رواية عاشق يريد الانتقام — الفصل 24 — بقلم نجاح السيد
رواية عاشق يريد الانتقام – الفصل الرابع والعشرون
قصة..(عاشق يريد الانتقام)..
– صباح الخير
– صباح الفل على الناس الى هتروح المدرسة النهاردة
– صفقت سارة وقالت بمرح:واخيرا
– ضحكت ندى وقالت:ومالك مبسوطة كده ليه
– سارة:طبعا مبسوطة علشان هروح المدرسة زهقت من قاعدة البيت
– عمار:وبعد مرور شهر بالكتير تيجى تقولى يوووه يا ابيه زهقت من المدرسة دى مافيش يوم اجازة ابدا
– ندى:ودا حال الطالب المصرى
– سارة:ايه العالم المحبطة دى ماتسبونى افرح شوية ولا لازم تفكرونى وتنكدوا عليه
– ضحك عمار وندى وقال فى صوت واحد:تحت رعاية حمله فكرهم ونكد عليهم
سارة:يا سبحان الله غلاستكوا انتوا الاتنين من نفس الفصيلة
ليلىعزيز:صباح الخير يا ولاد
عمار- ندى – سارة:صباح النور
ندى:ايه الشياكة دى بس يا حضرة الناظرة
ضحكت ليلى وقالت:بس يا بكاشة وكمان انا اجى جانبك ايه فى الشياكة ولا ايه يا عمار
ابتسم عمار وقال:الصراحة يا طنط انتى شيك اووى النهاردة
عزيز:انت بتعاكس مراتى ادامى ولا ايه يا واد
عمار:وانا اقدر برضه يا باشا
مال عمار على ندى وقال لها بصوت منخفض:مش يلا بينا احنا بقى
ندى:اوك
عمار: نستأذن احنا يا جماعه علشان عندنا مشاوير كتيرة النهاردة
عزيز:ماشى يا حبيبى …طبعا النهاردة اجازة يا ندى من المستشفى
ندى:دا بعد اذنك طبعا
عزيز:ماشى هسيبك تتدلعى براحتك دلوقتى اما بعد الفرح مافيش دلع ولازم يكون فى التزام
ندى:حاضر يا دكتور
عمار:سارة هتيجى نوصلك للمدرسة
ليلى:لأ سيب سارة يا عمار انا هاخدها معايا
ندى:سيدى يا سيدى يا بختك يا ست سارة هتروحى مع حضرة الناظرة شخصيا
سارة:هنقر بقى
ندى:دا حسد بس مش قر
عمار:يلا يا ندى
ندى:اوك يلا
………………………………………….. ………………
طرق اسر على باب غرفة مى وعندما سمعت مى صوت الطرقات نهضت من فوق السرير واقفه وذهبت لتفتح الباب
مال اسر بجسمه على باب الغرفة وقال وهو مبتسم:احنا متخاصمين ولا ايه
ابتسمت مى وقالت:لأ ابدا
اسر:طب ليه قاعدة فى الاوضة ومخرجتيش
مى:كنت حابة اقعد مع نفسى شوية
داعب اسر انفها وقال:ممنوع يا هانم اى حد فينا يقعد لوحده…. طوال ما احنا هنا… احنا جايين نستمتع ولا نسيتى اتفاقنا
مى:لأ مش نسيت
اسر:طب يلا البسى علشان هنخرج
مى:هنروح فين
اسر:هنروح مكان ..اى بنت تروحه لازم بتتبسط فيه عالطول
مى:ايه المكان ده
اسر:الملاهى
ضحكت مى وقالت:فكرة مجنونة جدااا بس عجبتنى
اسر:طب يلا بقى متتأخريش اصل هرجع فى كلامى
مى:لالالا… ثوانى وهكون جاهزة
اسر:اوك
همت مى ان تدخل الغرفة ولكن امسك اسر يدها وجعلها تلتفت له وقال:مى انا موافق على اى حاجة انتى عايزاها كفاية عليه شهرين هتكونى فيهم جانبى بس خليكى دايما مبسوطة مش عايز اشوف نظرة الحزن دى فى عيونك
ابتسمت له مى وقالت:حاضر
قال اسر بحماس:انتى لسه واقفة ادامى يلا يا حلوة روحى البسى بسرعه
ترك اسر يدها وغادر المكان ودخلت مى واغلقت الباب خلفها جلست على السرير وقالت محدثة نفسها:وبعدين معاكى يا مى هتخسرى حد جميل اووى كده زى اسر دا بيحبك اووى….بس انا مش هقدر احبه…لو سبتى نفسك هتحبيه…بس انا مش عايزة احبه…ليه…لانى متعودتش ان يكون فى حاجة حلوة فى حياتى ولو صدف وكان فى بتنتهى بسرعه…وخايفة احبه واتعود على وجوده فى حياتى ويروح منى…يووووه الى عايزه ربنا هيكون
