الفصل الرابع

رواية عائلة الحاوي الجزء الرابع 4 بقلم تقى محمد عائلة الحاويرواية عائلة الحاوي الحلقة الرابعة _انا قررت اجوزك رنا بنت عمك. قمت وقفت قدام المكتب _رنا مين يا جدي،اكيد مش قصدك رنا اللي بره دي صح؟ _طب اقعد عشان نتفاهم. _نتفاهم ايه بس يا يحيى، اه قول بقى انكم عاملين المسرحية دي عليا انت وبابا عشان تجوزوني صح؟ _اترزع يا آسر خليني افهمك. قعدت ربعت ايدي و بصتله _اديني قعدت اتفضل.

_اولا انا معملتش عليك مسرحية انا وابوك ولا اي حاجه من الهبل ده، ثانيا بقى ان بنت عمك كانت حالتها صعبة فعلا و كانت مش متقبلة الصدمة و انت شوفت ده، ثالثا بقى و ده الأهم ان رنا اتحسنت كده لما انت جيت و انت عارف كانت بتحبك و انتوا صغيرين ازاي. _يا جدو حضرتك قولت و احنا صغيرين يعني مستحيل تكون لسه بتحبني لحد دلوقتي الكلام ده كان زمان. ابتسم و رجع بضهره لورا على كرسي المكتب _افهم من كده انك موافق يا آسر بيه؟

_مين قال اني موافق يا يحيى انا بقولك وجهة نظر بس. _انا اللي بقول انك موافق يا قلب يحيى اللي بيحب بيبان على عيونه و انت مشوفتش بتعمل ازاي لما تشوفها او تسمع صوتها. نزلت نظري للأرض بإحراج و انا بمشي ايدي على شعري _هو انا واقع للدرجادي! ضحك و قال _ده انت واقع من الدور المليون يا قلب جدك. _احم احم على فكرة لأ انت فاهم غلط. فضل مبتسم و هو بيبصلي _خلاص فهمني انت يا آسر.

_لأ ..قصدي مش هعرف يووووه بقى يا يحيى انت كاشفني كده ازاي؟! _العيله كلها كشفتك يا حلوف قلب جدك مش انا لوحدي. _امال حفيدتك الغبية دي مكشفتنيش ليه؟ _يمكن بتكابر زيك ما انتم الاتنين اعند من بعض. _طب هعرف تخليها توافق يا يحيى؟؟ _عيب عليك والله لما تسأل السؤال ده ليحيى الحاوي. _آسرررر. _يلهوي نفسي مرة تبيني انك أنثى مش دخلة المخابرات دي. تجاهلت كلامه _آسر انت نسيت؟ _نسيت ايه مش فاهم؟ _يا آسرررر بقى.

_طب نسيت ايه فهميني عشان اقولك. _انت كنت قايلي لو بقينا أصحاب هتخرجني خروجة جامدة. _اممم،طب و احنا بقينا اصحاب؟ _و حياة امك؟ _طب خلاص انتي بتتحولي ولا ايه؟ _خلص هتخرجني امتى؟ _انتي مش امتحاناتك شغالة؟ _اه. _و انتي المفروض يعني المفروض بتذاكري؟ _اه. _طيب لما تخلصي نبقى نخرج. _على فكره انت بارد اوي. _عارف. _و تنح. _كمان؟ _و مستفز. _اممم و ايه كمان. _و…انت بتقوم من على الكرسي ليه؟

_هوريكي انا بارد و تنح و مستفز ازاي،تعاليلييي. _يا جدو. و طلعت اجري منه على تحت عند عمي و جدو _ورحمة امي ما انا سايبك تعالي. روحت استخبيت ورا جدو _خلاص بقى قلبك ابيض. _لأ انا قلبي اسود تعالي. جدو و عمي اتدخلوا _فيه ايه يا آسر ايه اللي حصل؟ _اسأل بنت اخوك يا بابا. _ايه اللي حصل يا حلوف قلب جدك؟ _بقى انا بارد يا جدو؟ _لأ انت لوح تلج بس يا حبيب جدك. _انا تنح يا جدو؟ _لأ انت حلوف بس يا حبيبي.

_انا يتقالي انت مستفز يا جدو يرضيك؟ _اه يرضيني عادي ما انت مستفز بجد. _انت معايا ولا معاها يا جدو؟ _مع روني حبيبت قلب جدها طبعا. بصتله بأنتصار و لاعبت حواجبي باستفزاز و انا بطلع له لساني من ورا جدو _طيب ماشي لما جدو يمشي هبقا اجيبك من شعرك حاضر و مفيش خروج بقى ها. _يا جدو. _سيبيه ليا هخليه يخرجك. _اوكي. _آسر هو انت مش هتجيبلي بوكيه ورد؟ _اجيب ليه؟ _عشان بكرة اخر امتحان ليا في طب أسنان و المفروض هتخرج يعني و كده.

