تحميل رواية «عهد بين الجحيم والامل» PDF

رواية عهد بين الجحيم والامل الفصل الثاني والاخير

عند عامر قاعد مع عهد وبتوعد قال

عامر

عهد اسمعيني كويس أنا مش بس مصدقك أنا عندي دليل يربط رأفت وميرفت بجرائم تانية بس محتاجك تكوني قوية وتواجهيهم

عهد

أنا مستعدة أعمل أي حاجة عشان حق أمي يرجع

عامر

القضية دلوقتي مش بس قتل بقت قضية اتجار في الممنوعات وتواطؤ ظباط فسده و أنا هحط علي تحت المراقبة وهو اللي هيوصلني لكل حاجة

عهد بوجع قالت

عهد

علي دا اللى كان عاوزني اتجوزه عرفي وبسخريه قالت فاكرنى مش عارفه أنه هيحط ورقة التنازل عشان امضي عليها دا واحد معندوش قلب

عامر

أنا معايا القانون ومعايا الثغرات اللي وقعوا فيها من بكرة، هتبدئي إجراءات خروجك وهتكوني تحت حمايتي الشخصية لحد ما نقبض عليهم كلهم

عهد

يعنى بعد كل اللى حصل ممكن اخرج من هنا بجد وممكن اصحى يوم الاقى نفسى مش محبوسه بين اربع حيطان ومسمعش صوت الزنازين بتتقفل وصوت الصريخ والخناق كل شويه ومش اصحى مفزوعه كل يوم على نفس الكابوس اللى بيصحينى

عامر

انتى هتخرجى من هنا يا عهد ووعد منى كمان ان اللى ظلمك هيدخل نفس المكان اللى دخلوكى فيه وهيعرف يعنى ايه يتحكم على حد وهو برئ ويعرف يعنى ايه حد يسرق عمر واحد تانى

عهد بصت فى الارض وسكتت ثوانى ودموعها نزلت على خدها وكانت حزينه جدا وقالت

عهد

عارف اصعب حاجه ايه مش السجن ومش الزل ومش حتى ان الناس كلها بصتلى على انى قاتله اصعب حاجه انى كنت كل يوم بموت من جوايا وانا بفكر فى ماما كنت كل يوم اقول لنفسى يمكن تكون زعلانه منى يمكن تكون مصدقه انى انا اللى قتلتها يمكن تكون شايفانى من فوق ومكسوفه منى

عامر قرب منها وبصي في عيونها وقال

عامر

متقوليش كدا الام مستحيل تصدق ان بنتها قاتله وخصوصا لو كانت عارفه بنتها كويس خلاص صدقيني هينتهي وهترجعي لحريتك تاني ومش هتفكري في اي حاجه غير في السعاده والحياه الجميله اللي مستنياك

عهد رفعت عيونها ليه بسرعه وقالت

عهد

بس انا كنت لوحدى اوى كنت بصحى من النوم ابص حواليا الاقى ناس بتزعق وناس بتعيط وناس بتضحك وانا كنت قاعده فى الركن زى الغريبه كنت حاسه انى ضايعه اوى وكنت بخاف انى مع الوقت اصدقهم واقول يمكن فعلا انا عملتها ويمكن من الصدمه نسيت

عامر بصلها بذهول وقال

عامر

انتى وصلتى لكده اهدي يا عهد كله هيدفع التمن وكله هيعرف مين الظالم ومين المظلوم وانا ما برضاش بالظلم ابدا مهما حصل

عهد

كنت كل يوم براجع اليوم دا فى دماغى الف مره وكنت اقول لنفسى طب يمكن انا مسكت السكينه قبلها يمكن انا عملت حاجه ومش فاكره كنت بخاف من نفسي يا عامر

عامر وقف مره واحده وبغضب ضرب ايده على المكتب وقال

عامر بعصبيه

كفايه بقى يا عهد

عهد اتخضت وبصتله بخوف

عامر نزل لمستواها وقال

عامر

كفايه تعذيب لنفسك انتى الضحيه هنا مش المجرمه هما سرقوا منك امك وسرقوا منك حياتك وحاولوا يسرقوا منك نفسك كمان بس اسمعينى كويس انا مش هسمح بدا انك تفضلي تدمري حياتك بالطريقه دي