نهضت مى واقفة وذهبت الى الخزانة واخرجت ملابسها وابدلت ملابسها وخرجت لاسر
………………………………………….. ………………
انتهى اليوم الدراسى الذى كان يوما عاديا جدا بالنسبة لسارة ووممل ايضا فهى لا تعرف اى احد فى هذه المدرسة فقد احست بأنها غريبة ووحيدة ,خرجت من بوابة المدرسة وانتظرت باص المدرسة لكى تغادر الى البيت فيه وعندما وقفت بخارج المدرسة ووجدت فتاتين واقفين بجانبها كان يدور بينهما حوار وكان هذا الحوار
الفتاة الاولى:شوفتى الواد الى واقف هناك ده
الفتاة الثانية:يخربيته دا موز جامد
الفتاة الاولى:شكله جاى للبت بتاعته هنا فى المدرسة
الفتاة الثانية:يا بختها دى محظوظة اووى
كانت سارة تريد ان ترى هذه الفتى الذى يتحدثا عنه هاتان الفتاتان غلبها فضولها كثيرا فنظرت فى الاتجاه الذى ينظران اليه تلك الفتاتين فوجدته هو.. نعم انه مراد كان واقفا وساند ظهره على سيارته ومرتدى نظارته الشمسيه وكان حقا وسيما اول ما رأته ابتسمت وعندما تذكرت كلام تلك الفتاتين تلاشت ابتسامتها وذهبت اليه وهى فى قمة غيظها
سارة (بغيظ):ممكن اعرف ايه الى جابك
رفع مراد نظارته على شعره ونظر اليها وابتسم وقال:عربيتى
سارة:وايه الى موقفك هنا اصلا…معجب اووى بالبنات الى واقفين يبوصولك وكمان بيتكلموا عليك
ابتسم مراد وقال بخبث:انتى بتغيرى عليه ولا ايه
ارتبكت سارة قليلا وقالت:وهغير عليك ليه ان شاء الله
امسك مراد يدها وجذبها لتقترب منه قليلا وقال هامسا وهو ينظر فى عيناها بقوة:على فكرة انا مستعدة اروح ليهم واقولهم انى ملك لواحدة بس وبحبها هى وبس واقولهم كمان ان الواحدة دى هى انتى
ذابت سارة امامه وظلت تنظر الى عينه بقوة وقالت وهى غير مدركة ما يحدث لها:هاااا
مراد:تحبى اروح اقولهم
سارة:روح
بالفعل ترك مراد يدها وهم ان يذهب اليهم ولكن امسكت سارة يده واوقفته قائله:بطل جنان يا مجنون..انا عارفة انك مجنون بس مش للدرجة دى
مراد:لو اعترافى بحبك لأى حد جنان … انا عايز اكون اكبر مجنون
ضحكت سارة وقالت:انت جيت ليه
مراد:وحشتينى …وكان لازم اجى علشان اشوفك
سارة:روحت الجامعه النهاردة
مراد:ايوة
سارة:خلصت محاضرات بدرى كده
مراد:احنا اصلا مخدناش محاضرات النهاردة ..احنا مختلفين عنكوا ..مش اول يوم دراسة كده عالطول
سارة:احنا كمان مأخدناش حاجات كتيرة النهاردة ..حصة عربى وحصة ميكانيا بس
مراد:المهم ايه رأيك فى المدرسة
سارة:مملة
مراد:ليه بس
سارة:طول اليوم وانا قاعده لوحدى ومتكلمتش مع اى حد
مراد:علشان لسه جديدة بس ..زشوية كده هتتعرفى على بنات زمايلك كتير وهتصاحبيهم وهتحبيهم ..بس اهم حاجة مش اى بنت تصاحبيها لازم تكون اخلاقها كويسة زيك
ابتسمت سارة وقالت:الباص اتأخر كده ليه
مراد:دا من حظى
سارة:اشمعنا
مراد:علشان افضل واقف معاكى شوية…ما تيجى اوصلك للبيت
سارة:تؤتؤ
مراد:كنت متأكد ان ده هيكون ردك
سارة:طب بدام متأكد ان ده هيكون ردى طلبت ليه
مراد:كنت بجرب
جاء الباص فى هذا الوقت وعندما رأته سارة قالت:الباص جه يلا سلام
مراد:استنى هجيب حاجة بس من العربية
اختفى مراد فى لحظة وذهب واحضر شىء ما من سيارته واعطاها لسارة
سارة:ايه دى
مراد:لما تروحى افتحيها وانتى تعرفى ايه دى
سارة:اوك …يلا سلام
مراد:سلام
………………………………………….. ………………
– الحمد لله انا مكنتش متصورة اننا هنختار العفش بالسرعه دى يا عمار
– عمار:وانا كمان .
