..بعدين نسولف
اني اسمعهن واحس روحي شاطت..مخيلات على رجلي..عينك..عينك..شلون قهر..لا وجمالة يسمني عاكر..كبور..تلفهن اي والله كبور..الطريق كوله ضايجة من حجيهن..نزلنا للمقبرة شافني وجهي متغير..اجه يمي شايل بطل مي:
شبيها عصفورتي اخاف تعبت من..الطريق..هاج حبي شربي مي ترتاحين..
جان ارد عليه بنتر:
اني كايلتلك اريد مي..كولشي ما اريد....رايحة يم خاله:
رحت يم خاله بس ندمت لان نترت بوجهه..هسه اني ضايجه والغيرة ماكلة كلبي هو شعليه خطيه
لا بيها ولا عليها..من ردنه نرجع قبل لا اصعد شفته صعد حمودي بمكانه اخذ ايدي كعدني بصفه ..حركت السيارة:
كتله:
عمو اسفه حجيت وياك بهالطريقة؟؟
ههه ولا يهمج بعد عمو..ادري تعبانه..والجو تراب وغثيث...
رجعنا للبيت شفته سبح وطلع من الحمام ملابس تيشرت بس مخلي..الخاولي ع ركبته..هو ديصعد الدرج واني صافنه افكر بحجيهن..يا الله صدوك مهيمن شخصية وجسم وملامحة جذابه..وكيوت..لا...عيونه تاخذ..الكلب تجدح..من بعيد..ياااا هسه اني شبيه فصلته تفصيل...خرب عقلي..من..تالي كمت هيج افكر....يمكن اغار عليه..وحاسه اريد بس اني اصير محط اهتمامه..يمكن اريد عيونه بس الي..يشوفن..هاي شبيه امخرط..يمكن صرت احبه واني ما ادري؟؟
ورة فترة اجه خطيب ضمياء نطاها فلوس تشتري بقيه الملابس..راحت هيه وخاله ورجعت..جايبتلي وياها سيت نوم..ابيض كيبور يخبل كالت:
هذا الج..ضحكت كتلها:
قابل اني البس سيت وانام اشو انام كله بالتراك.
يجي يوم تحتاجيه؟؟
ههههه.
خالة كالت:
ذبن الاسود..احنا مقبلنه بس هي مصرة اضطرينا نذب الاسود ونلبس الوان قبل عرس ضمياء
وصارت الحنه والعرس رحنا اني وخاله وعلاوي ويانه ع اساس نبات يم اهل العريس..والصبح نرجع بس علاوي منام كلب بيت العالم مخله لامزهرية ولاشاحنه مكطعها..يمشي ويهمش حيل وكح ومدلل..خالة استحت..خابرت ع مهيمن:
يمعود تعال اخذ ابنك..فلش بيت العالم؟؟
اجه مهيمن..بسيارته طبعا اضطريت ارجع للبيت ع مود علاوي..
واحنا راجعين نام..بحضني بالسيارة نزلت.. خليته بفراشه ونزعت العباية والحجاب..اجه للغرفة شافني لابسه نفنوف ماروني..الي رحت بيه..للعرس..ضل يبتسم..ويتقرب:
دخيل الله شنو..هالماروني اللايك..ع الجسم..يمكن صانعين ..الماروني بس الج..شطالعة اليوم عصفورتي؟؟
استحيت جانت نظراته تموت
هاااا...غير عرس..........
غير عرس..ولازم البس نفنوف حلو؟؟
اي صح..عرس..هويتقدم واني ادنه اخير شي..عصرني ع الحايط دنك..يبوس..بخدي..بعدين لكف شفتي..اني كلبي يركض..هويبوسني بلهفة وانفاسه دافيه مره من شفتي الفوك ومرة من شفتي الجوه..حيل مرتبكة..صح جان يبوسني خطف بس هالمرة البوسات تختلف..مجلب بشفتي وحاضني ..يمكن عشر دقايق واكثر..حسيت روحي ذابت..كلبي طار..بعدين حسيته مد ايدة ع سحابه النفنوف..دفعته:
لا..لا عمو مهيمن..
اخذ..نفس..وكال بحسرة:
ليش..ليش..سارة الى متى يبقى زواجنا بالجذب..سارة اني احبج..والله صبري خلص..منطيح ع مايج وكول تحبني ويه بمرور الايام...
هااا..اي حقك..والله حقك..بس فدوة اريد بعد وقت..لان؟؟
لان شنو سارة؟لان لحد الان ممتقبلتني كزوج..لحد الان اني لاشيء بالنسبه لكلبج..ماشي سارة ماشي..براحتج..اني آسف..آسف..