عهد بصتله بدموع وقالت

عهد

ليه مصدقنى بالشكل دا انت الوحيد اللي وقفت جنبي ومش عايز تسيبني وانت الوحيد اللي صدقتني انا حاسه ان انت ربنا وقعك في سكتي عشان تنقذني لان ربنا عارف ان انا مظلومه بس ليه بتعمل معايا كل ده يا عامر

عامر فضل ساكت ثوانى وهو باصص فى عيونها وقال

عامر

لانى شوفت ناس كتير فى حياتى شوفت مجرمين وقاتلين وكدابين وشوفت عيون بتعرف تمثل وتكدب وتضحك لكن اول مره اشوف عيون موجوعه بالشكل دا اول مره اشوف حد بيطلب حد يصدقه مش يهربه

عهد قربت خطوه وقالت

عهد

انا كنت خلاص بفقد الامل وقلت انتهى الكلام ومش هخرج من الزنزانه دي ابدا وهفضل طول حياتي بنا اربع حيطان مكسوره والكل عارف ان انا مجرمه وقاتله لكن من ساعه انت ما ظهرت في حياتي وانا خلاص حسيت ان الدنيا بتطبطب عليا وبتقول لي لسه في امل افرحي عشان تعيشي عمرك الباقي في حياه سعيده وهاديه

عامر مد ايده ليها وقال

عامر

يبقى امسكى فى الامل من جديد وبلاش تبصي وراكي سيبي الماضي عدى وخلاص بص لي المستقبل اللي مستنيك يا عهد مستني عهد الجديده الشخصيه اللي هتكون كلها سعاده والضحكه اللي مش هتفارق وشها ابدا

وعايزه توعديني ان انت هتفضلي فرحانه ومبسوطه طول عمرك وما فيش حاجه هتكسرك تاني ابدا توعديني يا عهد

عهد بصت لايده ثوانى طويلة وبعدها حطت ايديها فى ايده وهى بتعيط بصمت وكأن لاول مره من يوم دخلت السجن حد مسكها قبل ما تقع مش بعد ما وقعت

وبعديها مسكت ايده وقالب ابتسامه

عهد

اوعدك يا عامر

عامر بص لها بابتسامه عشان يطمنها وعهد قالت

عهد

الكابوس هيخلص صح ومش هدخل السجن تانى واسمعهم وهما بيتخانقو

عامر

الليل مهما يطول لازم يبقي فيه نهار دا اللى ربنا خلقه فى الدنيا أما علي فهو فاكر إنه بيلعب بالنار بس النار دي هي اللي هتحرقه

عهد: طب وبالنسبة للورث انا مش عوزاه خليهم ياخدو كل حاجه بس يسيبونى فى حالى

عامر

الورث هيرجع لأصحابه وهما هيدفعوا تمن كل دمعة نزلت منك استعدي المعركة لسه بتبدأ وبصلها باطمئنان وقال أوعى تخافي انا معاكى

عهد بصتله باطمئنان وقالت

عهد

سنه مسجونه ظلم فى الضلمه شعاع النور ظهر بوجودك ارتحت لما شوفتك وقلبي دلنى عليك وعقلي قال العدل موجود وزى ما فى شر فى خير انا واثقه فيك يا عامر انك هتعمر إلى هدموه جوايا

تانى يوم عامر كان فى المكتب بيتكلم فى التليفون وقال

عامر

بقولك ايه يا حمزة فيلا الراوي متراقبة من كل حتة أي غلطة هنروح فيها القوة تتوزع على المخارج الأربعة وساعة الصفر لما أديك الإشارة

حمزه

انا مش عارف تاعب نفسك ليه ومجهز قوه مخصوص اشمعنا دى

عامر

ولا بطل فلسفه مش تخليني أوريك الوش التاني هو ايه اللى اشمعنا من امتى وانا بسيب حق مظلوم

حمزه

خلاص يا عم هحط الجذمه فى بوقي وانفذ الأوامر مكنتش رتبه اللى هتذل اهلى بيها دى يلا من غير سلام

عامر بغيظ قال

عامر

وحياة أمك لأقفل الباب على صوباعك عشان بعد كدا تستأذن قبل ما تقفل المكالمه

عهد من وراه قالت

عهد

هو انا جيت فى وقت مش مناسب ولا ايه حساك بتتخانق

عامر جهز مسدسه وبصلها بتقييم وقال

عامر

جاهزه لازم نتحرك قبل ما هما ياخدو حذرهم كل الاندال قاعدين فى صالون بيتك بيخططو للشحنه بتاعت بليل وبمكر قال ميعرفوش أن انا المشترى