ندى:كده احنا اخترنا العفش… والشقة لسه اسبوع وتخلص …والقاعه واتحجزت …يعنى تقريبا كده خلصنا كل حاجة
عمار:لأ طبعا لسه اهم حاجة
ندى:ايه ده
عمار:فستان الفرح يا عروسة
ابتسمت ندى وقالت:انا مستنية مى تيجى علشان نختاره سوا
عمار:ايه ده…بقى عروسة الديزينر عمار مسعد موافى تشترى فستانها من المحلات…دول يحدفونى بالطوب
ضحكت ندى وقالت:امال هنشتريه منين
عمار:مسألتيش نفسك انا جبتك معايا الشركة ليه وقاعدين حاليا فى مكتبى ليه
ندى:ليه… صحيح
عمار:عايزك تتطيرى الى عالم الخيال وتتخيلى نفسك عروسة بالفستان الابيض الى نفسك تلبسيه تخيلى شكله ايه وقولى وانا هرسمه على الورق وهطلعلك الفستان بالمواصفات الى بتحلمى بيها
ندى(بسعادة):بجد يا عمار
عمار:بجد يا روح عمار…يلا طيرى بقى وقولى كل الى بتحلمى بيه
ندى:…………………………
………………………………………….. ………………
وصلت للفيلة وصعدت الى غرفتها بسرعه رهيبة
دخلت غرفتها واغلقت الباب خلفها واخرجت العلبة التى اعطاها لها مراد من حقيبتها وفتحت العلبة ووجدت بها هذه اللعبة
اخرجتها سارة واول ما رأتها فرحت كثيرا ضمتها الى صدرها وظلت تدور فى الغرفة وهى تضحك بشدة وكانت فى قمة سعادتها سمعت فى هذا الوقت صوت رنة هاتفها فارتمت على سريرها والتقطت الهاتف وضغطت على زر الاتصال وقالت :الو
مراد:شوفتيها
سارة:اه شوفتها
مراد:عجبتك
سارة:حلوة اووى يا مراد
مراد:قولى قولتى ايه تانى
سارة:حلوة اووى
مراد:لالالا الى بعدها
سارة(بكسووف):مراد
مراد:اول مرة اعرف ان اسمى حلو كده لما سمعته منك
سارة:بكاش كبير اووى وفاكر انى علشان لسه صغيرة هتاكل عقلى بكلمتين
مراد:نفسى بس تصدقى ان كل الى بقوله ليكى ده من قلبى وانى بحبك بجد
سارة:اصلا اللعبة الى جبتهالى دى اكبر دليل على انك بتعتبرنى عيلة
ضحك مراد وقال:لا طبعا…انا شوفتها فى محل وعجبتنى وحبيت اشتريها ليكى وقولت اكيد هتعجبك
سارة:هى بجد عجبتنى
مراد:عارفة يا سارة…ساعات بحس من لماضتك وشقاوتك وبرائتك انك لسه بنوتة صغيرة …بنوتةجميله بحبها وبموت فيها
اتسكفت سارة اووى فقالت:مراد …الله
ضحك مراد وقال:خلاص خلاص عارف انك بتتكسفى هسكت اهه
سارة:انت وصلت البيت
مراد:ايوة …يلا قومى غيرى هدومك واتغدى ونامى شوية ريحى جسمك
ابتسمت سارة وقالت بلهجة طفولية:حاضر
مراد:سلام يا احلى حاجة فى حياتى
سارة:سلام
………………………………………….. ……………..
