تحميل رواية «اعداء عيلة الحاوي» PDF
بقلم سلسبيل أحمد
الفصل 1 — رواية اعداء عيلة الحاوي الفصل الأول 1 - بقلم سلسبيل أحمد
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
اقرأ اعداء عيلة الحاوي بقلم سلسبيل أحمد.
رواية اعداء عيلة الحاوي الفصل الأول 1 - بقلم سلسبيل أحمد
استغفر الله العظيم معرفش جدو مجمعني انا
والشيء ده ليه..
= ما تحترمي نفسك يابت انتِ!
– انا محترمه غصب عنك اسكت احسن لك
بدل ما اقوم اعجنك هنا
= تعجني مين يا ملك ؟
– هعجنك انت يا أدهم
= اتكلمي على قدك وبطلي تلقيح
– لا انا مش بلقح يحبيبي مش بلقح انا بكلم نفسي وبقول جدو مجمعني مع شيء..هو انت شيء؟
= ما الاوضة مفهاش غيري انا وانتِ بطلي الخباثه بتاعتك دي!!
” و في لحظه جدهم دخل فا الاتنين سكتوا بسرعه و وقفوا احتراما له ”
– اقعدوا
اخبار المصنع ايه؟
أدهم قعد: زي الفل يا جدو
ملك بتوتر: كويس جدا طبعا
بصلهم بنص عين: يعني انت و هي متخانقتوش في نص المصنع قصاد العمال ؟؟ ولاد عزت الحاوي وقفوا يزعقوا قصاد بعض قدام الناس و في قلب الشغل؟؟؟؟
أدهم: يا جدو ده.. احم ده مجرد اختلاف وجهات نظر وعديناه يعني محصلش حاجه
عزت بصلهم بحده: لا حصل !
ملك: هفهم حضرتك
قاطعهم: انا مش عايز افهم حاجه!
انتوا فكرتوا في الموضوع الى كلمتكم فيه ولا لأ؟
ملك: هي دي مكانتش نكته؟
عزت بجديه صارمه: ملك!! جرا ايه؟؟
ملك بإحراج: مش قصدي يا جدو.. بس حضرتك مش شايف انك طلبت مننا شيء مش منطقي ولا ينفع خالص ؟؟
عزت: ليه؟؟ قوليلي اسباب معقولة كده افهمها
– هي واضحه لوحدها.. انا مستحيل اتجوز ده
ادهم بصلها بعوجه بوق: ده ؟؟؟ شاهد يا عزت بيه؟ قالت عليا ده و من شوية قبل ما تيجي علطول.. قالت عليا شيء.. انا بس ساكت احتراما لحضرتك.. غير كده انا كنت مسكتها طبقت وشها المدور ده
ملك فتحت عينيها بصدمه: انا وشي مدور يا ابو مناخير كبيره؟؟ دي مناخيرك دي ولا بندقيه بروحين يا ادهم ها ؟ رد عليا قولي متتكسفش!!!
عزت: بس انت وهي !!! ايه قلة الادب دي ؟؟؟
انا غلطان اني باخد رأيكم من اساسه والجوازه دي هتكمل سواء رضيتم او لأ فاهمين؟
” أدهم لقي ملك ساكته وخايفه تعترض مره تانيه
ابتسم بقمه الخبث وهو بيفكر في حاجه هتخليه يقلب الموازين كلها لصالحه هو.. بقلمي سلسبيل احمد وتديه فرصه يسيطر على كل حاجه ”
– احمم.. لو سمحت يا جدو اسمحلي اتكلم يعني انا بعد لما فكرت في الموضوع.. لقيت اني معنديش مشكلة إطلاقا.. حضرتك اكيد عندك وجهه نظر.. وانا موافق تحدد معاد الفرح وجاهز..
” في اللحظه دي ملك مكانتش مصدقه ودانها !! هو بيتكلم بجد ! ولا دي لعبه ولا يقصد ايه بظبط بحركته دي!! عايز ياخد لقطه على قفاها عشان عارف انها مستحيل توافق ؟”
بصت لعزت بدون تفكير: بقا كده؟ يعني بعد لما خلتني ارفض بسبب كرهك ليا ومعاملتك الوحشه جاي قدام جدو تقول موافق
ادهم: انا يا كدابة !! انا جيت جمبك اصلا يا مفتريه
ملك بسرعه: انا كنت موافقة يا جدو هو الى كان معطل الموضوع وقالي مستحيل اتجوز كده… وطريقته معايا وحشه ده لو حضرتك حتي سألت العمال ولا اي حد هيقولولك مين بدء بالزعيق و الخناق.. هو مش انا
ادهم بدهشه بصلها: ما انتِ الى مستفزه وحاشره مناخيرك فى كل حاجه في الشغل! وانتِ اساسا لسه بتتعلمي !!