عهد بذهول قالت

عهد

انت بتشترى القرف دا وبغيظ قالت على فكره مضر بالصحه والمفروض انك مقدم فى الشرطه يعنى قدوه مش تروح تخمس معاهم

عامر بعدم فهم قال

عامر

استني بس افهم اللى انتى قولتيه وثوانى وفتح فى الضحك وقال انتى فاكره انى هشتريه ليا وان انا هشربه لا دا حركة تمويه كلفت حد من رجالتى يطلبو كميه كبيره عشان أشغلهم بحاجه مش يهربو ومن ناحية تانيه تبقي قضية اتجار مخدرات لبساهم بصي اتفرجي هتفهمى

عهد

على فكره انا كنت بختبر نزاهتك بس لكن أنا ذكيه وفهمتها وهى طايره وبغيظ قالت وبطل ضحك عليا

فى فيلا الراوى كلهم كانوا متجمعين فى الصالون

على فتح كيس البودره وبيشم وقال

على

لازم طباخ السم يدوقه بس ايه التركيبه دى فى حتة تانيه

رأفت

البضاعة لازم تخرج الليلة عامر بدأ يشم ريحة الشحنة لو معرفناش نهربها النهاردة الرقاب هتطير

ميرفت

والمخازن اللي في الميناء علي قالي إنها متأمنة إيه اللي غير الموضوع

على

انتو خايفين من ايه المعلومات اللى وصلتلى أن عامر هيروح المخازن الأول بس يا حرام مش هيطلع منها عايش لانى فارشله الارض كلها بارود يلا هيموت شهيد

احمد

طب افرض مش راح هناك وجه على هنا هنتصرف ازاى

رأفت بشر طلع مسدسه وقال

رأفت

هقدمله احسن ضيافه أهم حاجة عندى إكرام الضيف

عهد من وراه قالت

عهد

لا وانت ما شاء الله عليك بتفهم فى الأصول لدرجة أنك قتلت مراتك وسجنت بنتك عشان الفلوس وبسخريه قالت مكنتش اعرف أنك بتحبنى اوى كدا يا بابا

ميرفت بذهول قالت

ميرفت

انتى طلعتى من السجن ازاى ودخلتى هنا ازاى من غير ما اشوفك دا انا غيرت كالون الباب

رأفت قرب من عهد وقال

رأفت

فاكره انك لما تيجي هاخدك بالحضن واقولك بنتى سامحيني غلطه وندمان عليها وحط المسدس فى راسها وقال الغلطه الوحيده اللى ندمان عليها انى سايبك عايشه لحد دلوقتي امك وحشتك يا عهد وانا قلبي حنين مينفعش أفرق بين الأم وبنتها

عهد بصتله بكره وقالت

عهد

لحد اخر لحظه كنت بديك فرصة تثبت انك ندمان بس انت طلعت واحد حقير بالاسم أبويا لكن انت قتال قتله

رأفت ضربها بالقلم وقال

رأفت

اخرسي قطع لسانك وبص على على وقال هات الورق همضيها انا طالما بالحسني مش نافع مع بنت الكلب دى

عامر من وراه قال

عامر

أنهى ورق بقا اللى انت بتدور عليه الورق بتاع التنازل ولا ورق الشحنات اللى هتتسلم عشان ابقي معاك على الخط بس

احمد بتوتر قال

احمد

انا مليش دعوه بحاجه انا مخدتش مليم على هو اللى مخطط لكل حاجه مع رأفت والست دى

حمزه

ابو حميد الخاين اللى قطع فرامل العربيه عشان يقتلنى وحاططلى سكر بودره فى مكتبي عشان اتمسك متلبس وبسخريه قال هو انت متعرفش انى عامل دايت مش بشرب حاجه فيها سكر

على طلع مسدسه وقال

على

دا الصحبه الصالحه كلها هنا وضرب طلقه جت في راس رأفت وقع مات وبشر قال كان عامل زحمه ومصدعنى وبص على عهد دورك جاى مش تقلقي

ميرفت بصويت قالت

ميرفت

يالهوى الراجل قطع النفس يخربيتك دا كان بينفذ كل حاجه انت عاوزها قتلته ورملتنى ياللى منك لله

على بسخرية قال

على

معلش بقا مش لحقتي تخلفي منه عشان تورثي ضيعت عليكي الفرصة الورث كله هيبقي ليا بما انى جوز بنته