عافني وطلع..مدري ليش عيوني صبن..شبيه يا الله..ليش هيج كسرت خاطره..يكول محبيتني..لا..لا هو غلطان..والله حبيته..حبيته..بس..مدري شبيه ارتبكت مدري استحيت..حسيت كلبي انخلع من صدري من عافني..وراح..لشوكت ابقه استحي منه..لشوكت ابقه كاسرة كلبه..وقررت..انهي..هالانتظار..واخلي النقاط ع الحروف..دخلت للحمام نزعت النفنوف..سبحت..لبست سيت..النوم الكيبور...وصعدت:
مهيمن::
صعدت..لغرفتي بس روحي بزعانه من الدنيا كولها بقيت اتكلب..اشو وره نص ساعة شفت الباب انفتحت دخلت سارة لابسه ملابس نوم لونها ابيض..هاي شنو اني نمت ودا اتحلم..لو هاي حقيقة..فزيت..من..شفتها؟؟
سارة؟؟
اجتي كعدت كبالي:
عمو..عمو..بنات المنطقة يكولن عليه عاكر؟؟
ههههه..شنو عاكر!!!
يعني ما اخلف..واني احب الاطفال شفتني شكد احبه..العلاوي؟؟
اي..والمطلوب شنو؟؟
اريدك..تخليني حامل؟؟
ههههه وهسه..انتي جايه ع مود اخليج حامل..تردين تحملين من واحد ......... متحبيه حتى ميكولون عنج..عاكر؟؟
لا...لا..اني اريد يصير عندي طفل مثل علاوي من دمي..ومن دمك..لان..لان اني احبك..عمو..اني حيل احبك..والله
ممصدك معقوله الي دا سمعه..لو..دااحلم
لا مدا تحلم..اني احبك..عمو..واريد زوجنا يصير حقيقي..واريد اخلف منك..
نزعت التشيرت ممصدك
تحبيني وتردين تخلفين مني..اي هاي بسيطة هسه اخليج حامل..بعشرة توم
هههههه..عشرة حيل..هوايه
وعيونج عشرة..اقل تقدير؟؟
ههههه
فديته الحلك الحلو اليضحك..
فكرت شلون..الكفها بيدي مبينه مستحيه وكوه ضاغطه ع اعصابها لان حته من ضحكت ضحكتها ترجف..
هاي شنو شبيها ركبتج؟؟
شنو عمو شبيها؟؟
شو..ادني خلي اشوف؟؟
حيل هاي شنو طالع بجسمج..
شنو عمو خوفتني؟؟
نزعتها الروب
تؤ..تؤ..تؤ..حيل متأذيه..دنكت ابوس بزنودها وصدرها..هي فهمت:
اووف خوفتني عمو عبالي صدوك..
اووف..كل هذه الزنود الي..كل هذا اللحم الابيض حلالي؟...الف الصلاة والسلام عليك ياحبيب الله محمد..ربي ..احمدك.واشكرك؟؟
وجيتت♥♥
عمو..شويه انتظر؟
هم عمو!
شنو متحب اكولك عمو؟؟
بعد عمج..كولشي يطلع من حلكج حلو..عمو ..خالو..جدو..السابع عشر..بس تعاليلي♥♥♥♥
وصارت..الي..وعشت احلى لحظات مو بس هالليلة كل ليلة وياها حلوة..والها طعم مميز..كل يوم حبنا يصير احلى واحلى..وتعلمت اكبر..درس...هو انه ابويه من زوجني هالبنيه جان..يشوف بوكتها سعادتي كدام..عيونه وره سنه صار عدنه ولد ثاني..وعشت وياها عمري كله اسعد رجل بالدنيا
انتهت
♥♥♥♥♥♥♥
احبتي//في روايتي رساله مهمة للاباء وهي متابعة الابناء..وعدم تركهم في ايدي اي شخص مهما كانت ثقتهم به فقد تابعنا من خلال احداث القصة الاثر السلبي والنفسي..للتحرش..ببطلة القصة.هذه الرسالة الاولى.اما الرسالة الثانيه فهي للشباب.حيث شرحت سطور الراويه بشكل درامي........
كيف تكون نتائج..التمسك..بالرأي المخالف..لما يقرره الوالدين ولاحظنا كمية الندم التي شعر بها بطل الرواية بعد ان فقد والده..وبعد ان اضاع سنين عمره في البعد والجفاء..فالوالدين نعمة وباب من ابواب رحمة الله فعلينا..ان نحرص..على اسعادهم ورضاهم♥♥♥
اتمنى ان تكون روايتي قد راقت لكم وحققت الهدف المنشود منها..اكتبوا..لي آراءكم..ونقدكم...احبكم كثيرا♥♥♥
#الكاتبةورودالخالدي