عزت بزهق: اصبر يا ادهم ! يعني افهم من كل ده انك موافقة؟ و انكم انتوا الاتنين موافقين ومتفقين؟
” الاتنين سكتوا لما الموضوع بدء يدخل في الجد ”
ملك وهي كاتمه غيظها وغضبها ابتسمت بالعافيه: اكيد.. الى تشوفه حضرتك
” وطبعا انا قولت الجمله دي على اساس احنا الاتنين بنعاند قصاد بعض ! وكنت مستنيا انه يتراجع واهو تبقي جت منه مش منى ! وجدو يعجنه هو! مش انا! ”
ادهم ابتسم وهو بيستحلف لها في سره: طبعا موافقين يا جدو.. احنا حتى عيلة واحده..
” اتصدمت من رده وحسيت ان جسمي سخن من
صاـ عقه الموقف الى انا فيه ! يعني ايه لبسته. ”
عزت: كويس.. انت بقا تروح تعرف ابوك و يحيى والدتك وتجهزوا نفسكم وتيجوا بكره الساعه 9 بليل هتكون ليلي هنا في البيت هي و والدتها.. يلا انا نازل عشان مش فاضي
” فضلت واقفة لحد ما جدو خرج وبعدها قربت ناحيته بمنتهي الغضب ”
– انت اكيد مجنـ ـون ومخك لسـ ـع !!!! ايه الى هببته ده ؟؟؟ هنعمل ايه في المصيـ ـبه دي !!!
= مصيـ ـبه ايه يا قطه؟
– جدو اكتر حاجه بيكرها ان حد يرجع في كلمته !!! هنقوله ازاي اننا مكناش بنتكلم جد؟ ورجعنا في كلامنا؟
” بصلها بسخريه بصه فيها إعلان حرب صريح منه.. وكأنه خلاص لوي دراعها.. ربع دراعه ببرود وابتسم ”
= ومين قال اننا هنرجع فيه كلامنا يا ملوكه؟
– نعم يخويا !!!!! نعم بتقول ايه ؟؟؟
= الى سمعتيه يابنت عمي او اقصد يا زوجتي المستقبليه.. حلوة دي صح؟
” بصتله بصدمه !!! المتحْلف ده بيهـ ـبل بيقول ايه ”
– انت اكيد اجننت انا مش قادره اصدق الى وداني سمعته انا ابقي مراتك انت يا
قاطعها: احترمي نفسك انا هبقي جوزك.
= ده انت لو اخر راجل في الكوكب والدنيا مش هتجوزك!!!
– انتِ تطولي اصلا بعدين معندكيش اختيار يا ملوكه..
= لا عندي مش هوافق !
– يبقي احسن روحي قولي لجدك انك رافضه وتبقي جت منك وانا في السليم
بصتله بعدم تصديق: انت بتعمل كده ليه
= احنا بنلعب على المكشوف.. واظن انتِ فاهمه..
انا مش بعد كل ده هاجي في الآخر وابوظ كل حاجه..
واكـ ـسر كلام جدك الى بيمشيه على الكل.
– وانت بقا معندكش شخصية !!
ضحك: الشخصيه دي هتشوفيها قريب.. لما اتحكم فى كل حاجه وجدو يثق فيا اكتر واكتر..