عهد بزعيق قالت

عهد

اخرس يا حيوان انا يستحيل اتجوز واحد زيك الموت عندى اهون من انى اكون مع شيطان زيك

على ضرب طلقه في اتجاه عهد وفى ثوانى كان عامر واقف قدامها خدها فى دراعه

عهد بذهول قالت

عهد

انت بتعمل كدا ليه انا يدوب لسه عرفاك انت خدتها مكانى

عامر بسخرية قال

عامر

تعرفي ساعات القدر بيبعت الإجابات قبل ما نسأل الأسئلة وجودك في حياتي شال الغشاوة عن عيني أنا طول عمري كنت بلملم جثث وجرايم أول مرة ألمس إيد براءة

حمزه بشلل قال

حمزه

بعد اذن السهوكه حبكت تثبتها فى الموقف دا والله أضرب طلقه فى دماغك اخليك تفوق دا انت تنح

عهد لمحت ميرفت بتحاول تهرب راحت مسكاها من شعرها وبغيظ قالت

عهد

تعالى يا خرابة البيوت رايحه فين دا انا الود ودى اقطع من لحمك وارميه للكلاب بس حرام عليا أموت الكلاب مسمومين

ميرفت بحقد قالت

ميرفت

انا قولت للنطع اللى اتجوزته يقتلك انتى وامك بس هو قال لازم حد يشيل الليله وفى الاخر مات وانتى طلعتى من السجن وانا اللى هشيل الليله وبجنون قالت تعرفي لما كنت بموت امك كنت مستمتعه ازاى ياريت سمعتيها وهى بتقول سبونى عشان بنتي

عهد نتشت المسدس إلى كان فى ايد أبوها وبصريخ قالت

عهد

هقتلك هخليكي تدوقي من نفس الكاس يا مجرمه

عامر

عهد أوعى تعملى كدا دى بتستفزك عشان تقتليها وتتعدمى انتى أوعى تناوليها اللى هيا عوزاه

على بسخرية قال

على

اوووه عندنا قصة حب عاوزه تخرج للنور وبحقد قال قسما بالله ما انا مهنى حد فيكو طالما المركب بتغرق يبقي محدش يعيش وضرب طلقه على حمزه اللى اتفاداها بسرعه بس جت فى قلب احمد وقع على الأرض

حمزه بذهول قال

حمزه

يخربيت فقرك انت نازل قتل فى كله كدا ليه دا انت هتروح جهنم زحلقه على قشر موز

على بجنون قال

على

اتشاهد على روحك يا عامر مش هخليك تكسبني المواجهه دى بينى وبينك

عامر ببرود قال

عامر

وتفتكر لما تقتلنى هتعرف تهرب يعنى دى فيها اعدام

على بسخرية قال

على

وانا مش باقي على حياتى أصلا وحط المسدس فى وشه وبحقد قال على طول القاده شايفين انك أحسن منى حتى البنت اللى حطيت عيني عليها ودخلت دماغي نفضتلى انا مبكرهش حد قدك

عهد جابت الفازا وبتتسحب من ورا على ومره واحده من غير ما ياخد باله راحت نازله فوق راسه وبغل قالت

عهد

قرفتنى وتعبت نفسيتي يا اخى منك لله عيشتنى فى رعب وحاولت تقرب منى غصب عنى انت شيطان مش بنى ادم ومسكت المسدس من ايده وبزعيق قالت هموتك يا كلب خليت حياتى جحيم

عامر قرب منها وهمس جنب ودانها وقال

عامر

انتى بريئه يا عهد ونقيه أوعى تلوثي نقاء قلبك أوعدك أنه هيتحاسب على كل حاجه بس اطلعي انتى برا الموضوع دا وبحب قال عهد انا بحبك

عهد أول ما سمعت كلامه بصتله بتوهان ودموعها نزلت وقالت

عهد

قتل بابا ودى قتلت ماما وشاورت على ميرفت وحاول يقرب منى غصب عني هاتلى حقى منهم

حمزه قرب من على وحط الكلابش فى ايده وبغيظ قال

حمزه

انت ياض دماغك دى اسمنت مسلح واحد غيرك خد الخبطه دى كان زمانه جاله ارتجاج ومات وخلصنا منه

ميرفت بغل قالت

ميرفت

مش هسيبك تعيشي وتتهنى يا بومه انتى وامك ومسكت المسدس بس عامر كان اسرع منها وضرب طلقه فى دراعها وبغيظ قال