_انتي مسمعتيش المثل اللي بيقول الاهتمام مبيطلبش؟ _مش انا طلبته؟ _اه. _يبقى بيطلب عادي. _يا باردة،انتي جايبة البرود ده منين يبت؟ _من بعض ما عندكم. _والله؟! _اه والله. _ماشي كلها كام شهر و هرنك علقة. _اشمعنى كام شهر؟ _هفهمك في الوقت المناسب. _ما تقولي دلوقتي و خلاص يا آسر لسه هستنى؟ _اتقلي تاخدي حاجه نضيفة. _تاني يوم نزلت من آخر امتحان لقيت آسر واقف قدام عربيته و ماسك بوكيه ورد توليب احمر جميل

اوي متغلف باللون الاسود و فيه فيونكة حمرة جميله شكله كيوت اوي. روحت عنده بسرعة ادالي بوكيه الورد و هو مبتسم _مبروك التخرج يا دكترة. _الله يبارك فيك يا دكترة. _يعني مش هتنزلي معانا الشركة يا دكترة؟ _و انا مالي انا بالشركة يا دكترة؟ بصينا لبعض و انفجرنا في الضحك احنا الاتنين بعد ما هدى شويه قالي _اركبي يلا. _هنروح فين؟ _هتعرفي لما نوصل. روحنا مطعم شكله شيك اوي و آسر قاله على الترابيزه اللي محجوزة بأسمه و دخلنا

بعد ما قعدنا _ايه رأيك عجبك المكان؟ بصتله و عدلت النضارة على عيني اصل انا كنت المفروض البس نضارة انا كمان بس كنت بكابر عشان ملبسهاش. _تحفه يا اسور بجد. _مش اتحف منك يا روني. اتكسفت و عدلت خصله شعري ورا ودني بتوتر _بس هو احنا جينا هنا ليه مش المفروض نروح على الفيلا؟ _بخرجك يا ستي انا غلطان،و عدين قومي معايا عاملك مفاجأة.

قومت معاه من الترابيزه اللي كنا قاعدين عليها و وقفنا قدام الترابيزه بكام سنتي متر كان المكان حرفيا تحفه الأرض كلها حوالينا مفروشه ورد احمر و في قلب احمر معمول بالورد كبير. آسر ركع على ركبته قدامي و طلع علبه لونها اسود قطيفة من جيبه و عدل نضارته و قال _روني انا بحبك،تقبلي اكون خطيبك كمان مش بس صاحبك؟ ضحكت و اديتله ايدي لبسني دبله رقيقة اوي و عليها استراس من فوق حاجه بسيطه و بعدين باس ايدي و قام

_طب ايه مش هتلبسيني انا كمان الدبلة و لا ايه؟ اخدت منه دبلة لونها اسود و فيها خط سيلفر في النص و مكتوب عليها من جوه قلب و على طرفين القلب مكتوب حرفي و حرفه و لبستهاله و قعدنا تاني على الترابيزه. _روني انا عاوزك تنزلي الشركة مع آسر و ملك. _بس انا مش بفهم في شغل الشركة يا جدو . _تعالي هنزلك تدريب عادي. _حاضر. نزلنا كلنا الشركة سوا و كنا قاعدين آسر بيعلمني بما انه اقدم مني في الشركه هو ملك كانوا قاعدين

بيعلموني الشغل على اللاب توب اللي قدامنا _جماعة ده البريك هروح اجيب حاجه اشربها تشربوا حاجه؟ _لا يا ملك ميرسي. طلعت ملك و فضلت انا و آسر في المكتب سمعت صوت ماسدج جاتلي و بعدها الموبايل رن رنه خفيفة و قفل. فتحت الموبايل لقيت في رقم غريب باعت لي لوكيشن و صورة فيلا بصيت فيهم بس مفهمتش حاجه بعدها الفون رن ف رديت فتحت عيني بصدمه و دموعي بدأت تنزل على خدي ف آسر قام وقف اخد الفون مني بس للأسف كان الرقم قفل خلاص ف قالي

_فيه ايه مالك مين رن؟ دموعي نزلت اكتر و انا بقوله _انا عرفت مين اللي قتل بابا يا آسر!!!