– ها بقى يا ستى شوفتى ازاى انك اتبسطى اووى فى المكان ده زى ما قولتلك
مى:ايوة ..انا اتبسط اووى….وانت اتبسط؟؟
اسر:طول ما انتى جانبى بكون عالطول مبسوط…ياترى وانا جانبك بتكونى دايما مبسوطة
مى:عايزنى اقول الحقيقة ولا اكدب
اسر:طبعا الحقيقة
مى:اسر خلينا نتعامل كأخوات زى ما اتفقنا احسن وبلاش تحاول تلمح لحاجات تانية
اسر:اوك…يلا نروح
مى:يووه يا اسر انا مش بقولك كده علشان تضايق وتكشر
اسر:انا مش مضايق ولا حاجة
مى:لأ باين على وشك انك اضيقت
اسر:لأ
مى:مضايق
اسر:لأ
مى:مضايق
ضحك اسر وقال:قولنا لأ
مى:ايون كده لما ضحكت كده اصدق انك مش مضايق بجد
اسر:طب عايزة تروحى فين دلوقتى
مى:عايزة اشترى شوية هدايا لندى ولعمتو
اسر:اوك يلا بينا
………………………………………….. ……………
– هتسافر يا عمار
عمار:ايوة
ندى:ليه
عمار:عرض الازياء هيكون فى شرم الشيخ
ندى:هتفضل كتير
عمار:هاجى قبل الفرح بيومين
ندى:يا سلام
عمار:يا ندى دا شغلى ومينفعش مأكونش موجود دا انا الديزينر
ندى:اجله لبعد الفرح
عمار:طب انا عايز اعرف ليه معترضة على السفر …احنا خلاص خلصنا كل الترتيبات …وفستانك خلاص هشتغل عليه اليومين الى هكون موجود هنا فيهم قبل ما اسافر وهيخلص باذن الله عالطول .
ندى:خلاص يا عمار سافر تروح وترجع بالسلامة
عمار:ندى مش عايزك تزعلى منى بس دا شغلى
ندى:مش زعلانة والله بس كان نفسى متسافرش وتكون موجود جانبى
عمار:وانا كمان كنت بتمنى كده بس غصب عنى
ندى:ماشى يا حبيبى ربنا يوفقك
عمار:امين
فتح عمار درج مكتبه واخرج منه كروت دعوة
عمار:دى كروت الدعوة بتاعه العرض …طبعا لازم تكونى موجودة
ندى:هاجى شرم
عمار:ايوة طبعا…هتيجى الصبح وهتسافرى بعد ما يخلص العرض
ندى:هنسافر سوا
عمار:لأ مش هسافر معاكى
ندى:ليه
عمار:انا هسافر على اليكس
ندى:ليه
عمار:علشان اجيب ماما
ندى:كده هتوصل على نص الليل هتروح تجيب مامتك فى وقت زى ده
عمار:لا طبعا انا هروح الفيلة وابات فيها والصبح بدرى هروح الدار واجيب ماما ونيجى
ندى:اوك…بس دا كذا كرت
عمار:ايوة …واحد ليكى وواحد لمراد وواحد لاسر وواحد لمى
ندى:اوك …يلا نروح ..الوقت اتأخر
عمار:الساعه كام
ندى:الساعه 9
عمار:اوك يلا
………………………………………….. ………………
– الحالة دى جت امبارح لما مش كنتى موجودة يا ندى
ندى:مالها الحالة دى
عزيز: بنت عندها 11 سنة كانت راكبة مع باباها ومامتها العربية كانوا مسافرين وللاسف طلعوا عليهم بلطجية وقتلوا ابوها ومامتها ادامها وهى ربنا انقذها منهم
ندى:مسكينة
عزيز:بعد الى حصل وهى على الحالة دى مش بتتكلم ابدا ولا بتعمل اى حركة دا غير ان بيجى عليها اوقات بيحصلها حالات تشنج وصرع واوقات بتغيب عن الدنيا خالص لايام
ندى:يا الهى…مين الى جابها تتعالج هنا
عزيز:جدها …والد بابها ..زى ما تقولى هى الى فضلت ليه من ابنه فمحتفظ بيها اووى..نفسى اووى ربنا يشفيها وتكون كويسة …بيحبها بطريقة رهيبة
ندى:بيشتغل ايه جدها ده
عزيز:كان لواء بس متقاعد حاليا…بس ليه مكانة كبيرة اووى حتى بعد ما تقاعد…ندى عايزك انتى الى تشرفى على الحالة دى بنفسك وتهتمى بيها اهتمام مبالغ فيه ..وانا من الوقت للتانى هتابع معاكى
ندى:ان شاء الله
عزيز:ربنا يوفقك
ندى:امين