عامر

دا انتى بجحه يعنى هتاخدى ايه اكتر من اعدام لم يبنى الزبالة دى

حمزه بسخرية قال

حمزه

الفلبينيه اللى جبهالك أبوك روح اتعالج يا عم انت واخد طلقه فى دراعك ولا انت عاوز تثبت انك سوبر هيرو كتك وكسه توكسك

عدى سنه على الأحداث دى وعهد كانت فى المطبخ بتعمل قهوه وسرحانه واتخضت من صوت عامر

عامر

بقالى ساعه بكلمك وانتى ولا هنا سرحانه فى ايه كل دا

عهد

خايفه اكون بحلم مش مصدقه أن الدنيا ضحكتلى اخيرا وطلعت من السجن

عامر قرب منها وهمس جنب ودانها وقال

عامر

بس اتسجنتى فى سجنى انا واللى بيدخل سجنى مش بيطلع منه

عهد بصتله بحب وقالت

عهد

لو سجنك أنت معنديش مانع أخد مؤبد كمان انت امانى يا عامر

عامر بغيظ زقها وقال

عامر

ما قولت نتنيل نتجوز بدل العذاب دا ايه نظام شوق ولا تدوق دا

عهد قربت منه ووقفت على طراطيف صوابعها وباسته من خده وهمست

عهد

إحنا كاتبين الكتاب ومفيش جواز غير لما تنفذ الشرط بتاعى الاول غير كدا هتطلقنى يا حبيبي

عامر بغيظ لسعها كشاف على قفاها وقال

عامر

مش لما اتنيل اتجوزك واخش دنيا نبقي نشوف حوار الطلاق دا مستعجله على إيه

عهد بشر قالت

عهد

طب ايه رأيك بقا مفيش جواز وسع كدا انا هشوف حد غيرك يحترمني كأنثي ليها احترامها وتقديرها

عامر بتوعد قال

عامر

تشوفي واحد امممم وخلع حزامه وبتوعد قال عشرين ضغط ولو وقفتى هتلاقي دا وشاور على الحزام نازل عليكي يلا يا انثي

عهد بتوتر قالت

عهد

عامر انا كنت بهزر على فكره وبصتله فى عينيه عيله وغلطت هتاخد على كلام عيله وبإحراج قالت أنا جعانه حاولت أعمل حاجه تتاكل بس فشلت فشل ذريع

عامر فتح فى الضحك وقال

عامر

كنت عارف عشان كدا عملت حسابي غمضي عينك وربط ايديها بالحزام وبهمس قال امشي ورا صوتى عاملك مفاجاه هتتجننى لما تشوفيها

عهد

عامر انت مغطى عيني ورابط ايدي ليه انا ممكن اقع انت عاوز تكسرنى

عامر حضنها من ضهرها وقال

عامر

عمرى ما اقدر وفك ايديها ومسكهم ومشي بيها لحد الاوضه وبعدين سابها

عهد

عامر انت روحت فين وشالت القماشه اللى على عينيها وإتصدمت من الأوضه وبذهول قالت

عهد

دا عشانى انا انت عامل الديكور دا ليا وجريت عليه حضنته وبهمس قالت أنا بحبك انت عارف صح

عامر نزلها ونزل على ركبه وطلع من ورا ضهره تذاكر طيران وقال

عامر

أنا عارف إن اللي شفتيه في السجن ده كان نار في قلبك، وعارف إن روحك محتاجة راحة بعد كل الوجع ده دي دعوة من ربنا لينا نغسل فيها قلوبنا ونبدأ حياتنا الجديدة ببركة

عهد بدموع قالت

عهد

لما كنت فى السجن كنت بدعي ربنا كتير إنه يبعتلي النور ومكنتش أعرف إن النور ده هيكون أنت يا عامر

عامر وقف وقرب منها وهمس

عامر

كل دمعة نزلت منك في الضلمة هعوضك عنها بسنين من الفرح السجن اللي كان بيحرق قلبك بقى ماضي ومفيش دلوقتي غير أنا وأنتي هنبني حياتنا ونعوض اللي فاتنا ونبدأ صفحه جديده كلها امل مش الم

عهد بحب قالت

عهد

أنت مش بس أماني أنت الوطن اللي لقيته بعد ما توهت مش خايفة من بكرة طول ما إيدي في إيدك أنت النهاية السعيدة اللي كنت بتمناها لكل وجعي انت اللى عمرت روحى من جديد يا عامر