يلا باي..هسيبك تجهزي نفسك و هستناكِ بكره يا ملوكه ابقي اللبسي حاجه عدله.. ولا مش هتفرق كدا كدا
” فضلت ساكته بصدمه مـ ـرعبه هو الحيـ ـوان ده بيكلمني انا ؟؟؟ انا مخي مش لاحق يستوعب الى بيحصل حتي عشان ارد عليه..!! بقلمي سلسبيل احمد ”
” خرجت من الفيلا و ركبت عربيتي و اتحركت بسرعه وانا بحاول مفقدش اعصابي وانا سايقه ”
>>>>>>>>>>>>>>>>>>>>>>>>>>>>>>>>>>>
‘اللهم صلِ وسلم وبارك على سيدنا محمد’
” دخلت البيت بهدوء ولكني مع اول خطوة
لقيت ماما بتتكلم ”
– انتِ وصلتي ؟؟
” غمضت عيني بزهق
مش قادره خالص لخناقة دلوقتي ”
= اه يا ماما.. وتعبانه ومش قادره
– هببتي ايه في المصنع انهارده فهمتي حاجه
واتعلمتي ولا خيبيتها زي كل مره؟
= اشتغلت عادي هكون عملت ايه لسه بتعلم
– ايوه يعني خلاص بقي ليكي لازمه ومهمه زي ادهم ويحيى ولا لسه مش معتمدين عليكي في الشغل؟
” اتنهدت ومكنش عندي طاقه خالص ادخل معاها الجدال ده.. كفايه عليا البقـ ـره الى فور دمـ ـي ”
= ماما انا فعلا مش قادره ادخل مناقشه دلوقتي انا…
اتنهدت بتعب وكملت: انتي مش فاهمه جدو صعب ازاي ومعاملته معايا ناشفه و صعبه !! مهما احاول
اكسبه.. علطول صعب وطلباته بتعجزني
– معلش اهو فاضله يومين ويتكل.. المهم تكوني قريبه منه ومن الشغل وتضمني مستقبلك ياحببتي معندكيش اختيار غير كده
” بصتلها برفض لكلامها ”
= بعد الشر عليه يا ماما.. انا مقلتش لحضرتك بكرهو!
– ومالو حبيه على الله يكون هو راخر بيحبك
= هو بس صعب وبيمشي كلامه على الكل حتي لو غصب عننا محدش بيعرف يقوله لا وبحاول احايله
– يكش بس يكون هيأمن مستقبلك الى ابوكي سابه اسود على دماغنا ودمره
” عيوني دمعت ”
– سابه اسود ؟ و دمره؟ دمره علشان مـ ـات!! هو كان بأيده يفضل عايش !!
= لا ياحببتي ! هو الى بوظ حياتنا لما طلقني وكان عايز يخدك مني كمان.. انتي لو كنتي اتربيتي هناك مع جدتك و جدك كان زمان عندك عقد الدنيا دي عيله مجنـ.ـونه !
برمت شفايفي بذهول: صح.. وانا دلوقتي كويسه.. انا دلوقتي عاقله جدا.. وانا كل يوم بضغط نفسي بسبب انك مخوفاني ان حياتنا هتنتهي لو جدو حصله حاجه.. واني لازم احارب عمي وعياله على مكان ليا في المصنع و في كل حاجه وافهم الشغل واعرف حقي ! الى هيخدوه مش صح ؟؟ انا عندي 25 سنه ومتخرجه بقالي سنة!!! عملت ايه فيها؟ معملتش حاجه غير علطول بحارب في اللا شيء ! انا مليش دعوة بكل ده انا كان نفسي اعيش حياتي
– انتي يابت جرا لمخك ايه؟ تكونيش عايزه تشتغلي بشهاده الحيـ ـوانات دي العبـ ـيطه بتاعتك دي !!!
= ده حلمي !!
– حلمك ايه يام حلمى ما ابن ماجده متخرج من هندسه وابنها التانى من حقوق والاتنين محاوطين جدك وبيشتغلوا معاه.. محدش جري يشنغل بشهادته يعني!!! عيال بتفهم وامهم يا بختها مخلفه اتنين انبهه من بعض.. و كل واحد شغال في مصنع بكره يمسكوا املاك جدك كلها ان كان ادهم ولا يحيى ومش هيبقي لنا اي حاجه !
= انا مليش دعوه بكل ده !! هو انا ذنبي ايه؟؟ انا عملت الى طلبتيه مني.. و اتخليت عن حلمي.. بعد ما درست في طب سنين.. سمعت كلامك ورضيت ادخل حرب مجبوره عليها!!! وابقي تحت رحمة جدي بس لحد كده وكفايه.. انا مش هتجوز بالعافيه
بصتلها بستغراب: جواز ايه ده الى بتتكلمي عنه مين؟
” ملك مسحت دموعها وقررت تقولها ”
– جدو… مصمم بقاله فتره يخليني اتجوز ادهم بالعافيه وقالي نروح انا وانتِ الفيلا بكره وهما كمان وعايز يرتب كل حاجه على مزاجه.. ممكن بقا تتصرفي ارجوكي! انا حاولت اتكلم معاه مدانيش فرصه
” امينة وقفت بفرحه و الفرحه حرفيا مش سيعاها ! ”
= يا ألف نهار ابيض ده احلي خبر واحلي حاجه جدك عملها طول حياته !!!! ده احنا لولا في اخر الليل كنت قعدت ازغرط يا موكوسه!!!
ملك بصدمه: يعني ايه !! مش دول الى انتي لسه بتكرهيهم ؟؟
– كره ايه واحنا هناسبهم وادهم هيبقي جوزك! هو فيه احلي من دي جوازه اطمن بيها عليكي ؟
= الكلام ده مش هيحصل !!! ماما انا مش عايزه اتجوزه اصلا مش عاوزاه !!؟؟
– بس يابت انتي مش عارفه مصلحتك !
= لا افهميني انا مش هتجوز ادهم !! انا عمري ما هتجوز بالطريقه دي ولا هتجوز واحد مش بحبه
– نعم ؟؟؟ حب ايه؟ حد يرفض جوازه زي دي ؟؟؟ ده انا مستغربه ان جدك عمل كده!! ده عمره ما عمل حاجه عدله بس تلاقيه عارف انهم ممكن ياكلونا بعد ما يموت عشان كده عمل حكاية الجواز دي.. اه ليه لأ.. بيدج الفيس بوك بتاعتي سلسبيل احمد مهو الى مربي قرد اردىٰ بألاعيبه.. وهو عارف عمك محمد ياكل مال النبي و ممكن يضحكوا علينا هو وعياله..
بصتلها بفقدان امل: انا سيبت كل حاجه ومشيت وراكي ونفذت رغبتك بس دلوقتي بطلب منك تتكلمي معاه و تحلي الموضوع ده لأني مش موافق
– حببتي.. جدك محدش بيمشي كلامه عليه.. الكلمه الى بيقولها بتتنفذ على الكل.. ولا انتي فكراني اطلقت من ابوكي ليه؟ مهو بسبب جدك.. وعمك محمد الى كان مالي دماغه و بيلعب فيها..
عيوني لمعت بالدموع: يعني ايه؟ ولو قولتله اني رافضه ؟ هيعمل ايه يعني
= هيغصْب علينا وتبقي بوظتي كل الى عملناه.. هيرجع يعالمنا بطريقه كأننا شحاتين.. مشوفتيش كان بيكرهني ازاي من سنين.. وفرح قد ايه لما ابوكي طلقني اوعي يغرك طريقته معانا دلوقتي.. ده بس عشان ميبانش وحش ولا عليه غلط.
– مش مهم احنا مش محتاجين له انا هشتغل! ماهو عمي جمال مشي وسابه وعايش كويس اهو
= اه قصدك متبهدل في الغربة عاوزانا نتبهدل؟
” مسحت على وشي بإرهاق.. وهي دخلت و سابتني.. وكأنها بترميني فى النـ ـار.. وبتقولي مليش دعوة! ”
>>>>>>>>>>>>>>>>>>>>>>>>>>>>>>>>>>>
‘ سبحان الله وبحمده سبحان الله العظيم ‘
|| تاني يوم | الساعه 8 داخل فيلا عزت الحاوي ||
” مكنتش اعرف ان كل ده مستنيني والموازين كلها تتقلب فجأة وتقلب حياتي بدون سابق انذار.. كنت شايفه يحيى اخو ادهم جمبه وعمالين يتكلموا.. وعمي محمد باصص ناحيه ماجده مراته وكأنهم مش عاجبهم الى بيحصل خالص ”
” وطبعا ماما قاعده توزع نظرات حارقه للكل وانا وسط كل ده حاسه اني عايزه اصوت ”
” خرجت الجنينه و سيبتهم وبدأت اشم نفسي قبل ما جدو يجي.. ”
” وبعد تلت اربع دقايق لقيت السئيل واقف جمبي ”
– طبعا طايره من الفرحه عشان هتتجوزيني
بصتله بهدوء: انت لو مسكتش انا هخبطك على نفوخك بالحجر ده اجيب اجلك يا ادهم تمام.؟
= واو ده احنا هنعمل دويتو رهيب
– بجد والله؟ يعني انت عاجبك الى بيحصل ده!
= و ميعجبنيش ليه؟ انا كده يعتبر خلاص بما اني اكبر وريث و هتجوز وامسك شغل العيلة يبقي هكون متحكم في كل شيء.. بما فيهم انتي شخصيا
ابتسمت بسخريه وبصتله: انت متخيل انك ممكن في يوم من الايام تبقي متحكم فيا؟
– انا متأكده مش بتخيل
= احلم براحتك..
لما تصحي على كابوس متبقاش تعيط..
– ولا كابوس ولا حاجه ده احنا مستنينا فتره عسل
= مش قادره استوعب انك موافق على الجواز وانت عارف اني مش بطيقك ولا عاوزاك.. انت رامي كرامتك في البحر
– وانا الى ميت في حبك اوى؟ ما تبصي لنفسك فى المرايا ولا بلاش.. شوفي البنات بتبقي عامله ازاي..
انا يحببتي البنات بتترمي عليا! بس سبحان الله اقع فيكي انتِ غصب عني.. انـ..
بصتله بحده وقاطعته: بطل قلة ادب واحترم نفسك طالما الموضوع كده قول لجدو انك مش عايز ! و فوق من اللعبه الخسرانه الى بتلعبها دي مش هنستفاد حاجه لما نقـ ـرف بعض وحياتنا تدمر زياده بسبب تحكمات جدك دي !
– انتي الى محتاجه ياحببتي تفوقي مش انا .. العيله مفهاش بنات غيرك.. كلنا رجاله فا تحمدي ربنا ان هيبقي ليكي مكان وسطنا بعد ما تتجوزيني.. مش احسن ما كنتي تفضلي حياتك على المحك..؟ ولا كنتي فاكره انك ليكي نفس الاهميه زينا؟
= و انا مش مهتمه بكل ده.. انا لو عليا.. كنت سيبت كل ده ومشيت بعيد عنكم من ساعه وفاة بابا.. كنت همشي بعيد عن جدو وتحكماته لكن
مقدرتش.. انما انت حتي و
انت ابوك عايش بيتحكم فيك ومتقدرش ترفع عينك فيه على الأقل انا مليش حد يقفلي !! لكن انت رامي نفسك تحت رجليه
” ملك كانت قاصده تستفزه فا ادهم جز على سنانه بجزء من العصبيه وحاول يمسك نفسه قدامها”
” ابتسم ابتسامه مزيفه يداري بيها نرفزته ”
– جدو عمره ما اجبرني على حاجه وانا وهو متفاهمين جدا اخرجي انتي منها ولو عايزه تبوظي الموضوع بوظيه بنفسك انا مش هنطق بحرف..
” ضحكت وسكتت فا ادهم بصلها ”
= انتي بتضحكي على ايه؟؟؟
– انت بعد كل ده! لسه مصمم تكمل انت فعلا اعمى
= اسمعي.. عشان ننهي القـ ـرف الى احنا فيه ده..
انا جوازي منك مجرد لعبه وبمزاجي انا فا مخك ميروحش بعيد انا مش مربوط بحاجه اخري لما نبقي قدامهم همثل عليهم اني بعاملك كويس وخلصت
بصتله بسخريه: امممم و من وراهم؟
– من وراهم مش عايز اي حاجه تجمعني بيكي
اصلا اظن واضحه
” في اللحظه دي ملك كان صبرها خلص.. حاولت كتير توقف الموضوع بهدوء.. وتكلمه بالعقل كان عندها امل بس كل ذرة كرامه بتحاول تحافظ عليها قدام نفسها كان ادهم بيهدها بمنتهي السهوله ! ”
” بصتله بثبات وبصت لعينه مباشرًة ”
– وانت بتقول ان جدو عمره ما اجبرك على حاجه.. نسيت حاجه مهمه اوي يا ادهم! وانت لسه عندك 21 سنه وفي الجامعه! لما جيت تترجاه يا عيني! عشان يوافق على البنت الى حبيتها لكنه رفض عشان عيلتها فقيره وشافهم مش من مستوي عيله عزت الحاوي..! وقتها فاكر الى حصل يا ادهم ولا افكرك؟ افكرك انا.. ساعتها كنت ناقص تبوس رجله يا ادهم.. ولكن هو رفض واجبرك تبعد عنها وتنساها بعد لما بعتبر كرامتك وهانك علشان جايب بنت فقيره عايز تدخلها عيلتنا.
ضحكت وبصتله بتريقه: اوعي تنسي بقي انك كنت في يوم مذلول وخسرت حبك لما جدك داس عليك بس واضح انك اتعودت.. وهتعيش مدْلول باقي حياتك
” ملك خلصت كلامها وهي بتضحك وبتبصله بشماته ”
“لكن ادهم قرب منها ومسك دراعها بقوة و بكل الغضب الى جواه شدها ناحيته”
” بصتله بصدمه من ردة فعله”
– اقسم بالله يا ملك لولا الظروف الى احنا فيها دي كنت عرفتك ازاي تتكلمي معايا انا كده
ملك حاولت تفلت من ايده و زعقت جامد: انت اتجـ ـننت ابعد عني واياك تفكر تمد ايدك دي عليا تاني انت فاهم اوعىٰ بقولك سبني !!!!!
” ادهم كان مازال ماسكها بقوة وصْغط على دراعها بتحدي لحد ما قاطعه صوت عزت من بعيد “